شكرا على الموضوع و بالنسبة لي النقاط التي تستخلص من الموضوع:
- دمشق كانت مدينة على احتكاك دائم بالحضارة و انها كانت متأثرة بالحضارة الغربية( الهيلينية)

-نظرا للموقع الجغرافي لدمشق فقد كانت في اغلب الاوقات تحت السيطرة الاجنبية

- تواجد العرب في سوريا منذ القرن الثالث ميلادي و اندماجهم مع العنصر الارامي صاحب الارض

- وجود طائفتين مسيحيتين في الشام و هما الخلقدونية و اليعقوبية هذه الاخيرة انقلبت بسهولة للاسلام

-العرب المسلمون كانوا اقلية

الملاحظات او التساؤلات:

- هل وجدت في وقت ما مملكة آرامية مستقلة بشكل تام عن اي تاثير اجنبي؟؟

- كيف كانت علاقة الاراميين بالعرب قبل ظهور الاسلام, و كيف عاش الاراميون تحت حكم الانباط و الغساسنة؟؟

- هل يمكن الان و بعد مرور 18 القرن على تخالط و التصاهر الذي صار بين العرب و الاراميين القول بتواجد عنصر ارامي خالص او عربي خالص؟؟؟ خصوصا بعد قراءة ردود بعض الاعضاء و التي تنادي بخروج الاحتلال العربي و ان السوري لا علاقة له بالعرب؟؟

- اذا كان العرب المسلمون اقلية يعني بضعة اللاف مقابل 3 ملايين مسيحي فكيف خضع المسيحيون الشاميون و هم اكثرية لمسلمين اقلية؟؟؟ وكيف ينتشر لسان الاقلية وتسير اللغة الاكثر استعمالا امام لغة الاكثرية الارامية او السريانية؟؟ هل تقبل العنصر الدمشقي للتواجد العربي بشكل سلمي مما يبرر قبولهم لقيام دولة اسلامية على ارضهم؟؟ ام كانت هناك ابادة جماعية للمسيحيين على يد القادمين الجدد ؟؟؟

- ما هو الدور الذي لعبه المسيحيون اليعقوبيون في تسهيل التواجد الاسلامي؟؟

شكرا على الموضوع و بالنسبة لي النقاط التي تستخلص من الموضوع:
- دمشق كانت مدينة على احتكاك دائم بالحضارة و انها كانت متأثرة بالحضارة الغربية( الهيلينية)

صح

-نظرا للموقع الجغرافي لدمشق فقد كانت في اغلب الاوقات تحت السيطرة الاجنبية

صح

- تواجد العرب في سوريا منذ القرن الثالث ميلادي و اندماجهم مع العنصر الارامي صاحب الارض

صح

- وجود طائفتين مسيحيتين في الشام و هما الخلقدونية و اليعقوبية هذه الاخيرة انقلبت بسهولة للاسلام

وجود طائفتين صح بس انو اليعاقبة انقلبوا بسهولة فهذا غير دقيق, لإنو ضل لفترة من الزمن في كنيسة لليعاقبة, ولكن فينا نقول إنو هاد الشي سهل دخول بعض القبائل العربية المسيحية ( اليعقوبية ) الموجودة في سوريا الى الدين الاسلامي, وطبعا انا فصلت هي النقطة وبالاسماء بالموضوع.

-العرب المسلمون كانوا اقلية

في القرون الأولى للهجرة

الملاحظات او التساؤلات:

- هل وجدت في وقت ما مملكة آرامية مستقلة بشكل تام عن اي تاثير اجنبي؟؟

هلأ في فرق بين الاستقلال الثقافي والاستقلال السياسي اذا صح القول , بالنسبة للاستقلال الاثقافي ما في دولة بالتاريخ القديم او الحديث ما تأثرت أو أثرت , اما الاستقلال السياسي فكانت المملكة الآرامية بفترات مستقلة وبفترات أخرى لأ ( وبتذكر شغلة انو على طول كانو الآراميين على صراع مع العبرانيين على حسب العهد القديم الكتاب المقدس وبالتالي هون كان في شي اسمو مملكة )

- كيف كانت علاقة الاراميين بالعرب قبل ظهور الاسلام, و كيف عاش الاراميون تحت حكم الانباط و الغساسنة؟؟

في عنا هون نفوذ , يعني الأنباط لوين امتد نفوذهم لما حكموا والغساسنة نفس الشي ولكن المعروف انو الغساسنة كانو في جنوب سوريا والأنباط في صحراء سوريا, " يعني بعيدا عن دمشق "

- هل يمكن الان و بعد مرور 18 القرن على تخالط و التصاهر الذي صار بين العرب و الاراميين القول بتواجد عنصر ارامي خالص او عربي خالص؟؟؟ خصوصا بعد قراءة ردود بعض الاعضاء و التي تنادي بخروج الاحتلال العربي و ان السوري لا علاقة له بالعرب؟؟

لا يوجد عرق آرامي خالص أو عربي خالص هاد مؤكد

- اذا كان العرب المسلمون اقلية يعني بضعة اللاف مقابل 3 ملايين مسيحي فكيف خضع المسيحيون الشاميون و هم اكثرية لمسلمين اقلية؟؟؟

متل ما صار وقت خضع المسلمون الأكثرية للفرنجة المحتلين وللتتار المحتلين ..!!!!

وكيف ينتشر لسان الاقلية وتسير اللغة الاكثر استعمالا امام لغة الاكثرية الارامية او السريانية؟؟

بالنسبة للسان في شغلة كتير مهمة إنو اللغة الآرامية قريبة جداً من العربية واللي شاف فيلم المسيح تبع ( ميل غيبسون ) بيلاحظ هالشي, ونتيجة هالتشابه الكبير ما كان كتير صعب على السكان المحليين اللي مختلطين بالعرب ( وهون برد قلك اقرا الموضوع من الأول ) انوا ياخود لسانهون عليه هي اذا ما افترضنا انو كانوا بيعرفوا 3 لغات ( الآرامية - اليونانية - العربية ) وإلا كيف صار تعريب الدولة والدوواين على زمان عبد الملك ؟؟؟

هل تقبل العنصر الدمشقي للتواجد العربي بشكل سلمي مما يبرر قبولهم لقيام دولة اسلامية على ارضهم؟؟

يعني لو انت كنت محلهون الرومان هربوا والقادمين الجدد من الجزيرة العربية على الأبواب وفي حروب طائفية واستياء عام من الرومان وحربهون مع الفرس وجعل بلاد الشام خط الدفاع الأول ... وغيرها من الأسباب شو بتساوي؟؟؟

ام كانت هناك ابادة جماعية للمسيحيين على يد القادمين الجدد ؟؟؟

كان في خلفاء متطرفين وصارت ابادات جماعية, والتاريخ مانو مخبي حالو , ولكن هاد الحكي غير قابل للتعميم.


