رح ابدا معك بالصور كالعادة

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

بدون أطالة كتير....

هالفج هو متل يومنا...متل حياتنا...متل الدرب يللي ماشيين فيه....ما بتعرف شوفي ورا كل حجر...ولا بتعرف شو مخبأ...

ما بتعرف اذا بالنهاية في نور مضيء...ولا في وادي عميق....

وساذج يللي بيعتقد العكس.....

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

رمز....متلو متل غيرو من الرموز....

بشكل عام...أنا صرت أكره الرموز والشعارات...بكره الاختزال...والسبب كتبر بسيط...لما بيصير الرمز أهم من المرموز إليه...بيفقد الأخير جوهره...

من لما صار الصليب للمسيحية...صارت الناس تعلق الصليب ونسيت الجوهر يللي هو الايمان...

من لما صار تشي غيفارا رمز للثورة...صارت الناس توشم الوجه ذو اللحية, صاحب القبعة ذات النجمة الحمرا ونسيت الجوهر يللي هو الحرية...

والحمامة صارت رمز لسلام...سلام كاذب...ما ممكن يتحقق طالما في بشر ع هالارض...واليوم الوحيد يللي ممكن تطير فيه الحمامة بدون ما تُغتال هو يوم فناء البشر, يوم ماعاد في حدا يرفع بندقية ليقوسها....

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

متل الصورة السايقة....رمز لفكرة عقيمة...لفكرة كاذبة...وهي أنو العالم يتوحّد...

هالعالم ما ممكن يتوّحد الى لما تجمع الكل مصيبة وحدة....

أما المرموز اليه مادّيا فهي وسيلة أو سلاح بيد الاقوياء لكسر الضعفاء...متذرعين بمظلة واحدة هدفها حماية الشعوب الضعيفة....

يُفشل...يُفشل...يُفشل...

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

بتعنيلي أو بتذكرني بشغلتين....

- دعسة القوي والكبير هي يللي بتعلّم وبتبيّن....
- توقيع أمرأة من ورق.....

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

جملة كسيف ذو حدّين....بتخليني اتسائل....

ان كنت ضحية بيوم من الايام...هل هذا مبرر لأكون مجرم بس أكبر؟؟؟

بس بنفس الوقت بتحمل جواتها معنى كتير حلو....أحببني قبل ما تحكم علي...لما بتكون المحبة طريقك لتقاربني...ممكن تفهمني أكتر وتغفرلي كتير من أخطائي....

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

Bee Gees - Stayin' Alive



كلحن بدون الاستماع للكلمات....فهي أغنية راقصة..ممتعة...حلوة...بتخلق عندك رغبة أنك تستمع بالحياة أكثر...تمشي وترقص بالطريق..تحت المطر...تنسى همومك وتنسى ألمك ووجعك....

بس لما بتفكر بكلماتها شوي...بتقول...هالانسان شو مقاتل...رغم كل شي بيضل يحاول...يطلع من أساه..من وجعو..من ألمه...بس بالنهاية...ما بيقدر لأنو كل شي جواتنا حيضل يطلع بوقت من الاوقات ويذكرنا انو هو هون...

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
Saturday Night Fever 1977


أغنية لنفس الفرقة صاحبة الاغنية السابقة...بنفس الاسلوب ولنفس الفيلم....

نفس الروح ونفس الفكرة ونفس الدعوة.....

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
خوليو


هالانسان أنا بحترمو....يقال أنو بلشت حياتو كلاعب كرة قدم محترف باسبانيا...وع أثر تعرضو لحادث سيارة اذا ماني غلطان كانت السبب بكسور بالساقين...اضطر أنو يبقى ع كرسي متحرك لفترة...خلال هالفترة تعلم العزف ع الغيتار شوي...صار يكتب كم أغنية....ومع اصراره قدر انو يرجع يمشي من أول وجديد....وخلال فترة قصيرة بعدها صار رمز من رموز الغناء بالعالم....
بيقول هو عن نفسه أنو نايم مع أكتر من ألف أمرأة مختلفة...وما بيتذكرهن كلهن...:p

الاغنية بحد ذاتها بتذكرني بفترة معينة من حياتي...متلي متل كل الشباب والصبايا...مع فرق أنو هالاغنية بتذكرني ببنت كنت حبها من بعيد لبعيد وقت كان عمري 11 سنة...لحد هلق ما بعرف اسمها....

