نظرية الصوص سوف تدمر البلد والسوق والمواطن

[أبو النسيم]

لم ندخُل في النظام العالمي الجديد لا سياسياً ولا اقتصادياً ولا ثقافياً . لانه يتعارض مع مصالح طبقة الفساد من مسؤولين وأصحاب قرار وشراكائهم التجار.
لم ولن نطور القطاع العام . ولإنه لم يعد يُشبع بطون الحيتان الكبيرة بعدما أشبعوه نهباً وتدميراً.
قرروا شراء ممتلكات الدولة وبأبخس الأثمان بحجة التوجهه الاقتصادي الحر والانتقال لمرحلة اقتصاد السوق الاجتماعي !!! وقالوا ان خصخصة قطاعات الدولة هي الحل وتم طرح قطاع الاتصالات ومن بعده قطاع الطاقة للبيع. ومن المالك الجديد سوى طبقة الفساد من مسؤولين وأصحاب قرار وشراكائهم التجار. وهل هكذا قرار سيخلق فرص عمل جديدة : بكل تأكيد كلا لإنهُ سوف يتم تسريح أعداد كبيرة من العمال . وهل هكذا قرار سيحرك عجلة الاقتصاد: بكل تأكيد كلا لإنهُ مجرد احتكار جديد للقطاع الخاص لحاجات الناس الخدمية ,خليوي,هاتف,أنترنت,كهرباء, وبأسعار مرتفعة مع عجز الدولة عن التدخل بسبب قدرة القطاع الخاص عن التملص من أي دور رقابي حكومي هذا ان حصل .
ألم تعجز الدولة عن خفض اشتراك الخليوي وبدلاً عن ذلك ذادت من اجور الهاتف كي تدفع الناس للاشتراك بالخليوي.
ألم تعجز الدولة عن خفض اشتراك الانترنت .
ألم تعجز الدولة عن خفض أسعار السيارات .
انهُ القطاع الخاص الجبان السمسار يضع نُصب عينيه على حاجات الشعب. وتاريخهُ ملىء بالسمسرة والصناعات السخيفة .
فبدلاً من إنشاء صناعات حقيقية تكون نواة للاقتصاد الوطني فتحرك العجلة الاقتصادية وتستوعب جيوش العاطلين عن العمل وتطلب المزيد . تقوم الدولة بنقل ملكية الخدمات الضرورية للمواطن وجعلها استثماراً للتجار والمنتفعين .
فالاستثمار الحقيقي هو خلق فرص استثمار جديدة و تنافسية مع بقاء ممتلكات الدولة وتطويرها.
والاستثمار الأهم هو في مجال السياحة والصناعات الثقيلة.
لِما اختار القطاع الخاص قطاع الاتصالات والطاقة :
1- مضمونة الربح (( بعقد صفقات مع المسؤولين يتم رفع الاسعار ومضاعفة الارباح))
2- لاتتطلب ضخ رأسمال (( وتبقى أمولهم في حسابات أوربا ولبنان))
3- لا تتطلب عمالة !!!! (( بل تزيد من جيوش العاطلين عن العمل))
4- قطاع الخدمات بحد ذاته لايبني نهضة صناعية في البلد !!!!؟؟؟؟؟؟
5- خلق ثقافة الاستهلاك في المجتمع السوري بدلا عن ثقافة الانتاج التي تُخرج البلد من ازماتهُ ؟؟
فهل سيتخلى القطاع الخاص عن دوره الجبان في سرقة ممتلكات الدولة بالتعاون مع بعض المسؤولين
الحكوميين ممن يسهل ويروج لفرض نظرية لصوصية سوف تدمر البلد والسوق والمواطن

[حمصي]

Abo Naseem, ahleen, endak shee fekra tarekheye an balad arabe bel zamanat kan esmo soria?????hada kan been el Iraq we el bahr el abyad el mutawasset.
Kan fee shaab o hekome, endak she fekra shoo sar feyon?

ترجمة :
ابو النسيم ، اهلين ، عندك شي فكرة تاريخية عن بلد عربي بالزمانات كان اسمو سوريا؟؟؟؟ هادا كان بين العراق و البحر الابيض المتوسط ،
كان في شعب و حكومة ، عندك فكرة شو صار فيون ؟

[krimbow]

مرحبا

انا بعترض ع كلامك

القطاع الخاص رغم قساوتو الظاهرية لكن فيو ميزة مهمة جدا .... المنافسة

تخيل انو النت بسوريا بايد القطاع الخاص ( بسو مو عطريقة شركتين او تلاتة ... لازم تكون مفتوحة)
كل شركة بدها تزيد عدد زباينها ... يعني ارضاء الزبون رح تكون مو شعار ع ورق ... رح تكون شغلة مهمة كتير لاستمرارية الشركة
اذا فرضنا انو في شركة شغلها متل مؤسسة الاتصالات ... اكيد رح تفلس فورا

الشركات وأتها رح تركض لحتى تحسن خدماتها و تزيد سرعاتها و تحرق اسعارها
و المستفيد النهائي هوي المستهلك قبل كل شي

و ذات الشي الموبايلات و الكهربا و التلفون و ...

