ما هو الفكر [الأرشيـــــف]

وائل 76

30/10/2006, 21:28

ـ ما هو الفكر ؟ الفكر عبارة عن طاقة ذهنية او عقلية تنبعث من دماغ الانسان بتأثير الضغوط الناجمة عن حالة عدم الاستقرار للكيان الانساني , وان العوامل المسببة لحالة عدم الاستقرار لدى الانسان هي عوامل مادية او معنوية , وتتمثل في عدم مقدرته على تحقيق رغباته , او اشباع حاجاته , او تأمين حياته , او ممارسة هواياته , لاسباب قد تكون داخلية تتعلق بالواقع الذاتي للانسان , أو أسباب خارجية تتعلق بالواقع الموضوعي المحيط بالانسان , هذه العوامل المسببة لحالة عدم الاستقرار تسلط ضغوطا مختلفة على دماغ الانسان , وتحت تأثير هذه الضغوط ينضح الفكر من الدماغ على شكل طاقة , ان الضغوط عبارة عن مؤثرات تحفز الدماغ وتحثه على توليد الفكر , فينبثق الفكر من الدماغ كانبثاق الطاقة من المادة , تخرج طاقة الفكر من الدماغ لتتحول الى شكل آخر من أشكال الطاقة , اذ تتحول الى طاقة حركية من خلال العمل وطاقة صوتية من خلال الكلام , أي ان الناتج الفكري لدماغ الانسان يظهر في الواقع المحيط به على شكل أفعال وأقوال , وقد يتم اللجوء الى كبت طاقة الفكر عندما يتعذر اخراجها على شكل أفعال أو كلام لاسباب عديدة , ولكن طاقة الفكر هي طاقة متدفقة باستمرار , وان كبت الطاقة المتدفقة ولفترة زمنية طويلة ينجم عنه أضرارا بليغة للانسان نفسيا وبدنيا , ان كبت طاقة الفكر كاغلاق مجرى النهر وهنا يكمن الضرر , تخرج اذن طاقة الفكر الى خارج الكيان الانساني , الى الواقع المحيط بالانسان , حيث تتحول الى طاقة حركة او عمل وطاقة كلام ليتم تفريغها في المجالات الحيوية للانسان , حيث ان طاقة العمل تحدث تغييرا في الواقع لتجعله قادرا على تلبية المزيد من الرغبات واشباع الحاجات المادية والنفسية للانسان , الفكراذن انعكاس لرغبات الانسان وتطلعاته وميوله التي مازالت غير متحققة , فاذا تحققت الرغبات تولدت مشاعر الفرح والارتياح تعبيرا عن تفريغ طاقة الفكر وحصول حالة الاستقرار , ولكنها حالة وقتية لان الرغبات تولد باستمرار طالما كان الانسان على قيد الحياة , اذ ليس لتطلعات الانسان خط نهاية , وأما اذا لم تتحقق الرغبات لاي سبب من الاسباب فستولد مشاعر الغضب والحزن بسبب عدم القدرة على تفريغ طاقة الفكر وبالتالي حصول حالة عدم الاستقرار, ان حالة عدم الاستقرار هي القوة الدافعة نحو تغيير الواقع , فينشأ صراع بين الانسان وواقعه من جراء عدم استجابة الواقع لرغبات الانسان وتطلعاته , الانسان يتأثر بالواقع المحيط به ويؤثر فيه ايضا , فعندما لا يستجيب الواقع لاحتياجات الانسان ولا يحقق رغباته ولا يشبع ميوله فان ذلك سيكون دافعا قويا للدماغ لتوليد طاقة الفكر , أن الواقع المحيط بالانسان هو المحرض الاكبر على انتاج الفكر, تتجه طاقة الفكر المتولدة نحو هدف تغيير الواقع ليصبح ملبيا للاحتياجات ومستجيبا للتطلعات , عندما يحصل التغيير المطلوب في الواقع فان ذلك سيؤدي الى تفريغ طاقة الفكر المحتقن وبالتالي امتصاص حالة عدم الاستقرار , ولكن بمرور الزمن سينشأ عجز في امكانيات الواقع على تلبية الاحتياجات المستجدة والتطلعات المستحدثة , فالمجتمعات البشرية في زيادة مستمرة كما ونوعا , وعجز الواقع عن تلبية الاحتياجات الجديدة يؤدي الى حدوث خلل في استقرار المجتمع وبالتالي ولادة فكر جديد يحمل في طياته رفضاً لذلك الواقع وتجرداً من كل الضغوط وكل الحواجز طمعاً في تحقيق تلك الرغبات التي عجز الانسان عن تحقيقها
لكن السؤال المطروح هنا هل صحيح ان تلك الافكار المصطنعة والتي قد تتجاوز كل الحدود وتجردت من كل ما تعتبره حائلاً ومانعاً من تطور الانسان واشباع رغباته هل استطاعت تلك الافكار الجديدة ان تحقق ذلك ؟؟؟؟؟؟؟؟؟؟؟؟ اما انها اثقلت كاهل الانسان ليعيش مرحلة اخرى من مراحل الضياع ويفقد بوصلته نحو تحقيق امانيه ليلف في حلقات مفرغة ليس لشيئ سوى لانه اعتقد ان كل ما حوله قد شارك في ضياعه فاطلق كل الاحكام

اشكركم :D

مسطول على طول

30/10/2006, 21:33

................. للمتابعه

krimbow

30/10/2006, 21:47

تم تغيير العنوان ليتلاءم مع متن الموضوع

مسطول على طول

30/10/2006, 22:18

تغير عنوان موضوع ... شو موضوع طائفي :o

ليندا

30/10/2006, 22:23

هناك امور كتيره تواجه الانسان لكن لابد ان يكون اقوى منها .......صحيح ان العقل يلجاء الي توليد افكار جديدة يتجاوز بها الانسان كافة الحدود هروبا من هذا الواقع المريرباعتقدي ليس هذا هو الحل السليم؟؟ ......فلابد من الرضوخ لهذا الواقع والرضا بالقدر .....لان اللجؤ للافكار التي يتجاوز بها كل القيود ........باعتقادي هي طريق يؤدي الى الغرق لا النجاة ؟والضياع في الحلقات المفرغة........التي لن تنتهي ابدا........!فكم جميل هو الايمان والرضا !!
فطالما انالانسان يؤمن بالله فهذا يتطلب الايمان بقضاء الله فالايمان ليس مجرد صلاه وصيام ؟؟؟؟؟؟؟؟لا بل الايمان هو اعتقاد ورضا بكل ماكتبه الله لنا والنظر للحياه بانها مجرد مرحله محددة وتنتهي فهي سفينة العبور للحياة الابدية الخاليه من الضغوط حيث لاهموم تجبر الانسان على الخروج بافكاراوغريبة او مجنونة ......جميل ان نعبر عن ذلك الشعور وعما يختلج في انفسنا من صراع بين واقع غير مقبول وبين رغبة مكبوتة ..ولكن بحدود .....ايها المؤمن الحر.

تحياتي لك ...........
ولي عودة.......................................:D

وائل 76

30/10/2006, 22:24

تم تغيير العنوان ليتلاءم مع متن الموضوع

ليش حضرتك يلي بتحدد لو كان الاسم مناسب ولا لاء
يعني المفروض نلغي عقولنا ونحطها بالتلاجة وحضرتك يلي تحدد شو نقرا وشو نسمي
اتحداك ان تثبت انو الاسم ما اله علاقة بالموضوع
لو اعطيتك لنفسك وقت وقراة الموضوع كان عرفت انو الاسم والموضوع تكامل لتوصيل الفكرة
لكن انتا كريم عملت المشاركة بعد 5 دقائق فقط من تنزيل الموضوع ورسالة التنبيه اجتني بنفس الوقت
بعتقد انك ما قرات الموضوع ركزت فقط على الاسم
بشكرك كريم وبشكر ديمقراطيتكم يلي كتير ممنونين الها

xena

30/10/2006, 22:27

تسجيل متابعة ....

