مسا الخير

نفضنا الغبرة ورجعنا من جديد

وصمت الحواس انطلق من جديد بشكل جديد وديكور غير شكل

ضيفي الاول كان لازم يكون بالفترة الرمضانية بس لاسباب خارجة عن ارداتنا نحنا الاثنين قررنا ناجل ليكون اول ضيف معي بالموسم الجديد

اول ما دخلت للاخوية لفتني اسمه وصورة بروفايله وشوي شوي عرفته اكتر

الحكيم الشامي الاندلسي السياسي الرياضي المثقف هيك هوي

اكتر الاعضاء اللي جمعوا اكتر من جانب
وحوار الليلة بوعدكون انو ساخن من الدرجة الاولى

زميلي وصديقي yass نورت البرنامج واهلا فيك

هيك عالسريع عملتني شامي و أندلسي؟؟؟:lol::lol: الله يسامحك.. لا أنا شامي ولا ساكن بالأندلس, بس يالله مشانك ننسى الرقة وشمال غرب اسبانيا

أهلين و سهلين :D

ليش الرقة مو من سوريا ؟ وسوريا ما اسما الشام
وشمال غرب اسبانيا يعني اسبانيا يعني الاندلس

اهلا ياس

ياس اللي بيقرا ردودك لاول مرة بيحس انك ابن ال40 وانت اقل من هيك بحوالي 15 سنة
من اللي كبرك هيك ؟
الغربة
الدرس ؟
هموم الدنيا ؟

و الله أول مرّة حدا يحكيلي انو من ردودي اعطي شعور بعمر أكبر.. ما كنت أعرف هالشي.

الحمد لله من الأمور الي ذكرتها ما عانيت ولا وحدة منها. أعتبر نفسي انسان محظوظ جدا فعلا , و ما عانيت من هالمسائل. بجوز عندي اهتمامات أدبية و سياسية منذ الصغر نتيجة التأثر بالوسط العائلي خلتني أتعلم شغلات أكبر من عمري. و كوني عايش طول حياتي بين عالمين خلتني أوسّع أفقي.... بيجوز هاد هو السبب.

كوني عايش طول حياتي بين عالمين خلتني أوسّع أفقي.... بيجوز هاد هو السبب.
كيف يعني عالمين ؟

تعرف ذكرتني بطفولتي

عشت بين عالمين لأنو ولدت و عشت جزء من طفولتي باسبانيا و بعدين مرحلة المدرسة بسوريا و هلأ باسبانيا عم بدرس

بفقرة انا ارى رح شوف معك 5 صور حابب اعرف شو بيعنولك

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

صورة فارس عودة اقشعر عند رؤيتها. معلقها بغرفتي جنب بين علم سوريا وصورة غيفارا...

الصورة تعني لي العز و الكرامة... أبوي دائما بيحكي أنو الحياة وقفة عز, هاي وقفة عز فطري عند هالطفل الفلسطيني, يعني كام رجال مشورب يسترجي يوقف هالوقفة؟

بالعادة أنا أحاول أكون واقعي و مو بسهولة أقع في تأثير "رومانسية المعركة" ...لكن هالصورة أنا ضعيف أمامها

ليش؟؟؟ عندي اأمور طبيعية!!!

ذكرتني بموقف من حوالي 5 سنين لما اتحاصر الرئيس ابو عمار بمقره وهتف العاملين بحياته بالمقر
طلب منون الهتاف لفارس عودة

بظن انو اشرف وانظف من تلت رباع قيادات فتح وحماس

ياس وبصراحة عندك الجرأة توقف وقفته ؟ وانا عارف انك واقعي ورح تجاوبني بصراحة

بصراحة ما بعرف... ما بعتبر نفسي جبان لكن هلأ عالقاعد ما بعرف شو بحكيلك

اكيد بفهم اختلاف الظروف وين انت او انا اللي قاعدين وين هوي اللي بغزة

الصورة الثانية

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////



علم الانسجة او histology بمعنى اخر الطب اللي هو دراستك
شو بيعنيلك اليوم الطب

عالهامش بدي حيي الحكيم حسام وسارة ووسام والدكاترة اللي عنا بالاخوية

الطب بمعنى مجرّد هو علم تكتسبه لتقدر تمارس مهنة انسانية أو مهنة مربحة أو كلاهما (حسب طلبك)

