|
| س و ج | قائمة الأعضاء | الروزناما | العاب و تسالي | مواضيع اليوم | بحبشة و نكوشة |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
 |
|
|
أدوات الموضوع |
03/06/2009
|
#1 | ||||||
|
عضو
-- مستشــــــــــار --
|
أهلاً وسهلاً بباراك أوباما في بلادنا...
خلال 100 يوم فقط من وجوده في البيت الأبيض إستطاع باراك أوباما أن يخفف من حدة التوتر في العلاقات بين الغرب عموماً وأمريكا خصوصاً مع العرب وتحديداً مع شعوب منطقتنا... هو من وصل إلى سدة الرئاسة بتجربة ديموقراطية فريدة نتمنى أن نعيش مثلها في بلادنا فشعوبنا تستحقها...
نعم لقد إستطاع الرجل ومن خلال ممارسته على الأرض أن يقلب رأساً على عقب نتائج تصرفات إدارة سلفه السيئ المسيئ جورج بوش... فالأول مرة نشاهد في شوارعنا شعبية لرئيس أمريكي منذ فترة طويلة... حتى الشعب السوري والذي له تجارب مريرة مع الإدارات الأمريكية أبدى رأياً إيجابياً بهذا الرئيس حسب إستطلاعات الرأي... هو الرئيس الذي تفائلنا بخلفياته وأصوله قبل أن يستلم الحكم لكن تفاؤلنا بقي حذراً حينها... نحن ندرك أن علاقة الولايات المتحدة عبر العقود الثمانية الماضية مع إسرائيل هي أكثر من إستراتيجية... وأن الولايات المتحدة على إختلاف العصور والإدارات كانت تعطي إسرائيل الغطاء الدولي والإمداد بالعدة والعتاد لقتل العرب وإحتلال أراضيهم... لكننا بالمقابل لا نستطيع أن نخفي تقاؤلنا بهذا الرجل الذي يعتمد سياسة الحوار والإنقتاح... هذا الرجل هو أول رئيس في تاريخ الولايات المتحدة إبتدأ بالنقد الصريح لإسرائيل لا وبل وصلت به الجرأة إلى أن يتهم إسرائيل بالكذب عندما قال أن إسرائيل لاتتمتع بالمصداقية في علاقاتها مع الولايات المتحدة... هو من أرسل وفود الكونغرس المتلاحقة إلى سوريا... وهو من سيرسل جورج ميتشل إلى سوريا الأسبوع المقبل تبنيياً منه لسياسة الحوار... وهو من يريد أن يعتمد سياسة الحوار ويرفض الحلول العسكرية حتى مع ألد أعدائه كإيران وكوبا وكوريا الشمالية... هو من تشائمت إسرائيل من قدومه إلى البيت الأبيض فبدأت عدوانها المجرم على غزة وأنهته قبل أن يصل إلى سدة الرئاسة رسمياً... ولم يخفي الإسرائيليون إستيائهم منه في عدة مناسبات إيماناً منهم بأنه سيحدث تغييراً هاماً في المنطقة ولن يكون في مصلحة كيانهم الغاصب... نحن العرب أيها الرئيس لانكن العداء للشعب الأمريكي أو قيادته... لكننا نكن العداء لمن يدعم عدونا إسرائيل ولا يشعر بمصائبنا جراء عدوان هذا الكيان المستمر علينا... نحن أيها الرئيس لانكرهكم بل نكره من يغض النظر عن دماء أطفالنا الشهداء ليرضي الكيان الصهيوني... نحن لانكرهكم بل نكره من أعطى الأمر بإحتلال العراق وسفك دماء شعبه وتشريد من بقي فيه... يارئيس أقوى دولة في العالم... أعيدوا حساباتكم بحلفكم مع إسرائيل... هذا الحلف الذي لم يجلب لإمريكا إلا الكراهية من شعوبنا ورسخ الشرخ بين بلادنا... أعيدوا التفكير في هذا الحلف عسى أن تجدوا أن حلفاً مع العرب هو أجدى لكم ولشعبكم على كل الصعد والمجالات... نعم أيها الرئيس إفتح أبواب الحوار مع العرب... وإسحب جيوشك من العراق وأفغانستان وإرفع الغطاء الأعمى عن الكيان الصهيوني... لتصبح العلاقات بين الشعوب العربية وأمريكا علاقات ودية يحكمها الإحترام المتبادل... آخر مواقفكم المشرفة ياسيادة الرئيس كانت بقولكم بأنه يجب ان تعتمد إسرائيل الحزم إتجاه إسرائيل حفاظاً على صورتها ومصالحها... نعم إعتمدوا الحزم مع هذا الكيان المجرم وستجدوا كل العرب معكم عوضاً عن مرتزقة اللوبي الصهيوني... هذه الملايين ستكون معكم إن أخذتم خطوات جدية لكبح جماح عصابات الصهيونية عن أرضنا وشعبنا وصححتم مواقفكم من قضايانا... ستوجه خطابك المنتظر إلى الشعوب العربية والإسلامية من بلد عربي... هذا الخطاب الذي نأمل منه أن يفتح صفحة جديدة في العلاقات بيننا... هذا الخطاب الذي ننتظر منه أن يصحح صورة العربي الإرهابي الذي أعطاها سلفكم المأفون لشعوبنا... أهلاً بك في بلادنا شخصياً أو عبر موفوديك... لا تحطم أحلامنا وآمالنا أيها الرئيس... ولنصل سوياً إلى علاقات ودية صادقة تحقق السلام والإزدهار لنا ولكم... فنحن أيها الرئيس طلاب حق وسلام... ودمتم.
الحرية لكل أسرى الحرية في سوريا...
العربي الذي لايجرأ من الذل والخوف على رفع رأسه لرؤية القمر !!! كيف سينتصر على غزاة القمر؟؟!! |
||||||
|
|
03/06/2009
|
#2 | ||||||
|
عضو
-- قبضاي --
|
دايما كنت قول انو مو من مصلحتنا اعتبار امريكا عدو ...يعني كتير منسمع شو بينقال عن امريكا بالأوساط الشعبية العربية . امبريالية و استعمارية و همجية ,,,.مع احترامي ,,بس هادا كلو حكي فاضي ...
امريكا اكبر من حكومة محافظين جدد ..ولازم نعرف كيف نتعامل معها على اختلاف الحكومات يلي بتمر ...
That is not Dead which Can Eternal Lie And With Strange Aeons even Death may Die
لا ميتاً ما قادراً يتبقى سِِِِِِِِِِر مدى فإذا يجئ الشذاذ الموت قد ينتهي Who Sacrifices The Social Liberties For The National Security Deserves Neither |
||||||
|
|
|
03/06/2009
|
#3 | ||||
|
عضو
-- مستشــــــــــار --
  |
لحد هلق ( و عن نفسي ماني مستعجل ) عم نسمع من أوباما كلام . فقط كلام . و أكيد ما رح ننتظر ولا نتأمل من أوباما أن يفعل اي شيء خارق . لكننا صرنا نفرح و ننتظر أن لا يكون هناك جديد نظراً لتوقعنا الاسوء دائماً فـ نرضى بالوضع على حالو ونفرح بذلك . رح بيضل عندنا كمشة تفاؤل . و أكيد أهلا وسهلا بأوباما و بالحوار و بأي فكر ممكن يفتح أفق جديد بالمستقبل . كلماتك حلوة فادي وما بدي انزعلك تفاؤلك و بتمنى الايام تحقق امنياتك الي هيي بالنهاية تطلعاتنا الي من المضحك المبكي انو عم نستناها من اميركا ( لأنو افق التغيير معدوم بالمشهد السياسي العربي ) 
صديقي الله .