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
سلام -ميلاد فتولة


أول مرة بسمع ه الاغنية...وبسمع هالطفل...

ما بقدر كتير أعطي رأي كوني غير قادر ع فهم كلمات الاغنية...بيضل الغناء ملامسة بين الكلمة واللحن وتكامل بيناتهن.....
للوهلة الاولى...ممكن أُعجب بكون المغني طفل من أصل قد يكون عربي...عم يغني بلغة أجنبية ممكن تكون أيطالي....
برفع القبعة وبستنى كم سنة...لاسمعه مرة تانية...

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

أعطني الناي وغني - فيروز

فيروز....

صرت خاف اسمعها...صوتها صار يجرحني...يحرقني...صرت أتجنب اسمعها...

بيذكرني بحبيبة الروح...يللي ما بقدر أنساها كل العمر....

التواقيع....

احذرو يا فتيات إن الحبائل أحبكت, والشباك نُصبت, والفخاخ أُعدت
فجميل ان تستمعي لنداء قلبك لكن الاجمل,
ان تحكمي عقلك في خطوات حبك

أرسلان نداء غريب ودعوة غير مفهومة....

الحب شعور...والمشاعر تصدر من القلب...ولا مكان للعقل فيها....

أجمل ما في الحب هو حالة الجنون يللي بترافقه...فيض المشاعر يللي ما بيعترف لا بسدود العقل ولا بجدران المنطق...

" إذا ما دعاكم الحب فاتبعوه...
ولو كانت دروبه عالية تحفها الصعاب...
واذا ما لفكم بجناحيه..فأسلموا له...
ولو أدماكم في ريشه السيف الخفي...
إذا ما حدثكم صدقوه...
ولو عصف صوته بأحلامكم كالشمال تحيل الروض الى يباب"

إن المسافة بين النظرية والتطبيق

هي كالمسافة بين الحلم والحقيقة

تشيلي وجهة نظر....طبعا اذا كان تحليلي لوجهة نظر الكاتب صحيحة...فيما لو كان بيقصد استحالة التطبيق....

تاريخيا...كل النظريات الانسانية والاجتماعيى فشلت وقت وصلت لمرحلة التطبيق وقت كانت أدوات تطبيقها خاضعة بشكل أو بأخر لرغبات الانسان...وبالتالي انا موافق مع الشطر الاول من التوقيع...(في حال كان الكاتب يقصد انو المسافة شاسعة والتطبيق صعب)...
بس بالنسبة للنظريات العلمية...كل نظرية صحيحة نظريا فهي قابلة للتطبيق العملي...

أما المسافة بين الحلم والحقيقة فهي مسافة قابلة للتعديل بشكل واسع من اللانهاية الى الصفر...بمعنى أنو وقت بمتلك الادوات والاصرار فهالمسافة تتناهى الى الصفر ولما ما بمتلك اي من هالمقومات فهالمسافة تسعى الى اللانهاية وبيصير التطبيق مستحيل...



:shock:

انني احس على وجهي بألم كل صفعة توجه الى مظلوم في هذه الدنيا ، فأينما وجد الظلم فذاك هو وطني

MR.SAMO

بفضل أني فكر بالجملة فقط عن أني أقرن الجملة بقائلها.....
بخاف تصير صورة قائلها أهم من الجملة بحد ذاتها...

بصراحة...أول مرة قرأت هالجملة من زمان فكرتها للمسيح...بعدين عرفت انها لتشي غيفارا...
الجملة بحد ذاتها إنسانية رائعة....
بس السؤال الاهم بالنسبة الي؟؟؟
هل قدر قائلها انو يورث روحه الثورية لكل محبينه حقيقةً وفعلا ً ولا ورثهن بس صورته ودقنه ونظرات اعجاب البنات؟؟؟

بالحقيقة...بتمنى لو كان عندي الجرأة اني اتبنى هالجملة وهالفكرة...


ع هامش هالتعليق بحب قول لمستر سامو...اشتقنالك....

الانسان الجديد لا يقاس بكمية اللحوم التي يستطيع الحصول عليها ، ولا بنسبة ما يمكن ان يشتريه من وسائل ترف .
بل بما يمكن ان يتحمله من مسؤولية في بناء نفسه وبناء الاخرين وبناء المجتمع والثورة والوطن .

simba

لاء يا سيدي....مو صحيح

ببلدنا صارت قيمة الانسان كم كيلو لحمة بيقدر يشتري بالشهر...

