|
| س و ج | قائمة الأعضاء | الروزناما | العاب و تسالي | مواضيع اليوم | بحبشة و نكوشة |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
 |
|
|
أدوات الموضوع |
05/04/2009
|
#1 | ||||||
|
عضو
-- زعيـــــــم --
 |
في بلدنا مسرح؟
هو السؤال الذي طرحته على عدد من الزملاء في الجامعة والاصدقاء والاجابة كانت نعم بالتاكيد شو نسيت همام حوت؟؟؟؟
المسرح في بلادي هو احد التغريبات التي تعاني من البيروقراطية ومن غباء من يقودها في معظم الاحيان فاهميتها تنبع فقط في ايام مهرجانات المسرح وتحدثت سابقا عن هذا الامر فالمهرجان اشبه برجل جائع قدمت له وجبة دسمة فاكلها بسرعة \ حديثا بدأ عدد من خريجي المسرح بتقديم اعمالهم برؤية جديدة فنجح رامز الاسود ورغدة شعراني ومصطفى الخاني وغيرهم بتقديم اعمال شدت المشاهد السوري نحو المسرح مجددا وكان اخرها مسرحية الكبير سعد الله ونوس طقوس الاشارات والتحولات فما النتيجة؟ تدخلت خالتو رقابة وعمتو صحافة ففعلت فعلها بتشويه ولعن ابو الاعمال من جانب لتاتي الرقابة وتشرح العمل الاخير لونوس وتحذف ما تشاء استجابة لراي رجال الدين انها تشوه مقامهم وتقولون نريد مسرح ؟ اي خليكون على مسرحكون لكن رجل من ورق
قم واضرب المستحيل بقبضتك اليسرى
انت تستطيع ذلك http://themanofpapers.wordpress.com |
||||||
|
|
05/04/2009
|
#2 | ||||||
|
عضو
-- زعيـــــــم --
|
انا من زمان لما كنت بالثانوي كنت احضر مسرح كتير بعد ين وبمحض الصدفة حضرت مسرحية بالمركز الثقافي الفرنسي لفرقة فرنسية اسمها ليدي بيرد وبعد سنة رجعت الفرقة مرة تانية وقدمت عرض بمسرح الحمرا..
ومن وقتها بطلت احضر مسرح.. لانو حسيت الفرق الشاسع بين المسرح اللي اعتدت انو احضرو وبين هي الفرقة وعروضها وخاصة اني عرفت بعدين انو المسرح بأوروبا وبأمريكا ما عاد بيشبه مسرحنا بأي شكل من الاشكال..
طائر واحد يكفي لكي لا تسقط السماء
فرج بيرقدار |
||||||
|
|
|
05/04/2009
|
#3 | ||||||
|
عضو
-- زعيـــــــم --
|
من جهة تانية ..
مسألة معروفة بالادب انو عدد ارومات القصص بكل العالم مختلف عليها بين سبع الى 22 قصة تقريبا يعني كل القصص بتصب بخانات متشابهة .. وهلأ مو قصة المسرحية او الفيلم هيي الي بتشد المشاهد بل طريقة التعبير عن هي القصة ومعالجتها وتقديمها بأسلوب فيو ابهار بصري سواء بالخدع او بجمالية الصورة.. فصار في اهمية كبرى للخدع السينمائية بالسينما واهمية كبرى للسينوغرافيا ورسم الصورة والتشكيلات على المسرح بعالم المسرح يعني الزمن اللي كنا نحضر فيه المسرحية ونطلع بعد ساعة او ساعتية بحكمة"الحب شيء جميل" او " الخديعة كنز لا يفنى  " خلصت .. خلصت هي المرحلة هلأ نحنا بحاجة.. لشي يحرك فينا تساؤلات وتأملات.. مو معتادين عليها بالتلفزيون او السينما او الانتريت ومحبتي لصاحب الموضوع  |
||||||
|
|
|
05/04/2009
|
#4 | ||||
|
عضو
-- أخ لهلوب --
|
تم ايقاف مسرحية طقوس الاشارات والتحولات للراحل سعد الله ونوس في حلب نتيجة احتجاج المرجعيات الدينية الحلبية ملاحظة حلب ثاني أكبر مدينة في سوريا ولا يوجد فيها مسرح (بالمفهوم العمراني) ولكن تتقبل براحبة صدر همام حوت وشلته المتمسرحة.
يبدو أننا في حلب لا نقبل المسرح الذي يرتقي بنا لا نقبل سوى المسرح الذي ينحط بنا وبذوقنا أدنى ما يمكن. أسفي على بصرى وعمريت فقط وعلى من أنجب أول مسرح في التاريخ ..... 
لو كان نبيٌّ مصابًا بالبَرَص، بُعِثَ إلى قوم من البُرْص، لكانت الإصابة بهذا الداء شرطًا من شروط الإيمان بالله.
. . . عندما أصر على أن أجعلك شبيها بي، فأنا في الواقع أصر على أن ألغيك. |
||||
|
|
|
05/04/2009
|
#5 | ||||||
|
مشرف متقاعد
  |
شو رأيكن نحكيلكن حكاية المسرح بالأحرى مو حكاية المسرح كله بل فقط حكاية وحدة صارت معي!
