معمّر القذافي ....دخّل الناس بالحيط

[ابو نجبو]

طالب الزعيم الليبي معمر القذافي بتحقيق في كل الحروب والاغتيالات ودعا الولايات المتحدة لمغادرة أفغانستان، في خطاب مطول هو الأول له أمام الجمعية العامة، وهي هيئة دعا إلى أن تحول إليها سلطات مجلس الأمن الذي بات "مجلس رعب"، ممزقا نسخة من ميثاق الأمم المتحدة لأن أعضاءها غير متساوين في الحقوق وفشلت في منع عشرات الحروب.

وذكّر القذافي، في خطاب مدته ساعة ونصف، بأن 65 حربا نشبت منذ إنشاء الأمم المتحدة، وإصلاحُ المنظمة ليس بتوسعة مجلس الأمن لأنه لن يمكن التوفيق بين الدول الكبيرة.

وتساءل كيف تتنازل إيطاليا التي قاتلت مع الحلفاء عن المقعد لألمانيا التي سببت الحرب العالمية وهزمت فيها؟ واعتبر الحل هو إلغاء العضويات الفردية لصالح الاتحادات القارية.

مقعد لأفريقيا
واعتبر القذافي أن أفريقيا جديرة بمقعد دائم، حتى دون إصلاح مجلس الأمن، استحقاقا عن الماضي كـ"قارة معزولة ومضطهدة ننظر إليها كحيوانات ثم عبيد ثم مستعمرات تحت الوصاية".

وقال إن الصين هي الدولة الوحيدة التي "صوتنا" عليها في مجلس الأمن الذي يحاكم دولا يفترض أن يترك أمر اختيار أنظمتها لمجتمعاتها فهي حرة، حسب قوله، في أن تكون ديكتاتورية أو رجعية أو ما شاءت.

وتساءل لم لا يسمح لطالبان بأن تحكم أفغانستان دولةً دينية "كالفاتيكان"؟.

ووصف القذافي الجمعية العامة بأنها "هايد بارك"، متنزه لندن الشهير، أي أنها منبرٌ للخطابة فقط، وهاجم الوكالة الدولية للطاقة الذرية ومحكمة العدل لأنهما تحاسبان الضعفاء فقط، على حد قوله.

تعويض المستعمَرين
وعرض مقترحا لتعويض الدول المستعمَرة لتتوقف الهجرة (نحو الشمال) لأنها جري وراء ثروات منهوبة، حسب قوله، فلا هجرة من بلاده إلى إيطاليا لأن الأخيرة أقرت تعويضها عن الاستعمار واعتذرت، ووقعت معاهدة تمنع الاعتداء عليها.

واقترح أن يُدفع إلى أفريقيا 777 تريليون "تريليون شو الله أعلم " تعويضًا عن المرحلة الاستعمارية.

وحيا كلمة باراك أوباما قبله كخطاب لم يدل به أي رئيس أميركي عاصره، وقال إنه يوافق على كل ما جاء فيه كحديثه عن استحالة فرض الديمقراطية من الخارج.

أوباما الأفريقي
وقال إن أفريقيا فخورة بابنها "الأسود" الذي صار رئيسا، لكنه "ومضة في الظلام" عمرها أربع سنوات وبعدها "من يضمن من يحكم أميركا؟".

ودعا أيضا لتحقيق في قضايا كثيرة، كغزو غرينادا وبنما وحربي العراق وأفغانستان وإعدامات لم يعرف من نفذها، حسب قوله، كإعدام صدام حسين وهو أسير حرب و"رئيس دولة عضو في الأمم المتحدة"، وأيضا للتحقيق في فضيحة "أبو غريب"، والعدوان على غزة ومجازر صبرا وشاتيلا.

وتساءل لم لا يحقق في اغتيال باتريس لومومبا، وحتى الرئيس الأميركي جون كينيدي الذي صُفي -حسب القذافي- لما أراد إخضاع مفاعل ديمونة الإسرائيلي للتفتيش.

