يا شباب حاج تطلعو عن الموضوع.
يعني شو دخل الموضوع بنجمة داود ومين عملها, وشو دخلو باخلاق الحرب عند المسلمين.
الموضوع عم يحكي بشكل خاص عن قصة كنيسة مار يوحنا.
لا جاب سيرة نجمة داوود ولا جاب سيرة الدين الاسلامي كلو من اصلو.

جبت اخلاق الحرب في الاسلام لحتى ما يصير لغط..وما يفكر اي حدا انو بالضرورة افعال المسلمين بتعبر عن الاسلام :D

جبت اخلاق الحرب في الاسلام لحتى ما يصير لغط..وما يفكر اي حدا انو بالضرورة افعال المسلمين بتعبر عن الاسلام :D

هلا باختي مروة وشكرا للمعلومات.

أنا بظن انه مافي حدا هون بيخربط بين أفعال المسلمين والإسلام.
فالبشر معرّضين للخطاْ وهاد ما بيجرّم أهلهن أو دينهن أو عشيرتهن.
وكمان بطمّنك انه إلكن أخ ما بيقبل حدا يتصرّف هيك بوجوده بالنقاش
مية وردة:D

هلا باختي مروة وشكرا للمعلومات.

أنا بظن انه مافي حدا هون بيخربط بين أفعال المسلمين والإسلام.
فالبشر معرّضين للخطاْ وهاد ما بيجرّم أهلهن أو دينهن أو عشيرتهن.
وكمان بطمّنك انه إلكن أخ ما بيقبل حدا يتصرّف هيك بوجوده بالنقاش
مية وردة:D
انا متاكدة من اخلاقك وتصرفاتك:D وانا لما اوردت هالمعلومات ما اوردتها الك لاني بعرفك وبعرف تفكيرك..ولكن الاخذ بالحيطة واجب..والتحسب مرغوب :)

بظن أنو نقطة العهدة العمرية إنتهى النقاش حولها??

مشان هيك بدنا نرجع للموضوع الأصلي:

وجهة نظري في الموضوع هي كالآتي: ما حدث أمر مؤسف إنسانيا (مع التحفظ على صحة هذه الوقاءع) ولكنه سياسيا لا يتعدى كونه ممارسة سيادة للدولة الإسلامية أنذاك وهذه الممارسة ماكانت لتختلف لو كانت الدولة مسيحية ,يهودية أو حتى بوذية....ولا بد أيضا من الأخذ بعين الإعتبار الظروف الساءدة أنذاك(بين العالم الإسلامي والمسيحي) وكذلك الشخصيات التي لعبت دورا في تلك المرحلة, فالوليد ليس هو عمر بن عبد العزيز وهذا الأخير ليس هو عمر بن الخطاب رضي الله عنه, فالقرار يختلف من شخصية لأخرى ويتأثر بالزمان والمكان....

وتحضرني هنا آية من القرآن الكريم: قال تعالى (‏ولولا دفع الله الناس بعضهم ببعض لفسدت الأرض ولكن الله ذو فضل على العالمين) (البقرة 251) .
والدفاع أي أن يدافع كل عما يؤمن به ويراه صحيحا....هذه سنة الله في خلقه...

اول شي بحييك
تاني شي بحب الفت انتباه بعض المشاركين الى الآية التالية ( وقاتلوهم يهودا او نصارى حتى يدفعوا الجزية عن يد وهم صاغرون )
واللبيب من الاشارة بيفهم

اول شي بحييك
تاني شي بحب الفت انتباه بعض المشاركين الى الآية التالية ( وقاتلوهم يهودا او نصارى حتى يدفعوا الجزية عن يد وهم صاغرون )
واللبيب من الاشارة بيفهم

شو المعنى يا لبيب??

اول شي بحييك
تاني شي بحب الفت انتباه بعض المشاركين الى الآية التالية ( وقاتلوهم يهودا او نصارى حتى يدفعوا الجزية عن يد وهم صاغرون )
واللبيب من الاشارة بيفهم

أهلين أخونا
الآية يللي حضرتك بتذكرها ما وردت هيك, هاد من جهة, من جهة تانية مع احترامي لشخصك الكريم هالمشاركة مالها علاقة بأصل الموضوع هاد.

حديثنا هاد بيتعلق بالتاريخ المتعلق بفترة ماضية مضت, وهون ماعم نتحاور بالدين,
نحنا عم نحاول نحدّد ونقيّم الغزو أو الفتح الإسلامي لبلاد الشام.
أما بالنسبة للآيات يللي بتدعي للقتال, فهاد موضوع آخر بعيد عن موضوعنا.

أرجو منك تقبل كلامي برحابة صدر, وبرحب فيك بالأخوية, وانت هلأ صرت أخونا يللي منعتزّ فيه :D

بظن أنو نقطة العهدة العمرية إنتهى النقاش حولها??

