شو يعني علمانيّة؟؟؟ [الأرشيـــــف] - صفحة 4

صفحات : 1 2 3 [4] 5

وائل 76

26/10/2006, 21:13

اول شي عزيزي كريم اقسملك انني لم اقصد الاساءة حين كتبت في مشاركة كلمة اذا بالعكس شفت الموضوع شوي جاف حاولت نطلع شوي من هزا الجو لنضحك شوي مو اكتر وانا كتير بحترمك وبحترم ثقافتك وكتير سعيد باني عم اتحاور من انسان رائع متلك وعم استفيد من ثقافته
هلاء بنرجع للقصة
هي الاسرائيليين متدينين،
في عندي تفسير حقيقي للتوراة راح انزله بالمكتبة يمكن نفهم شو يلي عم بيصير لانو الصهيونية هيا يلي عم تحكم وليس الدين
قبل حمورابي بآلاف السنين
شاكر كتير للمعلومة هاي لانو بجد راح تفيدني في بحث عم بعمله هلاء :D
اي شغلة الثواب و العقاب، هي موجودة من قبل ما يبلش الله يبعت انبياؤو
تمام كتير لكن شو عمل الثواب والعقاب بالبشرية عبر مراحلها المختلفة بعتقد انو فطرة الانسان يلي بتجمع في ثناياها كتير اشيا متل الطمع وحب الذات وووووو كتيرررررررر اشيا عجزت القوانين انها تحاربها لانو ببساطة لو توفر لاي شخص فرصة ليعمل الشي الممنوع اكيد راح يعمله لكن لو انتشرت ثقافة الدين ورجع الانسان ليعرف معنى الدين الحقيقي ويعرف انو الله مراقبه بكل تصرف بعتقد انو راح يقدر يحارب الانا بداخله
بس هون في شغلة مهمة انو عم بقرا شغلات هون بتوحي انو الانسان كامل وممكن الضمير الانساني يكون رادع اله من اي شي غلط بعتقد انو هذا الكلام بعيد عن المنطق لانو الانسان بطبيعته مخلوق بعيد عن الكمال وبحاجة لشيئ به من القوة متل الدين ان يحكم تناقضاته ويجبره على اسلوب معين في الحياة وهو ما عجزت كل القوانين الوضعية عليه
و بالتالي التحدث عن امور ميتافيزيقية (غير مثبتة علميا)
وهل العلم توصل لتحليل كل المظاهر التي نراها ام ان العلك اقتصر على رفض فكرة الدين ورفض فكرة وجود الله
اعتقد ان اي منهج يجب ان ياخذ التدرج في بحثه ليصل للحقيقة
لذلك بعتقد يجب على العلم ان يتدرج في بحثه لتفسير كل الظواهر التي نراها وبعد ان يفسرها كلها ونقتنع بتفسيرها ياتي لتفسير فكرة الله والاديان
[انت عم "تبحث" عن تفسير منطقي و حقيقي، لأنك لسا ما وجدتو، كيف عم تدافع عن شي ما عثرت على حقيقتو؟؟؟؟ او على الاقل على تفسير منطقي لحقيقتو؟؟؟؟
/QUOTE]
قصدت في كلمة تفسير اي تفسير للتطبيق لان الدين مفهومه قائم على شقين الاول عقلي نستطيع من خلاله ان نفكر في بعض الاحكام والاخر روحي لا يستطيع عقلنا العاجز ان يفسر متل تلك الاشياء لانها اكبر من مستوى تفكير البشر
اعطيك هنا مثالا فقط اثبت بعض الخبراء الامريكان حديثاً ان الانسان يستخدم فقط ما يعادل 18 بالمية من الحجم الحقيقي لقدرات عقله فما تفسير العلم والمنطق لذلك ؟؟؟؟؟؟؟؟؟؟؟؟؟؟؟؟؟؟؟؟
هذا سؤال مطروح الان امام كل العالم يبحث عن جواب له وعلى فكرة السؤال متعلق بالانسان وليس بالكون والكواكب
[quote]خيو، خليك عم "تبحث" ... لأ جد عم بحكي، بس بعقل منفتح على كل الاحتمالات، و خلي ببالك دايما انو العقل هوي الشرع الاعلى للانسان، و هالشي ما بيخالف ايمانك، لأنو حسب ايمانك الله هوي خالق العقل... انا كنت متلك، باحث عن الحقيقة.. و اسوأ شي ممكن يحصل معك انو تلاقي الحقيقة لأنو ساعتها رح ينتهي بحثك، لذلك، ادعي دايما لربك انك ما تلاقيها، صدقني معلم... ما في امتع من رحلة البحث عن الحقيقة، اوعى انك تنهيها

