انقلاب جمهوري ايراني

[Elephant And Castle]

بعد اسبوع من أعلان نتائج الأنتخابات الأيرانية و الهيجان مستمر بالشارع الأيراني ,,ملايين المتظاهرين ..و عشرات الجرحى و القتلى ..شعارات اول مرة بتنسمع بأيران من بداية الثورة .." الموت للديكتاتور" .."اين ذهب صوتي " ..و الناس بلشت تمل من حكم العمامة ..يعني بظن انو الشباب عم يتظاهرو مو حبا بالموسوي يلي خسر الأنتخابات بفارق 11 مليون صوت لصالح احمدي نجاد ,,,بس كرها بنظام الحكم الصارم و الديكتاتوري و يلي سماه الخميني " الديمقراطية الدينية !" ...اخر المستجدات كانت تحذير الولي الفقيه للمعارضين و طلبو بفض التظاهر ..و كمان اليوم رفض المجلس الدستوري للطعون المقدمة بالأنتخابات ...يعني شايفها ...بداية ازمة ..الطرفين مصرين على مواقفون ...انا شخصيا ...قلبي مع الشباب الأيراني يلي عم يحاول يثور على قوى الأستبداد يلي تارة بتلبس عمامة ..و تارة بتلبس بدلة عسكرية ...

الشعب الأيراني صديق ...و الكراهية يلي سببها الحكام الديكتاتوريين سواء العرب او الأيرانيين ...بدها تزول اجلا ام عاجلا وقت الشعبين العربي و الأيراني بيثورو على قوة الظلم ...


و النصر للعدالة و الحرية

[محمد ابراهيم]

متفق معك باغلب ما طرحت بس الي تعليقين

كاتب النص الأصلي : Elephant And Castle

و الناس بلشت تمل من حكم العمامة

التيار الاصلاحي يعني اللي فكرو مش فكر عمائمي ؟
عفكرة محمد خاتمي كان معمم !! (هاد مش من باب الانتقاد لخاتمي ) عالمستوى الشخصي انا بحترمو جدا جدا ومن المعجبين فيه

" الديمقراطية الدينية !"

مافي شيئ اسمو ديموقراطية دينيا على ارض الواقع
اللي بدو ياه رجل الدين هو اللي بيمشي ، مش بس بايران (محل مافي دولة دينية او حكم ديني ) بغض النظر عن الدين او الجنسية .

اتمنى السلام والاستقرار للشعب الايراني كاملا والخروج من هذه المرحلة على خير .

[Dndoshy]

الاحتجاجات الايرانيّة هي انفجار للحريات نتيجة الضغوط يلي كانت متتمارس عليها وحرمان الشعب الايراني منها..
والثورة هي الحل الوحيد لاسقاط الحكم الديكتتوري..ولاتوجد دولة دولة في العالم
استطاعت الحصول على حريتها بدون التضحيات التي قدّمتها شعوبها


والاحتجاجات التي تحدث في ايران هي أكثر بكثير مما يصلنا ودليل على ذلك..
منع السلطات الايرانيّة للاعلام من ممارسة النقل التلفزيوني من مواقع الحوادث والمظاهرات والاحتجاجات
وقمع السلطات الايرانيّة لكثير منها بطرق وحشيّة لا انسانيّة..

[Joe]

منع التصوير شي طبيعي بايران و مانو شي جديد.. بقى هل هي التظاهرات اكثر او اقل من الحقيقة هادا صعب نعرف

على كل حال ما بظن الموضوع موضوع انقلاب على النظام الاسلامي. يا ريت ..بس الموضوع مستحيل يوصل لهيك مواصيل... الموسوي و خاتمي و غيرهم هن من ازلام هالنظام و صحبة مع خامئني بس مدري شو صاير بالضبط

اما اننا نفكر انهم بديل كلي.. فهي شطحة كبيرة
يعني موسوي من اكبر الداعمين للبرنامج النووي مثلا

و بصراحة مافي بديل تاني لهادا النظام بالوقت الحالي. البديل الوحيد انهم يجيبوا ابن مدري حفيد الشاه و هي فكرة سخيفة


اما عن موضوع انو الشعب الايراني صديق!! فما بعرف شو دليل هذا الكلام. الايرانيين عندهم مطامع معروفة بالاراضي العربية و بينظروا نظرة دونية للعرب خاصة المتحضرين و الليبراليين منهم يلي متمسكين بالناحية الفارسية من جمهورية ايران (يعني مو الجانب الاسلامي).. بقى ماني شايف ايا رابط صداقة بشكل عملي او مفيد النا... على العكس كحكومة سورية, ايران الحالية مفيدة اكتر و احسن لنا انها ما تفرط قبل ما نقدر نحقق شي صفقة محترمة مع الاتحاد الاوروبي و الا مناكل هوا نظامي

