البحث عن الهوية [الأرشيـــــف]

phoenixbird

27/10/2007, 19:49

مرحبا

في سؤال شغلي بالي كتير الفترة الماضية ناقشت فيه اعضاء كتير بس ما اقتنعت

هو نحنا شو
سوريين ولا عرب
كتار اللي قالولي انو مش عرب بس ما اقتعنت

كل اللي درسناه بيقول انو نحنا عرب انو اللغة والتاريخ والعادات وحدة بيننا
بس قالوا كتير وكمان مش مقتنع

نحنا شو

وهويتنا شو

سوريين ولا عرب ؟

Syrian Gay

27/10/2007, 19:53

طبعاً سوريين ولسنا عرب ..

وبترك المعلومات الأصح والاوفر عن هلموضوع لغيري

:D

phoenixbird

27/10/2007, 20:05

شكرا رامي بس كنت حابب تعطيني رايك

COSTA

27/10/2007, 20:32

بغض النظر عن الراي لانو رح يكون فيه عواطف
وهون انت عم تبحث عن هوية ..... عن حقيقة .....
كنت متوقع الموضوع اكبر من هيك ...... بس مو مشكلة فيك تتابع فيه
هلأ من ناحية سوريين او عرب هون القصة شايكة شوي وفايتة ببعضها ولازمها سرد تاريخي
لما منقول سوريا هون انت بدي توضح شو بتقصد فيها يعني سوريا كدولة او كشعب موجود بسوريا الطبيعية ويللي هي فلسطين ولبنان والاردن وسوريا؟؟؟
يعني وضحلي شوي اكتر يللي بتقصدوا ؟؟

phoenixbird

27/10/2007, 20:37

بالتاكيد سوريا الطبيعية لانو المنطقة كانت منطقة واحدة جغرافيا وتاريخيا

وكمان برجع بقول اي عم دور على حقيقة
المضوع رح يكبر شوي شوي

phoenixbird

27/10/2007, 21:04

كوستا ما خلصت التفقد ؟
رح نام انا

COSTA

27/10/2007, 21:27

بالتاكيد سوريا الطبيعية لانو المنطقة كانت منطقة واحدة جغرافيا وتاريخيا

وكمان برجع بقول اي عم دور على حقيقة
المضوع رح يكبر شوي شوي
اي منيح لانو هون حطنا الجمال .....
وهلأ يا معلم سوريا الطبيعية منذ فجر التاريخ كانت مهد لحضارات كتيرة قامت عليها .....
وهي الحضارات تركت اثار كتيرة بتدل عليها .....وهي الحضارات صنعها بشر ومن عدة اعراق
هلأ مر على سوريا الطبيعية هالشعوب هي وهنن سومريين وكلدانيين وبابليين واشوريين واراميين وكريتيين واغريق وفلسطينيين ( ومنهم اجت تسمية فلسطين ) وكنعانيين وفراعنة ورومان وبيزنطيين وعرب واكراد ومغول وسلاجقة وصليبيين ومماليك وعثمانيين .... وكتير متلون .....
هلأ هدول ناس حكموا وشعوب عاشت منهم ..... بس لا ننسى كمان انو في شعوب تانية اجت وما انذكرت بالتاريخ الا بالقليل ومنهم الجنود المرتزقة يللي عاش منهم كتير وكمل حياتو فيها ... وتجار وعبيد من شتى بقاع العالم القديم .....
وهدول امتزجوا مع بعض وكل فترة زمنية كان يتكون عرق ما او يذوب عرق على حساب الاخر .....
بس بما انو الحرب العالمية الاولى غيرت تاريخ المنطقة وغيرت بجغرافيتها هون صار في شي اسمو بلاد عربية وكل بلد كان الو اسم حسب منطقتوا
متل الاردن اخذ اسموا من نهر الاردن وتاسس على شكل امارة في شرق نهر الاردن ولبنان على اسم جبل لبنان وفلسطين على اسم شعب هاجر من جيرة ببحر ايجة اسمها بالاستيا وسوريا على اسمها سيريان
وبدي اذكر شغلة هون عن اسم سوريا ونشاتو
اسم سوريا بالاصل اتى من اسيريا ( اشور ) واسم سيريان من اسيرين ( اشوريين ) وهاد الاسم اطلقو عليها اليونان القدماء بس السكان الاصليين كانو يعرفو عن حالهون باسم اراميين
هلأ هون بدها شرح شوي
الاشوريين هنن شعب مستقل تماما عن الاراميين بس بهداك الوقت ماكان في حدود مرسومة ومشان هيك اليونانيين ما فرقوا بين الاشوريين والاراميين لانو كان تعاملهون معون تجاري فقط

