ظاهرة نور

[phoenixbird]

مرحبا
مسلسل نور غزا البيوت العربية هوي ونظيره سنوات الضياع
رح حط قدامكون هالكم مشهد مو من المسلسل انما من المجتمع
1- فتوى انو المسلسل حرام
2- المسلسل عم يدعو للعلمانية منن انو هيدي رفيقتي وهاد رفيقي والعناق والتبويس وانو بتسافر معه لبلد تاني
وتتجوز دون علم ابوها وماب عرف شو
3- هيك مسلسلات ما بيصير تفوت لعنا
4- هيدي نهفة: جامع بحلب قال اللي بيحلف يمين انو ماشاف ولا قلطة من نور او سنوات الضياع بيروح عمرة ببلاش

شو رايكون بهالظاهرة الفايتة لعنا
وشو رايكون بطق الحنك
وشو رايكون انو معقول الممجتمع التركي هوي متل ما طلع بالمسلسل

[marioma alghzayala]

يقطع عمرن كلياتن ..بكره المسلسلات ..

[Government]

اخي هالمسلسل صلو شهرين عبينعرض هو وسنوات الضياع .. وماضل حدا الا انطبل فيه وحكالي عنو وكلو عبتابعو الا انا لهلأ ماصحلي كمل حلقة وحدة .. شو مشان انا صاير متخلف عن العالم ولا هو ماخرج يتابع


بس يازلمة كانو مكسيكي صار .. زكرني بكاسندا ايام
الله يرحم اياما كنت تنزل ع الشارع تلاقي الشارع مافيو الدومري .. كلو عبستنى ع نار
كاساندرا واغانسيو ومدري مين كمان
اخي هي المسلسلات اللي بتعبي الراس مو نور ومهند .. طنطات هدول يازلمة لساتن ولاد ع المصلحة

[phoenixbird]

هلا سبقون مسلسل اكليل الورد بس هداك مسلسل انو كيف الحياة بتركيا بالسبعينات
بتحس هداك كان قصة حب

[وشم الجمال]

لك بيجيب الضغط والسكري...

واحلى شي فيه انو مو راضي يخلص

عرأي حسون ما في زي كاسندرا يقبرني الله اللي خلقها

[راديا]

اخي هالمسلسل صلو شهرين عبينعرض هو وسنوات الضياع .. وماضل حدا الا انطبل فيه وحكالي عنو وكلو عبتابعو الا انا لهلأ ماصحلي كمل حلقة وحدة .. شو مشان انا صاير متخلف عن العالم ولا هو ماخرج يتابع


بس يازلمة كانو مكسيكي صار .. زكرني بكاسندا ايام
الله يرحم اياما كنت تنزل ع الشارع تلاقي الشارع مافيو الدومري .. كلو عبستنى ع نار
كاساندرا واغانسيو ومدري مين كمان
اخي هي المسلسلات اللي بتعبي الراس مو نور ومهند .. طنطات هدول يازلمة لساتن ولاد ع المصلحة

يا ضرسان ...و لويس دافيد خيو التوم شو نسيتو؟؟..
كمان نور حلو بس ما تابعتوه مشان هيك عم تحكو ...و بالعكس فيو كتير اشيا حلوة منعتبر منا..
بدك مين يقدر..

[boy freind]

مو لهدرجة يعني نور عن جد بينشاف و فيه قصة حلوة

بس نحنا العرب روح قلبنا المبالغة و العلاك

[Government]

يا ضرسان ...و لويس دافيد خيو التوم شو نسيتو؟؟

والله مابعرف مالي متزكرو .. لانو كنت احضرو وانا صف اول .. يعني ماكتير زاكرتي بتساعدني من وقتا
بس كان مسلسل رهيب

[راديا]

والله مابعرف مالي متزكرو .. لانو كنت احضرو وانا صف اول .. يعني ماكتير زاكرتي بتساعدني من وقتا
بس كان مسلسل رهيب

صف او يعني ابتدائي؟؟؟
ما بتزكر انا بانو صف كنت ...
مدري بالتاني اعدادي مدري بالاتدائي بعدني كنت ...ما بتزكر...

[MaTyA]

القصة مو قصة انو المسلسل فيو قصة معينة شدت الناس لالها

القصة هي قصة التخلف انو كل ما الناس شافوا ممثل حلو بيصرلهون هيام فيه
وبيصيبهن ادمان يحضروا المسلسل ليشوفوه..
القصة قصة انحطاط فكر وقصة لا وعي..انو هالمسلسل فيو قصة

انا اخدت لمحة عنو .. ولا بتابع هيك سخافة..

