قبل أن تشترى( ال تى شيرت )إعرف ماهو معنى المطبوع عليه

[العيثوب]

السلام عليكم

استوقف احد الاجانب سائحا عربيا بصحبته طفل صغير وسأله .. ما سعر هذا الطفل؟
فاعتلت الدهشه والد الطفل اثر هذا السؤال فما السبب الذي دعى هذا الاجنبي لان يسأل هذا السؤال ؟
وسأله لماذا تسأل هذا السؤال؟
وقال له انك كتبت على قميصه من الخلف طفل للبيع Baby For Sale !!!!
فتعلم اخي بعض الكلمات التي تكتب على الملابس وانت تشتري في هذه الايام ملابس العيد لابناءك
(Zion صهيوني)
(Kiss me قبلني)
(I’m ready for ***ual affair أنا مستعدة لعلاقة جنسية)
(Take me خذني )
(Christianity النصرانية)
(Vixen امرأة سيئة الخلق )
(Follow me اتبعني )
(Christmas عيد المسيح)
(Nude العارية/العاري )
(Buy me اشترني)
( I’m Christian أنا مسيحي)
(Whore عاهر/بغي )
(Sow خنزيره )
(I’m Jewish أنا يهودي)
(Theocrasy الشرك بالله)
(Pig خنزير)
(Bible كتاب المسيحيين)
(Socialism الاشتراكية)
(Pork لحم الخنزير)
(Birthday عيد الميلاد)
(Hussy امرأة وقحة/فاجرة)
(Vice رذيلة)
(Church كنيسة)
(Chorus girl راقصة الملاهي)
(Vicar كاهن)
(Madonna مريم العذراء)
(Cupid اله الحب)
(Gospel إنجيل)
(Lusts شهوات)
(Dram كاس خمر)
(Adulterer فاسق-الزان)
(Eccentricity شذوذ)
(Brew مشروب مخمر)
(Adultery زنى)
(Charm تعويذة يستخدمها السحرة)
(Brahman كاهن هندوسي)
(Base-born ابن زنا)
(Spirit من الكحول)
(Brandy مشروب مسكر)
(Bawdy فاجر/فاسق)
(Flirt يغازل )
(Mason ماسوني)
(Saint قديس)
(We buy a people نحن نشتري الناس)
(Kirk كنيسة)
(Tippler مدمن خمر)
(clergyman كاهن)
(Atheist ملحد)
(Synagogue كنيسة معبد اليهود)

(أبوحاتم)

[suzaan]

يسلمن على التنبيه

الموضوع كتير حلو

[saman]

وشو المشكلة بهالكلمات ؟

(Christianity النصرانية)
(Follow me اتبعني )
(Christmas عيد المسيح)
( I’m Christian أنا مسيحي)
(I’m Jewish أنا يهودي)
(Socialism الاشتراكية)

هي اولاً ...

تانياً في مليون تخبيص وتخبيصة بهالمسخرة المكتوبة هون :
(Birthday عيد الميلاد) .. بيرثداي يا بني آدم لو كنت اغبى الاغبياء بالانكليزي.. بتعرف انو معناها عيد ميلاد الشخص او يوم ميلادو حرفياً

(Chorus girl راقصة الملاهي) .. منين طلعت معك .. كورس== ملاهي ... كورس... جوقة .. كورال غناء ... ما عم لاقي وين المشكلة بهالكلمة

(Madonna مريم العذراء) .. لأ اليوم انت بدك تموتني ضحك .... انو يعني كيف طلعت معك مادونا=== مريم العذراء .. وين وجه التشابه ما كنت اعرف ... بكل الاحوال حتى لو كتبت كلمة (Mary ) يلي معنى هالاسم مريم بالعربي... ووين المشكلة باسم مريم العذراء ان كانت الحاطتو مسلمة او مسيحية ؟؟؟؟

(Eccentricity شذوذ) .. شذوذ شو لك خالتي !! ... عيني... هاد شذوذ عن القاعدة يعني هي الكلمة بيستخدموها عن الشي الخارج عن القاعدة .. ما بيستعملوها بالامور الجنسية ... !

(Charm تعويذة يستخدمها السحرة) .. اي وشو المشكلة بهالكلمة ... الا ازا كنت مآمن بشي خرافي اسمو سحر !

(Saint قديس) .. بتجي بمعنى قديس وبتجي بمعنى ولي وتقي ...

(Flirt يغازل ) .. نو كومنت !

[sliman]

مشكور سمان على التعديلات

[ابو ريتا]

كاتب النص الأصلي : saman

(Flirt يغازل ) .. نو كومنت !

عجبتني ... شو رأيك نحطها عالفيس بوط

[ابو ريتا]

كاتب النص الأصلي : saman

وشو المشكلة بهالكلمات ؟

بتصور هون المشكلة

كاتب النص الأصلي : العيثوب

السلام عليكم

[suryoyo]

(Theocracy الشرك بالله)

هي الحكم الديني ... اللي الحبايب مطبقيه

[LiOnHeArT.3LA2]

(Atheist ملحد)

خيو .. بما انك عم تفتل كتير ..
وتنزل عالاسواق وتشوف الكنزات ..
شفلي شي كنزة مكتوب عليها هيك ..
ما عم لاقي يا رجل .. يوحرء حريشك كنو صعين ..

(Brandy مشروب مسكر)

ما كتير ..
بدو وقت .. بس منيح
صحي زكرتني
ازا كاتبين
Black
نشتري ؟ ولا لاء؟
لأنو على فكرة ..
هادا مشروب مسكر .. ومفتح ..

