رسالة للسيد الرئيس بشار الأسد

[saadheshmeh]

السيد الرئيس المفدى:
أنا طالب بالدراسات القانونية في جامعة دمشق التعليم المفتوح و انا موظف في إحدى الوزارات أسألك الى متى ستظل قرارات حضرتك ينفذ عكسها في وزارة التعليم العالي الى متى سيبقى شراذم التعليم العالي يلوثون أنجازتك................ سيدي الرئيس لا مخرج لنا إلا أن تتدخل أرجوك .
أسأل هل خريجي دول الاتحاد السوفييتي من أطباء و مهندسين أحسن منا
أطباء شهاداتهم الثانوية هي شهادات ثانوية زراعية و .......
لماذا لا نقبل في الدراسات العليا هل نحن مواطنون من الدرجة الثانية ما دام مناهجنا هي نفس التعليم النظامي .... سيدي أدامك الله لنا و للمستضعفين في هذا البلد لماذاتجبرنا قرارات ديماغوجية بوزارة العتليم العالي على مغادرة البلاد للدراسة هناك أليس بلدنا أولى بمالنا؟؟؟؟؟؟؟؟؟؟؟؟ .
أضع هذه الاستغاثة برسم الجواب
و دمتم لنا يا سيدي

[saadheshmeh]

مشان الله لا تنسونا

[جاد81]

انشالله بيوصال صوتك

[fhlllll]

الله يعينك ياخي 0000الظاهر انك مش من حسبة الناس الواصلة ولا الك ظهر قوي والظاهر ان حرف القاف عندك مايطلع واضح كثيييير لذلك لا تعذب حالك الك الله

[zen]

ما عرفت تجي الا ع موقع محجوب وكمان مغضوب عليه وتكتبلو رسالة للرئيس
اي انشالله بتوصل

[Abu ToNi]

كاتب النص الأصلي : zen

ما عرفت تجي الا ع موقع محجوب وكمان مغضوب عليه وتكتبلو رسالة للرئيس
اي انشالله بتوصل

بالعكس يا زين
لأن محجوب ومغضوب على سعدو تبعه بتوصل

[ayhamm26]

كاتب النص الأصلي : zen

ما عرفت تجي الا ع موقع محجوب وكمان مغضوب عليه وتكتبلو رسالة للرئيس
اي انشالله بتوصل

ما بتعرف بجوز سيادتو عندو هواية كسر البروكسي وفتح المواقع اللي بتحجبها اجهزتو الامنية.

[inodessa]

الموقع محجوب !!!!!!!!!!!!!!!!
فاجأتوني.... أنا عم افتحو من الامارات ببساطة....ز طيب شو السبب انو محجوب؟؟؟؟

[kosayka2]

كاتب النص الأصلي : saadheshmeh

السيد الرئيس المفدى:
أنا طالب بالدراسات القانونية في جامعة دمشق التعليم المفتوح و انا موظف في إحدى الوزارات أسألك الى متى ستظل قرارات حضرتك ينفذ عكسها في وزارة التعليم العالي الى متى سيبقى شراذم التعليم العالي يلوثون أنجازتك................ سيدي الرئيس لا مخرج لنا إلا أن تتدخل أرجوك .
أسأل هل خريجي دول الاتحاد السوفييتي من أطباء و مهندسين أحسن منا
أطباء شهاداتهم الثانوية هي شهادات ثانوية زراعية و .......
لماذا لا نقبل في الدراسات العليا هل نحن مواطنون من الدرجة الثانية ما دام مناهجنا هي نفس التعليم النظامي .... سيدي أدامك الله لنا و للمستضعفين في هذا البلد لماذاتجبرنا قرارات ديماغوجية بوزارة العتليم العالي على مغادرة البلاد للدراسة هناك أليس بلدنا أولى بمالنا؟؟؟؟؟؟؟؟؟؟؟؟ .
أضع هذه الاستغاثة برسم الجواب
و دمتم لنا يا سيدي

يعني هلق من كل عقلك عم تحكي و طالب الرد!!!!!!!!!!!!


