عزة العرب بأوباما ؟!

[اسبيرانزا]

بعد زيارة الرئيس الامريكى باراك اوباما لمصر تصدرت صوره والمقالات المعِلقة عليه كافة الصحف والمجلات و كان اللافت للنظر من وسط كل المنشيتات ,, منشيت كتبه الصحفى عبداالله كمال بصحيفة روز اليوسف بعنوان ( اللهم اعز الاسلام بأوباما )

هل استشهاد اوباما ببعض آيات القرآن فى خطابه يجعلنا نفتح طاقة الامل الى هذا الحد؟

هل دعوته الى وقف بناء المستوطنات فى اسرائيل وتأكيده على ان الانسحاب الكلى من العراق فى اوائل 2012 يجعلنا نأمل فيه حل لأزماتنا وعزتنا

ما رأيكم بالرئيس اوباما ؟؟ وسياسته حيال الشرق الاوسط ؟؟ وما رأيكم فى الحيادية التى يظهرها فى موقفه من الصراع الفلسطينى الاسرائيلى ؟؟

[الماسه]

كاتب النص الأصلي : اسبيرانزا

وما رأيكم فى الحيادية التى يظهرها فى موقفه من الصراع الفلسطينى الاسرائيلى ؟؟

حياديه؟؟؟؟؟؟؟؟؟؟
لا اعتقد
نفس السياسات السابقه ولكن باسلوب منمق و عاطفي
ونحن العرب شعب عاطفي

[أإأبو العبد]

كاتب النص الأصلي : الماسه

حياديه؟؟؟؟؟؟؟؟؟؟
لا اعتقد
نفس السياسات السابقه ولكن باسلوب منمق و عاطفي
ونحن العرب شعب عاطفي

مش معك بهالحكي بالمرة مستحيل اوباما يتبع نفس السياسات السابقة لانو امريكا حاليا على كف عفريت واملو الوحيد العرب وبدو رضاهن باي طريقة فمجبر اخاك لابطل لازم تتغير السياسة الامريكية تجاه العرب مع انو مافينا ننكر ولاء امريكا الاعمى لاسرائيل لكن الظروف الاقتصادية الي بتعلني منها عمتو امريكا بتجبرا تغير السياسة
ومن وجهة نظري انو هي لعبة سياسية كبيرة فهلا نعسان كتير فمارح اقدر اشرحا انشاالله بكرة

[Abu ToNi]

أوباما مد ايده للعرب وللمسلمين وهاد شي صحيح وواضح
بس من السذاجة اعتبار الفعل هاد لهدف المصالحة والتعايش السلمي
الفكرة بأنه رحب بأي جهد مبذول للتعامل مع دولته والتقرب منها وأثنى على حلفاءه بالمنطقة وهاد ما بعتبره شي غريب او جديد

فالايد الممدودة هدفها الجذب لطرفه .. مو هدفها الانجذاب نحو الطرف التاني بعكس ما البعض فهم منها

هل استشهاد اوباما ببعض آيات القرآن فى خطابه يجعلنا نفتح طاقة الامل الى هذا الحد؟

سؤالك هاد كتير ذكي وبحييكي عليه

هل دعوته الى وقف بناء المستوطنات فى اسرائيل وتأكيده على ان الانسحاب الكلى من العراق فى اوائل 2012 يجعلنا نأمل فيه حل لأزماتنا وعزتنا

وقف المستوطنات ما جايبه من عنده .. ناتعه من لسان بوش نفسه
والمحاكم الدولية وقراراتها متملية بهلمطالب والتوصيات والقرارات وكله حبر على ورق .. وبحالتنا صار اسمه " حكي بالفلك "
انسحابه من العراق جزء من خطته الانتخابية اللي على اساسها شعبه اختاره ليكون رئيس ، لهيك بتخيل بده يصير فعل حقيقي ورح يلتزم فيه بحكم أنه عم يطمع لإرضاء الشعب حتى يحصد نقاط تكفله التميديد فترة شغله لمنصب الرئيس لولاية تانية .

[leonardo_dicabreo]

وهاي الصوره بعد تسلم أوباما للسلطات بسنتين . . . ! !

عمّي , أوباما بيلعب بدمّه , بدّه يكسب ثقة العرب , بالكم مشوار الّي عملهم , وطول عمره أوباما معطي موافقته عالحرب على العراق , ودايما بيحكي بخطاباته بالبيت الأبيض أنه بدي أزيد الدّعم والقوات الأمريكيه بالعراق , شوفولي أوّل صورتين وحجم التناقض الي بيناتهن . . ! !

