أول مرة تحكي شي صح بحياتك ...............:shock::?:o




حبيب القلب انشاءالله أنا ما بحكي إلا الشي الصح و مضطر آسفاً أزعج البعض حتى لا يتراكم الخطأ
أو يتم غسيل دماغ أي انسان بأية أفكار غير صحيحة ..

تجربة أحد زملائي ...
في مدرسة ثانوية بسورية كانت مختلطة ....كان يصير فيها كل أنواع الخطيئة ونسبة الرسوب كانت كبيرة بشكل مخيف عندما أتى مدير وفصل بين البنات والشباب مع العلم أ نه يتبنى نشاطات مشتركة من فترة لفترة وهيك صار ضبط للشباب والبنات بهالعمر و صار تعارف وفعلا زادت نسبة النجاح والدراسة وبعدين لاحقين الناس بالجامعة وعلى الرغم من خطر العلاقات الغير صحيحة بالجامعة بس أنو برأيي بيكون الانسان وعي أكتر وصار بيعرف مصلحه إلى حد ما وبيكون مسؤول 100% عن تصرفاته ...


;-);-);-)مثال رائع .................................................. .........
رح قللك أنو التعارف للجامعة أحسن بيكون الإنسان مسؤول عن حالو تماما متل ما قلت
بس مو شايف أنو يكون في مجالات للتعارف بالثانوي والإعدادي غير الدراسة يعني معسكرات
صيفية متل العاشر كل سنة أفضل ما يضل الفراغ بين الشباب والبنات للجامعة;-);-);-)
طبعا مع بقاء المدارس منفصلة...........................

مرحبا شباب شكرا كتير على كل آرائكم بهالموضوع الحساس وكل الآراء منطقية يلي مع الاختلاط ويلي ضدو
بس شخصيا أنا رح أتخرج وعندي رفقات بنات على عدد شعر راسي ولحد الآن بشعر أن التعامل مع البنت أو الشب يلي من مدرسة مختلطة أريح وأفض وبشعر موبس أنا كتير من زملائي بالأريحية والطبيعية بالتعامل معن
أنا شخصيا درست بمدرسة مو مختلطة وما بقلكن في كتير أشياء مريحة بهالموضوع بس كمان ما حدا فينو ينكر أنو الجنسيبن يعني الشباب والبنات بحاجة لبعض وهادا لمسناه بالجامعة والخلطة بالمرحلة الدراسية كتير ممتازة وضرورية لتنمية الشخصية
مثلا رفقاتنا البنات والشباب يلي ما كانوا مختلط لحد الآن بشوفوا بالجنس الآخر مجرد أنو جنس آخر وما بيعرفوا يتعاملوا معو على أساس أنو بشر لذلك بتشوف الشب أو البنت بيغير طريقة كلامو وتصرفاتو قدام الجنس الآخر وبيصير مزيف أو مصطنع أو حتى مبتزل يعني باختصار عم يضحك على حالو وعالعالم
وفي شغلة كتييييييييييييييييييييييي ير مهمة بموضوع الخلطة وهو اختيار الشريك