sim

27/10/2007, 21:32

انا براي لاتدور وتعب قلبك ع هويتك انت شو بتشوف حالك مو بني ادم هي الهوية تبعك من اي مصدر كانت المهم تكون انسانيتك هويتك
هدا كلام فلسفي مو بعرف بس هي اول مشاركة قلت بفوت بقوة ههههههههه
لا بجد سوري عربي انساني هيك لازم تكون

phoenixbird

27/10/2007, 21:45

طيب
بكتب التاريخ درسنا انو كل الحضارات هي كانت بجزيرة العرب ووقت الجفاف هاجرت للعراق والشام ومصر
بعدين ما عطيتني جواب واضح

phoenixbird

27/10/2007, 21:50

بعدين اللي بيهمني انو اللي سكنوا سوريا بالاساس من وين اجوا ؟

*Marwa*

27/10/2007, 21:52

طيب
بكتب التاريخ درسنا انو كل الحضارات هي كانت بجزيرة العرب ووقت الجفاف هاجرت للعراق والشام ومصر
بعدين ما عطيتني جواب واضح

هلأ انتا بدك تعتمد عالتاريخ بتعريف هويتك؟
انو متلا انا فلسطينية واول من سكن بلادي وعاش فيها هني العرب الكنعانيين هل اعتبر نفسي كنعانية؟ او اعتبر نفسي فلسطينية هاجرت من اليونان وجيت واحتليت عهالبلاد؟ طيب بلكي طلعت انا من بني اسرائيل؟
انو كيف بدي اعتمد على اي تاريخ تحديدا!!
منطقتنا مرت بكتير مراحل وبعدها بتمر! وصعب تعرف انتي من وين بالاساس وشو اصلك وفصلك (الا ما يسر الله)..لكن بشكل عام حسب رايي الانسان بحدد هويته (بغض النظر عن وين هو خلقان) يعني قد اكون انا فلسطينية من عرب ال 48 لكن قد تكون ميولي وافكاري فرعونية ..حدا الو عندي شي؟؟
بس ممكن اتفق معك على انو الحاضر بأثر على نسج هويتنا ..يعني عاداتنا تقاليدنا مجتمعنا لغتنا اكيد بتأثر على تعريفنا لنفسنا..وبالتالي بشكل او بآخر اي نعم انا عربية :) والاهم اني انسانة!

تحياتي موضوعك حلو :D

*Marwa*

27/10/2007, 21:55

بعدين اللي بيهمني انو اللي سكنوا سوريا بالاساس من وين اجوا ؟
احكيلك بشكل خاص عن فلسطين..اول من سكن فيها هني العرب الكنعاينيين واللي اجوا من جزيرة العرب!
اما الفلسطينيين فا هني اجوا من اليونان وتحديدا من جزيرة كريت وقت لما كان في مجاعة هناك..اجوا عا وقت مملكة اسرائيل ..ولاجل الحق فا هني احتلوا البلاد من العبرانيين..ويقال انو تسمييتهم فلسطينين يعود الى الكلمة العبرية פולש (polesh) واللي معناها يغزو.. نظرا لانهم كانوا غزاة اشداء جدا..

yass

27/10/2007, 21:56

شوفلي هذا الموضوع عن القومية العربية

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

و ضمن الموضوع بأحد الردود حطيت بزماناتي رابط لموضوع ثاني مشابه. كمان بدعوك تشوفه

سلامات

phoenixbird

27/10/2007, 22:16

شكرا ياس اطلعت عليه

ASH

27/10/2007, 22:21

نحنى ســــورين و لسنى عرب

معلش اخي لنرجع شوي بالتاريخ اذا بدهم يحكو عن التاريخ سوريا هيه ساميه ، أراميه ، سريانيه ، فينيقيه و و و و و و بس مو عرب ...
و بالعصر الحاظر سوريا الوحيده يلي حامله القضيه العربيه و نحنى الوحيدين يلي بنكتب جنسيتنا عربي سوري ، وليش ماحدا بالوطن العربي حاسس فينا لا و يلي بيزيد الطين بله ، انو كتير بيكرهونا ليش بس هيك لانا سورين طبعا المحبين اكتر من يلي بيكرهو بس عم احكي بشكل عام ...