وائل 76

30/10/2006, 22:29

تغير عنوان موضوع ... شو موضوع طائفي :o

لا والله معلم بس كنت مسمي الموضوع ( العنوان في توقيعي)
المعلم كريم قرار انو الا سم لا يعبر عن الموضوع على اعتبار انو انا زلمة ما بفهم كيف اعمل تواصل بين الاسم والموضوع
شفت ليش بحب اخوية انا لانو كل يوم عم اتعلم شي جديد
وهاي اخر شي تعلمته كيف تلائم العنوان مع الموضوع

تحياتي معلم مسطول على طول هلاء عرفت شو يلي ساطلك:o

krimbow

30/10/2006, 22:38

عيني .. انت كم موضوع منزل بهالمنبر؟

غيرتلك شي مرة عنوان الموضوع

بس والله موضوع اسمو "العنوان في توقيعي"، بفتحو بلاقي عم "يفسر" ما هو الفكر

و توقيع حضرة جنابك كلو عم يحكي عن الكفر و العبودية للذات الالهية ... الخ

بقا ازا انت مفهمينك، او هيك لحالك اكتشفت انو الفكر، هوي ذاتو الكفر...

ساعتها بتكون هي تسطيلة، مش تسطيلة الحشيش تسطيلة

krimbow

30/10/2006, 22:44

المعلم كريم قرار انو الا سم لا يعبر عن الموضوع على اعتبار انو انا زلمة ما بفهم كيف اعمل تواصل بين الاسم والموضوع

مع انو حكيك فيو وجهة نظر
بس الحق الحق اقول لك، انو لما غيرت العنوان، غيرتو لحتى يتلاءم مع المتن
مش لأنك زلمة غيرت العنوان
و لا لأنك ما بتعرف تربط المدري شو مع المدري كيف

و ماني مستعد اسمع فلسفة حول علاقة الفكر بالكفر لمجرد اني غيرتلك العنوان
انت عم تحكي عن الفكر بالموضوع، و العنوان لازم يدل على هالشي، و إلا لشو منعنون مواضيعنا؟؟؟؟

وائل 76

30/10/2006, 22:55

عيني .. انت كم موضوع منزل بهالمنبر؟

غيرتلك شي مرة عنوان الموضوع

بس والله موضوع اسمو "العنوان في توقيعي"، بفتحو بلاقي عم "يفسر" ما هو الفكر

و توقيع حضرة جنابك كلو عم يحكي عن الكفر و العبودية للذات الالهية ... الخ

بقا ازا انت مفهمينك، او هيك لحالك اكتشفت انو الفكر، هوي ذاتو الكفر...

ساعتها بتكون هي تسطيلة، مش تسطيلة الحشيش تسطيلة

كريم انا ما بدي اقلب موضوعي لجدل على التوقيع والاسم بس راح رد عليك لتعرف اذا كان عنواني مرتبط او لا

التوقيع بيقول لاتلومن الرجل الكافر في هذا الزمن الكافر فالخيانة والجوع اصل اصل الكفر
وباقي التوقيع طبعا قدامك بتقدر تقراه
هلاء انا يا كريم بقول في موضوعي انو الضغوط الخارجية والرغبات الداخلية هيا يلي بتضفي على الفكر شكله ومضمونه لانو الفكر لا ينبع من العدم بل من خلال علاقة طردية ما بين نزعات الانسان ورغباته والبيئة المحيطة لتولد الفكر يلي بنشوفه
الجوع بنظري وباعتقادي اصل الكفر
الخيانة بكتير احيان اصل الكفر
الكبت اصل الكفر
الكفر فكر والجوع رغبات داخلية والكبت بيئة خارجية والخيانة احساس بالعجز عن تحقيق امنيات شائت الظروف الا يستطيع الانسان ان يحققها ولا يملك ادنى ارادة ان يحققها

شو كريم العنوان ما بيعبر عن الموضوع ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟
تحياتي الك وكنت بتمنى منك بدل ما تغير العنوان تناقشني فيه لو ما قدرت اثبت علاقة العنوان بالفكرة وقتها بتقدر تغيره
على كل حال ما صار شي المهم انو الفكرة موجودة لنتحاور فيها كلنا
تحياتي الك وهاي احلى وردة لاحلى معلم كريم برغم اني كنت معصب قبل شوي لكن انتا بتعرف احترامي ومحبتي :D

abosleman

30/10/2006, 23:41

الكفر فكر والجوع رغبات داخلية والكبت بيئة خارجية والخيانة احساس بالعجز عن تحقيق امنيات شائت الظروف الا يستطيع الانسان ان يحققها ولا يملك ادنى ارادة ان يحققها

كلام حلو كتير وبيختصر الموضوع كلو
اسمحلي تعقيبا على كلامك قول انو النشأة والبيئه كمان بيلعبو دور كبير
يعني متل مافي عالم بتوصل للنحراف والقتل والسرقه من خلال كبت الفكر
بالمنظور يلي حكيت عنو اخ وائل وهون بنتوصل لنتيجه او لفكرة
انو الانسان المكبوت فكريا هو إنسان ناقص يعني عندو نقص وضعف بالشخصية
هلئ هدا الشي مابيمنع انو يكون مثقف لمستوى كبير
بس عوامل الكبت للرغبات والاحتياجات بتخليه يوصل لنتيجه فكريا قد تكون منافية للإنسانيه
طبعا بقصد كل شي بيمس الانسانية (قتل .سرقة.نصب .انحراف جنسي .إدمان .كفر )

ومشكور اخ وائل عالموضوع

لنا عودة ...

وائل 76

30/10/2006, 23:58

هناك امور كتيره تواجه الانسان لكن لابد ان يكون اقوى منها .......صحيح ان العقل يلجاء الي توليد افكار جديدة يتجاوز بها الانسان كافة الحدود هروبا من هذا الواقع المريرباعتقدي ليس هذا هو الحل السليم؟؟ ......فلابد من الرضوخ لهذا الواقع والرضا بالقدر .....لان اللجؤ للافكار التي يتجاوز بها كل القيود ........باعتقادي هي طريق يؤدي الى الغرق لا النجاة ؟والضياع في الحلقات المفرغة........التي لن تنتهي ابدا........!فكم جميل هو الايمان والرضا !!
فطالما انالانسان يؤمن بالله فهذا يتطلب الايمان بقضاء الله فالايمان ليس مجرد صلاه وصيام ؟؟؟؟؟؟؟؟لا بل الايمان هو اعتقاد ورضا بكل ماكتبه الله لنا والنظر للحياه بانها مجرد مرحله محددة وتنتهي فهي سفينة العبور للحياة الابدية الخاليه من الضغوط حيث لاهموم تجبر الانسان على الخروج بافكاراوغريبة او مجنونة ......جميل ان نعبر عن ذلك الشعور وعما يختلج في انفسنا من صراع بين واقع غير مقبول وبين رغبة مكبوتة ..ولكن بحدود .....ايها المؤمن الحر.

