سادي " يخطف ويغتصب و يحرق شابة في حمص ..و " ملف فيديو " تروي قصة 12 يوماً قضته

[jovia]

قصة 12 يوماً من التعذيب بالسياط والماء المغلي و الـ " حرق بالسجائر " و بالـ " ملاعق المصهورة " والاغتصاب ، انتهت بامرأة محروقة ومحلوقة الشعر ، ودامية الأطراف في المشفى الوطني بحمص ، تتلقى علاجالحروق من الدرجة الثانية ، وتقرحات خلفها اعتداء رجل " سادي " .


وروت الشابة حكاية تعرضها للتعذيب التي بدأت بشرائها جهاز خليوي من أحد المحلات بحمص ، وقالت لـ عكس السير " منذ حوالي الشهرين تقريبا ذهبت إلى محل لبيع الجوالات وقمت بشراء جوال مع خط من شاب في السابعة عشر من عمره ، وبدأ بإزعاجي على الجوالفيما بعد ".

وتابعت "وبعد فترة تعطل جوالي فذهبت إلى المحل نفسه من أجلإصلاحه فقام الشاب بأخذ كرت الذاكرة دون علمي وبدأ يهددني بأنه سوف يرسل صوري الشخصية الموجودة بالجوال لزوجي وأهلي فذهبت اشتكي لوالدته ".

وأضافت " عندها فوجئت بوجود الشاب الذي أقفل باب منزل والدته علي لمدة يومين وبعدها أخذنيإلى شقة مستأجرة وقام باغتصابي وتعذيبي وطلب من أحد اصدقائه اغتصابي ، وعندها قام زوجي ووالدي بالشكوى عليه وعلى والدته وصديقه بعد أن قمت بإعلامهم بالموضوع على الهاتف حيث ألقت شرطة الحميدية القبض على والدته وصديقه وتم توقيفهم ".

تعذيب و " تهديد بالقتل " .. وإخلاء سبيلوأكملت الشابة حديثها " بعد أن تم توقيف والدته وصديقه * حضر الشاب إلى الشقة وبدأ بضربي ضربا مبرحا وهددني بقتل زوجي وأولادي إذا لم أدعي بأن زوجي هو الذي ضربني وبأنني هربت من طوع نفسيوأوصلني الشاب لباب القسم وانأ خائفة على زوجي وأولادي لأني كنت اعلم انه مدعومفامتثلت لأمره وبعد أن عرف بإفادتي سلم نفسه وأخلي سبيله وسبيل والدته بعد يومين ".

اتصال جديد .. و12 يوماً من التعذيبوقالت الشابة لـ عكس السير " وبعدفترة اتصل بي الشاب وطلب مني الحضور إلى المحل وهو يعتذر من أجل إعطائي كرت الذاكرةوفعلا ذهبت وكنت واثقة من نفسي فلم أجد نفسي إلا داخل تكسي معه متجها إلى منزلمفروش لا يوجد به أحد ".


وواصلت قائلة " من لحظة دخولي المنزل بدأ بضربي بشدة حتى انهارت قواي وأصبت بالإغماء وعندما استيقظت تابع الضرب وبعدها اغتصبني وقام بربطي بواسطة جامعة حديدية وهو يقول لي "هذا لكي اعلم والدك كيف يشتكي عليوعلى صديقي " ثم عاود الخنق و حرقني وقام بإطفاء السجائر بجسدي ثم قام بتحميةالملاعق والسكاكين ووضعها على جسدي وبدأ بضربي بكبل الكهرباء ".

واستطردت " وبعدها قام باستعمال زجاجة العطر وأشعل شعري بها بالقداحة ومن ثم حلقه وكنت اصرخ منالحروق وقام بعدها برشق الماء المغلي وبقيت على هذه الحالة 12 يوماً ، كان يعطينيالموبايل حينها للاتصال بزوجي وأهلي وأجبرني على القول أني لا أريد العودة للمنزل وأني أريد الطلاق وأنا لست مخطوفة وعندما أقول له أطلق سراحي لكي أعود لزوجي وأولادييزيد تعذيبي .. كان ذئبا بشريا ".