انا بالنسبه الي و بالرجوع للجزور انا سوري ، وانا بحكي للكل انا سوري وبس ، هي كلمة الوطن العربي و هل قصص كلها كلها مصطلحات خترعوها مشان يحملونا هم فوق همنا ، انا متنازل عنها ....

لهيك يا كنان برأي نحنى بس سورين و نحنى سوريا الكبرى ، ولح نظل هيك ، اصلن يا صاحبي من قدم التاريخ معروف سوريا ، فلسطين ، بلاد الرافدين ، و بلاد النيل ...
فوين العربيه بالموضوع !!!

phoenixbird

27/10/2007, 22:26

يا اش قلنا بلا عواطف ونحكي بالعقل نحنا شو
سوريين او عرب

Barleb

27/10/2007, 22:54

نحنا مُحتلين من قبل العرب .. اللي أصلون شبه الجزيرة العربية .. نحنا سوريين ... و اللي بيقلك غير هيك حط أصبعتك بعينو .

MadMax

27/10/2007, 22:55

نحنا سوريين ...... عم نحكي عربي حالياً
يمكن بكرا نحكي شي تاني ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

و الشي الحلو هالايام .... أنو بلّشنا ( كدولة ) نطلع من الاطار العربي يللي حطينا حالنا فيه من أكتر من 40سنة
( يمكن مجبورين هلأ بس المهم ....بلّشنا )

ASH

27/10/2007, 22:59

يا اش قلنا بلا عواطف ونحكي بالعقل نحنا شو
سوريين او عرب

نحنى سورين حبي هي بدون عواطف ، نحنى سوريا الكبرى ، وليس سوريا العربيه العظمى

جذورنا معروف من وين و اصولنا معروفه شو ، معناها بكل المعاني مو عربيه

*Marwa*

27/10/2007, 23:11

محتّلين من قبل العرب :shock:
اي امشوا نعمل حرب عالعرب :yahoo::adal:

:?؟؟

phoenixbird

28/10/2007, 11:26

نحنا مُحتلين من قبل العرب .. اللي أصلون شبه الجزيرة العربية .. نحنا سوريين ... و اللي بيقلك غير هيك حط أصبعتك بعينو .

وضحلي لشوف كيف يعني محتلين ومين كان هون قبل الاحتلال ؟وشو اصلون اللي كانوا هون

نحنا سوريين ...... عم نحكي عربي حالياً
يمكن بكرا نحكي شي تاني ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

كمان ابو السمر سوريين ليش ؟ انو شو جذورنا ؟

و الشي الحلو هالايام .... أنو بلّشنا ( كدولة ) نطلع من الاطار العربي يللي حطينا حالنا فيه من أكتر من 40سنة
( يمكن مجبورين هلأ بس المهم ....بلّشنا )
كيف يعني بلشنا نطلع من الاطار ؟

نحنى سورين حبي هي بدون عواطف ، نحنى سوريا الكبرى ، وليس سوريا العربيه العظمى

جذورنا معروف من وين و اصولنا معروفه شو ، معناها بكل المعاني مو عربيه

طيب هات نورني وقللي شو جذورنا

MadMax

28/10/2007, 12:06

كيف يعني بلشنا نطلع من الاطار ؟

يعني ...
بطّلنا قاتلين حالنا لرفع لواء العروبة
مثلاً ..... المؤتمر الأخير يللي عم تدعي عليه أمريكا ..... رفضنا نروح عليه .... اذا ما اندرجت قضية الجولان على جدول الاعمال .....بينما قبل ..... كان يكفي وجود اي قضية عربية لنشارك
و عندك كمان تحسين علاقتنا مع دول المنطقة الغير عربية كبديل عن علاقاتنا ( السيئة ) مع الدول العربية
( مع أنو يمكن مجبورين هلأ بس المهم انها تحسنت )

و في أمثلة كتيرة كمان أنو اتجاه البلد عم يتغير

phoenixbird

28/10/2007, 12:14

اي بس انا هلا ما عم بحكي عن سوريا كموقف عم بحكي سوريا شو؟
سوريا السورية ام العربية ؟

phoenixbird

28/10/2007, 12:42

هلا اقتنعت انو في حضارات كبيرة سكنت هون متل ما قللي كوستا من كنعانيين واشوريين وفينيقيين
وقريت قبل شوي بكتاب اكتر عن الموضوع بس
هدول الحضارات من وين اجوا ؟ مش من جزيرة العرب
بعدين صح انحمت سوريا من السلوقيين والرومان لحتى اجى الفتح الاسلامي
بس
بهي الفترة من كان ساكنها