[باشق مجروح]

هلق الي بيحكي عن ثورة للخروج من العباءة الدينية بايران أو الي بيحكي عن نظرية مؤامرة صهيونية امريكية ضد استقرار ايران بتصور عم بيبالغو كتير . و بتصوري هالاحداث سببها الاساسي الشحن بالشارع و الخصومة السياسية و الرغبة بالتغيير في ظل الواقع الصعب بالداخل مع احتمالية وجود اسباب مثل تدخل اجنبي او على الاقل دعم كما يجري في العلن وهالشي مو عيب ولا بيبرر اغفال السلطة الحالية لمطالب الجماهير .
الاحداث الجارية حالياً بتصور فائدتها فقط بالكشف عن الوجه الحقيقي لرؤوس السلطة في ايران و تفانيهم بالحفاظ عليها من جهة و تأكيد على ان الحكم الديني لا يأتي بديمقراطية حقيقة من جهة ثانية

[mhsen77]

بظن قصة الاحتجاجات و المظاهرات مبالغ فيها و مضخمة اكتر من اللازم و خصوصا من الاعلام العربي يلي بينظر لايران انها طامعة فيه \ بغض النظر عن صحة هالمقولة او خطائها \ بس يمكن لاقو نقطة سودا و بلشو ينفخو فيها و بتأييد من الغرب



انا ما عم قول انو مافي مظاهرات حتى ما ينفهم كلامي غلط

[zen]

هلق الاصلاحيين مانون قلال ولا المحافظين
بس برأي هني التنين مالازم يكونوا ع راس السلطة بإيران
يعني انا مستغرب كيف التيارين بيدفعوا بالناس للشارع مشان يقتلوا بعض

جد مناظر مخجلة لما مجموعة متظاهرين بيهجموا على واحد مع أختو أو مرتوا
بس كمان مابدنا نغفل انو المتاهرين عم يسببوا اضرار كبيرة وهاد مانو من سمات التظاهر الحضاري
بعدين نجاد
أخد 61 % من الاصوات يعني مانها نسبة كبيرة
وبالنسبة لوسائل الاعلام هاللي صار مخجل جدا
بس انا كنت وما زلت مع قرار تسكير مكتب قناة العربية بايران لانو هي أول محطة تسكرت
وطبعا اللي تابع تغطيتها مان بيشوف التحريض الواضح جدا
والطريقة التافهة و الكيدية لتغطية الاخبار
يعني في مظاهرة كانت طالعة لأنصار نجاد وكل التلفزيونات ناقلتها وبوقتها كان طالع قرار توقيف تغطية العربية بإيران
بيطلع محلل من قناة العربية و كتير ذكي وبيقول صور المظاهرة مركبة تركيب
وبتتبجح وبتحكي عن الموضوعية

[Elephant And Castle]

نقلاب يعني ثورة بالفارسي ..لهيك منسمع بيقولو عن الثورة الأسلامية ,,انقلاب اسلامي ..حبيت قول انقلاب جمهوري لأنو رأي بلشي يلي عم يصير انو هو ثورة شعبية ...

محمد ابراهيم

التيار الاصلاحي يعني اللي فكرو مش فكر عمائمي ؟
عفكرة محمد خاتمي كان معمم !! (هاد مش من باب الانتقاد لخاتمي ) عالمستوى الشخصي انا بحترمو جدا جدا ومن المعجبين فيه

قلت انو رأيي الشباب الأيراني عم يتظاهر مو حبا بالموسوي ,,,بس كرها بمنظومة الحكم الأيراني بالمجمل ...و موسوي بيعرف الكلام هاد منيح و بقية الساسة الأيرانيين ... الشعب الأيراني شاف الباب يلي بيقدر من خلالو ينتفض ..يلي هو الأنتخابات و سقوط موسوي بتزوير واضح ( حسب رأي المتظاهرين) ...يمكن يكون بالفعل جميع الساسة بيتبعو للولي الفقيه ..بس يمكن الأحداث هي رح تكون بداية تغيير ,,

Dndoshy

منع السلطات الايرانيّة للاعلام من ممارسة النقل التلفزيوني من مواقع الحوادث والمظاهرات والاحتجاجات
وقمع السلطات الايرانيّة لكثير منها بطرق وحشيّة لا انسانيّة..

