قبل مانسكر الخيمةالرمضانية , بدي اسأل سؤال

[bki]

شو يا جماعة, لما كنا صغار كانت فرحتنا بالعيد أدبال مضاعفة عن هلا وكنا نسمع أهلنا بيرددو العيد للصغار, وكنا نستغرب إنو شو هالحكي, هلا لما كبرنا, صرنا نشوف الفرحة بعيون الصغار لما يجي العيد, وصرن انكرر بدورنا, العيد للصغار.

هالحكي صحيح شي؟؟ الله لما خصص هالأيام من السنة بالعيد الصغير والعيد الكبير كمناسبة اجتماعية للمجتمع الإسلامي ( باعتبار العيدين مشتقان من التعاليم الإسلامية ) هل خصصو جل ذكرو بس للأطفال؟؟ ولا نحن الكبار قتلنا بهجة العيد وهدفو ومبتغاه؟؟؟ هل العيد إلو بهجة مستمدة من ذاتو التخيلية؟ أو مستمدة من كونو ذريعة مناسبة لصلة الأرحام وحل الخلافات وإزالة الهموم, هالشي حتى بأحلك الأوقات لما بيكون في خلاف مابين أطراف, فلما يجي العيد, بيكن ذريعة حافظة لماء الوجه إنو الكل بيحكي مع الكل لأنو الدنيا عيد؟؟

كيف فينا نرجع ونعطي العيد حقو؟ ليكون فعلاً مناسبة مميزة بحياتنا بنمر فيها مرة بالعام( هني عيدين, كل واحد بسبب منفصل عن الأخر, وبعدد أيام غير متساوي, فكأنو الله عزوجل جعلن منفصلين عن بعض ليكونوا تجربتين منفصلتين لكل وحدة أسبابها وظروفها وبالتالي بهجتها )؟؟

بالأخير بدي قول , الله يتقبل طاعتكن وعبادتكن , وكل سنة وإنتو سالمين ومن عواده

[bki]

شو ماحدا كان صغير, ولا ماحدا حاسس متلي؟

[محمد ابراهيم]

في الاطفال براءة وبساطة بتجعلهم اكتر احساسا بالفرحة والبهجة ، هذا غير انهم ما بيعرفو معنى المسئوليات والهموم (فيعني فرحتهم "بيور" فرحة بلا اي اشياء تنقص هالفرحة .

[The morning]

أنا شخصيا يا بعدني صغيره لهلئ يا ما بينطبق عليّ مقوله العيد للصغار .. لكن احتفالي بالعيد كبر معي اكيد ما عادو يشبه الركب بالمراجيح و العيديّه صار اشيا تانيه بتشبني على كبر ..

[Ms. J.A]

من وانا زغيرة بكره العيد !!
ما فرق معي كتير زمان عن هلأ !!

[كذبك حلو]

والله بجد تغير طعم العيد بعيوني كانت الفرحة كبيرة الان صار مثله مثل اي يوم عادي
يا خسارة

[bki]

كاتب النص الأصلي : محمد ابراهيم

في الاطفال براءة وبساطة بتجعلهم اكتر احساسا بالفرحة والبهجة ، هذا غير انهم ما بيعرفو معنى المسئوليات والهموم (فيعني فرحتهم "بيور" فرحة بلا اي اشياء تنقص هالفرحة .

لهون حلو الكلام, بس شو مشانك إنت كشخص بالغ, شو بيمثل العيد إلك, مناسبة مميزة, ولا يوم متل باقي الأيام؟ هاد هو لب الموضوع

كل سنة وإنت سالم يارب

[bki]

كاتب النص الأصلي : The morning

أنا شخصيا يا بعدني صغيره لهلئ يا ما بينطبق عليّ مقوله العيد للصغار .. لكن احتفالي بالعيد كبر معي اكيد ما عادو يشبه الركب بالمراجيح و العيديّه صار اشيا تانيه بتشبني على كبر ..

