مدرسة اخوية لتعليم السواقة ,, شوفرة ,, تشبيح ,, الخ..

[Abu Guzef]

مرحبا شباب وصبايا

هلئ بالنسبة لموضوع السواقة وهيك يعني اوا حدا بيحب يستفاد من الخبرات

اي حدا بيحب يتعلم الأساسيات بالسواقة وكيف يتعلم يتفضل يتابع معنا هل موضوع

هوي أكيد اكيد مارح نقدر نعلمكون عملي وانو مالح يكون متل العملي بس انو منقدر نعلمكون أساسيات

ف يلي حابب يتابع معنا بس يسجللنا انو بدو مشان ازا صار عدد مقبول نتابع

هامش**
ويسدد الرسم

ديل

[Abu Guzef]

كاتب النص الأصلي : حموده ابو حميد

سجلي اسم وماتاكل هم الرسوم

كاتب النص الأصلي : zerocold hacker

اي اي وانا كمان ورقبتي سدادة

كاتب النص الأصلي : روعة1

اي هلأ كمان نحنا منسجل شو عليه شنو قريبا حاطين ببالنا انو نتعلم السواقة..

و منشان الرسم..خلص الك عندي انو ادفع.. أيدها ع الحساب لقلك..

كاتب النص الأصلي : Abu Guzef

طيب اوك شباب سجلناكون

لسا ليصير كمان في عدد منبلش

ديل

كاتب النص الأصلي : ابو الوديع

سجلنا سجلنا ابو جوزيف ....شو عليه بنتقوى يمكن نعرف شغلات جديدة من دروسك

كاتب النص الأصلي : اسيره الدمعه

وانا سجلني لاني ناويه اخذ رخصه بس انزل على سوريا
والرسوم على التسعيره لاتزيدها
ولاتكل هم بس سجلها عالدفتر وبس انزل عسوريا بنتحاسب
شو ديل

اي شباب اهلا وسهلا ....

طيب منبلش معكون من الصفر الصفر يعني كأنو ما بتعرفو شو يعني سيارة

هلئ اول ما الواحد بيجي ليتعلم السواقة بيخاف وبيتلبك

انو اول شي اف انا بدي مشي هالسيارة وفوت بالزحمة ووقف عالطلوع و.... و .....



لا لا بحب قلك الأمور بسيطة جدا جدا


منبلش اليوم معكون بلأساسيات ,,,,, الأساسيات

يعني من اول ما تطلع عالسيارة شو بتسوي ..

يعني اكيد كتار منكن بيعرفو بس انو من الصفر

اول ما بيطلع الواحد بالسيارة يزبط قعدتو بحيث انو يكون مرتاح وقادر يطول كل الدعسات برياحة ويركز عالطريق يزبط المرايات تبعو عالتمام عالتمام بطريقة أنو يقدر يشوف اللي عم يصير من الطرف اليميني ورى منيح وعالشمال منيح
بس انو انا برأيي أحسن طريقة للمراية انو يكون شايفة فخد السيارة الواحد والطريق


دعاس دبرياج وتاكد من انو الغيار مو معلق يعني حرك الغيار لقدام بعدين عاليمين او الشمال ازا ما تحرك عاليمين او الشمال رجعو لورى وحركو عاليمين او الشمال

بس يصير فيك تحركو بكل الإتجاهات حطو بنقطة المركز يعني هيك بيكون الغيار فاضي

بعدين دق مرش لأنو ازا الغيار معلق ف بدق مرش بتنتع معك السيارة وازا عيار دعسة البنزين عالي بيجوز تمشي مع انو قلال يلي بيمشو لان فرام الإيد ح يكون مرفوع المهم ما إلك بالطويلة

مندق مرش بس في شغلة انو بالسيارات الحديثة في اول طقة انو تفتح قفل الدركسيون وبغير سيارات يفتح الكنطاك

التاني بيفتح الكنطاك التالتة المرش

لما تدق الطقة التانية ستنى شوي بس لتزبط المؤشرات قدامك (( يعني ل توقف الفواشة تبع الدبو )) وفي كم ضو بالتابلو قدامك ليطفو يعني مشان الكمبيوتر وما كمبيوتر

واضح لهون ؟ اي سؤال ؟




يتبع ....