فلما بكون في اختلاط وبيتعود الشب أنو البنت مو لقمة سائغة أو كائن فضائي وبتتعود البنت أنو الشب مو بعبع أو وحش كاسر أو مجال للعرض بكون اختيار الشريك عن ثقة وقناعة تعقل ومنطقية كمان الواحد بيعرف اللي إلو واللي عليه
بينما بدون اختلاط لا الشب رح يعرف شو بدها البنت ولا البنت كذلك ولا رح يعرفوا يتأقلموا مع بعض مت الخلق والبشر
أما الشغلة الثانية :أنا شخصيا حبيت بالسنة الثانية بنت لطيفة كتير ضليت معها 8أشهر وبعدين وصلت بيني وبينها للسما وبعد ما انفصلنا اكتشفنا قديش نحنا أغبياء بسبب الخطوة يلي أقدمنا عليها بتسرع وبدون وعي وتعقل وإدراك لمتطلبات الشب والبنت مع العلم أنو البنت حبابة ومحترمة وأخلاقية ومرباية وأنا أكيد ما رح قول عن حالي غير هيك بس لاحظو مواصفات البنت هي مواصفات بيتمناها كل شب بالصبية لكن هادا بأيامنا ما بيكفي لأنو أنا والبنت كنا متل الشرق والغرب أنا بفكر بطريقة وهي بطريقة مختلفة كليا وما بيجمع بيناتنا شي إطلاقا
وهلق أنا سنة رابعة وتعودت على الاختلاط الواعي بعد أربع سنين تجارب ولحد الآن بحس أنو بعض رفقاتنا الشباب والبنات ما عم يلاقوا صيغة للتفاهم والتأقلم مع جو الاختلاط بينما لو كانوا متعودين على هالشي من المدرسة كان اختلف الوضع أكيد وعلى فكرة في كتير صبايا رفقاتنا واعيات جدا وممكن الاعتماد عليهن جدا والتفاهم معن جدا بس كلن درسوا بمدارس مختلطة وأما الصبايا والشباب يلي مادرسوا مختلط كل همهن أنن يستعرضوا ويحسوا بنظرة الجنس الآخر حتى لو كانوا عم يضحكوا على حالهن
والنقطة الأخيرة هي الخوف من أنو الشب والبنت يغلطوا ببعض هادا شي التربية بتحددوا موالختلاط ويلي مربى ببيت أهلو إن شا الله نحطو بين الأوباش والسفلة والوقحين رح يضل مربى طول ما الأهل متمكنين وواعيين وحضاريين
وأكبر دليل أنو المدارس عنا مو مختلطة وما في شب إلا بينزل على صرفات بنات المدارس وبيتعرف عليهن وبيمشي معهن من ورا ضهر أهلن بينما الشباب والبنات الحضاريين بيحاكوا بعض بأريحية وبعلم الأهل
وعلى فكرة أنا شخصيا ضليت متعقدمن البنات لحتى فتت على الجامعة
لذلك وباختصار الاختلاط ضروري للنضوج والوعي وبناء الشخصية يلي عم تضل مهزوزة لأسف لحتى البشر يدخلوا على الجامعة