كم مرة بيقدر يشتري تياب لولاده بالسنة...

كم مرة بيقدر يطالع ولاده سيران ع قاسيون لانو اجار السوزوكي غالي..

كم مرة بالسنة بيقدر يمر من قدام الخضرجي والبقال بيدون ما يخبي راسو منشان ما يقولو وين حساب الشهر الماضي...

كم مرة بيقدر يشعل الصوبيا بالنهار لانو صار حق تنكة المازوت شي مدري قديش...

كم مرة بيرتي بنطلونو وكم مسمار بيدق بصباطو قبل ما يقدر يشتري غيرهن...

هي هي قيمة الانسان الجديد...

اما الثورة...والمجتمع...والوطن فصارو *******

أسترجعي الأيام الماضية ..
كلمات لطيفة ... ولا هدف
يبدو أننا نلعب لعبة
ابتسامة بسيطة.. بدون مرح
موسيقى حلوة ..لكن ليست لأحد
حبيبتي لسنا بحاجة لذلك !!
نحن نرقص على الزجاج
كفى كفى...

المستحيل


لا تعليق.....أبداً

بهالفقرة اتعكست الادوار انت المحاور وانا ضيفك والك المجال لتسال اللي بدك ياه

في ثنائية الطب - المسرح....شو نقاط التقاطع ونقاط الاختلاف بين هالاتنين؟؟

الوصايا العشر

1- أوصي صديقي الذي يسكن معي ب

بما أنو حالياً قاعد مع رفيقي لفترة مؤقتة....بدي قلو أنو يبقى يوطي صوته بس يحكي وما يصيح.....ترى أنا تعودت ع الحكي بصوت واطي وصار الصوت العالي يوجعلي راسي....
لاء هلق جد...
الوصية لرفيقي...مو بالضرورة يللي ساكن معي...هو أنو ما يطعني بضهري متل ما كتار من رفقاتي طعننوني...يا عمي عاملوني متل ما انا عاملتكون...لو كنت غلطت وطعنتكون...قتلوني...بس لا تظلموني...

2- أوصي اخوتي ب

بوصي أخي الوحيد...أنو يصفعني يوم بغلط.....

3- اوصي حسام (الحكيم الغالي)

أنو يقوي حالو شوي بالعربي....بدو كم دورة إملاء....
غير هيك...مافيني وصيه...االشي الوحيد يللي ممكن فكر فيه هو أنو ما يتخلى عن أخوية بس عاد هو من زمان قال...أنو أخوية وجدت لتضل...بوجوده او بغيابه...

4- أوصي اساتذني في كلية الطب بدمشق

ما ينسو أنو العلم من حق الجميع...مانو تجارة ولا هو مزاد...من حقنا نتعلم...ومن واجبهم يعلمون صح...ويللي ما بيقدر يعطي...الله معه....

5- أوصي ان يتم التبرع بما املك الى

أملاكي المادية...الى جمعية أطباء العالم Médecins du monde
أملاكي المعنوية تُحرق اذا ما طلبها احد أفراد عائلتي...

6- اوصي ان اكفن ب

بفضل قول أوصى بأن أكفن مع...
- حفنة تراب من أرض ضيعتي بسوريا
- غصن زيتون من شجرات أرضنا
- منديل أمي
- خصلة شعر حبيبتي
- شمعة وكبريتة...لأني بخاف من العتم


7- اعترف بشئ لم اقله من قبل

بخاف من الوحدة...وبخاف من الصمت...وبعدني بصلب أيدي ع وجهي أخيانا مع أني مو مؤمن...
وما راح حب مرة تانية بعد اليوم....

8- اوصي الشعب الفلسطيني ب

مع أني ماني ثورجي...بس بدي قلهن أنو ما يوقفو...عملو يللي نحن ما عم نقدر نعملو...قولو لاء...

9- اوصي جميع اعضاء اخوية ب

أخواتي بأخوية....أخوية وطن...لانو ما عاد في وطن حقيقي يجمعنا...لا تعملو فيها متل ما صار بالوطن....

10- اوصي بمتابعة تنفيذ وصيتي

ما بعرف...