قرّرنا أنا و خطيبتي Miss Raw نعمل مسرحيّة اطفال ،، مبدئيّاً بما إنو أول عمل تعاونّا مع مجلّة نيلوفر للأطفال و أخدنا من عندهن نصّ مسرحيّة اسمها (مفاتيح السعادة) المسرحية انعرضت بالشام السنة الماضية و نحنا عملناها بحلب المهم يا سادة 1. رحلة البحث عن مسرح رحت افتل افتل و فتلت حلب وجه و قفا آخر شي طلع عندي خيار واحد فقط هو (مسرح دار التربية) و هو تابع لجمعيّة دار التربية الثقافية الأرمنية، هاد المسرح الوحيد اللي فيه مواصفات المسرح الفنّيّة و التعبويّة اللازمة لعرض مسرحي لائق، بلا ما نحكي عن الكلفة مشان ما يوجعكن راسكن 2. المغامرات في دوائر الدولة رغم أنّ المسرحية انعرضت بالشام، و في تعميم صادر من وزارة التربية بتسهيل الإعلان في المدارس لهالمسرحية بس كلو على الفاضي ... يعني لازم نشتغل من أول و جديد على الموافقات و اشتغل الركض بين المحافظة و الالأمن السياسي و أمن الدولة و مديرية التربية و نقابة الفنانين و المسرح القومي و لجنة القراءة و لجنة المشاهدة و ... و على الحلال هريت صباطين بهالشغل 3. الأهمّ من هيك يا سادة اكتشفت إنو العيب مو بس بالبيروقراطيّة العيب الأكبر بالشعب يعني بالطويلة بالقصيرة آخرتها الموافقات مشي حالها و عرضنا بس المشكلة بقيت عند الجمهور يعني عمل بيستاهل ينحضر عشر مرات و كل مرة بتحس حالك عم تحضر لأول مرة و مافي عليه و لا أي نقد و نال استحسان كل من رآه عم ينعرض بأفخم مسرح بحلب و بستكترو عليه 150 ليرة، قال شو البطاقة غالية ،،،، الشباب بدن يحضرو مسرحية عشر ورقات و بدن عصير و بوشار معها حاصل القول حاجتنا نزت كل الفشل برقبة الدولة و الموظفين و البيروقراطية ،، يعني الموظفين هدول جايين من مدغشقر و لا مننا ؟!! و بالنتيجة خسرنا و غيرنا الشغلة هلأ بدل ما كنا عم نفتل نسوّق للمسرحية صرنا نفتل نشحد تبرعات لتغطية الخسارات !!  ®
مهندس هذا الكون العظيم قد بدأ يظهر على أنـّـه عالمٌ رياضيّ بحت.
^ ^ المبادئ الرياضيـّـة هي الأبجديـّـة التي كتب بها الله هذا العالم وبدونها سوف يكون صعباً علينا أن نفهم كلمةً واحدةً من كتاب الطبيعة. ® |
||||||
|
|
|
05/04/2009
|
#6 | ||||||
|
مشرف
|
عنا ارضية مسرح مهمة جداً .... و يمكن الاهم بالمنطقة
و الاهم أنو عنا جمهور مسرح واعي يمكن سوريا الدولة العربية الوحيدة .. يللي بيمشي فيها المسرح الملتزم جماهيرياً بس لسا ناقصنا كتير اشيا ....الحديث فيها يطول
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
|
||||||
|
|
الملاكمة
|
06/04/2009
|
#8 | ||||||||
|
عضو
-- زعيـــــــم --
|
اقتباس:
اقتباس:
متل شو؟ وشو ارضية المسرح المهمة عنا؟ |
||||||||
|
|
|
06/04/2009
|
#9 | |||||||
|
مشرف
|
اقتباس:
عنا كتـّاب .... و نصوص مسرحية على مستوى علمي عنا ممثلين مسرحيين كمان على مستوى عالمي ( ما في داعي أذكر أسماء .. المفروض يكونوا معروفين ) و متل ما قلت قبل ... في عنا ثقافة مسرحية بين الجمهور ... مقبولة .. و إذا قارناها مع الجمهو العربي ككل .. بتطلع ممتازة يللي بينقص المسرح السوري .. هو فقط الإمكانيات المادية يللي الشباب عم يتحايلوا عليها ببعض الاساليب الملتوية ( إذ صح التعبير ) متل عرض مسرحية المهاجران بـ قبو ....و كان بدنا واسطة لنحجز محلا باختصار ... المسرح السوري ... بعاني من نفس مشاكل السينما السورية ....بس حل هالمشاكل أبسط نسبياً |
|||||||
|
|
|
11/04/2009
|
#10 | ||||||
|
عضو
-- قبضاي --
|
المسرح من أيام موليير لحد هل اللحظة هو صورة للشارع و ما يدور فيه
وقت بصير عنا مسرح معناها صرنا نعرف ماذا يدور بشوارع الوطن و بالتالي المسرح مطووووول كتير عنا ليصير
انظري خيط الدم ِ القاني على الأرض ، هنا مرَّ ، هنا انفقأت تحت خطى الجند عيون الماء و استلقت على التربة قامات السنابل
|
||||||
|
|
|
18/09/2009
|
#11 | ||||
|
شبه عضو
-- أخ لهلوب --
 |
شكرا على الموضوع
لو كان لتقييم بللباس لكن الطاووس أحسن الناس
|
||||
|
|
|
|
«
الموضوع السابق
|
الموضوع التالي
»
|
|
الساعة بإيدك هلق يا سيدي 15:14 (بحسب عمك غرينتش الكبير +3)