غرامة كبيرة لتحميل الأغاني بشكل غير قانوني من الانترنت

[marochka]

نقلت جريدة لا ريبوبليكا الايطالية أن محكمة أميركية قضت بتغريم شخص مبلغ 675000 دولار أي بمعدل 22500 دولار عن 30 أغنية قام بتحميل من موقع على شبكة الانترنت، ثم قام برفعها على أحد مواقع File sharing وتعود القضية إلى 5 أعوام ماضية.
وهو الحكم الثاني من نوعه بعد الحكم على سيدة في تموز الماضي بمبلغ 1920000 دولار بسبب تحميل 24 أغنية، كما تم الحكم بالسجن لمدة عام على مؤسسي موقع Pirate bay بسبب نشره حلقات من مسلسلات شهيرة مثل Lost , Desperate housewives

[HashtNasht]

هلأ بخصوص مؤسسي موقع Pirate bay . او اختصاراً TPB , اشك انو في حدا بيطلعلو معهن للشباب يعني , عالاقل بالوقت الحالي , ما عم قول انو مافي هيك احكام , ممكن تكون احكام غيابية صادرة عن محاكم امريكية , بس طبعا ما رح تطال الموقع أو مؤسسي الموقع باعتبارهن سويديين , عايشين بالسويد , و نشاطهن بالاراضي السويدية .

بالمناسبة TBP هو Torrent Host & Search Engine  يعني هو ما بينشر موسيقى أو افلام او برامج ..او الخ , هو بينشر و بيستضيف ملفات تورنت ,و ملفات التورنت بحد ذاتها حقوق الملكية تبعها بترجع للعملها , و هون الثغرة القانونية اذا صح التعبير اللي بتخلي مواقع متل ال TPB تنشط بالسويد بحرية , بحكم انو القانون السويدي و بخلاصة عدة قضايا تمت بهالخصوص , ما بيمنع من استضافة ملف تورنت , باعتبار الملف بحد ذاتو هو ولا شي .

اللي حابب يتسلى و يشوف جماعة ال TPB كيف ماسحين الارض بكبريات الشركات الامريكية اللي بعتتلهن رسائل بتطلب حذف ملفات تورنت , بيقدر يفوت لهون ...

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

تسالي للصبح يعني

[jovia]

وشو هالقصة الكبيرة لعمى!! ..
يعني اديش حق السيدي ازا بدو ينشرى من السوق يدفعو حقو او مربعو ما في داعي لكل هالمبالغ الطائلة ..
وازا مسروقة قلة ملفات واغاني وافلام عم تنسرق

[محمد ابراهيم]

كاتب النص الأصلي : HashtNasht

هلأ بخصوص مؤسسي موقع Pirate bay . او اختصاراً TPB , اشك انو في حدا بيطلعلو معهن للشباب يعني , عالاقل بالوقت الحالي , ما عم قول انو مافي هيك احكام , ممكن تكون احكام غيابية صادرة عن محاكم امريكية , بس طبعا ما رح تطال الموقع أو مؤسسي الموقع باعتبارهن سويديين , عايشين بالسويد , و نشاطهن بالاراضي السويدية .

طيب بما انك مطلع على هالمواضيع بصورة جيدة وسبق و شفت الك نقاش بالاخوية حول نفس الفكرة ،
انا منزل عالاخوية مجموعة اغاني وهاد مسموح فيه وفقا لقوانين موقع الاخوية ،
اذا صار بيوم من الايام ورفعو قضية يطابو بحقوقوهم بهالاغاني وتعويض ، بيقاضو مين ؟ انا ولا الموقع ، ولا كلانا ؟

[رجل من ورق]

صارت من قبل محمد في مين انبحت عليي شخصيا وبالاخوية وطلعنا حرامية على اخر الزمن

[HashtNasht]

