top 5 أخوية

[MadMax]

يعني بصراحة لفت نظري ال top 5 لمواضيع أخوية الأكثر مشاركة لحد وقت كتابة هالموضوع ( لأنو في مواضيع عم تكبر بسرعة رهيبة )
و يللي كانت بهالشكل :

قدم ورده للعضو اللي تحبه ـــــــــــــــــــــــــ 11,466 رد
شو رأيك باعضو الي قبلك ؟؟ـــــــــــــــــــــــ 6,972 رد
اللعبه من 1 الى 7 وا هديك ـــــــــــــــــــــــــ 5,643 رد
لعبة الصراحة ـــــــــــــــــــــــــ ــــــــــــــــــــــــ 5,547 رد
لعبة الأغاني - بلش بآخر ـــــــــــــــــــــــــ ــــ4,572 رد



يعني التسلية مو غلط
بس لما تصير هي الطابع السائد بالمنتدى ... يمكن هادا الغلط
و لما بصير قسم المسابقات هو القسم الاكتر شعبية بين الأعضاء بكون في غلط كبير

[biomen]

و انا معك في هذا و ملاحظتك في محلها بس شو رح تعمل هذا ذوق الشباب

[VivaSyria]

شو رأيك باعضو الي قبلك ؟؟ـــــــــــــــــــــــ 6,972 رد

بعد 12 دقيقه من كتابت الموضوع صار 6988 رد ...

[hanny dagher]

الشعب ما بينلام

[*Marwa*]

يعني التسلية مو غلط
بس لما تصير هي الطابع السائد بالمنتدى ... يمكن هادا الغلط
و لما بصير قسم المسابقات هو القسم الاكتر شعبية بين الأعضاء بكون في غلط كبير

معك مية بالمية

[W.E.G.A]

كاتب النص الأصلي : Madmax

يعني التسلية مو غلط

بس لما تصير هي الطابع السائد بالمنتدى ... يمكن هادا الغلط
و لما بصير قسم المسابقات هو القسم الاكتر شعبية بين الأعضاء بكون في غلط كبير

[MaTyA]

كاتب النص الأصلي : Madmax

يعني التسلية مو غلط

بس لما تصير هي الطابع السائد بالمنتدى ... يمكن هادا الغلط

و لما بصير قسم المسابقات هو القسم الاكتر شعبية بين الأعضاء بكون في غلط كبير

حكيت طفولة عن هالنقطة بس كان الحكي عن قسم الملطوشات
خلينا نقول انه كان كـ"مثال بيشمل كمان اقسام المسابقات و ع الطاير ... "

ومزبوط هالحكي..

[wild_angel]

معك حق 100%
بس الملل وشو بيعمل ... وبصراحة بظن انو المشكلة لأنو مافي تفاعل ببقية الأقسام خاصة انو المواضيع صار نصها مكرر وبنفس الوقت الشباب عم يحبوا هي المواضيع لأنو صايرة كأنها chating وبينرد عليها بسرعة

[اللامنتمي]

شوف صديقي

مو غلط بنوب أني يكون في مواضيع تسلية في أخوية

أنا بشارك فيها وما بخجل .. شو فيها

هلئ يعني أنا تافه و ما بفهم شي

مو معقول مشاركة العضو بموضوع تسلية تخليك تنتقد

شو الغاية من القسم أصلاً

الموضوع موضوع مزاج وحالة ملل فقط

وأنا أؤيد هكذا مواضيع

تحياتي

[*Marwa*]

كاتب النص الأصلي : اللامنتمي

شوف صديقي

مو غلط بنوب أني يكون في مواضيع تسلية في أخوية

أنا بشارك فيها وما بخجل .. شو فيها

هلئ يعني أنا تافه و ما بفهم شي

مو معقول مشاركة العضو بموضوع تسلية تخليك تنتقد

شو الغاية من القسم أصلاً

الموضوع موضوع مزاج وحالة ملل فقط

وأنا أؤيد هكذا مواضيع

تحياتي

نـوار... سامر ما حكى انو غلط يكون في مواضيع للتسلية ولا حكى انو العضو بصير تافه لما بشارك فيها..بس هو كل قصدو انو ما تصير هالمواضيع هيّة مركز اهتمامنا ويصير قسم المسابقات هوي الاكثر شعبية واكتر شي فيو اشتراك

[blacky]

مانى فهمان شى والله محشش تحشيشه

[ليلى]

كاتب النص الأصلي : Madmax

يعني بصراحة لفت نظري ال top 5 لمواضيع أخوية الأكثر مشاركة لحد وقت كتابة هالموضوع ( لأنو في مواضيع عم تكبر بسرعة رهيبة )

و يللي كانت بهالشكل :

قدم ورده للعضو اللي تحبه ـــــــــــــــــــــــــ 11,466 رد
شو رأيك باعضو الي قبلك ؟؟ـــــــــــــــــــــــ 6,972 رد
اللعبه من 1 الى 7 وا هديك ـــــــــــــــــــــــــ 5,643 رد
لعبة الصراحة ـــــــــــــــــــــــــ ــــــــــــــــــــــــ 5,547 رد
لعبة الأغاني - بلش بآخر ـــــــــــــــــــــــــ ــــ4,572 رد