تحياتي لك ...........
ولي عودة.......................................:D

طرحك ليندا بغاية الاهمية وتقريبا بيحمل وجهة نظري لانو انا بنظري نحنا امام الضغوط الداخلية والخارجية نقف امام طريقين
اولهما ان نتجرد من كل الحواجز والضغوط ممثلة في الدين والعادات والمبادئ والافكار بل وحتى الايمان بالله
والطريق الثاني هو ان نتحدى كل تلك الحواجز ويبقى الايمان سبيلاً لنا لنخلق انسجاماً بين ما هو ممكن و بين الامكانيات المتاحة
سؤالي المطروح حين يسلك الانسان احدى الطريقين هل معنى ذلك انه اشبع رغباته وحقق امانيه ؟؟؟؟؟؟؟؟؟؟؟؟

اشكرك ليندا على مشاركتك:D

بقـ انسان ـايا

31/10/2006, 00:06

هناك امور كتيره تواجه الانسان لكن لابد ان يكون اقوى منها .......صحيح ان العقل يلجاء الي توليد افكار جديدة يتجاوز بها الانسان كافة الحدود هروبا من هذا الواقع المريرباعتقدي ليس هذا هو الحل السليم؟؟ ......فلابد من الرضوخ لهذا الواقع والرضا بالقدر .....لان اللجؤ للافكار التي يتجاوز بها كل القيود ........باعتقادي هي طريق يؤدي الى الغرق لا النجاة ؟والضياع في الحلقات المفرغة........التي لن تنتهي ابدا........!فكم جميل هو الايمان والرضا !!
فطالما انالانسان يؤمن بالله فهذا يتطلب الايمان بقضاء الله فالايمان ليس مجرد صلاه وصيام ؟؟؟؟؟؟؟؟لا بل الايمان هو اعتقاد ورضا بكل ماكتبه الله لنا والنظر للحياه بانها مجرد مرحله محددة وتنتهي فهي سفينة العبور للحياة الابدية الخاليه من الضغوط حيث لاهموم تجبر الانسان على الخروج بافكاراوغريبة او مجنونة ......جميل ان نعبر عن ذلك الشعور وعما يختلج في انفسنا من صراع بين واقع غير مقبول وبين رغبة مكبوتة ..ولكن بحدود .....ايها المؤمن الحر.

تحياتي لك ...........
ولي عودة.......................................:D

كلام والله انو علا عيني وراسي

مشكورة والله يعطيكي العافية

:D

مشكور وائل

leoprad

31/10/2006, 00:14

انا كنت بتمنى اني شوف التوقيع
كمان شغلة تانية
شكرا على الموضوع اللي عم يحكي عن شي ما فهمتو
(بحب تحطولي امثلة)

بقـ انسان ـايا

31/10/2006, 00:33

انا كنت بتمنى اني شوف التوقيع
كمان شغلة تانية
شكرا على الموضوع اللي عم يحكي عن شي ما فهمتو
(بحب تحطولي امثلة)

يا ريت ينحط كم مثال يعني بيسهل عملية الفهم اكتر

:D

leoprad

31/10/2006, 00:35

يا ريت ينحط كم مثال يعني بيسهل عملية الفهم اكتر

:D
معي حق ماهيك;-)

krimbow

31/10/2006, 02:25

وائل
هل تقصد ان الفكر يؤدي للكفر؟

و يا ريت تعرفلي الكفر بمنظورك لو سمحت

و سأكون لك من الشاكرين

The morning

31/10/2006, 03:17

انا كنت بتمنى اني شوف التوقيع
كمان شغلة تانية
شكرا على الموضوع اللي عم يحكي عن شي ما فهمتو
(بحب تحطولي امثلة)

ِشحو التوقيع .................. اخ ليوبارد

لا تلومن الرجل الكافر في هذا الزمن الكافر فالخيانة والجوع اصل الكفر

انتا لا بد يا رب تغفر للكفر ان كان حراً أبي وهيهات تغفر للمؤمنين العبيد

الكفر في مفهومي هو ان تكفر بكل الاشياء الا الله فايماننا بالله هو الحقيقة الوحيدة التي نعرفها
قلي بقا شو رأيكون .. ؟؟
أنا ثواني و برجع لعلق ع الموضوع " الى من يهمه الامر":D

The morning

31/10/2006, 03:37

الجوع بنظري وباعتقادي اصل الكفر ... شبكون ولو ما نظريه الالحاد الرئيسيه هي انو اذا في لله ليش في ظلم ولا نسيتو ..:?
الخيانة بكتير احيان اصل الكفر .. شرحو ...:?
الكبت اصل الكفر ... كمان الكبت بيأدي للانفجار ع الوضع و للي بيرجع لنفس النقطه الكفر بالله لانو عم تصير كل هالاشياء بوجودو .. :shock: و هالشي بالنسبه الي بشوفو ضعف يعني ضعف الانسان عن تحمل و الكبت بيأدي لانو بدو شي شغله يعبر فيها فما بلاقي غير انو الله ما بحبنا "هيك بتبلش .. شوي شوي بصير مافي الله" .. انتبهو قلت الانسان ما فكر الانسان مشان ماتحكولي ع المخترعات شيه الانسان :p
الكفر فكر والجوع رغبات داخلية والكبت بيئة خارجية والخيانة احساس بالعجز عن تحقيق امنيات شائت الظروف الا يستطيع الانسان ان يحققها ولا يملك ادنى ارادة ان يحققها

شو كريم العنوان ما بيعبر عن الموضوع ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟ أنا ما شفتو ما بعبر و خصيصا بعد الشرح ... يعني انا شخصيا عبرلي ... :p

شكرا اخ وائل و شكرا كريم ....... :D ........:D

وائل 76

31/10/2006, 04:46

وائل
هل تقصد ان الفكر يؤدي للكفر؟

و يا ريت تعرفلي الكفر بمنظورك لو سمحت

و سأكون لك من الشاكرين

بعتذر من الشباب كلهم لاني مشغول الليلة وما رديت على حدا بكرا برد على كل المشاركات لكن بالنسبة للمشاركة كريم راح اضطر رد عليها بسبب خلافنا اليوم على اسم الموضوع
اول شي كريم انا ما بقول انو الفكر يؤدي للكفر اقرا الموضوع راح توصلك فكرتي يلي بحكي عنو باختصار ان الانسان لا يعيش منفردا عن كل الرغبات الداخلية والضغوط الخارجية وهاي كلها بالمحصلة هيا يلي بتشكل فكر الانسان وتوجهه والانسان هون بيكون امام خيارين اما ان يكفر او يقبل بالواقع
هلاء حتى ما يروح خيالك لبعيد الكفر في مفهومي بعتقد كاتبه بتوقيعي هو ان تتجرد من كل ما حوالك من حواجز وموانع بقصد عاردات تقاليد افكار مثل قيم مبادئ
لكن ما بقصد ان تكفر بالله من خلال كلامي وفكرتي بعتقد انو الله اسمى من ان نكفر به تحت ضغط المجتمع والحياة وهذا على الاقل في مفهومي انا

بتمنى كون وضحت شوي من وجهت نظري كريم ومن خلال حوارنا هون ممكن نتبادل افكارنا ونحاول نصل للحقيقة مع بعضنا

شكرا كريم الك:D

طـاهر أخو وطفي

31/10/2006, 05:22

من أطاع غضبه أضاع أدبه

abosleman

31/10/2006, 14:02

انو مرحبا اول شي

هلئ بماانو عم نحكي عن الفكر وعلاقتو بالفكر
ويظهر انو في عالم عم تمسها هي الفكرة (مابقصد حدا معين )
في سؤال خطر ببالي
انو الانسان الملحد وقت بيعصب او بيصير معو شي ليش بيكفر ؟؟؟
على اعتبار هو مانو مؤمن بوجود الله شو السبب يلي بخليه يسب الله
بعتذر منك وائل يمكن طلعت عن الموضوع شوي

