المجتمع والصياعة

[AlAdel]

مرحبا يا شباب
بسم الله

كتير ما منسمع أخبار مشينة عن البنات من عمر ال17 لل 26 تقريبا
كنت كل يوم أسمع سمعة أو شوف شوفة عن وحدة أو فضيحة لشي وحدة من البنات اللي بعرفهون سواء جارا أو ساكنة بالحي

شفنا فيديوهات وسمعناسمعات وشفنا بسسس.....
هل كل البنات هيك ؟؟
أتبعو هديك الطريقة وساوو العملة ما غيرا... بدون ما يأذوا حالون يعني...(بدون فقدان العذرية)\\يمكن انفهمت\\
بيكفي لتعرف هلواقع أنو ترحلك على شي زاوية مظلمة شوي صافين فيها سيارات وتتفاجئ باللي رح تشوفو
وبيكفي تروح على جبل قاسيون المنطقة الاشهر بسياراتها اللي عم تهز مع أنها واقفة
أكيد مو كل البنات اللي بالسيارات مأجورات وأغلبيتهن مثلا وحدة طلعت مشوار مع رفيقها

طيب شو منشان البنات المؤدبات المحترمات اللي ما ممكن ينشك بأخلاقهون أبداً
وإذ بتفاجئ بأنو وحدة من البنات اللي أخلاقها متل الملاك(ظاهراً) ساوت نفس الشي وما ممكن قول كذب أو إشاعة لأنو موثوق جدا
وإّذ بتفاجئ بعد فترة أنو بنت تانية نفس وضع اللي قبلا صار معها نفس الشي

وصار مبدأ الشباب كتير من الشباب ومنهن بعرفهون ومنهون من أعز رفقاتي صارت حياتهون متل ما قال زياد الرحباني :
(شو عدا ما بدا ما بتفرق ما حدا صرنا بدنا نبيع ألماظ الخواتم ودهب المناجم تندفع بالمطاعم فاتورة الـــــغدا)

طيب شوو؟؟
هل أنو 99% من البنات هيك متل ماني مفكر أنا ولا شو
بطلنا نتزوج ونجيب ولاد من ورا هلشغلة لأنو ما رح كون متأكد إذا مرتي (عفيفة ونضيفة ) أو لأ

حابب أعرف رأيكون لأنو عن جد موضوع مهم بهلعصر
شكرا

[Nihal Atsiz]

أي شو نحن الشباب أحسن يعني!!
لماذا يحق لنا ان نصيع, بينما البنات ممنوع؟
طبعا انا ما بأكد او بنفي الشغلات الواردة بموضوعك بس حبينا نطرح هالسؤال

[AlAdel]

كاتب النص الأصلي : Nihal Atsiz

أي شو نحن الشباب أحسن يعني!!
لماذا يحق لنا ان نصيع, بينما البنات ممنوع؟
طبعا انا ما بأكد او بنفي الشغلات الواردة بموضوعك بس حبينا نطرح هالسؤال

سلامو خيي
يا اخي اي غلط من هلنوع بيتوجب غااالباً وجود شب وبنت صحح...
وحديثنا بيدور بشكل أخص على البنات
هلق شوف من ناحية نظرة المجتمع الشب ما عليه اي ذنب لانو طبعا ما رح يفقد عذريته
اما من النواحي التانية طبعا الشب والبنت غلطانين بحالة ارتكاب الخطأ ...

طبعا ما مننفي أغلاط الشباب اللي -ممكن- تكون افظع

[بنفسجة]

هلأ بالمجمل كل واحد يساوي يلي بيريحو
يمكن يلي شايفو انت صياعة غيرك شايفو حق طبيعي وشي طبيعي
99% من البنات متل مانك مفكر؟؟؟؟؟؟
كيف بتفكر انت؟
انا بشوف انو كل واحد يعمل حسب ما بيرتاح
وبيضل موضوع (الصياعة)موضوع نسبي بيعود لقناعات كل شخص بهالمجتمع

[mary_55]

كاتب النص الأصلي : Nihal Atsiz

أي شو نحن الشباب أحسن يعني!!
لماذا يحق لنا ان نصيع, بينما البنات ممنوع؟
طبعا انا ما بأكد او بنفي الشغلات الواردة بموضوعك بس حبينا نطرح هالسؤال

وأنا معك بهي الفكرة
مو بس البنات عم ينفضحو
كمان الرجال بتنتشر سمعتهون
وتأكد أنو لما بتكون البنت عفيفة ونضيفة
رح تضل سمعتها نضيفة
وبس ساوت عملة رح تنفضح أولتها وأخرتها رح تنفضح
والله يصلح حال كل وحدة واقعة هيك وقعة

