شريعة البشر بإختصار

[SABE]

يدرس الوضع بشكل جيد من خلال ذكائه الذي وظفه على طريقته الخاصة ..
وظفه ليصبح كالعلقة التي تسخر إمكاناتها للإلتصاق بضحيتها و إمتصاص دمها ..
بعد ان يكون قد درس الوضع و إختار فريسته الذكية .. و التي بنت بذكائها جسمها الكامل , و إنطلقت من الصفر لتصنع لنفسها مجداً ...
بعد هذا يأتي الشخص (( الذي سأسميه العلقة )) و يحاول الصعود على كتف الشخص الثاني , و الإنطلاق من النقطة التي وصل إليها , و صنع مجده على حساب هذه الضحية ...
لكن السؤال هنا , ما مدى سخافة هذه الضحية ؟؟ و هل يكتشف نوايا الشخص العلقة قبل فوات الأوان ؟؟
هنا تلعب القوة دورها .. و الأقوى يستطيع أن يثبت نفسه .. تماماً مثل شريعة الغاب ..

قد يقول البعض ما هذا الكلام و ما معناه ؟؟؟ لكن بنظرة واقعية إلى المجتمع الذي نعيش فيه نكتشف و بسهولة مَن مِن الناس يمثل كلاً من الطرفين ..

بالإضافة إلى فئة حيادية .. ليس لها علاقة بكل ما سبق ذكره ... لا تعتبر فريسة للشخص العلقة .. و لا يهمها أن تبني مجداً على حساب شخص آخر .. أو بالأحرى لا يهمها أن تبني شيئاً على الإطلاق ...

لكن الطريف في الموضوع .. إن الشخص الذي صنع مجده على حساب شخص آخر , بالأكيد سيأتي من يصنع مجده على حساب هذا الشخص ... و هكذا تستمر العلقات بالتكاثر في مجتمعنا.. و تستمر علاقة المصلحة بين الأشخاص بالتزايد أيضاً ..و يندر الأشخاص الذين نستطيع الثقة فيهم ثقة مطلقة , أو بالأحرى ينعدمون ...

لكننا ومثل باقي الحيوانات (( عفواً على هذه الكلمة )) ...
نتأقلم مع هذا الوضع ..ولا نشعر به على أنه غريب أو على إنه موضوع يستحق التفكير به بحد ذاته ..
فيا ترى !!!! أي نوع من هؤلاء أنت ؟؟؟
سعيد 24/1/2005

[مجد]

مع كامل احترامي ما كنت بعرف ان تفكيرك هيك





النص كتير حلو




بتمنى تضل هيك

[Kakabouda]

لكننا ومثل باقي الحيوانات (( عفواً على هذه الكلمة )) ...
نتأقلم مع هذا الوضع ..ولا نشعر به على أنه غريب أو على إنه موضوع يستحق التفكير به بحد ذاته ..
فيا ترى !!!! أي نوع من هؤلاء أنت ؟؟؟

عفواً انا بحترم رأيك بس قيم نفسك الأول بعدين ابدا اسأل العالم ...

[SABE]

شكراً مجد عالمرور .. و الله هاي الفكرة كتبتها من زمان و ما كنت منزلها قبل هون ... (( ما كنتي مبالك إنو تفكيري هيك ... شو يعني كان مبالك أحسن ولا أسوأ ؟؟ ))

كاكابودا أنا بحترم رأيك كمان .. و متل ما قلت هالشغلة كنت كاتبها من زمان و كتبتها بعد ما كنت شاهد على شغلة كتير واضحة عن الشي اللي كتبتو .. شخص عميمتطي ظهر شخص آخر مشان يوصل للنقطة اللي موصلها الشخص هاد و ينطلف من هالمحل .. و إذا إنتبهت أنا كاتب إنو الشخص الأول هو اللي بنا حياتو لحالو .. و ما إضطر يتطفل على أي شخص مشان يوصل للي بدو ياه .. و هالشي هو وصلو بعد سنين من التعب لبين ما وصل لهالمرحلة هاي ... القصد العام إنو في عالم كمان قدرت توصل لنقطة مينة من جراء تعبها و انت بتعرف و أنا كمان بعرف كتير عالم من هالنوع هاد ..و كمان منعرف كتير عالم من النوع التاني .. اللي مسميه هون العلقة ..

و بمناقشتي للفكرة حبيت إطرح الموضوع للتساؤل و لحتى كل واحد مننا يفكر شو هو و شو الناس اللي حواليه .. مو طرححت السؤال لحتى أعرف كل واحد شو .. لو هاي كانت الغاي كنت أنا أول واحد بجاوب عن حالي ..
بس شكراً لردودكون اللي خلتني إرجع إتذكر هالفكرة هاي و رد إقراها .. و نشكر الله إنو الواحد بيسجل كتير شغلات بتصير معو .. و وقت بعد فترة بيرجع بيقراها و خصوصي إنو هو اللي كاتبها .. بقا بيرجع إحساسة لنفس اللحظة وقت كان عميكتب فيها هالشغلة ..
و هلأ بعد مرور شي عشر أشهر من كتابتي لهالفكرة هاي .. إساتني مقتنع بالفكرة و عمشوف كل نهار أشخاص عمتتسلق على أشخاص تانيين .. و أشخاص عميضيع تعبها على حساب أشخاص تانيين ... (( و بكل شي في مجالات ممكن الواحد يتخيلها .. مشان هيك أنا ما حددت شي معين ))
و مرة تاني شكراً إلكون على قراءة هالخربوشة و إبداء رأيكون بصراحة ..

[مجد]

هاااااااااااااااااااااااا ااي اول شي الحمدلله عالسلامة
ما كان قصدي أسوأ ولا أحسن كنت مفكرة غير هيك عالأخر