ة يلي عم تضل مهزوزة لأسف لحتى الشب والصبية يدخلوا على الجامعة


الانسان الذي شخصيته مهزوزة لن تنفع فيه جامعة او اختلاط -
ثانياً : أشير لامر مهم هو انه هناك مجتمعات متخلفة دينياً أمثال بيئة بعض من
يتبعون الاساليب المتخلفة الدينية في تربية أبنائهم تضيف حملاً إضافياً بتربية قاسية جداً -
يعني ينبغي تغيير هذه المجتمعات المتخلفة أسروياً و بيئياً في البداية
هؤلاء الذين يبقون الضيف نصف ساعة على الباب لإخلاء المنزل و لا ننسى المراة تختبأ بالتواليت
و الحمام حتى لا تظهر و هذا يؤثر سلباً أكثر بمليون مرة من النظام المدرسي بغض النظر عنه
لأننا ناقشنا المسألة - بينما نرى في بيئات حضارية كثيرة يكون هناك نوع من الحرية
و التعامل الاخوي الذي يؤثر ايجاباً على سلوك الشاب و الفتاة ، يعني البيئة المريضة
و إصلاحها أهم من رمي مصطلح عام ...

اسمحولي يا جماعة انا شايفة ان الاختلاط ده هو اساس البلاء .انا مصرية و المدارس المختلطة بيحصل فيها بلاوي بعكس المدارس المنفصلة. هوه فعلا المحترم محترم لكن صدقوني البيئة تؤثر تأثير شديد علي سلوك الشباب و البنات . وبعدين الأخ اللي بيقول "الضيف يتلقح نص ساعة و الستات تختفي في التواليت " احب اسألك سؤال : هل انت تحب ان اختك أو أمك يظهروا امام رجل غريب وهما غير محتشمتان؟

: هل انت تحب ان اختك أو أمك يظهروا امام رجل غريب وهما غير محتشمتان؟


ليس الموضوع موضوع احتشام بل قضية بيئة متخلفة تسجن المراة و لو كانت محتشمة
و ترفض حتى البنت أو المراة تجلس و تلقي السلام على أي ضيف حتى و لو كان في سن ابنها ...

هذا يؤدي لتدمير شخصية البنت في حال مواجهة أو التعامل مع أي شخص هذا عدا
عن عدم معرفة الأم بأصدقاء ابنها ، و هذا يفرغ عقل البنت من وجود شيء اسمه تعامل
أخوي مع الضيف أو أي انسان و هذا سبب رئيسي يجعل هذه البيئات منحرفة و أبناؤها
يضيعون في دروب الاجرام و الخلاعة و الكباريهات و بناتها يتزوجون باكراً و يطلقون بسبب عدم وجود
أي وعي أو بيئة حضارية يتربون فيها ...

ليس الموضوع موضوع احتشام بل قضية بيئة متخلفة تسجن المراة و لو كانت محتشمة
و ترفض حتى البنت أو المراة تجلس و تلقي السلام على أي ضيف حتى و لو كان في سن ابنها ...

هذا يؤدي لتدمير شخصية البنت في حال مواجهة أو التعامل مع أي شخص هذا عدا
عن عدم معرفة الأم بأصدقاء ابنها ، و هذا يفرغ عقل البنت من وجود شيء اسمه تعامل
أخوي مع الضيف أو أي انسان و هذا سبب رئيسي يجعل هذه البيئات منحرفة و أبناؤها
يضيعون في دروب الاجرام و الخلاعة و الكباريهات و بناتها يتزوجون باكراً و يطلقون بسبب عدم وجود
أي وعي أو بيئة حضارية يتربون فيها ...
ماشي اوكي انا معاك ان الأم لازم تعرف اصدقاء ابنها . و لعلمك الأسلام حث الفرد علي الختلاط قال رسول الله صلي الله عليه و سلم ( المؤمن الذي يخالط الناس و يؤذونه و يصبر علي أذاهم خير من الذي لا يخالطهم و لا يؤذونه)

اسمحولي يا جماعة انا شايفة ان الاختلاط ده هو اساس البلاء .انا مصرية و المدارس المختلطة بيحصل فيها بلاوي بعكس المدارس المنفصلة. هوه فعلا المحترم محترم لكن صدقوني البيئة تؤثر تأثير شديد علي سلوك الشباب و البنات .

مع احترامي لكلامك ,,الاختلاط مو اساس البلاء بل هوي اساس الهروب من البلاء يللي رح يسببو عدم الاختلاط ...

وما فهمت وين البلاوي يللي رح تصير ...

المدارس المنفصلة شي مو منيح ورح بيخلي الانسان معقد طول حياتو من الجنس الاخر ... فلشو ؟؟
يعني يللي بدو يعمل بلاوي هاد بيكون شاذ وهاد لازم يتعاقب وحدو .مو الافكرة كلا تبع الاختلاط


الاختلاط فيه ايجابيات اكتر من السلبيات بعكس الانفصال :D

و هذا أيضا لا يعني الأختلاط الأباحي بين الشباب و البنات

مع احترامي لكلامك ,,الاختلاط مو اساس البلاء بل هوي اساس الهروب من البلاء يللي رح يسببو عدم الاختلاط ...

وما فهمت وين البلاوي يللي رح تصير ...

