يا اموونا مع كامل احترامي وتقديري الك بس انا ما بعتقد انو في واحد من الي شاركو بهذا الموضوع ما عندو حب الوطن فوق كل شي وحتى السياسيين الي عمبيمارسوا سياسة التفريق عنكون بفلسطين وحتى عنا بالعراق
هذول كانوا مناضلين مثلنا متلون بس الي غيرون هي الكراسي وهذا موضوع تاني مستقل تماما عن موضوعنا
يعني ممكن اذا في يوم استلمتي انت شي منصب او انا او غيرنا من المفكرين الصغار اذا صح التعبير يغيرنا لانو هذا حسب تعبيري الشخصي ( داء الكرسي)

بدي أرجع نوه لـ شغلة .. مافي شي أسمو أعتناق الألحاد .. في شخص رفض أعتناق أي من الديانات .. رفض فكرة الوجود الطائفي و الديني و الجماعات الدينية , شخص راد أنو يتبرا من كل الطوائف .. فـ سمي ملحدا ..

أما من جهة أنو كل شيوعي أصيل هوي ملحد .. فـ برجع قول أنو الشيوعة بـ الأصل مانها ضد الله

انا مو معك يا عاشق من سوريا و ما عاد ارجع علق لان تعبت بس بدي اكد اهمية الاطلاع على الفكر الماركسي قبل ما تجوا تكتبوا هون

يعني بس مشان الملايكة فهموني شلون بيكون الشيوعي الاصلي مو ماحد ما كنت افهم هالحكي انا الرجاء الاثبات و بأدلة
اتفقنا انو حب الوطن بيكون فوق كل الانتماءات بس ما بظن حدا ذكر المصالح الحزبية
ارجو عدم التجريح والمحاورة بمنطقية يعني هذا شبه ابتزاز
بس رح اتجاوزا الموضوع هالمرة

حبيبي مثل ما قلتلك

ممكن الواحد ضد النظام الرأسمالي

و بعدين يعتنق الفكر الاشتراكي الشيوعي يعني الغاء الملكية الخاصة مثلا

بس بنفس الوقت هو مو الا يكون ملحد

يعني هلق كل شيوعي لازم يحب ستالين مثلا؟

لو كل واحد يحب كيفارا لازم يكون ملحد............. ما الها علاقة بالمرة

نقطة ثانية الاحزاب في العالم العربي هي مو بس مبادئ هي عشائريات و لخاطر ابن عمي و لخاطر صديقي !

بعض الناس في الاربعينيات حبوا الشيوعيةو انتموا للحزب مو لانها تدعو للالحاد بس حبوها لانها روجت لفكر التساوي بين افراد الشعب ككل بين الغني و الفقير بين كل القوميات داخل الشعب الواحد

بس ما نجحت الفكرة

على العموم ما بدنا نقاش سياسي هون

اما عن الاستفزاز.......... انت ليش شعرت بالاستفزاز اصلا ؟

فهمنا الله يرضى عنك

سلام

انا بالنسبه اللي هاذ اللي لازم نوصلوا من زمان..
لانو لو كل انسان فكر مثل هالتفكير هاذ "مع احترامي لكل انسان وطريقة تفكيرو"..
راح نحقق المراد تحقيقو.. مهما كانت الاهداف
وللأسف انو جميع الفئات المسيطره على "العالم " اذا صح القول.. بتتبع سياسة التفريق إما عن طريق الأديان..
وإما عن طريق الأحزاب.. وإما.. وإما.. إلخ..
مثال على هاذ الاشي.. انا انسانه عايشه بفلسطين المحتله "عرب 48" واكبر سياسة فصل بستخدموها ضدنا..
"مسلم-مسيحي-درزي.." وبزيدو على هيك.. "ابن مدينه-ابن قرية-بدوي..."

