الهذا الحد الشاب السوري رخيص ؟؟

[المحارب العتيق]

ألهذا الحد الشاب السوري رخيص ؟؟

مساهمات القراء

نعم لربما كان العنوان شبيه لعنوان أخر ورد منذ فتر ةو تناوله مشكورا بعض السوريين الغيوريين على بنات بلدهم السوريات و لكن الضرورة و الحقيقة أن هذا الموضوع ينطبق على الشباب السوري بطريقة ثانية في الغربة.

موضوعي ما عم يتناول جانب أخلاقي او أجتماعي أو ديني .....ابدا و أنما مسار واحد هو سمعة شبابنا فرجاء لا حدا يوعظنا..........بغير هالجانب.........و اللي بدوه يقول أنو عم قلد موضوع البنات فالله يسامحه ..كل القصة أنو هادا واقع صاير عم حاول انقله بكل تجرد.
أنا واحد السوريين الذين توجهوا للأمارات بعد أن وصلتني فرصة عمل جيدة و أنا بحب التغيير.......... المهم بلا طول سيرة بعد وصولي للبلد بكم يوم بدات التعرف على الأجواء بدبي و الناس و الخليط العجيب من الثقافات و اللغات و الجنسيات الكثيرة,,,و كما في كل بلد جديد بيصير عندك انطباع شخصي عن كل جنسية في هذا البلد و ذلك حسب وضع هذه الجنسية و تصنيفها و معاملة الناس لها...........
لكي لا ابتعد عن الموضوع فقد شاهدت كيف ان الجنسية الفليبينة هي احد الجنسيات الكادحة التي اتت للعمل هنا في الخليج و رغم انهم عاملون مطيعون و مدربون و من أحسن ما يكون ..فإن النظرة لهم هنا دونية و يتم التعامل معهم بدونية بشكل عام كما يتم التعامل مع الهنود (( طبعا الرجاء أعتبار كلامي عاما و ليس رايا شخصيا ..لأنو الواقع هيك في دبي ))........
خلال وجودي هنا بدات بملاحظة أمر غريب و هو أن القليبينيات هنا لديهم نوعين من البوي فرند : أما فليبيني أو .....شاب سوري ؟؟.............نعم شاب سوري و تفاجات أكثر أن السوريين هنا من أشهر الجنسيات العربية التي ترافق الفليبينيات علنا و أن سمعة شبابانا هنا و العياذ بالله سوداء و انهم(( مو ملاقيين بنات و مو طالع بايدهم يحكوا مع مستوى أرقى )).و غيرها من الصفات بحق الشباب السورييين الذين من يوم يومهم معروف عنهم انهم راسهم فوق و بنات الدنيا بتتمناهم...........الله وكيلكم وين ما درتوا وجهكم بتلاقوا شب سوري مع وحدة فليبينية و اليي بيزعل أنو الناس هون و من كل الجنسيات و خاصة المواطن الأماراتي بينظروا نظرة دونية للشباب السوريين بسبب القصة هي و صدقوني كتير مرات بتلاقي شب سوري ماشي و ماسك ايد فيلبينية بالشارع و الناس بتطلع بأستهزاء و مسخرة و كأنو عم تقول (( شو هالمستوى )).. لك ياما تخانقت مع أصدقاء لي من جنسية تانية خاصة وقت بنكون بالمول و بنشوف سوري و فيلبينية (( شوف هادا السوري والفيلبينية اللي معه ؟؟ )) اللي بيزيد الموضوع وضع هالجنسية خاصة أنو الفيلبينيات بالأمارات بيشتغلوا متل سوري (( وظائف دونية )) و معظمهم خدامات و هون محقود عليهم بسبب أنو في منهم قدر يغري مواطنين بالزواج منهم.
هادا عدا عن قصص تانية متل هذه القصة التي يقشعر لها البدن