بنسمع من يللي حضروه انو
القصة هي: زعلت منو زعل منها تصالحوا حملت طرحت رجعت زعلت وهكذا دواليك

اي شو هالقفزة النوعية!!!كأنو شي حدث كل هالقد مهم..شو هالتفاهات هيدي

يروحوا يتابعوا شي وثائقي..شي مسلسل بيعالج قضايا اجتماعية وواقعية بحتة
يروحوا يتثقفوا بشي كتاب .. بشي مصدر معلومات ثقافية بمختلف انواعها

[shaden_kad]

اي يقطع عمر هيك مسلسل انا شفت كم حلقة منو بس هو كتير بايخ وبتركيا انا اصحابي قالولي لانن عايشين هنيك انو ما اخد اي ضجة وبعدين في اخطاء كتيرة بالراكورات


ناهيك انو مهند هادا الشب الساطل النات نجم مجلات ايباحية وبيروج للمثلية وزواج الذكور

[وشم الجمال]

كاتب النص الأصلي : shaden_kad

ناهيك انو مهند هادا الشب الساطل النات نجم مجلات ايباحية وبيروج للمثلية وزواج الذكور

لك الشب بالمسلسل ما كان الو اي تصرف معيب بالعكس كانت شخصيتو حلوة كتير وتميز وحتى لو هاد الكلام صحيح فما بعني انو نحنا ناخد النظرة السلبية وما نحضرو ...ما لازم نشتغل بالناس ونلتهي فيهم

[MaTyA]

كاتب النص الأصلي : shaden_kad

وبتركيا انا اصحابي قالولي لانن عايشين هنيك انو ما اخد اي ضجة وبعدين في اخطاء كتيرة بالراكورات

طيب بنلاحظ انو هون بالمنتدى والموضوع هيدا خصوصي كتار ضد هالمسلسل..
وحتى رفقاتي كانوا يحبوه بس هلأ الكل صاروا بيكرهوه او خلينا نقول الاغلب

وبتركيا ما لاقى نجاح..طيب في هون لازم يتواردلنا سؤال هوي:

ليش كل هالدعم والترويج بالاعلام لهالمسلسل بالرغم من بياختو
وبالرغم من عدم نجاحو ببلدو ومن تراجعو بالوسط العربي"على اعتبار انو بالاول لاقى ضجّة"..؟؟؟!

[Government]

القصة هي: زعلت منو زعل منها تصالحوا حملت طرحت رجعت زعلت وهكذا دواليك

مزبوط انا هيك لاحظت من كم مقطع اللي شفتن ..


معالييييييييييييييييييييي ييييق
وهالعرب امعلق منن

[MaTyA]

كاتب النص الأصلي : Government

مزبوط انا هيك لاحظت من كم مقطع اللي شفتن ..

اي بس بحب نوّه انو الزعل على شي تافه

شي فاضي..

اذا بتلاحظ انو الامور يللي عم ينزعل عليها هي ما الها خلفية بتعطيها احقية الزعل

يعني دليل ما في قصة معتمدة..هي مجرد قصة ما الها اي اساس

[sandra]

أنا ما تابعت كتير هالأعمال التركية يعني يا دوب كم حلقة من سنوات الضياع لأن ما عندي وقت بكل بساطة وما بتحمل الحبكة البايخة وما حبيت الشباب بالمسلسل
هلا ليش هالمسلسلات أخدت عقول الناس
بعتقد لانها شي جديد بكل بساطة
يعني أول مسلسل مكسيكي شفناه هو كساندرا أخد عقول الناس وصار في فساتين كساندرا ونظارة كساندا ومدري شو ... بس بعدين وهلا بالفضائيات في كتير مسلسلات مكسيكية عم تطلع بس ما أخذت هالضجة .... ليش ؟
مو لأنو كان كساندرا أحلى أو حبكة درامية أقوى ....لا ... لأن بكل بساطة كل شي جديد بيبهر الناس بعدين بيتحول لأمر عادي
وبعتقد نفس الشي مع مسلسل نور أو سنوات الضياع بكل بساطة شي جديد جذب العالم
يعني تعلق الناس فيه مو كتير مستغربتو بس مستغربة ردود الفعل ضدو متل تحريم الصلاة إذا كان الواحد لابس كنزة عليها صورة حدا من الأبطال

[هدوء البحر]

هي الظاهرة جديدة و الفترة معينة بعتقادي انو اي مسلسل تاني مالح ياخد هي الشهرة

بس متل ما حكيتو لانو شي جديد بس العالم بتمل بعد هيك

انا من متابعين سنوات الضياع بس احترء المسلسل لانو الحلقات صارت موجودة كلها على النت وانعرفت الئصة

انا مابعرف بسوريا شو صاير هلئ بس اكيد صار متل ايام كساندرا

يعني هلئ بتلائي صور نور ولميس ومهند بالشوارع وكنزات عليها صور الهم بس هاد شي مابيدوم

[THE_unforgiven]

بالمناسبة سمعتو انو مهند طلع غاي ... يعني شاذ جنسيا ...