المدارس المنفصلة شي مو منيح ورح بيخلي الانسان معقد طول حياتو من الجنس الاخر ... فلشو ؟؟
يعني يللي بدو يعمل بلاوي هاد بيكون شاذ وهاد لازم يتعاقب وحدو .مو الافكرة كلا تبع الاختلاط


الاختلاط فيه ايجابيات اكتر من السلبيات بعكس الانفصال :D

اسمحلي كلامك مش مضبوط لازم يكون في التزام وادب و دين و المدارس المشتركة مليانة بالزواج العرفي فين بقي الايجابيات؟ و بعدين المدارس المنفصلة لا تسبب العقد و لا اي حاجة المعقد ده ناتج عن أسرة معقدة

و هذا أيضا لا يعني الأختلاط الأباحي بين الشباب و البنات


اكيد لا ..بس حسب مفهوم كل واحد منا للاباحية ...

هلا انا اذا بحب وحدة بالمدرسة بالنسبة الي مو اباحية .... بس بالنسبة لغيري حرام وما بيجوز


يعني الخلاصة هاد بيرجع للاهل .. يللي حابب يكون ابنو او بنتو بمدرسة مختلطة يحطو فيها و للي ما بدو ما يحطون بس ولادو بس يكبروا بتصور رح يحطو ولادن بمدرسة مختلطة

تحياتي:D

اسمحلي كلامك مش مضبوط لازم يكون في التزام وادب و دين و المدارس المشتركة مليانة بالزواج العرفي فين بقي الايجابيات؟ و بعدين المدارس المنفصلة لا تسبب العقد و لا اي حاجة المعقد ده ناتج عن أسرة معقدة

الايجابية الاهم هيي نفي السلبيات الكتيرة يللي رح تحقق لو انفصلو الجنسين ... يعني تصوري شب ما بيعرف شو يعني بنت شو رح بيترتب عليها من عقد نفسية ماني بوارد ذكرها..

البني ادم بمرحلة المراهقة تحديدا بيكون بمرحلة تكوين الذات والشخصية .. ما تتخيلي اديش رح ياثر الانفصال ع شخصيتو

وما بعرف من وين جايبة هالكلام عن الزواج العرفي ..نحنا عنا بسوريا قليل ما بيصير هيك ...فالمشكلة بثقافة كل دولة يللي بتخليها اكتر تشددا او اكتر انفتاحا

الايجابية الاهم هيي نفي السلبيات الكتيرة يللي رح تحقق لو انفصلو الجنسين ... يعني تصوري شب ما بيعرف شو يعني بنت شو رح بيترتب عليها من عقد نفسية ماني بوارد ذكرها..

البني ادم بمرحلة المراهقة تحديدا بيكون بمرحلة تكوين الذات والشخصية .. ما تتخيلي اديش رح ياثر الانفصال ع شخصيتو

وما بعرف من وين جايبة هالكلام عن الزواج العرفي ..نحنا عنا بسوريا قليل ما بيصير هيك ...فالمشكلة بثقافة كل دولة يللي بتخليها اكتر تشددا او اكتر انفتاحا
مين اللي قال كده انا في مدرسة منفصلة و الحمد لله مش معقدة و لا حاجة و كذلك كل اللي اعرفهم في مدارس منفصلة
و في مصر احب اؤكد ان المدارس المشتركة مليانة بلاوي زواج عرفي و غيره و ضياع مستقبل العديد من البنات بسبب هذه البيئة الفاسدة

مين اللي قال كده انا في مدرسة منفصلة و الحمد لله مش معقدة و لا حاجة و كذلك كل اللي اعرفهم في مدارس منفصلة


انا ما بعرف شي عنك لهيك ما فيي احكم ... بس اكيد كلامي هوي كلام نسبي .. يعني مو الكل ..بس اغلبن بيصير معو عقد ومشاكل نفسية .. وما تقولي كل الذين اعرفهم ..اكيد ما ح يجو يقلولك ..مرحبا انا معي عقدة نفسية من ورا هيك مدارس .. \ و عفكرة مو هلا وقتا حتى يتعقدوا ..هالحكي بعدين بس يواجهو الحياة

الله لا يعقد حدا:D

مين اللي قال كده انا في مدرسة منفصلة و الحمد لله مش معقدة و لا حاجة

أنا معك ليس كل من تعلم بمدرسة عادية معقد هناك أمور كثيرة بالتربية و البيئة
تؤثر - المجتمع السعودي هو مثال لمجتمع يدفع اتباعه للجنون و الهرب صيفاً
إلى أوكار الدعارة و الكباريهات في كل مكان بسبب السياسات الدينية
الراديكالية ...