كاتب النص الأصلي : محمد ابراهيم

طيب بما انك مطلع على هالمواضيع بصورة جيدة وسبق و شفت الك نقاش بالاخوية حول نفس الفكرة ،
انا منزل عالاخوية مجموعة اغاني وهاد مسموح فيه وفقا لقوانين موقع الاخوية ،
اذا صار بيوم من الايام ورفعو قضية يطابو بحقوقوهم بهالاغاني وتعويض ، بيقاضو مين ؟ انا ولا الموقع ، ولا كلانا ؟

في عندك بيان اخلاء مسؤولية طولو 3 امتار من اخوية :

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

بقى بعتقد بحاكموك الك و بيحبسوك و ممكن يعدموك شنقاً بالرصاص حتى الموت مع الاشغال الشاقة المؤبدة و وقف التنفيذ

[marochka]

بس حلوين الأميركان يعني في ملايين بأميركا وبراتا عم ينزلو ويطلعو كل يوم، وحكمو واحد أو تنين، طيب مو العدل أنو يا الكل يتحاسب متل بعض يا لا. ما هو الخبر بيقول أنو هاد اللي حاكموه كان في غيرو تلاتين واحد بنفس القضية بس ما عرفت الباقيين شو صار فيهن.
بس أنو عنا هون في كومة مطلوبين للقضاء الأميركي لكتير أسباب بس يبقو يوصلولن يبقو يبلشو بجماعة انتهاك الحقوق الفكرية. طيب ما عنا حتى إذا بدو الواحد يشتري نسخة أصلية يا ما بيلاقي، يا بيضحكو عليه وبيبيعو نسخة على أساس أنها أصلية، شو منعمل يعني؟ نبطل نسمع أغاني؟؟؟

[محمد ابراهيم]

كاتب النص الأصلي : HashtNasht

في عندك بيان اخلاء مسؤولية طولو 3 امتار من اخوية :

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

بقى بعتقد بحاكموك الك و بيحبسوك و ممكن يعدموك شنقاً بالرصاص حتى الموت مع الاشغال الشاقة المؤبدة و وقف التنفيذ

يا كبيرنا: ما كنت بتوقع انك تتركني لحالي بساحات المحاكم

انت اللي شجعتني انزل هالاغاني وردودك موجودة بمواضيعي بالاخص موضوع طلب والمسيح الخ

* طيب انا مستعد اتحمل المسئولية كاملة بشرط انو ما تعطو حدا الاي بي تبعي وهاد احد حقوق اي مشترك على اي موقع ، بهالحالة مارح يعرفو وين انا او مين انا لانو اذا عرفو الاي بي رح يعرفو البلد اللي فايت منها والمزود لخدمة الانترنت ، بعدين رح يسألو المزود وين هالشخص ويعرفوني اسما وعنوانا .

اذا ما عطيتو حدا الاي بي تبعي هيك بيكون تمام ، اذا بدكو تكملو ندالة وعطيتو الاي بي الون وخوذقتوني
انا من هالمنصة بعلن اسفي لاصحاب حقوق هالاغاني على تنزيل اي اغنية عالاخوية وعن طلبي الرسمي بحذفها " اذا الادارة وافقت "
هاد اخلاء مسئولية من طرفي

[HashtNasht]

لاء شريك ما يهمك من هالناحية , الاي بي تبعك بأمان تام , و توب سكريت يعني , بس عاد اذا صار في محاكم و مشاكل و قصص , عاد وقتها ممكن نعطيهن صورتك , و اسمك الكامل , و شهادتك الجامعية , و رقم موبايلك , و بعدين هني رح يعرفو الاي بي لحالهن

[marochka]

كاتب النص الأصلي : HashtNasht

لاء شريك ما يهمك من هالناحية , الاي بي تبعك بأمان تام , و توب سكريت يعني , بس عاد اذا صار في محاكم و مشاكل و قصص , عاد وقتها ممكن نعطيهن صورتك , و اسمك الكامل , و شهادتك الجامعية , و رقم موبايلك , و بعدين هني رح يعرفو الاي بي لحالهن

