الاختلاط بالمدارس الثانوية و أثاره الايجابية و السلبية ...


سأطرح موضوع يظل موضوع ساخن حتى بالغرب ، لا شك أن المنع التام و حجب العلاقة
و التعارف بين الجنسين هو امر سيء جداً و يؤثر سبياً و نفسياً على المراهقين ..
و لكن قرأت أكثر من دراسة و خصوصاً حول المدارس أنه من الأفضل فصل الجنسين
أثناء التعليم لان هذا يؤدي لنتائج إيجابية أكثر و مردود عالي لكلا الطرفين ..
ربما جميع المراهقين يريدون مدارس مختلطة و أنا كذلك لكن عندما يكبر الإنسان
أكثر يرى أنه من الافضل ذلك ..

دراسة أجريت على 50 مدرسة بريطانية إلى أن الفصل بين الجنسين أثناء تدريس
بعض المواد يمكن أن يكون طريقة جيدة لمساعدة الطلاب، وجاء في الدراسة التي
أعدها الباحثان مايك يانجر وموللي وأرينجتون أن "الكثيرين من الطلاب والطالبات
يشعرون بارتياح أكبر في الفصول غير المختلطة؛ وذلك لعدم وجود الجنس الآخر
الذي يجذب الانتباه كما يشعرون بقدرة أكبر على المشاركة في النقاشات دون أي
حساب للتعرض للإحرا ج أو السخرية "

و أيضاً من الظواهر السلبية في المدارس المختلطة (ثقافة الاستعراض) التي تسببت
في تراجع مستوى التحصيل لدى الطلاب الذكور مقارنة بالإناث، وأظهرت الدراسة
أن أداء الطالبات كان أفضل من نظيره لدى زملائهن الذكور ...

أنا أعرف العديد من الطلاب المجدين الذين سقطوا في هذا الفخ و تراجعوا كثيراً ...
الموضوع حول الاختلاط في المدارس و ليس بالمجتمع و العمل أو الشارع ...


أرجو النقاش من دون مواعظ دينية ...

أنا رح احكي عن حالي وخلي الطليان عجنب بصراحة وجودالجنسين معا أثناء المراحل المختلفة بقوي شخصية الجنسين وبحطم الحاجز الوهمي
2_بدون التطرق للتحصيل العلمي من الضروري وجود الجنسين في مدارس واحدة
لأن بتلاقي الشاب الفلتان إذا عمل شي وتبهدل موفارقة معو لكن بوجود البنات ونفرة البنات عنو بعد ما يبين رح يأثر كتير على تصرفاته ويحاول يصححهاوذات الشي للبنات
3_واعتقادي أنوا مرحلة التعليم الأساسي والثانوي هنن مراحل تربوية وتقويمية قبل ما يكونوا تعليمية وهي متل ما كانوا يقولوا الأساتذة ##وزارة التربية وليست وزارة التعيم##

أ
2
لأن بتلاقي الشاب الفلتان إذا عمل شي وتبهدل موفارقة معو لكن بوجود البنات ونفرة البنات عنو بعد ما يبين رح يأثر كتير على تصرفاته ويحاول يصححهاوذات الشي للبنات
3#


ملاحظة غير دقيقة برأيي من تجربتي بالجامعة - لا شيء ممكن يغير سلوك الفرد
لأن الطبع ربما يغلب التطبع - و لا يستطيع الانسان ان كان لا يقرا و لا يدرس أن يقدم
مستوى أفضل لمجرد رغبته في اظهار نفسه ...
و ثانياً حتى لو كان هذا فإنه يؤدي لإشكالية هو أن الدافع للتعلم هو عمل " شو و استعراض "
و ليس هدف العلم بحد ذاته ... كما أن العاطفة الجياشة قد توقع الكثيرين في هذا العمر الحساس
في المشاكل لان الفتاة و الشب لم يصلا لحالة من النضج الكافي ...

مشكور على رأيك :D

ملاحظة غير دقيقة برأيي من تجربتي بالجامعة
بالجامعة وليس بالمدرسة

المدرسة بتكون شخصيتك لساتها عم تنمى.
بينما بالجامعة نوعا ما بتكون شفت اللي لازم تشوفو. وتعلمت اللي لازم تتعلمو
فشي طبيعي انو ما زيادة

انا كنت بمدرسة مختلطة, يعني صدقني كنا نخجل نقول كلمة "حمار" بالصف. مشان البنات اللي معنا.
بينما اذا بتروح على مدارس شباب لحال, او بنات لحال. بتسمع كل انواع المسبات, من الاساتذة للطلاب


و ثانياً حتى لو كان هذا فإنه يؤدي لإشكالية هو أن الدافع للتعلم هو عمل " شو و استعراض "
و ليس هدف العلم بحد ذاته

شو المانع اذا كنت هيك هيك عم تتعلم.
يعني كام واحد مثلا بروح على المدرسة لدافع التعليم بهالمرحلة؟؟
قلال كتير;-)