- ما هو الدور الذي لعبه المسيحيون اليعقوبيون في تسهيل التواجد الاسلامي؟؟

لعبوا دور كتير مهم : خلاف مذهبي طائفي مع الرومان, تقارب عرقي فكري مع العرب (باعتبار معظم اليعاقبة كانوا عرب )

وشكرا كتير على هالنقاش الواعي وبتمنى اذا في فكرة مو واضحة بوضحلك ياها بس المهم ما وصل خطأ.
:D

حذفت الردود الخارجة عن الموضوع
واي حديث جانبي من خارج الموضوع سيتم مخالفة صاحبه ....

وبدي نوه على شغلة الى مطلعي التاريخ ومتابعيه ...
التاريخ مافيو شي مشرف ... او بيرفع الراس ...
كلو مؤامرات وخطط وحروب وويلات واحتلال وقتل وتدمير حضارة على حساب حضارة اخرى ...
يعني التاريخ اسود .....
بس الاطلاع على التاريخ حلو كتير لانو منو منتعلم نصلح اخطاء الماضي .....
ومننظر كيف نبني المستقبل ... وليس صراع مين يغلب التاني ....
شكرا لتفهمكون:D


ورح رد على المشاركات لانو في بعض الشغلات بدها تصحيح

تسجيل متابعة.. :D

حذفت الردود الخارجة عن الموضوع
واي حديث جانبي من خارج الموضوع سيتم مخالفة صاحبه ....

وبدي نوه على شغلة الى مطلعي التاريخ ومتابعيه ...
التاريخ مافيو شي مشرف ... او بيرفع الراس ...
كلو مؤامرات وخطط وحروب وويلات واحتلال وقتل وتدمير حضارة على حساب حضارة اخرى ...
يعني التاريخ اسود .....
بس الاطلاع على التاريخ حلو كتير لانو منو منتعلم نصلح اخطاء الماضي .....
ومننظر كيف نبني المستقبل ... وليس صراع مين يغلب التاني ....
شكرا لتفهمكون:D


ورح رد على المشاركات لانو في بعض الشغلات بدها تصحيح

شكرا على الاهتمام ..

لما عم نقول انو التاريخ ما في شي مشرف فنحنا عم نظلم التاريخ..

صحيح كان في حروب ودمار ومؤامرات وقتل وتدمير ولهلأ هالشي موجود

بس كمان كان في شي اسمو سلام تخلله نهضة فكرية وعلمية وأخلاقية

يعني لولا حمورابي ماكان في شي اسمو تشريع وقوانين

ولولا موسى ماكان في شي اسمو الله

ولولا المسيح ماكان في شي اسمو محبة

ولولا محمد ما كان في شي اسمو مكارم الأخلاق

وتحياتي لكل المشرفين :D

تسجيل متابعة.. :D

100 :D بالجنس اللطيف ..

وجود طائفتين صح بس انو اليعاقبة انقلبوا بسهولة فهذا غير دقيق, لإنو ضل لفترة من الزمن في كنيسة لليعاقبة, ولكن فينا نقول إنو هاد الشي سهل دخول بعض القبائل العربية المسيحية ( اليعقوبية ) الموجودة في سوريا الى الدين الاسلامي, وطبعا انا فصلت هي النقطة وبالاسماء بالموضوع.

يعني سؤال خارج الموضوع لو سمحت هل لا يزال هناك مسيحيين يعقوبيين ؟؟



الملاحظات او التساؤلات:


في عنا هون نفوذ , يعني الأنباط لوين امتد نفوذهم لما حكموا والغساسنة نفس الشي ولكن المعروف انو الغساسنة كانو في جنوب سوريا والأنباط في صحراء سوريا, " يعني بعيدا عن دمشق "
شكرا للتوضيح

لا يوجد عرق آرامي خالص أو عربي خالص هاد مؤكد

كلام جميل

متل ما صار وقت خضع المسلمون الأكثرية للفرنجة المحتلين وللتتار المحتلين ..!!!!

لكن لو لاحظت يا اخي ان الفرنجة و التاتار ذهبوا ادراج الرياح هم و ثقافتهم يعني ان تواجدهم لم يدم طويلا و ربما لم تكن فترة تواجدهم تنعم باستقرار و هدوء بل مليئة بالحروب كانت لهم الغلبة في الاول لكن انهزموا في الاخير . عكس التواجد العربي بالشام و الذي من وجهة نظري يتمتع بخصوصية تتجلى في الاندماج و الانصهار و ليس مننطق المستعمر و الخاضع.

بالنسبة للسان في شغلة كتير مهمة إنو اللغة الآرامية قريبة جداً من العربية واللي شاف فيلم المسيح تبع ( ميل غيبسون ) بيلاحظ هالشي, ونتيجة هالتشابه الكبير ما كان كتير صعب على السكان المحليين اللي مختلطين بالعرب ( وهون برد قلك اقرا الموضوع من الأول ) انوا ياخود لسانهون عليه هي اذا ما افترضنا انو كانوا بيعرفوا 3 لغات ( الآرامية - اليونانية - العربية ) وإلا كيف صار تعريب الدولة والدوواين على زمان عبد الملك ؟؟؟

قرات يا اخي الموضوع كاملا من الاول حتى اخر رد. سؤالي كان عن سبب انتشار العربية بين السكان الاصليين و ليس انتشار الارامية بين القادمين الجدد.


يعني لو انت كنت محلهون الرومان هربوا والقادمين الجدد من الجزيرة العربية على الأبواب وفي حروب طائفية واستياء عام من الرومان وحربهون مع الفرس وجعل بلاد الشام خط الدفاع الأول ... وغيرها من الأسباب شو بتساوي؟؟؟

يعني من كلامك ان دخول العرب لم يكن بالكارثية التي يصورها البعض.



كان في خلفاء متطرفين وصارت ابادات جماعية, والتاريخ مانو مخبي حالو , ولكن هاد الحكي غير قابل للتعميم.