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

و هذه القصة التي للاسف طرفها شخص سوري و الذر يرى العمر سوف يتاكد أن المشكلة اصبحت تتجاوز الشباب للكبار و هو شي محزن

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

يا جماعة انا بعرف في ناس حتقول يا أخي شوبدك فيهم....خليهم يعيشوا أيامهم و يحكوا مع مين ما بدهم......... و اللي بدوه يقول ما حدا عم يصحله يتجوز و الزواج غالي و غيرها من الحجج و التبريرات (( طبعا أنا ما عم حلل و حرم موضوع العلاقات بين الجنسين )) بس يا جماعة شوفوا غير جنسيات .. لك الله وكيلكم الجنسيات العربية التانية يمكن واحد بالمليون لتشوفه مصاحب فليبينة..........أنا يمكن ما شفت طول فترة وجودي غير عددد بينعد على الأصابع...........
أنا برجع بقلكم أنا حديثي ما هو ضد حدا بالنهاية كل واحد حر بحياته.................. بس بتلاقي الشب السوري سمعته و كرامته تحت بسبب هالقصة و هادا الشي بيزعل كتير كتير خاصة أنو شبابنا السوريين من أعز الناس و كلهم قبضايات و ما حدا بيهون عليه كلمة غلط بحق حاله أو أرضه الغالية سوريا.............فيا جماعة ليش عم نبهدل حالنا و سمعتنا بهالشغلة ..................

يمكن بدوا واحدكم يقول : طيب شو عندك حل بديل ؟؟
أنا ما عندي لأنو انا برايي الشخصي كل واحد بيتعامل مع هالموضوع بنظرته الشخصية (( بس فيكم تتأكدوا اني شخصيا ما عندي صاحبة فليبينة و لا من أي جنسية تانية ))
بقدر ما البنت السورية غالية علينا كمان شبابنا غالي و نحنا شعب كرامته كبيرة وعالية بين الشعوب و ما بيوم من الأيام حدا قدر يحكي غير عن سوريا بلد العزة و الكرامة و شعبها الأبي و العزيز النفس.
أنا بتمنى من كل سوري أنو يفكر مرتين قبل ما يرافق فيلبينية لأنو الله وكيلكم سمعة الواحد حتى و لو بهيك قصة شغلة مهمة ..............و بالنهاية الله يكون بعوننا و سامحونا على ما شفتوا منا..
بقلكم متل ما قال أخي اسامة بمقالته عن البنات ؟؟ (اللي عقلوا براسوا يعرف خلاصوا ) .. ودمتم بخير ...

طارق العربي السوري

سيريانيوز

[maged-syrian]

خيو بدى اسئل هلق وقفت الشغلة على جنسية البنت ليتحدد مستوى الشب السوري !!
هاي ليكني انا مرافق وحدة باكستانية ... خيو خلاصة الحكي غير العرب عالاقل ماعندهم نظرة تكبرية ونظرة عنجهية لمستوى بلادك الاقتصادي والاجتماعي وماهنالك

[ناصرشكري]

اخي المحارب ... القلب وما يهوىوليش في فلبينيات كادحات وبيشتغلو ليل مع نهار شعب ما بيعرف الكسل
تحياتي لك

[Sun Shine Art]

الاخ محارب ...
اول انا اعيش بدوله من دول الخليج ..............وهي البحرين ...

لقد اعجبني القال كثير وللأسف انه بدي أيدك بالموضوع ...لان الصراحه هدا الي عم يصير .....
بس كمان بحب قلك انه مو بس الشباب السوري عم يصاحب فلبينيات .....كل شبابالعرب حسب ما رأيت ...
واذا الشغله وقفت سمعتنا ع المصاحبه ياريت تجي تشوف سمعتنا هون بالبحرين لاسباب اخرى ......

لن يقيم لانه صاحب فلبينيه او سيرلنكيه ......بس نحن بطبيعتنا العربيه والمقته منحب دائما نحط عبعض ...وخاصه هون بالخليج نظرتهن النا كا سورريين ...........