النقطة هي كتيير مهمة لأنو بتوضع علامات استفهام كبيرة ...ليش النظام عم يقمع التظاهر بالشكل هاد ,,اذا واثق انو الأغلبية صوتت لنجاد ...و ثانيا ..ليش خايف اذا بيعتبر حكمو الأسلامي هو رأي اغلبية الأيرانيين ...حتى انو ما بدو اي تغطية اعلامية ...تقريبا المصدر الوحيد للمعلومة هي المدونين الأيرانيين و مستخدمين مواقع متل twitter.com .. ما بدها اتنن يختلفو انو يلي عم يصير اكبر بكتير من الشي يلي عم نشوفو

Joe

اما عن موضوع انو الشعب الايراني صديق!! فما بعرف شو دليل هذا الكلام. الايرانيين عندهم مطامع معروفة بالاراضي العربية و بينظروا نظرة دونية للعرب خاصة المتحضرين و الليبراليين منهم يلي متمسكين بالناحية الفارسية من جمهورية ايران (يعني مو الجانب الاسلامي).. بقى ماني شايف ايا رابط صداقة بشكل عملي او مفيد النا... على العكس كحكومة سورية, ايران الحالية مفيدة اكتر و احسن لنا انها ما تفرط قبل ما نقدر نحقق شي صفقة محترمة مع الاتحاد الاوروبي و الا مناكل هوا نظامي

مشاكلنا مع الأيراني ابتدت من ظهور الثورة و اخدها لمنحى طائفي من قبل قادة الثورة يلي المتظاهرين اليوم كانو عم يهتفولون بالموت ,,انا ما بذكر انو ايران كانت بتشكل متل هيك تهديد للعرب و جيرانها قبل الثورة ...

اما انو النظام الايراني افضل صديق للشعب السوري ..عندي بس تعديل مكان كلمة شعب ..بدلها بالنظام ..و بالفعل بتصير ,,النظام الأيراني افضل صديق للنظام السوري كتيير منطقي ..

( بعرف عزيزي انك ما قلت هيك ..بس عم احكي بالأجمال ...)

[Elephant And Castle]

خلوني صوّر القصة بالشكل هاد ..انو تخيلو مثلا بسوريا فوق كل القمع و الأضطهاد و الحكم العسكري والكآبة و الملل ..يجي شخص ما يطل علينا كل يوم جمعة بعد الضهر و يبلش ينظّر عاسمانا و كأنو هو إله و عم يحكي من عرشو,,. و كلامو عندو قدسية الهية !!

...الشعب الأيراني مل من التمثيلية هي ,,و مين بيقدر يلومو

[عياش]

أنا برأي الموضوع امتد شعبيا بسبب سياسة أحمدي النجاد بالدرجة الأولى يعني بعد ما كان خاتمي وصل لمرحلة التصدير لامريكا والتعامل المفتوح مع الغرب وبعد ما وصلو لمرحلة من الانفتاح الاجتماعي مقبولة نسبيا خصوصا إنو المجتمع الايراني بالأساس مجتمع منفتح ونسبة النساء المثقفات فيه مرتفعة رجع أحمدي النجاد بسياستو رجعون لمرحلة الثورة الاسلامية مقاطعين من دول الغرب بشكل كامل وتهديد بتطوير العقوبات وزيادتها وتهديدات مستمرة بضربة عسكرية ورجعو لخندق المواجهة تماما متل مرحلة ما بعد الثورة وخصوصا إنو النظام اللي تصارعو معو نظام صدام استبدل بنظام أمريكي وهنن هلق على خلاف واضح مع الأمريكان.
لذلك الشعب مل وزهق لانو رجع لورا وبناءاً عليه بظن إنو المظاهرات هي ضد سياسة أحمدي النجاد وتحيز الفقيه إلو أكتر من ما هية معارضة للنظام لأنو رؤوس المعارضة حاليا كلون من أبناء النظام الأوفياء ويلي إلون تراث أعمق وأقدر من تراث أحمدي النجاد بالثورة الاسلامية.