بحس اني ثقلت عليك لكن نظرا لاهتمامك بالتاريخ الدمشقي هل كانت حالة التعايش هي السائدة ام حالة الصدام


- ما هو الدور الذي لعبه المسيحيون اليعقوبيون في تسهيل التواجد الاسلامي؟؟

لعبوا دور كتير مهم : خلاف مذهبي طائفي مع الرومان, تقارب عرقي فكري مع العرب (باعتبار معظم اليعاقبة كانوا عرب )
كاستناج شخصي و ارجو تصحيحه هل يمكن القول ان عندما يقول المسلمين انهم دخلوا الشام لرفع الظلم عن المسيحيين يقصدون بذلك اليعاقبة

وشكرا كتير على هالنقاش الواعي وبتمنى اذا في فكرة مو واضحة بوضحلك ياها بس المهم ما وصل خطأ.
:D

يعني لا املك الا شكرك على الموضوع و كم المعلومات الذي قدمته:D

لا يوجد ولا حاضرة او مدينة ؟؟؟؟؟؟؟

هل هذا جهل ؟؟؟؟ الا تعرف اليمن وحضاراتها وفي عهد الاسلام متل مدينة حضرموت او نجران والحجاز ( مكة والطائف )

اذهب الى جنوب الرياض في وادي الدواسر ستجد بقايا مملكة كندة

وتقول سبب الغزوات السيطرة والمال

واضح ان الحروب تقوم لاجل المال والسيطرة

وما سبب الحروب الصليبية بقيادة ( البابا) اليس من اجل المال واطلقو عليها حملة الفقراء هي حملة سبقت الحملة الصليبية العسكرية الاولى و عرفت أيضا بإسم حملة الشعب أو حملة الأقنان
هاد الرد كلو من خارج الموضوع ....
وعم تطالب من المشرف يعطيك الحرية
خليك ملتزم بالموضوع يللي هو عن مدينة دمشق

اول شي شكرا على المشاركة..

اما بالنسبة لمعنى كلمة دمشق فاللي بعرفو على الشكل التالي:

ورد ذكر مدينة دمشق في مكتشفات تل العمارنة باسم ( تماسكو , تامشق , تاماشقو , دومشقا , دمشقا ) و تم ذكرها أيضا في كتابات البابليين . و أطلق عيها الآشوريين اسم ( شا , ايميري , شو ) و عرفت من قبل الكلدانيين و الآراميين باسم الشام .
و في عهد مملكة دمشق الآرامية ( ديماشقي ) و قيل بأنها" تمشق , اتامشقو " و أطلقوا عليها اسم درمسوق أو درمسق , و قيل أنها مشتقة من ادم أي الأرض و سمق أي الأحمر باللغة السريانية أو من دم شق أي شرب الدم و يعني هنا دم هابيل لأن الأرض شربت دم هابيل عندما قتل على يد أخوه قابيل .
لقبت دمشق من قبل الرومان بعين الشرق كله و سماها العرب ( دمشق , جلّق, الفيحاء , جيرون ) و من تسمياتها أيضا ارم ذات العماد , مدينة اليعازر و حاضرة الروم , حصن الشام , فسطاط المسلمين , باب الكعبة , بيت رامون , العذراء .
و يرى الباحثون الغربيون أن كلمة دمشق ترجع إلى الأصول الكلدانية أو السريانية القديمة و حجتهم في ذلك أن هذه الكلمة وردت بالهيروغليفية في آثار تل العمارنة ( تماسكو , دمشقا ) و معناها الأرض الزاهرة أو الحديقة الغّناء و من هذا اللفظ أخذ اليونانيين كلمة داماسكوس و عنهم نقل الفرنج هذا الاسم .


شكراً على التوضيح الجميل

يعني لا املك الا شكرك على الموضوع و كم المعلومات الذي قدمته:D


يعني سؤال خارج الموضوع لو سمحت هل لا يزال هناك مسيحيين يعقوبيين ؟؟

لا يوجد مسيحيين يعاقبة الآن.


قرات يا اخي الموضوع كاملا من الاول حتى اخر رد. سؤالي كان عن سبب انتشار العربية بين السكان الاصليين و ليس انتشار الارامية بين القادمين الجدد.


هون برجع بأكدلك: العنصر العربي ( لغة - عادات ) مانو غريب عن المنطقة, وطالما انو الحاكم عرب الدولة فالشعب شو باستطاعتو يعمل ؟؟


يعني من كلامك ان دخول العرب لم يكن بالكارثية التي يصورها البعض.

انا قلت بآخر الموضوع انو كان ( أرحم الاحتلالات ).

بحس اني ثقلت عليك لكن نظرا لاهتمامك بالتاريخ الدمشقي هل كانت حالة التعايش هي السائدة ام حالة الصدام

بشكل عام كانت حالة التعايش بس كمان كان في فترات مرت فيها صدامات وممارسات معروفة بحق المسيحيين.

كاستناج شخصي و ارجو تصحيحه هل يمكن القول ان عندما يقول المسلمين انهم دخلوا الشام لرفع الظلم عن المسيحيين يقصدون بذلك اليعاقبة

هلأ ما بعرف انو هاد السبب اللي خلا المسلمين يدخلوا الشام ؟؟!! ولكن اليعاقبة أخدوا مكانة كبيرة بهداك الوقت
وحرية أكبر والتاريخ بيذكر انو الطوائف الاخرى ( الخلقيدونيين ) كانوا يبقوا سنين بدون رئيس الهون ( بطريرك ) وهادا طبعا بسبب سياسة الخلفاء في التضييق على هي الطوائف لإنها على مذهب الدولة العدو ( بيزنطة ).

وتحياتي الك..:D

شكراً على التوضيح الجميل

حبيبنا مارون ..

لا يوجد مسيحيين يعاقبة الآن.



تصحيح بسيط لو خارج الموضوع ....
اليعاقبة موجودين وبكثرة وداخل وخارج سوريا ايضا وهم بمصر موجودين بكثرة .....
حتى انه ما يزال قسم لا باس به بالهند وعندهم رئيس روحي يدعى المفريان
واسم يعاقبة اتى من يعقوب البردعي ( من البردعة )
:D

شكراً على الموضوع الاكثر من رائع اخ جورج. في تتمة بسيطة و هو انه اغلبية المسيحيين العرب اليعاقبة اذا لم يكن جميعهم اسلمو او دخلو الاسلام بسهولة و ذلك لاتفاقهم مع الاسلام على الطابع الانساني للمسيح و ا حد اسباب دخولهم للاسلام هو ايضاً الحقد الذي كانوا يكنوه للخلقيدونيين اي الذين يؤمنون بالطابع الالهي للمسيح كما فسرت اخي. اي انه بمعنى اخر هناك من يقول و انا أييده ان نجاح الاحتلال الاسلامي للمنطقة كان سببه المباشر هو المسيحيين اليعاقبة للأسف الشديد.