ابو مرسيل

31/10/2006, 14:25

انو مرحبا اول شي

هلئ بماانو عم نحكي عن الفكر وعلاقتو بالفكر
ويظهر انو في عالم عم تمسها هي الفكرة (مابقصد حدا معين )
في سؤال خطر ببالي
انو الانسان الملحد وقت بيعصب او بيصير معو شي ليش بيكفر ؟؟؟
على اعتبار هو مانو مؤمن بوجود الله شو السبب يلي بخليه يسب الله
بعتذر منك وائل يمكن طلعت عن الموضوع شوي
حبيبي اذا بتسمحلي جاوبك انا ملحد و بس عصب بكفر وانا برايي بيعود هذا الموضوع للعادة القديمة انو الله هو السبب بكل شي يعني اذا كان الحق علي و مو علي بنذكروا بالرحمه يعني نرقعوا كم وحدة لفوق هو صار شماعه بنعلق عليها كل شي
مع انو انا بوافقك انو الي ما بيامن بشي ليش بيسبوا

abosleman

31/10/2006, 14:30

حبيبي اذا بتسمحلي جاوبك انا ملحد و بس عصب بكفر وانا برايي بيعود هذا الموضوع للعادة القديمة انو الله هو السبب بكل شي يعني اذا كان الحق علي و مو علي بنذكروا بالرحمه يعني نرقعوا كم وحدة لفوق هو صار شماعه بنعلق عليها كل شي
مع انو انا بوافقك انو الي ما بيامن بشي ليش بيسبوا

مشكور عالجواب حبيب القلب
وهون بتضح انو العادات هي يلي بتخلي الانسان يتحول بفكرو للإلحاد
وهدا الشي بيصير تأكيد لكلام وائل عن الضغوط والرغبات
وحكينا كمان انو البيئه يلي بينشأ فيها بتساهم بالفكرة
وطبعا مابيتحول الفكر للإلحاد بس كمان في امور تانيه
متل القتل والإدمان و...و...و...

الغضب القسامي

31/10/2006, 17:57

شو كفر :o ماكفر انته بتقربوا لابن لادن .

انا عندي طرح تأثير طغوط الحياة على الانسان والى آي حد ممكن ان يصل من منحا الضغط والكبت السياسي

الانسان هو بطبيعته معقد .. من ناحية الخلق فكيف من ناحية العقل (مخ) الذي يصدر اوامر باجزاء من الثانيه على آي ردة فعل

ففكر الانسان متعلق ببيئته ومجتمعه وتتغير حسب ثقافة المجتمع والبيئه والنشأه

ضغوط الحياة الماديه ايضاً تنعكس على طريقة تفكيره . اهم شيىء في الحياة الصبر .

ولكن من ضغوط الحياة الضخمه هو الكبت السياسي والذي ممكن انراه مثلاً في احداث العراق داميه وتفجر الصراع السني الشيعي :cry:

الذي لم يتنبه اليه سادة البيت الابيض من المحافظين الجدد ان الشيعه قد تعرضوا للظلم والاضطهاد والتهميش في حكم الصدامي

اما فكرك انوا نكفر بكل للاشياء عدا الله الاحرى بنا نحن الفلسطنين ان نكفر لكن كل مازادوا فينا قهراً وظلماً واضطهاد زدنا ايماناً بالله وبقضيتنا ووطننا وارضنا

ان اكفر انا بفكر الحكام العرب وفكر حركة فتح الذي يدعونا بالاعتراف بحق اسرائيل بارض فلسطين نحن كفرنا بهم

ويا ابن عمي عندك افكار حلوه وحجات بشعر انك :sick:

الغضب القسامي

31/10/2006, 18:00

حبيبي اذا بتسمحلي جاوبك انا ملحد و بس عصب بكفر وانا برايي بيعود هذا الموضوع للعادة القديمة انو الله هو السبب بكل شي يعني اذا كان الحق علي و مو علي بنذكروا بالرحمه يعني نرقعوا كم وحدة لفوق هو صار شماعه بنعلق عليها كل شي
مع انو انا بوافقك انو الي ما بيامن بشي ليش بيسبوا

ياريت تشرحلي كيف بتفكر وكيف وصلت لفكرة الحاد؟!! ..وكيف بتعصب وبتفكر وبتعود للعاده القديمه ؟ وانه الله السبب ؟

شرحلي !!! حابب افهم اكتر

وياريت بالفصحى لاني مافهمت شي :shock: من كلامك او فكرك

أبو أنمـــار

31/10/2006, 23:43

شو كفر :o ماكفر انته بتقربوا لابن لادن .

انا عندي طرح تأثير طغوط الحياة على الانسان والى آي حد ممكن ان يصل من منحا الضغط والكبت السياسي
الانسان هو بطبيعته معقد .. من ناحية الخلق فكيف من ناحية العقل (مخ) الذي يصدر اوامر باجزاء من الثانيه على آي ردة فعل
ففكر الانسان متعلق ببيئته ومجتمعه وتتغير حسب ثقافة المجتمع والبيئه والنشأه
ضغوط الحياة الماديه ايضاً تنعكس على طريقة تفكيره . اهم شيىء في الحياة الصبر .
ولكن من ضغوط الحياة الضخمه هو الكبت السياسي والذي ممكن انراه مثلاً في احداث العراق داميه وتفجر الصراع السني الشيعي :cry:
الذي لم يتنبه اليه سادة البيت الابيض من المحافظين الجدد ان الشيعه قد تعرضوا للظلم والاضطهاد والتهميش في حكم الصدامي
اما فكرك انوا نكفر بكل للاشياء عدا الله الاحرى بنا نحن الفلسطنين ان نكفر لكن كل مازادوا فينا قهراً وظلماً واضطهاد زدنا ايماناً بالله وبقضيتنا ووطننا وارضنا
ان اكفر انا بفكر الحكام العرب وفكر حركة فتح الذي يدعونا بالاعتراف بحق اسرائيل بارض فلسطين نحن كفرنا بهم
ويا ابن عمي عندك افكار حلوه وحجات بشعر انك :sick:

الله يزيدك إيمان و ثبات

.

sweetdark

31/10/2006, 23:50

اي صح انا فهمت كل الي كاتبو

ابومزيد

01/11/2006, 01:51

ياريت تشرحلي كيف بتفكر وكيف وصلت لفكرة الحاد؟!! ..وكيف بتعصب وبتفكر وبتعود للعاده القديمه ؟ وانه الله السبب ؟

شرحلي !!! حابب افهم اكتر

وياريت بالفصحى لاني مافهمت شي :shock: من كلامك او فكرك
انا بفللك مع انو ماني ملحد
هللأ المتدين بس يحكي او اللي نشأ على دين معين بتلاقية بين كل كلمة وكلمة في الله
والله - اي والله - لا والله - مشان الله - دخيل الله - الخ
بقى بتصير عادة اكتر ما هي ذكر لله عز وجل
وبالنسبة اللي بيكفر ممثلا بتلاقيه انو لسانو اللي عم يكفر مو هو
انا بعرف واحد متدين بس كان بشبابو يكفر كتير ويقدح كل المسبات الكفرية اللي بتعرفها واللي ما بتعرفها
هاد الزلمة بس يعصب ويدايق ويتملكو الغضب بتلاقيه صار يكفر بدون وعي
ما رح قلللك عن دموعو بس يفيق لحالو انو خيك عمل بس هي عادة اخدها انو يفرغ الشحنات السالبة اللي فيه بكفرية
وهيك الشغلة بتصير انو لسان مو اكتر