[محمد ابراهيم]

كاتب النص الأصلي : HashtNasht

لاء شريك ما يهمك من هالناحية , الاي بي تبعك بأمان تام , و توب سكريت يعني , بس عاد اذا صار في محاكم و مشاكل و قصص , عاد وقتها ممكن نعطيهن صورتك , و اسمك الكامل , و شهادتك الجامعية , و رقم موبايلك , و بعدين هني رح يعرفو الاي بي لحالهن

أقدر انام وانا مطمن اني بأمان ،
ابو نهلة الاي بي توب سيكريت
بخصوص باقي المعلومات ما تقلقني ، الاسم والصورة يبحثو بين ملايين البشر ومارح يوصلو لشيئ ، حيث صورتي مو صورة هيفا ولا ابو تريكة والاسم متشابه مع الاف الاسماء بيضل رقم الموبايل والشركة مارح تعطي بياناتي لحدا ، يعني مطمن من هالناحية .

كاتب النص الأصلي : marochka

بدي خبرك بشغلة
ابو نهلة بالاخوية متل المرجع بالدولة الدينية
ومرجع من عدة نواحي أهمها انو المرجع التحشيشي للاخوية والمحششين .

[marochka]

ما أنا كنت حابة اسأله إذا هو اللي كاتبلون الردود عالإيميلات لل Pirate bay يعني الواحد بيقراهن بيحس أنو حدا من شلة التحشيش تبع أخوية اللي كاتبن

[marochka]

للأسف طلع الحكم صادر من محكمة سويدية باستوكهولم ب 17 نيسان 2009 وبينص على سجن كل واحد من المؤسسين اللأربعة لمدة سنة مع غرامة 905000 دولار لكل منهن.
طبعاً القرار هلأ ما إلو مفعول لأنو في استئناف بالإضافة لأنو القضية مرفوعة ضدهن كأشخاص مو ضد الموقع اللي بعدو مستمر
كل التفاصيل هون

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

[HashtNasht]

كاتب النص الأصلي : marochka

للأسف طلع الحكم صادر من محكمة سويدية باستوكهولم ب 17 نيسان 2009 وبينص على سجن كل واحد من المؤسسين اللأربعة لمدة سنة مع غرامة 905000 دولار لكل منهن.
طبعاً القرار هلأ ما إلو مفعول لأنو في استئناف بالإضافة لأنو القضية مرفوعة ضدهن كأشخاص مو ضد الموقع اللي بعدو مستمر
كل التفاصيل هون

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

تسالي ...في ضغوط ساسية كبيرة عم تمارسها الامبريالية العالمية ع الحكومة السويدية بهالمجال , بس ما بتخيل يطلع منها شي , هدول الدول الاسكندنافية حمير حبة بهالقصص , يعني بزمناتو التعن نفس الاقتصاد الدانماركي بسبب ازمة الرسوم المسيئة و ما غيرو موقفهن , و هلأ بتوقع انو تفرط القصة , هو انشالله تفرط احسن ما نتبهدل

احلا شي يعني نصير نشتري الاغاني و الافلام و البرامج ...هاد الناقص

[marochka]

كاتب النص الأصلي : HashtNasht

تسالي ...في ضغوط ساسية كبيرة عم تمارسها الامبريالية العالمية ع الحكومة السويدية بهالمجال , بس ما بتخيل يطلع منها شي , هدول الدول الاسكندنافية حمير حبة بهالقصص , يعني بزمناتو التعن نفس الاقتصاد الدانماركي بسبب ازمة الرسوم المسيئة و ما غيرو موقفهن , و هلأ بتوقع انو تفرط القصة , هو انشالله تفرط احسن ما نتبهدل

