استنساخ البشر ( العلم vs الدين )

[boy freind]

تتشارك في الهندسة الوراثية (Genetic Engineering) علوم ثلاثة أساسية هي علم الوراثة والخلية والأجنة. وهي فعلاً تكنولوجيا تطويع الجينات وتقوم على فكرة التحكم في الجهاز الوراثي للإنسان وبذلك بدأ العلماء سامحهم الله التحكم في أهم خصوصيات الإنسان وهو لوحه المحفوظ أو شفرته الوراثية.
وقد كانت البداية الحقيقية للهندسة الوراثية في عام 1953م، حيث تم اكتشاف يعد من أعظم الإنجازات البيولوجية والطبية في القرن العشرين، وقد قام بهذا الاكتشاف العالمان الأمريكيان جيمس واطسون وفرانسيس كربك، ونالا عليه جائزة نوبل للطب والفسيولوجيا عام 1962م والكشف هو الحمض الريبي النووي منقوص الأوكسجين (DNA) ثم كشف أنزيمات التحديد أو التقييد اللازمة لقص ذلك الحمض في مواقع محدودة وهكذا بدأ مصطلح الهندسة الوراثية لتشكل هذه الهندسة ثورة من أخطر الثورات العلمية وهي ثورة صناعية حقيقية لا تعتمد على الحديد والصلب وإنما ترتكز على مادة الحياة وهي الجينات. وتتالت الاكتشافات العلمية في هذا المجال ـ مجال الهندسة الوراثية ـ الواحدة بعد الأخرى حتى جاءت الطامة الكبرى ويقصد بها قنبلة العصر حادثة الاستنساخ

يقصد به الحصول على نسخة أو أكثر طبق الأصل من الأصل نفسه وهذا يتم بمعالجة خلية جسمية من كائن معين كي تنقسم وتتطور إلى نسخة مماثلة لنفس الكائن الحي الذي أخذت منه.
ولنأخذ النعجة (دوللي) كمثال.. فقد تم استنساخها وفقاً للخطوات التالية:ـ
ـ أخذت خلية جسمية حية من ضرع (ثدي) الحيوان المراد استنساخه (النعجة الأولى) وتم فصل نواة هذه الخلية.
تم تقريب نواة الخلية المأخوذة من النعجة الأولى من البويضة المفرغة من نواتها المأخوذة من النعجة الثانية، وتم إدخال نواة الخلية في البويضة لتكون نواة جديدة لهذه الخلية تأتمر بأمرها بدلاً من نواتها التي فصلت عنها سابقاً فتصبح هذه بويضة مخصبة.
يتم تسليط ذبذبات كهربائية على البويضة المخصبة لتبدأ فيها عمليات كيميائية حيوية تخرجها من بياتها وتوقظها من سباتها لتبدأ انقساماً متوالياً إلى خليتين ثم إلى أربع ثم إلى ثمان وهكذا يتكون ما يعرف بالعلقة.
يتم شتل العلقة هذه في رحم حيوان حاضن أو حامل (نعجة) وبعد إتمام فترة الحمل تلد النعجة نسخة طبق الأصل من الحيوان المراد استنساخه وهو الذي أخذت منه الخلية،

فيعني انا بشوف انو لا مانع من الاستنساخ يلي ممكن يفيد بكتير اشيا انتو مع او ضد ؟؟

[savage garden]

ضد لانو رح يصير تخبيص كتير

[الباحثة عن الحرية]

انا مع الاستنساخ
الفكرة من الاستنساخ مش اننا نتحدى الله يعني الفكرة انو يكون في عنا بنك للاعضاء البشرية وفي حالة اي شخص احتاج زرع عضو جديد او اي شي ثاني ما يلاقي صعوبة وبهيك ممكن انقاذ حياة الملايين من الناس.
الي رجعة عالموضوع اسا مستتعجلة شوي

[عياش]

أنا مع لنفس السبب تبع الباحثة عن الحرية لتأمين قطع غيار للأعضاء النبيلة بجسم الانسان مافيكون تتخيلو معاناة انسان مريض بتشمع كبد والاختلاطات عم تظهر عندو تباعا أو مصاب بشلل أو عوارض عصبية لتلف أنسجة عصبية أو شاب مصاب باحتشاء قلبي وغير قادر على العمل أو تأمين احتياجاته الشخصية وبالنهاية وسائل الحمل وأبسطها اللولب عم تتسبب بازهاق خلايا ملقحة يعني ما يمكن اعتبارها بداية حياة للجنين كون مرحلة التلقيح تمت والخلية تحوي الصبغيات المزدوجة فلا نتعجل بالرفض قبل ما نشوف الدوافع والاسباب وإذا على العامل الديني فلسا التشريع واقف عند تنظيم الحمل وتنظيم الاسرة ومنع الحمل فلا كتير تشدو ايدكون بهل الطريق وأساسا ماحدا طالب شهادة براءة زمة طول عمرو الدين بيلحق وبيشرعن التطور وإلا ما كنا وصلنا لهون.