مشان هيك بدنا نرجع للموضوع الأصلي:

وجهة نظري في الموضوع هي كالآتي: ما حدث أمر مؤسف إنسانيا (مع التحفظ على صحة هذه الوقاءع) ولكنه سياسيا لا يتعدى كونه ممارسة سيادة للدولة الإسلامية أنذاك وهذه الممارسة ماكانت لتختلف لو كانت الدولة مسيحية ,يهودية أو حتى بوذية....ولا بد أيضا من الأخذ بعين الإعتبار الظروف الساءدة أنذاك(بين العالم الإسلامي والمسيحي) وكذلك الشخصيات التي لعبت دورا في تلك المرحلة, فالوليد ليس هو عمر بن عبد العزيز وهذا الأخير ليس هو عمر بن الخطاب رضي الله عنه, فالقرار يختلف من شخصية لأخرى ويتأثر بالزمان والمكان....

وتحضرني هنا آية من القرآن الكريم: قال تعالى (‏ولولا دفع الله الناس بعضهم ببعض لفسدت الأرض ولكن الله ذو فضل على العالمين) (البقرة 251) .
والدفاع أي أن يدافع كل عما يؤمن به ويراه صحيحا....هذه سنة الله في خلقه...

أهلين بالحبيب
نقطة العهدة العمرية انتهى النقاش حولها؟
وشو ردّك النهائي على هالنقاش؟
ما هيّ النقطة هي صلب النقاش, ولولاها ما تحوّلت الكنيسة لجامع !!!

بخصوص الأمر المؤسف انسانيّاً بحييك.
أما التحفّظ على صحّة الوقائع, فما في شي مخبّى, هي الكتب يللي أوردت هالعهدة وهي أسماء الكتّاب, والتحقق وإزالة الشكوك ممكنة, خصوصاً وانه هالكتب تم طبعها حديثاً, ومتوفرة.

أمّا انه سياسيّاً ما حدث لا يتعدّى كونه ممارسة سيادة الدولة الإسلاميّة, هون أنا بزعل منك!!!

يا سيّدي انت بهالكلام عم تشرعن كل أعمال الغزو والإحتلال بالعالم ويللي للأسف بلادنا
من أكتر البلاد معاناةً من هالمشكلة

مثلاً, دولة الإجرام الصهيوني هلأ عم تمارس سيادتها على الأراضي الفلسطينيّة وعم تقضم وتضم من هالأراضي يوميّا....

والأحمق بوش كمان عم يمارس سيادة أميركا على أفغانستان والعراق....

شلونك انت؟؟؟؟

أما بخصوص الشخصيات يللي لعبت دورها بهديك الظروف يللي كانت سائدة, فهاد أقصى آمالي من هالموضوع وهالحوار الراقي, مافينا نلوم ونعاتب على ما مضى لكن فينا نحسّن المستقبل.

محبّتي وتقديري

بتسمحولي اليوم حاجتي, والله استويت من الصبح قدام هالشّاشة, الله يعطينا العافية كلللللنا
ومنكفّي بكرا إذا الله راد....:D

اي تكرم عينك اذا ما بدك تفهمها لحالك رح فهمك ياها
يعني الممارسات اللي مارسوها الاسلام بحق الشعوب وخاصة اليهود والنصارى مانها أخطاء بشر وانما مستندة إلى آية من القرآن المنزل من الله يعني أوامر الهية..
وصلت ؟؟

أهلين أخونا
الآية يللي حضرتك بتذكرها ما وردت هيك, هاد من جهة, من جهة تانية مع احترامي لشخصك الكريم هالمشاركة مالها علاقة بأصل الموضوع هاد.

حديثنا هاد بيتعلق بالتاريخ المتعلق بفترة ماضية مضت, وهون ماعم نتحاور بالدين,
نحنا عم نحاول نحدّد ونقيّم الغزو أو الفتح الإسلامي لبلاد الشام.
أما بالنسبة للآيات يللي بتدعي للقتال, فهاد موضوع آخر بعيد عن موضوعنا.

أرجو منك تقبل كلامي برحابة صدر, وبرحب فيك بالأخوية, وانت هلأ صرت أخونا يللي منعتزّ فيه :D

انا حطيت بما معناه ومنشان الأمانة العلمية هاي الآية ( وقاتلوا الذين لا يؤمنون بالله ولا باليوم الأخر ولا يحرمون ما حرم الله ورسوله ولا يدينون دين الحق من الذين أوتوا الكتاب حتى يعطوا الجزية عن يد وهم صاغرون ) التوبة 29وبتمنى من الأخوة الكرام ما كتير يتشعبوا بتفسير الآية لإنها واضحة .

المشاركة مزبوط مالها علاقة بالموضوع كحدث تاريخي ولكن هي رد على الذين يقولون انو ممارسات الإسلام هي أخطاء بشر والهدف من القول هو انو هالممارسات كما قلت للأخ كريم بالمشاركة السابقة هي أوامر إلهية .. والدليل هو هذه الآية.

بتمنى تكون الفكرة واضحة ..
والسلام ختام

انا حطيت بما معناه ومنشان الأمانة العلمية هاي الآية ( وقاتلوا الذين لا يؤمنون بالله ولا باليوم الأخر ولا يحرمون ما حرم الله ورسوله ولا يدينون دين الحق من الذين أوتوا الكتاب حتى يعطوا الجزية عن يد وهم صاغرون ) التوبة 29وبتمنى من الأخوة الكرام ما كتير يتشعبوا بتفسير الآية لإنها واضحة .