بس شغلة اخيرة اخي الكريم انا اعلم انه اسم دمشق هو ارامي و يقرأ دم شق و على ما أظن تعني نهر الدم او شيء من هذا القبيل فأرجو التوضيح اذا كان لديك علم.
الله حيو الاراميين اللي افتخر انهم اصلي :clap::gem:
تعقيبا على الكلام وللحقيقة التاريخية ....
بجيش المسلمين الذي يدعي بعض الؤرخون انه كان قوامه 30 الف مقاتل ... مقابل 120 الف مقاتل بيزنطي ...
في الليلة التي سبقت المعكرة انسحب اليعاقبة من الجيش البيزنطي ... وكانو حوالي 40 الف وانضمو الى الجيش المسلمين بحجة الانتقام فقط من بيزنطة ..... وهناك مقولة عن احد وجهاء المسلمين ( نسيت اسمو ) مالكم ومال هؤلاء اليونانيين ونحن ابناء جلدتكم ...... فانضموا اليهم اليعاقبة بحجة انهم ابناء عموم العرب روحيا وليس عربيا ....
اما عن اسم دمشق .. فهو يوناني الاصل ( damascus) فالبعض يقول انه اتى من اسم قماش الدامسكو ( لكن العكس صحيح ) والبعض الاخر يقول انو اتى من اسم احد ابناء الجبابرة الذين سكنو على الجبال ( كاسيون وهرمون وليبنون)
وسارجع لمصدر للتاكد منه

تعقيبا على الكلام وللحقيقة التاريخية ....
بجيش المسلمين الذي يدعي بعض الؤرخون انه كان قوامه 30 الف مقاتل ... مقابل 120 الف مقاتل بيزنطي ...
في الليلة التي سبقت المعكرة انسحب اليعاقبة من الجيش البيزنطي ... وكانو حوالي 40 الف وانضمو الى الجيش المسلمين بحجة الانتقام فقط من بيزنطة ..... وهناك مقولة عن احد وجهاء المسلمين ( نسيت اسمو ) مالكم ومال هؤلاء اليونانيين ونحن ابناء جلدتكم ...... فانضموا اليهم اليعاقبة بحجة انهم ابناء عموم العرب روحيا وليس عربيا ....
اما عن اسم دمشق .. فهو يوناني الاصل ( damascus) فالبعض يقول انه اتى من اسم قماش الدامسكو ( لكن العكس صحيح ) والبعض الاخر يقول انو اتى من اسم احد ابناء الجبابرة الذين سكنو على الجبال ( كاسيون وهرمون وليبنون)
وسارجع لمصدر للتاكد منه

مشكور اخ كوستا عـ التوضيح بس شغلة الاسم انا قاريها انه اصلها ارامي متل ما كتب اخ جورج يعني الاسم اخي ينسب او عادتاً هو من سكان البلد الاصليين و بهذه الحالة هم الاراميين اما الاسم اليوناني فصحيح كلامك يونانياً اما دمشقياً او ارامياً فهو دمشق بمعنى اخر الاسمين هم صحيحين لانه كل اسم هو بلغة.
اما بخصوص اليعاقبة فللاسف انه صحيح كلامك لانهم تاريخهم للاسف اسود اتجاه الخلقيدونيين و انا هنا لا ابرأ الخلقيدونيين مع اني خلقيدوني لكن اذا قرأت تاريخ ما فعلوه بعض اليعاقبة ستجده اسود, و هم فعلاً اولاد عمومة المسلمين روحياً بل انا اذهب لابعد من ذلك و اقل لك انهم اخوة (بالتبني بس )

مشكور اخ كوستا عـ التوضيح بس شغلة الاسم انا قاريها انه اصلها ارامي متل ما كتب اخ جورج يعني الاسم اخي ينسب او عادتاً هو من سكان البلد الاصليين و بهذه الحالة هم الاراميين اما الاسم اليوناني فصحيح كلامك يونانياً اما دمشقياً او ارامياً فهو دمشق بمعنى اخر الاسمين هم صحيحين لانه كل اسم هو بلغة.
اما بخصوص اليعاقبة فللاسف انه صحيح كلامك لانهم تاريخهم للاسف اسود اتجاه الخلقيدونيين و انا هنا لا ابرأ الخلقيدونيين مع اني خلقيدوني لكن اذا قرأت تاريخ ما فعلوه بعض اليعاقبة ستجده اسود, و هم فعلاً اولاد عمومة المسلمين روحياً بل انا اذهب لابعد من ذلك و اقل لك انهم اخوة (بالتبني بس )
رح نوضح شغلة بالنسبة للخلقيدونيين مشان الاعضاء يعرفوا شو معنى هاد المصطلح
هاد المصطلح اطلق بعد المجمع المكسوني الرابع في مدينة خلقيدونية ومن نتائجوا انو خرج المونوفيزيت ( اصحاب الطبيعة الواحدة ) من المجمع غير موافقين على قراراته .. بينما خرج البيزنطيين موقعين عليه ( بعد ان هزمو في مجمع افسس اللصوصي )
وهنا يقال لاصحاب الطبيعة الواحدة اللا خلقيدونيين ..... ( المونوفيزيت)
بينما لا يوجد مصطلح خلقيدونيين بل هم البيزنطيين اليونان الاورثوذكس
هلأ مشان تكون واضحة الصورة اكتر بدها موضوع وبدها مخمخة كبيرة عليه ... وعندي مرجع كبير بهذا الشان ... لكن لضيق الوقت ما عم اقدر اكتب عن الصراع يللي صار .....
اما عم العلاقة بين المسلمين واليعاقبة فهي بدها كتير من الحيادية ومع الاسف في كتير من الناس صعب تتقبلها الحقيقة .. بس البداية نشات من عند النساطرة ومعلهم نسطوريوس وقبله اوطيخا ....
وهاد الشي يللي بيجمع بيناتون .....
:D

هون برجع بأكدلك: العنصر العربي ( لغة - عادات ) مانو غريب عن المنطقة, وطالما انو الحاكم عرب الدولة فالشعب شو باستطاعتو يعمل ؟؟
فهمت و جهة نظرك يعني تقارب اللغات و العادات بالاضافة الى الحكم ساهم في انتشار العربية.