[wile]

إيييييييييييييييييييييييي ييع يا جماعة لا كتير تعدو تكبرو الموضوع زيادة وتعدو تحطولو أبعاد ومضري شو

الي صار بإيران بالمختصر المفيد إنه طهران العاصمة غالبية أصواتها راحت لموسوي

بس الي مو قادرين يفهمو الطهرانيين إنو مو باقي الشعب مع موسوي

يعني هنيه مفكرين إنه باقي إيران متل طهران وشان هيك صارت هالأزمة ...وبس

[jovia]

عن جد للي عم بيصير بايران مو قليل ابدا ما بعرف ليش زكرني الانفجار للي صار مبارح بالانفجار للي صار بالشام بيوم وقفة العيد
يعني بالنهاية لح يقتلو بعضون واعداؤن عم يتفرجو عليهون مبسوطين لك والله عيب دولة متل ايران قوية والها هيبة يصير فيها هيك ... بدعيلون يطلعو من هالمحنة بخير نشالله ...
ومواجهة الامريكان لا بد منها لانو اساس المشكلة انو امريكا ما بدها غيرها يملك برنامج نووي يعني ما بدها حدى اقوى منها ليش لنقبل نبقى ضعاف وتحت امرتون ... بالعكس برافو عليون للي عم بيجابهو امريكا وبحيي احمدي نجاد للي كان عندو الجرأة الكافية وانشالله من قوة لقوة اكبر ومن نصر للنصر القريب لفلسطين امين يارب

[Elephant And Castle]

كاتب النص الأصلي : jovia

عن جد للي عم بيصير بايران مو قليل ابدا ما بعرف ليش زكرني الانفجار للي صار مبارح بالانفجار للي صار بالشام بيوم وقفة العيد
يعني بالنهاية لح يقتلو بعضون واعداؤن عم يتفرجو عليهون مبسوطين لك والله عيب دولة متل ايران قوية والها هيبة يصير فيها هيك ... بدعيلون يطلعو من هالمحنة بخير نشالله ...
ومواجهة الامريكان لا بد منها لانو اساس المشكلة انو امريكا ما بدها غيرها يملك برنامج نووي يعني ما بدها حدى اقوى منها ليش لنقبل نبقى ضعاف وتحت امرتون ... بالعكس برافو عليون للي عم بيجابهو امريكا وبحيي احمدي نجاد للي كان عندو الجرأة الكافية وانشالله من قوة لقوة اكبر ومن نصر للنصر القريب لفلسطين امين يارب

صباح الخير ,,,الثورة الأسلامية صرلها تلاتين سنة ..و ما شفنا مواجهة ايرانية مع امريكا ...و بعدين ,,عنجد ما كنت بعرف انو عندك كل الأفكار الثورية هي ...بحييكي انو لساتك محافظة على شعارات قديمة
بس سؤالي الك او اي شخص تاني عندو جواب بتمنى يعطيني ياه ...

وصول اوباما للرئاسة بأمريكا معقول كان الو اثر على تغيير رأي الأيرانيين ..و تحفيزون على ازالة النظام يلي وضع الأيرانيين بخانة العداء مع الأمريكيين !!

[saman]

وصول اوباما للرئاسة بأمريكا معقول كان الو اثر على تغيير رأي الأيرانيين ..و تحفيزون على ازالة النظام يلي وضع الأيرانيين بخانة العداء مع الأمريكيين !!

القصة ع حسب مو واضحة هيي مو انقلاب ع النظام الاسلامي ولا شي ... ولا انقلاب على ولاية الفقيه ... لأنو المرشحين الاربعة ... كلهن مع هالقصة بس كل شخص الو برنامجو ...
يعني يلي مفكر هيك بيكون كتير غلطااان !
اضافة لأنو صار في ضجة اعلامية مبالغ فيها يلي شحنت الاوضاع اكتر واكتر !
الغريب بالوضع انو اميركا مانها متدخلة ابداً يعني بقصد تدخل بشكل مباشر .. وانما وكلت بريطانيا لتاخد هالمهمة عنها !
صرلها زمان بريطانيا ما لعبت دور تدخل رئيسي بالمنطقة !

[Joe]

كاتب النص الأصلي : wile

إيييييييييييييييييييييييي ييع يا جماعة لا كتير تعدو تكبرو الموضوع زيادة وتعدو تحطولو أبعاد ومضري شو

الي صار بإيران بالمختصر المفيد إنه طهران العاصمة غالبية أصواتها راحت لموسوي

بس الي مو قادرين يفهمو الطهرانيين إنو مو باقي الشعب مع موسوي

يعني هنيه مفكرين إنه باقي إيران متل طهران وشان هيك صارت هالأزمة ...وبس

يا عيني عليك. بالضبط

اذا بدكم الخلاصة يا شباب فهادا الكلام السليم

بس التفاصيل... فالبارحة قعدت قعدة مطولة جدا مع واحد من جماعة نجاد و لكن ضليع جدا و صديق قديم لي. و بنفس الوقت كان لي جلسات مع جماعة الموسوي.. و بصراحة الفرق بالحجج و الدليل واضح جدا و مع الوقت بدأت تتبين الحقائق و الاستنتاج هو التالي:
- الجماعة (موسوي و رفسنجاني بشكل اساسي) خططوا للموضوع بشكل مسبق و الشعب يثور فقط لانه شعب هائج و الجماعة يركبون هذه الموجة لتحقيق مبتغياتهم... و اغلب الظن ان هناك يد للمخابرات الامريكية و البريطانية في الموضوع... اما الادلة فهي متعددة و كلها تصب في اتجاه واحد:

1) في البداية كان هناك رحلة خاتمي الغريبة إلى مصر قبل اسبوعين من الانتخابات. لماذا؟ لا احد يعرف ماذا جرى هناك... و لكن اول شيء يخطر على البال انه ذهب للقاء مسؤولين غربيين لعقد صفقات. خاتمي ليس له صفة حكومية رسمية الان
2) التصريحات... خلال الانتخابات زوجة رفسنجاني اعلنت اننا سنفوز و اذا فزنا سنحارب نجاد على تصريحاته ثم اتبعتها بعبارة.. إلا اذا تم تزوير الانتخابات و قتها قد تحصل مظاهرات! (وقت خسر رفسنجاني الخسارة الفادحة المفاجئة امام نجاد كان التزوير هو ايضا الحجة.. عندما خسر المنتخب الايراني لكرة القدم ان يتاهل و حصل الشغب كانت الحجة نفسها.. الحكومة لها يد. مع العلم انه مثلا في حالة خسارة رفسنجاني الاولى نجاد لم يكن بالحكومة بعد!)
تصريح خطير جدا تسرب من صحفي قال انه سمع الكلام من مصدر من البيت الابيض و ذكر له المصدر انه قد تحصل تزويرات و احتجاجات. كيف يتنبأون بهذه التزويرات و الاحتجاجات ان لم يكونوا قد سمعوا بانه سيتم التخطيط لها؟
ايضا.. في البداية كان كلام موسوي انه تم الاعلان عن فوزه 4 ساعات قبل فرز الاصوات.. اولا لا يوجد باي نظام انتخابي شخص يعلن عن فوزه قبل فرز الاصوات او قبل انتهاء الفرز.. كيف تم الفرز؟ ثم المشكلة ان القصة تغيرت و اصبحت بعد ساعتين من انتهاء الفرز لكي يتجنبوا هذه الثغرة. يعني القصة تتغير الان. و خلال برنامجه الانتخابي كان يحذر من التزوير و انه قد تحصل احتجاجات
3) الوجود الصحفي: متل ما قال ويلي. الصحفيون ان وجدوا يأتون فقط إلى شمال طهران و هي المنطقة الغنية ولا احد فيها يحب نجاد. كل المتظاهرين من هذه المنطقة. طبعا جميعهم رأووا ناس من منطقتهم يصوتون لموسوي في من الطبيعي ان يشعروا في الغضب خاصة اذا قال لهم رئيسهم انه تم خداعهم و التزوير.. و لكن الحقيقة انه هو الذي خدعهم. ايضا... ظهرت فجأة قناة بي بي سي الفارسية (ستلايت) قبيل الانتخابات و ايضا الترجمة على غووغل من الفارسي للانكليزي... انا نفسي اردت ترجمة كلمة فارسية للانكليزي و لم تكن الخدمة متاحة قبل بضعة اسابيع... يعني في اهتمام غربي واضح لايجاد medium اعلامي لنشر الافكار "الاصلاحية"
4) الفساد... فكرة ان موسوي و رفسنجاني و خاتمي من الجيل الاول للثورة صحيحة و لكن رفسنجاني معروف جدا بالفساد و ابنه يملك شركة نفط و جميعهم وقت استلموا السلطة قاموا بتعيين معارفهم و اولادهم في المراكز الهامة... نجاد جاء و قام بعزلهم الذين تم تعيينهم بالواسطة و بدأ بتعيين اشخاص لهم مؤهلات حقيقية. المبدأ الذي يتحدث به نجاد هو انكم انتم الجيل الاول و لكن نحن من كنا على الارض كجنود و ضحينا... لقد اخذتم مجدكم الكافي و لكن لا يعقل ان تقوموا بتعيين اولاد عائلتكم و لهذا هو الان يقوم بهذه التغييرات.. مثل مثلا عزل زوجة موسوي عن رئاسة احدى الجامعات.... هذه كلها وضعته وضع المحاربة من قبلهم. بصراحة من الخطأ ببساطة اعتبارهم معصومين عن الخطأ كونهم من الجيل الاول... من المنطقي جدا ان يكونوا متورطين جميعا بقضايا فساد (رفسنجاني بشكل اكيد)
5) التظاهرات ليس لها علاقة بالتظاهر السلمي. لقد قاموا بالهجوم على مقر الباسيج و هم المتطوعون. حاول ان تهجم على شرطي اميركي او كندي و شوف شو بصير فيك. ببساطة الحق عليهم. العنف مرفوض. و من الممكن جدا ان تكون هذه العينات التي تعمل دائما على التصعيد هي عينات مزروعة لتحميس المتظاهرين
6) اخيرا و ليس اخرا.. لا يوجد اي وثائق تؤكد اي تزوير و حتى موسوي ليس لديه نظرية عن كيف كان التوزير. فمرة قالوا لم يتم وضع الاصوات و مرة قالوا تم زرع اصوات و مرة قالوا ان نجاد كان فائز بنسبة ضئيلة و لكنهم زوروا الارقام لكي يربح بنسبة اعلى و هذا كلام فاضي لان الفائز فائز و لا يحتاج للتزوير. الادعاء بخصوص ان وزارة الداخلية اعلنت فوز موسوي هو ادعاء باطل ايضا.