المشاركة مزبوط مالها علاقة بالموضوع كحدث تاريخي ولكن هي رد على الذين يقولون انو ممارسات الإسلام هي أخطاء بشر والهدف من القول هو انو هالممارسات كما قلت للأخ كريم بالمشاركة السابقة هي أوامر إلهية .. والدليل هو هذه الآية.

بتمنى تكون الفكرة واضحة ..
والسلام ختام

سبحان الله كأنو المعنى إختلف عندما أوردت الآية بصيغتها الصحيحة! ولا تقلق فلن أتشعب كثيراً في التفسير لأنها واضحة كما ذكرت!

صديقي الآية وردت كالآتي:
(قَاتِلُواْ الَّذِينَ لاَ يُؤْمِنُونَ بِاللّهِ وَلاَ بِالْيَوْمِ الآخِرِ وَلاَ يُحَرِّمُونَ مَا حَرَّمَ اللّهُ وَرَسُولُهُ وَلاَ يَدِينُونَ دِينَ الْحَقِّ مِنَ الَّذِينَ أُوتُواْ الْكِتَابَ حَتَّى يُعْطُواْ الْجِزْيَةَ عَن يَدٍ وَهُمْ صَاغِرُونَ) سورة التوبة الاية 29 , الآية تحض على قتال أهل الكتاب الذين إتصفو بالأوصاف السابقة :لا يؤمنون بالله واليوم الآخر (ملحدين), وَلاَ يُحَرِّمُونَ مَا حَرَّمَ اللّهُ وَرَسُولُهُ (كالزنا وشرب الخمر وقتل النفس بغير حق.....), ولا يدينون دين الحق(ليس بالضرورة الإسلام, بل أيضا ماجاء به موسى وعيسى وإبراهيم عليهم السلام....) والذين يعادون المسلمين ويحاربونهم, لأنه سبحانه وتعالى يقول في آية أخرى:
(لاينهاكم الله عن الذين لم يقاتلوكم في الدين ولم يخرجوكم من دياركم أن تبروهم وتقسطوا إليهم إن الله يحب المقسطين , إنما ينهاكم الله عن الذين قاتلوكم في الدين وأخرجوكم من دياركم وظاهروا على إخراجكم أن تولوهم ومن يتولهم فأولئك هم الظالمون ) سورة الممتحنة آية 8 و 9.

إذن البر والإحسان هي الممارسات اللي مارسوها الاسلام بحق الشعوب وخاصة اليهود والنصارى, مانها أخطاء بشر وانما مستندة إلى آيات من القرآن المنزل من الله يعني أوامر الهية.....

لا يؤمنون بالله واليوم الآخر (ملحدين),
ما بدي غير مسار الموضوع .. بس الله بدو ياكون تقتلو الملحدين .. شو هل الله الديكتاتوري ؟

يعني مانو مستعد يتقبل وجه نظر الملحد ابداً .. دغري يلاا هدر دمو .. هتلو ما سواها

أخونا أبو جريج
انو ليش فايت علينا بالعرض وعم تخربلنا الموضوع؟
يا أخي قضيتك ممكن تطرحها بمنتدى حوار الأديان, وكل يللي شاركوا وأنا منهن عندنا كلام نحكيه, بس الله يرضى عليك شاركنا هون بأصل الموضوع هاد.
وأهلا وسهلا فيك أخ عزيز

ما بدي غير مسار الموضوع .. بس الله بدو ياكون تقتلو الملحدين .. شو هل الله الديكتاتوري ؟

يعني مانو مستعد يتقبل وجه نظر الملحد ابداً .. دغري يلاا هدر دمو .. هتلو ما سواها

غيرت المسار بارليب الحبيب
لعنتوا أفطاس الموضوع
والله بحرد هاه
انتوا ما بتعرفوني بس احرد

ما بدي غير مسار الموضوع .. بس الله بدو ياكون تقتلو الملحدين .. شو هل الله الديكتاتوري ؟

يعني مانو مستعد يتقبل وجه نظر الملحد ابداً .. دغري يلاا هدر دمو .. هتلو ما سواها
لكان لايه الله نزل الديانات؟؟
بعدين بطلعلو الله يشوف حالو ويكون ديكتاتور..اطلع حواليك شوف خلقو!!..يعني تخيل انتا تخترع شغلي بتعبك وعرقك وبدل ما يكون في الك شكر عهالشغلي اللي اخترعتها يكون في الك مسبية ونكران :pos:

على كل هيك تغير مسار الموضوع..وبفضل نرجع عالموضوع الاساسي افضل :D

ما بدي غير مسار الموضوع .. بس الله بدو ياكون تقتلو الملحدين .. شو هل الله الديكتاتوري ؟

يعني مانو مستعد يتقبل وجه نظر الملحد ابداً .. دغري يلاا هدر دمو .. هتلو ما سواها

إقرأ ردي كاملا وستجد الجواب , الآية الثانية لا تختص بأهل الكتاب ,بل تشمل المشركين والملحدين وعباد البقر...بتمنى تكون وصلت