بما إنوا أنا لساتني بالمدرسة ومدرستنا مختلطة
بس مو فارقة معي لأنوا الحمد لله آخر شغلة بفكر فيها هي شغلة البنات
معي إنوا قصص الحب والغرام والرسائل من فوق المقعد ومن تحت الطاولة وورا الحمامات وجوا التوالــ....
مليانة عنا بالصف فلان حب فلانة وفلانة حابب إخت بطيخ مبسمر
وبإختصار المدارس المختلطة بتعمل مشاكل وبتجيب وجع راس
وأنا عن تجربة شخصية بعارض المدراس المختلطة

وأكتر شغلة أنا خايف منها هو إنوا تعلق في شي وحدة
وأنا السنة الجاية بكلوريا

تعلق فيك وحدة ولا انت تعلق فيها؟؟ :lol:

انا مع الفصل تماما
ومو لأسباب دينية أبدا

لأسباب نفسية

وخاصة بمرحلة المراهقة يلي تعتبر اخطر مرحلة بحياة الأنسان وكل واحد مننا
اكيد بيعترف بخطورة ها المرحلة خاصة لما بيتذكر نفسو
وبقول الحمدلله يلي أهلي كانو معي بها المرحلة

لما الأنسان بياخد البكالوريا وبيطلع على الجامعة وقتها ممكن بستوعب امر الأختلاط
وفهمان الأمور بين الجنسين كيف بتنصقل وبتتمحور بالمجال يلي هو بقرروه

اي لازم يضل الشب لحال و البنت لحال شي يصل على الجامعة ..

و يسيطر الخجل عليّون و يعاني الشب من عقدة الخجل و البنت من عقدة الخوف

بدل ما نعلم الواحد أنو العلاقة بين الذكر و الأنثى علاقة كتير حلوة بدل ما نعودو أنو تكون العلاقة علاقة صداقة و أخوة من صغرو

منأجلا مشان ما يضل لهالعلاقة مفهوم غير العلاقة الجنسية

أحسنتم لك عمي .. رح نصير بشر شي يوم ..

انا مع المدارس المختلطة لانها بتقوي فكرة انو العلاقة بين الجنسين ممكنة وحلوة كصداقة وزمالة وبعيد عن علاقات جنس وحب وبس...... وخصوصا لما هي العلاقات بتكون مستمرة من الطفولة للكبر وبدون انقطاع وبرأيي هاد الانقطاع رح يحسس هالمراهقين انو في إنّ بالجنس الآخر وهالاحساس هاد خطير كتير (خصوصا اذا كان هالانقطاع هاد مصاحب لانقطاع على الصعيد الاجتماعي كمان برا المدرسة) لانو بيصير الشب او الصبية بيحاولو يتصيدو أي فرصة لحتى يفوتو بعلاقات وقتها رح تكون بعيدة تماما عن الصداقة وحتى غالبا بعيدة عن الحب ورح تكون مجرد علاقات استكشاف للجنس الآخر ووقتها خدو على مشاكل نفسية واجتماعية والخ الخ

بالاضافة لانو من ناحية الدراسة بحسها كمان ايجابية لانو فعلا متل ماقالو الشباب انو رح يصير الشب او الصبية يحسبو الف حساب للبهدلة او التخجيلة

تعلق فيك وحدة ولا انت تعلق فيها؟؟ :lol:

لا يعني بنعلق ببعض :lol::lol::o:o

انا من تجربتي الخاصه و بما انو مدرستي مدرسه مختلطه بلاقي كتير إيجابيه بالموضوع
علاقه الزماله إلي موجوده بين الشب والصبيه إشي رائع و بشعر إنو بقوي الشخصيه طبعا تكون العلاقه لحد معين
وبما انها من اجمل مراحل بالحياه فلازم نعيشها بالطريق الصحيه والواضحه
لمّا ما يكون في اختلاط الشب أو الصبيه بدهن يلاقو اي فرصه أو مناسبه ليبنو علاقه و على الاغلب ما راح تكون علاقه زماله و صداقه متل إلي منلاقيها بالمدرسه وعلاقه الصداقه بين البنت والشب تجربه حلوه ومفيده للطرفين

وأحلى ايام عمري قديتها مع ولاد صفي

يسلمو:)

بصراحة الاختلاط بالمدارس متل ما قالو الشباب بتقوي الشخصية خاصة للبنت وما تخلي عقدة النقص تطغى عليها لانو راح تكتشف انو الجنسين ما بيختلفو كتي فكريا او عقليا عموما
تاني شي الاختلاط لما بكون مراقب بالمراحل الثانوية النتائج ماراح تكون بهالسلبية يالي عم تحكو عليها لانو سواء اختلطو بالمدرسة او خارجها يالي بدو يعوج او يعمل شي فحتى ببيتو فيه ينحرف
الخطا مو بالاختلاط الخطا بالهدف من الدهاب الى المدارسوالثانوات هلا الواحد فايت ليتعلم ويستفيد مو لشي تاني لانو ادا هيك فبلاها المدارس الشارع فيه ما يكفي من متطلبات ثورة المراهقة وما يليها
وشكرا:pos:

انا مع الفصل تماما
لما الأنسان بياخد البكالوريا وبيطلع على الجامعة وقتها ممكن بستوعب امر الأختلاط
وفهمان الأمور بين الجنسين كيف بتنصقل وبتتمحور بالمجال يلي هو بقرروه





مشكورة وايت روز و رأيك صحيح و بحب قول لامرأة من ورق أن الهدف هو العلم و ليس أن ينفذ الانسان
من بهدلة أو يحفظ ماء وجهه أمام الجنس الآخر كما ذكرت . لا أحد يجب أن يخجل و لا يسأل
"انو رح يصير الشب او الصبية يحسبو الف حساب للبهدلة او التخجيلة"
هدفنا العنب و ليس الناطور

امراة من ورقو لمن يخاف من المشاكل النفسية قلنا الاختلاط بالمدرسة فقط و ليس الفصل التام
الذي لا يمكن تنفيذه - الهدف هو تربوي فقط - أظن أن المنتدى مثلاً افسح المجال لكثيرات
من اللوات هن محرومات من الصداقة ليعملوا صداقات مع زملاء في المنتدى ...

اية الرحمن انت ربما ببلد غربي و نسمع الكثير عن الحبل بمراحل مبكرة بسبب عدم الرقابة ..
يا دوب الموجهين عم يدبروا انفسهم و يلاحقوا الشباب أو البنات فكيف اذا دخل الاختلاط ..:cry:


و للسيد بلاك لم نقل أنه يجب الانتظار للجامعة حتى تتعرف على الجنس الآخر -
ربما لم تدخل جامعة ، حصرنا الطرح بالتعليم و مع ذلك لا أظن أن المشاكل النفسية
ستنتهي و ليس تبني أي طرف هو حل نهائي لكن من يدخل للجامعة و يدرك
الفرق بين مشاكل المرحلة الثانوية و مشاكل الجامعة يدرك الفرق في التفكير و النضج
الذي يصبح للشاب و الفتاة و الذي يؤدي أننا لم نرى نفس مشاكل المرحلة الثانوية
في الجامعة أو على الأقل اختبرناها بنسبة أقل بكثير ...

:deal:



اية الرحمن انت ربما ببلد غربي و نسمع الكثير عن الحبل بمراحل مبكرة بسبب عدم الرقابة ..
يا دوب الموجهين عم يدبروا انفسهم و يلاحقوا الشباب أو البنات فكيف اذا دخل الاختلاط ..:cry:



على اساس عندكن البراءة عاملة احزاب على مين يا بابا
ودخلك باوربا مين يالي بسبب الحبل عند البنات 80بال100 اولاد العرب ;-)يعني العيب فينا وين ما رحنا الاوربي راح بفهم انو المدرسة للعلم ولما بدو يعمل شي فبرى اهلو ما راح يعارضو :pos:اما نحنا يالي ما بنعلم اولادنا الصح من الغلط فوين ما رحنا ناخد عيبنا معنا :frown:
الثانويات والمدارس معمولة للدراسة ولدمج الشباب في الحياة الحقيقية وكانو مرحلة تدريب على معركة اسمها العالم :adal:
مرحلة التعليم قوقعة والاختلاط فيها بيفتح الفكر :larg:
زملائي بالمدرسة من اغلى اصدقائي :deal:ويالي تعلمتو معهن عالدنيا ساعدني كتير اعطاني قوة لواجه لرجال بالعمل وبالشارع ومو اتخبى او اخفض صوتي لم باحكي معهن او وطي راسي لانو الخجل غام علي وهاد ما دفعني للغلط ابدا :pos:

مرورا بتجربتي الخاصة.درست بالمرحلة الابتدائية في مدرسة للبنات .وبالمرحلة الاعدادية كمان من حظي درست بمدرسة للبنات.ووقت انتقلت للمرحلة التانوية درست بليسي ميكست*شباب وبنات*عن جد لانو اتعودت ادرس بفصل بناتي فقط حسيت حالي انو خجلت اول ما فتت عالفصل اللي فيه شباب كمان.بس مع الوقت اتعودت عالجو.وبقول انو ما في احلى من الاختلاط بالفصل.لانو برأيي مع الشباب بتصير الدراسة احلى وبيصير في تعاون وتبادل افكار اللي ممكن ما تتولد اذا درسنا نحنا بنات .و اوقات كمان بيصير في منافسة شريفة.ورغبة في التفوق على الشباب.