[ِAbu Alzooz]

خيو لما بيطلع من الاشطمان نار هي شلون

[zerocold hacker]

تمام خيو انا وراك خطوة بخطوة

[روعة1]

هلأ انو في سؤال و اللي هو.. شو هادة المرش
و شو هادة الدبرياج..

ما هو انت عم تعلمنا من الصفر.. يعني انا ما بعرف كل واحد لشو بيستخدم..

[فسحة أمل]

بالنسبة لاقسام كبين القيادة فبيتألف من :
الدركسيون أو المقود الي من خلالو بتم التحكم بالاتجاهات.
الفيتيس( صندوق نقل السرعات) الي من خلالو بتم النقل بين غيارات السرعة, وبتم التحكم فيه من خلال الدبرياج.


أما الدواسات فهني تلاتة متل ما موصخ بالصورة

الأولى على اليمين هيي دعسة البينزين الي كل ما دعسنا عليها بزيد ضخ البينزين على المحرك وبزيد تسارع السيارة
الدعسة التانية الي بالنص هيي دعسة الفريم الي بتفيد بتخفيف سرعة السيارة
الدعسة التالتة هيي الدبرياج ( الفاصل الواصل ) الي حكينا أنو من خلالو منقدر نغير بالفيتيس .

[صياد الطيور]

كاتب النص الأصلي : فسحة أمل

أما الدواسات فهني تلاتة متل ما موصخ بالصورة

.

خيو ...بلا سئلة يعني ... بس أنا سيارتي ما فيها 3 دواسات
فيها 2 بس
شو يعني خربانة ؟ و لا خشوني .....................

[فسحة أمل]

يا سيدي يا سيدي
سيارة أوتوماتيك مين قدك

[Abu Guzef]

كاتب النص الأصلي : zerocold hacker

تمام خيو انا وراك خطوة بخطوة

يلا بس لا تدوبليني

كاتب النص الأصلي : صياد الطيور

خيو ...بلا سئلة يعني ... بس أنا سيارتي ما فيها 3 دواسات
فيها 2 بس
شو يعني خربانة ؟ و لا خشوني .....................

لا يلي بس دعستين ما بتسوى أبو المزن ما فيا متعة متل المنويل


هامش**

ابو وليم ما نسيانك او مطنشك بمشاركة لحال بشرحلك ياها كيف

كاتب النص الأصلي : روعة1

هلأ انو في سؤال و اللي هو.. شو هادة المرش
و شو هادة الدبرياج..

ما هو انت عم تعلمنا من الصفر.. يعني انا ما بعرف كل واحد لشو بيستخدم..

اي هدول هيك لكن تحت الصفر

طيب على راسي هي شرحلك ياهون فسحة ع فكرة مشان ازا نحكا هالمصطلح شي مرة تعرفو شو هوي

الفاصل واصل هوي نفسو الدبرياج




هلق منجي للإقلاع ويلي هوي أصعب مرحلة بالتعليم للمبتدئين

بتدعس الدبرياج للأخير ...

بتمسك الغيار بتركب الغيار الأول يلي هوي لما يكون الغيار فاضي شرحنا انو فاضي يعني مو راكب ع اي غيار ومتمركز بنقطة بالنص

بتمسك الغيار وبتحركو عالشمال بعدين لفوق (( هيك اغلب السيارات ))

بما انو وصلنا للغيار بدنا نخلص منو انو الغيار الأول عالشمال لفوق بعدين الغيار التاني عالشمال لتحت

بعدين الغيار التالت أسهل شي هوي لانو لما يكون الفتيس بنقطة المركز بس رفعو لفوق بيركب التالت

الرابع كمان نفس الشي بس لتحت

الخامس عاليمين ولفوق

الأنريه ,, عاليمين ولتحت

متل ما موضح بهي الصورة



هلق منرجع منكمل موضوعنا انو يلا دعسنا دبرياج وعلقنا الغيار الأول نزلنا فرام الإيد يلي بيكون ع جنبك اليمين ورى الفتيس متل العصايي منكبس الكبسة يلي براسو ومنرفعو شوي لفوق ومننزلو لتحت