بفقرة حق الدفاع وهي الفقرة الاخيرة معي لليوم

رح اطلب منك تكمل رسالة اش لوزير الاتصالات السوري بشان حجب اخويةعزيزي طارق...وزير الاتصالات ينفذ ما أوعز عليه من جهات أعلى....وبالتالي رسالتي بدي وجهها لصاحب القرار او من يملك السلطة على صاحب القرار....



يا صاحب القرار....

ما هكذا تورد الابل....

ما هكذا تصنع الأوطان....

ما هكذا تصان الحريات...

أصنعوا وطن...لا تكسروه...ازرعوا جواتنا حب سوريا...الغيرة ع سوريا...استعدادنا لندفع دمنا وروحنا كرمال سوريا...

بيكفي يللي انسرق منّا...لا تقضوا ع بقية الحب الباقية جواتنا لبلدنا...



التوقيع...مواطن سوري..

يسلمو طارق لانك عطيتني الرغبة أني أرجع اكتب...رغبة فقدتها من زمان....

وان شاء الله ترجع هالرغبة مرة تانية ما ترجع تخمد...

تتمة برنامج وحوارات موفقة...

:akh:

عزيزي طارق...وزير الاتصالات ينفذ ما أوعز عليه من جهات أعلى....وبالتالي رسالتي بدي وجهها لصاحب القرار او من يملك السلطة على صاحب القرار....



يا صاحب القرار....

ما هكذا تورد الابل....

ما هكذا تصنع الأوطان....

ما هكذا تصان الحريات...

أصنعوا وطن...لا تكسروه...ازرعوا جواتنا حب سوريا...الغيرة ع سوريا...استعدادنا لندفع دمنا وروحنا كرمال سوريا...

بيكفي يللي انسرق منّا...لا تقضوا ع بقية الحب الباقية جواتنا لبلدنا...



التوقيع...مواطن سوري..

شدتني كل ردودك بما فيها هل رساله ..

وطريقة ردودك للوصايه العشره ..

لك تحياتي و حترامي ، لردودك ، يلي من منظوري ، كانت افضل بكتير من ردودي ...
وفعلا طريقة ردك بتعبر عن شخصيه كتير مميزه :D

بشكرك آش ع لطفك وذوقك....:akh:

بجد خجلتني....

في ثنائية الطب - المسرح....شو نقاط التقاطع ونقاط الاختلاف بين هالاتنين؟؟
كل وحدة منون تكمل الثانية
الطب العلم الانساني الرايق الممتع
والمسرح الفن الانساني الراقي

كلاهما فن يرتقي بك لحدود اخرى وعوالم اخرى

كل وحدة منون تكمل الثانية
الطب العلم الانساني الرايق الممتع
والمسرح الفن الانساني الراقي

كلاهما فن يرتقي بك لحدود اخرى وعوالم اخرى

مضطر أطلب منك توضح أكتر لايضاح اوجه التقاطع واوجه الاختلاف....ما ذكرته بردك السابق هو وجه التشابه بس ما اوضحتلنا كيف بيتقاطعو وبيكملو بعض متل ما ذكرتلي سابقا...

أسف ع الازعاج

صباح الخير

ضيفي اليوم الاكثر اثارة للجدل البعض اعتبره خائن وعميل والبعض اعتبره بكلامه حرية راي

بكل الاحوال هو منا وفينا صار واليوم رح نتعرف عليه بوجه جديد

فاوست نورت صمت الحواس اهلا وسهلا فيك

فاوست خبرني شوي
فهمت من ردودك الاخيرة انك تتقن اكثر من لغة برافو عليك وواضح انو ثقافتك عالية بس شو السبب انو ما بنشوفك الا بالسياسة ومن الطبيعي انو مو ممكن تكون حياتك من الصبح للمسا سياسة

فقرة انا ارى والصور الخمسة

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

صباح الخير

ضيفي اليوم الاكثر اثارة للجدل البعض اعتبره خائن وعميل والبعض اعتبره بكلامه حرية راي

بكل الاحوال هو منا وفينا صار واليوم رح نتعرف عليه بوجه جديد

فاوست نورت صمت الحواس اهلا وسهلا فيك

صباح الخير حبيبي اهلين فيك بس نقطة اعتبار البعض لي بأني خيان او عميل فبقلك هادا الشي عادي لأنو ممكن كنتلن نفس الشعور وأعتبرتن خونة للسلطة بس بكل الأحوال كله يندرج بإطار حرية الرأي