ميغسي سكايبي موضوع حلو:D

على اساس عندكن البراءة عاملة احزاب على مين يا بابا
مرحلة التعليم قوقعة والاختلاط فيها بيفتح الفكر
زملائي بالمدرسة من اغلى اصدقائي ويالي تعلمتو معهن عالدنيا ساعدني كتير اعطاني قوة لواجه لرجال بالعمل وبالشارع ومو اتخبى او اخفض صوتي

تأكدي أن الاختلاط لن يمنحك هذه الأمور و لن يعطيك المواجهة و لا قوة الشخصية
لان هناك فتيات كثيرات في مدارس مختلطة يبقين محافظات على ميزة الخجل
أو التحفظ و هذه ميزة و ليست أمراً سيئاً إن كانت بحدود و بأصول ..
و مجدداً قلنا في الفصل في الدراسة كم قال علماء النفس و لا بأس أن يحظى
الشباب و الشابات بمناسبات كثيرة يتم فيها النقاش
و الحوار و اكتساب اصدقاء ليتم التعرف على وجهات النظر المختلفة لكن الموضوع محدد ..
في الفصل ..
يا ست آية لا أدري من أي بلد أنت لكن كثير من الأمور التافهة تحصل في هكذا فصول
دراسية لا علاقة لها لا باكتساب شخصية و لا بناء انسان ..
يتلهى الكثير من الطلبة بالتسلية و الحب و رمي الأوراق على البنات و التنبأ هذه الفتاة في وقت
الدورة الشهرية و هذه تحب فلان و هذه ترتدي كذا و مشاكل كثيرة هذا عدا عن الموبايلات هذه الأيام
التي فتحت باب التصوير الخفي و تبادل الصور - هذا السن ما زال غير راشد و حتى بالغرب
يعتبر كذلك في هذا السن لا يمكنك تجاوز الحواجز بهذه السهولة ..

ليش المجتمع يللي عايشين فيه وعم تتعاملو معه هوي بس بنات او هوي بس شباب ؟؟؟!!
لحتى تفصلو الناس بالمدارس يعني.....

المدرسة ما هيي الا نموذج مصغر عن المجتمع
المدارس غير المختلطة فيها نوع من عدم الثقة بالنفس
برأيي المدارس المختلطة هيي الصح وانا درست بمدارس مختلطة وهالشي ساهم بطريقة ايجابية ببناء شخصيتي

اي نسيت عقب انو
يللي بينسى حالو وبيلتهي عن درسو بسبب الجنس الاخر هي مشكلة عندو بمخو
اكيد الطلاب بعمر المراهقة بيمرو بهيك ظروف بس بعتقد هالشي لازم يكون حافز للشب او للبنت مشان يخلو الطرف الاخر يعرف قديش هني شاطرين ويدرسو اكتر بدل ما يلتهو
وكمان ما بحياتو الترتيب والاناقة والاهتمام بالمظهر كان عائق امام شغل او درس اي انسان الا اذا كان هالانسان فايت ب600 حيط

مشكورة وايت روز و رأيك صحيح

بدايتا حبيت علق على هالجملة
انت هون عم تحكي وجهة نظرك. يعني انت مانك بمركز بخولك انك تقول لهاد رأيك صحيح, ولهاد رأيك غلط.
فيك تقول انا بوافقك برأيك, وانا ما بوافقك برأيك.


اية الرحمن انت ربما ببلد غربي و نسمع الكثير عن الحبل بمراحل مبكرة بسبب عدم الرقابة ..
يا دوب الموجهين عم يدبروا انفسهم و يلاحقوا الشباب أو البنات فكيف اذا دخل الاختلاط
سؤالي الك,
ايمت سمعت بحدا حبل داخل المدرسة؟؟ :shock:
شو دخل هاي بهاي.
يعني بحياتك شفت وحدة حبلت بقلب المدرسة!!!
انا صراحة ما سمعت بهالحكي.
شو دخل المدرسة بالحبل!!

بدايتا حبيت علق على هالجملة
انت هون عم تحكي وجهة نظرك.
شو دخل المدرسة بالحبل!!

الكلام صحيح من وجهة نظري ان السلبيات اكثر من الايجابيات .. فالخبرة يأخذها الانسان
من المجتمع ككل و قوة الشخصية تأتيه من تجاربه و حتى و لو كان يشتري من متجر و يفاوض
البائع أو ينتقي لباس أو يقوم بدفع فاتورة و ليس بالضرورة أن تكون فقط محصورة بين جدران الصف
في هذا السن الخطر و الذي تشتعل فيه العواطف لأقل سبب و يكون الاندفاع اللاواعي أكبر من اي تعقل
لا يجب ان يمنح وقود اضافي كي تظهر الأخطاء ... فكرتك الثانية سخيفة -

فكرتك الثانية سخيفة -

ليش مين قال انها فكرتي
هاد اللي انت قلتو.
انا بس عم اتسأل
انو شي مرة سمعت بهالحكي؟؟

اي نسيت عقب انو
يللي بينسى حالو وبيلتهي عن درسو بسبب الجنس الاخر هي مشكلة عندو بمخو
اكيد الطلاب بعمر المراهقة بيمرو بهيك ظروف بس بعتقد هالشي لازم يكون حافز للشب او للبنت مشان يخلو الطرف الاخر يعرف قديش هني شاطرين ويدرسو اكتر بدل ما يلتهو
وكمان ما بحياتو الترتيب والاناقة والاهتمام بالمظهر كان عائق امام شغل او درس اي انسان الا اذا كان هالانسان فايت ب600 حيط
عاد الامر عادي وبسيط واللي عندو انحراف نفس الشي برا المدرسة كمان

لا انا ضد الفصل بس كمان يكون في مراقبه من الاهل

وياريت كل المدارس مختلطه بالعكس هيك البنت مثلا بتكون صداقات وبتتعرف

على اكبر شريحه من الطرفين الشباب والبنات


وعلى فكره حتى لو كانت المدرسه بس للبنات بصير فيها بلاوي

اكتر منها اذا كانت مختلطه

تحياتي ..............