لا أحسدك على معرفتك مصير كل منا . لأنك قد تبكي على مصير حزين بينما صاحبه سهران يضحك. وتعرف الفرح قبل وقوعه فلا ترى مثلنا لذة المفاجأة. .... |
||||
|
|
|
03/06/2009
|
#5 | ||||||
|
عضو
-- مستشــــــــــار --
|
ماعرفتك وأنت عم ترحب بأبو حسين أوباما  والأحلى أنو أسلوبك . طالع متل أسلوب أصحاب الخطابات الخشبية . فما حسيت حالي الا أني صرت صفق  شباب أنا مع أنو نحاور أميركا . بس أكيد مو هاد الأسلوب يلي فيك تأثر فيه عندها هنن بيهمهم مصالحهم . مو الكلام واذا بدنا مصالحنا . لازم نشتغل عليها مو نستجديهم بالكلام
الفهيم بيريح
لك تاري الحمار لو شو ماسلموه بيصدق حالو وبدك تناديلو سيد حمار |
||||||
|
|
|
05/06/2009
|
#6 | ||||||
|
عضو
-- مستشــــــــــار --
|
على خطاب أستنفر الوطن العربي بكاملو , هو وأجهزة أعلامو . على فعل شو ممكن نعمل  |
||||||
|
|
|
05/06/2009
|
#7 | ||||||
|
عضو
-- مستشــــــــــار --
|
وانا عم اسمعه ما حسيت في قدامي رئيس الولايات المتحدة بقد ما حسيت في قدامي شي رئيس يساري اسرائيلي ..خطابه كان طالع من عضم اليسار الاسرائيلي من ناحية النظرات والتوجهات لا بل المطالب حتى !!
الشي الوحيد الـ " غريب" بالموضوع كان موقفه "الإيجابي " من حركة حماس واعتبارها جزء من الشعب الفلسطيني بعكس العادة اللي تعودنا نسمع فيها كلمات النقد وترأس قائمة الارهاب عنيّ وعليّ ما فرقت بينه وبين بوش غير بالـ" سلام عليكم " تبعه
رايحة تزور
كوخ مسحور |
||||||
|
|
|
05/06/2009
|
#8 | ||||||
|
عضو
-- زعيـــــــم --
|
ما بيفرق عن بوش ..
وهاد خطاب احلام وردية ... وخصوصا لما قال اميركا واسرائيل بينهما رابط لاينكسر .. خالصين هون انتهت القصة ..
أحتاج إلى عاصفة...
تنسيني آثار السكون... وأنتِ يا سمراءُ عاصفتي ...معذبتي .. قاتلتي.. يا جميلة العيون |
||||||
|
|
|
05/06/2009
|
#9 | ||||||
|
عضو
-- قبضاي --
|
شباب ...احسن من هيك رئيس امريكي ما رح يجي ..من ناحية التزامو بتسوية بالشرق الأوسط و العمل على اصلاح اخطاء بوش بالعراق و غوانتنامو و غيرو ..ثانيا مين قال انو أوباما لازم يتبنى خطابنا ,,,الرجل امريكي و منيح كتير الشي يلي يقدملنا ياه ....ليش مصرين انو نوضع الأمريكي بخانة العداء .
خلينا نتطلع على حالنا و امكاناتنا و ندرس التغيير الجديد بالأدارةالأمريكية و نحاول نحصد اكتر عدد ممكن من المواقف و الأفعال الأمريكية يلي بتصب بمصلحتنا . .و اليوم عجبني بحديثو نقطة مهمة هي مقارنة الام اليهود بالمحرقة يلي على اساسها تشكلت اسرائيل بألام الفلسطينيين خلال ستين سنة ماضية ..يعني عم يقول للأسرائيلي انو الفلسطينيين بيستاهلو دولة كمان متل ما بتعتبرو انو انتو بتستاهلو دولة بسبب المحرقة ..و هدا شي جديد بالأدارة الأمريكية ... انا شخصيا ما كنت متمناه ينجح بالأنتخابات ...بس صار و نجح ..خلونا نستفيد من وجودو في عند نقد صغير لخطابو..انو ما جاب سيرة حقوق الأنسان بالدول العربية ...يعني الأنظمة كمان لازم تنبسط ,,ما بقى في ضغط امريكي على الحكام العرب بسبب انتهاكون لحقوق مواطنون .. |
||||||
|
|
|
05/06/2009
|
#10 | ||||||||||
|
عضو
-- مستشــــــــــار --
