هل تخشى الاعتقال؟

[رجل من ورق]

سؤال طرحته علي طفولة قبل عام تقريبا وتعمدت عدم الاجابة عليه لكنه اثار في الكثير من التساؤلات
نعم لا انكر خوفي بل وتوتري الشديد حين اسلم جوازي لضابط الجوازات او حين ارى رجل امن متجها نحوي دون قصد واحيانا اذا ما قرع الباب في وقت متاخر من الليل او حتى رن الهاتف اشعر بخوف ورهبة شديدين
الامر لم يتوقف عندي بل وصل لاشخاص كثر اعرفهم منهم اعضاء في الاخوية اخبروني انهم يشعرون احيانا بخوف من لحظة اعتقال قد تكون قريبة ( بعيد الشر)
المثير للجدل هو انه ما ان يتملكني هذا الشعور حتى ابدا بمراجعة ما قلتهوما فعلته فاجد نفسي لم اقل او افعل الشئ الكثير ولاحقا بعد قرات روايات عبد الرحمن منيف الان هنا وشرق المتوسط بت اقول في نفسي
اي سيدي يجوا مو سائل يعني هي قناعاتي ورح ضل دافع عنها
الا ان هذا الشعور ما زال يلاحقني ويزداد في الاونة الاخيرة مع ازدياد التشديد الامني على اخوية
وانتم؟
رجل من ورق

[Sun Shine Art]

انا مالح احكي من مبدأ القيم ..والاماني ..والي لازم ولي مو لازم ...

بس بحب قلك شغله من خبره ناس قريبه كتير علي ...مرو بهل التجربه ...

على قد الخوف الي منخافو عالبلد ..وع احلامنا ...وع مبادئنا ...وع فكرنا ...
بس الاعتقال ما في اصعب منه ...ومافي حدا الا بخاف من المرور به رغم كل شي ورغم اي قضيه او تحت اي ظرف ؟؟؟بضل الاعتقال ...جرح للروح ...ووجع بالنفس ..ومحدا ..بتمنى يمر فيه .....

وانشاء الله محدا بمر فيه لا انت ولا غيرك ...ويبعدو عن كل حر .....وعن كل شخص ...

[ابو نجبو]

متل ماقالت (صن) الشغلة صعبة كتير و فيها اذى مابينمحا بسهولة
انا حضرت هيك تجربة بس مو اعتقال.... كم سؤال و احتجاز لساعات
والله اللي هو الله حسيت حالي من بعد ماطلعت من فرع أمن الدولة وكأنو مولود من جديد

[توم و جيري]

كاتب النص الأصلي : ابو نجبو

متل ماقالت (صن) الشغلة صعبة كتير و فيها اذى مابينمحا بسهولة
انا حضرت هيك تجربة بس مو اعتقال.... كم سؤال و احتجاز لساعات
والله اللي هو الله حسيت حالي من بعد ماطلعت من فرع أمن الدولة وكأنو مولود من جديد

تنذكر متنعاد والحمدلله عالسلامة ............
واصعب شي انك تحجز حرية شخص تاني ...........ز

[satoman]

هل تخشى الاعتقال؟


لك ليش مين مابيخشاه الله وكيلك بخاف فوت عالنفوذ او شي دائره امنيه

[ظل جيفارا]

من الطبيعي إنو الإنسان بيخاف الإعتقال بس متل ما قلت صديقي
أحيانا بتكون كتير واثق بقناعاتك ...ف مستعد تحارب مشانها ...
انا يمكن ما بخاف فكرة الإعتقال قد ما بزعل من تأثيرها على اللي حواليي ...أو لإنو في شي صار بهالبلد انا ما بدي إياه يصير ب بلدي
تحياتي الحارة
ظل جيفارا

[aaahmed]

الله يستر يا شباب لأنو الفوتة هنيك وخمة وفيها بهدلة و إهانات
لك مو هيك بتنص حقوق الإنسان لكن شلون

[رجل من ورق]

كاتب النص الأصلي : ظل جيفارا

من الطبيعي إنو الإنسان بيخاف الإعتقال بس متل ما قلت صديقي
أحيانا بتكون كتير واثق بقناعاتك ...ف مستعد تحارب مشانها ...
انا يمكن ما بخاف فكرة الإعتقال قد ما بزعل من تأثيرها على اللي حواليي ...أو لإنو في شي صار بهالبلد انا ما بدي إياه يصير ب بلدي
تحياتي الحارة
ظل جيفارا

احيانا يا ابو حميد بتحس انو شو ردة فعل العالم من حولك على اعتقالك
يعني بمعنى اخر ممكن اللي حولك يتفهموا ظرفك بس وعيلتك والباقين؟
قديه هالشي صدمة الك ممكن يكون؟
ومن جهة تانية في اشكالية اكبر بتكمن بمدى خسارتك

[بنفسجة]

يعني انا ماجربتو ولا مرة
ولاعندي احساس تجاهو لاخوف ولا شي تاني
بس بخاف على يلي بيفوتو عليه
يعني بذكر مرة ظل جيفارا استدعي من قبل الفرع وانا فعلا خفت كتير
بس طلعت سليمة
الله لايعلق حدا هيك علقة
بش شو بدكون بالحكي الشباب عنا بطرطوس غير شكل ولا شو رايك ابو حميد؟