بالنسبة الي الطب هو علم سامي جدا (مع احترامي لباقي العلوم) و هو علم انساني غايته مساعدة الآخر.. انك تكون نافع للآخرين, وهو أيضا مهنة شريفة و ذات مردود مادي شريف رغم كل ما يقال..بالاضافة الى انو الطب لا يتعارض مع العلوم الانسانية و الفلسفة بل فيك تقول انها علوم متكاملة و هالأمر جميل جدا...

وبتقللي ردودك مش اكبر من عمرك
الله ياخده للي ببيالي

ياس خلال دراستك للطب وبفتكر قلتلي انك سنة 4 ايمتى حسيت حالك انك فعلا قادر على العطاء وقت بتدرس بكلية مثل كلية الطب

سؤالي الثاني
لو كنت عم تدرس الطب بجامعة دمشق رح يكون جوابك نفسه

بالنسبة للسؤال الأول: يمكن خلال نهاية السنة الماضية و بداية هاي السنة بلشت شوي أثق بنفسي طبيا" . خلال مراحل كثيرة شعرت بالعجز و أوشكت حتى على الاستسلام.... دراسة الطب صعبة جدا و معقدة جدا. و أنا عم بدرس بجامعة صعبة و بدولة بدها أطباء عباقرة.....

بالنسبة للسؤال الثاني: مافيني جاوبك لأنو ما بعرف طبيعة الدراسة بجامعة دمشق ولا شفت برنامج الدراسة تبعها... بس بعرف واقع البلد و أكيد الجامعة مانها جزيرة وسط المحيط و هي تتأثر بما حولها....

الصورة الثالثة

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


هي التي سرقت منها الحياة باسم الشرف الكاذب
انت هيك سميتا
اليوم وانا جايي لجامعتي وقدام عيوني شفت هالجريمة
صبية متل الورد عم يلحقا اخوها اللي عمرو 12 سنة ووقت ما قدرلا اطلق النار عليها واسمع الزغاريد والتكبيرات

ووقت ورجعت اليوم وهلا عرفت انو الولد يمكن ينحكم ب3 اشهر بس
المشهد ما عم يفارقني بنوب

راجعلك بعد البريك

هذا جهل ,هذا تخلّف, هذا مرض اجتماعي و نفسي.... يلعن أبو الشرف اذا هذا هو الشرف.

يعني معليش اذا انت حرامي و نصّاب و شرّاني و كلب حقو فرنكين.... انت عندك شرف اذا لبّست اختك شادر سوزوكي منشان ما حدا يشوفها.

الحق على القانون , على رجال الدّين, على التربية.... وصمة عار لبلدنا أنو يكون مسرح لهالكم الهائل من الجرائم..


لازم يكزن في توعية مع شيء من القبضة الحديدية ضد هذه الممارسات المريضة

عالهامش سوريا تحتل المرتبة الرابعة بجرائم الشرف عالميا

وعن اي رجال دين - رجال الدين مش الدين- وعن اي تربية
يا عمي القتل صاير شغلة اللي ما اله شغلة

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

الفن السابع
ما بعرف ليش بحب سميه الفن الثاني بعد المسرح

شو بتعنيلك السينما

أنا مراقي بالسينما شوي خاص... يعني صعب اعجب بفيلم تجاري , مو يعني عم بعمل حالي مثقف بس هاد الواقع

السينما الأمريكية ما بحبها... بيجوز فيلم العراب هو الوحيد الأمريكي اللي بحبو, بحب السينما الأوربية..

بالنسبة لسوريا هاي نقطة ضعفنا الثقافية, بعتقد في قدرات عندنا لو استثمرت ممكن تعمل أشياء حلوة.