وتطرق القذافي إلى قضايا عديدة من إنفلونزا الخنازير ومعاهدة أوتاوا لحظر الألغام المضادة للأفراد إلى فلسطين ودارفور والقرصنة البحرية.

فيروس مُصنّع

واتهم القذافي شركات كبرى بنشر فيروس إنفلونزا الخنازير وتصنيع المصل المضاد للمتاجرة به، متسائلا كيف يدفع الإنسان مقابل الدواء؟.

واعتبر اتفاقية أوتاوا الحالية خاطئة ودعا الموقعين لمراجعة مواقفهم، لأن من حقهم استخدام الألغام لأنها دفاعية أصلا.

)
أما القضية الفلسطينية فلا حل لها -حسبه- إلا في دولة واحدة ديمقراطية للشعبين، لاستحالة قيام دولتين متجاورتين، لأنهما متداخلتان أصلا.

وخاطب اليهود قائلا إن العرب هم من حماهم من الرومان ومحاكم التفتيش والمحرقة، والغرب يزج بهم الآن ليقاتلوا من دافعوا عنهم.

دفاع عن القراصنة

أما في دارفور، فقد استتب السلام حسب القذافي الذي اتهم الدول الغربية بتأجيج الصراع بحثا عن موطئ قدم، ودعاها إلى تحويل المساعدات إلى مشاريع إنمائية.

ورافع عن قراصنة الصومال فهم يدافعون -حسبه- عن ثروة بلادهم التي تنهبها دول تلوث مياههم أيضا بالنفايات السامة، وقال إنه التقى بهم وعرض عليهم معاهدة تحمي حقوق بلادهم مقابل توقف أعمال الخطف.

ولم يخل خطاب القذافي من لقطات دراماتيكية، فتساءل مثلا في وسط الكلام عما إن كان المترجم سيستطيع ترجمة قوله "زاد الطين بلة"، وتوقف عن الخطاب برهة وحمل سماعة الترجمة ليرى كيف ستنقل، وعرض على المترجم عبارة Add insult to injury.

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

[ابو نجبو]

هاتو لنشوف.....


عطونا رأيكون ....

[I_Love_Syria]

يا سيدي الصبح ضحكت من قلبي

على هامش القذافي حدى شاف خطابو تبع الكولا

[Sun Shine Art]

ولك الله اذا رؤوساء دولنا محشيشن وضاربين ع التقيل شو عتب ع هل الشعب ..ايه يروح اول شي يحاسب حاله ع الدكتاتوريه تبعه ببلده وع شعبه ...هي من ناحيه سياسيه

ام من الناحيه الترفيهيه ..فا انا بعتبر حركاته اكشن حلو يعني للضحك وتغير جو

بس شو بدك بالحكي النوع الي بيتعطى نادر يبدو

[marochka]

بس عن جد أنو مو قليل أبداً، محشش عالتقيل وبقول اللي بدو ياه (مع أنو في جزء كبير من حكيو مظبوط) و ما عم يسترجو يزعلوه. أنو لو بيحاسب حالو متل ما عم يحاسب الأمم المتحدة مو كان بيصير عن جد عجيبة زمانو؟

[حلبي]

بالله عليكون أش بختلف هالقدافي عن الممثلين و المطربين اللي بطلعونا على شاشات التلفاز و بقعدو بنظرو علينا و بيحكو عن المثالية و عن الأخلاق و عن تقويم البشرية و لما بتنظر الى حياتهم الشخصية الحقيقية بتتفاجئ بأنهم من أكثر الناس فشلاً في الحياة

يعني لو يروح على الشام و يتبناه شي مخرج ليمثل بشكل رائع و يمكن ينافس الممثلين السوريين مو كان هيك أحسن ألو و الى الشعب الليبي الراسخ تحت هبل هذا المهرج الفاشل في تربيت أبنه هنيبعل على الأقل فما بالك في الكوارث التي حلت على الشعب الليبي جراء تفهات هذا الدمية التي لا ندري من يحركها بين الفينة و الأخرى