طيب حبيباتي الغاليين
أنا هلأ بقترح فكرة
كتار من الإخوة والأخوات شاركونا بآرائهن, وصار أصل الموضوع واضح رغم اختلافنا ببعض التفاصيل
يعني منكون ألقينا ضوء بشكل جيّد على تاريخ الجامع الأموي الكبير
يللي كل السوريين (معلش سامحوني بدي كون هالمرّة شمولي) بيفتخروا فيه
ناس بتفتخر بكونه جامع مميز بين كل جوامع الأرض بجمال بناءه وتزيينه
وناس بيضيفوا للميزات السابقة مكانة هالجامع, بنزول عيسى بن مريم على احد مآذنه
وناس بيفتخروا فيه لأنه جمع حضارة بلاد الشام من قبل المسيحيّة للآن وضم كل هالحضارة بأحجاره
وأنا شخصيّاً بقدّر كل حبة تراب تشكّل منها كل حجر من أحجار هالبناء لأنه لو صارلها تحكي هالحبة الصغيرة هيّ, كانت حكت قصة البشرية من أول الأزمان لليوم
وكمان في ناس بتفتخر بإنه هالبناء هاد كان كنيسة على اسم يوحنّا المعمدان

الفكرة يللي بدي اقترحها هي التالية:
يا ترى تعلمنا درس من هالحدث التاريخي هاد؟
ممكن كل الأحباب يللي شاركوا أو يللي زاروا الموضوع يفيدونا بالدرس يللي تعلموه؟

أنا رح حط الدرس يللي وصلتله من هالحكاية هون:

الأحداث يللي حصلت بهداك الزمان ما منقدر نحاكمها بقوانين زماننا الحاضر, وما فينا نقول عنها صح أو خطأ, لأنه لو ما صار هالغزو من الجنوب يمكن ما ضلّت بلادنا منارة للعلم بالعصور يللي تلت هالحدث, يعني القصد الغزو هاد كانله مساوئ على أهل البلاد الأصليين لكن كمان كان ألو محاسن كتيرة, أهمها انه نحنا هون مختلفي العقيدة لكن إخوة بالوطن.

ياريت نسمع الآراء من الحبايب
سلام

وانا بشترك بالراي مع شادي..بالفعل كل احتلال, فتح او حتى انتداب اكيد بفيد البلد بشكل او باخر..على سبيل المثال بوقت الانتداب البريطاني والفرنسي كان الشعب العربي مستاء لانو ارضو تحت الاحتلال (او متل ما حبوا الغرب يسموه الانتداب) لكن كمان كان في فوائد رجعت على الشعب العربي..متل التطور الملموس اللي صار في حياتهن و التعليم وما شابه ونهضة القومية العربية..واللي كمان ممكن نلاحظو ونشوفوا انو الحكم الاسلامي المسيحي او اليهودي او ايا كان بتتغير توجهاته وافكاره من حاكم الى اخر..ومش بالضرورة الحكم الديني يكون عم يمثل الدين حقا..وانما ممكن يكون سلوك الحاكم نتيجة لنزعة شخصية او احوال دولية اللي اثرت عليه..لكن بغض النظر عن ديني الا اني افتخر بالخلافة الاسلامية والحكم الاسلامي (مع التحفظ على بعض الاسماء التاريخية اللي مرت بالخلافة) لانها بالفعل اثرت علينا ايجابيا..وكنا منبع للحضارة في فترة من الفترات :)

تحياتي:D

قبل أن أعلق على ماقاله الأخ شادي أريد أن أضيف بخصوص العهدة العمرية:نص العهدة العمرية هو (على الأرجح) النص الذي أورده الطبراني بصيغة المخاطب (هذا ما أعطى عبـد الله أمير المؤمنين عمر...) أما النص الآخر عن عبد الرحمن بن غنم (إن صح لأن الألباني ضعفه!) فهي شروط إشترطها النصارى على أنفسهم وتختص بهذه الحادثة :" "اما ما جاء فى تفسير بن كثير فهو لم يكن من عمربن الخطاب و انما كانت شروط وضها النصارى على انفسهم حينما اعتدوا على حامية من جيش المسلمين فى مصر قام النصارى على هذه الحاميه و قتلوا ناسا منها فلما عاد سيدنا عمرو بن العاص خافوا أن ينتقم منهم جزاء خيانتهم فكتبوا هذه الوثيقه على أنفسهم و تم أرسالها الى سيدنا عمر بن الخطاب فزاد عليها جملة واحده و هى و لا نضرب أحدا من المسلمين و بالتالى فالوثيقه الثانيه هم الذين كتبوها على أنفسهم لأنهم كانوا يعلمون أنهم يستحقون القتل جزاء خيانتهم فحموا أنفسهم بكتابة هذه الوثيقه و هم الذين وضعوا هذه الشروط على أنفسهم و لم يضعها المسلمون عليهم ابتداء

انظر كتاب كنز العمال سنن الاقوال و الافعال
رقم11493

و سنن البيهقى 19186"
والله أعلم.
هلء نرجع لصلب الموضوع:
صديقي كلامي السابق عن السيادة يدخل في مجال دفاع الناس بعضهم ببعض (صراع الحضارات كما يسمونه حاليا) ,شءنا أم أبينا هذا تقرير واقع وليس شرعنة كما قلت....والبقاء لأصحاب الحق.
الدولة الإسلامية أنذاك, كانت دولة ناشءة, تحيط بها الأطماع و العداوات من كل جهة....للحفاظ على هذه الدولة وهذه الحضارة كان لزاما التعامل مع الأقليات ,أي ممن لا يدينون بدينك بحذر, بالشدة أحيانا وباللين أحيانا أخرى....وبين هذا وذاك تلعب شخصية صانع القرار دورا مهما كما أسلفت....الأمر لا يعدو كونه سياسة !