حلو كثير, يعني إلو معنى عندك وقيمة وتميز. كلام جميل

كل سنة وإنتي سالمة يارب

[bki]

كاتب النص الأصلي : Ms. J.A

من وانا زغيرة بكره العيد !!
ما فرق معي كتير زمان عن هلأ !!

يالله شو حكيك زعجني, إنو ممكن اتصور إنو هلا مابتحبي العيد, أما إنو تكرهيه وإنت صغيرة, فهاد شي مأساوي عن جد, شو هالشي الفظيع اللي ارتبط بالعيد ليتكون عندك هالكره لإلو من صغرك؟

كل سنة وإنتي سالمة, جودي أبوت

[Ms. J.A]

كاتب النص الأصلي : bki

يالله شو حكيك زعجني, إنو ممكن اتصور إنو هلا مابتحبي العيد, أما إنو تكرهيه وإنت صغيرة, فهاد شي مأساوي عن جد, شو هالشي الفظيع اللي ارتبط بالعيد ليتكون عندك هالكره لإلو من صغرك؟

مش عارفة !
ما بحبو!!
ما بحب الناس تضل رايحة جاية علينا ولا بحب اضل رايحة جاية عالناس !!
وما تخاف ما عندي مشاكل وانا طفلة
طفولتي مستكرة

[bki]

كاتب النص الأصلي : linato85

والله بجد تغير طعم العيد بعيوني كانت الفرحة كبيرة الان صار مثله مثل اي يوم عادي
يا خسارة

بس ليش صار هيك؟ عنك أي فكرة؟؟؟


كل سنة وإنتي سالمة يارب

[محمد ابراهيم]

كاتب النص الأصلي : bki

لهون حلو الكلام, بس شو مشانك إنت كشخص بالغ, شو بيمثل العيد إلك, مناسبة مميزة, ولا يوم متل باقي الأيام؟ هاد هو لب الموضوع

كل سنة وإنت سالم يارب

بشوف الاطفال مبسوطين وفرحانين بتذكر حالي وانا طفل ،
طبعا العيد مش متل باقي الايام ، بس العيد هلاء ما متل زمان (انا اقل فرحة )
كوني متل الصبية اللي حكيها زعجك (مابحب استقبل عالم كتير او اخرج اصلا لعالم كتير )

الاقارب المقربين والاصدقاء المقربين فقط (وهؤلاء دايما في زيارات متبادلة ) ما بستنى للعيد منشان نزور بعض .

[zen]

العيد يبقى بعيد
ويضل ناسينا
شو لينا بالعيد
ولا شي بيعنينا

[habiba2008]

ou kaenou el3id bes la lewad esghar
byefrahou fih ktir bes ma tensou loulad yali ma 3am yechba3ou akel hadoul ma bye3nilhoun chi la lebs jdid la 3idya la halwa


ma elhoun 3id

ama nehna lekbar fa 3idna kel youm ta3amoulna ma3a enas ehtiramna lanas
houbna elhoun ta3awouna ma3houn ehsasna bi alamhoun had 3idna
mou dehk 3alihi youm besana
ou nifak tol hasana


binihaya kel chi be3youn el atfal helou hata elfakr weta3tir

alah yej3al kel ayam atfal el3alam a3yad

[هشام ابو شرار]

يلي اختلف بالعيد ياكبير انه زمان كانت البلاد العربية تعيد على بعضها.........هلأ كل العالم عم يعيد علينا..والهدايا زخ متل المطر..........غوووووووووووص ياصاروخ بسبع روس

[bki]

كاتب النص الأصلي : Ms. J.A

مش عارفة !
.........وما تخاف ........................طفولتي مستكرة

ياستي بتمنى والله, هاد أكيد شغل الحلو قبل العيد كان بيزجك, بعدين بوسات المعايدين كمان ع الأغلب, لأنو ولي ونحن صغار, خدنا بيستقبل شي مليون بوسة وبوسة, مو صغار ومو فهمانين بس يا حسرة هلا لما كبرنا