هذا الاستنتاج غير صحيح - و غير صحيح أنه يكون احترام أكثر لان كثير من الطلاب
يهينون زميلاتهم بدون اي احترام و يكيلون لهم الشتائم و السخرية بعد ان يعتادوا عليهم...

يا حبي انت,
انا دارس بمدرسة مختلطة من وقت ما كنت صف روضة. والحمدلله الحمدلله, رح ضل عم ادرس بمدرسة الحياة (اللي رح تلاقي فيها من الجنس التاني بكل شبر وكل مكان) طول عمري.
ما علينا

يعني انا بعرف شو الجو بالمدرسة المختلطة وبعرف اذا في احترام ولا مافي.
ودرست بمدارس سوريا المختلطة, ومدارس اميركا المختلطة.
هون باميركا عاطينهون حرية زيادة عن اللزوم. يعني بتلاقي العالم عم يبوسو بنص الطريق (ببعض المدارس, في مدارس القوانين فيها اشد)
بينما بسوريا كان فيها المدرسة نظام اكتر. صحيح كان زايد عن اللزوم بس كان موجود. (بالنسبة المعاملة بين الجنسين) وهالحكي لانو المجتمع هيك بيفرض.
انا بسوريا بحياتي ما سمعت شب سب على بنت بالمدرسة.

ما بعرف اذا انت دارس بمدرسة خاصة.
بس اذا مو دارس. بنصحك لا تجادل بشي ما بتعرف فيه.

باوروبا واميركا. المدارس اللي للبنات بس او للشباب بس.
هية مدارس خاصة. واجورها عالية جدا جدا
المدارس العامة مختلطة.
ولهلسبب بتلاقي ببعض مدارس الشباب والبنات علاماتهون احسن او من هالحكي.
هالشي لانو الاساتذة ممتازين, ولانو قوانينهون صارمة, ولانو بيحطو حطا الطالب لحتى يدرس.

وهالشي مافيه اي مقارنة بينو وبين مدارسنا العامة, واللي فيها اسوء اساتذة, اسوء قوانين, اسوء نظام.

كان بتذكر في مدرسة بسوريا اسمها ثانوية باسل الاسد. للشباب.
هاي حسب ما بتذكر ما كان يدخلها غير المتفوقين من الشباب.
هاي ممكن اقدر قارنها شوي معهون. لاكن من المستحيل قارن اي مدرسة تانية.

يسلم تمك على هالكلام الحلو يا skipy
ويا ريت تزيدنا بآراءك الحلوة وأنا معك بكل حرف حكيتو
ورح قول شغلة للأسف كتير شباب بخافو يحكوا بجرأة عن أخواتن البنات لذلك رح قول أنا بفترة من الفترات كنت كتير مقيد بالفكر السلفي الغبي يلي بيلغي كيان المرأة بس الحمد لله عندي أهل واعيين جدا لهالموضوع وحاليا ما عندي مشكلة إطلاقا بأي تصرف تتصرفو أختي لأني بعرفها وبوثق فيها ولمعلومات الكل أختي طبيبة وبعرف كل زملاءا الشباب فردا فردا وأختي التانية كمان طبيبة وكمان منعرف كل شي عن رفقاتا وعلى فكرة لا تفكروا إني كتير بحط راسي بتصرفات خواتي لأ أنا كمان مطالب بالبيت تكون تصرفاتي واضحة أكيد مع وجود حريات شخصية إلي ولخواتي البنات كمان يعني ما في أي تفرقة بالتعامل يعني أنا كمان أهلي بيعرفوا رفقاتي البنات والموضوع عادي وما في أي شي إطلاقا على فكرة نحنا ما درسنا بمدرسة مختلطة وهالثقة يلي عم حاكيكن فيها ما أخدتا لبعد ما فتت عالجامعة وعرفت حقوقي وحقوق غيري طبعا أكيد كان لوعي الأهل دور كبير ولمعلوماتكن الصراحة بين الشب أو الصبية وأهلن أهم شي فلما بكونوا الأهل خانقين الشب أو البنت ومقيدين تحركاتهن أكيد ثم أكيد ثم أكيد رح يكون فيه انحراف وكذب وخروج عن استيعاب الأهل وما رح ينشأ الشب أو البنت بشكل سوي
وكلامي عن معرفة شخصية لولاد حارتنا يلي كلهن ما تاركين تجربة سوء من الانحراف إلا عاملينها
وأنا مسؤول عن كلامي