ليندا

01/11/2006, 09:32

سؤالي المطروح حين يسلك الانسان احدى الطريقين هل معنى ذلك انه اشبع رغباته وحقق امانيه ؟؟؟؟؟؟؟؟؟؟؟؟

اشكرك ليندا على مشاركتك:D

الشكر لك وائل على هذا الطرح المميز واجابة لسؤالك .......اقول لو حاول الانسان التجرد من الظغوط الممثله في العادات والتقاليد وحتى الايمان بالله ..معاندا ارادة الله اعتقادا منه بان ذلك سيحرره وسيحقق له جزء من رغباته!!هو هنا لا يخدع الانفسه فيكون ما اقدم عليه اشد مما اقترفه وماخسره اضعاف ماكسبه ...
فهل بالكفر استطاع ان يحقق لو جزء بسيط من رغباته ؟؟؟؟مؤكد لا

لكن اذا حاول هذا الشخص تحقيق انسجام وتكيف مع وضعه ومع الظروف المحيطة به فانه وان لم يستطيع تحقيق رغباته وغايته في الدنيا فهو على امل ان يحققها ولكن في زمن غير هذا الزمان وهذا مايميز المؤمن عن غيره... فالعقيدة تحمي الإنسان من اليأس بإعطائه الفرصة لتأكيد علاقته بالله واعتماده عليه ....
فما اكثر هموم الدنيا وما اطول احزانها.لا يفيق المرء من هم الا الى هم ولايرتاح من فاجعة الا الى مثلها .ومازال بنوها يتأرجحون فيها مابين سعادة وشقاء...................
فاذا صح لكل مهموم ان يمقت حياته ويتخلى عن كل المبادئ متجاوزا الايمان بالله ..ولكل محزون ان يقتل نفسه لخلت الدنيا من اهلها واستحال المقام فيها والوفود اليها وتبدلت سنة الله ولن تجد لسنة الله تبديلا............

تحياتي:D

krimbow

01/11/2006, 17:46

الكفر (مع احترامي للجميع) ليس فكر
و الفكر لا يتولد عن الضغوط
بأحد الايام، من زمان كتيييييييييير كان في امير هندي، مدلل كتير، و معزز و مكرم و ابوه مو منقص عليه شي.. بس هالزلمة (على الرغم من انو ما كان عندو ضغوط إطلاقا) اوجد واحد من ارقى الافكار البشرية.. البوذية، و صار اسم هالامير، بوذا و تعني المستنير

هل يمكن ان نقول ان المفكر الذي اكتشف قانون الجاذبية كان عم يتعرض لضغوط؟
هل يمكن ان نقول ان اينشتاين حين فكر بنظريته النسبية كان عم يتعرض لضغوط؟
يعني اكيد معسكرات الاعتقال الالمانية مش هيي الدافع يللي خلا اينشتاين يفكر بالنظرية النسبية

و كذلك الفيلسوف "كانت" كان دوق على ما اذكر، و كان يعاني من داء النقرص (داء الملوك، ينتج عن كثرة تناول اللحم الاحمر)

و كذلك عمر الخيام كان عايش حياة ترف حين وضع اجمل الرباعيات و روزنامتو الشهيرة ... عدا عن مساهمتو العظيمة بالفلك و الرياضيات...

اما الكفر فهوي الجحود بالنعمة
و اذا في جهة مخولة بتكفير الناس، فهوي الله فقط و حصرا، لأنو الوحيد العالم ما في القلوب (حسب نظرة الديانات السماوية) و كل انسان بيكفر انسان آخر هوي كافر اكتر من غيرو، لأنو اعتدى على شغلة الله

مين فيكم مخول يقول عني اني كافر؟
ولا حدا
ما بقبل من اي انسان انو يكفرني على سبيل المثال، و كل انسان بيقول عني اني كافر، فهوي يللي عم يكفر

اهل الامتال قالوا: الله ما انشاف بالعقل انعرف
يعني لولا الفكر، لما عرف الله

وائل 76

01/11/2006, 22:09

كلام حلو كتير وبيختصر الموضوع كلو
اسمحلي تعقيبا على كلامك قول انو النشأة والبيئه كمان بيلعبو دور كبير
يعني متل مافي عالم بتوصل للنحراف والقتل والسرقه من خلال كبت الفكر
بالمنظور يلي حكيت عنو اخ وائل وهون بنتوصل لنتيجه او لفكرة
انو الانسان المكبوت فكريا هو إنسان ناقص يعني عندو نقص وضعف بالشخصية
هلئ هدا الشي مابيمنع انو يكون مثقف لمستوى كبير
بس عوامل الكبت للرغبات والاحتياجات بتخليه يوصل لنتيجه فكريا قد تكون منافية للإنسانيه
طبعا بقصد كل شي بيمس الانسانية (قتل .سرقة.نصب .انحراف جنسي .إدمان .كفر )

ومشكور اخ وائل عالموضوع

لنا عودة ...

اكيد البيئة الها دور كبير مش في صقل الفكر فقط بل في تحديد مضمون شخصية الانسان
وتحديد مطلباته وبما انو متطلبات الانسان هيا يلي بتحدد فكره و بينطلق منها ليشبع هاي النتطلبات
اذت هناك علاقة اكيدة ما بين بيئة الانسان وتنشئته وبين فكره

شكرا اخي ابو سليمان على مشاركتك :D

وائل 76

01/11/2006, 22:15

ِشحو التوقيع .................. اخ ليوبارد

لا تلومن الرجل الكافر في هذا الزمن الكافر فالخيانة والجوع اصل الكفر

انتا لا بد يا رب تغفر للكفر ان كان حراً أبي وهيهات تغفر للمؤمنين العبيد

الكفر في مفهومي هو ان تكفر بكل الاشياء الا الله فايماننا بالله هو الحقيقة الوحيدة التي نعرفها
قلي بقا شو رأيكون .. ؟؟
أنا ثواني و برجع لعلق ع الموضوع " الى من يهمه الامر":D

شكرا اخ وائل و شكرا كريم ....... :D ........:D

مشكورة ذا مورننج على مشاركتك وبنتظر منك التواصل مع الموضوع متل ما عودتينا دائماً

بس في نقطة صغيرة انك نعملي رد صاروخي لو بدك تردي على كل سطر حتى يتميز كلامك عن الكلام يلي عم تردي عليه لانو ما كتير شباب بتنتبه للفرق بين الالوان متل ما انتي عاملا

تحياتي الك:D

وائل 76

01/11/2006, 22:36

انو مرحبا اول شي

هلئ بماانو عم نحكي عن الفكر وعلاقتو بالفكر
ويظهر انو في عالم عم تمسها هي الفكرة (مابقصد حدا معين )
في سؤال خطر ببالي
انو الانسان الملحد وقت بيعصب او بيصير معو شي ليش بيكفر ؟؟؟
على اعتبار هو مانو مؤمن بوجود الله شو السبب يلي بخليه يسب الله
بعتذر منك وائل يمكن طلعت عن الموضوع شوي

حبيبي اذا بتسمحلي جاوبك انا ملحد و بس عصب بكفر وانا برايي بيعود هذا الموضوع للعادة القديمة انو الله هو السبب بكل شي يعني اذا كان الحق علي و مو علي بنذكروا بالرحمه يعني نرقعوا كم وحدة لفوق هو صار شماعه بنعلق عليها كل شي
مع انو انا بوافقك انو الي ما بيامن بشي ليش بيسبوا

مشكور عالجواب حبيب القلب
وهون بتضح انو العادات هي يلي بتخلي الانسان يتحول بفكرو للإلحاد
وهدا الشي بيصير تأكيد لكلام وائل عن الضغوط والرغبات
وحكينا كمان انو البيئه يلي بينشأ فيها بتساهم بالفكرة
وطبعا مابيتحول الفكر للإلحاد بس كمان في امور تانيه
متل القتل والإدمان و...و...و...

