الاتصالات تطلق المرحلة التحضيرية لمبادرة الحكومة الالكترونية وتحدد قائمة الخدمات

[MadMax]

أطلقت وزارة الاتصالات والتقانة بالتعاون مع برنامج الأمم المتحدة الإنمائي المرحلة التحضيرية لمبادرة الحكومة الالكترونية والتي تتضمن وضع إستراتيجية الحكومة الالكترونية وتحديد الأولويات فيما بين الخدمات التي تقدمها الوزارات وإمكانية الاستفادة من تكنولوجيا الاتصالات والمعلومات في تنفيذها.

وحددت الوزارة قائمة أولية بالخدمات الرئيسية وهي خدمة تسديد فاتورة الكهرباء وطلب تركيب عداد كهربائي وتسديد فاتورة المياه وتسديد فاتورة الهاتف وخدمة تجديد رخص آلية وإصدار رخصة قيادة آلية وبراءة ذمة مالية وتسديد ضريبة الرواتب والأجور وتسديد ضريبة الدخل المقطوع وإصدار قيد مالي للعقار.

كما تضم خدمة إصدار تصريح غير موظف وخدمتي تصديق الشهادات الصناعية والحرفية وخدمة إصدار صورة مصدقة عن السجل التجاري وقيد عقاري وبيان ملكية عقار وترخيص سيارة زراعية وخلاصة سجل عدلي وبيان قيد فردى قيد نفوس وبيان عائلي وطلب إصدار بطاقة شخصية وتجديد جواز السفر وإصدار بيان ولادة وبراءة ذمة من المرور.

وتشمل كذلك خدمة إصدار بيانات الإقامة سندات الإقامة وخدمة منح التراخيص لذوى المهن الطبية وخدمة براءة ذمة من التأمينات الاجتماعية كما تتضمن خدمة تسجيل التلاميذ في المدارس الحكومية والتسجيل في المفاضلة العامة للجامعات الحكومية.
وتقوم فكرة الحكومة الالكترونية على تقديم الخدمات الحكومية عن بعد عبر مختلف الوسائل الحديثة من انترنت واتصالات دون الحاجة إلى مراجعة الدوائر الحكومية مرات عديدة, الأمر الذي يرى خبراء أنه يساهم في التخفيف من البيروقراطية والروتين والرشوة والازدحام المروري وتكاليف القرطاسية بما ينعكس أيضا على البيئة.

سيريانيوز

[MadMax]

يعني بسوريا ..... تجديد جواز السفر عالانترنت ...!!

أنا شايفو خيال علمي

[LiOnHeArT.3LA2]

اي بس لا يحجبو الموقع شي مرّة بالغلط

وطلب إصدار بطاقة شخصية

ايواااااااااااا
عرفت انا شو عم بستنى لطالع الهوية

[ِAbu Alzooz]

سيدي يعني صارت الرشوة هلق على مبدء الوحدات

ساعات انترنت

[marochka]

إي عن جد ما قرروا بعد الرشوة كيف رح يكون شكلا؟

[مجنون يحكي وعاقل يسمع]

مو كتير تتفاءلو يا جماعة ، من لما كان معظمكون لساتو صغير ، هاد الموضوع مطروح وسوريا أول بلد عربي فكر بموضوع الحكومة الإلكترونية اللي طبق اليوم في معظم بلاد بني خلفان المتخلف إلا عندنا , بني مجعص الهكص وبني متعب الثعبان وبني هفتان المهتري وبني عبدالماشي وقفان ... وإلخ صارو يطبقوه ونحن كل يوموين والتالت بيعطونا حقنة أمل ... شو هالإختراع العظيم هاد (حقنة الأمل ) والمشكل لسا ما فقد العقل تبعنا تأثيرها, أي انطرو لقولكون وعيش يا كديش ليطلع الحشيش , وإذا صار وصارت حالحكومة لا تتفاءلو بالخير ، شنّو ما رح تشوفوه ،
وكل موم واللي وراه .... طيط .. شو خيّو؟؟ والله يا خيّو سقط النظام ..............
ولك لالا مو النظام النظام اللي بتعرفو .. النظام الجديد يعني نظام الأتمتة اللي بالوزارات ، يعني بيصير الموظف اللي انقطعت رزقتو يفش خلقو بالنظام الإلكتروني ، وبعدين مو لحتى تنحل أزمة الكهربا , لأنو على علمي الحكومة الإلكترونية ما بتاكل لحم و فراريج ومدري شو , هي الحكومة بتاكل بس كهربا وإذا بدها تشتغل على البطارية ، أي يالله لشوف دفشة شباب دفشة, وشو بدنا ندفش لندفش مقضايين هالعمر تدفيش بتدفيش
وانشاء الله..... انشاء الله ما بتترحمو على النباش الأول ، يعني الحكومة اللاإلكترونية

[مملكة الورود]

كاتب النص الأصلي : marochka

إي عن جد ما قرروا بعد الرشوة كيف رح يكون شكلا؟

سهلة عالفيزا كارد

[DARKNESS]

بالفعل متل ما قلت هذا ما يسمى بالخيال العلمي السوري

[Nay]

في شخص بيقربني بيشتغل مدير نفوس لأحدى المدن السورية.. الزلمو صرلو 5 سنين بيجي على الشام وبيعمل دورات هوي و4 من موظفين الدائرة.. وبيداومو إضافي من 5 سنين لحتى يدخلو جميع المعلومات الموجودة عندون على الكومبيوترات ويعملو أرشيف وهاد كلو ضمن خطوات التحديث والتطوير مشان تسهيل التعامل وتطوير الشغل واعتماد التقنيات الحديثة بالعمل..
وين القصة انو قريبي قلي أنو صارو هلأ يعملو جميع الادخالات لى الكومبيوتر ولازم كمان يعملوها على الورق يعني مااستغنو عن المجلدات القديمة ولا عن التعاملات الورقية بل بالعكس زاد عليهون الشغل وصار المواطن بدو يستنى وقت اضافي لأنو شغل الموظفين تضاعف المعاملات الورقية من جهة والادخالات على لكومبيوتر من جهة تانية..
فتفرج يرعاك الله

[DARKNESS]

كاتب النص الأصلي : Nay

في شخص بيقربني بيشتغل مدير نفوس لأحدى المدن السورية.. الزلمو صرلو 5 سنين بيجي على الشام وبيعمل دورات هوي و4 من موظفين الدائرة.. وبيداومو إضافي من 5 سنين لحتى يدخلو جميع المعلومات الموجودة عندون على الكومبيوترات ويعملو أرشيف وهاد كلو ضمن خطوات التحديث والتطوير مشان تسهيل التعامل وتطوير الشغل واعتماد التقنيات الحديثة بالعمل..
وين القصة انو قريبي قلي أنو صارو هلأ يعملو جميع الادخالات لى الكومبيوتر ولازم كمان يعملوها على الورق يعني مااستغنو عن المجلدات القديمة ولا عن التعاملات الورقية بل بالعكس زاد عليهون الشغل وصار المواطن بدو يستنى وقت اضافي لأنو شغل الموظفين تضاعف المعاملات الورقية من جهة والادخالات على لكومبيوتر من جهة تانية..
فتفرج يرعاك الله

معناتو شو أستفدنا

يعني متل واحد عمر فيلا جديدة و كل يوم بيروح بينظفها و بيزبطها بس لساتو عم ينام ببيتو المعتر العتيق