وشكرا على الحوار الحضاري الراقي:D
سلام عليكم

فهي شروط إشترطها النصارى على أنفسهم

:sly:

على انفسهم لكن قلتلي

فهي شروط إشترطها النصارى على أنفسهم وتختص بهذه الحادثة

لا اعتقد ذلك , وبالرجوع الى شروط العهدة نرى انه ليس هناك انسان يمتلك ذرة تفكير ويضع هكذا شروط وينفذها بشكل طوعي , لان هكذا شروط تجعل حياة الحيوان ارحم من هكذا حياة.

لكان لايه الله نزل الديانات؟؟
بعدين بطلعلو الله يشوف حالو ويكون ديكتاتور..اطلع حواليك شوف خلقو!!..يعني تخيل انتا تخترع شغلي بتعبك وعرقك وبدل ما يكون في الك شكر عهالشغلي اللي اخترعتها يكون في الك مسبية ونكران :pos:


هل تستطيعين بطريقة علمية و محسوسة اثبات ان كل ما نراه هو خلق هذه الشخصية المزعومة والمسماة ( الله ) , ارجو ان تفعلي ذلك لكن بموضوع آخر حتى لا نخرج عن مسار هذا الموضوع

وشو دليلك على عدم وجود الله؟ اعطيني دليل منطقي على عدم وجوده! هل في شي بيجي من الفراغ؟
على كل انا اسفة انو خرجت عن مسار الموضوع بس انا كتبت الرد هون لاني ما بدي افتح موضوع انا مش عالمة ولا بروفيسور ولا حتى رجل دين لحتى احكي فيه :)

تحياتي :D

الأخوة الكرام..
هدفي من المشاركة ما هو التشويش على الموضوع ولا انو ادخل بنقاش ديني عقيم بعرف نهايتو لوين بدها توصل, ولكن الهدف هو اظهار نقطة هي مربط الفرس, واللي صاحب الموضوع عم يحاول يتجنبها منشان ما تثير حساسيات او يبتعد عن قصدو الاساسي المثالي النبيل.
تحويل كنيسة يوحنا المعمدان الى مسجد هي فعل من مجموعة أفعال قام بها الاسلام بحق شعوب المنطقة استنادا إلى الآيات العديدة اللي بتحرضهون على هاد الشي, طبعا هي القاعدة استنادا الى تعاليم القرآن.
اما الاستثناء فهو التعامل مع هذه الشعوب بتسامح واللي عم يحاول البعض اظهارو كقاعدة.

اي وبعدين ؟؟
البعدين بيقول طالما القران , الكتاب الالهي المنزل من الله , الثابت غير المتغير , الذي تصلح آياته لكل زمان ومكان هو المرجع الأول للإسلام وطالما انو القرآن بيدعو إلى ما يدعو إليه ( قاتلوهم .... صاغرون ) فإنه ممكن يتكرر هالشي بأي لحظة بيشعر فيها المسلم انو استلم زمام المبادرة ( متل ما عم يصير بمصر ودول أخرى عربية ) فالاستقرار القلق للمجموعات المسيحية بالمنطقة العربية لا يزال وسوف يبقى..وهو مرتبط بمزاج الشعب المسلم ومقدار وعيه وتقبله للآخر ..
كلمة أخيرة بحيي فيها مفتي الجمهورية الشيخ بدر الدين حسون ويااااااااااريت كل رجال الدين لأ مو بس رجال الدين كل الشعب المسلم بيفكروا متل ما بيفكر..

والسلام ختام ..

بتعلق كيف فسرت الايات..في ايات اللي ظهرت لاسباب خاصة يعني نتيجة حدث معين..وفي ناس فهمت الشي غلط..وكل واحد بلش يفسر الموضوع شكل..وهاد الشي صار كمان بالكتاب المقدس اللي دافع فيه الصليبيين عن حملاتهم الوحشية!
بس بالنهاية الله مش للقتل والدمار..وكل اية الها تفسير..والاسلام دين تسامح محبة واخلاق :)

على كل الله يسامحك ويهديك :D

مرحبا يا جماعة ....
يعطيكون العافية ...
الموضوع حلو ... بس طلعتو عنو وشي للموضوع .....
هل رح بقرا من اول وجديد مرة تانية وبكرا رح نزل موضوع خاص عن العهدة العمرية بنصها الاصلي الموجود في البطريركية اليونانية الارثوذكسية في القدس
وكمان رح ضيف على الموضوع معلومات عن كنيسة يوحنا المعمدان او الجامع الاموي او شو بدكون سموها ...
:D