ويسعدلي صباحك

[sandra]

للأسف أول ما شفت عنوان المقال توقعت إني شوف كلام بيحكي عن اليد العاملة السورية أديش صايرة رخيصة أو نظرة الآخرين ألنا، أو............
بس ما توقعت يكون اللي زاعجو لطارق العربي السوري هو أنو السوريين عم يرافقوا فيليبينيات
أول شي هي اسما حرية شخصية وكل واحد حر بأنو يحب البنت اللي بدو ياها ويمشي مع اللي بتعجبو
تاني شي كلامو فيو شي من العنصرية وكأنو حضرتو قاعد عم يصنف بهالبشر هاد نخب أول وهاد نخب تاني والتالت ستوك

[fight4yourhonor]

عفوا مبدئيا أسأل هل لا اعتراض لدى كاتب الموضوع على مسألة المرافقة كمرافقة يعنى هل لا بأس إذا كان الشاب السورى مرافق فتاة كندية مثلا
شخصيا أرى و نحن نعانى مشاكل مماثلة -أعنى نحن المصريين- فأنا أتمنى ان يترفع الشباب من أى جنسية على مسألة المرافقة المجردة هذه بلا صفة و ما تستتبعة أعرف ان البعض يقول هذا الشباب يعانى ألا يترك له متنفس و لكن هاذا ليس متنفس فقط لو راجع أحدهم نفسه سيجد ما يحققه هو اللا شىء بعينه لا عظه و عبرة و لا احاول ان اخطب على منبر و لكنى أعرف قصص كثيرة و لعلمكم بعضها لزيجات لا فقط مرافقة و من فتيات اوروبيات يعنى قد تصنف فخر لمن فعلها بالقياس على مصاحبة فلبينية كل ما وجدت فى هذه القصص أن الزوجة او الصديقة تتعامل بمنطق أنا كنز ثمين فى يد عربى بخس و عذرا حقير هى تستغل نقطة النخوة و فرح العربى بمرافقة او الزواج باجنبية حتى تمل هى عندها تلقى به و تنتقل لغيره او تعود لابن وطنها بعد ان جربت التغيير
الفلبينية و ان كنت لا أزدرى أى جنسية خلقها الله و لكنها ترى البؤس بعينه و بعضهن تلجا لأى حل يتبادر أمامها مرافقة زواج و ربما مع كلا الامران يكون هناك طرف ثالث تفهمون ما أعنى أنا هنا أتحدث أولا عن الفلبينية قبل الحديث عن الشباب السورى لأن الجنسية لا تستتبع الاحتقار و إلا لحق لكثير من الخليجيين ما يفعلوه و لأن الفلبينية و مثيلاتها لا منشأ و أرضية ثابتة لهن
أما عن الشباب السورى فأنا شخصيا أتمنى ألا يقوم بالمرافقة فلبينية كانت أو أوروبية أو عفريتة مشهد من يقوم بهذا يكون مبتذل الكل يعرف عندما يراه أنها رفيقتة و ينظر لهما بازدراء ايا كانت جنسيتها يعنى لو رفيقته فلبينية فسيقال ياللبؤس و لو كانت اوروبية او امريكية فسيقال هو تابعها و اقرب لعبد عنها لا أكثر رأيت هذا و أعلمه لهذا أرجو أن لا أراه لا مع سوريين و لا غييرهم و لا مع فلبينيات و لا غيرها

[yass]

كاتب النص الأصلي : sandra

للأسف أول ما شفت عنوان المقال توقعت إني شوف كلام بيحكي عن اليد العاملة السورية أديش صايرة رخيصة أو نظرة الآخرين ألنا، أو............
بس ما توقعت يكون اللي زاعجو لطارق العربي السوري هو أنو السوريين عم يرافقوا فيليبينيات
أول شي هي اسما حرية شخصية وكل واحد حر بأنو يحب البنت اللي بدو ياها ويمشي مع اللي بتعجبو
تاني شي كلامو فيو شي من العنصرية وكأنو حضرتو قاعد عم يصنف بهالبشر هاد نخب أول وهاد نخب تاني والتالت ستوك