[ابو نجبو]

كاتب النص الأصلي : Sun Shine Art

ولك الله اذا رؤوساء دولنا محشيشن وضاربين ع التقيل شو عتب ع هل الشعب ..ايه يروح اول شي يحاسب حاله ع الدكتاتوريه تبعه ببلده وع شعبه ...هي من ناحيه سياسيه

ام من الناحيه الترفيهيه ..فا انا بعتبر حركاته اكشن حلو يعني للضحك وتغير جو

بس شو بدك بالحكي النوع الي بيتعطى نادر يبدو

كأنو حسّيتلك انو هو مابتعاطا حشيش.....









والله العليم كأنو الحشيش بيتعاطاه.....

[ابو نجبو]

كاتب النص الأصلي : marochka

بس عن جد أنو مو قليل أبداً، محشش عالتقيل وبقول اللي بدو ياه (مع أنو في جزء كبير من حكيو مظبوط) و ما عم يسترجو يزعلوه. أنو لو بيحاسب حالو متل ما عم يحاسب الأمم المتحدة مو كان بيصير عن جد عجيبة زمانو؟

انا اللي عجبني الكتاب الابيض......


انشالله عالخمسينية رح ينزّل الكتاب الازرق......


جد خلينا نحكي ....

هو المشكلة انو طرح شغلات منطقية ....بس بأسلوب غير منطقي أبداً...

شي يقلّن للموجودين ...نايمين ...تعبانين....مجرد كومبارس ....هايد بارك...

اي عيب ....

وين شايف حالو ..بسوق الجمعة !!

[ابو نجبو]

كاتب النص الأصلي : حلبي

بالله عليكون أش بختلف هالقدافي عن الممثلين و المطربين اللي بطلعونا على شاشات التلفاز و بقعدو بنظرو علينا و بيحكو عن المثالية و عن الأخلاق و عن تقويم البشرية و لما بتنظر الى حياتهم الشخصية الحقيقية بتتفاجئ بأنهم من أكثر الناس فشلاً في الحياة

يعني لو يروح على الشام و يتبناه شي مخرج ليمثل بشكل رائع و يمكن ينافس الممثلين السوريين مو كان هيك أحسن ألو و الى الشعب الليبي الراسخ تحت هبل هذا المهرج الفاشل في تربيت أبنه هنيبعل على الأقل فما بالك في الكوارث التي حلت على الشعب الليبي جراء تفهات هذا الدمية التي لا ندري من يحركها بين الفينة و الأخرى

لا وعمبيحكي عالتعويضات لافريقيا....

ونسي يحكي عن صفقة الممرضات اللي طلعو ببلاش ...واستقبلو بأوربا استقبال الابطال

[ابو نجبو]

كاتب النص الأصلي : I_Love_Syria

يا سيدي الصبح ضحكت من قلبي

على هامش القذافي حدى شاف خطابو تبع الكولا

خطاب الكولا كمان .....؟؟

هات هات ...

ازا عندك ياها عطينا و اتحفنا ..

[الصمت الناطق]

صح مصاب بجنون العظمة بس ماحدا فهمان متلو

عالاقل الزلمي بيحكي اللي مابينحكى

[I_Love_Syria]

كاتب النص الأصلي : ابو نجبو

خطاب الكولا كمان .....؟؟

هات هات ...

ازا عندك ياها عطينا و اتحفنا ..

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

إذا ما بيشتغل عندك اليوتيوب إلي المسا برفعلك ياه على موقع تاني

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

وهاد بيشرح وجهة نظرو بنظام التعليم العالمي الكلاسيكي ومقترحاتو لنظام تعليم أفضل

[يمان Rooooonaldo]

بس عن جد أنو مو قليل أبداً، محشش عالتقيل وبقول اللي بدو ياه (مع أنو في جزء كبير من حكيو مظبوط)

بالضبط ..