[AlAdel]

كاتب النص الأصلي : بنفسجة

هلأ بالمجمل كل واحد يساوي يلي بيريحو
يمكن يلي شايفو انت صياعة غيرك شايفو حق طبيعي وشي طبيعي
99% من البنات متل مانك مفكر؟؟؟؟؟؟
كيف بتفكر انت؟
انا بشوف انو كل واحد يعمل حسب ما بيرتاح
وبيضل موضوع (الصياعة)موضوع نسبي بيعود لقناعات كل شخص بهالمجتمع

هلق بعيدا عن تفكيري وتفكير غيري الموضوع كموضوع مو كتفكير يعني كواقع

[AlAdel]

كاتب النص الأصلي : mary_55

وأنا معك بهي الفكرة
مو بس البنات عم ينفضحو
كمان الرجال بتنتشر سمعتهون
وتأكد أنو لما بتكون البنت عفيفة ونضيفة
رح تضل سمعتها نضيفة
وبس ساوت عملة رح تنفضح أولتها وأخرتها رح تنفضح
والله يصلح حال كل وحدة واقعة هيك وقعة

هلق عمل هيك شي بيسبب مفخرة عند بعض الشباب (لا تستغربي شفنا كتير )
بس البنت اللي بتمر ولو كانت صاحبة الخمار الاسود فتأكدي أنها انحكا عليها شي خمسين حكاية
وفضيحة البنات سريعة الانتشار بشكل خااااارق وحتى مو الفضيحة حتى الاقل من هيك بكتير (يمكن هلشغلة كتير معروفة)

[Sarita]

طيب هلأ رح اعطيك مثال
مثلا في شب حابب يسرح ويمرح ع طيفو قبل الزواج مو بيلاقي بنت يتحركش فيا بتصير البنت تحبو وبيطلع ويجي معها
بعدين وقت بدو بجوز ما بياخدا ليه ؟ لانو طلعت معو
يبقى بدو يجيب وحدة خلنج عفيفة نظيفة ع قولتك
بقا البنت شو زنبا اه؟
مو الشباب بالاول ما بيعطوون وج ما كان صار اللي صار
بعدين تحكمو بغرائزكون شوي
وبالاخير كل واحد وقناعتو الشخصيي وكل واحد وكيف بدو يشوف هالموضوع بمنظار منعين
شكرا

[Nay]

شو البنات عم يصيعو لحالون..
رغم انك عقبت بعدين وقلت انو الشباب كمان مشتركين بالغلط.. ولكن الموضوع برأيي خطأ انو ينطرح بهادا الشكل.. وتحت هادا العنوان..
نقطة 2
انت شو تعريفك للصياعة..
هل هيي الجنس قبل الزواج .. هل هوي التدخين .. هل هوي التأخر بالرجعة على البيت.. هي المسائل عند ناس كتير ما بتتصنف صياعة..
نقطة3
مو المهم الفضيحة او حكي الناس.. المهم رأيك.. انحكا على البت او ما انحكا.. المهم رأيك انت

[Sarita]

نقطة3
مو المهم الفضيحة او حكي الناس.. المهم رأيك.. انحكا على البت او ما انحكا.. المهم رأيك انت

تقبشيني انتي ونقطك

[هدوء البحر]

المربى بيت اهلو ما بيعمل هيك

مو يعني اذا شفت مع شب يعني صايعة

لانو في شي بالدنية اسمو حب

وحتى لو البنت مزبوط متل ماعم تحكي لازم ما نحكي عالحدا ولا تخلي حدا يحكي ائدامك

هي هيك تصطفل

((حط ايدك بعينك متل ما بتجعك بتجع غيرك))

[ritka]

بطلنا نتزوج ونجيب ولاد من ورا هلشغلة لأنو ما رح كون متأكد إذا مرتي (عفيفة ونضيفة ) أو لأ

لحظة شوي.. يعني صبية بتحبها اكتشفت انها مش عذراء ما بتتجوزها لانها مش عذراء؟
ولا لانك تعودت انو البنت "المش عذراء" معناتها"مش مرباية"؟

و الباقي متل ما قالت ناي..

