ساعدو اختكن المقطوعة :سؤال ميكانيكي للخبراء فقط

[jovia]

كيف الشباب انشالله تمام ازا ممكن سؤال بدي جوابو عالسريع نو سيارتي انقطعت تحت بالكراج ما بعرف شو اعمللها خايفة اخدها للميكانيكي تكون شغلتا بسيطة وادفع مصاريف بالهبل ...
كلما ادعس بينزين بيطفي ضو السيارة وكل شي كهربا بيطفي قلت يمكن في تماس بس كيف وليش الصبح ما كان فيها شي ... من فترة زينتنا التيرات لانو كان الهون صوت مزعج لما فتحت وشفت لقيت كانو الزيت مطرش عالمحرك ونشفان معقول يكون هوي السبب ...

يعني كلما بشغل وبدي حرك ما بيطلع صوت موتور ولا اقلاع طافية بالمرة عالرغم من انو الكهربا شغالة مية مية بس لما ادعس بينزين بتطفي الكهربا وبترجع بتشتغل.... بكرى في عندي مشاغل وبتعرفو شو يعني مسؤليات ...
نوع سيارتي مازدة هي اول مرة بتطفي معي بالطريقة فشو السبب وشو الحل


ازا عندك حل ياريت بسرعة وازا ما عندك فا بدون اجاباتت تروح السيارة وصاحبتا لمشاكل اكبر ازا ممكن

[سوا ربينا]

ممكن يكون غطا الزيت والكسكيت تبعو خربان وبدو تغيير .. وممكن انو البلاتين تبع السيارة برضو خربان او الفراغ ولا مدري شو اسمو هاد اللي بين الشغلتين اللي بيلسمو بعض متقاربات او متباعدات ...ما بعرف هدول خطرو ببالي هلأ ويمكن صح ويمكن غلط...

بالمناسبة .. سيارتك شو موديلها.؟؟

[jovia]

نوعا مازدة موديل الالفين 2000 بس يعني هي اول مرة بيصير معنا هيك طاش حجري كتير منها عالرغم انو بدي بدلها من زمان في نية يعني بس هلا مو وقتا

[jovia]

شو من شان الله لا يقطع حدا

[whiterose]

ماعم تشتغل ابدا ابدا وفي كهربا بالسيارة

مرة صارت معي بسيارتي القديمة الله يذكرها بالخير

بس كانت شغلة بطارية فقط

اذا السيارة ماعم تاخد مارش بيقولوا على الغالب بطارية

بس هي تبع دعسة البينزين اول مرة بسمع فيها خيتو خديها على الميكانيكي

اريحلك

[ِAbu Alzooz]

عما تضرب مارش و لا لا

اذا عما تضرب عما تشغل ولا لا

في احتمال بواجي بدون غيار

و في احتمال المارش يكون مضروب

اذا ما عما تضرب مارش

[jovia]

كاتب النص الأصلي : whiterose

بس هي تبع دعسة البينزين اول مرة بسمع فيها خيتو خديها على الميكانيكي

اريحلك

حاولت وانا وشباب انو نشتغل فيها ما طلع معنا شي ... وصلنا الموتور على بطارية سسيارة تانية بيطلع صوت خفيف وبس .. يعني جوى السيارة في ضو وبقدر سكر وافتح الشبابيك بس المارش ما عم بفدر اخدو كلما بدعس بريك بتطفي الكهربا كليا ... يعني هي اول سمعة صحيح وشي غريب بس كل شي فوق الطبيعي بيصير معي دايما بئى مو غريبة ....

[..AHMAD]

نزلتي فرام الإيد ؟؟؟

[jovia]

كاتب النص الأصلي : ِAbu Alzooz

عما تضرب مارش و لا لا

اذا عما تضرب عما تشغل ولا لا

في احتمال بواجي بدون غيار

و في احتمال المارش يكون مضروب

اذا ما عما تضرب مارش

هلا انا سالت كتير ناس من قرايبيني شي قالولي شغلة بطارية وشي قالولي المارش نفسو مضروب يعني ممكن فيه نفسو يكون في تماس مع شي شريط تاني ....