وعم بحكي قوميات مو اديان

بعدين اتفقنا انو صار في تمازج بين الناس بس اليوم معقول نعمل لل20 مليون سوري شجرة عيلة لنفرزون

بلاك سامر وكوستا وبارليب ناطر ردكون

MadMax

28/10/2007, 12:44

اي بس انا هلا ما عم بحكي عن سوريا كموقف عم بحكي سوريا شو؟
سوريا السورية ام العربية ؟
و أنا قلتلك أنو سوريا ..... هي سورية
بس بسبب الفكر القومي العربي يللي حكم سوريا من فترة طويلة ...... أخدونا بالاتجاه العربي
حتى انو كان اعتزازك بوطنك سوريا ...... يعتبر نوع من التعصب .... و ببعض الأماكن كان ممكن تتحاسب على هيك شعور ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

بس هلأ القومية العربية بلّشت تنحسر بسوريا .... و عم يتجلى هالشي على أرض لواقع

phoenixbird

28/10/2007, 12:47

اي هي بوافقك فيها عمي لانو بلحظات انو كل العالم بيحتفي ببلده بتعصب حاد

COSTA

28/10/2007, 13:03

هلا اقتنعت انو في حضارات كبيرة سكنت هون متل ما قللي كوستا من كنعانيين واشوريين وفينيقيين
وقريت قبل شوي بكتاب اكتر عن الموضوع بس
هدول الحضارات من وين اجوا ؟ مش من جزيرة العرب
بعدين صح انحمت سوريا من السلوقيين والرومان لحتى اجى الفتح الاسلامي
بس
بهي الفترة من كان ساكنها

وعم بحكي قوميات مو اديان

بعدين اتفقنا انو صار في تمازج بين الناس بس اليوم معقول نعمل لل20 مليون سوري شجرة عيلة لنفرزون

بلاك سامر وكوستا وبارليب ناطر ردكون
هلأ منطقة سوريا الطبيعية مر عليها اكتر من اربعين احتلال ..... او فينا نقول غزوات او صراعات بين دول ....
وهي اكتر منطقة بالعالم صارت فيها تمازج حضاري وثقافي وعرقي ....
هلأ متل ما متفيق علماء التاريخ انو التاريخ يبدأ من سومر واكاد .... وطبعا لما ببلش التاريخ بكون بلش يتسطر .. يعني اختراع الكتابة ....
بس هون في نقطة مهمة انو هودل الناس قبل ما يخترعوا الكتابة شو كان ؟؟؟
وهون الرد على سؤالك ....
قريت مرة انو قبل السومريين كان في ناس هاجروا من القوقاز ونزلو سكنوا المنطقة الممتدة بين دجلة ولواء اسكندرون ...... هي المنطقة يللي بسموها سوريا الداخلية .....
وكمان في ناس اجوا من شمال الهند .... تقريبا منطقة افغانستان وباكستان وهديك المنطقة ....
وفي ناس اجوا كمان من منطقة شمال اليونان وهي ماسادونيا
وكلون هدول تركو اثارون وطبعا كانت عبارة عن وسائل زراعية بدائية
وكمان من فترة قريبة كتير قريت انو اكتشفوا جمجمة انسان تعود الى خمسمية الف سنة .....
يعني الانسان موجود بالمنطقة هي من زمان .......

MadMax

28/10/2007, 13:03

هلا اقتنعت انو في حضارات كبيرة سكنت هون متل ما قللي كوستا من كنعانيين واشوريين وفينيقيين
وقريت قبل شوي بكتاب اكتر عن الموضوع بس
هدول الحضارات من وين اجوا ؟ مش من جزيرة العرب
بعدين صح انحمت سوريا من السلوقيين والرومان لحتى اجى الفتح الاسلامي
بس
بهي الفترة من كان ساكنها

وعم بحكي قوميات مو اديان

بعدين اتفقنا انو صار في تمازج بين الناس بس اليوم معقول نعمل لل20 مليون سوري شجرة عيلة لنفرزون