وياريت كل المدارس مختلطه بالعكس هيك البنت مثلا بتكون صداقات وبتتعرف
.....

انا استغرب انك في مملكة عربية تعيش النساء فيها اوضاع مزرية و ينقصهن كثير من الحقوق
الأقل من أساسية و تريدين قفزة بهذاالشكل ؟؟؟ :?

عموماً بهذه الأيام يستطيع المرء تكوين صداقات في كل مكان و ليس الامر محصور بالمدرسة

انو شي مرة سمعت بهالحكي؟؟

في الغرب معظم الاحيان يكون هذا الشخص زميل دراسة ...

انا استغرب انك في مملكة عربية تعيش النساء فيها اوضاع مزرية و ينقصهن كثير من الحقوق
الأقل من أساسية و تريدين قفزة بهذاالشكل ؟؟؟ :?

عموماً بهذه الأيام يستطيع المرء تكوين صداقات في كل مكان و ليس الامر محصور بالمدرسة
على فكره انا بدرس بانترناشونال سكول بالسعوديه :pos:

يعني مختلط ................ معك حق انو الصداقات بكل مكان

بس بالمدرسه بتكون اقوى لانها غالبا بتبدى من الصغر

في الغرب معظم الاحيان يكون هذا الشخص زميل دراسة ...

لاكن بالغرب العلاقة الجنسية عادية جدا.
يعني بدك تحسب الاختلاف بين عادات وتقاليد الغرب وبين مجتمعنا الشرقي.

يعني بالغرب شي عادي كتير انو البنت تنام مع الشب.
لهلسبب المقارنة اللي انت عم تعملها. مو صحيحة.

بعدين لا تنسى انو هالعلاقة عم تنشأ خارج المدرسة, يعني ما الها علاقة بقوانين المدرسة نهائيا. بل الها علاقة بقوانين المجتمع.


داخل المدرسة لما بتكون مختلطة, في نظام اكتر. الطلاب بروحو مرتبين عالمدرسة. بكونو نشيطين
بكون في شوية ذوق.و بكون في احترام اكتر.

على فكره انا بدرس بانترناشونال سكول بالسعوديه :pos:

يعني مختلط ................ معك حق انو الصداقات بكل مكان

بس بالمدرسه بتكون اقوى لانها غالبا بتبدى من الصغر

لماذا تتحدثين عن نفسك تحدثي عن مجتمع باكمله يعتمد نظام رصيف للرجال
و رصيف للنساء و أمور نسمعها كالخيال عن مجتمعك الظلامي ..
فكري بمجتمعك كاملاً ..
المتحمسون لهذا الامر يشبهون العراقيين الذين ركضوا للديمقراطية الفجائية و الحرية
التي لم يؤسس لها بشكل جيد فحصل العكس و سقطوا في غياهب القرون الوسطى ..

داخل المدرسة لما بتكون مختلطة, في نظام اكتر. الطلاب بروحو مرتبين عالمدرسة. بكونو نشيطين
بكون في شوية ذوق.و بكون في احترام اكتر.

هذا الاستنتاج غير صحيح - و غير صحيح أنه يكون احترام أكثر لان كثير من الطلاب
يهينون زميلاتهم بدون اي احترام و يكيلون لهم الشتائم و السخرية بعد ان يعتادوا عليهم...

لماذا تتحدثين عن نفسك تحدثي عن مجتمع باكمله يعتمد نظام رصيف للرجال
و رصيف للنساء و أمور نسمعها كالخيال عن مجتمعك الظلامي ..
فكري بمجتمعك كاملاً ..
المتحمسون لهذا الامر يشبهون العراقيين الذين ركضوا للديمقراطية الفجائية و الحرية
التي لم يؤسس لها بكشل جيد فحصل العكس و سقطوا في غياهب القرون الوسطى ..
انا شو بدي بالمجتمع الي حولي اذا مستحيل اقتنع بافكارو

انا بشوف انو مجتعي عيلتي والي برا ان شا الله بالف جهنم

ما دخلني اذا انا ما رح اتأثر فيه

لاكن بالغرب العلاقة الجنسية عادية جدا.
يعني بدك تحسب الاختلاف بين عادات وتقاليد الغرب وبين مجتمعنا الشرقي.

يعني بالغرب شي عادي كتير انو البنت تنام مع الشب.
لهلسبب المقارنة اللي انت عم تعملها. مو صحيحة.

