مجنون يحكي وعاقل يسمع

[مجنون يحكي وعاقل يسمع]

شيئان هما شيء واحد ربما اللذان يتركان لي بعض الظن بأنني لم أخرج من العقل نهائياً وادخل الجنون تماماً , "كل ديك على مزبلتو صياح ,وديك على مزبلي وحدة ما بيلتقو " استوقنا صديقنا المجنون , وجميع مجانين المدينة أصدقائي , وهذا هو الشيء الذي جعلني أظن بأنني مازلت عاقلاً , فالمجنون لا يصادق مثله ليسأل سؤال العارف وهو يقطع طريقنا باتجاه المقصف -- آها اين رايحين . -لعند أبو عمار.رد صديقي - شو رايحين تتغدو وتشربو كاس ؟ تدخلت فوراً إنقاذاً لورطة كنّا سنقع فيها لولا تدخلي - لا ياصديقي العزيز لقد تناولنا الغداء في البيت وسنبارك له على المقصف الجديد لأنه لو علم بأننا سنتناول الغداء لوجد عشرات الطرق والمبررات لمرافقتنا , وبيني وبينكم لي ثلثين الخاطر في ذلك لولا أن الإنسان أحياناً يضطر للخطوع لبعض العادات والتقاليد رد عليّ -يعني ما رح تقعدو _ سنشرب كأسين ونعود حك رأسه برؤوس أصابعه , خاب أمله , وتابعت حديثي معه _ تعال معنا - معكم وماذا أفعل معكم إذا كنت لا تريدون الغداء وإنما الشرب _تشرب معنا كأسين من العرق _هاهاها أشرب كاسين من العرق ,لا لآ افرنقعوا عني - ولماذا يا صديقي _ ماشاء الله قال أساتذة ومهندسين وما بتعرفو ليش مابدي روح معكم _ وليش ما بدك تروح _انتو رايحين تشربو كاستين من شان تصيرو متلي . ها ها . أنا إذا شربت شو بيصير بحالتي _بسيطة نحنا منصير متلك , -اييييي _ وأنت بتصير متلنا نظر إلينا نظرة يرثي بها لحالنا , نظرة مليئة بالإشفاق والسخرية قائلاً ومين قال أنا بدي صير متلكون . هه روحو روحو ولم تنتهي قصتنا معه ,حيث دخلنا مثله ولكننا خرجنا عاقلين فلا الخمر عادت خمراً ولا العقل عقلاً ولا الجنون جنون

[yass]

فلا الخمر عادت خمراً ولا العقل عقلاً ولا الجنون جنون

صدق القلم...

تحياتي

[Sun Shine Art]

كاتب النص الأصلي : مجنون يحكي وعاقل يسمع

ولكننا خرجنا عاقلين فلا الخمر عادت خمراً ولا العقل عقلاً ولا الجنون جنون

تعبير كتير حلو ...بس يا ترى هي وقفت بس ع العقل والخمر والجنون.........

وكيف فينا نحكم انه هل الاشياء ماعادت كما كانت قد تكون بقيت على حالها بس شي تاني تغير .....؟؟؟؟

[مجنون يحكي وعاقل يسمع]

كاتب النص الأصلي : Sun Shine Art

تعبير كتير حلو ...بس يا ترى هي وقفت بس ع العقل والخمر والجنون.........

وكيف فينا نحكم انه هل الاشياء ماعادت كما كانت قد تكون بقيت على حالها بس شي تاني تغير .....؟؟؟؟

شو هوّي اللي ماتغيّر , إذا تغير العقل فهادا معناه كل شيء تغير , فالعقل هو مركز الإدراك, حتى لو كل شيء بقي متل ماهوي وتغير العقل , فرح يدرك كل شيء بشكل آخروشكراً لمرورك Sun Shine

[Sun Shine Art]

كاتب النص الأصلي : مجنون يحكي وعاقل يسمع

شو هوّي اللي ماتغيّر , إذا تغير العقل فهادا معناه كل شيء تغير , فالعقل هو مركز الإدراك, حتى لو كل شيء بقي متل ماهوي وتغير العقل , فرح يدرك كل شيء بشكل آخروشكراً لمرورك Sun Shine