مرحبا يا جماعة ....
يعطيكون العافية ...
الموضوع حلو ... بس طلعتو عنو وشي للموضوع .....
هل رح بقرا من اول وجديد مرة تانية وبكرا رح نزل موضوع خاص عن العهدة العمرية بنصها الاصلي الموجود في البطريركية اليونانية الارثوذكسية في القدس
وكمان رح ضيف على الموضوع معلومات عن كنيسة يوحنا المعمدان او الجامع الاموي او شو بدكون سموها ...
:D
صراحة بتكون فضلة على راسي بس تحط نص الوثيقه الاصلي يا اخي ، وياريت تبعتلي ياه علخاص بس مشان اطلع و رد :D

و بنتظار اضافتك للموضوع يلي فعلا تشعب كتير

مرحبا يا قوم

هلا انا حابب اقترح عليكون شي
انو فينا اللي قاعدين بالشام او ريف الشام - معلولا وصيدنايا- نعمل رحلة لهالقرنة لانو انا لهلا ما تذكرت الموقع بالضبط وناخد معنا كل الوثائق اللي جايبينا واذا بتحبوا بنحكي مع استاذ عندي بالجامعة بقسم التاريخ

عنجد عم بحكي يا شباب بدون تحشيش وخلونا نظبطا قريبا

صراحة بتكون فضلة على راسي بس تحط نص الوثيقه الاصلي يا اخي ، وياريت تبعتلي ياه علخاص بس مشان اطلع و رد :D

و بنتظار اضافتك للموضوع يلي فعلا تشعب كتير
يا رجل ما حدا الو فضل على حدا وبالنهاية نحنا بدنا الحقيقة التاريخية ....
في مقولة بتقول ويل لامة لا تعترف بماضيها .... لانه ليس لها مستقبل
نزلتها بموضوع كامل هون بقسم التاريخ وهاد الرابط

العهدة العمرية
مرحبا يا قوم

هلا انا حابب اقترح عليكون شي
انو فينا اللي قاعدين بالشام او ريف الشام - معلولا وصيدنايا- نعمل رحلة لهالقرنة لانو انا لهلا ما تذكرت الموقع بالضبط وناخد معنا كل الوثائق اللي جايبينا واذا بتحبوا بنحكي مع استاذ عندي بالجامعة بقسم التاريخ

عنجد عم بحكي يا شباب بدون تحشيش وخلونا نظبطا قريبا
وانا معك بالفكرة وجاهز .....:gem:

مرحبا يا قوم

هلا انا حابب اقترح عليكون شي
انو فينا اللي قاعدين بالشام او ريف الشام - معلولا وصيدنايا- نعمل رحلة لهالقرنة لانو انا لهلا ما تذكرت الموقع بالضبط وناخد معنا كل الوثائق اللي جايبينا واذا بتحبوا بنحكي مع استاذ عندي بالجامعة بقسم التاريخ

عنجد عم بحكي يا شباب بدون تحشيش وخلونا نظبطا قريبا
ولله يا رتني بالشام او بسوريا بالاحرى كنت اكيد اول واحد يا صاحيب

اجلوها لاخر شهر 12 طيب :p

طيب خلونا نظبطا باسرع وقت
الاسبوع الجايي بيمشي الحال وبنعملا يوم الجمعة كونه العطلة
رح نظبطا اكيد

ورح حاول جيب معي كمان صديقي وهو كاهن ومطلع على الموضوع ممكن كمان يساعدنا

شباب يا ريت تتفقو على الخاص لانو هي الردود من خارج الموضوع وسيتم حذفها
ومشكورين على تعاونكم:D

التاريخ كله كر وفر وحروب ونتائج للحروب
يوم معك ويوم عليك اذا بدنا نعمل محاكمة لهاالبشر ما منخلص بسنين
والهدف يلي وضعتوا للوصول لتفاهم وعيش مشترك لايأتي بتأجيج المشاعر واتهام الطرف الأخر ومحاسبته على أعمال مضى عليها مئات السنين :gem:

يا جماعة في كتير كتير تخبيص بالموضوع ......
ما تواخزوني على التعبير ...... بس يا جماعة التاريخ مو هيك .......
في وثائق وفي شواهد وفي اثار بتدل على كل هالشي .....
رح ارجع تابع الموضوع واكتب وصحح المعلومات شوي شوي بس طولو بالكون عليي .....
:D

طيب خلونا نظبطا باسرع وقت
الاسبوع الجايي بيمشي الحال وبنعملا يوم الجمعة كونه العطلة
رح نظبطا اكيد

ورح حاول جيب معي كمان صديقي وهو كاهن ومطلع على الموضوع ممكن كمان يساعدنا

مادام هيك قررتو انا منتظ التقرير منك لكن يا صاحبي لنشوف لشو توصلتو

يا جماعة في كتير كتير تخبيص بالموضوع ......
ما تواخزوني على التعبير ...... بس يا جماعة التاريخ مو هيك .......
في وثائق وفي شواهد وفي اثار بتدل على كل هالشي .....
رح ارجع تابع الموضوع واكتب وصحح المعلومات شوي شوي بس طولو بالكون عليي .....
:D


الله يوفقك يا كوستا اخي منتظرينك انا عن نفسي بطلت رد لشوف اضفات حضرتك:D

:Dيا جماعة في كتير كتير تخبيص بالموضوع ......
ما تواخزوني على التعبير ...... بس يا جماعة التاريخ مو هيك .......
في وثائق وفي شواهد وفي اثار بتدل على كل هالشي .....
رح ارجع تابع الموضوع واكتب وصحح المعلومات شوي شوي بس طولو بالكون عليي .....
:D

أخونا العزيز كوستا
قرأت موضوعك العهدة العمرية بنصها الأصلي
سيدي الكريم بالموضوع يللي أنا هلأ عم اكتبلك فيه الرد أنا متأكد انه مافي تخبيص, التخبيص حصل لمّا خلطت حضرتك بين غزو فلسطين وغزو دمشق, يا سيّدي العهدة يللي انت واضعها ومعتبرها النص الأصلي هي العهدة مع مسيحيي فلسطين, أمّا النص المذكور بهاد الموضوع فهوّعن دمشق.