[مجنون يحكي وعاقل يسمع]

أنا بشوف الموضوع أكبر من القراءات والتعليقات اللي الشباب حاطينها
هوي صحيح اليخ معمر عندي إمكانيات هائلة بالهبلنة وممكن يوزع هبال على الأمم والمتحدة ومن تمثل، وصحيح هو دكتاتور من الديكتاتوريينن من بني يعرب وصحيح صرلو من يوم يومو ، وصحيح هو من الزعماء الخالدين أو من أطولهم خلوداً في بني خالد ، وصحيح أنو أي زعيم ديمقراطي ومنفتح في أي دولة من دول تخلفتان رح يكون مصيرو الخلع من قبل الأمم المتحدة وصاحبها مجلس الأمن ومنتفعاته من المنظمات المحيطة به

أنا بشوف أنو أول خطوة للشعوب المستعبَدة سواء من حكوماتها أو إستعمار تاني خارجي للتخلص من الإستعباد هو في إلغاء هالمنظمة اللي صارت مهمتها استبداد الشعوب باسم الدفاع عنهاوالتستر على جرائم الكبار , وشفنا كتير من تجارب الديمقراطية قام فيها رجالات دولة في دولون كان نتيجة هجوم أحد الدول دائمة العضوية على هالزعيم وعلى شعبو وتنصيب رب أو دكتاتور مكانو
لكلمة الشيخ معمر أهمية أكيدة إذت كانت الترجمة الفورية أمينة ومعظم ما قاله الشيخ معمر صحيح ودقيق وجاييكون الزمن بدكون تسمعو حكي المجانينوبدو يصير (المجنون يحكي والعاقل يسمع)
ونحن السابقون والشيخ معمر من اللاحقين

[محمد ابراهيم]

90% من كلام الرجل حقائق بغض النظر عن اسلوبه او ما تم بنائه على تلك الحقائق .
اذا كان الرجل مهرج او ممثل او شيخ الهبلان فهو المهرج الاوحد والممثل الافرد وشيخ الهبلان الأول الذي نطق بتلك الحقائق كلها في ان واحد بموقع مثل هذا .

[Sun Shine Art]

هلى ما اختلفنا معكون انه حكيه اوكي في منطق ومابعرف وهل القصص ..ايه بس كمان بضل حكي وللاستعراض هلى يعني اذا قامت ثوره وقائدها عمو القذافي لح تمشو وراى ..يا عيني هو حكى كلام اي شخص ممكن يحكي ..بس اضافه بطريقه اضحوكيه ...ولك حاج ولك الله مافي غير المسخره قال قتل القتيل مشي بجنازته ..ووياسيدي القذافي مو محشش لا بس ع قولت ابو نجبو الحشيش بنفسه بيتعاطى للقذافي

[الأندلسية]

معمر القذافى هاد غريب الاطوار اتركوه فى حاله احسن لانو عمره ما رح يتغير

[حنين.]

ادا القدافي مجنون وديكتاتوري ويضبط عليه اغلب الاسامي اللي بتخطر بالبال
و حكى كلمة حق ولو بطريقة هزلية بتنحسب الو والنا ومهما كنا مختلفين معو في كتييييييييير امور لازم نقول انو هاد حق
وان اتشجع وعمل خطوة صحيحة للامام ليش حتى ما نايدو فيها
ومعو مليار حق في ان ميثاق الامم المتحدة ميثاق ظالم ومو بس هيك حتى الكسبانين منو ما عم يحترموه
ومعو حق في ان الدول الاستعمارية اغتنت على ظهور مستعمراتها
وكب المهاجرين بالبحر هو تنصل من المسؤولية الانسانية وغيرها من المسؤوليات
نسيت قول شغلة ليش مع انو ديكتاتور وعقلو ضارب ما ساعدو الشعب الليبي وحرروه متل ما حررو العراق
ولا كلمة هاد مجنون مرفوع عنو القلم مكفية وموفية بالوقت الراهن