اي معلم, مو كل شخص درس بمدرسة منفصلة هو شخص متخلف وما بيعرف يتعامل مع الجنس التاني.
تماما متل مو انو
مو كل شخص درس بمدرسة مختلطة بيحترم الجنس التاني وزلمة متحضر.
اكيد في هيك وهيك بالمدرستين.

انت هون بتجربتك كان الفضل الكبير لاهلك بهالموضوع.
بس شي 90% من الناس ببلدنا اذا مو اكتر. اهلون مو متل اهلك. ;-)

أنا معك ليس كل من تعلم بمدرسة عادية معقد هناك أمور كثيرة بالتربية و البيئة
تؤثر - المجتمع السعودي هو مثال لمجتمع يدفع اتباعه للجنون و الهرب صيفاً
إلى أوكار الدعارة و الكباريهات في كل مكان بسبب السياسات الدينية
الراديكالية ...


هادا الحكي واقعي 100%...............
تانيا أنا درست مرحلة من دراستي بمدرسة مختلطة وبعدين بمدرسة منفصلة بحكم انتقالي من الريف للمدينة :oops: وبصراحة كانت فترة المدرسة المختلطة أفضل من وجهة نظري
وأنا اعتقادي قبل كون المدرسة هي مجال اختلاط المجتمع والبيئة وعقلية الأهل
كتير في مدارس مختلطة بالاسم يعني الشباب بديرة والبنات بديرة حتى سلام مافي
نتيجة الأهل والعقلية :sick::sick: البالية يعني متل ما حكى williتماما الأهل والبيئة قبل الظروف الاستثنائية

دراسة أجريت على 50 مدرسة بريطانية إلى أن الفصل بين الجنسين أثناء تدريس
بعض المواد يمكن أن يكون طريقة جيدة لمساعدة الطلاب، وجاء في الدراسة التي
أعدها الباحثان مايك يانجر وموللي وأرينجتون أن "الكثيرين من الطلاب والطالبات
يشعرون بارتياح أكبر في الفصول غير المختلطة؛ وذلك لعدم وجود الجنس الآخر
الذي يجذب الانتباه كما يشعرون بقدرة أكبر على المشاركة في النقاشات دون أي
حساب للتعرض للإحرا ج أو السخرية
انا بحكي انه الاختلاط احيانا مفيد وعدمه كمان
بس احنا لما بنعمل مقارنه بيناتهم بطلع عدم الاختلاط هو الاحسن
وانا كمان ما الي كتر بالجامعه
بس حسيت فرق بين المدرسه الي مش مختلطه
والجامعه المختلطه