بلاك سامر وكوستا وبارليب ناطر ردكون

أنا مو كتير بحس أنو التاريخ هو الفاصل بهالشي ...
يعني الولايات المتحدة .... يمكن بتضم آلاف الأصول ...... بس قدروا يعملوا قومية خاصة فيهون
يعني برأيي يللي بيصنع القومية السورية هو الانسان السوري قبل كل شي
يعني اذا شايف أنو الشعب السوري بيتميز ( سلباً أو ايجاباً ) عن باقي الشعوب العربية ... معناها ...هو غير باقي الشعوب العربية

عالهامش .... معقول تحس حالك من نفس القومية انت و الاريتيري .....؟؟ حتى انو البعض ما بيعرف انها عربية ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

phoenixbird

28/10/2007, 13:24

هلأ منطقة سوريا الطبيعية مر عليها اكتر من اربعين احتلال ..... او فينا نقول غزوات او صراعات بين دول ....
وهي اكتر منطقة بالعالم صارت فيها تمازج حضاري وثقافي وعرقي ....
هلأ متل ما متفيق علماء التاريخ انو التاريخ يبدأ من سومر واكاد .... وطبعا لما ببلش التاريخ بكون بلش يتسطر .. يعني اختراع الكتابة ....
بس هون في نقطة مهمة انو هودل الناس قبل ما يخترعوا الكتابة شو كان ؟؟؟
وهون الرد على سؤالك ....
قريت مرة انو قبل السومريين كان في ناس هاجروا من القوقاز ونزلو سكنوا المنطقة الممتدة بين دجلة ولواء اسكندرون ...... هي المنطقة يللي بسموها سوريا الداخلية .....
وكمان في ناس اجوا من شمال الهند .... تقريبا منطقة افغانستان وباكستان وهديك المنطقة ....
وفي ناس اجوا كمان من منطقة شمال اليونان وهي ماسادونيا
وكلون هدول تركو اثارون وطبعا كانت عبارة عن وسائل زراعية بدائية
وكمان من فترة قريبة كتير قريت انو اكتشفوا جمجمة انسان تعود الى خمسمية الف سنة .....
يعني الانسان موجود بالمنطقة هي من زمان .......

اي مظبوط الانسان موجود من زمان هون وفي كهوف بيبرود بتاكد هالشي
بهالحالة ما بقى فينا نقول انو محصورين بحضارة وحدة وصار في تمازج بين اكتر من شعب
عالهامش صرنا امم متحدة

يبقى كل هالشعوب وقت اجت لعنا وقعدت بسوريا كونت شي اسمه الهوية السورية

طيب هلا رح انتقل لفترة تانية لاحقة واللي هي فترة العصر الاسلامي هون طغا الطابع العربي اكتر
وصار في تمازج جديد اضافة للفتوحات الاسلامية

فنقدر نقول انو من هون صار عنا الهوية العربية؟

ASH

28/10/2007, 13:27

هلا اقتنعت انو في حضارات كبيرة سكنت هون متل ما قللي كوستا من كنعانيين واشوريين وفينيقيين
وقريت قبل شوي بكتاب اكتر عن الموضوع بس
هدول الحضارات من وين اجوا ؟ مش من جزيرة العرب
بعدين صح انحمت سوريا من السلوقيين والرومان لحتى اجى الفتح الاسلامي
بس
بهي الفترة من كان ساكنها

وعم بحكي قوميات مو اديان

بعدين اتفقنا انو صار في تمازج بين الناس بس اليوم معقول نعمل لل20 مليون سوري شجرة عيلة لنفرزون

بلاك سامر وكوستا وبارليب ناطر ردكون
في تحيز :?
انا اول من زكرة بالموضوع عن وجود الحضارة هي

بعدين وين اسمي تحت بالاخير :frown:

مالح جاوبك خلص يوسليس كيس :frown:

phoenixbird

28/10/2007, 13:31

الي عودة من جديد للموضوع بس منيح قربت اقتنع

phoenixbird

28/10/2007, 18:18

اي واخيرا اقتنعت نص الموضوع بس السؤال هلا وقت الفتح الاسلامي وما بعده شو اللي صار
وشو الهوية هلا ؟
وعلى اي اساس

ناطر جوابكون

ASH

28/10/2007, 19:07

اي واخيرا اقتنعت نص الموضوع بس السؤال هلا وقت الفتح الاسلامي وما بعده شو اللي صار
وشو الهوية هلا ؟
وعلى اي اساس