اخي العزيز كريم انا اقصد ببحثي انني ابحث عن التطبيق السليم للدين كجوهر يحكم اختلافاتنا
على كل حال الكلمة التي اوردتها من ان الانسان دائم البحث واسوء شيئ ان ينتهي البحث كلمة جدا رائعة ولا يقولها لا انسان صاحب تجربة ومثقف متلك انا بجد واقسملك معجب كتير بحوارك الرائع وبفكرك
بس هون في شغلة صغيرة انو عجز العقل البشري يستلزم بالضرورة ان نبحث في ما يستطيع العقل ان يفسره اما ما هو اكبر من مستوى ادراك البشر فنحن امام خياران اما ان نسلم ونؤمن بتلك الاشياء او اننا نلحد ونكفر بها
على فكرة اعتقد ان مسالة الايمان والالحاد مسالة متقلبة وغير ثابتة يعني ممكن الملحد يصير مؤمن والعكس
وهذا ليس لعيب في الدين وانما لان العقل البشري بطبيعته متلقب ويقبل وجهات النظر المتباينة
لذلك انطلق من ان العقل البشري يقف عاجزا امام ان يحدد منهج يحكم البشر باختلافاتهم
و الله يديم عقلاء هالبلد، ويبعت لاخواننا متلهم

امين وان شاء الله بيرسل ناس تعرف تقدر قيمة الانسان
بس سؤال هون كريم وارجو انك تفهم مقصد كلامي
هلاء التناحر يلي عم نشوفه مرجعه الطائفية والفكر المشوه اليس هذا دليلا على عجز العقل في كثير من الاحيان ان يصيغ مفاهيم يتعايش معها البشر ؟؟؟؟؟؟؟؟؟
اذن لماذا نداع عن العقل البشري الذي اثبت عجزه ؟؟؟؟؟
وما الذي يكفل ان هذا العقل يستطيع صياغة مفهوم او قانون او اسلوب حياة يكفل تحقيق ما عجز الدين عنه ؟؟؟؟؟؟؟؟؟

عموما بعيدا عن الحوار التاريخي، يا ريت (للمرة التانية عم اطلب هالطلب) انك تذكرلي العهد الذهبي يللي حكيت عنو اديش استمر؟؟؟ هاد تبع الدين الصحيح
لن استشهد بالتاريخ بعد ذلك لانني بصراحة افتقر لمعلومات دقيقة بالارقام والاحداث التاريخية و كل ما لدي من معلومات انما من خلال دراستي الجامعية وكانت متعلقة بتاريخ القوانين وظروف وجودها ليس اكثر
بعتقد انو كلامي هذا راح يقدره انسان مثقف متلك
بس في شغلة هون كريم انو انا ما عم احكي واقصد بكلامي الاسلام مع اني اعتز باسلامي الا انني اتحدث بشكل عام لانني احترم و اؤمن بكل الاديان السماوية ( امؤمن ) كتبتها صح والله كتبتها اربع مرات مرة على سطر ومرة على واو :lol:
حاج لهون لأنو العولمة مش موضوعنا و يا ريت ما تغير المحاور

ما بغير المحور لكن العولمة يلي قصدتها هي الشركات متعدية الجنسيات يلي هدفها السيطرة على العالم وهي نتيجة منطقية لانو نترك العقل الانساني يحكم وقتها ما راح يقدر يتجنب كل النزعات يلي انجبل عليها ل الانسان
العولمة يلي بحكي عليها هي الشر وليس الخير الذي تحدثت عنه لاثبت لك ان كل الافكار الانسانية تحمل الخير والشر في طياتها لانها لا يمكن ان تتجرد من انسانيتها

طيب على فرض انو وجدنا اليوم هالملهم ... شو بيضمنلي انو بس يموت يجي واحد تاني، و اللا بدك ياني استنى كمان قرون ليجي واحد تاني، و بهالوقت بيتمقطعوا هدول تبع المصلحة الشخصية يللي مو طايقهم حضرتك فينا ؟؟؟؟