[LiOnHeArT.3LA2]

(Kiss me قبلني)
(I’m ready for ***ual affair أنا مستعدة لعلاقة جنسية)
(Take me خذني )

شي جميل ..
بفهم من حكيك ..
انو ازا ما كنت كاتب هدول الشغلات عكنزتك ..
وصارت معك شغلة من هدول الشغلات التالتة ؟
رح تهرب ؟

[Nasserm]

كاتب النص الأصلي : العيثوب

فتعلم اخي بعض الكلمات التي تكتب على الملابس وانت تشتري في هذه الايام ملابس العيد لابناءك

(...)


(أبوحاتم)

أب حاتم.. حاجتك كظ ع العـِـباد..

لسّا هاداك اليوم لقطوك وإنت لابس تي شيرت عليه شغلات والعياذ بالله!

مو؟


لأ وبقلب الجامع كمان!!

أبو حاتم ع اليسار.. بالـ "تي شيرت" السودا

[العيثوب]

كاتب النص الأصلي : Nasserm

أب حاتم.. حاجتك كظ ع العـِـباد..

لسّا هاداك اليوم لقطوك وإنت لابس تي شيرت عليه شغلات والعياذ بالله!

مو؟


لأ وبقلب الجامع كمان!!

أبو حاتم ع اليسار.. بالـ "تي شيرت" السودا

الله يسامحك لأنو مو صحيح البلد اللى أنا عايش فيها ما فيها جامع يا محترم

[ابو ريتا]

هلأ بيعتبرو انك عم تهينو للأخ ... وبيطرقوك مخالفة ... هي لازم تنزل عا قسم التحشيش

[ابو ريتا]

كاتب النص الأصلي : العيثوب

الله يسامحك لأنو مو صحيح البلد اللى أنا عايش فيها ما فيها جامع يا محترم

عطيني بلد بالعالم ما فيه جامع ؟؟؟؟
الا الفاتيكان .... ما تقلي انك بالفاتيكان ...

عا فكرة ... بتعرف انو مرت فترة المسلمين طالبو ببناء جامع بنص الفاتيكان !!!!!
ومن ناحية تانية .... مين بيسترجي يطالب ببناء كنيسة بنص مكة !!! أو المدينة ( المنوّرة ) !!!
ما تقلي لأنو ما فيه هونيك من الجالية المسيحية ... كمان بالفاتيكان مافيه مسلمين !

[العيثوب]

كاتب النص الأصلي : ابو ريتا

عطيني بلد بالعالم ما فيه جامع ؟؟؟؟
الا الفاتيكان .... ما تقلي انك بالفاتيكان ...

عا فكرة ... بتعرف انو مرت فترة المسلمين طالبو ببناء جامع بنص الفاتيكان !!!!!
ومن ناحية تانية .... مين بيسترجي يطالب ببناء كنيسة بنص مكة !!! أو المدينة ( المنوّرة ) !!!
ما تقلي لأنو ما فيه هونيك من الجالية المسيحية ... كمان بالفاتيكان مافيه مسلمين !

بتسمع بدوله إسمها ليختنشتاين يا معتر هونيك مابيعرفوا الفاتيكان وين ولا بيعترفو بالأديان ؟؟؟

[ابو ريتا]

كاتب النص الأصلي : العيثوب

بتسمع بدوله إسمها ليختنشتاين يا معتر هونيك مابيعرفوا الفاتيكان وين ولا بيعترفو بالأديان ؟؟؟

قصدك عن هي

هات لنشوف
رابع أصغر دولة بالعالم (بعد الفاتيكان و موناكو و سان مارينو)
الديانات
كاثوليك: 81 % - بروتستانت 7 %.
الاسلام: 0,6 % عدد المسلمين 21,579
ديانات اخرى : 8 %

ما تقلي هالمجموعة ماعندون مسجد !

[ابو نجبو]

طولولنا بالكون ياشباب و بلا ماياخد الموضوع أكتر من حجمو ...

هاد ....والله العليم ....انو عمّو أبو حاتم اليعسوبي كان فاتح منتدى سعودي و أخوية ...واجاه هاد الايميل ...هو كان ...والله العليم ...ناوي يحطّو بمنتدى سعودي من جماعة " مشكوووووووور - ماننحرم - تكفا بالغالي ....الخ " ....بس سهي ...والانسان بيسهى أحياناً ...قام خربط و حطّو هون بأخويّة...



وأنا بالنيابة عنّو عمو أبو حاتم بعتزر من الجميع ......



وانته عمّو أبو حاتم .....لفّا و اعتزر و وعدني مابقى تعيدا .....


خلص ياشباب ...الزلمة وعدنا انو مابقى يعيدا ....

[العيثوب]

كاتب النص الأصلي : ابو ريتا

قصدك عن هي

هات لنشوف

رابع أصغر دولة بالعالم (بعد الفاتيكان و موناكو و سان مارينو)


الديانات


كاثوليك: 81 % - بروتستانت 7 %.


الاسلام: 0,6 % عدد المسلمين 21,579


ديانات اخرى : 8 %

ما تقلي هالمجموعة ماعندون مسجد !

برابو عليك أنا من القسم تبع الديانات الأخرى؟؟؟

[ابو ريتا]

كاتب النص الأصلي : العيثوب

برابو عليك أنا من القسم تبع الديانات الأخرى؟؟؟

طيب ريحّنا من الأول وماتنزل موضوع متل هاد !!!