|
اقتباس:
واللي متخيل أنه ممكن يمر رئيس أميركي أفضل من أوباما بعتقد يا عم يهلوس يا اما عم يحلم بس بتقدر تقلي شو اللي قدملنا ياه لهلق ؟ حل الدولتين مرفوض لحد ما وبالتالي هوي ما قدم شي قبلوه العالم اما محاولة اجبار اسرائيل اللتزام بفحوى التعهدات وضبد عملية الاستيطان فلحد اللحظة الزلمة عم يحكي حكي وما شفنا منه شي .. مافي شي ورانا عم نستنى لنشوف شو بده يطلع معه .. وبخصوص خانة العداء ما فهمت بالضبط شو بتقصد فيها اقتباس:
لأن بتفرق كتير الفكرة من جهة لجهة اقتباس:
اقتباس:
نجاحه كان على أمل إفادة الأمريكان " وانا ما عم انتقد هلشي بالعكس هاد هوي الصح " فبالاخير الزلمة بده يعمل الشي اللي بوافق شعبه وبلبي رغبات شعبه شو ما يكون موقفك منه وشو ما كانت الصيغة اللي حكيت فيها معه .. من ناحية النقد فكان متل اللي عم يقول لون السما ازرق بس مانه ازرق يعني نحن ضد فكرة الاعتراض على سياسة الحكام ومنحترم اختيارات الشعوب .. وبنفس الوقت ما رح نسكت عن الدول اللي ما بتطبق الفكر الديمقراطي المتوافق مع الديمقراطية بمنظورنا " ترا يمكن هوي شايف السعودية والمملكة الأردينة الهاشمية قمة بالديمقراطية مثلا ولبيا نفس الحكي وبنفس الوقت وشايف تركيا نموذج دكتاتوري طالع غصبا عن الشعب .. شبعرفني انا شوفي بمخه  " |
||||||||||
|
|
|
05/06/2009
|
#11 | |||||||
|
عضو
-- مستشــــــــــار --
|
اقتباس:
انت بتعرف حجم اللوبي الصهيوني بأوروبا وبتعرف بأننا وقت عم نحكي على اسرائيل والحلف الأميركي ما منكون عم نحكي بس على المنطقة الجغرافية اللي محدود من الشمال بلبنان وسوريا ومن الشرق الأردن ومن ..الخ بقد ما عم نحكي على لوبي فعال بالعالم اجمع قدر غصبا عن راس الكل يأنشأ دولة بمنطقة جغرافية هوي اللي اختارها ووجود الدولة مانه سبب قوة بحد ذاته بقد ما هوي احد نتائج تجسيد قوته على أرض الواقع |
|||||||
|
|
|
05/06/2009
|
#12 | |||||||
|
عضو
-- مستشــــــــــار --
|
اقتباس:
هاد قصدي . ولحنا يلي لازم بلعبة المصالح ( ويلي المصالح الأقتصادية بتكون هي الأساس . والغرب شعر بحاجة وجود اسرائيل مزروعة بين العرب بشكل كبير . بعد قرار جمال عبد الناصر تاميم قناة الويس . الشي يلي أكد للأميركان خاصة والغرب عامة حاجة وجود كيان صلب يدافع عن مصالحهم ويتدخل بسرعة في الوطن العربي ) . فاذا ما أشتغلنا على مصالحنا من أقتصاد وعلم وسلاح وانسان . مارح نقدر نفرض على الشعب الأميركي ورئيسو يوقف معنا بالأماني والخطابات |
|||||||
|
|
|
05/06/2009
|
#13 | ||||||||||
|
عضو
-- مستشــــــــــار --
|
اقتباس:
اقتباس:
بتصور صافي اليوم بعد الخطاب في كتير معطيات تغيرت... اقتباس:
اقتباس:
لك يخرب بيت قلبك وين شفتني خشبي طبعاً كلامي هون مو هو يلي حيغير السياسات الاميركية... وانا معك 100% انو الطريقة الوحيدة هي اللعب على المصالح المتبادلة وخلق معادلة جديدة تجبر أميركا على الموازنة بين مصالجها مع اسرائيل ومصالحها مع العرب حتى لو بالتدريج وعلى مراحل.. |
||||||||||
|
|
|
05/06/2009
|
#14 | |||||||||
|
عضو
-- مستشــــــــــار --
|
اقتباس:
والخلود لرسالتنا اقتباس:
1- الزلمة اعترف بحماس واعترف بشعبيتون بالشارع الفلسطيني وما اتهمهون بالارهاب وفتح ابواب الحوار معون... 2-أنهى حالة العداء للاسلام(خطوة بداية على الأقل) من خلال زيارتو للمساجد واستشهادو بالقرأن بعدة نقاط واعترف لشعوب المنطقة بممارسة عقيدتها الدينية واسقط صفة الارهاب عن العرب والمسلمين خصوصاً وهي لحالها نقلة نوعية... 3-أسقط الغطاء عن الاستيطان... 4-لم يقبل بالاعتراف بالقدس كعاصمة لاسرائيل... 5-فتح باب الحوار مع العرب بشكل واضح للوصول لنقاط مشتركة.. يعني كبداية صدقني كتير منيح كان الخطاب وبالنهاية هاد حطاب... بس نحنا عنا مشكل انو دائماً منتخيل انو نحنا محور الارض وبدنا القصص تصير ونحنا نايمين.. اذا منشتغل على مصالحنا مع باراك اوباما اليوم صدق خلال كم سنة لنوصل لمكان جيد بالعلاقة مع اميركا... ومتل ماني شايف الزلمة صادق بتوجهاتو... أو خلينا نفرض هيك حتى يثبت العكس ومانطفشو للزلمة بخطابات مشابهة لخطابات بن لادن... اقتباس:
بس حالياً هالشي اتغير ومتل ما أجمع الكل أميركا اليوم فاتحة على الكل وحاطة مصالحها كأولوية... فواجبنا نسغل هالشي صح على أمل نوصل لمكان ما وما نضل عم نسب على الجماعة وهنن (حتى لو بعدو كلام لهلئ) فاتحين بواب الحوار والتفاهم. |
|||||||||
|
|
|
05/06/2009
|
#15 | |||||||
|
عضو
-- قبضاي --
|
اقتباس:
بحكم انو لسا ما صارلو الفترة الطويلة كرئيس لازم نستنى قبل ما نحكم شو قدملنا ,,,بس في بوادر ايجابية منها السعي للأنسحاب من العراق و اغلاق سجن غونتنامو ,,و الضغط على اسرائيل لوقف الأستيطان برفع الدعم عنها بالأمم المتحدة ..و محاولاتو المتكررة للوصول للعالم العربي من خلال اول مقابلة تلفزيونية او خطابو الأخير من جامعة القاهرة ..ما رح سميها انجازات ..بوادر ...خلينا نقول عنها بوادر و نتأمل البوادر هي تتبلور بصور اوضح مستقبلا ,, مين قال حل الدولتين مرفوض ...العرب و الفلسطينيين و المجتمع الدولي و الأسرائيلين كلو متفق على المبدأ هاد ..بس القصة انو لازم ينضغط على اسرائيل اكتر مشان تبدي ليونة ببعض التفاصيل منها القدس و اللاجئين ,,,,و على فكرة ,,اوباما اكد انو القدس هي للأديان الثلاثة ..مو بس لليهود ,,بأشارة مباشرة لرغبتو بحصول الفلسطينيين يلي بيمثلو دينين من الأديان الثلاثة على جزء من القدس كعاصمة فلسطينية .. كلام مبالغ فيه جدا جدا اعتبار اوباما بيمثل اليسار الأسرائيلي ...شو تركت للمحافظين الجمهوريين لكن !! ,,لأ طبعا ما بتفق معك ابدا بالنقطة هي ... اوباما بيمثل تيار ديمقراطي بأمريكا عم يسعى ليغير صورة امريكا عند شعوب العالم و يحل الأزمات كلها بطريقة سلمية لهيك يا عزيزي مو مطلوب منو امريكيا انو يوقف مع طرف معين ,,, بموضوع الحكام العرب ...حضرتك بتعرف موقفي من انو معاقبة الأنظمة الديكتاتورية من قبل المجتمع الدولي شي مقبول جدا بالنسبة الي ...و انا بعرف رأيك انك ما مع الشي هاد انطلاقا من مبدأ انو الشعب بدو يدفع الفاتورة بالمحصلة ...بصراحة ما فيني ضيف شي جديد بالنقطة هي . و شكرا |
|||||||
|
|
|
05/06/2009
|
#16 | ||||
|
عضو
-- مستشــــــــــار --
|
لا اهلين ولا سهلين .. ولجهنم كمان
غريب هالكلام ..