شباب أنا مع كل شي حكيتوه بس بشوف أنو حاليا من غير المجدي أنو نحط عقلنا بالختلاط أو عدمو المفروض أنو الشب والبنت يعيشوا تجاربهن ومو مفيد إطلاقا أنو نفصلهم لأنو الجنس الآخر دائما إلو خصوصية وبتصور يلي واثق من حالو ومن ولادو المفروض ما يكون عندو مشكلة بأنو يكونوا عم يختلطوا طبعا المشكلة البعض ممكن يسيؤوا لمفهوم الاختلاط بس مو عدل ميشان كام واحد بعيدين عن الرقي والتحضر نمنع كتير شباب وصبايا أنن يعيشوا حياة طبيعية والمشكلة أنو حاليا في أشياء كتير بالعالم نحنا بعاد عنها جدا وبجوز مو سمعانين فيها ورح أنصح الكل أنهن يطلعوا على كتب التحليل النفسي ليعرفوا أنو الاختلاط مفيد جدا وهادا علم مو مجرد كلام فارغ في كتب اسمو
حول الحب والاستلاب دراسة في التحليل النفسي للشخصية المستلبة
بيثبت بشكل علمي معلل مع أمثلة من مجتمعنا أنو 90بالمية من شبابنا وصبايانا عندن مشاكل استلابية لأننن منغلقين وانطوائيين على حالهم وما عندهم تجارب نهائيا يعني الشب والصبية بيعيش وبموت متل ما خلق
وعلى فكرة أنا بفضل المدارس المختلطة مو لمجرد الاختلاط بس لتبادل التجارب ولحتى ما يضل في شي اسمو جنس آخر يشغل تفكير شبابنا وصبايانا عن قضايا أهم
وعلى فكرة الكتاب اللي قلتلكن عنو مؤلفو الدكتور حسن شاويش ومحمد شاويش يعني عرب يعني من أكتر الأشخاص يلي ممكن يفهموا طريقتنا بالتفكير وأساليب حياتنا ومشاكل مجتمعنا
على كل برجع بقول ما بقا خرج نوقف عند هيك أمور وبالنسبة للأهل فإذا الأهل كانوا غير سويين هادا ما بيعني ما نعطي الأولاد الفرصة ليعيشوا سويين
وشغلة أخيرة السبب الأهم يلي عم يخلي بالختلاط أو عدمو مشاكل هو قلة الثقافة لأنو الشخص المثقف ممكن يعالج المشاكل بطريقة أسلم من الشخص غير المثقف ولا تفكوا أنو الثقافة مجرد كام كتاب لأ الثقافة يعني أنك تتوسع بقراءاتك الإنسانية لحتى يكون عندك محاكمة عقلية للأمور يلي بتنعرض قدامك

هو هو انا شكلي وصلت كتير متاخر.. بس صراحة انا مع
لانو عنجد في حاجز وهمي كبير عم يعمل مشاكل اكبر بس ليكبر الواحد
اكيد ضمن حدود بس انا مع

انت سمعتي عن عالم حبلو بالمدرسة؟؟ :shock:
هاتي سمعينا القصص
والله ونظرا لما رايته من رحابة صدر وتفتح عقلي وفهم واسع وعقليات متفتحة على العالم من الجانب العربي ماراح احكي شي تافه لساتو الغرب بيحكي عنو وعامل منو موضوع يناقش على اعلى المستويات
وعن القصص بس يكون عندي وقت بحطلك ياهن بالمكتبة بس اتمكن من اللغة لانو العربي عندي بعيد عنك ما بطل الالهام غير كل سنة مرة لاكتب شي مرتب بالفصحى ويليق بمكتبتنا

بصراحة لا أثني على الاختلاط بصورة عامة في وضع مجتمعنا العربي بشكل خاص وفي المجتمع الأجنبي بشكل عام

ولكني حاولت أن أرى السلبيات والأيجابيات بعدما قمت بمقرانة بين بلدين فأنا كنت أعيش في سوريا وأدرس في مدارسة منفصلة وعدت إلى تونس والمدارس فيها مختلطة والآن أنا اعيش في جو كله مختلط -مقارنة بسوريا-