أنا مع هالحكي.. تماما

[fernanda bachchan kfoury]

يا عمي مسن مابدو يصاحب ومع مين مابدو يمشي ويحكي
بعدين القصة ماوقفت عالفليبينية او الهند ية او الباكستانية او....او...او..

بس يعين بيني وبينك هنن بالخليج عندن هالرؤية بسبب تكبرن .. يعني ليش ليضحكو عالفليبينية واللي عم تتمشى معو؟؟ ولا بس لانها تشتغل بالبيوت؟؟

اي يرجعو لماضيهن ويشوفو حالن كيف كانو
ويفكرو منيح قبل مايضحكو عالغير

[مالي خايف]

أنا بصراحة مع المحارب بالموضوع الي طرحوا ومابشوف في أي عنصرية بالموضوع لأنو لو واحد فيكون يجرب يعيش مع هنود وباكستان ومن هالجنسيات التانية كنتو عرفتو قيمة الحكي تبعو صدقوني أنا بدرس بأوروبا وساكن بسكن طلاب وفي بهالسكن شي عشر هنود وأربع باكستانية جربت اختلط معهون شوي يعني صداقات وتعارف صدقوني انهون أوسخ شعب على وجه الكرة الأرضية ومافيهون خير لحالهون ليكون فيهون خير للناس كل تفكيرون محصور بالمصاري تقول بيعبدو المصاري غير الوسخ الي عايشين فيه حالة بتجنن الله وكيلكم

[yass]

أوسخ شعب

لأ بنوب مو عنصرية تعمم ع شعب كامل و تقول أوسخ شعب.. طبعا ع اعتبار عايش بأوربا تعرف انو في ناس هيك بالضبط رأيها عن العرب (بغض النظر عن انو صح أو لأ..) و أكيد لما يحكو هيك عن العرب بنقول عنصرية.. ما هيك؟

[Bonita]

كاتب النص الأصلي : مالي خايف

أنا بصراحة مع المحارب بالموضوع الي طرحوا ومابشوف في أي عنصرية بالموضوع لأنو لو واحد فيكون يجرب يعيش مع هنود وباكستان ومن هالجنسيات التانية كنتو عرفتو قيمة الحكي تبعو صدقوني أنا بدرس بأوروبا وساكن بسكن طلاب وفي بهالسكن شي عشر هنود وأربع باكستانية جربت اختلط معهون شوي يعني صداقات وتعارف صدقوني انهون أوسخ شعب على وجه الكرة الأرضية ومافيهون خير لحالهون ليكون فيهون خير للناس كل تفكيرون محصور بالمصاري تقول بيعبدو المصاري غير الوسخ الي عايشين فيه حالة بتجنن الله وكيلكم