فاوست خبرني شوي
فهمت من ردودك الاخيرة انك تتقن اكثر من لغة برافو عليك وواضح انو ثقافتك عالية بس شو السبب انو ما بنشوفك الا بالسياسة ومن الطبيعي انو مو ممكن تكون حياتك من الصبح للمسا سياسة


في مقولة بتقول كل لسان إنسان انك تتعلم لغة اخرى بالنسبة لألي بيعنلي شي حلو بيعنلي أني أقدر اطلع على ثقافة الأخرين بالإضافة لأنو اللغة هي هواية لألي فيك تقول
أنا بتقن الأنكليزية وبحكي فرنسي وألماني لكن مو بشكل تام وحالياً عم اتعلم الأسبانية
أكيد حياتي مو كلها سياسي بالرغم انو غالبية مشاركتي بأخوية سياسية أنا بقرأ مسرح وروايات بطلع بسهر مع أضدقائي بنايت كلوب بسمع موسيقا وأجيد العزف على الساكسافون بالإضافة لدراستي يعني جزء صغير من وقتي بقضي بالسياسة وغالباً بقضيه باخوية أو مع بعض الأصدقاء

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

الصور كل وحدة منون تدل على شي قديه بيعنيلك هاد الشي

فقرة انا ارى والصور الخمسة

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

صورة لكاتب الوجبات السريعة كما يحب أن يقال عنه هو أنطوان تشيكوف من عظماء المسرحيين الروس بل العالميين كتبه مترجة للغات عديدة قرأت له بستان الكرز
أما بغض النظر عن صاحب الصورة فالصورة بتعنيلي شي حميمي بيظهر بين العلاقة بين الإنسان والكلب بتذكرني بمقولة"كلب صديق خير من صديق كلب"

رغم الفوبيا اللي عندي من الكلاب بس بقلك معك حق

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////




حنظلة ناجي العلي بالنسبة لي تعبر لي عن المواطن السوري حالياً
السوري الفقير الذي يرتدي الثياب المرقعة والمعاني من ظلم كبير إلا انه لايأبه حتى الأن بإعطائه ظهره لقامعيه
لكن رأس حنظلة في الصورة يعنيلي شيء أكثر وهو يدل على الشمس التي ستشرق على سوريا مهما طال الزمن




////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

الموسيقى لغة العالم هذه اللغة يفهمها كل العالم بالرغم من اختلاف لغاتهم شيء يعبر عن ما داخل الإنسان وينقل مشاعر صادقة أياً كانت. الموسيقا هي لغة الروح




////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


بتعنيلي أني لازم كون شجاع اكثر من هيك :lol::o

فقرة الموسيقا

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
افتح عيني/ هبة قواص

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

يا روح/ فرقة رم

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

عطونا الطفولة / ريمي البندلي

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
بآخر الشارع/ هدى حداد

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
حبر/فرقة حوار

خبرني عن كل مقطوعة من المقطوعات اللي سمعتون

فقرة انا افكر والتواقيع الخمس للاعضاء

كتب الله أن تكون دمشق بك يبدأ وينتهي التكوين
أهي مجنونة بشوقي إليها هذه الشام أم أنا المجنون

ash

جئت لا أعلم من أين ؟ ولكني أتيت
ولقد أبصرت أمامي طريقاً فمشيت
وسأبقى سائرا ان شئت هذا أو أبيت
كيف جئت؟ كيف أبصرت طريقي؟
لست أدري!!!!!!!!!

hashtnasht


أذا كان قتل مليون بريء يؤدي ألى قتل مذنب .. فهو شيء جيد ... و من الحسن تكراره من فتر ألى أخرة ..
الطرمبجي

..غنــــي قلــــــيلا يـــا عصـــافير فأنــي... كلمـــا فكــــرت في أمــــــر بكـــيت

عاشق من فلسطين

هناك عظة ما ..
في أن تترك المكان الذي كنت فيه ..
و أنت في كامل انتصارك ..
مع اللامبالاة بالمشاعر
هذا هو الفرق .. بين عامة الناس .. و الرجال الإستثنائيين ..
unitx

هلا اتعكست الادوار صرت انت المحاور وانا الضيف الك المجال لطرح الاسئلة اللي بدك

بعتذر على الأتخير رح جاوبك على السؤالين يلي بعد سؤال الأغاني لأنو الأغاني ماعم تشتغل معي حالياً وعم نزللها برنامج
كتب الله أن تكون دمشق بك يبدأ وينتهي التكوين
أهي مجنونة بشوقي إليها هذه الشام أم أنا المجنون