المحاسن والمساوئ:
حسناً فلنبداْ بمساوئ الاختلاط والتي بعد تمحيص وحصر لأفكاري وجدت أكبرها المشكلات الجنسية التي لا يحب مجتمعنا ان تحصل مع انها امر عادي ان تحصل فنحن بشر وذلك جانب من حياتنا (بغض النظر عن نظرة الدين للأمر)
لم أجد أي مساوء آخرى للاختلاط بصراحة
وخصوصاً على نسبة التحصيل العلمي فهنا -في تونس- كل الناس يحصلون ويدرسون بغض النظر عن الفتيات والفتيان فبالنسبة للشباب التونسي بجنسيه، الجنس الآخر هو عادي وليس أمراً على تلك الدرجة من الإثارة بغض النظر عن الحاجات الطبيعية للحب والجنس والغرائز الموجودة فينا غريزياً

وأما مشكلة عدم الاختلاط وهي الكبت وهي التي أعرفها بالفضول الغريزي للبشر لاكتشاف أمر محظور وخصوصاً إذا كان هذا الأمر يقدم لنا متعة ويغذي غرائزنا وينمي احساسنا بالأنا
فالمشكلة اننا كلنا نكون قد تربينا ان الفتاة او الشاب امر محرم علينا ولكن عندما نبداً بالتحرر شيئاً فشيئاً من قيود الأسرة والمجتمع -بغض النظر إذا كان التحرر واضحاً للعيان او هو في قرارة انفسنا فقط- ولذا فنحن مذ كنا صغاراً عرفنا شيئاً يمنع عنا ولم نجد السبب المنطقي لمنعه عنا (-أكرر: بغض النظر عن وجهة النظر الدينية-) ولذا فعندما نكبر ونستطيع التحرر أكثر وأكثر سيكون هذا الدافع عندنا من أقوى الأشياء التي تقودنا وبإمكان الجميع ملاحظة هذا الشيء في طريقة تصرف الجنسين مع بعضهما عندما يصبحان في الجماعة -أتكلم عن جامعة دمشق لأني درست فيها-

كملخص لهذا الحديث باعتقادي أنه من الأفضل وجود الاختلاط مع ثقافة الوعي للجنس الآخر
يعني بقليل من النوجيه التربوي وقليل من الحكمة في التعامل مع الأمر سنجد أنه يمكننا إنشاء جيل ليس أسمى أهدافه هو الجنس

وغيري أعلم!!!

انا برايي الموضوع الو جانب سلبي وآخر ايجابي
السلبي من حيث الامور الي انت ذكرتها
وايجابي برضوو متل ما قال البعض بانو بكسر
الحواجز بين الجنسين وبهيئهم لجو الجامعة

انا مع الفصل تماما

ومو لأسباب دينية أبدا

لأسباب نفسية

وخاصة بمرحلة المراهقة يلي تعتبر اخطر مرحلة بحياة الأنسان وكل واحد مننا
اكيد بيعترف بخطورة ها المرحلة خاصة لما بيتذكر نفسو
وبقول الحمدلله يلي أهلي كانو معي بها المرحلة

لما الأنسان بياخد البكالوريا وبيطلع على الجامعة وقتها ممكن بستوعب امر الأختلاط
وفهمان الأمور بين الجنسين كيف بتنصقل وبتتمحور بالمجال يلي هو بقرروه



وانا معاك في كل كلمه قلتيها

والحمد لله ماعمري جربت الاختلاط :oops:

يعني مين قال انو اذا ما اختلطوا بالمدرسة ما رح يشوفوا بعض للجامعة


خلي كل شي لحال الدراسة شي والعلاقة بين البنت والشب شي


مو ضروري تعملوا الموضوع تربوي لانو الاختلاط موجود باي لحظة


يعني ممكن البنت تكون حتى اولاد عمها ما بتقعد معهم بسبب اهلها


وممكن بنت تانية تكون بتشوف ناس وشباب والهم علاقات اجتماعية كبيرة



يعني بتشوف شباب وبتقعد معهم وبتحاورهم بكتير شغلات



لذلك مو ضروري الاختلاط بالمدارس لان وفعلا مو منيح غالبا