أنا كمان معك,,,,
اكما أنني ختلطت بالفليبينيات فترة طويلة,,,و وجدت أنهم بيموتوا بالشب السوري,,,و بيعملوا المستحيل ليحصلوا عليه(عما حكي من واقع عملي بمستشفي يعتبر من أرقى المستشفيات) ,,الميزة الموجودة بلفلبينيه أنها بتعبد الشب عباده(حتى لوكان كذب و تمثيل و بس قدامه) و على فكرة هنن متطلبات بشكل غريب,,أنا بعرف واحدة فلبييه مرة حبت باكستاني(مابعرف شو هالخلطة) و صارت انواع الطلبات كروت شحن,,ذهب ,,,,,,,,وووووووو
يعني ههن بنات ما بيعطوا شئ بغير مقابل حتى لوكان بدافع الحب,,,و هنن قذرين جدا,,جدا,,,
ليش خلصوا البنات (ماراح حدد جنسيه) بس ماتكون فلبينيه و لاهندية أو باكستانيه...حلو الترفع و الأعتزاز بالنفس,,,يعني خلوانا نقلب الصورة على البنات,,,تخيلوا بنت سورية و حلوة مع فلبينيبي,....مابعرف صحي هي حرية شخصية لكنها لا توافق لا العقل و لا المنطق...
بعدين الفليبينيات اللي من هالنوع كلن امراض بسبب تعدد علاقتهم,,,
مهما كانوا نظاف ماراح يكونوا متل العرب و خصوصا نحنا(السوريون و الدول القربيه منا),,,حتى الدول الخليجية بناتهم مقبوله العلاقت مهعم,,,,بس فلبيبنه ..و كمان(ياربي اللهم لا إعتراض) بس شغالة !!!!!!!!

[مالي خايف]

كاتب النص الأصلي : yass

لأ بنوب مو عنصرية تعمم ع شعب كامل و تقول أوسخ شعب.. طبعا ع اعتبار عايش بأوربا تعرف انو في ناس هيك بالضبط رأيها عن العرب (بغض النظر عن انو صح أو لأ..) و أكيد لما يحكو هيك عن العرب بنقول عنصرية.. ما هيك؟

ايه بس لما تشوف هالشي من العشرة يعني العينة الي عندي من الهنود مية بالمية بينطبق الحكي الي حكيتو عليها بدون أي استثناء ما بتكون عنصرية

[yass]

كاتب النص الأصلي : مالي خايف

ايه بس لما تشوف هالشي من العشرة يعني العينة الي عندي من الهنود مية بالمية بينطبق الحكي الي حكيتو عليها بدون أي استثناء ما بتكون عنصرية

في شي مدري كم مية مليون هندي... شفت عشرة حكمت؟ هلأ فيني اضمنلك انو بمدينتي في 40 مغربي و ولا واحد فيهون بني آدم (الفالح فيهون تاجر حشيش, هاد وجه السحارة اللي يحلفو براسو )... بحكم ع شعب كامل؟ انو ما فارقة معي لا أنا هندي و لا بيقربولي... بس كتير ظريف لما بشوف حكم على مدري كم مليون شخص بهالطريقة.. هاي اسما عنصرية مهما قلتو انو مو من باب العنصرية.. و بصراحة عم اتفاجأ انو العقلية الخليجية بالحكم عالخلق صارت موجودة عنا..

[مالي خايف]

كاتب النص الأصلي : yass

في شي مدري كم مية مليون هندي... شفت عشرة حكمت؟ هلأ فيني اضمنلك انو بمدينتي في 40 مغربي و ولا واحد فيهون بني آدم (الفالح فيهون تاجر حشيش, هاد وجه السحارة اللي يحلفو براسو )... بحكم ع شعب كامل؟ انو ما فارقة معي لا أنا هندي و لا بيقربولي... بس كتير ظريف لما بشوف حكم على مدري كم مليون شخص بهالطريقة.. هاي اسما عنصرية مهما قلتو انو مو من باب العنصرية.. و بصراحة عم اتفاجأ انو العقلية الخليجية بالحكم عالخلق صارت موجودة عنا..

هلأ يمكن غلط احكم على مليار بني آدم من عشرة بس خيو المعاناة الي بشوفها منهون بتخليني أكتر من عنصري يعني وشي بوشون ليل نهار بالجامعه وبالسكن عوفوني سمايي يا رجل

[yass]

كاتب النص الأصلي : مالي خايف

هلأ يمكن غلط احكم على مليار بني آدم من عشرة بس خيو المعاناة الي بشوفها منهون بتخليني أكتر من عنصري يعني وشي بوشون ليل نهار بالجامعه وبالسكن عوفوني سمايي يا رجل

اي و ولو كان.. بعتقد الواحد لازم يعرف يتعامل مع أشخاص بشكل مجرد... لأنو نفس التمييز اللي عم تعملو بحسن نية غيرك يعملو عليك بسوء نية مثلا.. و صدقني هالشعور بنوب ما منيح...