انا قلت بآخر الموضوع انو كان ( أرحم الاحتلالات ).
يعني حسب كلامك التواجد العربي كان احتلالا لكن الاحتلال لا يقبل و ان كان رحيما, السؤال الذي يطرح نفسه كيف انتهى هذا الاحتلال؟؟

هلأ ما بعرف انو هاد السبب اللي خلا المسلمين يدخلوا الشام ؟؟!! ولكن اليعاقبة أخدوا مكانة كبيرة بهداك الوقت
وحرية أكبر والتاريخ بيذكر انو الطوائف الاخرى ( الخلقيدونيين ) كانوا يبقوا سنين بدون رئيس الهون ( بطريرك ) وهادا طبعا بسبب سياسة الخلفاء في التضييق على هي الطوائف لإنها على مذهب الدولة العدو ( بيزنطة ).
تسلم على الشرح:D

تصحيح بسيط لو خارج الموضوع ....
اليعاقبة موجودين وبكثرة وداخل وخارج سوريا ايضا وهم بمصر موجودين بكثرة .....
حتى انه ما يزال قسم لا باس به بالهند وعندهم رئيس روحي يدعى المفريان
واسم يعاقبة اتى من يعقوب البردعي ( من البردعة )
:D

وهل يتواجدون بسوريا؟؟

تعقيبا على الكلام وللحقيقة التاريخية ....
بجيش المسلمين الذي يدعي بعض الؤرخون انه كان قوامه 30 الف مقاتل ... مقابل 120 الف مقاتل بيزنطي ...
في الليلة التي سبقت المعكرة انسحب اليعاقبة من الجيش البيزنطي ... وكانو حوالي 40 الف وانضمو الى الجيش المسلمين بحجة الانتقام فقط من بيزنطة ..... وهناك مقولة عن احد وجهاء المسلمين ( نسيت اسمو ) مالكم ومال هؤلاء اليونانيين ونحن ابناء جلدتكم ...... فانضموا اليهم اليعاقبة بحجة انهم ابناء عموم العرب روحيا وليس عربيا ....

يعني لو توضح معنى ابناء عمومة روحيا و ليس عربيا اكون شاكرا

اما عم العلاقة بين المسلمين واليعاقبة فهي بدها كتير من الحيادية ومع الاسف في كتير من الناس صعب تتقبلها الحقيقة .. بس البداية نشات من عند النساطرة ومعلهم نسطوريوس وقبله اوطيخا ....
وهاد الشي يللي بيجمع بيناتون .....
:D

مين النساطرة ؟؟ و ماهو الشيء الذي جمعهم بالمسلمين؟؟

وهل يتواجدون بسوريا؟؟
اي موجودين وبكثرة كمان وبالاخص بمنطقتين وهنن حمص وضواحيها ...
وايضا في منطقة الجزيرة
يعني لو توضح معنى ابناء عمومة روحيا و ليس عربيا اكون شاكرا
سبق وشرحت بالرد السابق عن اليعاقبة
هلأ لنتوسع اكتر شوي
اليعاقبة هي صفة اجت من اسم راهب اسمو يعقوب البردعي والو تنسب كلمة يعاقبة وهي صفة للذين على المذهب المونوفيزيتي ......
وبنفس الوقت في عدة عروق امنت بهاد المذهب وليس بالضرورة ان يكون العرب وحدهم .....
ومنهم السريان ومنهم الاقباط في مصر وبعض الارمن ايضا
هلأ مشان كلمة روحيا هون بدنا نفوت بتفاصيل عقيدة .... وهي شوي مافينا نشرحها لانو طويلة كتير بس ببساطة
اليعاقبة وما ينسب اليهم هذه الصفة هم الذين يؤمنون بطبيعة واحدة بالمسيح وليس بطبيعتين
والطبيعة هي الانسانية او البشرية ....
والمسلمين العرب كانو يؤمنون بالمسيح على انه بشر ....
وهون اجتمعوا على هي النقطة ... وهي المقصود فيها روحيا ....
اذا ما وضحت الفكرة خبرني حتى وضحها اكتر ....
:D

مين النساطرة ؟؟ و ماهو الشيء الذي جمعهم بالمسلمين؟؟
النساطرة هنن من اتباع نسطوريوس وهو بطريرك القسطنطينية ...
وهو من ابتدع هرطقة الطبيعة الواحدة بحسب اليونانيين
وبعد طرده من القسطنطينية مع اتباعه تفرقوا وهرب بعض منهم الى الجزيرة العربية وهناك اسسوا ما يسمى بالمذهب النسطوري ....
ويذكر التاريخ ان ورقة بن نوفل وهو احد اقارب خديجة زوجة محمد كان رجل دين مسيحي على المذهب النسطوري
وهم من يطلق عليهم اهل الكتاب ......
ملاحظة
الهرطقة لاتعني عدم الايمان بل المقصود بها الخروج عن الطريق القويم او السراط المستقيم

اي موجودين وبكثرة كمان وبالاخص بمنطقتين وهنن حمص وضواحيها ...
وايضا في منطقة الجزيرة

سبق وشرحت بالرد السابق عن اليعاقبة
هلأ لنتوسع اكتر شوي
اليعاقبة هي صفة اجت من اسم راهب اسمو يعقوب البردعي والو تنسب كلمة يعاقبة وهي صفة للذين على المذهب المونوفيزيتي ......
وبنفس الوقت في عدة عروق امنت بهاد المذهب وليس بالضرورة ان يكون العرب وحدهم .....
ومنهم السريان ومنهم الاقباط في مصر وبعض الارمن ايضا
هلأ مشان كلمة روحيا هون بدنا نفوت بتفاصيل عقيدة .... وهي شوي مافينا نشرحها لانو طويلة كتير بس ببساطة
اليعاقبة وما ينسب اليهم هذه الصفة هم الذين يؤمنون بطبيعة واحدة بالمسيح وليس بطبيعتين
والطبيعة هي الانسانية او البشرية ....
والمسلمين العرب كانو يؤمنون بالمسيح على انه بشر ....
وهون اجتمعوا على هي النقطة ... وهي المقصود فيها روحيا ....
اذا ما وضحت الفكرة خبرني حتى وضحها اكتر ....
:D
يعني التقارب العقائدي بين المسيحيين اليعاقبة و المسلمين سهل قيام حلف فيما بينهم

شكرا جزيلا على الشرح :D

يا مشرف شكرا عالمشاركات
بس ما عم تضيف شي ولا عم تصحح شي سوا انو عم تتشعب بإشيا مالها علاقة بالموضوع نهائياً وعم ترجع تعيد اشياء سبق وحكيناها وناقشناها

اليعاقبة كمذهب غير موجودين على الاطلاق وانت اختلطت الامور عليك رح نوضح :

قديماً: كان هناك رأيين في العالم المسيحي السوري :
الرأي الأول يقول بالطبيعة الواحدة للمسيح, تسمياته: المونوفيزية - اليعقوبية, تبنى هذا الرأي مجموعة من الأقوام التي كانت موجودة ابرزهم السريان - العرب.

الرأي الثاني: يقول بالطبيعتين للمسيح, تسمياته : الخلقيدونيين - الروم - البيزنطيين , تبنى هذا الرأي مجموعة من الأقوام التي كانت موجودة.

بعد فترة من الزمن تراجع جميع من تبع الرأي الأول ( الطبيعة الواحدة بالمسيح ) وتبع تعاليم مجمع خلقيدونية ( الطبيعتين في المسيح ).

