السماح لهيفاء وهبي واليسا .. بالغناء مجدداً في سوريا

**MadMax** · 26/05/2009

السماح لهيفاء وهبي واليسا .. بالغناء مجدداً في سوريا

صدر تعميم ،حصلت "سيريانيوز"على نسخة منه ،موقع من قبل نقيب الفنانين السوريين أسعد عيد يسمح لعدد من الفنانين اللبنانيين بالغناء مجددا في سوريا ، والذين كان قد صدر بحقهم قرارا سابقا يمنعهم من المشاركة والغناء في المهرجانات والحفلات في سوريا .

وكان نقيب الفنانين السابق صباح عبيد قد أصدر قرارا منذ نحو عامين بمنع عدد من الفنانين اللبنانيين من الغناء في سوريا منهم اليسا وهيفاء وهبي ،مؤكدا على ان القرار جاء للحد من تفشي ظاهرة التلوث الأخلاقي , والبصري وتدني مستوى الذوق الفني وانتشار موجة إفساد الذوق العام صوتا و صورة الذي تروج له بعض المحطات و الفضائيات العربية .
ومن بين الأسماء التي سمح لها بالغناء مجددا داخل القطر ، جاد شويري ، هيفاء وهبي ، اليسا ، مروى ، دانا ، ميليسا ، نقولا الاسطى ، دومينيك حوراني ، غسان الرحباني والياس الرحباني وآخرون .

وحول القرار قال السيد عثمان عثمان ، عضو المكتب التنفيذي بنقابة الفنانين في تصريح لسيريانيوز : أن سوريا هي بلد أبوابها مفتوحة دائما لكل الفنانين العرب مهما كانت جنسياتهم ، وهي مكان آمن لكل هؤلاء الفنانين اللبنانيين لكي يأتوا ويشاركوا في حفلاتها ومهرجاناتها .
وعن سبب السماح مجددا لهذه الأسماء التي منعت سابقا من الغناء في سوريا قال "عثمان": بأن سبب منعهم كان لمواقف نعتبرها أحيانا غير وطنية ،إضافة الى تهرب البعض منهم من دفع رسوم النقابة .

وأضاف "عثمان " أن هذا التعميم هو بمثابة إشارة لكل هؤلاء الفنانين بأن سوريا تفتح لهم الباب من جديد لان يكونوا معنا ، مؤكدا على أن وسائل الإعلام السورية لم يسبق أن منعت بث أغانيهم وهذا مؤشر على أن سوريا ولبنان هم في حالة توأمة .مضيفاً بأن هذا التعميم يأتي كنوع من التلاقي بين الفنان اللبناني وجمهوره السوري القادر على أن يختار من يسمع ومن يشاهد في نهاية الأمر

سيريانيوز

**MadMax** · 26/05/2009

الظريف بالموضوع ..
أنو لما منبحث عن صور لأليسا عالغوغل ... بتطلعلنا هالملاحظة ( بحوث ذات علاقة: هيفاء وهبي )

و نفس الشي بالعكس

ابو ريتا · 26/05/2009

انو بدي افهم شو كانت مشكلتو لغسان الرحباني أو الياس الرحباني
طيب إذا هيك معناتو أسامة الرحباني كمان منع يقدم عروض موسيقية بالبلد

**zen** · 26/05/2009

انو غير هيك بسياق الخبر حاطين انو هني ممنوعين لانو بيساهمو بالتلوث السمعي والبصري
انو الياس الرحباني اللي عطي اغاني لفيروز بعمل تلوث سمعي
وغير هيك اليسا انو صوتها ظريف
والاضرب انو نقولا الاسطا هو بيعمل اغانية كنسية كتير وصوتو كتير راقي واغاني راقية جدا
حاطينو مع تبعةت التلوث السمعي

انو باينة القصة انو مشان الاراء السياسية ممنوعين الجماعة فيما عدا هيفا ورفقاتها

بعدين اذا بدون يكافحو التلقوث السمعي والبصير يكافحو سارية السواس ومثيلاتها
اللي الهو قناة خاصة اسمها غنوة بتبث مباشر من كباريهات التل

**MadMax** · 26/05/2009

بس شو بدكون بالحكي ..
انشهر الغضنفر من بعد هالقرارات

**zen** · 26/05/2009

اي صح سمرا اصلا هيفا كان معا حق لما قال انو بدو يطلع ع كتفها يا زلمة استضافو بضد التيار
بعدين
انو غسان الرحباني كان معروف بمواقفو المناهضة لسوريا و للوجود السوري بلبنان لما كان عن ما بيحب النظام السوريا

باشق مجروح · 26/05/2009

اقتباس:

جمهوره السوري القادر على أن يختار من يسمع ومن يشاهد في نهاية الأمر

هادا الحكي الي بينسمع . ما حدا يفرض حالو كـ رقيب على اذواق الناس .

توم و جيري · 26/05/2009

اقتباس:

كاتب النص الأصلي : MadMax

بس شو بدكون بالحكي ..
انشهر الغضنفر من بعد هالقرارات

بس الغضنفر هوي اللي منعون وعثمان اللي رجعن ....

سيدي منشفلنا كم وش حلو بهالصيف ..

أم الجود · 27/05/2009

اقتباس:

كاتب النص الأصلي : توم و جيري

بس الغضنفر هوي اللي منعون وعثمان اللي رجعن ....

سيدي منشفلنا كم وش حلو بهالصيف ..

اي من جهة رح تشوف فرح تشوف ... و مو بس وشوش ...

وشوش و أشياء أخرى

**MadMax** · 27/05/2009

اقتباس:

كاتب النص الأصلي : zen

اي صح سمرا اصلا هيفا كان معا حق لما قال انو بدو يطلع ع كتفها

قليلة الواحد يطلع ع كتاف هيفا .. ؟؟

mhsen77 · 27/05/2009

هيفا و اليسا و رفقاتون ..............
اهلا وسهلا فيكون بأحضانّا

المحارب العتيق · 27/05/2009

هلا كانو ممنوعين من الغناء بسوريا . بأستثناء اليسا . كانو ممننوعيم من الرقص بسوريا ؟ . لأنو صوتهم مابيهم

marochka · 27/05/2009

اقتباس:

كاتب النص الأصلي : ابو ريتا

انو بدي افهم شو كانت مشكلتو لغسان الرحباني أو الياس الرحباني
طيب إذا هيك معناتو أسامة الرحباني كمان منع يقدم عروض موسيقية بالبلد

مشكلة غسان والياس الرحباني معروف إنها كانت سياسية لأنن مع الجنرال ميشيل عون، بس هلأ بعد ما ميشيل عون نفسه إجا على سوريا فكان من غير الطبيعي إنه يستمر المنع، ونقولا الأسطا باعتقد أنه نفس الشي، أما الباقي، فقصة اللطلعة عالكتاف كتير منطقية...!