بالمختصر... موسوي بدعم من رفسنجاني قاموا بالتحضير لهذه التظاهرات و بني ال momentum لها عبر مجموعة من التصريحات خلال الانتخابات و قبيل الاحصاء.. اعلنوا فوزهم مرارا و تكرارا ثم حذروا من التزوير ثم عندما خسروا نتيجة شعبية نجاد الحقيقية أقاموا الدنيا و ضحكوا على الناس. و الان سيتعرض الكثير من الابرياء للموت كما يحصل الان..

للاسف كنا نرى في هذه الاحداث عبارة عن نهوض شعبي حقيقي ضد الظلم و لكنها تعليك و مؤامرات و جهل و نورنة... للاسف. اذا اراد نجاد تحريك مناصريهم يمكنه اغراق البلد بسهولة.

[jovia]

كاتب النص الأصلي : Elephant And Castle

صباح الخير ,,,الثورة الأسلامية صرلها تلاتين سنة ..و ما شفنا مواجهة ايرانية مع امريكا ...و بعدين ,,عنجد ما كنت بعرف انو عندك كل الأفكار الثورية هي ...بحييكي انو لساتك محافظة على شعارات قديمة
بس سؤالي الك او اي شخص تاني عندو جواب بتمنى يعطيني ياه ...

وصول اوباما للرئاسة بأمريكا معقول كان الو اثر على تغيير رأي الأيرانيين ..و تحفيزون على ازالة النظام يلي وضع الأيرانيين بخانة العداء مع الأمريكيين !!

الله يسامحك يا اليفنت كل هالتهديدات وكل هالاتهامات يلي عم تلقيها امريكا على ايران حتى انو صار اوباما عم يقر علهوى انو ايران هي الخطر الاكبر عالعالم ومو اسرائيل يلي عم تحتل فلسطين وعم تستوطنها ... يعني اليوم متلا سمعت انو احمدي نجاد عم بيحذر من اي تدخلات امريكية او اجنبية لانو عم بيشعلو النار اكتر بايران

بعدين انا ثقافتي الاخبارية السياسية مابها شي بينقال عنها فوء الوسط بشوي

بالنسبة لسؤالك انا من وجهة نظري كل شي الو صلة باللي عم بيصير يعني كلمة الرئيس اوباما بمصر كتير كان الها تاثير عالعالم الاسلامي والعربي كافة بس انا باعتقادي كلمته بالجامعة المصرية كان تفاهة وكلو ضحك عالعرب وبيع كلام ببلاش وبس يعني بيجوز بعد كلمة احمدي نجاد يلي القاها بالمؤتمر يلي اندعى الو "" يلي قال فيها انو اسرائيل عنصرية وقام الدنية وما قعدة" خلت الشعوب الصديقة لاسرائيل والضعييفة تنظر لايران نظرة الالتانيب ورفع العقوبات والكره حتى .. كلو هاد خلى شعب ايران يميل للاستقرار يمكن وخوفون من التهديدات يلي عم تلقيها اسرائيل بقصف ايران

بالنهاية يمكن معلوماتي مو كافية بس هاد من منظور ثقافتي الاخبارية واللي عندو شي غير رايي برحب فيه

[saman]