وغير الكلام هاد بيعني انّك بتنكر كل الوثائق الواردة بالمتن أعلاه, وبهيك حالة لازم تكون تأكّدت من الكتاب المذكور: نزهة الأنام...., وكمان تأكدت من بطلان ورود هالكلام بباقي المصادر.

عزيزي.. أنا ما كتبت هالموضوع عن عبث, أو عن عدم تقصّي, كل حرف ذكرته أنا قرأته بنفسي من الكتب الواردة, وأرجو منك ومن الإخوة يللي شاركوا يتأكّدوا بنفسهن, لأنه الحل الأخير انه نكذّب كل أصحاب المصادر أعلاه.

تحياتي سلف لجهودك :D

:D

أخونا العزيز كوستا
قرأت موضوعك العهدة العمرية بنصها الأصلي
سيدي الكريم بالموضوع يللي أنا هلأ عم اكتبلك فيه الرد أنا متأكد انه مافي تخبيص, التخبيص حصل لمّا خلطت حضرتك بين غزو فلسطين وغزو دمشق, يا سيّدي العهدة يللي انت واضعها ومعتبرها النص الأصلي هي العهدة مع مسيحيي فلسطين, أمّا النص المذكور بهاد الموضوع فهوّعن دمشق.

وغير الكلام هاد بيعني انّك بتنكر كل الوثائق الواردة بالمتن أعلاه, وبهيك حالة لازم تكون تأكّدت من الكتاب المذكور: نزهة الأنام...., وكمان تأكدت من بطلان ورود هالكلام بباقي المصادر.

عزيزي.. أنا ما كتبت هالموضوع عن عبث, أو عن عدم تقصّي, كل حرف ذكرته أنا قرأته بنفسي من الكتب الواردة, وأرجو منك ومن الإخوة يللي شاركوا يتأكّدوا بنفسهن, لأنه الحل الأخير انه نكذّب كل أصحاب المصادر أعلاه.

تحياتي سلف لجهودك :D
اخي الشغله مو نكذب او لا

بس كم وثيقه عمريه في ليش ؟؟
وشو عرفك هي لفلسطين وهي لبلاد الشام ؟؟؟
وليش ما سمو هديك الوثيقه العمريه لدمشق و التانيه الوثيقه العمريه لفلسطين ؟؟؟

و سيدنا عمر ما كان وراه غير يكتب وثايق طيب ؟؟

أحييكم على الموضوع والنقاش الراقي :D
تسجيل متابعة ...

والله العظيم حرام يللي عم يصير هون بهالمشاركات خارج الموضوع,
يعني بيتعب حاله الواحد وبيحط موضوع ومو بقسم المسابقات أو بـ عالطاير وخود على أحاديث جانبية, وأغلب المشاركين ما بيعذبوا حالهن وبيعملوا الحد الأدنى المطلوب من بحث أو تقصّي على المعلومات الواردة بالموضوع وبيصير يرد من المعلومات العالقة بذاكرته من أيام الإعدادي أو الثانوي, وكل هالمعلومات هي مو مناسبة لدراسة حالة تاريخية متل هالحالة, لأن أغلب المناهج الدراسية ببلادنا العربية الأبية مفصلة بقوالب سياسية بتناسب المرحلة الحاضرة.
يا جماعة
في google search engine وفي موسوعات طويلة عريضة للبحث

والله العظيم حرام يللي عم يصير هون بهالمشاركات خارج الموضوع,
يعني بيتعب حاله الواحد وبيحط موضوع ومو بقسم المسابقات أو بـ عالطاير وخود على أحاديث جانبية, وأغلب المشاركين ما بيعذبوا حالهن وبيعملوا الحد الأدنى المطلوب من بحث أو تقصّي على المعلومات الواردة بالموضوع وبيصير يرد من المعلومات العالقة بذاكرته من أيام الإعدادي أو الثانوي, وكل هالمعلومات هي مو مناسبة لدراسة حالة تاريخية متل هالحالة, لأن أغلب المناهج الدراسية ببلادنا العربية الأبية مفصلة بقوالب سياسية بتناسب المرحلة الحاضرة.
يا جماعة
في google search engine وفي موسوعات طويلة عريضة للبحث
هلأ اول شي طول بالك ولك خاي شبنا

تاني شي مين قصدك يا رجل مشان نعرف مين يتابع و مين يترك النقاش ؟؟ ما بعرف اذا انا منهم بس مشان اعرف يا رجل الله وكيلك ابطل ناقش:D