[الماسه]

اعتقد الصور خير تعليق

[عربي عربي]

كاتب النص الأصلي : أإأبو العبد

مش معك بهالحكي بالمرة مستحيل اوباما يتبع نفس السياسات السابقة لانو امريكا حاليا على كف عفريت واملو الوحيد العرب وبدو رضاهن باي طريقة فمجبر اخاك لابطل لازم تتغير السياسة الامريكية تجاه العرب مع انو مافينا ننكر ولاء امريكا الاعمى لاسرائيل لكن الظروف الاقتصادية الي بتعلني منها عمتو امريكا بتجبرا تغير السياسة
ومن وجهة نظري انو هي لعبة سياسية كبيرة فهلا نعسان كتير فمارح اقدر اشرحا انشاالله بكرة

ابو العبد انا مع رايك والكلام 100% صحيح اميركا محتاجه رضاء العرب

[stormsmaker]

كاتب النص الأصلي : عربي عربي

ابو العبد انا مع رايك والكلام 100% صحيح اميركا محتاجه رضاء العرب

ممكن يا أبو الشباب انتي و أبو العبد تشرحولي هالنقطة بشكل موسع شوي
يعني شو ممكن يكون هدف الولايات المتحدة الأميركية من التقرب و الحصول على رضاء الأمة العربية الواحدة

[عربي عربي]

كاتب النص الأصلي : stormsmaker

ممكن يا أبو الشباب انتي و أبو العبد تشرحولي هالنقطة بشكل موسع شوي
يعني شو ممكن يكون هدف الولايات المتحدة الأميركية من التقرب و الحصول على رضاء الأمة العربية الواحدة

شرح الموضوع كتير صعب بس ممكن اعطيك نقاط وانت فكر فيها على رواق ورح تعرف من حالك انو الكلام صحيح
1- المشاكل الي بالدول العربيه سببها اميركا واسرائيل, والوطن العربي طفح الكيل معو فا يا اما رح تصير حرب اخت شليته يا اما رح تروء واميركا اكيد بدها تروق عشان اقتصادها ما رح يسمح انها تعمل حرب اصلا لو عملت حرب ما رح يكون من صالحهم عشان رح ييجيها الملايين من البشر الي رح تحاربهم فا رح تكون هاي خساره لسمعتها وبنفس الوقت رح تخسر قوتها لتحكم العالم عشان ما بتوقع انو في حدا رح يقبل انو دوله قتلت الملايين من البشر انو تكون حاكمه العالم, يعني ما رح نعطيهم الولاء
2- شوف المشاكل الي سوتها في العراق وشوف اسرائيل شو سوت في فلسطين ولبنان ولسا رح ييجي دور سوريا و ايران, فكرك اذا اجا الدور على سوريا او ايران انو العرب رح تسكت, انا ما بتوقع عشان خلص زودوها علينا كتير وما بتوقع انو العربي رح يطل ساكت ومتحمل الخراب الي عم تعملو اميركا واسرائيل حواليه ولي بتوقعو هلا انو رح يبلشو يصلحو معانا وبشكل ملحوظ عشان ما تصير كارثه للعالم عشان هاي الحرب رح تكون حرب اباده للملايين
3- اقتصاد اميركا ما رح يصلح الا لا اذا كان الوطن العربي رضيان منها عشان اتطلها مصيتره على نفط العراق لانو اي نكشه رح تروحها بشربة مي هيه واسرائيل.

[Abu ToNi]

شوف المشاكل الي سوتها في العراق وشوف اسرائيل شو سوت في فلسطين ولبنان ولسا رح ييجي دور سوريا و ايران, فكرك اذا اجا الدور على سوريا او ايران انو العرب رح تسكت, انا ما بتوقع عشان خلص زودوها علينا كتير وما بتوقع انو العربي رح يطل ساكت ومتحمل الخراب الي عم تعملو اميركا واسرائيل حواليه ولي بتوقعو هلا انو رح يبلشو يصلحو معانا وبشكل ملحوظ عشان ما تصير كارثه للعالم عشان هاي الحرب رح تكون حرب اباده للملايين

وشو القاعدة اللي باني عليها توقعك هاد ؟
رجاع 30 سنة لورا وشوف انه مافي ولا ربع مؤشر بيسمحلك تبني هيك رأي عليه

[عربي عربي]