[DARKNESS]

يعني اذا الاستنساخ لمصلحة البشرية ليش لا بس في بع التطوير غير الاخلاقي لفكرة الاستنساخ لايجاد الكائن البشري الخارق و الاستغناء عن البشر العاديين و هاد الشي مرفوض لانو نحن ما بيصير نلعب بموازيين الطبيعة من شان ما نندم بعدين
ترا هالشغلات ما فيها مزح و الغلطة بكفرة

و لا شو رايكن

[Genifer]

أنا ضد ..يعني غير موافقة ع البشر

أولاً: ما حدا بيخلق بشر غير ربنا

ثانياً :صح عم تخلق قطع تبديل ..بس هالقطع تم جلبهن من انسان تم خلقه
فما بالك لو كنت مكان هالشخص يلي تم خلقه (اي النسخة) حتى يتم اخذ اعضائه ويتم استخدامها كقطع تبديل

ثالثاً : البشر العادي خلق من التراب والى التراب يعود
طيب هاد (النسخة) من شو خلق وإلى شو سوف يعود؟؟؟

[Dndoshy]

مع..أي شيئ في سبيل تقدّم العلم والانسانية

كاتب النص الأصلي : Genifer

أنا ضد ..يعني غير موافقة ع البشر

يعني ازا عالحيوانات بتوافقي..طيب موهني خلق الله كمان!!؟

[عياش]

كاتب النص الأصلي : Genifer

ثانياً :صح عم تخلق قطع تبديل ..بس هالقطع تم جلبهن من انسان تم خلقه
فما بالك لو كنت مكان هالشخص يلي تم خلقه (اي النسخة) حتى يتم اخذ اعضائه ويتم استخدامها كقطع تبديل

ثالثاً : البشر العادي خلق من التراب والى التراب يعود
طيب هاد (النسخة) من شو خلق وإلى شو سوف يعود؟؟؟

طيب واللولب كمان عم يزهق بيضة ملقحة بريئة ليش ما بينسحب من السوق وليش بيتم تقبلوا كاسلوب شائع لمنع الحمل.

هلق منوين بيجي ولوين بيروح هي مو شغلتنا بس يعني برأي لو الله مو موافق هيك يصير يتفضل يمنعنا متل ما هدم برج بابل أو يخلق علاجات للأمراض المستعصية بس طالما ما عم يصرح بشي يبقى يصطفل وين بدو يروح بالمستنسخين.

[Genifer]

كاتب النص الأصلي : Dndoshy

يعني ازا عالحيوانات بتوافقي..طيب موهني خلق الله كمان!!؟

انا معارضة وبشدة هالفكرة ضد الجميع وعلى الأخص في حالة قطع تبديل (سوق سوداء) سواء للبشر أم الحيوانات أم للنباتات

بس مع الاستنساخ بحالة واحدة فقط لم تذكر وهي انه بحالة تامين الاستمرارية للحيوانات المنقرضة والمهددة بالانقراض

[عياش]

كاتب النص الأصلي : Genifer

انا معارضة وبشدة هالفكرة ضد الجميع وعلى الأخص في حالة قطع تبديل (سوق سوداء) سواء للبشر أم الحيوانات أم للنباتات

بس مع الاستنساخ بحالة واحدة فقط لم تذكر وهي انه بحالة تامين الاستمرارية للحيوانات المنقرضة والمهددة بالانقراض

يعني حيوان عم ينقرض بيصير نستنسخ منو وبني آدم عم يموت ما بيجوز شو هالمنطق طيب الحيوان المنقرض بالنهاية جزء من دورة وتكاملية الطبيعة ونحنا هون عم نلعب بالهندسة الطبيعية الكونية أو حكمة الله.
يعني الله ما كنلو خاطر ينقرضو الديناصورات مو ع اساس ما وسعو مع الاستاذ نوح بالسفينة طيب كيف بتشرعي استنساخ ما يجب انقراضه وليش هون حلال ولانقاذ انسان حرام.