لذلك كله كنت عم دافع عن انو الدين الصحيح يحكم لانو هو فقط من يستطيع ان يتجنب كل ما نحن خائفين منه
لانه منهج وليس شخص
الدين منهج كامل بعيدا عن تقديس الاشخاص اي ان الفكرة تبقى بزوال اشخاصها وباتي من هو مطابق للمعطيات الموجودة
اما حين بنترك العقل يبحث ليوجد لنا نظرية تحكم حياتنا فما الدافع لكي اقتنع بوجهة نظر انسان متلي
وما الدافع لكي لا استنبط انا نظرية تحكمنا
و هي هيي الفضائل نفسها يللي قلت عنها انها بتودي للعولمة و ما عجبتك
معلش كريم ما فهمت مضمون هالجملة بتمنى توضيح منك
اما بالنسبة لعقلي فانا بعتبره متحرر الى حدا منا والدليل انو لدي اصدقاء من اديان مختلفة وحتى يهود وعندي كمان صديق واحد ملحد من هون من اخويا ومع ذلك بحترم افكار الكل وبناقش بموضوعية وفي الاخر لما ما اقتنع او اقنع بحتفظ بوجهة نظري وبحترم وجهات نظر الاخرين
العلمانية تعتمد على العقلانية بقوة، و بالتالي بتعتمد على العلم،
يا عزيزي العلم اثبت قصوره في مواطن كثيرة واثبت انه مفهوم نسبي متقلب فما الداعي ان ننحكم لشيئ غير ثابت
قبل 10 سنوات كان هناك مفهوم الديمقراطية هو ان الشعب يحكم نفسه بنفسه الان اصبح هناك مفاهيم اخرى متل الديمقراطية المتدرجة والمقننة والديقراطية المسنوردة والمحلية والخ
وكلها مفاهيم تحمل في طياتها تحقيق مصالح ما
يعني خلط السم بالعسل
كيف اعتمد على العقل البشري الذي وظف المفاهيم الجميلة في تحقيق غايات ومصالح
العلمانية يا حبيبي هيي انو تتخذ القرارات و تنسن القوانين و التشريعات بناءا على حاجة المجتمع بغض النظر عن النصوص المقدسة
وما هو السبيل امام تناقضات المجتمع
هل سيسمو الفكر الانساني لمرحلة تجعلنا نقدس افكاره ونقتنع باحكامه على تناقضاتنا ومصالحنا
مشان هيك لازم نحارب هالظاهرة .. و نفهم العالم (حتى الاميركان) انو ما حدا ع راسو ريشة و آخر نبي عمل خير و ختملنا هالطاقة يللي بتجي منها الريح

افهم من ذلك انك مقتنع بان الامريكان يطبقون الدين وانهم ليسوا علمانيين ؟؟؟؟؟؟؟؟؟؟؟؟؟
اي لا عاد تقول انو الاسلام ما عم ينتشر بحد السيف لكان

ما بدنا نطلع من الموضوع بس حبيت اسالك سؤال هون
هل الارهاب هدفه نشر الاسلام ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

تحياتي الك كريم وارجو الا تقبل كلامي وتبريري بخصوص المشاركة تبعت كلمة اذا
لاني لم اقصد شيئ
و سعيد جدا بحوارك وبفكرك وبتمنى انو الكل يكون بهاي الدرجة من الوزعي والمعرفة
يمكن لو صار عندنا ناس متل هيك يتغير حالنا ونعرف نحترم ونحب بعض

تحياتي الك :D

Willi

27/10/2006, 00:16

غلطان ياعمي العلمانيه شيىء والديموقراطيه شيىء آخر .... وشوف بعينك كم نظام علماني متزمت موجود بالسلطه الآن وهم ليسوا الديموقراطيين بل استئصاليين ... علمانيين مستبدين
الديموقراطيه تعني القبول بالآخر مهما اختافت معه شيوعياً ام اسلامياً اشتراكي ام ليبرالي
الشيوعي هو وطني
والاسلامي وطني
والاشتراكي وطني
وليبرالي وطني
مشكلتنا تكمن بقبول الآخر .. لو افترضنا ان ليبرالي وصل للحكم وفشل ونجح بعده اسلامي هل يقبلون بتداول السلطه ؟
عندما يفشل حزب او تيار بالبرنامج الذي قدمه للشعب سوف يسقط بالانتخابات القادمه هذا الامر مرفوض في آحزابنا

هلق اذا بدك تجي للمعنى الصحيح للديمقراطية فيهة: حكومة من الشعب, وللشعب.

اما بالنسبة لانو العلمانية شي والديمقراطية شي تاني.
كلام صحيح انا ما قلت انو العلمانية هية نفسها الديمقراطية.
لاكن قلت انو وجود الديمقراطية مرتبط كتير بوجود العلمانية
عطيني بلد علماني مانو ديمقراطي.

ما فهمت مين بتقصد بالنظام العلماني الموجود بالسلطة.
اذا بتقصد ببلادنا.
فهي بعيدة كل البعد عن العلمانية. اصلا الدستور السوري مسن على اسس دينية.

