سقطت من عيني يا من تتنازلين من أجل أن تتزوجي

[lostman1]

كانت تدعي انها علمانية و ضد التطرف و تهاجم دعاة الفكر المنغلق .. و لكن عندما كبرت ....... و من أجل زوج و أي زوج - إرهابي أخونجي .. من دون لا إنسانية و لا إحساس .. تنازلت و أذلت نفسها و كل يوم يذلها أكثر و أكثر ---- أرغمها على ارتداء الحجاب ، ثم ضيق عليها ، و منع أهلها من زيارتها و حول البيت لسجن صغير .... هل يعقل أن تقبل المراة كل هذا الذل لتتزوج و تمسخ كيانها مع شخص تعرف أنه غير سوي عقلياً ..

[BL@CK]

معلمي خدني بحنانك , بس عطيني الفكرة اللي لازم نناقشا من هالتلات سطور

يعني إنت عم تنزل موضوع حواري بالمنبر ممكن تتفضل تشرحلي شو الفكرة لأني ما قدرت أستنبطا ؟!

[Oskar]

بتوقع عم يحكي عن التنازلات التي تقدمها المرأة كي تتزوج ..وخاصة اللي بتكون ضد مبادئها بس بدها تنستر وبس ......أوف يعني مو ذنبها الخلوقة ذنب المجتمع اللي دجنها بتعقيداته ..يعني كأنك مصدوم مو؟

[sezar]

انا حاسس انو عم يحكي عن حدا معين ..

[yass]

اجت الترجمة...

الأخ قصدو عن النزعة الاجتماعية الموجودة عندنا و القائلة بانو مصير أي امرأة مهما عملت "لعب عيال" و درست و تدرجت بالحياة العملية و صارت شغلة كبيرة.. مصيرها انو تكون زوجة بالدرجة الأولى و قد تكون الوحيدة.. فتلاقي أحيانا امرأة متعلمة و ناجحة بحياتها و تنهي حياتها العملية و تتزوج أي واحد مش ولا بد قبل ما تعنّس...


فهمنا شي؟

[sezar]

هلأ .. مممم

أنا يؤسفني أحيانا انو مثلا .. بمجتمعنا مفهوم الاستقلالية يأخذ مفهوم خاطئ ببعض جوانب مجتمعنا "السوري"
الاستقلالية انو البنت تسكن بمحافظة أخرى "فرضا".. بهدف تحقيق طموح دراسي أو على صعيد العمل ..
الذي يؤسفني انو هل بنت تضطر تقعد بالبيت .. أو تؤدي عمل لا رغبة لها به أو حتى دراسة ليست ضمن طموحاتها .. بسبب متل هاد .. بينما الشاب .. عادي جداً ..

مفهوم انتاجية المرأة بعد الزواج بمجتمعنا "بشكل عام " عم يصير انو هدف المرأة تدير بالا عل بيت أولا و ازا عبالا تتسلى انو اي معلش تشتغل شي خفيف .. انو هل مرأة ما عندا طموح متل يلي عند الرجل ؟..

انا شخصيا .. ضد حد طموح مرأة أو رجل ... في سبيل عدم ايجاد حل تعاوني .. للوصول الى أسرة بنّاءة متكاملة ..
هذا من ناحية أخر لا يعني تدمير أسرة في سبيل حصول الطرفين و أحدهما على هذا الرضا .. متل ماقلت غالبا في حل تعاوني ..= لازم على الرجل التفاعل منزليا كما المرأة .

[julitta boenitta]

كاتب النص الأصلي : sezar

هلأ .. مممم

أنا يؤسفني أحيانا انو مثلا .. بمجتمعنا مفهوم الاستقلالية يأخذ مفهوم خاطئ ببعض جوانب مجتمعنا "السوري"
الاستقلالية انو البنت تسكن بمحافظة أخرى "فرضا".. بهدف تحقيق طموح دراسي أو على صعيد العمل ..
الذي يؤسفني انو هل بنت تضطر تقعد بالبيت .. أو تؤدي عمل لا رغبة لها به أو حتى دراسة ليست ضمن طموحاتها .. بسبب متل هاد .. بينما الشاب .. عادي جداً ..