وأضافت " حتى جاء يوم طلبت منه أخذي إلىالطبيب بعد أن وعدته بعدم الهروب فاصطحبني إلى أحد الأطباء ، وعلى الطريق كنتأتحامل على نفسي من شدة الألم لعلي أجد أحداً أعرفه أو أهرب منه كونه كان يمشيأمامي خوفا من أن يشاهده أحد معي".

واختتمت بقولها " فغافلته ودخلت أحدمحلات الأقمشة وطلبت من صاحب المحل مساعدتي بالاختباء لحين الاتصال بأهلي وفعلاساعدني وطلب لي تكسي وذهبت لمنزل والدتي بالوعر فقام والدي وعمي بأخذي للمحاميالعام وتحويلي لقاضي التحقيق الرابع والأحداث ".


رئيس الطبابة الشرعيةفي حمص " تعاني من حروق من الدرجة الثانية "

وقال الدكتور عطا الله عباس رئيس الطبابة الشرعية في تقريره " تعرضت الشابة لأذية ناجمة عن الضرب والتعذيب متعددة على كافة أنحاء الجسم حيث شوهد ورم دموي تحت فروة الرأس وكدمة حول العين اليسرى مع تورم و وزمة على الخد الأيسر كما شوهد كدمات متعددة على الأطراف العلوية والسفلية ناجمة عن الضرب بما يشبه السوط ".

وتابع التقرير " أثار حروقمتعددة درجة ثانية لمساحات مختلفة على الظهر والأطراف ناجمة عن تماس الجلد بجسم صلبحار مع حرق درجة ثانية على الذراع اليسرى ناجم عن سائل حار التهاب وتورم بالإضافةإلى الحالة النفسية ".

والد المخطوفة " كنا نواصل البحث عنها ولم نيأس "

وقال والد الشابة المخطوفة كنا نواصل البحث عنها ولم نيأس رغم محاولاتأصدقاء الشاب في إخفاء المعلومات عنا ".

وتابع والدها " طرقنا كل الأبوابللتفاهم مع أهله دون فائدة حتى أننا خصصنا مبالغ مالية لمن يدلي بمعلومات تفيدبمكانها ولكننا لم نصل لشيء حتى تلقينا اتصال منها".

زوج المخطوفة " لاأستطيع التركيز .. والقضاء يأخذ مجراه "

وقال زوج المخطوفة " في البداية تلقيت العديد من الاتصالات التي دفعتني لأقيم دعوة تفريق بيني وبينها ".

وتابع "ولكنني عندما شاهدت زوجتي في المشفى وقد تغير شكلها واختلفت معالموجهها وهي تصف لي المنزل والعذاب عندما كان يجبرها على الاتصال وهي تطلب الطلاق أية حالة كانت عليها لا أستطيع التركيز ، عندما أنظر إلى وجهها ورأسها المحلوق ، ليس ليطلب سوى القضاء يأخذ مجراه " .

مفتي حمص " الفعل شنيع لا يقوم به إلا شاذ ..والشابة تتحمل جزءاً من المسؤولية "

وقال مفتي حمص الأستاذ الشيخ "فتحالله القاضي " لـ عكس السير: " هذا الفعل الشنيع لا يصدر إلا عن مجموعة من الشواذالمراهقين وهؤلاء تنقصهم التربية والمتابعة ، ولا شك أن للتربية الأسرية دور بارزوهام في نمو سلوك هذا المجرم بذلك الاتجاه" .

وأضاف الشيخ " فتح الله " : " لكن في المقابل يجب أن تحمل الضحية جزء من المسؤولية لكون الشاب استدرجها بهذهالطريقة وهي متزوج ، كان يجب أن تستأنس برأي زوجها وتخبره بكل ما جرى معها قبل وقوعالواقعة ".