ع العموم كل سنة وإنتي سالمة ويارب تلاقي أيام حلوة بالعيد لتحبيه أكثر, بدي اسألك بالله, وجهة نظرك أو رأيك بالعيد مارح ينتقل لأولادك بس صرتي أم؟؟ ممكن هيك أمر ولا لأ؟؟

[bki]

كاتب النص الأصلي : محمد ابراهيم

الاقارب المقربين والاصدقاء المقربين فقط (وهؤلاء دايما في زيارات متبادلة ) ما بستنى للعيد منشان نزور بعض .

كلامك في شي كثير من الواقعية, أنا بتوقع إنو السبب إنو أهلنا مابينولنا أهمية هالزيارات اللي عم تصير, ونحن كأطفال ( بالماضي طبعاً ) كان هالموضوع بيضايقنا وكبر معنا, يعني بعطيك مثال, كثيرمن الشباب بيكره وبيتحاشى إنو يروح مع والدو ع عزا حدا ( بعيد الشر عن الجميع ) لأنو كلو حزن وألم وتقييد وماشابه, بس أهلنا مابينولنا إنو هالمناسبة هي من أهم المناسبات اللي بتقوي روابط الأسر والمعارف وبتخليك تتعرف على كل الناس اللي بتجمعك معن صلة من أي نوع, لأنو ممكن الواحد يعتذر عن حضور فرح, بس مافيه يعتذر عن أخد خاطر. مشان هيك, أغلب نظرنا الحالية للعيد وفقدانو لقيمتو هي بسبب أنو أهلنا ماوضحولنا هالقيم فراحت معن ( الله يطول بأعمار العايشين ويشمل برحمتو المتوفين )

كاتب النص الأصلي : zen

العيد يبقى بعيد
ويضل ناسينا
شو لينا بالعيد
ولا شي بيعنينا

أبو الزوز شو يعني؟؟

بالعموم , كل سنة وإنت سالم

كاتب النص الأصلي : habiba2008

........

بالأول كل سنة وإنتي بخير, ثانياً كوني واثقة حتى الطفل الجديد اللي بأواعي قديمة, وببطن فارغة فرحان بالعيد إلا اللي فقرو جابرو إنو يشتغل, فضاعة شو بيكون إحساسو بالقهر والحزن وقتها, مشان هيك ياجماعة اللي الله مادلو من خيرو, وبيشوف طفل صغير بطريقو, يكرمو بشي شغلة ولو كلمة مزح تبسط قلبو, لأنو مافي شي بالكون متل بسمة ع وش طفل مكسور وحزنان.

أما بخصوص عيدنا نحن الكبار, معك حق, إنو كل ايامنا لازم تكون اعياد فيها السعادة والتعامل الصحيح والصدق كل خلق سويم, بس هاد مابيمنع إنو بيظل بين الناس اختلافات بوجهات النظر أو ماشابه وبيكون العيد متل المحاية اللي بتمحي ماقبلها من زعل. تحيتي إلك

كاتب النص الأصلي : هشام ابو شرار

زمان كانت البلاد العربية تعيد على بعضها.........هلأ كل العالم عم يعيد علينا..والهدايا زخ متل المطر

طبعاً في اختلافات أخرى ماهيك؟؟
أخي الريم بهالزمان ماحد داير ع حدا للأسف الشديد, الرسول عليه الصلاة والسلام بيقوللنا, والله لايؤمن أحدكم حتى يحب لأخيه مايح لنفسه, فهات لنشوف, مين بيحب لأخوه ولو شوي من اللي بيحب لنسو؟؟ كأفراد أو كدول؟؟

فإنسى غرامك راح.... سيب العتب دشرا
كل سنة ونت سالم

[سوا ربينا]

اي هلأ ما عاد في فرحة للعيد متل اول .... يعني هو العيد للزغار ...