بعدين لا تنسى انو هالعلاقة عم تنشأ خارج المدرسة, يعني ما الها علاقة بقوانين المدرسة نهائيا. بل الها علاقة بقوانين المجتمع.


داخل المدرسة لما بتكون مختلطة, في نظام اكتر. الطلاب بروحو مرتبين عالمدرسة. بكونو نشيطين
بكون في شوية ذوق.و بكون في احترام اكتر.

وقت بدنا ناخذ الأمور بطريقة أخلاقية بحتة .............
لازم تصير الجامعات كمان منفصلة ياأخي أنا عايش بالمدينة الجامعية وحياتك رح يلحقوا جامعات الغرب
بص بضل المقارنة مرفوضة ولا تنسى أن الإنسان غير المربى بضل وسخ إذا بتعملوا بلاوي زرقة
أكبر دليل السعودية يمكن شوارع للتدريجة ما عندن يكون فيها بنات متل عنا بس يجوا ع سوريا
وأنا عايش بمنطقة سياحية أوسخ من شبابن مافي هادا الحكي شفتو بعيني
واسأل عناصر الشرطة عن أفعالن ومشاكلن وأخلاقن

لماذا تتحدثين عن نفسك تحدثي عن مجتمع باكمله يعتمد نظام رصيف للرجال
و رصيف للنساء و أمور نسمعها كالخيال عن مجتمعك الظلامي ..
فكري بمجتمعك كاملاً ..
المتحمسون لهذا الامر يشبهون العراقيين الذين ركضوا للديمقراطية الفجائية و الحرية
التي لم يؤسس لها بشكل جيد فحصل العكس و سقطوا في غياهب القرون الوسطى ..
على فكره مابعرف ليش حسيت ردك مالو علاقه بالموضوع:shock:

بحب قول لامرأة من ورق أن الهدف هو العلم و ليس أن ينفذ الانسان
من بهدلة أو يحفظ ماء وجهه أمام الجنس الآخر كما ذكرت . لا أحد يجب أن يخجل و لا يسأل
"انو رح يصير الشب او الصبية يحسبو الف حساب للبهدلة او التخجيلة"
هدفنا العنب و ليس الناطور


على مايبدو ماوصلت الفكرة بشكل صح

رح وضح شو قصدي انا وباقي الشباب انو شئ ايجابي لما الشباب والصبايا بيخافو من البهدلة والتخجيلة...... الايجابي فيها انو رح تكون هي بحد ذاتها دافع للعلم ودافع للالتزام بشكل اكبر بالدراسة وبقوانين المدرسة
وبالتالي هي الشغلة بتصب بخدمة العلم والمعرفة ومابتتعارض معها ابدا

على مايبدو ماوصلت الفكرة بشكل صح


الفكرة وصلت تماماً - انت تتحدثين ان الدافع هو الهروب من البهدلة أو حب التفوق
الذي هو مبني على انتصار بين جنسين و هذا خطأ فادح ..
مثل من يعمل خوفاً من العقوبة ليس عنده دافع حقيقي لمحبة العمل و هنا لا يستمر
و اصلاً لن يستمر هذا الشعور طويلاً ما لم يبنى على اقتناع و ايمان بالعمل و العلم ...

يا سكيبي ,وبدك تقنعني أنو في طالب بسوريا بحب الدراسة لأنها عملو
أي وحياتك نحنا طلاب الهندسة وحتى الطب عم ندرس بس من شان شوية معدل
يأمن عمل مرتب بس نتخرج :jakoush::jakoush::jakoush::jakoush:
أنا مع أنو حب التفوق هوي أقوى الاحتمالات////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

على فكره انا بدرس بانترناشونال سكول بالسعوديه :pos:


اسمحيلي ان اقول انت في سن لا يؤهلك ان تحكمي...
عندما تصبحي العشرين تدركين ان افكارك في المراهقة خاطئة
و عندما تصبحين في الخامسة و العشرين تدركين ان افكار أهلك في بعض القضايا صحيحة...
و انا سألت تربويين و خصوصاً هذه المدارس و بمعظمها للأغنياء تتفشى فيها المظاهر
و التسلية فاكد لي أنه يرفض الفكرة ...
بالاضافة لذلك لا يمكنك التفكير بشكل فردي و ليكن بعد رغبتك الطوفان .....
و يا ابن الساحل مهما كن هناك ظواهر سلبية يبقى التفكير في المرحلة الجامعية فيها
نضج اكثر من أي مرحلة سابقة .... المدينة الجامعية لا تفسد أحد برايي ..

...