كاتب النص الأصلي : Joe

يا عيني عليك. بالضبط

اذا بدكم الخلاصة يا شباب فهادا الكلام السليم

بس التفاصيل... فالبارحة قعدت قعدة مطولة جدا مع واحد من جماعة نجاد و لكن ضليع جدا و صديق قديم لي. و بنفس الوقت كان لي جلسات مع جماعة الموسوي.. و بصراحة الفرق بالحجج و الدليل واضح جدا و مع الوقت بدأت تتبين الحقائق و الاستنتاج هو التالي:
- الجماعة (موسوي و رفسنجاني بشكل اساسي) خططوا للموضوع بشكل مسبق و الشعب يثور فقط لانه شعب هائج و الجماعة يركبون هذه الموجة لتحقيق مبتغياتهم... و اغلب الظن ان هناك يد للمخابرات الامريكية و البريطانية في الموضوع... اما الادلة فهي متعددة و كلها تصب في اتجاه واحد:

1) في البداية كان هناك رحلة خاتمي الغريبة إلى مصر قبل اسبوعين من الانتخابات. لماذا؟ لا احد يعرف ماذا جرى هناك... و لكن اول شيء يخطر على البال انه ذهب للقاء مسؤولين غربيين لعقد صفقات. خاتمي ليس له صفة حكومية رسمية الان
2) التصريحات... خلال الانتخابات زوجة رفسنجاني اعلنت اننا سنفوز و اذا فزنا سنحارب نجاد على تصريحاته ثم اتبعتها بعبارة.. إلا اذا تم تزوير الانتخابات و قتها قد تحصل مظاهرات! (وقت خسر رفسنجاني الخسارة الفادحة المفاجئة امام نجاد كان التزوير هو ايضا الحجة.. عندما خسر المنتخب الايراني لكرة القدم ان يتاهل و حصل الشغب كانت الحجة نفسها.. الحكومة لها يد. مع العلم انه مثلا في حالة خسارة رفسنجاني الاولى نجاد لم يكن بالحكومة بعد!)
تصريح خطير جدا تسرب من صحفي قال انه سمع الكلام من مصدر من البيت الابيض و ذكر له المصدر انه قد تحصل تزويرات و احتجاجات. كيف يتنبأون بهذه التزويرات و الاحتجاجات ان لم يكونوا قد سمعوا بانه سيتم التخطيط لها؟
ايضا.. في البداية كان كلام موسوي انه تم الاعلان عن فوزه 4 ساعات قبل فرز الاصوات.. اولا لا يوجد باي نظام انتخابي شخص يعلن عن فوزه قبل فرز الاصوات او قبل انتهاء الفرز.. كيف تم الفرز؟ ثم المشكلة ان القصة تغيرت و اصبحت بعد ساعتين من انتهاء الفرز لكي يتجنبوا هذه الثغرة. يعني القصة تتغير الان. و خلال برنامجه الانتخابي كان يحذر من التزوير و انه قد تحصل احتجاجات
3) الوجود الصحفي: متل ما قال ويلي. الصحفيون ان وجدوا يأتون فقط إلى شمال طهران و هي المنطقة الغنية ولا احد فيها يحب نجاد. كل المتظاهرين من هذه المنطقة. طبعا جميعهم رأووا ناس من منطقتهم يصوتون لموسوي في من الطبيعي ان يشعروا في الغضب خاصة اذا قال لهم رئيسهم انه تم خداعهم و التزوير.. و لكن الحقيقة انه هو الذي خدعهم. ايضا... ظهرت فجأة قناة بي بي سي الفارسية (ستلايت) قبيل الانتخابات و ايضا الترجمة على غووغل من الفارسي للانكليزي... انا نفسي اردت ترجمة كلمة فارسية للانكليزي و لم تكن الخدمة متاحة قبل بضعة اسابيع... يعني في اهتمام غربي واضح لايجاد medium اعلامي لنشر الافكار "الاصلاحية"
4) الفساد... فكرة ان موسوي و رفسنجاني و خاتمي من الجيل الاول للثورة صحيحة و لكن رفسنجاني معروف جدا بالفساد و ابنه يملك شركة نفط و جميعهم وقت استلموا السلطة قاموا بتعيين معارفهم و اولادهم في المراكز الهامة... نجاد جاء و قام بعزلهم الذين تم تعيينهم بالواسطة و بدأ بتعيين اشخاص لهم مؤهلات حقيقية. المبدأ الذي يتحدث به نجاد هو انكم انتم الجيل الاول و لكن نحن من كنا على الارض كجنود و ضحينا... لقد اخذتم مجدكم الكافي و لكن لا يعقل ان تقوموا بتعيين اولاد عائلتكم و لهذا هو الان يقوم بهذه التغييرات.. مثل مثلا عزل زوجة موسوي عن رئاسة احدى الجامعات.... هذه كلها وضعته وضع المحاربة من قبلهم. بصراحة من الخطأ ببساطة اعتبارهم معصومين عن الخطأ كونهم من الجيل الاول... من المنطقي جدا ان يكونوا متورطين جميعا بقضايا فساد (رفسنجاني بشكل اكيد)
5) التظاهرات ليس لها علاقة بالتظاهر السلمي. لقد قاموا بالهجوم على مقر الباسيج و هم المتطوعون. حاول ان تهجم على شرطي اميركي او كندي و شوف شو بصير فيك. ببساطة الحق عليهم. العنف مرفوض. و من الممكن جدا ان تكون هذه العينات التي تعمل دائما على التصعيد هي عينات مزروعة لتحميس المتظاهرين
6) اخيرا و ليس اخرا.. لا يوجد اي وثائق تؤكد اي تزوير و حتى موسوي ليس لديه نظرية عن كيف كان التوزير. فمرة قالوا لم يتم وضع الاصوات و مرة قالوا تم زرع اصوات و مرة قالوا ان نجاد كان فائز بنسبة ضئيلة و لكنهم زوروا الارقام لكي يربح بنسبة اعلى و هذا كلام فاضي لان الفائز فائز و لا يحتاج للتزوير. الادعاء بخصوص ان وزارة الداخلية اعلنت فوز موسوي هو ادعاء باطل ايضا.