هلئ الإقلاع ::

طيب داعسين نحنا دبرياج منشيل رجلنا عنو شوي شوي وبنفس القوت منكون عم ندعس بنزين

مبدئيا شوي شوي منشيل رجلنا عن الدبرياج وشوي شوي بنزين (( لاحقين عالتشفيط ))

بتمشي السيارة منشيل رجلنا عن الدبرياج

لنبسطلكون ياها كمان شوي مشان التغيير بعدين بعد فترة عالممارسة بيصير الإقلاع أسرع ولحالك بتعرف إيمتى لازم نغيير السرعة

مندعس بنزين هيك لتحس انو المحرك ضاج وانو السارة ما عاد تأسرع شو منسوي وقتا ؟؟

مندعس دبرياج ( بس بسرعة مو متل وقت اللإقلاع ) ونحنا عم ندعس دبرياج بنكون تلقائيا بنفس الوقت شلنا رجلنا عن البنزين وحاطين إيدنا عالفتيس

مندعس الدبرياج للأخير منعلق الغيار التاني يلي حكينا وين موقعو بيكون

وهلق منرجع مندعس بنزين ومنشيل رجلنا عن الدبرياج وكمان نفس الشي لما بدنا نغير عالتالت

بس بنلاحظ انو كل ما غيرنا الفتيس ع سرعة أسرع كل ما طول وقت تغيير السرعة مثلا الغيار الـ3 بيطول مو متل الأول والتاني

طيب إقلاع وأقلعنا وسرعة وغيرنا

هلئ صار لازم نوقف !!

في طريقتين لتخفيف سرعة السيارة :

1 = اما مندعس شوي عالفرام ومنزل غيار

2 = منفضي للسيارة (( يعني بوضع الفتيس عنقطة المركز الفضاوة)) ومندعس فرام هيك لنوقف




تمام لهون ؟؟؟

حدا عم يجرب عملي ؟؟

[روعة1]

يسلمو فسحة.. هلأ هيك بلشنا نفهم..

اي هدول هيك لكن تحت الصفر

تحت الصفر تحت الصفر.. ما ختلفنا.. (ما مسنترجي نخالفك منشان ما ترسبنا )

المهم..

انو فكرت السيارة اللي بتكون منويل صعبة سواقتها.. اتاري سهلة و ما احلاها...
هلأ كل شي حكيتو فهمتو.. بس اللي ناقص انو جرب عملي.. و هل الشي
قريبا ..

يلا متابعة معك..

[LiOnHeArT.3LA2]

مممممممممم .. بستحي قول ..

بس انا تحت تحت الصفر ..

معك ابو زوزيف ..

الى الابد


..
هاموش

خيو عم تطولنا بالدروس كتير .. عقلي ما بيتحمل انا

[Abu Guzef]

كاتب النص الأصلي : روعة1

يسلمو فسحة.. هلأ هيك بلشنا نفهم..

تحت الصفر تحت الصفر.. ما ختلفنا.. (ما مسنترجي نخالفك منشان ما ترسبنا )

المهم..

انو فكرت السيارة اللي بتكون منويل صعبة سواقتها.. اتاري سهلة و ما احلاها...
هلأ كل شي حكيتو فهمتو.. بس اللي ناقص انو جرب عملي.. و هل الشي
قريبا ..

يلا متابعة معك..

اي اي هوي عادي وسهل كتير المهم الواحد ما يخاف

كاتب النص الأصلي : LiOnHeArT.3LA2

مممممممممم .. بستحي قول ..

بس انا تحت تحت الصفر ..

معك ابو زوزيف ..