مو ليكون عنا سينما يا صاحبي

الصورة الأخيرة

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

قلتلي صورتو حد علم سوريا وصورة فارس

قديش بيعنيلك هالشخص

وبتلاقي حالك تشبهله ؟

هذه صورة انسان... سيقولون أنه أخطأ كثيرا" ... أرجع و أقول, صورة انسان و أضع خطين تحت انسان

ارنستو غيفارا يعني لي التحدّي, القوة, العزم, النبل, الكرامة و قبل كل شيء.... الوقفة الصلبة ضد الظلم و الاستغلال...

السنة الماضية زرت كوبا و زرت ضريحه... احسست بالرهبة... هذا ما أستطيع قوله

تاريخه يدافع عنه و يتكلم بأسمه, مات منذ 40 عام و ما زلت ترى صورته حيثما ذهبت, في كل أركان الأرض

قبل ما انتقل لفقرة انا اسمع لو زرته مرة ثانية لقبره اقرا الفاتحة عني

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

بدي منك تسمع وتقللي قديش بيعنيك

سؤال قديش بيعنيلي أكيد جوابه هو انو بيعنيلي كتير... بيعنيلي البلد بما يعنيه البلد. بيعنيلي القدسية و التبجيل لأحد رموز الوطن. الرمز الثاني هو العلم

حماة الديار عليكم سلام.... هذا كلام فوق كل شيء بسوريا, فوق أي اعتبار سياسي أو أي شيء كان

ياس بتتذكر قبل سنيتن لما صارت ازمة رفيق الحريري كيف ارتفعت اعلام سوريا بكل البنايات وبعتقد لو كنت باسبانيا بس وصلك الخبر؟
ووقتا انسمع السلام الوطني بكل بييت

ياس مستعد انك تخدم العلم قصدي تخدم بالجيش ؟

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

بدون تعليق

ياس مستعد انك تخدم العلم قصدي تخدم بالجيش ؟

بجيش وطني حقيقي و بدون اعتبارات حزبية طائفية طبعا" مستعد أخدم بل و مستعد أتطوع. بالجيش الفاسد الحالي الموجود أكيد الجواب هو لآز

رجع للجيش بوقت تاني

المقطوعة الثانية صارت فوق

المقطوعة الثالثة

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
والرابعة

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
والخامسة
عم بستعجل لانو الاخوية ما بعرف شو قصتا ساعة بتفتح وعشرة لا

كلا الأغنيتين رائعتين..

فيروز هي دمعة فرح و نظرة أمل.. هي الاحساس و الفن و الرقي, هي الموسيقى الراقية

الأغنية الرابعة بصراحة أول مرّة أسمعها ... جميلة جدا" و ذات كلمات رائعة... فعلا" الرابط الأسمى هو الانسانية, جميع الامور الأخرى جانبية...

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
والخامسة
عم بستعجل لانو الاخوية ما بعرف شو قصتا ساعة بتفتح وعشرة لا

يا سلام!!!

يا أخي كلنا سوا فرقة رائعة فعلا... الأغنية أول مرّة كمان اسمعها رغم انو عندي أغاني كتير لكلنا سوا... شكرا عالاضافة :D

عودة من جديد الك
واخيرا حلينا عقدة بطء الخط عقبال العقد الاخرى

ياس ايمتى اخر حفل موسيقي حضرته

آخر حفل حضرته كان بشهر نيسان الماضي لمّا اجا الشاب خالد .....