Willi

27/10/2006, 00:20

ايوا يعني اتفقنا برأينا انا و انت انو البشر عقلها بالرغم من عظمته ما بيطابق و ما بيعمل دوله اليوم؟؟؟
بعدين هيك قلت راجع و سهرتني للصبح و انا عم استنا ردك ..
شكرا

مافي شي بيوقف العقل البشري عاجز قدامو.
القعل البشري قادر انو يعمل كلشي.

ومع تقدم الزمن عم يتم اثبات هالشي.
شوفي وين وصلنا العقل البشري. وين كان كل هالشي من 100 سنة؟؟
بلا 100 سنة 50 سنة؟؟
الطيارة, السيارة, الكومبيوتر, اجهزة الاشعة, القنابل النووية, والذرية, اجهزة التحكم عن بعد, المراكب الفضائية, المحطات الفضائية............

هدول كلون عملهون بفضل عقلو بدون مساعدة من الله او اي قوة خارقة تانية.

ليندا

27/10/2006, 00:51

هدول كلون عملهون بفضل عقلو بدون مساعدة من الله او اي قوة خارقة تانية.

اهلين willi.......
شوف اخي انا هلق معك انه العقل البشري وصل لمرحلة كتير متقدمة وصحيح انه كلما تقدم الزمان بيحدث تطورات على كافة الاصعدة ............اذا العقل البشري قادر على الاختراع والابتكار ....ولكن........ من صنع هذا العقل؟؟؟؟؟؟؟؟؟؟؟؟؟
من اعطاه الالهام ليصنع كل تلك الامور ...
ولاوضح اكثر ساطرح مثال ........
لو قارنا بين الذبابة والطائرة في إمكانيات وقدرات المناورة والالتفاف السريع .. وقد راينا ان المخترعين للطائرة المقاتلة استطاعوا في آخر تقنياتهم في مجال صناعة الطائرات تمكين الطائرة من القدرة علىٰ المناورة والدوران يميناً ويساراً أو إلىٰ الأعلىٰ أو إلىٰ الأسفل وفي كافة الاتجاهات بدائرة ذات زاوية حادة للإفلات من رشاشات ومدافع وصواريخ الطائرات المعادية التي تطاردها من مسافة قريبة وبشكل مباشر وفي زمن قياسي .. وأصعب صور هذه المناورات هي أن يكون الطيار خلفه طائرة معادية تطارده فيقوم بالانحراف يميناً أو يساراً بزاوية منقبضة حادة وهو علىٰ سرعة فائقة وخطيرة ولكي يجعل طائرته وفي ثوان قليلة تطير فجأة في الاتجاه المعاكس أي أنها كانت تطير في اتجاه الشرق فيجعلها فجأة تطير إلىٰ الاتجاه المعاكس من الشرق إلىٰ الغرب .. ولكي تتمكن الطائرة من تحقيق هذه المناورة للطيران السريع إلىٰ الاتجاه المعاكس فإنها تستغرق في أحدث الطائرات أكثر من سبعة ثوان ولا تستطيع أن تغلق زاوية انحرافها أقل من (30 ) درجة .. بينما الذبابة تستطيع القيام بهذه المناورة في جزء من (250) جزء من الثانية وبزاوية منقبضة لا تزيد عن (7) درجات .. ونحن يمكننا وبالعين المجردة مشاهدة وملاحظة هذه المناورة من الذبابة بشكلها العام ونضرب علىٰ ذلك مثلاً .. فحين نطرد ذبابة كانت تقف علىٰ حافة صحن يحوي طعاماً فإنها تذهب بعيداً لمسافة مترين أو ثلاثة أمتار وفجأة نراها عائدة في الاتجاه المعاكس لكي تنقض علىٰ الصحن مرة أخرىٰ ويتم ذلك بسرعة خاطفة إلىٰ درجة أننا قد نتخيلها تطير برأسين وفي الاتجاهين في وقت واحد ( مثل عربة الترام التي تسير في الاتجاهين دون الحاجة إلىٰ الدوران لأن في كل طرف منها غرفة قيادة تقودها إلىٰ الأمام).
: فهل بلغ ببني البشر وبكل ما توصلوا إليه من علم عَلّمهُم الله إياه أن يصنعوا في الطائرة من القدرات والإمكانيات التقنية التي تجعلها تنافس قدرات وإمكانيات الذبابة التي وضعها الله فيها بعلمه وقدرته ؟ ..

شكرا الك ...............

The morning

27/10/2006, 00:56

مافي شي بيوقف العقل البشري عاجز قدامو.
القعل البشري قادر انو يعمل كلشي.