ما هلأ اذا انت ما دفعت فاتورة تلفونك الثابت بيلغولك اشتراكك بعد 3 شهور ... اي بتضل الشركات الخاصة ارحم

و كمان فواتير الكهربا ... ما عم تجي فاتورة اقل من 3000 ليرة
و فوق هيك بتنقطع ع كيفهم ايمت ما بدهم

لو شركة الكهربا قطاع خاص و ع اول رفة كهربا منرفع عليهم دعوى منخرب بيتهم

المشكلة يا ابو النسيم انو رضعونا الكره للقطاع الخاص بالبيبرونة من نحنا و صغار

بسوريا اذا قلت لواحد " يا رأسمالي " بتكون عم تهينو و تسبو

بخصوص البطالة يلي رح تنتج عن الخصخصة :
نحنا منعاني من بطالة مقنعة بنسبة 1/7 ...
يعني الشغلة يلي بدها موظف واحد لتصير عم يشتغلوها 7 اشخاص
يعني في 6 موظفين طفيليين ع الاقتصاد الوطني عم يمصوا دم الاقتصاد
طبعا هاد مو ذنبهم
من حقهم انو يشتغلوا و يقبضو تعويض عن عملهم
هاد ذنب حزب البعث ... هوي وحدة ملطخة ايدو بهالجريمة
هوي يلي خنق كل الفرص المتاحة لحتى هالستة موظفين الطفيليين انو يشتغلوا بشرف و كرامة

هاد ذنب مكتب الكذب و الاحصاء ... العدو الحقيقي للاقتصاد السوري
لكان هديك السنة بيسجل الميزان التجاري فائض بقيمة مليار و نص دولار
و هي السنة بيسجل عجز مليار دولار
و قال شو ... قال غلطوا بالحسابات

نحنا شو ذنبنا؟؟؟؟

الحل هوي الخصخصة

السبب الاقتصادي يلي بيخلي القطاع العام موجود انو القطاع العام بيدور ع تحقيق الرفاهية الاجتماعية
طيب وينا؟؟؟؟
35 سنة قطاع عام وين الرفاهية الاجتماعية؟؟؟؟

اذا مو قدران قطاعنا العام يحقق اهدافو معناتا لازم ياخد القطاع الخاص يللي بيهمو الربح المادي فقط لا غير فرصة
لأنو الربح المادي رح بيزيد الدخل القومي
رح يكون جائر كتير اول فترة بس ما تنسى انو بعهد الغات ما رح يصح إلا الصحيح

[silent_storm]

صراحة لا اعرف ما سبب هذه اللهفة الشعبية الى التوجه الى النظام الاقتصادي الجديد
او السعي الى عقد الاندماج في اقتصاديات عالمية .
وكأن التعجيل في الامر مولد لحلول سحرية للعديد من المشاكل مثل البطالة
او ان الامر سيحقق مبالغ طائلة بين ليلة وضحاها ...
او ان الامر سيرفع من الحد الادنى للأجور الى 1000 $
ان الدول الكبرى كانت تسرق فيما مضى اموال الشعوب بالاستعمار
اما اليوم فهناك طرق نظيفة اسمها النظام الاقتصادي الجديد

[أبو النسيم]

أنا معك يا كريم 100% بس هي بحالة أنو كان القطاع الخاص مستقل تماما وما حدى بيدخل فيه
أنا الصبح بشتغل بشركة حكوميه وتعد من الشركات الرائه في القطاع العام والرابحة يازلمة شوف النهب والسرقه يلي عم تصير
ناهيك طبعا عن موضوع المناقصات كيف بتم اللعب فيها
أخي وضع كل العالم بتعرفو حتى يمكن الولد لصغير يلي عم يلعب بلحارة بيعرف شو معنات القطاع العام

بس الحل برئكون يكون بشركات خاصة تنهب وتسرق متل شركة شركات الخليوي
نحنى هي لي لازم نحاربها يلي عم تمص دمنى هي وشويه تجار متحالفين معها متل محمد حمشو يلي عم يمصو دم المواطن
أنا مع الشركات الخاصة للعضم بس ماتكون متل سيراتل