عم بنتظر جواب ابو مرسيل ليوضح الفكرة ورده هون على وجهة نظرك ابو سليمان لانو هيا نفس وجهة نظري

مشكور ابو مرسيل على مشاركتك:D

مشكور ابو سليمان على تواصلك مع الموضوع:D

وائل 76

01/11/2006, 23:02

شو كفر :o ماكفر انته بتقربوا لابن لادن .

انا عندي طرح تأثير طغوط الحياة على الانسان والى آي حد ممكن ان يصل من منحا الضغط والكبت السياسي

الانسان هو بطبيعته معقد .. من ناحية الخلق فكيف من ناحية العقل (مخ) الذي يصدر اوامر باجزاء من الثانيه على آي ردة فعل

ففكر الانسان متعلق ببيئته ومجتمعه وتتغير حسب ثقافة المجتمع والبيئه والنشأه

ضغوط الحياة الماديه ايضاً تنعكس على طريقة تفكيره . اهم شيىء في الحياة الصبر .

ولكن من ضغوط الحياة الضخمه هو الكبت السياسي والذي ممكن انراه مثلاً في احداث العراق داميه وتفجر الصراع السني الشيعي :cry:

الذي لم يتنبه اليه سادة البيت الابيض من المحافظين الجدد ان الشيعه قد تعرضوا للظلم والاضطهاد والتهميش في حكم الصدامي

اما فكرك انوا نكفر بكل للاشياء عدا الله الاحرى بنا نحن الفلسطنين ان نكفر لكن كل مازادوا فينا قهراً وظلماً واضطهاد زدنا ايماناً بالله وبقضيتنا ووطننا وارضنا

ان اكفر انا بفكر الحكام العرب وفكر حركة فتح الذي يدعونا بالاعتراف بحق اسرائيل بارض فلسطين نحن كفرنا بهم

ويا ابن عمي عندك افكار حلوه وحجات بشعر انك :sick:

لك يخرب ينت سنينك شو مالك مركب العقل المضروب
لك انا بوادي وانتا بوادي تاني

هلاء سيدي انا عم قول انو الانسان عندو رغبات وفي بيئة حوله
رغباته وبيئته هيا يلي بتشكل وبتصهر فكره وايديولوجيته
هلا ء تعال نطبق هالكلام علينا
رغباتنا انو نعيش حياة كريمة ونحرر وطنا ونحقق كل الاهداف يلي بنتمناها
بيئتنا الخارجية كلنا بنعرف من شو مكونة والله يباركلنا بالاعلام يلي ما مخبي شي
هلاء رغباتنا و بيئتنا شكلت هالفكر يلي حاملينه كفرنا بكل شي اسمه عربي وبكل شي اسمه واقعي وبكل شي اسمه متطلبات المرحلة وكل هالاغلال يلي عم يحاولوا يقيدوا فيها ارادتنا وافكارنا
لكن بقينا مؤمنين بتلات اشياء فقط الله وطنا ارادتنا
هاي التلات اشياء هيا يلي خلتنا بعدنا موجودين لولا هالايمان للشغلات التلات يلي ذكرتها ما كان ممكن تستقيم فكرة بقائنا لانو ما راح يكون في هدف او حلم لنعيش عليه
ما بعرف وصلت الفكرة معلم ولا لا
بعدين في شي مهم انتا شو عم تعمل هون وتارك الشمال مولع يا صقر القسام لك خايف تطكلع بالاخر حداية :yahoo:

سلامات وخليني شوفك قريب :D

The morning

01/11/2006, 23:13

مشكورة ذا مورننج على مشاركتك وبنتظر منك التواصل مع الموضوع متل ما عودتينا دائماً

بس في نقطة صغيرة انك نعملي رد صاروخي لو بدك تردي على كل سطر حتى يتميز كلامك عن الكلام يلي عم تردي عليه لانو ما كتير شباب بتنتبه للفرق بين الالوان متل ما انتي عاملا

تحياتي الك:D

اي اكيد تواصل رح يصير في تواصل .. بس يعني هيك لسا الموضوع ما حمي .... بس اكيد بس يحما انا اول وحده بدي وقف ع الدور متل ما بوقف عند بياع الخبز بس بدون تدفيش شباب :deal:
اي و تكرم انت و الشباب و الصبايا كمان :p
سلام:D

وائل 76

01/11/2006, 23:31

الله يزيدك إيمان و ثبات

.

اي صح انا فهمت كل الي كاتبو

مشكور اخي ابو انمار على المشاركة وبتمنى تشاركنا بالحوار :D

مشكورة اختي سويت دارك على مشاركتك وياريت تعطينا وجهة نظرك:D

وائل 76

02/11/2006, 00:53

انا بفللك مع انو ماني ملحد
هللأ المتدين بس يحكي او اللي نشأ على دين معين بتلاقية بين كل كلمة وكلمة في الله
والله - اي والله - لا والله - مشان الله - دخيل الله - الخ
بقى بتصير عادة اكتر ما هي ذكر لله عز وجل
وبالنسبة اللي بيكفر ممثلا بتلاقيه انو لسانو اللي عم يكفر مو هو
انا بعرف واحد متدين بس كان بشبابو يكفر كتير ويقدح كل المسبات الكفرية اللي بتعرفها واللي ما بتعرفها
هاد الزلمة بس يعصب ويدايق ويتملكو الغضب بتلاقيه صار يكفر بدون وعي
ما رح قلللك عن دموعو بس يفيق لحالو انو خيك عمل بس هي عادة اخدها انو يفرغ الشحنات السالبة اللي فيه بكفرية
وهيك الشغلة بتصير انو لسان مو اكتر

يعني يلي افهمه هلاء انو العادة كمان بتشارك في تشكيل الفكر الانساني
يعني ممكن فكرة معينة نرجعها للعادة ويكون دور العادة هو المنشئ لهاي الفكرة هذا يلي فهمته من كلامك
هلاء سؤالي لو كان الفكر مرجعه العادة والعرف والضغوط الخارجية والداخلية وهاي كلها مختلفة من شخص لاخر بل مختلفة عند نفس الشخص من وقت لاخر
كيف ممكن نقبل بالانسان انو يصيغ مفهوم او نظام للحياة من خلال فكره وعقله الغير ثابت في المكان او الزمان ؟؟؟؟؟؟؟

بشكرك اخي ابو مزيد على مشاركتك وحوارك:D

ابومزيد

02/11/2006, 01:44

يعني يلي افهمه هلاء انو العادة كمان بتشارك في تشكيل الفكر الانساني
يعني ممكن فكرة معينة نرجعها للعادة ويكون دور العادة هو المنشئ لهاي الفكرة هذا يلي فهمته من كلامك
هلاء سؤالي لو كان الفكر مرجعه العادة والعرف والضغوط الخارجية والداخلية وهاي كلها مختلفة من شخص لاخر بل مختلفة عند نفس الشخص من وقت لاخر
كيف ممكن نقبل بالانسان انو يصيغ مفهوم او نظام للحياة من خلال فكره وعقله الغير ثابت في المكان او الزمان ؟؟؟؟؟؟؟

بشكرك اخي ابو مزيد على مشاركتك وحوارك:D

هلا فيك بس شو هالاستنتاج العظيم هاد
نحنا عم نحكي على واحد معصب غلبتو العادة واثرت على ملافظو
مو على مجموعة عقلاء عم يتحاوروا ليوصلو لنتيجة
بعدين حتى بالدين الاسلامي انو الغاضب ما بيتاخد بكلامو بكتير حالات طلاق مثلا

