أستاذ أخوية في اللغة العربية

[boy freind]

هون بتجي بتسأل اي سؤال باللغة العربية

اعراب كلمة , جملة , شرح بيت شعري , تطلب بيت شعري لشي مناسبة

او شرح مفردة بالعربي غريبة ( و ما أكثر الكلمات الغريبة )

وهكذا ............

[قرصان الأدرياتيك]

كثرُ في اللغة العربيّة استعمالُ عبارة "لا يَخْفى عنِ القرّاء". لكنَّ اللغويّين يخطّئون من يقولها ويقولون إنَّ الصّوابَ "لا يَخْفى على القرّاء" معتمدين في ذلك على بضع آيات من القرآن، من بينها الآية 5 من سورة آل عمران، والآية 38 من سورة إبراهيم... إلخ.

إلا أنَّ الأولى، أي استعمال حرف الجرّ "عن" بدلاً من "على"، وردت عند الشريف الرضيّ والكسائيّ وابن مالك وأجازه أكثرُ الكوفيّين ومنع منه أغلبُ البصريّين.

فما هو رأيُ أستاذ أخويّتنا العزيز؟!

هل يُجيزه أم يمنع منه؟!

.

[whiterose]

حلو برافو الاعراب كانت هوايتي وكان شيء كتير بحبه

بس مين الاستاذ؟؟؟

[فسحة أمل]

أستاذ هلا شو جمع عندليب

[saman]

قرصان مو انت الاستاز ولا اللامنتمي ؟؟

[قرصان الأدرياتيك]

كاتب النص الأصلي : whiterose

حلو برافو الاعراب كانت هوايتي وكان شيء كتير بحبه
بس مين الاستاذ؟؟؟

كاتب النص الأصلي : M.E.e.R.O

قرصان مو انت الاستاز ولا اللامنتمي ؟؟

لا والله أنا ما خصني بالعربية الله يسامحك. مبين أنو الأستاذ هو بوي فريند لأن هو بلش بالموضوع. أنا هيك فهمت!!! بيجوز فهمت غلط!

كاتب النص الأصلي : فسحة أمل

أستاذ هلا شو جمع عندليب

بالأذن من الأستاذ جمع "عندليب" "عنادِل".

.

[فسحة أمل]

طيب حتى ولو عم عزبك شو جمع شاة

[قرصان الأدرياتيك]

كاتب النص الأصلي : فسحة أمل

طيب حتى ولو عم عزبك شو جمع شاة

جمعُ الشّاةِ شاءٌ وشِياهٌ وشِواهٌ وأشاوِه وشِيْهٌ وشِيَّهٌ وشَوِيّ.

اختار اللي يناسبك .

[whiterose]

كاتب النص الأصلي : فسحة أمل

طيب حتى ولو عم عزبك شو جمع شاة

افحمو...

شياة او شاتات ايهما اقرب

[قرصان الأدرياتيك]

كاتب النص الأصلي : whiterose

افحمو...
شياة او شاتات ايهما اقرب

.

[فسحة أمل]

كاتب النص الأصلي : قرصان الأدرياتيك

جمعُ الشّاةِ شاءٌ وشِياهٌ وشِواهٌ وأشاوِه وشِيْهٌ وشِيَّهٌ وشَوِيّ.

اختار اللي يناسبك .

هلا جد شو جمع شاة , هلا مثلاً ناقة جمعها نوق.
بس شاة شو الجمع الي الها ؟

[قرصان الأدرياتيك]

كاتب النص الأصلي : فسحة أمل

هلا جد شو جمع شاة , هلا مثلاً ناقة جمعها نوق.
بس شاة شو الجمع الي الها ؟

هلا عطيتك كل هدول الجموع ولساتك تسألني؟!
شو نحن عم نتسلى؟
خيي فسحة الجموع أعلاه كلها بتناسب تكون جمع لكلمة "شاة" وفيك تختار أي واحد منها.
وإذا لساتك مو فهماني رح عيدن بترتيب جديد:
شاءٌ
شِياهٌ
شِواهٌ
أشاوِه
شِيْهٌ
شِيَّهٌ
شَوِيّ.

[whiterose]

كاتب النص الأصلي : قرصان الأدرياتيك

.

هههههههههه
معك حق بس كل واحد وعلامه

[قرصان الأدرياتيك]

كاتب النص الأصلي : whiterose

هههههههههه
معك حق بس كل واحد وعلامه

والله ما عم أفهم عليكِ لا شو عم تكتبي ولا شو عم تقصدي!!!
اعذريني وايت روز بس ممكن توضحي شو بدّك؟!
.

[فسحة أمل]

كاتب النص الأصلي : قرصان الأدرياتيك

هلا عطيتك كل هدول الجموع ولساتك تسألني؟!
شو نحن عم نتسلى؟
.

لا ما عم نتسلى بس سال أب سارة ليش بهل الساعة بالتحديد ما عم جمع وبظن أنو لح تلاقيه هوي كمان ما عم يجمع لسبب مشترك

[قرصان الأدرياتيك]

كاتب النص الأصلي : فسحة أمل

لا ما عم نتسلى بس سال أب سارة ليشبهل الساعة بالتحديد ما عم جمع وبظن أنو لح تلاقيه هوي كمان ما عم يجمع لسبب مشترك

لك عم أمزح معك أنت التاني شو بك بشور؟!
اليوم الكل منرفزين وما عم يجمعوا... فايت نام أحسن ما آكلي شي كف عند هالمسا!
ولا حول ولا قوة إلا بالله.

[الصمت الناطق]

قرصان يا قرصان ..

عرفتها جمع شاة ... هيي شياة

لا تقووول مو مظبوط ..

[إبريل]

كاتب النص الأصلي : قرصان الأدرياتيك

فما هو رأيُ أستاذ أخويّتنا العزيز؟!

هل يُجيزه أم يمنع منه؟!

.

إلى أن نعرف هوية الأستاذ
وما إذا كان نهجه كوفيًّا أم بصريًّا

" إِنَّ اللّهَ لاَ يَخْفَىَ عَلَيْهِ شَيْءٌ فِي الأَرْضِ وَلاَ فِي السَّمَاء "
" رَبَّنَا إِنَّكَ تَعْلَمُ مَا نُخْفِي وَمَا نُعْلِنُ وَمَا يَخْفَى عَلَى اللَّهِ مِن شَيْءٍ فِي الأَرْضِ وَلاَ فِي السَّمَاء "

أستاذنا
على هنا تأتي بمعنى الظهور والإحاطة
ولو استبدلنا بعلى الحرف عن
فما المعنى الذي سيخرج إليه حرف الجر ؟