بيت قي قصيدة للشاعر الرائع ممن كان منفي بعيدا عن حبيبته دمشق ولم يتكمن من رؤيتها في الفترة الأخيرة إلى حين موته
بيت يصور تعلق الشعر بدمشق بل وتعلق كل سوري بدمشق فدمشق تبقى دمشق الياسمين رغم الشوك الكثير الذي يحاول خنق ياسمينها

جئت لا أعلم من أين ؟ ولكني أتيت
ولقد أبصرت أمامي طريقاً فمشيت
وسأبقى سائرا ان شئت هذا أو أبيت
كيف جئت؟ كيف أبصرت طريقي؟
لست أدري!!!!!!!!!

مقطع لمطلع قصيدة ايليا أوماضي بعنوان الطلاسم
يعني هادا المقطع رائع والقصيدة بحد ذاتها رائعة فهي فالشاعر يناقش فيها الوجود البشري وتساؤلات الأنسان عن وجوده من ناحيتي أحب القصائد التي تتحدث عن وجود الأنسان وعن تساؤلاته الكثيرة حول ماهية وجوده

أذا كان قتل مليون بريء يؤدي ألى قتل مذنب .. فهو شيء جيد ... و من الحسن تكراره من فتر ألى أخرة
كلام غير إنساني لايدل إلى على عقلية ستالينية مجرمة

..غنــــي قلــــــيلا يـــا عصـــافير فأنــي... كلمـــا فكــــرت في أمــــــر بكـــيت


أول شي بحب وجه تحية إلى صاحب التوقيع وهو في سجنه صديقي العزيز والحبيب والذي أشتاق إليه كثيراً في هذه الأوقات حسام ملحم فا أنا حين أسمه هذه الأغنية لمارسيل لا أتذكر إلا حسام وأنا من عندي رح كمل البيت
يس لي جار أناديه لكي نسهر في الليل ولا أهل وبيت أكلما بنت مساء نسجت ثوباً من الدمع اكتسيت


هناك عظة ما ..
في أن تترك المكان الذي كنت فيه ..
و أنت في كامل انتصارك ..
مع اللامبالاة بالمشاعر
هذا هو الفرق .. بين عامة الناس .. و الرجال الإستثنائيين
مافيني قلك غير أو القادر على فعل هيك شي هو شخص مضخ\حي وعظيم

هلا اتعكست الادوار صرت انت المحاور وانا الضيف الك المجال لطرح الاسئلة اللي بدك

خبرتنا عدة مرات أنك طالب مسرح أو انك مهتم كثير بالمسرح والسينما
سؤالي هو كيف يمكن لك ان تكون هكذا وأنت لا تعرف أبو شام(محمد الماغوط) ولا تعرف المخرج عمر أمير لاي
يعني هادا الشي شفتو انا في إحدى ردودك على العزيز yass

عذرا مشان الموسيقا بس للأسف ماعم تفتح معي

هلا يبالنسبة للموسيقى عتبك على حسام

بالنسبة لسؤالك ابو شام محمد الماغوط شخص عظيم فعلا بس صدقا ما بعرف غير اسم محمد الماغوط
يمكن مرق معي اسمه كابو شام بس حقيقي اكتر بتعامل مع اسم محمد الماغوط

هلا بالنسبة لعمر اميرلاي بالواقع متله متل كتير بالوسط السينمائي السوري غير معروفين وعتبك على اللي بيعرف النا س فيهون

يمكن انت وياس عرفتوهون كونكون باوربا بس صدقا اول مرة بعرفه

الوصايا العشر

اوصي اهلي ب

اوصي صديقتي المقربة ب

اوصي اساتذتي بالجامعة ب

اوصي الشعبين اللبناني والسوري ب

اوصي بالتبرع بكل ما املك الى

اوصي ياس ب

اوصي كل اعضاء اخوية ب

اوصي ان يصلى علي (وفق العقيدة الدينية) في

اوصي ان اكفن ب

اعترف بشئ لاول مرة اقوله وهو

بفقرة حق الدفاع ما رح اطلب منك طلبين الاول اكمال رسالة اش وthelight لوزير الاتصالات بشان حجب اخوية