يعني التسلية مو غلط
بس لما تصير هي الطابع السائد بالمنتدى ... يمكن هادا الغلط

و لما بصير قسم المسابقات هو القسم الاكتر شعبية بين الأعضاء بكون في غلط كبير

وين الغلط...و غلط كبير ...ما بقي غير تحددوا للاعضاء بانو موضوع يشاركوا...يا سيدي كل واحد حر باللي بدو يشارك...انت برايك بانو موضوع لازم نشارك اكتر شي ...؟؟؟

[ليلى]

كاتب النص الأصلي : *Marwa*

نـوار... سامر ما حكى انو غلط يكون في مواضيع للتسلية ولا حكى انو العضو بصير تافه لما بشارك فيها..بس هو كل قصدو انو ما تصير هالمواضيع هيّة مركز اهتمامنا ويصير قسم المسابقات هوي الاكثر شعبية واكتر شي فيو اشتراك

ما تصير ...ليش...؟؟؟نفس السؤال الك يا اخت:بانو موضوع لازم نشارك اكتر شي برايك...؟؟؟

[*Marwa*]

كاتب النص الأصلي : ليلى

ما تصير ...ليش...؟؟؟نفس السؤال الك يا اخت:بانو موضوع لازم نشارك اكتر شي برايك...؟؟؟

يعني حسب رأيك هالمنتدى انعمل لحتى عضو يعد للخمسة ويزت العضو اللي بدو ياه؟!!!

انو "بليز" بكرر كمان مرة ما حدا ضد التسلية والفرفشة بس كمان لازم تكون مهمتنا مهمة اثراء وافادة للعالم اللي عم يتصفحوا المنتدى

ما حدا ضد هيك مواضيع بس كمان بلاش نبالغ...

[yass]

كاتب النص الأصلي : ليلى

ما تصير ...ليش...؟؟؟نفس السؤال الك يا اخت:بانو موضوع لازم نشارك اكتر شي برايك...؟؟؟

كفين كفين عالماشي لا تقصري فيهون

تصير.. ما تصير ... أنا ما فارقة معي.. كل واحد يلاقي سعادتو وين ما بدو (بالنسبة للأشخاص... لكن الحقيقة يهمني الانطباع العام تبع المنتدى.. ما بعتقد فاتحينو مشان تعليم العد)

اللي عم نحكيه هو انو ليش أكثر خمس مواضيع بالمنتدى فيهون ردود هنن من قسم المسابقات (اللي ما لازم يكون قسم بهالسخافة... يفترض في أحجية و مسائل منطق و رياضيات و سودوكو على كلمات متقاطعة ... الخ).. بس الجماعة ماسكينها عالعد (أخي انت حر تعد أو ما تعد, و انت حر تعتبرها احلى مواضيع الدنيا... أوكي تمام.. لكن كمان نحنا احرار نعتبر هالشي أمر غير صحي بالمنتدى... )

[Donald Duck]

صحيح هالاقسام هذه لازمة بالمنتدى طبعا ..

لانه لازم يكون المنتدى منوع من كله ..

وعن عدد المشاركات بهالاقسام ..

انه هالاقسام للعب والتسلية .. مثل ما هي موجوده ..

بس باقي الاقسام بكون فيها موضوع للنقاش او للتعبير عن الرأي او للأفادة ..

لهيك بنشوف ردود محدودة في وقت الخبر او على الاكثر ما بتطول الردود على الموضوع اكثر من اسبوع ..

يعني مو لانه مواضيع التسلية افضل من غيرها من مواضيع ..

طبعا مو عند الكل ..

في اعضاء بشوفوا غير هيك ..

[ليلى]

كاتب النص الأصلي : *Marwa*

يعني حسب رأيك هالمنتدى انعمل لحتى عضو يعد للخمسة ويزت العضو اللي بدو ياه؟!!!

انو "بليز" بكرر كمان مرة ما حدا ضد التسلية والفرفشة بس كمان لازم تكون مهمتنا مهمة اثراء وافادة للعالم اللي عم يتصفحوا المنتدى

ما حدا ضد هيك مواضيع بس كمان بلاش نبالغ...

ياه؟!!! شو القصد...؟؟؟ المهم يا اخت انا ما قلت راي انا سألتك انتي شو رايك بانو موضوع لازم نشارك...
انو "بليز"ما حدا ضد بس قالو غلط... وين الغلط...؟؟؟

[Reemi]

انو "بليز"ما حدا ضد بس قالو غلط... وين الغلط...؟؟؟

هوي غلط بالمعنى الحرفي ما في ... بس بالجو العام الفضافاض في غلط
يعني رسالة اخوية واقسام اخوية بجوها العام مان كان الغرض منها العاب العد والاهداءات والشبوشات في شغلات كتير اهم بهالدني من هالامور لازم نحنا نشوفها ونقراها ونتناقش فيها غير هدول المواضيع