احلا شي يعني نصير نشتري الاغاني و الافلام و البرامج ...هاد الناقص

هو يا بتفرط يا بلاها الموسيقى، منرجع نددور على شي حسون عم يغني على شي شجرة ومنسمعو، يمكن بيكون أحسن من يللي عم نسمعون هلأ، بس حتى لو ظبطت معون مع كم موقع بيضل في كتير، وما عندون حل غير يغيرو شوي طريقة الشغل تبعون، يعني إذا بيخففو شوي من يللي عم يلهفوه حق سيديات، بتصير العالم قادرة تشتري أصلي، يعني مع احترامنا لمواهبن وابداعاتن بس أنو مو لدرجة أنو هالإبداعات لازم تعملون مليونيرية خلال فترة قصيرة

[jano.]

كاتب النص الأصلي : marochka

بس حلوين الأميركان يعني في ملايين بأميركا وبراتا عم ينزلو ويطلعو كل يوم، وحكمو واحد أو تنين، طيب مو العدل أنو يا الكل يتحاسب متل بعض يا لا. ما هو الخبر بيقول أنو هاد اللي حاكموه كان في غيرو تلاتين واحد بنفس القضية بس ما عرفت الباقيين شو صار فيهن.

صحيح في ملايين من الناس بيحملو ملفات illegal بس الجهات المختصة مانا فاضية تدور عليون كلّون. الشخص الي بيلفت نظرون (شكوة من شركة مثلاً) فبيسألو مخدّم النت(مجبور يعطي بياناتو) وبياخدو كل بياناتو وبيتأكدوا شو منزل وشو رافع عالنت وبيطبّو عليه ببيتو، او بيبعتولو دعوة قضائية. وبس يعملو كبسة بينبشو البيت نبش. من فترة عملو ريبورتاج بالتلفزيون ورافقو هالـ "شرطة" بتفتيش البيوت، راحو لعند طالب مدرسة كان مخبي الهارد درايف بين لوحين خشب بضهر الخزانة... طبعاً بدون جدوى!!
أنا اذا اجو لعندي بروح فيا اعدام

[HashtNasht]

كاتب النص الأصلي : jano.

صحيح في ملايين من الناس بيحملو ملفات illegal بس الجهات المختصة مانا فاضية تدور عليون كلّون. الشخص الي بيلفت نظرون (شكوة من شركة مثلاً) فبيسألو مخدّم النت(مجبور يعطي بياناتو) وبياخدو كل بياناتو وبيتأكدوا شو منزل وشو رافع عالنت وبيطبّو عليه ببيتو، او بيبعتولو دعوة قضائية. وبس يعملو كبسة بينبشو البيت نبش. من فترة عملو ريبورتاج بالتلفزيون ورافقو هالـ "شرطة" بتفتيش البيوت، راحو لعند طالب مدرسة كان مخبي الهارد درايف بين لوحين خشب بضهر الخزانة... طبعاً بدون جدوى!!
أنا اذا اجو لعندي بروح فيا اعدام

يا اخي غريب قدي الشركات باميركا متحكمة بالقوانين و التشريعات , و بكل المجالات ..يعني هدفهن الربح ثم الربح ثم الربح ...و من ثم الربح

في فيلم طالع جديد ...تازا يعني ...اسمو Food Inc بيحكي عن الصناعات الغذائية بالولايات المنتحرة الامريكية , و كيف هالشركات عم تحاول تشرع قوانين بتجرم النشر بقضايا بتتعلق بالانتاج الغذائي العمى ضربهن صحي , نظامي يعني , و طبعا قصص شركات التبغ الامريكية و نفوذها معروفة ..و كمان استوديوهات هوليوود , و مايكروزفت و ما شابه عم تمارس ضغوط حثيثة ( عجبتني هي حثيثة ) لتعزيز دورها الاحتكاري بالسوق .

هون بقى دورك انت انك تصمد و تواجه المد الامبريالي و Keep Seeding يعني