وائل 76

02/11/2006, 01:57

هلا فيك بس شو هالاستنتاج العظيم هاد
نحنا عم نحكي على واحد معصب غلبتو العادة واثرت على ملافظو
مو على مجموعة عقلاء عم يتحاوروا ليوصلو لنتيجة
بعدين حتى بالدين الاسلامي انو الغاضب ما بيتاخد بكلامو بكتير حالات طلاق مثلا

استنتاجي مو عظيم ولا شي بس انا حللت فكرتك بمفهومي لوضحلك الشي هلاء
انتا قلت انو المؤمن دائما بيذكر الله بكلامه بيقول والله ودخيل الله وهيك شي تمام
هلاء ليش لما انا بدي اقسم باقسم بالله ؟؟؟؟؟؟؟؟؟؟؟ حتى مع اعتبار انها بتطلع عفوية وممكن لا ارادياً يطلع القسم على شغلة بكون كاذب فيها ؟؟؟؟؟؟؟
بعتقد لانو فكرة الايمان بالله وانو الله عظيم كتير مخزونة بعقلي ولذلك بتخرج افكاري كلها متلائمة مع هذا الايمان
بقصد هلاء ليش ما باقسم بالسما او بالبحر او بالانسان مثلاً
وبنفس المنطق بالنسبة للانسان الملحد ليش وقت ليعصب ما بيشتم نفسه مثلا او بيشتم جاره ليش شتيمته بتكون موجهة للذات الالهية
بعتقد لانو فكرته عن رفض وجود الله مخزونة داخله وانخزنت في الاشعور عنده فبتخرج باي وقت سواء عصبية او مزح لتعبر عن مضمون فكره
هلاء في شغلة تانية مهمة بعلم النفس بيقولوا انو اصدق كلام بيعبر عن قناعات وافكار الانسان هو يلي بيخرج ساعة العصبية لانو بهذا الوقت بيفقد الانسان سيطرته على الكلام يلي بيحكيه وما بيكون في كونترول
فبتطلع قناعاته وافكاره الحقيقية

شو رئيك باستنتاجي هلاء ؟؟؟؟؟؟؟؟؟؟؟؟؟؟؟؟؟؟؟؟

وائل 76

02/11/2006, 02:06

الشكر لك وائل على هذا الطرح المميز واجابة لسؤالك .......اقول لو حاول الانسان التجرد من الظغوط الممثله في العادات والتقاليد وحتى الايمان بالله ..معاندا ارادة الله اعتقادا منه بان ذلك سيحرره وسيحقق له جزء من رغباته!!هو هنا لا يخدع الانفسه فيكون ما اقدم عليه اشد مما اقترفه وماخسره اضعاف ماكسبه ...
فهل بالكفر استطاع ان يحقق لو جزء بسيط من رغباته ؟؟؟؟مؤكد لا

لكن اذا حاول هذا الشخص تحقيق انسجام وتكيف مع وضعه ومع الظروف المحيطة به فانه وان لم يستطيع تحقيق رغباته وغايته في الدنيا فهو على امل ان يحققها ولكن في زمن غير هذا الزمان وهذا مايميز المؤمن عن غيره... فالعقيدة تحمي الإنسان من اليأس بإعطائه الفرصة لتأكيد علاقته بالله واعتماده عليه ....
فما اكثر هموم الدنيا وما اطول احزانها.لا يفيق المرء من هم الا الى هم ولايرتاح من فاجعة الا الى مثلها .ومازال بنوها يتأرجحون فيها مابين سعادة وشقاء...................
فاذا صح لكل مهموم ان يمقت حياته ويتخلى عن كل المبادئ متجاوزا الايمان بالله ..ولكل محزون ان يقتل نفسه لخلت الدنيا من اهلها واستحال المقام فيها والوفود اليها وتبدلت سنة الله ولن تجد لسنة الله تبديلا............

تحياتي:D

اخر مرة برد على مشاركاتك
لو متت كملي انتي هالموضوع لانو عم تعبري عن افكاري مليون بالمية
تحياتي واحترامي الك ليندا
ومية وردة الك:D

The morning

02/11/2006, 10:07

يا سيدي انا ما بدي احكي كتير بس
الانسان السارق او القاتل ليش يحاسب دوليا بأي دوله من الدول .. بغض النظر عن اعتقاداتها و مفاهيمها ..
لانو القاتل بالهند كالقاتل بالصين كالقاتل بالوطن العربي ..
عدم قدره هاد الانسان على تحما ما هو به من جوع و فقر و ظلم دفعه الى ان يسرق اما ليقتات او ليفرج عن نفسه.. نحن كبشر نتعاطف مع هذا الانسان .. ولكننا نلوم الظروف .. القانون يحاسب لكن في كثير من الاحيان يأخذ بالظروف كنقطه لصالح المتهم ..
السرقه هي كفر..
و الدافع هو الفكر .. و لا رادع لان الضمير تفرز من البرد.............:? لكن السرقه ليست هي الحل لانها ليست طبيعه الانسان .. و لانها مؤقته ;-)
سلام
:D

Government

03/11/2006, 01:27

خيوووو وائل بس هيك طلب صغير عالموضوع
بصراحة موضوعك شوي مبهم
انت حاطو بمستوى فلسفي شوي
يعني ياريت شوي ترعي ظروف بعض الناس اللي ممكن مايفهموا الموضوع من اول مرة
واحد منن انولما قريب الموضوع المعلومات دخلت ببعضا وماعرفت لوينبدك توصل

بقى ياريت وي تبسطلنا الموضوع وتحطلنا امثلة على هالكلام مشان متل ماقال ليوبراد

ومية وردة
:D :D :D

فلاش باك

03/11/2006, 02:43

ـ فاذا تحققت الرغبات تولدت مشاعر الفرح والارتياح تعبيرا عن تفريغ طاقة الفكر وحصول حالة الاستقرار , ولكنها حالة وقتية لان الرغبات تولد باستمرار طالما كان الانسان على قيد الحياة , اذ ليس لتطلعات الانسان خط نهاية , وأما اذا لم تتحقق الرغبات لاي سبب من الاسباب فستولد مشاعر الغضب والحزن بسبب عدم القدرة على تفريغ طاقة الفكر وبالتالي حصول حالة عدم الاستقرار

وائل موضوعك كبير كتير ومتعوب عليه وهو بحاجة لأنو ينشاف اكتر من مرة ويتمعن فيه الواحد :D وخاصة يلي بين السطور ;-)
وفي كم نقطة بدي حاورك فين

ومشان الشباب (الحكومة وليوبرد ) انا اقتبست جزء من موضوع وائل بظن انو هادا الجزء واضح كتير وطبعا وائل اقدر على شرح باقي الموضوع

شكرا وائل

فلاش باك

03/11/2006, 02:59

ان حالة عدم الاستقرار هي القوة الدافعة نحو تغيير الواقع
انا بخالفك وائل لأنو في كتير ناس بتستسلم لواقعها يعني هون بترجع للشخصية

لكن السؤال المطروح هنا هل صحيح ان تلك الافكار المصطنعة والتي قد تتجاوز كل الحدود وتجردت من كل ما تعتبره حائلاً ومانعاً من تطور الانسان واشباع رغباته هل استطاعت تلك الافكار الجديدة ان تحقق ذلك ؟

ممكن جدا ومتل ماحكيت انو حسب شخصية كل فرد يعني في اشخاص بتلاقين متمردين على طول حتى لو كانت حالتو فيها استقرار بكلشي

صمت العيون

03/11/2006, 19:03

دماغ الانسان بتأثير الضغوط الناجمة عن حالة عدم الاستقرار للكيان الانساني , وان العوامل المسببة لحالة عدم الاستقرار لدى الانسان هي عوامل معنوية , وتتمثل في عدم مقدرته على تحقيق رغباته , او اشباع حاجاته , او تأم او ممارسة هواياته , لاسباب قد تكون داخلية تتعلق بالواقع الذاتي للانسان , أو أسباب خارجية تتعلق بالواقع الموضوعي المحيط بالانسان ,
مزبوط والله يعطيك العافية على الموضوع الي اخترته لأنه يفسر واقع كثير من الناس وأولهم أنا وأكيد انت استشفيت فيني بعض الأمورأنا ماعرفتها في شخصيتي الى الآن .