مصدر المشاعر ....الحب ...العشق (القلب) وولا كمان خالص ........
الروح الي عم تلامسنا من جوى يا معلم .........ولا كمان ؟؟؟؟
الامل بالجنون .. ولا ماعاد في امل ..؟؟
ويسعدو لمساك

[مجنون يحكي وعاقل يسمع]

كاتب النص الأصلي : Sun Shine Art

مصدر المشاعر ....الحب ...العشق (القلب) وولا كمان خالص ........
الروح الي عم تلامسنا من جوى يا معلم .........ولا كمان ؟؟؟؟
الامل بالجنون .. ولا ماعاد في امل ..؟؟
ويسعدو لمساك

يسعدو لنهارك ترا الحياة بلا أمل صعبة , بس ما بقى من العمر أكتر ما مضى متل ما قال حبيبنا أبو فادي , فخلّي الليالي القادمة حب وهنا , ويا ظريف الطول ,وباعتبار الموضوع متل منّيك شايفة , وما أضيق العيش لولا فسحو الأمل ,وحبيبنا سعدالله ونوس أكد أننا محكومون بالأمل , وبما أنّو راحت علينا , على الأقل نحاول نترك شوية أمل لولادنا حتى مايصير فيون متل ما صار فينا , ويضيعو بين اليقظة وبين الحلم, بين الحقيقة والخيال , وبالآخر بين العقل والجنون

[وشم الجمال]

كاتب النص الأصلي : مجنون يحكي وعاقل يسمع

ويضيعو بين اليقظة وبين الحلم, بين الحقيقة والخيال , وبالآخر بين العقل والجنون

عزيزي بدي علق على هالجزئية الكتير بسيطة
الحلم هوي تصورنا للحقيقة او للواقع يللي رح يكون بيوم من الايام واقع ممكن مو اليوم مو بكرة مو بعد بكرة ممكن بعد الف عام بس المهم انو رح يكون بيوم من الايام واقع شنو الواقع هلق كان حلم بيوم من الايام,,,,
ومرة قريت للعزيز جبران
(هكذا صرت مجنونا ، و لكني وجدت بجنوني هذا ، الحرية و النجاة معا : حرية الانفراد ، و النجاة من أن يدرك الناس كياني ، لأن الذين يدركون كياننا إنما يستعبدون بعض ما فينا... المجنون موسيقي مثلي و مثلك و لكن الالة التي يضرب عليها لا تخرج الحانا.)

وطوبى لك ايها المجنون

[طفوله]

عـاقــل يحـكـي .. ومجــنون اللــي مـا بيســمـعـ /ــكــ/

[مجنون يحكي وعاقل يسمع]

كاتب النص الأصلي : ربيع انثى

ومرة قريت للعزيز جبران
(هكذا صرت مجنونا ، و لكني وجدت بجنوني هذا ، الحرية و النجاة معا : حرية الانفراد ، و النجاة من أن يدرك الناس كياني ، لأن الذين يدركون كياننا إنما يستعبدون بعض ما فينا... المجنون موسيقي مثلي و مثلك و لكن الالة التي يضرب عليها لا تخرج الحانا.)

وطوبى لك ايها المجنون

المجنون يا صديقتي هو الآلة التي تعزف لحن الروح ولفهم هذا اللحن واستيعابه علينا أن نتعلم لغة الروح , أن نبحث عن كأس خلاصنا من عالم ينهار علينا , كأس يخلصنا من عذاب وألم السنين, يحطم كل ما يقيد الإنسان , الجنون هو تحطيم للقيد , وانطلاق باتجاه الشمس

[مجنون يحكي وعاقل يسمع]

كاتب النص الأصلي : طفوله

عـاقــل يحـكـي .. ومجــنون اللــي مـا بيســمـعـ /ــكــ/

أهلاً بصديقة الجنون ,الطفولة صديقة الجنون , ولكن الزمن يسرق منها لحظات الفرح , والإندهاش , ويحولها إلى بقايا
حافظي على طفولتك, لتحافظي على بقائك قربي