و يا ابن الساحل مهما كن هناك ظواهر سلبية يبقى التفكير في المرحلة الجامعية فيها
نضج اكثر من أي مرحلة سابقة .... المدينة الجامعية لا تفسد أحد برايي ..[/quote]


يا سكي أنا ما قلت أن الظواهر السلبية معدومة لاء أنا معك أنها أكثر من الإيجابية
خصوصا نظرة المجتمع الدونة للصداقة بين الجنسين طبعا هي يلي بيرضا
فيها بس;-);-)

رأيك بمحلو عن المدينة الجامعية لكن حبيت الفت انتباه أنو إذا المانع من مدارس مختلطة
مو بس هي الشغلات الأخلاقية يلي كان الحكي عنها لأنها موجودة حتى بالمدارس المنفصلة وبالجامعات
كلنا شافيين طلاب وطالبات ثانوي برات المدارس وقت الدوام مع بعض
لكن تبقى من الناحية .................العلمية ......................في مجتمعنا الدمارس المختلطة الأفضل

يا سكيبي ,وبدك تقنعني أنو في طالب بسوريا بحب الدراسة لأنها عملو
أي وحياتك نحنا طلاب الهندسة وحتى الطب عم ندرس بس من شان شوية معدل


ما عم تدرس من أجل 48 + 2
سمعت انهم الغوها - للأسف اتعس جامعات بتاريخ البشرية هي الجامعات السورية ..

ما عم تدرس من أجل 48 + 2
سمعت انهم الغوها - للأسف اتعس جامعات بتاريخ البشرية هي الجامعات السورية ..
غريبة شوي انو صاحب الموضوع يخرج عن الموضوع..... مو؟؟؟:shock:
على حسب علمي انو موضوعنا عن المدارس المختلطة هلأ صرت بالجامعات السورية ومو بس هيك صرت بشخصنة حوار كمان

ماعلينا بنرجع للموضوع ولنفس النقطة بس ضمن موضوعنا..... برأيك عالميا ومو بس بسوريا شو نسبة الطلاب بالمدارس الاعدادية والثانوية (يعني عمر مابين 12-18 سنة وسطيا) اللي عم يدرسو كرمال العلم والمعرفة والثقافة بعيدا عن هدف متل التفوق او الخوف من الاهل او الترغيب او الترهيب بطريقة او تانية (وطبعا الترغيب هون بيتضمن شغلة تجنب الاحراج بالمدارس المختلطة)؟؟؟؟

على فكرة هي تالت مرة بتنطرح هي الفكرة بهاد الموضوع بس انت ماعم تنتبهلها او عم تنتبه وتحسها يمكن غير مهمة وبالتالي ماعم تجاوب عليها بس بتمنى اسمع منك الجواب لانو بالنسبة لرأيي انا بالموضوع هي نقطة اساسية كتير وبالتالي بانتظار الجواب:D

غريبة شوي انو صاحب الموضوع يخرج عن الموضوع..... مو؟؟؟:shock:
على حسب علمي انو موضوعنا عن المدارس المختلطة هلأ صرت بالجامعات السورية ومو بس هيك صرت بشخصنة حوار كمان:D

الله يرضى عليك ، هي اسمها احاديث جانبية ...
شو الاتهامات - هي اسمها وضع النقاط على الحروف ;-)

غريبة شوي انو صاحب الموضوع يخرج عن الموضوع..... مو؟؟؟:shock:
على حسب علمي انو موضوعنا عن المدارس المختلطة هلأ صرت بالجامعات السورية ومو بس هيك صرت بشخصنة حوار كمان

:D
بتمنا انك تقري بتمعن ,,,,,,,,,,,,,,,,,,,,,,,,,,نحنا استعنا بالجامعة لأنها مكان للاختراقات
الأخلاقية يلي حكوا أنها بتصير بالمدارس المختلطة بقى ليش ما بيفصلوا الجامعة
وكمان منشان أكد وجهة نظرك أنو ما في طالب بسوريا حتى الجامعيين بحبو كعمل حقيقي
بل حب التفوق أوضمان للمستقبل فقط
:o:oيا عيوني سكي النجاح صار50 يا حرام السنة الألى 60 وطالعة معن:o:o

بتمنا انك تقري بتمعن ,,,,,,,,,,,,,,,,,,,,,,,,,,نحنا استعنا بالجامعة لأنها مكان للاختراقات
الأخلاقية يلي حكوا أنها بتصير بالمدارس المختلطة بقى ليش ما بيفصلوا الجامعة
وكمان منشان أكد وجهة نظرك أنو ما في طالب بسوريا حتى الجامعيين بحبو كعمل حقيقي
بل حب التفوق أوضمان للمستقبل فقط
:o:oيا عيوني سكي النجاح صار50 يا حرام السنة الألى 60 وطالعة معن:o:o


عزيزي ليس هناك مكان محصن - لانها هذه طبيعة الحياة - نحن لا نقول أن هناك
امور غير اخلاقية تحدث بالمدرسة و لا تحدث بالجامعة ..
و لكن بشهادة الكثيرين يبقى هناك نضج بالتفكير لدى شريحة أكبر من الطلبة بالجامعة ..
من المراحل الثانوية ..
مجدداً الهدف هو تربوي أكثر منه اخلاقي مع عدم نسيان أن العواطف تكون ملتهبة في
هذا العمر - عمر المراهقة -

;-);-)أنا معك لا تقارن الجامعة #بالثانوية بس كانت##كدليل مو أكتر##
ومنرجع للموضوع إذا كان الهدف تربوي تبقى المدارس المخطلة عندا مجال أوسع
وذات قدرة أكبر على إعطاء خبرة من المدارس
المنفصلة يلي بتقتصر على مشاكل صنف واحد
ولا شر رأيك ;-);-)

بدايتا حبيت علق على هالجملة
انت هون عم تحكي وجهة نظرك. يعني انت مانك بمركز بخولك انك تقول لهاد رأيك صحيح, ولهاد رأيك غلط.
فيك تقول انا بوافقك برأيك, وانا ما بوافقك برأيك.