مفهوم انتاجية المرأة بعد الزواج بمجتمعنا "بشكل عام " عم يصير انو هدف المرأة تدير بالا عل بيت أولا و ازا عبالا تتسلى انو اي معلش تشتغل شي خفيف .. انو هل مرأة ما عندا طموح متل يلي عند الرجل ؟..

انا شخصيا .. ضد حد طموح مرأة أو رجل ... في سبيل عدم ايجاد حل تعاوني .. للوصول الى أسرة بنّاءة متكاملة ..
هذا من ناحية أخر لا يعني تدمير أسرة في سبيل حصول الطرفين و أحدهما على هذا الرضا .. متل ماقلت غالبا في حل تعاوني ..= لازم على الرجل التفاعل منزليا كما المرأة .

bravo 7akiak kteer mnt2e u mzboot, ana m3ak 100% suuper words

[Marooshe]

كاتب النص الأصلي : lostman1

هل يعقل أن تقبل المراة كل هذا الذل لتتزوج و تمسخ كيانها مع شخص تعرف أنه غير سوي عقلياً ..

هي في حالة ما اكتشفت بالآخر انو مو سوي عقليا كمان... بس انو اي يعقل ليش لاء...
لما مجتمعنا اليوم بيربي النساء على مبدأ "ظل راجل ولا ظل حيطة" بتصير الوحدة منهن تقلك يلا حتى لو كان حمار بتزوجو بس المهم اخلص من لساناتون...
للأسف بمجتمع بعدو بينظر للمرأة كعورة وكشي منقوص وكعلة وكشي قاعد على قلوبون ولازم يشوفولو صرفة كيف ما اجت تيجي... شي كتير طبيعي انو تنوجد هي الحلات... ويلي فيها البنت بتكون مسيّرة ومش مخيّرة... يعني ماشية وماشية ورا هلقطيع....

[فسحة أمل]

عادي بتكون البنت اعتمدت عالمتل القائل الرجال بالبيت رحمة ولو كان فحمة ...
بعدين الموضوع من أساسو مانو حالة عامة يعني طباع البشر بتختلف وما فينك تعمم حالة على كل البنات

[lostman1]

لا أظن أنه رحمة و لو كان فحمة - فقد تعود لبيت أهلها مذلولة بعد هذا الذل ... ما لم يكن هناك تفاهم فكري فقبول المرأة الخنوع بهذا الشكل ليس سترة بل مذلة من دون نهاية ..

[suryoyo]

العنوسة و لا زواج الذل ......

يعني معقول بعد ما تتقدم المرأة بكل شي .. تجي تتزوج شخص يمنعها من ابسط حقوق الحياة !

[ooopss]

هلأ الغلط صاير غلط مشترك من الرجل والمرأة.. بسبب ضغط من المجتمع أو بسبب عادات موروثة وتفكير رجعي
بس برأيي هالجملةسقطت من عيني يا من تتنازلين من أجل أن تتزوجي " فيها بعض الاستثناءات خاصة بمجتمعاتنا العربية
يعني القصد : أنا ضد انو امرأة تتنازل عن احد حقوقها من اجل الزواج ..
بس ما فيي قول نو اكل امرأة تنازلت لتتزوج أنها " سقطت من عيني "
لأن الظروف أقوى من المرأة بالحالات الاستثنائية وصاير مجتمعنا العربي أغلبو حالات استثنائية .
مافيها امرأة وحدة أو عشرة أو 100 يغيرو هالشي
الشغلة بدها اعادة تربية.. التخلص من تقاليد بالية وقوانين والبدء من أول وجديد

[اسبيرانزا]

كاتب النص الأصلي : Oskar

أوف يعني مو ذنبها الخلوقة ذنب المجتمع اللي دجنها بتعقيداته ..يعني كأنك مصدوم مو؟

شو سنها
حسيت اوسكار بتحكى عن بنت بالروضة تخضع للمعلمة خوفا من عصاها!!!!!!!