ظل جيفارا

03/11/2006, 22:35

قبل أن أبدأ لي تعليق صغير
لما يا اصدقائي علينا ان ننقل أي حوار الى حوار لاديني
صحيح اني طرحت فكرة المد الاسلامي ولكن من قرأ المقال علم ان فكرة المقال فكرة حياتية تعتمد على دراسة ظاهرة المد الاسلامي المغيب فيه دور العقل بلا تشعبات وهذا افضل ننتقل الى دراسة الفكرة الاولى البالغة الاهمية وأود عندها ان اشكر الاخ وائل على طرحه لقضية الفكر
نعم أخ وائل اؤيد ان الفكرة هي طاقة والطاقة لا تفنى ولا تخلق من عدم فإذا العقل البشري لا يولد هذه الطاقة , هذه الطاقة موجودة في الكون انتقلت الى دماغ الكائن البشري عبر البيئة والمحيط وما ذكرت حضرتك من مؤثرات
أزيد على هذه المؤثرات قضية الموروث الذي ينشأ عليه الانسان وتلعب دورا هاما لربما أهم من كل العوامل أو المؤثرات الاخرى وهذا لن مجتمعنا العربي بالتحديد ملتزم بما يسمى بر الوالدين وانا اراه العبودية للموروث العائلي
أنا لم اوافق على ان الفكر ينضح من الدماغ على شكل طاقة فهذا يعارض التعريف العلمي للطاقة التي لا تفنى ولا تخلق من عدم ,ارى من الافضل ان نقول هذه الطاقة هي مؤثرات في الوسط المحيط تنتقل للإنسان ويحولها الانسان الى فكرة بعد عملية نشاط مخي فهذا افضل من ان نقول ينضح الدماغ بالفكرة أو تنمو الفكرة في الدماغ
صحيح ان تنفيذ الفكرة هو هو انتقال للطاقة من شكل لأخر من الشكل الكامن الى الشكل الحركي وعندما تكبت الطاقة داخل الانسان تشكل الطاقة السلبية التي تتحول بدورها الى ذلك الحاجز الذي يفصل بين الانسان وبين محيطه بعد كبت اكثر من طاقة (فكرة) في داخله
أعارض نقطة ان الفكر انعكاس لرغبات الانسان تعريف الفكر ابسط من هذا التعريف بكثير
الفكر هو انتقال المؤثرات الخارجية -التي هي ايضا طاقة- الى داخل العقل البشري وترعرعها فيه
اذا ما عارضت فكرة ان الفكرة تنشأ عن عدم الاستقرار فسندخل في الموضوع بشكل فلسفي عميق
إن اعتبرنا ان الفكر ينتج عن عدم الاستقرار فهذا يعني ان الانسان المستقر لا يفكر ؟
لربما اذا اعتبرنا ان الانسان المستقر غير موجود اصبح بإمكاننا ان نقبل بهذا ولكن الانسان في حالة لا استقراره مستقر ويفكر
فإذا الفكر لا ينتج عن حالة عدم استقرار لأن المستقر يفكر
اما عن سؤالك عن الافكار المصطنعة علينا اولا ان ندرس ماهيتها ما هي الافكار المصطنعة ببساطة هي شطحات خيال الانسان تولدتعن طريق اكتساب الانسان لمؤثرات تعتبر بالنسبة لوضعه خرافية مثلا رجل فقير يحلم بانه يقود سيارة جميلة جدا فهو اكتسب هذه الشطحة من شطحات خياله عبر رؤيته لسيارات جميلة في الشارع
اتوقع انها قابلة لأن تحقق شيئا جميلة اذا ما قادها قيادة جيدة
لمن يرغب في التوسع في قضية فيادة الافكار وغرسها قراءة كتاب العقل الباطن للمؤلف الدكتور جون كيهو
هذه افكاري حيال الموضوع وهي ناتجة عن مؤثرات خاريجة منها تحمسي للموضوع :lol:
اخوكم بحب
ظل جيفارا

The morning

03/11/2006, 23:18

مزبوط والله يعطيك العافية على الموضوع الي اخترته لأنه يفسر واقع كثير من الناس وأولهم أنا وأكيد انت استشفيت فيني بعض الأمورأنا ماعرفتها في شخصيتي الى الآن .
يا ستي ليش مين قلك انو كل واحد هون بيعرف عن حالو كل شي .. نحنا بس بنعتقد انو نحنا بنعرف كل شي بس بالواقع نحنا اللا وعي لسا يا دوبك عم نعرف نوصلو ..
عقل الانسان مربوط بالاشياء اللي حواليه و لو كان بيعرف كل شي ما كان اطر يتعلم لغه تانيه وقت بينتقل لبلد غير اللي كبر و تربى فيها..
الفكر ما بيتغير بس بيكبر .. و متل اي مراهق بفكر انو صار هو الكبير و اللي امرو من راسو مشان هيك ببلش يسرح ,,,,,,,,,, بس اذا كان الاسان على درجه قدره و و عي معينين بيقدر يرجع ابنو " فكرو" لقواعده سالما و يفهمو انو ما حدا بدو يسيطر على حريتو و اتساعو بس بدون يحررو من حالو ليكبر صح
سلام:D

أبو أنمـــار

04/11/2006, 03:00

[quote=وائل 76;531528]مشكور اخي ابو انمار على المشاركة وبتمنى تشاركنا بالحوار :D

شكرا على الدعوه للمشاركه . بس انا لاشيء و لا اقارن بالنسبة لكم و لطرحكم .
اخي الكريم الانسان اجمالا ضعيف و محدود القدره . جسدا و فكرا . هناك امور علينا ان نسلم بها .
مثالا الأحاسيس و المشاعر. من حب و كره و فرح و حزن و رضا و غضب . الى اخره كيف نعرفها و كيف نقيس مثلا عمق الحزن و الفرح . ولا كننا نتعرف علييها و نعرفها . لانها تظهر في مجموعة اعمال وتصرفات نقوم بها وتظهر علاماتها على
اشكالنا الخارجيه .

الفكر و العقل مرتبطة و في تعريفها مثل الروح (من علم ربي)
و الفكر قد يسمو ويصل الى اعلى درجات السمو وقد ينحط الى اقصى درجات الانحطاط .
و الفكر وهو جزء الا يتجزاء من الانسان حيث يتعرض للضعف و المرض . و قد تمر لحظات على الانسان بنشل فكره تماما و لا يعود قادرا على التفكير نتيجت ظرف معين. و الفكر هو اعلى دراجات التفكير . و الفكر يقود للايمان
و قد يقود للعكس تماماً و من وجهة نظري الشخصيه ان قمة الفكر هو الايمان بالله سبحانه وتعالى .
و المعيار هو الابتلاء هل تشكر ام تكفر .

وتقبل شكري الجزيل :D