اما الطلب الثاني فبدي منك تدافع عن موضوع تعديل قانون الاحوال الشخصية بشان الزواج المدني الا اذا كان لك وجهة نظر اخرى يمكنك طرحها

نورت صمت الحواس اهلا وسهلا فيك وعنجد عرفناك اليوم من جديد وخليتني فوت لاعماقك اكتر واكتر

بشكرك كتير فاوست

وبس حابب قبل ما اعطيك الكلمة قول للي اعطى هدر دمي بسبب حلقتك ولا قلك بلاها الحلقة رد منيح عليه

نورت

ضيفتي الجاية...................................... ......
مع حبي

[QUOTE]
الوصايا العشر

اوصي اهلي ب لاتدقلوا كل يوم 100 مرة

اوصي صديقتي المقربة ب أصبري على حريتنا فإن الشمس ستشرق قريبا



اوصي الشعبين اللبناني والسوري ب أنتم أقرب شعبين لبعضهما كونوا يد واحدة من أجل ديمقراطية وحرية سوريا وأستقلال لبنان فكلاهما مرتبطان ببعضهما البعض وكما قال الشهيد سمير قصير أستقلال لبنان وديمقراطية سوريا مرتبطان ببعضهما

اوصي بالتبرع بكل ما املك الى يعني هنن مو محرزين بس بوصي بكل ما أملك ل المعارضة السورية الشريفة



عضاء اخوية بعتذر إذا أنا كنت من تسبب بالحجب مع أنو الحق يقع على عاتق الحاجب بس بوصيكن أنو أطولوا بالكم أكيد رح ينفك الحجب

اوصي ان يصلى علي (وفق العقيدة الدينية) في عقيدة السطل المقدس

اوصي ان اكفن ب مابتفرق معي


اعترف بشئ لاول مرة اقوله وهو أنا بحب أخوية بكل من فيها معارضين ومؤيدين


سيادة الوزير عمرو سالم المحترم
أعرف بأنك لست المسؤول المباشر عن حجب موقع أخوية والمواقع الأخرى،
إن حجب أي موقع هو لا يدل إلى على ضعف حجتكم من جهة وعلى ضعف النظام السوري فكيف لنظام يحشد عنده الجيوش أن يخاف من موقع إلكتروني.
فبدل حجب الموقع كان بإمكانكم تغيير سياستكم التي طيلت بالنقد في موقع أخوية والمواقع الأخرى
أرجوا مع علمي بأنه لو ذهب إليكم كل الشعب السوري راجياً إزلة الحجب عن أخوية ستزيدوا في عنادكم وتبقوه محجوبا
لكني أرجوا علني أنجح بأن تفكوا الحجب عن الموقع

إن قانون الأحوال المدنية والمتعلق بالزواج هو قانون غير دستوري
المادة 25 من الدستور السوري تقول"ـ الحرية حق مقدس وتكفل الدولة للمواطنين حريتهمالشخصيةوتحافظ على كرامتهم وامنهم. "
"ـ المواطنون متساوون أمام القانون في الحقوق والواجبات
وبناء عليه إن الزواج هو عقد يتم بقبول ورضا الطرفيين دون أي شرط يتعلق بالعرق أو بالدين
لذا فإن قانون الأحوال المدنية الحالي يخالف الدستور بسبب عدم قدرة المسيحي على الزواج بالمسلمة لكن بنفس الوقت المسلم يستطيع الزواج بالمسيحية وهذا مخالفة واضحة للدستور قائم على التمييز بين المواطنيين على أساس دين فامواطنون متساوون أمام القانون في الحقوق والواجبات

من ناحية أحرى يجب إجترام حرية رأيجميع المواطنيين السوريين وفي سوريا هناك مواطنيين لادينيين لاعترفون بالمؤسسات الدينية فكيف يتم تزويجهم من قبل هذه المؤسسات
اذا يجب إقرار الزواج المدني في سوريا


هلا حبيبي وأنا أنبسط معك بس حابب أعرف مين يلي هدر دمك لتكون هيئة الأمر بالمعروف والنهي عن المنكر بأخوية

لا هي الهيئة هدرتو هدرتو
بس في واحد بيعرف حاله منيح

من جديد مسا الخير
ضيفتي الليلة صبية انو عصبوا الصبايا من الموسم الجديد لليوم 4 شباب ولا صبية

طيب

nirvana اهلا وسهلا فيكي نورتي صمت الحواس

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////