كاتب النص الأصلي : Abu ToNi

وشو القاعدة اللي باني عليها توقعك هاد ؟
رجاع 30 سنة لورا وشوف انه مافي ولا ربع مؤشر بيسمحلك تبني هيك رأي عليه

باختصار : لو صارت حرب بين اسرائيل و ايران شو فكرك رح تكون النتيجه, ياريت تعطيني جواب عشان اقدر جاوب على سؤالك

[stormsmaker]

كاتب النص الأصلي : عربي عربي

شرح الموضوع كتير صعب بس ممكن اعطيك نقاط وانت فكر فيها على رواق ورح تعرف من حالك انو الكلام صحيح
1- المشاكل الي بالدول العربيه سببها اميركا واسرائيل, والوطن العربي طفح الكيل معو فا يا اما رح تصير حرب اخت شليته يا اما رح تروء واميركا اكيد بدها تروق عشان اقتصادها ما رح يسمح انها تعمل حرب اصلا لو عملت حرب ما رح يكون من صالحهم عشان رح ييجيها الملايين من البشر الي رح تحاربهم فا رح تكون هاي خساره لسمعتها وبنفس الوقت رح تخسر قوتها لتحكم العالم عشان ما بتوقع انو في حدا رح يقبل انو دوله قتلت الملايين من البشر انو تكون حاكمه العالم, يعني ما رح نعطيهم الولاء
2- شوف المشاكل الي سوتها في العراق وشوف اسرائيل شو سوت في فلسطين ولبنان ولسا رح ييجي دور سوريا و ايران, فكرك اذا اجا الدور على سوريا او ايران انو العرب رح تسكت, انا ما بتوقع عشان خلص زودوها علينا كتير وما بتوقع انو العربي رح يطل ساكت ومتحمل الخراب الي عم تعملو اميركا واسرائيل حواليه ولي بتوقعو هلا انو رح يبلشو يصلحو معانا وبشكل ملحوظ عشان ما تصير كارثه للعالم عشان هاي الحرب رح تكون حرب اباده للملايين
3- اقتصاد اميركا ما رح يصلح الا لا اذا كان الوطن العربي رضيان منها عشان اتطلها مصيتره على نفط العراق لانو اي نكشه رح تروحها بشربة مي هيه واسرائيل.

أولا مشان أولا : سبب المشاكل هو أميركا و اسرائيل بشكل غير مباشر أو الى حد ما صحيح
ثانيا مشان أولا : بين و مين بدها تصير الحرب ما كتير فهمت و مين برأيك بين الدول العربية حاليا قادر انو يقوم بحرب استراتيجية قائمة على فتح الجبهات المباشرة و قائمة على محاولة تغير الخرائط و في حال قامت مين رح يكون المنتصر برأييك أول بالأحرى مين رح يكون الخاسر
أما مشان سمعتها : سمعتها قدام مين و مين داير على السمعة بهالأيام غير بنات الليل
مشان كلمة ولاء : هاي الكلمة لازم تترافق بكلمة بالصرماي يلي تعودنا علينا للأسف على مستوى جيلين للان
أما ثانيا و ما أدراك ما ثانيا : هلأ انتي متوقع انو يلي عم يجروء هالأيام على قيادة العمليات المقاومة و الوقوف في وجه الأعداء على اختلاف أشكالون في أي منطقة من وطننا العربي
دايرين باللي عم يقاوموا على بعد 1 كم من رفقاتون من الطائفة التانية أو الجماعة أو يلي بدك ياه العصابة الثانية فمرحبا يسكتو و مرحبا يرضوا يا سيدنا كل بلد رح يساعد أميركا على دورها

طبعا هاي مجرد أفكار بسيطة و التفصيل فيها بدو كتير جدا وقت
أما مشان الاقتصاد : انتي برأيك مين الرقيب الحالي على النفط العراقي يلي ممكن يروح أميركا بشربة مي اذا زعزتو أي زعجتو
بعدين شو علاقة استقرار اقتصاد السوق الأميركية بالنفط العراقي و شو علاقة النفط بالأزمة الاقتصادية الأميركية ما النفط كان أحد المتضررين من الأزمة و ما كان الو علاقة بالتسبب فيها
المهم رأيي انو السياسة الأميركية الحالية هي سياية مؤقتة و في حال لم يتم التوسط خلال فترة قريبة لحل باستخدام هالطريقة الدبلوماسية فرح ترجع الأوضاع لسابقها و ما رح يتغير شي و حاسس انو ما رح تنفع فرح تكون اظهار للرأي العام العالمي انو العرب ما بيفهمز غير بالقمع و الدق (وجهة نظر سريعة و سطحية )
دمتم

[jano.]