ناطر جوابكون

شو دخل هي بهي يا حبي

الاسلام اجا كدين مو غير الجزور يعني ما غير الدم يلي فينا ، يعني نحنى كفينقيني او كنعانين او سومرين او العرق السامي و يلي كلها كانت متواجده بسوريا وغيرها ، ما تأثر بهل شي الفتح جاء و غير عقيده بس ما غير ناس ، اكيد في اختلاط صار بين عرب و بينا ، بس مع هيك مو بكل الأماكن ، هلا لنشوف اخي في قبائل اصلهم قبائل سوريه من الاساس بس بتلاقي في الهم افاخذ او فروع بالخليج ، بس كلهم بيحكولك اصلنا من سوريا ، هاد بياكد معناها انو سوريا كمنطقه جغرافيه موجود عندها التنظيم القبلي قبل الفتح الاسلامي

الفيلسوفة

29/10/2007, 23:14

هو سؤال واحد طالما سورية مانا عربية لكان كيف بتحكوا عربي ..:?

phoenixbird

30/10/2007, 12:25

اللغة مو رابط
هلا بالبرازيل بيحكوا برتغالي يعني هني برتغاليين ؟

MadMax

30/10/2007, 12:37

اللغة مو رابط
هلا بالبرازيل بيحكوا برتغالي يعني هني برتغاليين ؟
اي
و جارتنا بتحكي لبناني .......... مع أنو بحياتا ما زارت لبنان ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

phoenixbird

30/10/2007, 13:04

انت من الصبح محشش ؟

لا بس فعليا اللغة ما بتضل ثابتة وكل اللغات ببتغير وتجيها مصطلحات جديدة

هلا باللغة العربية او خليني كون ادق باللهجة السورية في كتير كلمات اصلا ارامي وسرياني وحتى يوناني

وحتى اسماء المناطق تلت رباعا اصلا قديم

وبمناطق تانية بسوريا الناس بتحكي بكلمات اقرب للتركي او للهجة العراقية او الفلسطينية

إم العز

30/10/2007, 13:11

يعني بصراحة بعرفش شو الحكمة من وراء هالجدال ...
كل إنسان بينولد بأشياء لا إرادية متل اللغة والقومية والوطن والدين ...
انتوا انولدتوا بتحكوا عربي ... وانولدتوا عايشين بسوريا البلد العربــي ...
معناتو ليش بتقولوا عن حالكم سوريين مش عرب ؟
يعني بعرفش ... شو العيب فيها كلمة عرب ... يعني كانكم بتطحنوا بميه ...
وبتحموا بشي مفروغ منه .. وحكيكم صار يجيب وجع الراس
قال انا سوري ولا عربي ... ؟؟؟ هاد سؤال بينسأل ؟

phoenixbird

30/10/2007, 13:20

يعني بصراحة بعرفش شو الحكمة من وراء هالجدال ...
كل إنسان بينولد بأشياء لا إرادية متل اللغة والقومية والوطن والدين ...
انتوا انولدتوا بتحكوا عربي ... وانولدتوا عايشين بسوريا البلد العربــي ...
معناتو ليش بتقولوا عن حالكم سوريين مش عرب ؟
يعني بعرفش ... شو العيب فيها كلمة عرب ... يعني كانكم بتطحنوا بميه ...
وبتحموا بشي مفروغ منه .. وحكيكم صار يجيب وجع الراس
قال انا سوري ولا عربي ... ؟؟؟ هاد سؤال بينسأل ؟

وهاد اسوا شي انك تورثي الشي وراثة وانتي مو عارفة ليش طب بلكي انا بدي اعرف ليش

انو اوكي ولدت وانا سوري عربي طيب ليش عربي وليش سوري ؟ لانو خلقت هون؟ بس ؟

كلمة عرب ما فيها عيب بنوب

بس بعض ناس خلوها ببعض محلات عيب

*Marwa*

30/10/2007, 13:51

وهاد اسوا شي انك تورثي الشي وراثة وانتي مو عارفة ليش طب بلكي انا بدي اعرف ليش

انو اوكي ولدت وانا سوري عربي طيب ليش عربي وليش سوري ؟ لانو خلقت هون؟ بس ؟

كلمة عرب ما فيها عيب بنوب

بس بعض ناس خلوها ببعض محلات عيب

اه ومش كان من الافضل بدل ما نتخلى عن العروبة هو انو نتبناها اكتر ونغير النظرة السائدة الها؟