يعني حاليا لا يوجد أحد يتبع الرأي الأول واللي عم تذكرهم حضرتك اللي موجودين بسوريا او الهند هم السريان الأرثوذكس, وهم يتبعون تعاليم مجمع خلقيدونية.

وتحياتي لجهودك..

يعني التقارب العقائدي بين المسيحيين اليعاقبة و المسلمين سهل قيام حلف فيما بينهم

شكرا جزيلا على الشرح :D
صح هاد يللي صار بالمختصر
يا مشرف شكرا عالمشاركات
بس ما عم تضيف شي ولا عم تصحح شي سوا انو عم تتشعب بإشيا مالها علاقة بالموضوع نهائياً وعم ترجع تعيد اشياء سبق وحكيناها وناقشناها

اليعاقبة كمذهب غير موجودين على الاطلاق وانت اختلطت الامور عليك رح نوضح :

قديماً: كان هناك رأيين في العالم المسيحي السوري :
الرأي الأول يقول بالطبيعة الواحدة للمسيح, تسمياته: المونوفيزية - اليعقوبية, تبنى هذا الرأي مجموعة من الأقوام التي كانت موجودة ابرزهم السريان - العرب.

الرأي الثاني: يقول بالطبيعتين للمسيح, تسمياته : الخلقيدونيين - الروم - البيزنطيين , تبنى هذا الرأي مجموعة من الأقوام التي كانت موجودة.

بعد فترة من الزمن تراجع جميع من تبع الرأي الأول ( الطبيعة الواحدة بالمسيح ) وتبع تعاليم مجمع خلقيدونية ( الطبيعتين في المسيح ).

يعني حاليا لا يوجد أحد يتبع الرأي الأول واللي عم تذكرهم حضرتك اللي موجودين بسوريا او الهند هم السريان الأرثوذكس, وهم يتبعون تعاليم مجمع خلقيدونية.

وتحياتي لجهودك..
حبيبنا
مشان التشعب ما كان قصدي فيه بس في شغلات وجب الشرح عنها مشان يكون في خلفية عن المطلع على الموضوع
وقلتلك مشان دمشق بالذات امهلني لبكرا حتى ارجع للمصدر عندي ....
وشكرا لوجودكن معنا ومشاركاتكون

النساطرة هنن من اتباع نسطوريوس وهو بطريرك القسطنطينية ...
وهو من ابتدع هرطقة الطبيعة الواحدة بحسب اليونانيين
وبعد طرده من القسطنطينية مع اتباعه تفرقوا وهرب بعض منهم الى الجزيرة العربية وهناك اسسوا ما يسمى بالمذهب النسطوري ....

مشرفنا العزيز هيك مواضيع لازمها دقة, واذا مانك متأكد من معلومتك لا تكتبها وتفوتنا بشغلات بدنا نضل نشرح عنها ساعات..

نسطوريوس ابتدع الآتي :
كان يؤمن بوجود طبيعتين بالمسيح وكان يفصل بينهما فصلا كاملا مسيح الهي ومسيح بشري واحد قبل التجسد وواحد بعد التجسد و قد ربط بينهما ربط ادبي بسيط .. ( فكرة لاهوتية تختلف كليا عن فكرة الطبيعة الواحدة في المسيح- المونوفيزية وعن فكرة الطبيعتين في المسيح - الخلقيدونية ).
وبسبب آراءوا انعقد مجمع افسس سنة 431 واعتبرو هرطوقي وعزلو, فلجأ الى البلاد التي يحكمها أعداء البيزنطيين وهم الفرس ولقي ترحيب عندهون لانهون شافو عون الهون بمحاربة البيزنطيين وانتشر مذهبو في العراق ( امارة الحيرة ) يعني العرب المناذرة في الحيرة كانوا مسيحيين على مذهب نسطوريوس بالاضافة الى انتشار مذهبو بين عرب الجزيرة العربية.

بمعنى آخر كان عندنا بهداك الوقت قبيلتين عربيتين مسيحيتين مهمين :

الأولى : الغساسنة , في بلاد الشام , حليفة للرومان , خط الدفاع الاول للرومان من هجمات الفرس , تتبع مذهب اليعاقبة.
الثانية: المناذرة, في العراق, حليفة للفرس, خط الدفاع الأول للفرس من هجمات الرومان, تتبع مذهب النساطرة.
القبيلتان كانت في حالة عداء شديد استفاد منو الدولتين المتحاربتين....

لبين ما قدرنا نستوعب اليعقوبية والخلقيدونية ضلينا صفحتين ...

شلون على ما نذكر انو جماعة لبنان بهداك الوقت كمان كان الهون مذهب لحالهون ؟؟!!! ;):shock::?:frown::lol:

هلا لحد الأن انا متابع تمام ، صحيح عبية بالحيطان وفي شغلات ما ستوعبتها وهلا عم اعمل بحث عنها لافهمها اكتر ، بس انو لحد الأن الموضوع كتير مميز ، و بنتظار التتمه ..

طبعا الشكر كل الشكر ل جورج ، كوستا و مارون ، على كل شي معلومات ذكرتوها

أي والله يسلمو....كنت مفكر أنو دمشق كانت عبارة عن مدينة تافهة هيك حتى مجيء الاسلام...لأنو هادا اللي أخدناه بكتب التاريخ....
شو هل كتاب لاتاريخ يلي درستو ، يلي بيوصف اقدم عاصمه بالعالم بانها كانت تافها لوقت وصول الاسلام لها :D

ليش الفتح الأسلامي و مو الأحتلال الأسلامي .. ؟

سؤال يستحق الطرح

لانو الفتوحات الاسلاميه صارت لنشر دين ، مو للسلب او الاحتلال ، او هيك فكرة المسلمين

ممكن ذكر ابرز معالم دمشق القديمة ليكون هناك اثراء للموضوع؟؟

لبين ما قدرنا نستوعب اليعقوبية والخلقيدونية ضلينا صفحتين ...

شلون على ما نذكر انو جماعة لبنان بهداك الوقت كمان كان الهون مذهب لحالهون ؟؟!!! ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

بعتقد هالشغلة اغنت الموضوع كتير. يعني انو كانت لشي منيح.
انا شخصيا ما كنت سمعان باليعقوبية والخلقيدونية!!

لانو الفتوحات الاسلاميه صارت لنشر دين ، مو للسلب او الاحتلال ، او هيك فكرة المسلمين

نظرة الشخص اللي عم يعمل الحرب دايما بتكون, الفتح. ما حدا بقول عن حالو انو محتل. مشان هيك تسمى فتوحات بالنسبة للمسلمين, او للعرب بشكل عام.

لبين ما قدرنا نستوعب اليعقوبية والخلقيدونية ضلينا صفحتين ...