[pleasurable]

كاتب النص الأصلي : بنفسجة

يه
يعني بذكر مرة ظل جيفارا استدعي من قبل الفرع وانا فعلا خفت كتير
بس طلعت سليمة

ظل جيفارا أنا متوقع هالشب يعتقل بأقرب وقت , هيك شفت بمنامي ,شفتو معتقل بالتعاون مع الانتربول . طولان لسانو كتير لأنو ههههههههههههههههههههه

[بنفسجة]

كاتب النص الأصلي : pleasurable

ظل جيفارا أنا متوقع هالشب يعتقل بأقرب وقت , هيك شفت بمنامي ,شفتو معتقل بالتعاون مع الانتربول . طولان لسانو كتير لأنو ههههههههههههههههههههه

همممممممممممممممممم قلتلي

[ظل جيفارا]

حلو عن ربي انا ما حدا ينق عليني ما بيعرف الواحد ساطور الجلاد من وين بيصيبو
انا متفائل بمستقبل مشرق مستقبل لسوريا منيعة صامدة بنفس الوقت فيها عدالة إجتماعية اكتر وفيها وعي ديمقراطي اكتر
يعني فيها كلشي اكتر إلا المعتقلين السياسيين
من هون لوقتا انا ما بملك قول إلا إني ما بتضايق على حالي أكتر ما بتضايق على الناس اللي حواليي اللي رح تنزعج
بس مع ذلك مواقفي مقتنع فيها ورح إشتغل مشانها
ولنا عودة يا وطني الرائع
تحياتي الحارة
ظل جيفارا

[يا نااااس]

لك تعودنا
وعن نفسي انا بتمنى مر بهيك تجربة
لأنو الضربة اللي ما بتئتل بتئوي
وصايري عم اتحركش كتير وعم طول لساني كمان
مستعجلة عالدخلة

ابو نجبو وأبو حميد الحمد لله عالسلامة
وانشالله ما حدن بيمر فيها
لا طارق ولا غيرو

[ظل جيفارا]

الله يسلمك صديقتي وشكرا إلك على اللطافة
بس إنو مستعجلة لتعتقلي ولا لتغيري ؟؟؟
إذا لتعتقلي بسيطة عن قريب إنشاء الله
خخخخخخخخخخخخخخخخخخخخخخخخخ خ
تحياتي الحارة
ظل جيفارا

[ابو نجبو]

احيانا يا ابو حميد بتحس انو شو ردة فعل العالم من حولك على اعتقالك
يعني بمعنى اخر ممكن اللي حولك يتفهموا ظرفك بس وعيلتك والباقين؟
قديه هالشي صدمة الك ممكن يكون؟


بالاذن من أبو حميد..
انا لما طلعت من التحقيق ..اصدقائي و القريبين عليي بلّشو يبتعدو عني و كأنني واحد جربان يازلمة
صرت اتحركش باصدقائي حركشة انو اشفي و كل واحد بعيتذر شكل؟؟
بعد مرور شهر أو أكتر و تأكدو الشباب انو مالي مطلوب حتى رجعو يحكو معي
على فكرة أنا بعزرن

أسف ابو حميد مرة تانية

[يا نااااس]

كاتب النص الأصلي : ظل جيفارا

بس إنو مستعجلة لتعتقلي ولا لتغيري ؟؟؟
إذا لتعتقلي بسيطة عن قريب إنشاء الله

ظل جيفارا

هاي اللي بالأحمر ما فهمتا
اي من تمك لباب السما

[عطر سوريا]

كاتب النص الأصلي : يا نااااس

لك تعودنا
وعن نفسي انا بتمنى مر بهيك تجربة
لأنو الضربة اللي ما بتئتل بتئوي
وصايري عم اتحركش كتير وعم طول لساني كمان
مستعجلة عالدخلة

ابو نجبو وأبو حميد الحمد لله عالسلامة
وانشالله ما حدن بيمر فيها
لا طارق ولا غيرو

انا معكي يا غالية اكيد نظرتك صح
بس انا نظرتي بتختلف عنك
لانهون يوم يلي بيفكرو يعتقلوني معناها انا ماشي صح
وانا يلي انتصرت على كل اللي بدو يعتقلني
لانو ما بقي عندو طريقة غير الاعتقال
صحيح الاعتقال صعب ويمكن يسبب شوية مشاكل بس اكيد بيررفع الراس (بالنسبة ئلي )
لاني ما بكون فتت بشي سرقة او قتل او نصب او غتصاب لا ني بكون توقفت لوطن وكرامة
بس كمان ليش الكذب شي بخوف
اذا انا اجو لعند\ي جماعة الامن السياسي على البيت بدون يحكو معي كلمتين خريطة ( خفت )
بئا كيف اعتقال الله يحمينا اذا كنا عم نعمل شي صح لهالبلد
وشكرا كتير اخ طارق على هالسؤال الحساس ولكل الاخوة يلي جاوبو على الموضوع

[يا نااااس]

كاتب النص الأصلي : عطر سوريا

انا معكي يا غالية اكيد نظرتك صح

أهلين خيو
اي والله معك حئ
انو شي بيرفع الراس لما الواحد بيجروووه لمبادئو الي مآمن انو ما فيا شي غلط
وكرمال البلد
هلا اخي