بس الغريبة انو ما كان فيها شي الضهريات عين الله عليها بس جحشت فجاة هيك خلص مرائ مخ عصبي

[jovia]

كاتب النص الأصلي : ..AHMAD

نزلتي فرام الإيد ؟؟؟

اي اي كل شي بيخطر ببالك عملناه ازا مو انا شباب مصريين اجو شافوها معنا ... يعني هلا ما الي خيار تاني بدي اخدها عالميكانيكي بس انشالله شغلتا اقل من 200 درهم لانو هالشهر كان طخ طخ طخ دفع مصاري ....

[Maher 4x4]

كاتب النص الأصلي : jovia

كيف الشباب انشالله تمام ازا ممكن سؤال بدي جوابو عالسريع نو سيارتي انقطعت تحت بالكراج ما بعرف شو اعمللها خايفة اخدها للميكانيكي تكون شغلتا بسيطة وادفع مصاريف بالهبل ...
كلما ادعس بينزين بيطفي ضو السيارة وكل شي كهربا بيطفي قلت يمكن في تماس بس كيف وليش الصبح ما كان فيها شي ... من فترة زينتنا التيرات لانو كان الهون صوت مزعج لما فتحت وشفت لقيت كانو الزيت مطرش عالمحرك ونشفان معقول يكون هوي السبب ...

يعني كلما بشغل وبدي حرك ما بيطلع صوت موتور ولا اقلاع طافية بالمرة عالرغم من انو الكهربا شغالة مية مية بس لما ادعس بينزين بتطفي الكهربا وبترجع بتشتغل.... بكرى في عندي مشاغل وبتعرفو شو يعني مسؤليات ...
نوع سيارتي مازدة هي اول مرة بتطفي معي بالطريقة فشو السبب وشو الحل


ازا عندك حل ياريت بسرعة وازا ما عندك فا بدون اجاباتت تروح السيارة وصاحبتا لمشاكل اكبر ازا ممكن

Mazda model 2000
طيب عطيني موديل السيارة يعني رقم الموديل و الشاسيه VIN كود ولا تاخديها ع الميكانيكي هلأ

رقم الشاسيه مكتوب على استمارة السيارة "رخصة السيارة "

[khaliiiil]

في مشكلة بالمحرك جيبيها لعندي عالكراااج لا تشيلي هم

برااعيك بالسعر لانك من اخووية بأي امارة انت

[jovia]

كاتب النص الأصلي : Maher 4x4

Mazda model 2000
طيب عطيني موديل السيارة يعني رقم الموديل و الشاسيه VIN كود ولا تاخديها ع الميكانيكي هلأ

رقم الشاسيه مكتوب على استمارة السيارة "رخصة السيارة "

السيارة موديل 2000 نوعها 626 او مازدة سيكس هيك سمها ... بس ضمانها خلص شو بستفيد من الشاسية واستمارة رخصة السيارة ؟! الا ازا بدك تعمل فيني حادثة اغتيال ..

[jovia]

كاتب النص الأصلي : khaliiiil

في مشكلة بالمحرك جيبيها لعندي عالكراااج لا تشيلي هم

برااعيك بالسعر لانك من اخووية بأي امارة انت

بالشارقة دخيل عينك بس بدون مراعاة بتصلحلي ياها عالماعية الهي الله لايوقع حدا بايدين صلبطجية متلي

[khaliiiil]

كاتب النص الأصلي : jovia

بالشارقة دخيل عينك بس بدون مراعاة بتصلحلي ياها عالماعية الهي الله لايوقع حدا بايدين صلبطجية متلي

عادي مو مشكلة بس انت بتشتري القطع

ورا السيتي سنتر عند تقاطع سيدانا

جيبيها بكرة انا هلئ مو فاضي لإني رحت عدبي

[Maher 4x4]

كاتب النص الأصلي : jovia

السيارة موديل 2000 نوعها 626 او مازدة سيكس هيك سمها ... بس ضمانها خلص شو بستفيد من الشاسية واستمارة رخصة السيارة ؟! الا ازا بدك تعمل فيني حادثة اغتيال ..

ما بيكفي لازم رقم الشاسيه ....

مو مشان الضمان !!

[jovia]

اها على كل حال ماهر قالولنا انو اغلب العطل يمكن من البطارية لانو صرلي سنتين مو مبدلتا

[Maher 4x4]

كاتب النص الأصلي : jovia

اها على كل حال ماهر قالولنا انو اغلب العطل يمكن من البطارية لانو صرلي سنتين مو مبدلتا

حاولنا نفيدك

أزا متل ما وصفتي البطارية ما بتعمل هيك أعطال ....