اما نرجع لموضوعنا عنجد بهنيك عهاي الجمله.. كل الاحترام

رأيك صائب و بنفس الوقت هذا واقعنا المحزن

اما عن ابن المدينة و ابن القرية و البدوي

اتصور هذي سببها اهل البلد مو غيرهم

سلام:D

هلق سوريويو انت فهمني بس وين نقطة خلافك معي لانو انا ما فهمان بشو مختلفين اكثر من موضوع الشيوعية واقترانها بالالحاد يعني اذا في غير شي مشان نحكي

وضحلي النقط الي مختلف فيها معي بتنقيط مرتب

هلأ مو ملاحظين أنو في خلط بين السياسة و المعتقد ..
يعني الشيوعية فكر سياسي بالأساس بغض النظر عن القواعد يلي بتعتمد عليها ..
بينما الإلحاد هو نابع عن نتيجة التفكير في المعتقدات ..

بالنسبة للإلحاد مو مربتط بس بالشيوعية ,, و في كتير ناس شيوعيين بس مو بالضروري يكون ملحد ,, يعني معروف انو الشيوعي هو يساري و اليسار غالبا بيكون علماني ,, ما شرط يكون ملحد .

بينما الملحد ممكن يكون شيوعي و ممكن يكون رأسمالي و ممكن يكون أي شي بالنسبة للتوجه السياسي ..

مظبوط و لا لأ ............................!؟؟
دخلتو الموضوع بمية حيط .. :shock:

اما عن ابن المدينة و ابن القرية و البدوي

اتصور هذي سببها اهل البلد مو غيرهم



ممكن بباقي انحاء العالم هيك..
بس انا وحسب كيف شايفه
ابن المدرينه بوخذ أكثر من ابن القريه
والبدوي (خاصة رافض الخدمه العسكريه) مش مثل ابن المدينه.. فاهم كيف ؟

يا اموونا مع كامل احترامي وتقديري الك بس انا ما بعتقد انو في واحد من الي شاركو بهذا الموضوع ما عندو حب الوطن فوق كل شي


وهاذ هو المطلوب.. وانا ما بزعل اذا بصير الوضع هيك..
ومش بس عند الناس اللي عم بشاركوا بالموضوع هون.. بدي كل العرب يصيروا هيك!

ههههههه اي تكرمي هلق كلون كرمالك رح يصيروا وطنيين العرب كلياتون

بعدين يا رامي كلامك مظبوط بشقو التاني فقط يعني العالم ماعم تميز الملحد من العلماني واذا في حدا ما بيعرف شو الفرق يسالني لعرفلو التنين

الله غرغرت الدمعة بعيني

شايف بله شايف رح يقلب قلم هندي

هلق سوريويو انت فهمني بس وين نقطة خلافك معي لانو انا ما فهمان بشو مختلفين اكثر من موضوع الشيوعية واقترانها بالالحاد يعني اذا في غير شي مشان نحكي

وضحلي النقط الي مختلف فيها معي بتنقيط مرتب

شغلة الشيوعية هي نظرية اقتصادية و الالحاد شي آخر هاي مو مشكلتنا يعني هي مجرد منهج اتبعته بعض الحركات الشيوعية

الشغلة المهمة هي هل الالحاد ممكن يكون معتقد لو هو تحصيل حاصل و نتيجة نهائية

و هل الالحاد اللي تتحدث عنه هو بديل للديانة كمفهوم الديانة لدى الشخص المؤمن

و للحديث بقية

و اعذرني على التاخير بس الظروف !:D

ممكن بباقي انحاء العالم هيك..
بس انا وحسب كيف شايفه
ابن المدرينه بوخذ أكثر من ابن القريه
والبدوي (خاصة رافض الخدمه العسكريه) مش مثل ابن المدينه.. فاهم كيف ؟


يعني انا فاهم

بس طبيعة المدينة تختلف عن البلدة الصغيرة

و فرص العمل اكيد اكثر

اما البدوي يعني هو ما يريد و ما محتاج شي

سلام