فقرة التواقعيع في 5 تواقيع من الاعضاء بالاخوية

شآم ... وجع يغور فينا عميقاً ..
ولا يستكين ..
ولا يصرخ ...
شام ... سامحينا !!!
روحــــــــــــــي
ســـــــــــــــوريا

zen


عندما تتأجج نار التحششيش .. تنأى الحشائش بالحشيش الحشحشش ..
وحشيشة التحشيش .. عمر أحشش ..
حش الحشائش في حشيش محشش ..
حشاش يا أخا الحشيش ..
حشش على تحشيش محششنا القديم ..
سوريا الله حاميا
krimbow


When you look at her Eyes .. & she's looking back in your's
you feel stronger & weaker at the same time..
the truth is.. you don't know what you feel

simon

إذا تعبت أضع رأسي على كتف قاسيون و أستريح و لكن إذا تعب قاسيون على كتف من يضع رأسه
chefadi

أنا أفكر ... إذا الفكر موجود
أنا أتألم .. إذا الحزن موجود
أنا أضحك .. إذا فالسعادة موجودة

أما (( أنا )) فهي حقيقة قائمة بذاتها بدون إثباتات , و لولاها لما كان كل من الفكر و السعادة و الحزن موجود ....

ما الحياة كلها هيك (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
sabe

فقرة الوصايا العشر رح اطلب منك تكتب وصيتك

أوصي والدي ب

أوصي أعز أصدقائي ب

أوصي طارق الغوراني ب

أوصي زياد الرحباني ب

أوصي فخامة الرئيس بشار الأسد

أوصي بالتبرع بكل مكتبتي الى

أوصي التبرع بكل ما املك الى

أوصي أن يصلى علي وأدفن في

أوصي من احب ب

اعترف بشئ لم افله من قبل وهو

بهالفقرة صاحبي اتعكست الادوار وصرت انت المحاور وانا الضيف بانتظار اسئلتك والمجال الك

هلا اجا دور موضوع حق الدفاع

بجيش وطني حقيقي و بدون اعتبارات حزبية طائفية طبعا" مستعد أخدم بل و مستعد أتطوع. بالجيش الفاسد الحالي الموجود أكيد الجواب هو لآز

هاد الكلام انت اللي قلته وبيبقى رايك وانا بحترمه بس
شو يعني اعتبارات حزبية
شو يعني اعتبارات طائفية
على اي اساس انت بتحكم على الجيش الحالي انه فاسد

الاسئلة الثلاثة هدول مو انا اللي عم بسالك ياهون عضو معنا طلب مني عدم ذكر اسمه طلب اني اسالك ياهون والك حق الدفاع

شآم ... وجع يغور فينا عميقاً ..
ولا يستكين ..
ولا يصرخ ...
شام ... سامحينا !!!
روحــــــــــــــي
ســـــــــــــــوريا

zen


يعني هو شعر,, لكن تشبيه الشام بالوجع ما أحبو.. شام العزة و الكرامة, شام العلم و الأدب

عندما تتأجج نار التحششيش .. تنأى الحشائش بالحشيش الحشحشش ..
وحشيشة التحشيش .. عمر أحشش ..
حش الحشائش في حشيش محشش ..
حشاش يا أخا الحشيش ..
حشش على تحشيش محششنا القديم ..
سوريا الله حاميا
krimbow

راح أحكي شغلة: لما كريم بدأ بالأخوية كنت مشرف على المنبر الحر.... كان معقدنا بكل الأقسام, كان مشاغب المنتدى لأنو كان شاطر ينكش مواضيع قديمة... بسرعة صرنا صحبة و لما اضطريت أترك المنبر اقترحت على حسام اسم كريم لاشراف المنبر (اقترحت كمان اسم عضو آخر بس هالعضو ما وافق لذلك ما راح اذكر اسمو)... و صار كريم مشرف


When you look at her Eyes .. & she's looking back in your's
you feel stronger & weaker at the same time..
the truth is.. you don't know what you feel

simon

كلام جميل و صاحب التوقيع عضو رائع فعلا...

دوّر على أغنية أسمها : when you tell me that you love me

إذا تعبت أضع رأسي على كتف قاسيون و أستريح و لكن إذا تعب قاسيون على كتف من يضع رأسه
chefadi

قاسيون جبل الآلهة تبعنا.... شوفة الشام بالليل من قاسيون على نفس أركيلة و كاسة شاي تسوى شارون ببردعتو



أنا أفكر ... إذا الفكر موجود
أنا أتألم .. إذا الحزن موجود
أنا أضحك .. إذا فالسعادة موجودة

أما (( أنا )) فهي حقيقة قائمة بذاتها بدون إثباتات , و لولاها لما كان كل من الفكر و السعادة و الحزن موجود ....