ومع تقدم الزمن عم يتم اثبات هالشي.
شوفي وين وصلنا العقل البشري. وين كان كل هالشي من 100 سنة؟؟
بلا 100 سنة 50 سنة؟؟
الطيارة, السيارة, الكومبيوتر, اجهزة الاشعة, القنابل النووية, والذرية, اجهزة التحكم عن بعد, المراكب الفضائية, المحطات الفضائية............

هدول كلون عملهون بفضل عقلو بدون مساعدة من الله او اي قوة خارقة تانية.

اي انا ما قلت انو عم يستنا قوه خارقه انا قلت انو انا بؤمن انو هالعقل الخارق اجا من عند لله و هو ما بيؤمن بهالشي ..
بعدين عفوا بس انت قريت مزبوط انا شو قايله ... انا قلت ما بتتفق العقول البشريه و بتم اسهل التعامل مع مجموعه الاديان من التعامل مع مجموعه غير متناهيه من العقول ....................... ما قلت عاجز... و ما قلت هلاختراعات اجت من عند لله:shock: :shock:
مشكور..
بس هل بفهم اني ما استنا رد هاني :? ........... ولله انا كنت سعيده بالحوار معو .؟؟

Willi

27/10/2006, 01:14

شوف اخي انا هلق معك انه العقل البشري وصل لمرحلة كتير متقدمة وصحيح انه كلما تقدم الزمان بيحدث تطورات على كافة الاصعدة ............اذا العقل البشري قادر على الاختراع والابتكار ....ولكن........ من صنع هذا العقل؟؟؟؟؟؟؟؟؟؟؟؟؟

بغض النظر مين صنع هالعقل (ما رح نتناقش بهالموضوع).
لاكن انو ينقال انو العقل البشر غير قادر انو يأسس دولة هاي شغلة تخينة شوي :shock:
كل الدول والامبراطوريات اللي تأسست على مدى التاريخ. صارت هلق ولا شي!!!
والانسان غير قادر؟؟؟

بعدين عفوا بس انت قريت مزبوط انا شو قايله ... انا قلت ما بتتفق العقول البشريه و بتم اسهل التعامل مع مجموعه الاديان من التعامل مع مجموعه غير متناهيه من العقول ....................... ما قلت عاجز... و ما قلت هلاختراعات اجت من عند لله
عيوني انا اقتبست الكلام اللي علقت عليه
وهاد هو

ايوا يعني اتفقنا برأينا انا و انت انو البشر عقلها بالرغم من عظمته ما بيطابق و ما بيعمل دوله اليوم؟؟؟

اما بالنسبة للتعامل مع الاديان. فلاء ما بيمشي الحال. لانو مافيكي تستعملي حل وسط مع الاديان.
ومافي تستعملي حل منطقي مع الاديان اذا كان بخالفها.
مع البشر بتقدري

بس هل بفهم اني ما استنا رد هاني ........... ولله انا كنت سعيده بالحوار معو .؟؟

اي اسف لا تواخذينا. يعني اسكت؟؟
بكل الاحوال فيكي تنطريه وتكملي حوار معو, ما حدا قلك لاء :?

The morning

27/10/2006, 01:26

بغض النظر مين صنع هالعقل (ما رح نتناقش بهالموضوع).
لاكن انو ينقال انو العقل البشر غير قادر انو يأسس دولة هاي شغلة تخينة شوي :shock:
كل الدول والامبراطوريات اللي تأسست على مدى التاريخ. صارت هلق ولا شي!!!
والانسان غير قادر؟؟؟

قادر ... بس انا ما عم قول ما قادر يأسس بس بكل دوله نشأت كان في ناس ما بتوافق ع الحكم " المعارضه يعني" و بالدين كمان في معارضه بس دينيا اخف لانو المجموعات و الافكار اقل فهي بتتراوح بين طبيعه الدين و و جود او عدم الايمان بالدين ... بينما الدول ........ شو بدك تعد لتعد حركات و كل ما واحد عمل انقلاب بيجي مين يعمل عليه انقلاب و بيتم في ناس و جماعات كتير ..........

عيوني انا اقتبست الكلام اللي علقت عليه
وهاد هو

اما بالنسبة للتعامل مع الاديان. فلاء ما بيمشي الحال. لانو مافيكي تستعملي حل وسط مع الاديان.
ومافي تستعملي حل منطقي مع الاديان اذا كان بخالفها.
مع البشر بتقدري

بس لاديان نوعا ما بتجمع حولها عدد كبير من الناس فهي بتكون اكتر قدره على الاقناع " بغض النظر عن منطقيتها"

اي اسف لا تواخذينا. يعني اسكت؟؟
بكل الاحوال فيكي تنطريه وتكملي حوار معو, ما حدا قلك لاء :?