وأشار مفتي حمص إلى أن الاستخدام السيئ للموبايل وتخزين الصورالخاصة عليه وتداوله بين الأصدقاء .

واختتم بقوله " يجب العودة إلى القيم والأخلاق السائدة في مجتمعنا فهي الدرع الحصين والأمن لنعيش بمعزل عن الانصياعلأهوائنا ورغباتنا التي قد تتحول لسلوك منحرف يصعب ضبطه أو التحكم بنتائجه ".

قانوني " يعاقب المجرم بالسجن لمدة تزيد عن 10 أعوام أشغال .. وتخفف للقاصر "

وقال المحامي " علاء السيد " " يلاحق المجرم أولا بجناية خطف بقصد ارتكاب الفجور ".

وتابع " كما يلاحق بجرم الاغتصاب هو ومن شاركه ويلاحق بجرم ارتكاب الجرم المقصود وتشدد العقوبة في حال أفضت إلى عاهة مستديمة ، ومجموع عقوباتالجنايات السابقة يتجاوز العشرة سنوات من السجن مع أشغال شاقة ".

وأضاف " السيد " : " وعلى اعتبار ان الفتى قاصر تخفض العقوبة إلى نصف المدة ، ويحجز في سجنالكبار في قسم خاص بالأحداث الذين تجاوز الـ 15 عاماً ".

يذكر ان الشاب الذيقام بتعذيب واغتصاب الشابة لا يتجاوز عمره الـ18 عاماً ، ولا يزال متوار عن الأنظارحتى لحظة كتابة الخبر .


لمشاهدة القصة على لسان المخطوفة ( مؤذ جداً ) اضغط:

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

[sandra]

أكيد متل هيك وحش لازم يلاقي العقاب وكمان لازم يلتقي بمختص نفسي لأن مو طبيعية هالميول السادية أبداً
بس للصراحة القصة مو كتير فايتة بعقلي وفيها شي مش مفهوم
وحسب الوقائع البنت بتتحمل جزء من المسؤولية.. رغم تعاطفي الكامل معها
ما فيني أفتح ملف الفيديو ما بتحمل هيك مشاهد

[jovia]

يمكن كلامك صحيح بس اللي ص ار معها غصبن عنها يمكن من ضعفها ماعرفت شو تعمل ... على كل حال ساندرة نورتي عيوني وشكرا عالتعليق الحلو متلك

[شمس سوريا]

كل هاااااااد عملو ابن 17 سنه بمره متزوجه ...
الله يااااخدوووو يااارب ...
وياخد هالقانون معو ..
عجب خلا شي بالمره ما عملو اغتصاب وتشويه وحرق .. لا وكمان بيحطولو عشر سنين ..
وقاصر بتتخفف ل5 سنين ..
شوو كني هدوول عم يشجعو ليعملها مره تانيه
وبعدين شو هي قااااصر بالله عليكي ابن 17 سنه ما بيعرف الحلال من الحرام ؟؟؟؟؟؟
ولا بيعرف يشتغل ويدرس ويحب ويعاكس بهالبنات ..ويتغصبها ويعذبها وكل هااد وعم تقولو قاااصر
انا برايي هيك واحد لازم ينعمل فيو متل ما عمل بالمره وكللل شي صار عليها بيصير عليه
كل العذاب اللي دوئها هوه لااازم يدوئو .. هيك لازم يكونو جزاائو
بس اااااخ عالقانون اللي عنا بيفتح ميت مجااال للغلطه ..