هلأ اول شي طول بالك ولك خاي شبنا

تاني شي مين قصدك يا رجل مشان نعرف مين يتابع و مين يترك النقاش ؟؟ ما بعرف اذا انا منهم بس مشان اعرف يا رجل الله وكيلك ابطل ناقش:D

أخي الغالي آش
أنا أكيد ما قصدتك حبيبنا لأنك اجتهدت وعملت بحث أو أكتر بهالموضوع.
وحياة الأخوية أنا مسرور بنقاشك, وكنت بحب انه نوصل لنتيجة, بس الله ما كتب النصيب,
على كل حال رجاءً خليك متابع لأنك أغنيت الموضوع, لكن طلعت ببعض التشعبات برّات الفكرة الرئيسية

تقبّل شكري وتقديري يا أحلى آش

أخي الغالي آش
أنا أكيد ما قصدتك حبيبنا لأنك اجتهدت وعملت بحث أو أكتر بهالموضوع.
وحياة الأخوية أنا مسرور بنقاشك, وكنت بحب انه نوصل لنتيجة, بس الله ما كتب النصيب,
على كل حال رجاءً خليك متابع لأنك أغنيت الموضوع, لكن طلعت ببعض التشعبات برّات الفكرة الرئيسية

تقبّل شكري وتقديري يا أحلى آش

تسلم اخي لكلامك و انا نفعلت شوي بس لانو عن جد مخي كلو فات ببعضو ، هلا ما علينا صاحبي كمل الموضوع كلو بالتتابع الله يخليك انا مالح ناقشك على شي غير لتحكي باخر رد انو يلي حابب يناقش يناقش يعني بعد طرح كل فكره كتوب بالنهايه يلي حابب يناقش يناقش مشان لا نقطلعك فكرتك ولا نفوت بنص الشغله ونحكي وهيه مو مكتمله

طبعا هاد راي

ودمت بود :D

يا اخي هذه سنة الحياة حضارة تحل محل الاخرى لا تلغيها و لكن تستوعبها فبدراسة تاريخ المعمور ستجد ان الفتح الاسلامي كان اقل وحشية من باقي الحروب التي خاضها الرومان او الفرس و البابليين و سبيهم المشهور او الروم او اليهود و مذابحهم في ارض فلسطين حسب العهد القديم اما عن الجزية فالمسلمون يدفعون الزكاة و يادون الخدمة العسكرية فكان لا بد للمسيحيين ان يشاركوا في الدورة الاقتصادية ففرضت عليهم الجزية. لكن هذا لا ينفي ان بعض الولاة ارتكب ابشع الجرائم و استغل نفوذه ضد باقي الطوائف

ما بظن انو في اشي اسمو " الاحتلال الاسلامي " ..

وبعدين الدين الاسلامي بحترم باقي الديانات ..

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
اول شي شكرا على الموضوع :D وهاي الصور انا ماخذها بكامرتي الخاصة وقت الي كنت في سوريا وبالشام
طبعا هاي صورة المسيح على سور الجامع الاموي (كنيسة مار يوحنا) .. طبعا السور الشرقي .. وسمعت انه بعد تحويل الكنيسة الى جامع حاولو ان يزيلو الصور بس ماقدرو
وتحياتي :D

التاريخ يصنعه المنتصر

و أماكن العبادة يحولها المنتصر لحسابه أيضاً

الجامع الأموي كان قبلاً كنيسة و من قبل أن يكون كنيسة كان معبداً للإله جوبيتر

فلماذا العودة لكونه كنيسة و لا نعود إلى أصله فعلاً

الأمر عادي و أكثر من عادي

أستغرب الخلاف على تسمية فاتح أو محتل مادامت النتيجة واحدة و قد طبعت الزمان و المكان بطابعها

فتح البلدان هي لفظ مخفف لكلمة احتلها و تطالعنا كتب التاريخ بألقاب مثل "الاسكندر الفاتح" و "محمد الفاتح" بل إن كل قادة المغول و التتار كانوا من الفاتحين


عندما يدخل الفاتح أو المحتل"سموه كما شئتم" بدين جديد سنراه يعتمد إما حد السيف لنشر هذا الدين أو الدعوة بالحسنى وهذه نشرت الدين الإسلامي في شرق آسيا

رأيي أن انتشار الإسلام في الشام كان "بين البينين" بحسب الحاكم أو الخليفة

معاوية كان يهدف لتأسيس الدولة فاستخدم المسيحي من أهل الشام في دولته دون النظر لدينه كما كان حال اليهودي في عهده

قراءاتي التاريخية تشير إلى بقاء الكثيرين على مسيحيتهم في عهد الأمويين بالذات

لايمكننا التسليم أن الإسلام انتشر بالقوة على إطلاقها في سوريا

و لايمكن المقارنة بين هذه القوة إن وجدت و بين محاكم التفتيش التي انتشرت في إسبانيا و أعادت البلاد لمسيحيتها في سنوات مستخدمة السحل و الحرق و التقطيع للترهيب

و لكم تحية

ما بظن انو في اشي اسمو " الاحتلال الاسلامي " ..

وبعدين الدين الاسلامي بحترم باقي الديانات ..

ما بنصحك كتير تشد ايدك بهي النقطة