شلون على ما نذكر انو جماعة لبنان بهداك الوقت كمان كان الهون مذهب لحالهون ؟؟!!! ;):shock::?:frown::lol:
المشيئة الواحدة ( المونوتيلية)
بعتقد هالشغلة اغنت الموضوع كتير. يعني انو كانت لشي منيح.
انا شخصيا ما كنت سمعان باليعقوبية والخلقيدونية!!
.
وفي كتير شغلات لسا اذا بدك .......
بس صار بدها موضوع لحالو ... ومخمخة
:larg::larg::larg:

رح نوضح شغلة بالنسبة للخلقيدونيين مشان الاعضاء يعرفوا شو معنى هاد المصطلح
هاد المصطلح اطلق بعد المجمع المكسوني الرابع في مدينة خلقيدونية ومن نتائجوا انو خرج المونوفيزيت ( اصحاب الطبيعة الواحدة ) من المجمع غير موافقين على قراراته .. بينما خرج البيزنطيين موقعين عليه ( بعد ان هزمو في مجمع افسس اللصوصي )
وهنا يقال لاصحاب الطبيعة الواحدة اللا خلقيدونيين ..... ( المونوفيزيت)
بينما لا يوجد مصطلح خلقيدونيين بل هم البيزنطيين اليونان الاورثوذكس
هلأ مشان تكون واضحة الصورة اكتر بدها موضوع وبدها مخمخة كبيرة عليه ... وعندي مرجع كبير بهذا الشان ... لكن لضيق الوقت ما عم اقدر اكتب عن الصراع يللي صار .....
اما عم العلاقة بين المسلمين واليعاقبة فهي بدها كتير من الحيادية ومع الاسف في كتير من الناس صعب تتقبلها الحقيقة .. بس البداية نشات من عند النساطرة ومعلهم نسطوريوس وقبله اوطيخا ....
وهاد الشي يللي بيجمع بيناتون .....
:D

شكراً ريس عـ التوضيحات الرهيبة و على فكرة مار مارون كمان طلع من سوريا بعد اطضهادات اليعاقبة و توجه الى جبال لبنان و اللي تأسست فيه الطايفة المارونية. تشعباً اكتر هيك بس يالله معلم كوستا انت و المعلم جورج بيطلع من بين ايديكون موضوع غير شكل فمخمخو فيه

انت قلت الشعب الاصليين الاراميين وقلت ( يعني إذا كان العرب هاجروا من زمان على منطقة بلاد الشام واندمجوا بالسكان الآراميين الأصليين هادا ما بيعطي لحدا الحق انو يقول هي أرض عربية والرومان محتلينها وعرب الجزيرة هم الذين فتحوها وحرروها )


شو بتقصد بهي الجملة لانو غير واضحة ؟؟
انت مقهور انو العرب حرروكم وتاريخكم ليس سوى مستعمرات اجنبية دخلو وعمرو بلادكم والعرب ليسو فقط في دولة الخلافة هزموم الروم


اذا كان العرب متل ما عم تدعي انو حرروا هي الشعوب ....
طيب من شو حرروها ؟؟؟................ يا ريت توضح الشي يللي تحرروا منو وليش ؟
وعم تقول تاريخكم .... طيب مين هدول ؟؟
وانو مستعمرات اجنبية .......
وعمروا البلاد كمان ... يعني شلون مستعمرات وشلون عمروا البلاد ؟؟

والعرب هزوم الروم والفرس بنفس الوقت
وسوريا هي سوريا عبدالملك بن مروان ومعاوية بن أبي سفيان الأموي وليست سوريا مستعمريكم تيودوسيوس او ميتروبوليت

اي هنن العرب كانو ابطال زمانون لانو .....
يا fine ..... العرب والروم والفرس كانوا يتصارعوا على منطقة الشرق كافة ... والحروب كانت بيناتون كتيرة وما كان في استقرار طويل .....
ولا تنسى انو الروم استعادوا سوريا لفترة 300 سنة .... وبعدها اجى كتير غير العرب ومنهم السلاجقة والمماليك والايوبيين ....( لا تقلي هدول عرب كمان )
بعدين سوريا مانها عند الملك ولا هي معاوية .....
سوريا حضارة كبيرة كمتير ومانها ملك لاي حدا بتاتا ....
بنصحك تقرا التاريخ منيح ..... ولا تتاثر بالتاريخ يللي بتدرسوا بالمدارس او يللي بيكتبوا ناس لاجل التعظيم والمال
:D

ممكن ذكر ابرز معالم دمشق القديمة ليكون هناك اثراء للموضوع؟؟
هلأ من ناحية المعالم .....
هي منقدر نقسمها لشقين
اولا المعالم الاثرية
تانيا المعالم الروحية
هلأ من ناحية المعالم الاثرية .... في كتير وما زال منها موجود ....
رح نذكر شوي منها ( او بالاحرى يللي متذكرون )
سور دمشق الاثري ويللي بيتوضح فيه طبقاتو التلاتة
ابواب دمشق السبعة
الاقواس الاثرية وموجود منها قوس النصر في اخر سوق الحميدية وعدة اقواس اخرى منها قوس باخر القيمرية وقوس بمنطقة طالع الفضة .....
الحمامات القديمة
المعالم الروحية
ابرزها الجامع الاموي الكبير .....بجانبه قبر صلاح الدين الايوبي وقبر الظاهر بيبرس
وعدة جوامع قديمة ( اعذروني مشان الاسم ماني متذكرو )
الكنائس القديمة وابرزها كنيسة حنانيا وكنيسة المريمية وكنيسة الزيتون
وايضا في معالم اخرى منها المكتبات ( الظاهرية +الجقمقية )
في كتير معالم بس هدول يللي متذكرون هلأ
:D

شكراً ريس عـ التوضيحات الرهيبة و على فكرة مار مارون كمان طلع من سوريا بعد اطضهادات اليعاقبة و توجه الى جبال لبنان و اللي تأسست فيه الطايفة المارونية. تشعباً اكتر هيك بس يالله معلم كوستا انت و المعلم جورج بيطلع من بين ايديكون موضوع غير شكل فمخمخو فيه
على راسي
هو هيك موضوع اذا بدو ينكتب بدو يكون في حيادية كتير وطرح كبير
وانا في مواضيع عم حضرها للقسم بس لحد هلأ ما خلصت منها ( قلة فضا شوي )
على كل الاحوال رح حاول شوف شلون بدنا نحط هيك موضوع وبيتناول هي المواضيع العقائدية


على الهامش
المورانة هنن اصحاب المشيئة الواحدة اذا سمعان فيها
وهي منحكي عنها بالموضوع الجاية
:D