يمكن لازم تتحول للملطوشات
لانو فيها بسمة و ضحكة

[الإدلبي]

والله ضحكتني وبكيتني في نفس الوقت، وهذا من بدائع وعجائب النظام الحاكم في سوريا، ينتزع ضحكنا من عز آلامنا، ويبكينا من حيث يجب أن نضجك.
الحل الوحيد للأخ -وعن تجربة- روح اشتريلك شهادة مضروبة واكتب لك كام تقرير عن زملائك الموظفين وبعضا من أقاربك الذين لا تحبهم وبدك تخلص منهم، ورح تشوف شلون بتتغير أوضاعك وأحوالك وتصير في القلب والعين وعلى الراس.
الأماني الطيبة لا تنفع، سوريا بدها أفعال، وخير أفعال المرء في سوريا كتابة التقارير والفساد عن فلان وعلان وكلما اقتربت درجة القرابة في اللي مكتوب فيهم التقارير بتزيد معزتك في أعين المسؤولين وبتلاقي أبواب السماء فتحت لك وكنوز الأرض خرجت لك وقالت لك: عبي وشيل.
في سوريا آلاف من أصحاب الشهادات المزيفة من كل حدب وصوب وفي شتى فروع المعرفة وجميع اصحابها بلا استثناء في مراكز مرموقة في الدولة وفي كل القطاعات، فليش التعب واللف والدوران خذها من قصيرها واضربلك شهادة وتوكل بالرحمان وما بتلاقي إلا كل خير، ولا بقى تصدع لنا راسنا بهيك مناشدات معتة من أشخاص أوباش ما بيفهموا إلا لغة الفساد والكذب والرشوة والتملق والتسلق والدوس على الآخرين في سبيل تحقيق المآرب الشخصية، فهمت ولا أقول كمان؟
يالله باي...

[همس الياسمين]

اتمنى ان تصل رسالتك
كمااتمنى لبلدي الحبيب المسير قدما نحو الافضل وليرعاكم رب السماوات ياشعب سوريا العظيم

[jovia]

كاتب النص الأصلي : همس الياسمين

اتمنى ان تصل رسالتك
كمااتمنى لبلدي الحبيب المسير قدما نحو الافضل وليرعاكم رب السماوات ياشعب سوريا العظيم

انا بحس انو الشعب السوري مغضوب عليه اكتر من اي دولة عربية من ناحية الشواغر الوظيفية ومن ناحية الدخل الشهري ومن ناحية التعليم والترقي ومن ناحية مص دم المواطن لحتى ينشغل بحالو وبلقمة عييشو وما ينشغل باي شي تاني يعني ببساطة كم افواه بس اللي مخليني اتعلق فيها انو سوريا بناسها وشعبها الغلبان حلوة كتير والله ياخد بايد سوريا للامام يااااااااااارب

[عاشق اللادقية]

كاتب النص الأصلي : fhlllll

الله يعينك ياخي 0000الظاهر انك مش من حسبة الناس الواصلة ولا الك ظهر قوي والظاهر ان حرف القاف عندك مايطلع واضح كثيييير لذلك لا تعذب حالك الك الله

إذا ممكن توضحلنا شو المقصود بهالعبارة

[نور سلام]

كاتب النص الأصلي : jovia

انا بحس انو الشعب السوري مغضوب عليه اكتر من اي دولة عربية من ناحية الشواغر الوظيفية ومن ناحية الدخل الشهري ومن ناحية التعليم والترقي ومن ناحية مص دم المواطن لحتى ينشغل بحالو وبلقمة عييشو وما ينشغل باي شي تاني يعني ببساطة كم افواه بس اللي مخليني اتعلق فيها انو سوريا بناسها وشعبها الغلبان حلوة كتير والله ياخد بايد سوريا للامام يااااااااااارب

اذا هالشي بيواسيك فلازم تعرف انو حلة الشعب في سوريا متل حالة شعوب الدول العربية كلها وطبعا وا بيخفى علينا انو السبب هو هالانظمة البالية اللي عفا عليها الزمن وصارت تتصرف متل الانسان الالي المبرمج والزعيم فيهم ياللي بيقول بشكل دائم.:ذاتي ثم ذاتي ثم ذاتي.الله يفرجها على الشعوب المغلوبة على امرها .وان شاء الله واحد من هالفسادين بيقرا هالمناشدة ياللي بعتها صديقنا وبيبلغ سيادته !!!!!!!!!!!!! ويمكن فخامته بجلالة قدره يتذكر انو في تحته شعب يعني بني ادمين متلهن متلو!!!!!!!!!!استغفر الله العظيم

[jovia]

كاتب النص الأصلي : عاشق اللادقية

إذا ممكن توضحلنا شو المقصود بهالعبارة

يعني ببساطة ...... الواسطة والمصاري

[aladdinjad]

انشالله بتوصل لما يخلص ضحك على هالشعب المسكين هوي و مرتو لي عاملة مناصرة للشعب و حقوق الانسان و نازلة فينا تنظير و جوائز على سيدة الاناقة و ما بعرف شو ..اما الشب المتعلم الي عم يتعب و يتحمل الجامعة الدكاترة عمرينو ما عندو غير حلين يا الجيش يا إما يتغرب و يجمع مصاري و يدفع دم قلبو بدل للجيش ..و بعدين بيفكر بحياتو ,,,