يعنى عم بتقول انسانة مثقفة وليها نظرة علمانية....يعنى على مستوى متقدم بالفكر
طيب بنعتبر هذه التجربة زلة مسموح بيها ع اساس لكل عالم هفوة...هلا الحل بتنفصل فورا عن هذا الشخص وبتنهى مهزلة

[الباحثة عن الحرية]

انا مش فاهمة شو هالعقدة هي ؟؟ يعني البنت ما تزوجت وضلت ساكنة ببيت اهلها او حتى لحالها شو المشكلة يعني ؟؟
وشو دخل المجتمع بالنص بدهن يحكو ؟ يحكو لينفلقو
البنت الي ببتنازل عن كل اشي مشان تتزوج هي بتكون شخصيتها ضعيفة
لما يكون المجتمع غلط المفروض انو هي توقف ضد الغلط مش تنجر وراه

[ooopss]

كاتب النص الأصلي : asakli

وشو دخل المجتمع بالنص بدهن يحكو ؟ يحكو لينفلقو
البنت الي ببتنازل عن كل اشي مشان تتزوج هي بتكون شخصيتها ضعيفة
لما يكون المجتمع غلط المفروض انو هي توقف ضد الغلط مش تنجر وراه

مو الموضوع حكي الناس
مو كل البنات مخيَرين بقراراتهم
في الفقر بيكون سبب . ضغط الأهل . قلة الوعي ..وغيرو من الأسباب

[الباحثة عن الحرية]

طيب انا معك بهي بس برضو بقول مش لازم تخلي حدا يتحكم بحياتها ولازم تكون شخصيتها قوية وتوقف للكل يعني بعد في ناس بتطلع على البنات كانهن شي ناقص وبغدروش يعملو ويحققو اشي وهني رسالتهن بالحياة بس انهن يتزوجو ويخلفو
هذا الاشي غلط ومش لازم يضل يعني اذا البنات نفسهن بغيروش هذا الاشي بحياتو مش رح يتغير

[ooopss]

كاتب النص الأصلي : asakli

طيب انا معك بهي بس برضو بقول مش لازم تخلي حدا يتحكم بحياتها ولازم تكون شخصيتها قوية وتوقف للكل يعني بعد في ناس بتطلع على البنات كانهن شي ناقص وبغدروش يعملو ويحققو اشي وهني رسالتهن بالحياة بس انهن يتزوجو ويخلفو
هذا الاشي غلط ومش لازم يضل يعني اذا البنات نفسهن بغيروش هذا الاشي بحياتو مش رح يتغير

مزبوط مشان هيك قلت من قبل

كاتب النص الأصلي : ooopss

الشغلة بدها اعادة تربية.. التخلص من تقاليد بالية وقوانين والبدء من أول وجديد

بس اول خلينا نعرف الأسباب والمسببات أحسن ما نقول الحق على مين
لأن للأسف أغلب الأحيان الحق مع الكل

[jano.]

هلا صحيح انو بحس القصة شوي مبالغ فيها! يعني شو جاب لجاب؟!
بس انو اذا اخدنا وضع المراة في مجتمعنا بعين الاعتبار، بالاضافة لذلك انو اخي هي انسانة والها ظروفها والها حاجاتها، فينا نقول انو ممكن تصير حالة استثنائية...

مع هالظلم الكبير للمراة بالمجتمع الذكوري والوضع المزري ممكن انا شخصيا اتغاضى عن اي تنازل للمرأة عن حقوقها حتى لو كانت ذات قضية (يعني خلينا شوي واقعيين)... بس الشغلة الوحيدة يلي برفضها مهما كنت واقعي والشغلة الوحيدة يلي ممكن لوم فيها المراة هيي لما شوفها عم تدافع عن هالظلم وتحاول تبرر وضعها وانها مقتنعة فيه!!

------
عالهامش: كنت اتمنى لو انكتب الموضوع بصيغة موضوع للنقاش خصوصا انو بالمنبر.. لانو متل ماهوي حالياً بيصلح اكتر انو يكون خاطرة.