الى الابد


..
هاموش

خيو عم تطولنا بالدروس كتير .. عقلي ما بيتحمل انا

طيب حجي ع راسي

بس انو عندي بحر محاضرات ودرس وهيك ومرضان شوي

[Abu Guzef]

باك شباب سوري منكون بس انو مشغول شوي

يلا منبلش من جديد حطو الاحزمة لقلكون

درس اليوم عن الوقوف بمكان صعود يعني طلعة (( رمبة )) ووقفت بنصا شو الحل حتى تأقلع السيارة تمام وما تطفي او ترجع للخلف

يلا ماشيين بالسيارة ووقفنا طيب وقفنا مشي السير والسيارات وراك وعم يزمرولك ويلا خلصنا

في طريقتين ::

1 = انو توقف داعس الدبرياج والفرام ومعلق الغيار علأول طبعا هلئ بدنا نمشي طيب يعني عم تقول انتي يعني شو شقف حالي كم رجل بدي حتى سوي هالشي
يا خيي ما مشكلة انت خلي إيمانك ب الله كبير وشوف شو رح نسوي
علقنا وداعسين فرام ودبرياج منشيل رجلنا شي انو شوي عن الدبرياج بنتم داعسين فرام ها بس تحس انو السيارة بدا تطلع او انو يعني عم تضوج بدا تمشي ورح تطفي دغري بتشيل رجلك عن الفرام وبتعطيا بنزين

2 = منوقف ومنرفع فرام الإيد ومندعس دبرياج ومنعلق اول كمان نفس الطريقة شوية بنزين وشوية نشيل عن الدبرياج بس نشوف انو السيارة عم تحاول تمشي مننزل فرام الإيد وتمام الأمور

هلئ في كمان شغلة وانا بحبا هالطريقة انو توقف السيارة عالغيار والبرياج فقط بدون لافرام ولاشي
معلقين الغيار شايلين رجلنا عن البنزين داعسين فرام منشيل شوي عن الدبرياج بحيث انو عزم المحرك موقف السيارة وما مخليا تنزل ومنشيل رجلنا عن الفرام وهيك عالدبرياج لحالو منوقفا ومناقلعا ع كيفنا




تمام لهون شبيبة !!

[Abu Guzef]

اي وين صرنا
خلصنا اللإقلاع والغيار والوقفة مممم

اي في عنا هلئ الرجوع لورى

انو سوري ما بقدر فيدك بشي لأنو ما بتزبط إلا بالممارسة بس انو في شغلة عتمد عالمراية وما تتطلع من الشباك الخلفي

[ابو الوديع]

شو ابو جوزيف شكلو الدرس طول؟!!

[موجه بحر]

يا سلااااااااااااااااااااااا اام موضوع عن تعليم السوااااااااااااااااااااا ااااااااااااقة
اقبلوني متعلمة جديدة

[Abu Guzef]

كاتب النص الأصلي : ابو الوديع

شو ابو جوزيف شكلو الدرس طول؟!!

اي بيعين الله سيدي ضريبة السواقة هي

يلا منرجع منكمل بس انو كنت عم دور على الإشارات (( الشاخصات )) بدي نزلون بصورة بس لأسحب عالسكنر

انو ضروري تحفظون ازا مو كلون بس الأساسيات يلي متواجدين دايما

يلا بهل كم يوم سنة زمان بيكونو جاهزين

كاتب النص الأصلي : موجه بحر

يا سلااااااااااااااااااااااا اام موضوع عن تعليم السوااااااااااااااااااااا ااااااااااااقة
اقبلوني متعلمة جديدة

هلا


====================
بدي بس قول كم شغلة هيك بما انو صايرة وصايرة للكل عموما وللي بيسوقا بسوريا وبالشام خصوصا

يا اخي عبّر اي عبّر شو بدك تسوي وين بدك تروح عطي اشارة (( غماز يعني )) مشان الملايكي

اي وشغلة تانية يا عمي ع طريق السفر (( ل يلي جايين من الطرف المعاكس ولألك انتي كمان )) والله منعرف انو ضوك قوي وكتير كمان بس معلي خليك حاطلنا الضو الواطي والله اونس بكتير


يتبع لأنو شغلة السواقة طويلة كتير يعني علم قائم بزاتو انا بسميه

يا شباب ازا حدا بيحب يضيف شي ع كلامي اهلا وسهلا

[satoman]

كاتب النص الأصلي : ABU WILLIAM

خيو لما بيطلع من الاشطمان نار هي شلون

العمى والله كنت بدي اسال نفس السؤال؟
ابو جوزيف شلون