حملة لايقاف جرائم الشرف

[رجل من ورق]

استكمالا للي قام فيه كهربجي

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

حبيت ارجع اطرح الموضوع من جديد كرمى لعيون كل من اتسرقت حياتها باسم الشرف

شو فينا نعمل ؟
شو فينا نقدم؟


لا حدا يقلي ما بيطلع بايدنا شي
بيطلع الكتير والكتير بس خلونا نفكر نحط افكار اقتراحات اللي بدكون لنتحرك

اللي خلاني اعمل هيك هوي القصة اللي خبرونا ياها الشباب هون

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

شباب
بدي منكون شي
خلينا بصلب الموضوع ضروري وصدقوني بيطلع معنا الكتير

souraqia

[ِAbu Alzooz]

شريك جرائم الشرف لتنحل اول شي بتمنى نحدد مفهوم الشرف

((هادا حل نظري )))

الحل العملي الغاء المادة 548 من قانون العقوبات التي تنص على

المادة 548 1 ـ «يستفيد من العذر المحل من فاجأ زوجه أو أحد أصوله أو
فروعه أو اخته في جرم الزنا المشهود أو في صلات جنسية فحشاء مع شخص آخر
فأقدم على قتلهما أو ايذائهما أو على قتل أو ايذاء أحدهما بغير عمد»
. 2 ـ يستفيد مرتكب القتل أو الأذى من العذر المخفف إذا فاجأ زوجه أو أحد
أصوله أو فروعه أو أخته في حالة مريبة مع آخر

[رجل من ورق]

كاتب النص الأصلي : ABU WILLIAM

شريك جرائم الشرف لتنحل اول شي بتمنى نحدد مفهوم الشرف

كاتب النص الأصلي : ABU WILLIAM

((هادا حل نظري )))

الحل العملي الغاء المادة 548 من قانون العقوبات التي تنص على

طيب شو برايك نعمل؟
بتحبوا نجهز عريضة؟ نتواصل مع نساء سوريا(الموقع) مع الهلال الاحمر مع هيئة شؤون الاسرة
يعني عطوا افكار

[sona78]

انا مع انو يصير في نص بالقانون يقضي باعدام كل شخص قام بجريمة باسم الشرف ( بالخازوق ) وفي الساحات العامة .. من اجل العبرة والتشهير ..
ومن شان هيدا الموضوع لازم اول شي نقنع النساء اي النساء .. ببشاعة هي الظاهرة ومدى انتقاصها من مكانة المراة .. لانو من اول المحرضين على هيك جرائم ضد النساء هني النساء انفسهم وهون الطامة الكبرى ..
المرأة اولا... ومن ثم المجتمع هني يلي بيربو بنفسية اولادون هالنزعة للقتل بهيك حالات .ز بتعرف الرجال ما بيكون رجال الا اذا حافظ على قشور المجتمع .. بس هوي معلش يعمل السبعة .. واكتر من ذمتها .. هيك الشب عنا بيتربى فخلونا نغير ناشر هي التربية

[suryoyo]

المرأة وفق فكر هؤلاء هي مجرد الة بالبيت لا رأي لها ...

اكيد سامعين بالفصل العشائري اللي يلغي دور القضاء و القانون ...
و احيانا الفصل هو نسوان ... يعني مو بس فلوس ...


و بذلك المرأة رح تصير زوجة لأي شخص ... كتعويض لجرم اخوها او ابوها ..



متى رح تتحرر المرأة من التقاليد البالية ؟؟

[رجل من ورق]

لما يتحرر الرجل من مخه المتنك

[SelavI]

النجاح في تكوين ندوات ولو متواضعة تتكلم عن ذلك الشيئ وبواقعية

اكثر الزوار يجب ان يكونوا من الجيل الجديد في مبدء العمر الجيل القديم. . لا امل

تعريف مفهوم الشرف متل ما ذكر ابو ويليم

العنف, عنا عنف كتير وافكار العنف مسيطرة علينا
يعني القتل صار عادي, الضرب شئ عادي جدا

لازم نبعد عن العنف حتى يستطيع الجيل الجديد يحس قليلا شو يعني قتل وتشويه

تعريف عن حق المرأة
برأي هي الافكار الاساسية لازم يتم تداولها

[ابو ريتا]

كاتب النص الأصلي : ABU WILLIAM

شريك جرائم الشرف لتنحل اول شي بتمنى نحدد مفهوم الشرف

((هادا حل نظري )))

جريمة الشرف هي الأعمال والأفعال سواء كانت بالفعل أو الترك ضد الأنثى والتي يقوم بها أفراد أسرتها لسبب يرتبط بممارسات أخلاقية أو أعمال تمس بشرف الأسرة، ومن هذا التعريف يتضح أن السبب وراء هذه الجريمة هو اعتقاد في نفس مرتكبها بان الأنثى قد ارتكبت فعل يشكل فضيحة أسرية أو عيب اجتماعي دون أن يرتكز هذا الاعتقاد على دليل مادي ملموس.

حيث يلاحظ أن معظم الجرائم التي ترتكب تحت شعار الشرف تكون في اغلبها قائمة على الشك.

وللأسف أن مجتمعنا ربط الشرف بالأنثى ونقاء سيرتها بأية علاقة غير مشروعة بالرجل، الأمر الذي يبرر قتل الأنثى غسلا للعار وحماية للشرف المزعوم.