بالمختصر... موسوي بدعم من رفسنجاني قاموا بالتحضير لهذه التظاهرات و بني ال momentum لها عبر مجموعة من التصريحات خلال الانتخابات و قبيل الاحصاء.. اعلنوا فوزهم مرارا و تكرارا ثم حذروا من التزوير ثم عندما خسروا نتيجة شعبية نجاد الحقيقية أقاموا الدنيا و ضحكوا على الناس. و الان سيتعرض الكثير من الابرياء للموت كما يحصل الان..

للاسف كنا نرى في هذه الاحداث عبارة عن نهوض شعبي حقيقي ضد الظلم و لكنها تعليك و مؤامرات و جهل و نورنة... للاسف. اذا اراد نجاد تحريك مناصريهم يمكنه اغراق البلد بسهولة.

متفق معك بكل النقط يلي زكرتها تقريباً

[Joe]

كاتب النص الأصلي : Elephant And Castle

صباح الخير ,,,الثورة الأسلامية صرلها تلاتين سنة ..و ما شفنا مواجهة ايرانية مع امريكا ...و بعدين ,,عنجد ما كنت بعرف انو عندك كل الأفكار الثورية هي ...بحييكي انو لساتك محافظة على شعارات قديمة
بس سؤالي الك او اي شخص تاني عندو جواب بتمنى يعطيني ياه ...

وصول اوباما للرئاسة بأمريكا معقول كان الو اثر على تغيير رأي الأيرانيين ..و تحفيزون على ازالة النظام يلي وضع الأيرانيين بخانة العداء مع الأمريكيين !!

يعني المطلوب منهم يعلنوا الحرب على اميركا حتى تكون الثورة اصلية و مو كذابية؟ انا ما فارق معي الثورة الاسلامية ما تفهمني غلط. انا ملحد و علماني و اخر ما ارغب به هو الانظمة الاسلامية.. بس في حق و في كذب
و ايران مدت يد العون لاميركا في افغانستان اول الحرب و هي السبب الاساسي لسقوط الطالبان فجاة..

ببساطة... نجاد قام بقلب الامور رأسا على عقب في ايران من حيث اصلاح الحكومة و عزل من تم تعيينهم بالواسطات من عائلات الحرس القديم. و قام طبعا بالتعجيل بالبرنامج النووي.. هذا كله في النهاية سوف ينصب في مصلحة الامة الايرانية. يعني البرنامج النووي في النهاية لهم.

اما موضوع انه نظام اسلامي.. فطبعا هذه سلبية كبيرة و ببساطة لا يمكن ان يكون هناك نظام ليرضي كل الاطراف الايرانية. و الاطراف العلمانية الايرانية لن ترضى بنجاد فقط لانه نجاد و لانه من الطبقات الفقيرة. و لكنها لا تاتي ببديل حقيقي.. و ايضا ليست واقعية في احتجاجاتها (اي بديلها).. عدى عن كونها ببساطة ليست اغلبية الشارع الايراني

يعني افرض انهم حصلوا على مبتغاهم.. وقتها سيثور الشارع الاخر و الذي هو اكبر حجما!