هلأ من ناحية المعالم .....
هي منقدر نقسمها لشقين
اولا المعالم الاثرية
تانيا المعالم الروحية
هلأ من ناحية المعالم الاثرية .... في كتير وما زال منها موجود ....
رح نذكر شوي منها ( او بالاحرى يللي متذكرون )
سور دمشق الاثري ويللي بيتوضح فيه طبقاتو التلاتة
ابواب دمشق السبعة
الاقواس الاثرية وموجود منها قوس النصر في اخر سوق الحميدية وعدة اقواس اخرى منها قوس باخر القيمرية وقوس بمنطقة طالع الفضة .....
الحمامات القديمة
المعالم الروحية
ابرزها الجامع الاموي الكبير .....بجانبه قبر صلاح الدين الايوبي وقبر الظاهر بيبرس
وعدة جوامع قديمة ( اعذروني مشان الاسم ماني متذكرو )
الكنائس القديمة وابرزها كنيسة حنانيا وكنيسة المريمية وكنيسة الزيتون
وايضا في معالم اخرى منها المكتبات ( الظاهرية +الجقمقية )
في كتير معالم بس هدول يللي متذكرون هلأ
:D

مشكور اخي على المعلومات :D:D
المتابعة مستمرة للموضوع في انتظار الجديد

هلا لحد الأن انا متابع تمام ، صحيح عبية بالحيطان وفي شغلات ما ستوعبتها وهلا عم اعمل بحث عنها لافهمها اكتر ، بس انو لحد الأن الموضوع كتير مميز ، و بنتظار التتمه ..

طبعا الشكر كل الشكر ل جورج ، كوستا و مارون ، على كل شي معلومات ذكرتوها

حبيبنا آش :D

المونوتيلية: بدعة المشيئة الواحدة

حاول هرقل التخفيف من الخلاف اللاهوتي بين المونوفيزيين ( اليعقوبيين ) والخلقيدونيين وذلك بتسوية ظن أنها تقرب من المذهبين آم شو ساوا؟؟

إجا طلع ببدعة جديدة سماها بدعة المشيئة الواحدة للمسيح ( المونوتيليين ) يعني للمسيح مشيئة إلهية دون انكار طبيعته البشرية فزاد الطين بلة, واعتبرت هالبدعة هرطقة بحسب المجمع القسطنطيني سنة 681.

هلأ اللي صار انو لما شعر الناس اللي تبعوا هي البدعة انهون مضطهدين من اليعاقبة والخلقيدونيين هربوا الى لبنان ( الموارنة ) وأقاموا بطريركا خاصا ..

بس بعد فترة من الزمن تراجع أصحاب هي البدعة وتبعوا تعاليم الخلقيدونية..

شكراً ريس عـ التوضيحات الرهيبة و على فكرة مار مارون كمان طلع من سوريا بعد اطضهادات اليعاقبة و توجه الى جبال لبنان و اللي تأسست فيه الطايفة المارونية. تشعباً اكتر هيك بس يالله معلم كوستا انت و المعلم جورج بيطلع من بين ايديكون موضوع غير شكل فمخمخو فيه

أحلى مارون :D

بعتقد هالشغلة اغنت الموضوع كتير. يعني انو كانت لشي منيح.
انا شخصيا ما كنت سمعان باليعقوبية والخلقيدونية!!

أهلا ويللي .. وهي شرحنالك شو المونوتيلية ..:D

على راسي
هو هيك موضوع اذا بدو ينكتب بدو يكون في حيادية كتير وطرح كبير
وانا في مواضيع عم حضرها للقسم بس لحد هلأ ما خلصت منها ( قلة فضا شوي )
على كل الاحوال رح حاول شوف شلون بدنا نحط هيك موضوع وبيتناول هي المواضيع العقائدية


على الهامش
المورانة هنن اصحاب المشيئة الواحدة اذا سمعان فيها
وهي منحكي عنها بالموضوع الجاية
:D

على راسي ريس كوستا يدووم حبيب ;)... و الله يا ريت لان التاريخ و تاريخ الشرق الاوسط مليء بالاحداث المهمة و اللي غيرت وجه التاريخ ليس فقط تاريخ اهل المنطقة بل تاريخ العالم. بالنسبة للحيادية اخي كوستا انا و بكل صراحة اعتقد انه من الصعب جداً العثور على مصادر حيادية تماماص لان التاريخ كتب من قبل بشر و من وجهة نظرهم فمن الممكن ان يكون هناك الكثير من التحوير لطرف على حساب الاخر و خصوصاً بالامور الدينية او السياسية ستجد انه من الصعب لا بل في كثير من الاحيان وجود مصدر يتفق مع اخر على نفس القصة لكن هذا لا ينفي اكيد وجود مصادر تحوي على حقائق و لكن.....

بالنسبة للموارنة انا على حد علمي ان الموارنة و المؤسس الاول للطايفة مار مارون هو ارامي (خلقيدوني) اتى من سوريا هرباً من بطش و تنكيل اليعاقبة...اما المشيئة الواحدة فعلى ما اعتقد هي المشيئة التي ترى ان المسيح هو الله اي دون الطبيعة الانسانية اي يعترفون بالطبيعة اللهية فقط. معلوماتي للأسف محدودة عن هذا الموضوع او تسطيع القول شبه معدومة. فيالله ناطرين المواضيع اللي توضح هذه الامور.
و تحية لك :D

المونوتيلية: بدعة المشيئة الواحدة

حاول هرقل التخفيف من الخلاف اللاهوتي بين المونوفيزيين ( اليعقوبيين ) والخلقيدونيين وذلك بتسوية ظن أنها تقرب من المذهبين آم شو ساوا؟؟

إجا طلع ببدعة جديدة سماها بدعة المشيئة الواحدة للمسيح ( المونوتيليين ) يعني للمسيح مشيئة إلهية دون انكار طبيعته البشرية فزاد الطين بلة, واعتبرت هالبدعة هرطقة بحسب المجمع القسطنطيني سنة 681.

هلأ اللي صار انو لما شعر الناس اللي تبعوا هي البدعة انهون مضطهدين من اليعاقبة والخلقيدونيين هربوا الى لبنان ( الموارنة ) وأقاموا بطريركا خاصا ..

بس بعد فترة من الزمن تراجع أصحاب هي البدعة وتبعوا تعاليم الخلقيدونية..

كلامك مظبوط و الدليل انني لم اسمع عن المونوتيليه الا مرت معي مرور الكرام في كتاب او سامعها سمع مش مذكر مظبوط. لكن الخلقيدونية هي الاساس في الارثوذكية و الكاثولكية على حد علمي الا اذا كانو ختالافو الشباب مجدداً :o