يعني فهمت وكانو كان باراك اوباما مخير لا مجبر باتخاذو هيك قرارات .. بتوقع لو كان الوضع العام بامريكا والعراق وافغانستان افضل مما هو عليه حاليا ما كانت هالمواقف ( المشرفة ) اجت وشرفتنا ... يعني برايي امريكا حاليا ما عندها خيار اخر ... لا الحل العسكري مطروح بسبب عدم التوفيق بالحربين الاخيرتين ( طبعا متل ما بدهون هنيي اي بدون خسائر كبيرة .. لانون عمليا حققو اهدافهون من خلال السيطرة على منابع النفط وتاجيج النزاع الطائفي ) ولا الحل المادي لانو حاليا امريكا عم تعيش ازمة مالية كبيرة اثرت عليها بشكل كبير ومن حيث مواقفها ممن اسرائيل .. يعني ع مين عم نضحك؟؟؟ بخطابو حلو هي النقطة كانت المهانة لكل فلسطيني كتير كبيرة .. هلق الفلسطينيين عم يدورو على وطن متل الاسرائيليين ؟؟ هيك نحطو بنفس الخانة؟؟ وكانو ما كان يوما ما لكل فلسطيني بيت وارض ودولة ....... لا يا صديقي .... اوباما عم يقدم يلي قدمو فقط لانو الحلول البديلة غير متوفرة حاليا .. والارهاب .. كانو يعني هيك اكرابادابرا لحالو قنبز راسو .. يعني وكانو هني ما كانت علاقاتهون سبب اساسي لنشوء القاعدة لما كانت الشيوعية هيي الشيطان الاكبر .. طبعا راحت الشيوعية لكانت متمثلة بالسوفييت واجا الاسلام الارهابي ... اي اكيد ... وهني صارو ضد الارهاب .. بس مستحيل يعترفو بمسؤوليتون بنشوء هيك ارهاب وبتعويض الناس يلي اتضررت من ساستكون الغبية بالفترة الماضية .... اش معنى المانيا لازم تعوض اليهود وليبيا لازم تعوض .. و البشير لازم يتحاكم وميلوفيستش .... وووو ووووو وو وتطول القائمة وواحد متل بوش وبطانتو السياسية منعتبر حكمون هوي خطا .. خطا راعكم الله .... وسعدو وكانو يلي ماتو هني هيك ناس اقل قيمة من غيرون يعني برايي صراحة بعد ما طعمو الناس بكل العالم خـ..ا ( حشا السامعين ) شافو انو حلون يدورو ع شي جديد يطعمون ياه لانو مخزونون كش .... ما بعرف شو راي الرفاق بخطاب اوباما مبارح .. بس برايي انو هالخطاب الطنان كان خرج شي شيخ من مشايخ الازهر .. اكتر من خطاب لرئيس اميركا .... قال عندون مواقف لا مجال للنقاش فيها قال .... مسخرة من ناحيتي لا طالبة سلام ولا يحزنون ... بلكي كل اسرائيلي وكل امريكي ساهم بحرب العراق بشكل سياسي او دبلوماسي او عسكري ينحط ع الخازوق يموت ع الف مهلو ... وبعد ما كل واحد منون بيدوق يلي عم يصير بالعراق وغزة .. وقتها يمكن يصير عندي قدرة على السلام ... لسا ما بعرف فادي ... انت كنت شربان شي لما كتبت يلي كتبتو؟؟؟؟؟؟؟؟؟؟؟؟؟؟؟؟؟
قلي لي احبك
كي تزيد قناعتي اني امرأة قلي احبك كي اصير بلحظة .. شفافة كاللؤلؤة |
||||
|
|
|
06/06/2009
|
#17 | ||||||||||||||
|
عضو
-- مستشــــــــــار --
|
اقتباس:
يعني انتي شو الفرق معك اذا كان مجبر أو مخير.. بالعكس ياستي مجبر الزلمة وماعندو خيار غير هيك... شو التصرف العاقل الواعي يلي لازم نعملو؟ نستغل هالظرف يلي هو مجبر فيه ونفتح حوار ونشتغل على مصالحنا معو ولا نقلو يا إبن الكلب انت مجبر على انك تعمل هيك وبدنا نذلك ونلعن ابوك ونخليون يرجعو على سياسة بوش؟؟ يعني يلي حاربنا وبهدلنا ما عجبنا ويلي اجا لعنا وبدو يحاورنا ويفتح معنا صفحة جديدة "حتى لو بعدو بأول الطريق" كمان ماعجبنا... يعني برايي امريكا حاليا ما عندها خيار اخر ... لا الحل العسكري مطروح بسبب عدم التوفيق بالحربين الاخيرتين ( طبعا متل ما بدهون هنيي اي بدون خسائر كبيرة .. لانون عمليا حققو اهدافهون من خلال السيطرة على منابع النفط وتاجيج النزاع الطائفي ) ولا الحل المادي لانو حاليا امريكا عم تعيش ازمة مالية كبيرة اثرت عليها بشكل كبير ومن حيث مواقفها ممن اسرائيل .. يعني ع مين عم نضحك؟؟؟ بخطابو حلو هي النقطة كانت المهانة لكل فلسطيني كتير كبيرة .. هلق الفلسطينيين عم يدورو على وطن متل الاسرائيليين ؟؟ هيك نحطو بنفس الخانة؟؟ وكانو ما كان يوما ما لكل فلسطيني بيت وارض ودولة ....... اقتباس:
اقتباس:
مابعرف شو الفكرة من اعتماد سياسة الندب واللطم وتغييب العقل دايماً؟؟ وأخر شي منقلون ليش اسرائيل وصلت علاقتها معون لهون ونحنا لهون... اقتباس:
عيني خلص مابدنا حوار معون ولا نصلح الوضع وبكرا الصبح بدنا نحتل واشنطن حتى يعوضونا عن سياسة بوش... اقتباس:
اقتباس:
بحب قلك انو الشعب السوري وهو شعب معروف بعدائو لمواقف أميركا استقبل الخطاب بكل عقل وقلب مفتوح وارتفعت شعبيتو للزلمة بشكل كبير "حسب الاحصاءات عم حاكيكي" وكلو عم يقلك خليني افرض حسن النية وإتأمل خير من هالشخص.. اقتباس:
خطاب عاطفي صرلو 80 سنة مبهدلنا وكل مانو عم يبهدلنا أكتر.. اقتباس:
سلامات |
||||||||||||||
|
|
|
06/06/2009
|
#18 | ||||||
|
عضو
-- مستشــــــــــار --
|
إعتراف بحق الفلسطينيين بدولتون
اعتراف بمعاناة الفلسطينيين لمدة 60 سنة اعتراف بأخطاء بوش مع العرب والاسلام وعد بسحب القوات الاميركية من العراق وافغانستان اعتراف بشرعية حماس ووعد بالحوار معها اعتراف بعدم شرعية الاستيطان الاسرائيلي عدم الاعتراف بالقدس عاصمة لاسرائيل التودد للعرب من خلال زيارة المساجد والاستعانة بأيات قرئانية لهجة خطاب ودية تعترف بالأخر وقضاياه وغيرها الكثير أنا عاجبتني كبداية ومروق عليها وشايف أحسن من هيك بداية مستحيل يصير غير اذا احتيلنا أميركا عسكرياً وأجبرناها على الخضوع لمطالبنا دفعة وحدة... حلنا بقا نبطل عجرفة ونحنا أخر الناس... رحم الله إمرء عرف قدر نفسه فوقف عنده.. بقا كيف اذا جايينا واحد عم يقلنا انتو قدركون كبير وتعو نشتغل مع بعض لنوصل لشي يرضي الكل؟؟ منقلو انقلع من هون ومو أهلا وسهلا خليه يروح على تل أبيب ويخطب بالكنيست بالعبري ويرجع يعادينا للأخر متل بوش. |
||||||
|
|
|
|
«
الموضوع السابق
|
الموضوع التالي
»
|
|
الساعة بإيدك هلق يا سيدي 01:58 (بحسب عمك غرينتش الكبير +3)