كاتب النص الأصلي : leonardo_dicabreo

عمّي , أوباما بيلعب بدمّه , بدّه يكسب ثقة العرب , بالكم مشوار الّي عملهم , وطول عمره أوباما معطي موافقته عالحرب على العراق , ودايما بيحكي بخطاباته بالبيت الأبيض أنه بدي أزيد الدّعم والقوات الأمريكيه بالعراق , شوفولي أوّل صورتين وحجم التناقض الي بيناتهن . . ! !

ما عم شوف أي تناقض.. أنا لو رئيس أمريكا رح أعمل نفس شي..
عم يمسح جوخ للكل وبدو مصلحة بلدو.. يعني متوقع منو لعيون العرب انو يخاصم اسرائيل؟ سياسة امريكا تجاه اسرائي واضحة اما بالنسبة للعرب فمزاجية واساسها المصلحة ممكن يبتسمو للعرب وممكن يشرحوهم عالطالعة والنازلة بس بالنهاية عم ياخدو الي بدنياه.

كاتب النص الأصلي : عربي عربي

باختصار : لو صارت حرب بين اسرائيل و ايران شو فكرك رح تكون النتيجه, ياريت تعطيني جواب عشان اقدر جاوب على سؤالك

بعد دبلوماسية نجاد الذكيّة بالفترة الأخيرة رح تفوت مع اسرائيل شي عشرين دولة تانية، متل قصة العراق، وبالنهاية الشعب الايراني هوي يلي رح يكون الخاسر الوحيد.
واذا كان قصدك عن العرب وانو يمكن يوقفو مع ايران، فهاد احتمال بعيد كتير.. الدول البارزة رح تنبسط وتكيف وتصفّق لامريكا والبقيّة رح ينددو ويصرّخو بالتلفزيونات... خير انشالله ليش ليحاربو لعيون ايران.

[قمح]

كاتب النص الأصلي : اسبيرانزا

بعد زيارة الرئيس الامريكى باراك اوباما لمصر تصدرت صوره والمقالات المعِلقة عليه كافة الصحف والمجلات و كان اللافت للنظر من وسط كل المنشيتات ,, منشيت كتبه الصحفى عبداالله كمال بصحيفة روز اليوسف بعنوان ( اللهم اعز الاسلام بأوباما )

هل استشهاد اوباما ببعض آيات القرآن فى خطابه يجعلنا نفتح طاقة الامل الى هذا الحد؟

هل دعوته الى وقف بناء المستوطنات فى اسرائيل وتأكيده على ان الانسحاب الكلى من العراق فى اوائل 2012 يجعلنا نأمل فيه حل لأزماتنا وعزتنا

ما رأيكم بالرئيس اوباما ؟؟ وسياسته حيال الشرق الاوسط ؟؟ وما رأيكم فى الحيادية التى يظهرها فى موقفه من الصراع الفلسطينى الاسرائيلى ؟؟

احنا - للأسف - دائماً بننتظر أشخاص حتى ينقذونا ، يعني دائماً بننتظر صلاح الدين ولا المهدي ولا مش عارف مين اللي رح ينتشلنا !!

ودائماً بنجيب (شخص) بنحولو لـ اله .. وبنعبدو .. وبنزقف كالعادة .. وبروح هاد الشخص ، والامثلة كتيرة ، يعني هاي عقد مجتمعية .

بـ النسبة لـ باراك أوباما ، هو أكيد أحسن من بوش ، بس بضل في سياسة عامة لـ أمريكا ، ومصالح ، ولوبي اسرائيلي ، وماسونية ، يعني هاد الشخص مش منقذ باختصار .. !!

[مجنون يحكي وعاقل يسمع]

يعني إذا صفت عزة هالأمة من شخص من غير هالأمة بتكون هالعزة ذل وشو هالأمة اللي مابقي فيها عزة لنفسها إلا من غيرها
شي بيضحك وبيرجع العقل عالراس
الحقيقة تذكرت قصيدة للأخطل بشارة الخوري مطلعها

يا أمة غدت الذئاب تسوسها
غرقت سفينتها فأين رئيسها
غرقت فليس هناك غير حطائم
يبكي مؤبنها ويضحك سوسها

قال عزة قال
سلمولي على أبو حسين وعلى الأمة