يسلموووووو ايديكي ..
بس الفيديو مارح حملو لاني بخاااف

[sandra]

كاتب النص الأصلي : jovia

يمكن كلامك صحيح بس اللي ص ار معها غصبن عنها يمكن من ضعفها ماعرفت شو تعمل ... على كل حال ساندرة نورتي عيوني وشكرا عالتعليق الحلو متلك

ما كان في شي بيجبرها تروح لعندو عالمحل مرة تانية ولوحدها وهي عارفة تماماً مين هو
أنا بعتب عليها لنقطتين
الأولى أنها راحت لعندو مرة تانية
الثانية .. وين زوجها يعني لو كان الزوج بيعرف وكان بصورة الوضع ما بعتقد بتصل الامور لهالدرجة
أنا مو حابة أظهر وكأني ضدها بس عم علّق وفق التفاصيل اللي انذكرت ومتل ما قلت من قبل في تفاصيل ما كتير فاتت بعقلي
عالعموم الله يعينها

[Reemi]

مافي شك انو السادية مشكل نفسي بيعاني منو بعض الاشخاص بمجتمعاتنا نتيجة ظروف نفسية الها علاقة بالطفولة والتربية وممكن عوامل تانية استثنائية احياناً..

وبيبقى السادي انسان عندو خلل نفسي مهما كان نوع ساديتو باعتبار السادية الها اكتر من شكل.

[cornholio]

ليك الكر
ابن 18 سنة الا و هيك ...........

كاتب النص الأصلي : jovia

يمكن كلامك صحيح بس اللي ص ار معها غصبن عنها يمكن من ضعفها ماعرفت شو تعمل ... على كل حال ساندرة نورتي عيوني وشكرا عالتعليق الحلو متلك

اتصال جديد .. و12 يوماً من التعذيبوقالت الشابة لـ عكس السير " وبعدفترة اتصل بي الشاب وطلب مني الحضور إلى المحل وهو يعتذر من أجل إعطائي كرت الذاكرةوفعلا ذهبت وكنت واثقة من نفسي فلم أجد نفسي إلا داخل تكسي معه متجها إلى منزلمفروش لا يوجد به أحد ".

ما بعرف بس حسيت انو البنت تتحمل جزء من المسؤولية عاللي صار معها متل ما قالت ساندرا

على كلن شكرا
_____________________

عالهامش : ما كان فيكي تكبري الخط شوي .......... فقفقت عيوني و انا عم اقرا

[روعة1]

يعني انا كمان نفس الشي.. و انا عم بقرأ حسيت القصة فيها شي مو صحيح..
احداث القصة ما بتقنع بنوب..
يعني كان عم يدايقها من الاول.. و بس خرب موبايلها راحت لعندو نفسو تصلحو..
و بعدين راحت تشتكي عند امو.. و هو استغل هل الفرصة و سكر عليها الباب.. و الام رضيت..!!
و بعدين اهلها عرفوا ..(كيف عرفوا الله اعلم) و خبروا الشرطة.. و فيما بعد اجبرها رد الشب من انو هي تغير اقوالها..
و كمان بعد فترة طلب منها انو تيجي ع المحل و هي اجت (كلو هاد منشان كرت الذاكرة) و بعدها راحت معو ع البيت و بلش هو بتعذيبها..
اي شو هل القصة هي.. و كلو هاد بدون ما تقول شي لزوجها و خصوصي بعد اللي عملو الشب اول مرة ..

يمكن كلامك صحيح بس اللي ص ار معها غصبن عنها يمكن من ضعفها ماعرفت شو تعمل ...

ما هو لانو كانت بموقف ضعف كان لازم تقول لزوجها من اول مرة حاول الشب تهديدها و نشر الصور..
يعني هي اللي عرضت حالها لهيك حادثة بايدها ..

بعدين كأني لما شفت الفيديو.. حسيت انو البنت من وجها ما كبيرة.. يمكن هل الشي ما يتعلق بالقصة بس مجرد ملاحظة..

[jovia]

كاتب النص الأصلي : شمس سوريا

انا برايي هيك واحد لازم ينعمل فيو متل ما عمل بالمره وكللل شي صار عليها بيصير عليه
كل العذاب اللي دوئها هوه لااازم يدوئو .. هيك لازم يكونو جزاائو
بس اااااخ عالقانون اللي عنا بيفتح ميت مجااال للغلطه ..