سؤالي الك,
ايمت سمعت بحدا حبل داخل المدرسة؟؟ :shock:
شو دخل هاي بهاي.
يعني بحياتك شفت وحدة حبلت بقلب المدرسة!!!
انا صراحة ما سمعت بهالحكي.
شو دخل المدرسة بالحبل!!
اي اعتبرها خطا مطبعي وفوتها
لانو لو دخلنا بهالخطا المطبيعي راح اعطيك ادلة بس نفوت بالحيط وموضوع تاني فبلاه

أكيد اكيد المدارس المختلطة ........

وبالاخص بفترة المراهقة فترة تكون الشخصية وفترة البلوغ ضروري كتير يكون في اختلاط بين الجنسين مشان يتعرفو ع بعضن و هيدا بيشجع البني ادم على العطاء والتميز ..يعني كل واحد بيصير بدو يفرجي الجنس الاخر انو هوي مميز وهوي الافضل وما احدا احسن منو ..فبيدور ع شي يتميز فيه مشان يفجر طاقاتو ويرضي عواطفو الجامحة ..فهيدا الشي بيطلق روح التميز والتنافس

واكيد ما فينا نعيش بدون الجنس الاخر... وبدون الحب:sosweet: وبالخص بفترة المراهقة..... لانو عن جد احلى حب واصدق حب هوي حب المرحلة الثانوية"اذا بدنا نقارنو بحب الجامعة" ..وهيدا الحب بيعطيك طاقة رهيبة من أجل العمل ..والدراسة ""هلا طبيعي هاد الحكي بيختلف من شخص لاخر ""

بالنسبة الي انا درست بمدرسة مختلطة وعرفت فيها ايام حلوة واصدقاء وصديقات رائعين .. ورح ضل اذكر هالايام طول ما ان عايش :cry:

تحياتي:D

اي اعتبرها خطا مطبعي وفوتها
لانو لو دخلنا بهالخطا المطبيعي راح اعطيك ادلة بس نفوت بالحيط وموضوع تاني فبلاه

انت سمعتي عن عالم حبلو بالمدرسة؟؟ :shock:
هاتي سمعينا القصص

مجدداً الهدف هو تربوي أكثر منه اخلاقي مع عدم نسيان أن العواطف تكون ملتهبة في
هذا العمر - عمر المراهقة -

معلش تشرحلي معنى كلمة تربوي ؟؟؟
لو سمحت :D

كاتب النص الأصلي : skipy عرض المشاركة
مجدداً الهدف هو تربوي أكثر منه اخلاقي مع عدم نسيان أن العواطف تكون ملتهبة في
هذا العمر - عمر المراهقة -

بنعالجو بالانتي بيوتيك..(مضاد حيوي واسع الطيف)...:D

معلش تشرحلي معنى كلمة تربوي ؟؟؟
لو سمحت :D

تجربة أحد زملائي ...
في مدرسة ثانوية بسورية كانت مختلطة ....كان يصير فيها كل أنواع الخطيئة ونسبة الرسوب كانت كبيرة بشكل مخيف عندما أتى مدير وفصل بين البنات والشباب مع العلم أ نه يتبنى نشاطات مشتركة من فترة لفترة وهيك صار ضبط للشباب والبنات بهالعمر و صار تعارف وفعلا زادت نسبة النجاح والدراسة وبعدين لاحقين الناس بالجامعة وعلى الرغم من خطر العلاقات الغير صحيحة بالجامعة بس أنو برأيي بيكون الانسان وعي أكتر وصار بيعرف مصلحه إلى حد ما وبيكون مسؤول 100% عن تصرفاته ...

تجربة أحد زملائي ...
في مدرسة ثانوية بسورية كانت مختلطة ....كان يصير فيها كل أنواع الخطيئة ونسبة الرسوب كانت كبيرة بشكل مخيف عندما أتى مدير وفصل بين البنات والشباب مع العلم أنو بيعمل نشاطات مشتركة من فترة لفترة وهيك صار ضبط للشباب والبنات بهالعمر و صار تعارف وفعلا زادت نسبة النجاح والدراسة وبعدين لاحقين الناس بالجامعة وعلى الرغم من خطر العلاقات الغير صحيحة بالجامعة بس أنو برأيي بيكون الانسان وعي أكتر وصار بيعرف مصلحه إلى حد ما وبيكون مسؤول 100% عن تصرفاته ...


أول مرة تحكي شي صح بحياتك ...............:shock::?:o