[ابو ريتا]

الأسباب والدوافع لهذه الجريمة:

1. ضعف الوعي الديني لدى الجزء الأكبر من الناس حول كيفية معالجة الشريعة الإسلامية لقضايا المجتمع خاصة فيما يتعلق بكيفية معالجة جريمة الزنى سواء ما يتعلق بوسائل الإثبات أو طرق العقاب.

2. ترسيخ بعض العادات والتقاليد الاجتماعية الخاطئة والتي تشكل نوع من أنواع الضغط الاجتماعي على أسرة الفتاة التي تثار حولها الشكوك مما يدفع أعضاء أسرتها لقتلها استجابة لهذه الضغوط الاجتماعية.

3. التفكك الأسرى وانعدام الرقابة والمتابعة للأبناء. فبعض الأسر لا تتابع أبنائها ولا تستمع لمشاكلهم بحيث يتورط الأبناء في الكثير من المشاكل والتي قد تصل إلى حد الانحراف دون أن يجدوا من يوجههم ولا تتذكر هذه الأسر أبنائها إلا بعد وقوع المحظور.

4. التنشئة الاجتماعية الخاطئة والتي تركز على التمييز بين الذكور والإناث ومنذ مرحلة الطفولة حتى يكاد الاجحاف يصل الانثى وهي في رحم أمها، فيبدأ العذاب والخوف منذ هذه اللحظة.

5. عدم تثقيف الأبناء الثقافة الجنسية المطلوبة والتي تجعلهم قادرين على التمييز بين الصواب والخطاء، حتى أن الآباء أنفسهم يجهلون بعض الأمور الجنسية.

6. ضعف الثقة والصراحة بين الآباء وأبنائهم.

7. عدم وجود ملاجئ خاصة للنساء اللواتي يقعن ضحايا لمثل هذه الجرائم.

8. وجود بعض النصوص القانونية التي تخفف من العقوبة والتي يستفيد منها الشخص الجاني، وبنفس الوقت لم تمنح هذه النصوص نفس الحق للأنثى إذا ما ارتكبت هي نفس الجريمة وبنفس الظروف.

[suryoyo]

كاتب النص الأصلي : SOURAQIA

لما يتحرر الرجل من مخه المتنك

لما يتحرر المجتمع من كل شي بالي ,,,,

و من يتحرر القانون تماما ...... و يمنع العادات اللي تؤثر على سيادة الدولة و القانون

[sona78]

كاتب النص الأصلي : SelavI

النجاح في تكوين ندوات ولو متواضعة تتكلم عن ذلك الشيئ وبواقعية

اكثر الزوار يجب ان يكونوا من الجيل الجديد في مبدء العمر الجيل القديم. . لا امل

تعريف مفهوم الشرف متل ما ذكر ابو ويليم

العنف, عنا عنف كتير وافكار العنف مسيطرة علينا
يعني القتل صار عادي, الضرب شئ عادي جدا

لازم نبعد عن العنف حتى يقدر الجيل يحس شو يعني يقتل وتشويه

تعريف عن حق المرأة
برأي هي الافكار الاساسية لازم يتم تداولها

بتوقع انو الندوات ما كتير رح اتكون فعالة
لانها موجودة بالاساس بس تبقى حبر على ورق
الشغلة بدها سند قانوني يحفظ للمراة هيدا الشي
وبعدين بتجي دورات توعية وتغيير لفكر النساء و ارجال
بس من دون رادع قانوني قاسي جدا ما رح تنزاح هي الظاهرة
او في حل تاني انو كمان المراة تصير يحقلها تعمل جرائم شرف .. بس مو فقط من شان الشك بالخيانة الجسدية ( ما بعرف انو ليش الشرف كلو محصور بمكان واحد ) .. لا كمان شرفها انها تشحد وتنذل وتستخدم كوسيلة لجلب الاموال وعقد الصفقات .. لانو كتار نساء يتم استخدامون هيك واذا قتلو مستغلينون يحاكمو كمجرمات

[رجل من ورق]

شباب
روقوا شوي
هون نحنا عم نبحث حلول مو بوراد ندور للنتائج والاشباب
عم نطرح حلول انو شو بنقدر بالاخوية نعمل

[ابو ريتا]

كاتب النص الأصلي : SOURAQIA

شباب
روقوا شوي
هون نحنا عم نبحث حلول مو بوراد ندور للنتائج والاشباب
عم نطرح حلول انو شو بنقدر بالاخوية نعمل

فينك تغير هالمادة من القانون ، بدنا نشوف محاميين وقضاة وناقشهن , غير هيك ربك مابيحلى

[رجل من ورق]

بس هيك؟

[sona78]

انت بس بلش فيها
بعدين بيصير في مجال للبحث بالامور اخرى

ولو اني اولا بشوف انو القانون عنا بشكل عام بدو تفعيل
لانو مهمش بكتير حالات
وحالات الفساد فيه متفشية بطريقة مقززة

[رجل من ورق]

طب انتوا جاهزين لنوقع عريضة ومعها مقترح قانوني لتعديل القانون ونرفعها؟

[ابو ريتا]

كاتب النص الأصلي : SOURAQIA

طب انتوا جاهزين لنوقع عريضة ومعها مقترح قانوني لتعديل القانون ونرفعها؟

قد تستطيع قتل انسان ولكنك لن تستطيع قتل فكرة
وهي أول توقيع باسمي أنا ابو ريتا وبالأحمر

[sona78]

وهيدا التاني
بس صدقني من دون دعم حقوقي لهيك عمل
يعني يشارك فيه محاميين ومن على الشاكلة
رح اتمون العريضة ما سابقاتها
محلها الارشيف