لا بنوب ما تسكت ... لاني حبيت الحوار بكل الموضوع و مع كل المثقفين اللي متلكون
و انا بعتذر اذا فهمت قصدي غير هيك:D :D

ليندا

27/10/2006, 01:29

بغض النظر مين صنع هالعقل (ما رح نتناقش بهالموضوع).
لاكن انو ينقال انو العقل البشر غير قادر انو يأسس دولة هاي شغلة تخينة شوي :shock:
كل الدول والامبراطوريات اللي تأسست على مدى التاريخ. صارت هلق ولا شي!!!
والانسان غير قادر؟؟؟

+

انا اسفة كتير.........بس رح قلك انتي يلي فتحت النقاش بموضوع من صنع عقل الانسان؟؟؟؟
صحيح انك قلت ان الانسان بيخترع ويبيبتكر بدون مساعدة الله ...وهاد الشي بو اسطة شو ؟؟
(بواسطة العقل طبعا)
يعني لولا العقل ماخترع الانسان شيئا ................صحيح..
وبنرجع ونقول انه الله هو يلي خلق هاد العقل بادق تفاصيلوه.... وبالتالي رح يكون الله ساعد هالانسان على الاختراع .......ولا اقول لك انه الانسان غير قادر على صنع نظام دوله ولكن ستكون نتيجة هذا النظام دوله مهزوزة لانه نظام بشري واي نظام من صنع البشر هو نظام ناقص...النتيجة النهائية من وجهة نظري وجوب الاعتماد على الله.........

تحياتي .............

krimbow

27/10/2006, 03:36

Willi

27/10/2006, 04:34

ملحوظة زغيرة ويلي

بتعرف اديش انا منحاز للعقل ...بس الحق يقال

ما تسجل بتاريخ البشرية كلها اي اختراع او اكتشاف تم غير عن طريق الصدفة

التجربة بحياتا ما كنت صدفة.
ومعظم الاختراعات والاكتشافات اجت من تجارب.

ما بظن انو شبكة الانترنت كلها وكل تعقيدها اجت عن طريق الصدفة :shock:
ولا حتى جهاز الكومبيوتر.
حتى السيارة. كل التطور اللي وصلتو, صار عن طريق الصدفة؟؟

مستحيل.
شو هالصدف هاي؟؟
حتى هاد الكوكب العاشر اللي اكتشفوه. اللي قالو انو لقوه بالصدفة.
كانو عم يراقبو الكواكب والفضاء لما شافوه. يعني ما اجا من ولا شي.
يعني ما هيك دغري الله نزل الالهام على واحد وقلو في كوكب عاشر هنيك, روح اكتشفو.

ولا اقول لك انه الانسان غير قادر على صنع نظام دوله ولكن ستكون نتيجة هذا النظام دوله مهزوزة لانه نظام بشري واي نظام من صنع البشر هو نظام ناقص...النتيجة النهائية من وجهة نظري وجوب الاعتماد على الله

ليش اوروبا مهزوزة بالوقت الحالي؟؟
انو مثلا الامبراطورية الرومانية كانت مهزوزة؟؟ (يعني اعتبارا انو كانو يأمنو بتعدد الالهة, يعني مو الاله اللي نحن عم نحكي عنو)
طيب الفراعنة كانت دولتون مهزوزة؟؟
طيب الاغريق؟؟
لك اميركا؟؟؟؟؟؟؟؟

امرأة من ورق

27/10/2006, 06:07

اسفين كتير يا جماعة تاخرنا عليكم

راح بلش من عند العزيزة امراة من ورق وبعدين ارجع لباقي الشباب

ما راح كتر حكي بس يلي فهمتوا من كلامك انهم اقلية لانهم عاجزين يصيغوا انفسهم في تنظيم معين ليحافظوا على حقوقهم ومصالحهم
يعني عم تناقضي نفسك انتي بتحكي انهم اكثر مما نتصور
ومع ذلك عاجزين انهم يعلنوا عن انفسهم
شغلة تانية
بما انهم مقتنعين بايديولوجيتهم وفكرهم الاتستحق تلك الفكرة ان يموتوا ويضحوا لاجلها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟

تحياتي الك :D
العجز عن اعلان نفسهم مو مشكلة فيهم بس مشكلة بالناس اللي ماسكين الحكم الرسمي وماسكين الحكم على قلوب كتير من الناس باغلب الدول العربية اللي كان حكيي عنها...... يعني صدقني بكلمة من احد رجال الدين انو هالشخص اساء لله رح يطلع الف متبرع لهدر دم هالشخص
اما انو ماعم يشتغلو ليعلنو عن نفسون كمان مانو كلام دقيق...... يمكن عم يشتغلو على مهل وبالخفاء غالبا لحتى ينشرو افكارون او يحاولو يصنع مجتمع يتقبلون بدليل تصاعد نداء العلمانية اللي رح توفرلون هالشي
اما الاستعداد للموت كرمال ايديولوجيتهم فبظن الموت كرمال الافكار بيجي كحل اخير واستسلامي نوعا ما لما بتنقطع السبل تماما ومتل ماقلت هني ماوصلو لمرحلة الاستسلام وعم يشتغلو بهدوء
وبالتالي الشئ اللي ظاهرلك هلأ انو عجز ماهوي الا مرحلة انتقالية وبتمنى تمر بسلام وياخدو حق التعبير...... ومافيك تحكم من خلال هالشي انون اقلية
:D

The morning

27/10/2006, 09:52

العجز عن اعلان نفسهم مو مشكلة فيهم بس مشكلة بالناس اللي ماسكين الحكم الرسمي وماسكين الحكم على قلوب كتير من الناس باغلب الدول العربية اللي كان حكيي عنها...... يعني صدقني بكلمة من احد رجال الدين انو هالشخص اساء لله رح يطلع الف متبرع لهدر دم هالشخص
اما انو ماعم يشتغلو ليعلنو عن نفسون كمان مانو كلام دقيق...... يمكن عم يشتغلو على مهل وبالخفاء غالبا لحتى ينشرو افكارون او يحاولو يصنع مجتمع يتقبلون بدليل تصاعد نداء العلمانية اللي رح توفرلون هالشي
اما الاستعداد للموت كرمال ايديولوجيتهم فبظن الموت كرمال الافكار بيجي كحل اخير واستسلامي نوعا ما لما بتنقطع السبل تماما ومتل ماقلت هني ماوصلو لمرحلة الاستسلام وعم يشتغلو بهدوء
وبالتالي الشئ اللي ظاهرلك هلأ انو عجز ماهوي الا مرحلة انتقالية وبتمنى تمر بسلام وياخدو حق التعبير...... ومافيك تحكم من خلال هالشي انون اقلية
:D

يعني انت برأيك انو العلمانيه هي استيراد لمنتج عم يحاول ينشر افكار جديده بالوطن العربي
اللي من طول عمرو ماشي الحيط الحيط و قايل يا رب ليتحول لمجتمع علماني باستخدام ما
في العولمه من ايجابيات نحنا ما بنعرف انطبقها بيقومو هنن بيفصلو و نحنا بنلبس..:shock:
طيب اذا هيك معناتها العلمانيه اللي انا بحلم فيها بدها شي ميه سنه لتوصل للعالم و مدري قديش بعدو لتوصل
للوطن العربي ... هاد اذا عرفت طريقها
للتذكير العلمانيه اللي انا بحلم فيها هي علمانيه بأسمى حالات البشر .. يعني لما بنصير بنعرف نتعامل مع بعضنا اول بعدين خلينا نفكر نمارس الدين بس بالبيت
مشكوره :D

امرأة من ورق

27/10/2006, 10:05

يعني انت برأيك انو العلمانيه هي استيراد لمنتج عم يحاول ينشر افكار جديده بالوطن العربي
اللي من طول عمرو ماشي الحيط الحيط و قايل يا رب ليتحول لمجتمع علماني باستخدام ما
في العولمه من ايجابيات نحنا ما بنعرف انطبقها بيقومو هنن بيفصلو و نحنا بنلبس..:shock:
طيب اذا هيك معناتها العلمانيه اللي انا بحلم فيها بدها شي ميه سنه لتوصل للعالم و مدري قديش بعدو لتوصل
للوطن العربي ... هاد اذا عرفت طريقها
للتذكير العلمانيه اللي انا بحلم فيها هي علمانيه بأسمى حالات البشر .. يعني لما بنصير بنعرف نتعامل مع بعضنا اول بعدين خلينا نفكر نمارس الدين بس بالبيت
مشكوره :D

:? :? :? :shock: :shock: :shock: :pos: :frown:
وين شفتي من حكيي شي من الحكي عن الاستيراد؟؟
اذا كان عندو افكار جديدة عن الشي التقليدي بمجتمعنا بنكون بالضرورة عم نستورد شي جاهز؟؟:?