انا كمان بوافقك الراي بس بلكي هالشخص كان اللي عملو يها ردة فعل بسبب العذاب للي شافو بماضيه يعني كمان مو حل بيجوز يرجع ويعمل الافظع .. نورتي

[jovia]

كاتب النص الأصلي : sandra

أنا مو حابة أظهر وكأني ضدها بس عم علّق وفق التفاصيل اللي انذكرت ومتل ما قلت من قبل في تفاصيل ما كتير فاتت بعقلي
عالعموم الله يعينها

البنت بتحكمها العاطفة اكتر من العقل وكمان يمكن والظاهر انو هي عم بتعاني من نقص زوجها ما وفرلها ياه انا على ثقة من هالشي

[jovia]

كاتب النص الأصلي : Reemi

مافي شك انو السادية مشكل نفسي بيعاني منو بعض الاشخاص بمجتمعاتنا نتيجة ظروف نفسية الها علاقة بالطفولة والتربية وممكن عوامل تانية استثنائية احياناً..

وبيبقى السادي انسان عندو خلل نفسي مهما كان نوع ساديتو باعتبار السادية الها اكتر من شكل.

هاد الكلام للي بدي وضحو لساندرة ولشمس سوريا يعني السادي بيكون ضحية لضحية تانية ولازم تلتقالو حل يكون جذري اكتر من التعذيب يمكن الحل نفسي
شكرا لمشاركتك ريمي الغالية

[jovia]

كاتب النص الأصلي : cornholio

ما بعرف بس حسيت انو البنت تتحمل جزء من المسؤولية عاللي صار معها متل ما قالت ساندرا

على كلن شكرا
_____________________

عالهامش : ما كان فيكي تكبري الخط شوي .......... فقفقت عيوني و انا عم اقرا

المسؤولية بتقع عليها صحيح بس يمكن كانت عم تعاني من نقص ما على كل حال انا كتبت الموضوع بخط كبير بس لما اعملتلو ارسال صغر لحالو

[abo aljoud]

بس بعتئد هالقصة قديمة عمرا شي تمن تسع شهور...

[marioma alghzayala]

حيوان

[jovia]

كاتب النص الأصلي : marioma alghzayala

حيوان

شكرا لمشاركتك مريومتي

[nour333]

مو عارف هاي القصة ما خرطت مشطي انا حاس انو غلطت معو بشي ومسك عليها ممسك لهيك تصرفت معو بضعف غير هيك البلد ما فيها قانون
قصة بتحسها مهضوم جزء لا بأس فيه من الحقيقة

[Reemi]

كاتب النص الأصلي : nour333

مو عارف هاي القصة ما خرطت مشطي انا حاس انو غلطت معو بشي ومسك عليها ممسك

نور بدي اسألك شغلة من زمان ليش كل قضية بيكون طرف فيها أنثى بتحاولي تحطي الحق بشكل او باخر عليها واذا ماحطيتي الحق عليها بتلاقيلا طريقة لتحمليها جزء من المسؤولية؟



سؤال تاني : كيف كان كتب كتابك؟ اذا بتجاوبي بدي خالفك سبام

[sandra]

كاتب النص الأصلي : jovia

هاد الكلام للي بدي وضحو لساندرة ولشمس سوريا يعني السادي بيكون ضحية لضحية تانية ولازم تلتقالو حل يكون جذري اكتر من التعذيب يمكن الحل نفسي
شكرا لمشاركتك ريمي الغالية

أنا بمشاركتي الأولى ذكرت أنو هيك شخص بدو
عقاب + عرض على اخصائي نفسي
حتى ولو كان معو خلل نفسي وضحية لشي تاني مما أدى ليتحول لكائن سادي، هاد ما بيعني أنو ما لازم يتعاقب