ما الحياة كلها هيك (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
sabe



لك سعيد!!! وين راح النسكافيه؟؟؟!!!

كلام حلو و صحيح...

أوصي والدي ب

أنو يبقى كما هو .... انو لا يتغير

أوصي أعز أصدقائي ب

أعز أصدقائي ما فيني أوصيه بشي, ما بدو توصاي ... بس أنو يسلملي على بيروت

أوصي طارق الغوراني ب

انو يجيب الشباب معو و يجي بسرعة... مشتاقيلهون

أوصي زياد الرحباني ب

زياد أوصيه أنو يدير بالو على أناملو , وأنو هالبيانو ما يبطل عزف و هالقلم ما يبطل كتابة

أوصي فخامة الرئيس بشار الأسد

أنو يفكر بالفرق بين الدولة و المزرعة الخاصة, انو يعرف أن القوة لا تصنع الحق, و أنو يخلي ببالو أنو الحديد و النار لا يكفي لخنق الحرية

أوصي بالتبرع بكل مكتبتي الى

أي حدا يقراها و يستمتع بيها

أوصي التبرع بكل ما املك الى

ما عندي هالأملاك الخيلة... هالكمبيوتر و السماعة و كم كتاب....كمان ليللي بيحتاجهون من أصحابي

أوصي أن يصلى علي وأدفن في

الشاة المذبوحة لا يؤلمها السلخ. أنا موصي و عامل وثيقة مشان في حال الوفاة يتم التبرع بكل الأعضاء الممكن التبرع فيها لآنقاذ حياة أحد, و الباقي لكلية الطب اللي عم ادرس فيها.... دفن مافي

أوصي من احب ب

مثل ما أوصي أبوي .... لا تتغيري وليك :lol:

اعترف بشئ لم افله من قبل وهو

و الله ما بعرف هلأ ما بيخطر على بالي شي!!

بهالفقرة صاحبي اتعكست الادوار وصرت انت المحاور وانا الضيف بانتظار اسئلتك والمجال الك

لما بعتتلي أول دعوة للبرنامج قلتلي أنو أنا عضو أستفزك أحيانا ... ليش؟؟؟

يعني هو شعر,, لكن تشبيه الشام بالوجع ما أحبو.. شام العزة و الكرامة, شام العلم و الأدب


وانا بوافقك فيها


راح أحكي شغلة: لما كريم بدأ بالأخوية كنت مشرف على المنبر الحر.... كان معقدنا بكل الأقسام, كان مشاغب المنتدى لأنو كان شاطر ينكش مواضيع قديمة... بسرعة صرنا صحبة و لما اضطريت أترك المنبر اقترحت على حسام اسم كريم لاشراف المنبر (اقترحت كمان اسم عضو آخر بس هالعضو ما وافق لذلك ما راح اذكر اسمو)... و صار كريم مشرف

مني تحية كنير كبيرة لكريم


كلام جميل و صاحب التوقيع عضو رائع فعلا...

دوّر على أغنية أسمها : when you tell me that you love me



قاسيون جبل الآلهة تبعنا.... شوفة الشام بالليل من قاسيون على نفس أركيلة و كاسة شاي تسوى شارون ببردعتو


ياس تعرف من كم يوم وقت قررت فل من البلد طلعت لقاسيون ومن الشام من فوق يا لطييييييييييييف ما احلى الشام بالليل
وعد اذا اجيت للشام بدي اعزمك على شاي بالليل قاسيون بس من دون اركيلة بلاه التحشيش هالكم يوم


لك سعيد!!! وين راح النسكافيه؟؟؟!!!

كلام حلو و صحيح...

ومني كمان تحية لسعيد على الجهد الي عم يبذله كرمالنا كلنا