[بنفسجة]

سوري اخوية محششة هلق الرد يلي قبل بينحذف
كنت بدي وصل فكرة وحدة بس
انو الصياعة مفهوم مختلف من مجتمع لمجتمع وصار بكتير من المجتمعات مختفي
في مجتمعات تشوف البنت يلي بتلبس جينز صايعة
وفي مجتمعات بتشوف انو البنت يلي بتسهر برا البيت لبعد الساعة 12 صايعة(واذا قبل لا)
وفي مجتمعات تصالحت مع ذاتا وصارت البنت بتتحمل مسؤلية نفسا وتصرفاتا ومسؤلة عن النتائج يلي بتترتب عن هي التصرفات بهيدا المجتمع ماعدنا نشوف مصطلح صياعة وصايعة
وبالنهاية كل واحد يهتم بحالو ويتصرف حسب ما بيشوف انو صح
ولا يراقب العالم ولا يحاول يقيمون لانو ماحدا بيشوف حالو غلط

[Black Orchid]

بيصير ندرج هالموضوع تحت عنوان مشاكل الشباب .
وتكون المشاركات حول اسباب هذه المشاكل واقتراح حلول لجيل كامل يعاني منها دون استثناء.

[Marooshe]

كأنو كلمة صياعة سوقية وما بتناسب تعميمك خصوصي إنك شايف الاشيا من خلال منظارك إنت وفهمك للحياة

كاتب النص الأصلي : Adooooooooooool

بطلنا نتزوج ونجيب ولاد من ورا هلشغلة لأنو ما رح كون متأكد إذا مرتي (عفيفة ونضيفة ) أو لأ

مفهوم "عفيفة ونضيفة" نسبي وبيختلف من شخص لآخر ،
العفة اللي ممكن عندك تكون العذرية عند غيرك ممكن تكون الأخلاق لمنيحة ، وبرضو هون كل واحد بيملأ بفرغ العفة الكلمات المرادفة اللي بتناسبو ..

فالأصح انك تقول بطلت تتزوج وتجيب (أولاد لأنو بدك مرتك تكون مختومة ومغلفة بنايلون) ومش بطلنا نتزوج ونجيب أولاد ..

وغير هيك هيي الشغلة كلها شغلة حرية شخصية وحق مشروع لكل صبية في إختيار منحى حياتها متل ما إنت الك الحق في إنتقاء شريكتك ..


فببساطة اللي ما بيعجبك لا تاخد منو

[fernanda bachchan kfoury]

مالازم الواحد يحكي عالبنات لانو رح يصير عندك بيوم من الايام بنات ومارح تحب الناس تحكي عليهن
so حتى لو شفت بعينك بدك تسكت لانو عند ناس بتعتبر حرية شخصية وعند ناس بتعتبر شي عادي متل البنت متل الشب و..و..

بقا مو كل الصبايا صايعات لانو اللي عم تشوفون بقاسيون او بتشوفون بسيارات بيكونو شباب مع حبيباتون او خطيباتون
بقا ازا الشب حاطط براسو شي تاني وياخد هالشي من ورا محبة لصبية ولانها جدبة هون المشكلة فيو

طيب شوو؟؟
هل أنو 99% من البنات هيك متل ماني مفكر أنا ولا شو
بطلنا نتزوج ونجيب ولاد من ورا هلشغلة لأنو ما رح كون متأكد إذا مرتي (عفيفة ونضيفة ) أو لأ

ليش انت رح تكون عفيف نظيف؟ازا كنت عفيف نظيف يكون بعلمك انو مرتك رح تكون متلك ما تعتل هم لانو متل ما انت بتكون رح تكون مرتك <<< وبعدين كلو مقدّر

[almurtaja]

كاتب النص الأصلي : Nay

شو البنات عم يصيعو لحالون..
رغم انك عقبت بعدين وقلت انو الشباب كمان مشتركين بالغلط.. ولكن الموضوع برأيي خطأ انو ينطرح بهادا الشكل.. وتحت هادا العنوان..
نقطة 2
انت شو تعريفك للصياعة..
هل هيي الجنس قبل الزواج .. هل هوي التدخين .. هل هوي التأخر بالرجعة على البيت.. هي المسائل عند ناس كتير ما بتتصنف صياعة..
نقطة3
مو المهم الفضيحة او حكي الناس.. المهم رأيك.. انحكا على البت او ما انحكا.. المهم رأيك انت

نقطة إنتهى

[Black Orchid]

وبيكفي تروح على جبل قاسيون المنطقة الاشهر بسياراتها اللي عم تهز مع أنها واقفة
أكيد مو كل البنات اللي بالسيارات مأجورات وأغلبيتهن مثلا وحدة طلعت مشوار مع رفيقها


بتوجه الاتهام للبنت وانا متأكده انه اللي عم يهز السياره هو الشب.