إم العز

30/10/2007, 14:40

اصلا ... العالم كلو مقسم بناءا على ما ولدوا عليه ..
يعني انو اليهودي بينبسط كتير انو انولد يهودي وبيدفع دمو ... لحتى يرفع من قيمة هالشي ...
وانتو سوريين عرب وبتقولوا .. لاء sorry احنا مش عرب .. احنا سوريين ..
وكإنو سوريا ... تلت ترباعها فرنسيين والباقي من سويسرا ..
اصحوا ..

phoenixbird

30/10/2007, 20:43

اصلا ... العالم كلو مقسم بناءا على ما ولدوا عليه ..
يعني انو اليهودي بينبسط كتير انو انولد يهودي وبيدفع دمو ... لحتى يرفع من قيمة هالشي ...
وانتو سوريين عرب وبتقولوا .. لاء sorry احنا مش عرب .. احنا سوريين ..
وكإنو سوريا ... تلت ترباعها فرنسيين والباقي من سويسرا ..
اصحوا ..

شو دخل اليهود عم نحكي قوميات مو اديان

لا يا ستي مو تلت رباعها فرنسيين والربع سويسري

تلت رباعها سوريين والربع سوري

صاحيين

MohdAnas

30/10/2007, 21:22

هلأ شوف يا صديقي ............. بناءاً على تقسيم سايكس بيكو .......... اللي بيعطينا حدود سوريا الحالية .......... أنا برأي من الظلم ان نطلق لفظ العربية على سوريا ( الجمهورية العربية السورية )........... لأنه بأبسط مثال : شمال سوريا الشرقي هو كردي بغالبيته ....... وليس عربي ......... مشان هيك فينا نقول أن كل مواطن عربي من سوريا هو سوري ولكن ليس كل مواطن سوري هو عربي .

:D

phoenixbird

30/10/2007, 21:31

aهلأ شوف يا صديقي ............. بناءاً على تقسيم سايكس بيكو .......... اللي بيعطينا حدود سوريا الحالية .......... أنا برأي من الظلم ان نطلق لفظ العربية على سوريا ( الجمهورية العربية السورية )........... لأنه بأبسط مثال : شمال سوريا الشرقي هو كردي بغالبيته ....... وليس عربي ......... مشان هيك فينا نقول أن كل مواطن عربي من سوريا هو سوري ولكن ليس كل مواطن سوري هو عربي .

:D

شو دخل سايكس بيكو

وحدود سوريا ما رسمها سايكس بيكون

انرسمت بالدرجة الاولى بسان ريمو ومن بعدو بفصل الجنرال غورو لبنان وبعدين لواء اسكندرون

إم العز

30/10/2007, 21:50

شو دخل اليهود عم نحكي قوميات مو اديان

مين قلك انو اليهودية ما بيعتبروها قومية ..
والدرزية بيعتبروها قومية ...
حسب كل فرد ..

تلت رباعها سوريين والربع سوري

وهدول شو بحكوا سنسكريتي؟وللا عربي ..
عم بحكي ألأغلب انا

phoenixbird

30/10/2007, 21:57

[quote=إم العز;802871]مين قلك انو اليهودية ما بيعتبروها قومية ..
والدرزية بيعتبروها قومية ...
حسب كل فرد ..

لا عيني الدين والطائفة مو قومية وهاد شي معروف

*Marwa*

30/10/2007, 22:03

صحيح الدين والطائفة مش قومية..بس بالفعل كلام ام العز مزبوط..نحنا عايشين بين يهود ومنعرف كيف بفكروا..لك ممكن تلاقي انسان ملحد ويعّرف نفسو انو يهودي ملحد..نوعا ما هني بعتبروا اليهودية شعب وقومية اكتر من دين وطائفة ..لانو اصلا مش كتير بهتموا للدين!!

phoenixbird

30/10/2007, 22:09

اي بس هي حالة لا تعمم
مافيني قول القومية الاسلامية والمسيحية والدرزية

طلعنا برا السيرة

إم العز

30/10/2007, 22:16

لا عيني الدين والطائفة مو قومية وهاد شي معروف

انا شو خصني اذا معلوماتك محدودة بهالموضوع
بإمكانك اعتبار الدين قومية
الدروز بيعتبرو انو الدرزية هي قومية ...

phoenixbird

30/10/2007, 22:22

لا عيني معلوماتي مو محدودة ورح احسم الموضوع
الدين والطائفة مش قومية

وحاج طلعنا برا الموضوع