مثلا السوريين في بعض الدول و فترات معينة كانت سمعتهون انو نصابين و حرامية و مزورين (نتيجة كم واحد اشتغلو هالشغلة يعني...و حرام.. ليش يعني بسبب كم واحد ابن حرام ياخدو السوريين هالسمعة)..

كل شعوب الأرض هاجرت و كل شعوب الأرض اغتربت و ما يجبرك عالمر الا الأمر منو... اللي تشتغل شغالة تكون عم تطعمي ولادها.. و الشغل مو عيب مهما كان الشغل.. و بالنهاية كل الناس خير و بركة و كل شعوب الأرض فيها المنيح و فيها العاطل بنسب متشابهة .. و مقابل هالعشر هنود هدول جيرانك اعمل سيرش و شوف الكم الهائل من العلماء و المراجع العلمية الهندية في جميع المجالات.. ما نقدر حتى ننافس عشرة بالمية من هالشي.. ع شو شايفين حالنا عليهون؟

[مالي خايف]

كاتب النص الأصلي : yass

اي و ولو كان.. بعتقد الواحد لازم يعرف يتعامل مع أشخاص بشكل مجرد... لأنو نفس التمييز اللي عم تعملو بحسن نية غيرك يعملو عليك بسوء نية مثلا.. و صدقني هالشعور بنوب ما منيح...

مثلا السوريين في بعض الدول و فترات معينة كانت سمعتهون انو نصابين و حرامية و مزورين (نتيجة كم واحد اشتغلو هالشغلة يعني...و حرام.. ليش يعني بسبب كم واحد ابن حرام ياخدو السوريين هالسمعة)..

كل شعوب الأرض هاجرت و كل شعوب الأرض اغتربت و ما يجبرك عالمر الا الأمر منو... اللي تشتغل شغالة تكون عم تطعمي ولادها.. و الشغل مو عيب مهما كان الشغل.. و بالنهاية كل الناس خير و بركة و كل شعوب الأرض فيها المنيح و فيها العاطل بنسب متشابهة .. و مقابل هالعشر هنود هدول جيرانك اعمل سيرش و شوف الكم الهائل من العلماء و المراجع العلمية الهندية في جميع المجالات.. ما نقدر حتى ننافس عشرة بالمية من هالشي.. ع شو شايفين حالنا عليهون؟

خيو أنا ما بنكر أفضال الهنود عالعالم كلو بالعلم تبعهون وهنن جماعة أذكياء كتير وعندون صفة الإبداع بشغلهون بس لما اجي قارن هدول يلي يعتبروا كمان مثقفين ومن الدرجة الجيدة جدا يعني كل واحد منهون معو شهادة قد الهند بكالوريوس وعم يعمل ماجستير هلأ لما تعمل مقارنة بسيطة انو هدول المثقفين هيك فكيف الي مو مثقفين والي مو متعلمين يعني بتستغرب تصرفاتهون وبالنهاية عيش كتير بتشوف كتير
ودمتم

[yass]

أي كلنا عنا عادات و تقاليد... الغلط انك تاخد عاداتك و تقاليدك هي مقياس الصح.. و بناءا عليها تقيس.. يعني أكيد في عادات بغير بلدان و شعوب يجوز بثقافتك أو بطريقة حياتك تستهجنها.. لكن كمان يجوز عندك عادات غير شعوب يستهجنوها.. بالنهاية كلنا بني آدمين و كلنا بطريقة أو بأخرى أخوة

[suryoyo]

انا تعاملت مع ناس هنود .. و شفتهم ناس نظاف داخليا و قنوعين بكل شي ...