[boy freind]

كاتب النص الأصلي : Genifer

أنا ضد ..يعني غير موافقة ع البشر

أولاً: ما حدا بيخلق بشر غير ربنا

ثانياً :صح عم تخلق قطع تبديل ..بس هالقطع تم جلبهن من انسان تم خلقه
فما بالك لو كنت مكان هالشخص يلي تم خلقه (اي النسخة) حتى يتم اخذ اعضائه ويتم استخدامها كقطع تبديل

ثالثاً : البشر العادي خلق من التراب والى التراب يعود
طيب هاد (النسخة) من شو خلق وإلى شو سوف يعود؟؟؟

يعني شلون من تراب

اي هلأ بجبلك بني آدم و منحللو خلية خلية ما رح يطلع ولا ذرة تراب

[Genifer]

كاتب النص الأصلي : boy freind

يعني شلون من تراب

اي هلأ بجبلك بني آدم و منحللو خلية خلية ما رح يطلع ولا ذرة تراب

بس ما يموت وبيقى عظام..العظام بتتحلل وبتصير تراب و رماد ...

عم حس حالي عم اعطي درس علوم

[boy freind]

كاتب النص الأصلي : Genifer

بس ما يموت وبيقى عظام..العظام بتتحلل وبتصير تراب و رماد ...

عم حس حالي عم اعطي درس علوم

اي معناها الانسان المستنسخ بس يموت رح تتحلل عظامو و تصير تراب كمان

[Dndoshy]

كاتب النص الأصلي : boy freind

يعني شلون من تراب

اي هلأ بجبلك بني آدم و منحللو خلية خلية ما رح يطلع ولا ذرة تراب

انت متخلط الامور ببعضها..
لأنو Geniferبرأيها في قوة ربانية(خارقة للطبيعة)قدرت تحول التراب الى كائن حي وتبعث الحياة فيه..
فشي أكيد أنو اذا حللت الخلية رح ما تلاقي فيها اي ذرة تراب

[Genifer]

كاتب النص الأصلي : عياش

يعني حيوان عم ينقرض بيصير نستنسخ منو وبني آدم عم يموت ما بيجوز شو هالمنطق طيب الحيوان المنقرض بالنهاية جزء من دورة وتكاملية الطبيعة ونحنا هون عم نلعب بالهندسة الطبيعية الكونية أو حكمة الله.
يعني الله ما كنلو خاطر ينقرضو الديناصورات مو ع اساس ما وسعو مع الاستاذ نوح بالسفينة طيب كيف بتشرعي استنساخ ما يجب انقراضه وليش هون حلال ولانقاذ انسان حرام.

الحيوان ما لحاله عم ينقرض..في كتير عوامل هي يلي عم تتدخل بـ انقراضه..مثلاً الصيد

ليك انا اول ما ظهر كنت معه لأنه فهمت بيستنسخوا بس العضو اللازم بس, بس مو هيك يلي عم يصير
عم يخلقوا انسان وعم ياخدوا منه القطعة يلي لازمة بعدين عم يقتلوا الجسم يلي باقي طيب هاد مو حرام؟؟
يعني عم تنقذ انسان على حساب انسان تاني ..ولا النسخة مو انسان؟؟

[..AHMAD]

عم حس حالي عم اعطي درس علوم

لا وانتي السادئة درس بالفقه والإعجاز

بالنهاية ... انتي عمتعارضي بنقطة من النقط مشان ما تصير سوق سوداء للأعضاء .. وهون مو بالضرورة تصير سوق سوداء ، عني انا رح اعملها سوق خضراء مثلاً، فـ خلينا شوي واقعيين وبعيدين عن الدين ..
كرمال ما تنقرض البشرية بس يعني !

[DARKNESS]

يعني نحن هلئ منضل ندخل الله و حكمتو بمواضيع علمية و الكل بيعرف انو الله ما الو اصل علمي شو دخل الله بالتطور و الانقراض و الانسان

الله هو عبارة عن النظام الي بيسيير الكون و هوي لا بيقدم و لا بي آخر عالتطور البيلوجي للكائنات لان هالقوانين ماشية بتعقيد ما حدا بيقدر يلعب فيه و لا حتى الله

فليش منحط الحق عليه بكل شي ما بتعرفوا اذا في حكمة ولا ما في حكمة

كل شي ماشي لحالو بهالكون و ما في شي عم يستنى شي

[Genifer]

كاتب النص الأصلي : boy freind

اي معناها الانسان المستنسخ بس يموت رح تتحلل عظامو و تصير تراب كمان

ممكن..ليش لأ