الإصلاحي

27/10/2006, 10:10

الاصلاحي

ممكن تفهمني شو علاقة "مقالة" السيد "كمال لبواني" بموضوع "شو يعني علمانية" ؟؟؟؟

يا سيد كرينبو اذا قرأت مقالة الدكتور كمال اللبواني ولم تفهم العلاقة
اظن لااحد يقدر ان يفهمك ذلك مع احترامي لك.

The morning

27/10/2006, 10:46

quote=امرأة من ورق;517841]:? :? :? :shock: :shock: :shock: :pos: :frown:
وين شفتي من حكيي شي من الحكي عن الاستيراد؟؟
اذا كان عندو افكار جديدة عن الشي التقليدي بمجتمعنا بنكون بالضرورة عم نستورد شي جاهز؟؟:?[/quote]

اول شي ببلش بورده :D و شكر ..
بعدين ليش زعلتي و حطيتيلي هاد :pos: و هاد :frown: عم نتحاور :shock:
يعني ...........
انت ما قلتي مباشره بس كان في اجماع على انو العلمانيه هي شي نشأ بالغرب و الغرب
عرفان يعيش بوجودو و بعدين قلتي انو ينتشر بالوطن العربي و الوطن العربي ما عرف هالشي من قبل لانو معروف عن الوطن العربي انو ارض الديانات و ما بحياتو اشتكا من عدم راحته الها.. فما بدها تنين يفكرو من وين جايه :shock: لانو الوطن العربي ما بيضارب ع انتاجو للديانات بادخال العولمه لشعب ما بيعرف يتفق ..

و هي ورده تانيه مشان نشوف الضحكه مره تانيه :D

امرأة من ورق

27/10/2006, 12:45

اول شي ببلش بورده :D و شكر ..
بعدين ليش زعلتي و حطيتيلي هاد :pos: و هاد :frown: عم نتحاور :shock:
يعني ...........
انت ما قلتي مباشره بس كان في اجماع على انو العلمانيه هي شي نشأ بالغرب و الغرب
عرفان يعيش بوجودو و بعدين قلتي انو ينتشر بالوطن العربي و الوطن العربي ما عرف هالشي من قبل لانو معروف عن الوطن العربي انو ارض الديانات و ما بحياتو اشتكا من عدم راحته الها.. فما بدها تنين يفكرو من وين جايه :shock: لانو الوطن العربي ما بيضارب ع انتاجو للديانات بادخال العولمه لشعب ما بيعرف يتفق ..

و هي ورده تانيه مشان نشوف الضحكه مره تانيه :D

وهي مية وردة لعيونك :D :D :D
وانا ماكنت قاصدة ازعل منك بس تدايقت من انو تنفهم فكرتي غلط وتنقلب قلب
هلأ اول شي منشان انو الوطن العربي ارض الديانات وبعمرو ماحدا اشتكى من عدم راحتو الها....... مابعرف مدى صحة هالحكي بالماضي..... مافيي قول صح ومافيي قول غلط لانو ماعندي معلومات عن الماضي بما يخص هالشي خصوصا انو بالماضي لسه اكتر من هلأ كان في خوف من الاعتراف بالالحاد وبالتالي مافينا نعرف..... بس هلأ وعالاكيد صار لازم نعطي لكل انسان حرية التعبير

وشغلة تانية انو العلمانية مانها مضاربة عالدين وسبق وحكيت رأيي بالعلمانية من الناحية الاجتماعية انو هيي احترام حق كل انسان بالدين يعني كل انسان بدو يكون متدين فيه يكون متدين ولاقصى الدرجات بس بدون تدخل بالاخرين اللي بدون يكونو غير متدينين

وهلأ بنجي للفكرة الاهم بكلامك انو اذا كانت العلمانية بلشت بالغرب لازم نرفضها بس لهاد السبب!!! فهي فكرة برأيي مرفوضة تماما مالازم اي بلد بالكون يعيش حالة انغلاق وبرأيي انو يشوف شو في افكار برا البلد ويختار الشي اللي بيناسبو مو متل انتي قلتي انو غيرنا يفصل ونحنا نلبس وبنفس الوقت اذا فينا نوصل شي حلو من حضارتنا الون بيكون تواصل حضاري كتير حلو........ وبالتالي ماهوي استيراد متل ماحبيتي تسميه

:D

ابو مرسيل

27/10/2006, 13:32

بيقولوا

انو في بين الله و الانسان مسافة ثابتة

كلما اقترب الانسان لمعرفة الله الله ابتعد عنو

و العكس صحيح بس شو علاقة

يعني كلما الحد الانسان اقترب الله منو

شو علاقة هذا بموضوعنا

هذا تعقيبا على سطرين من كلام امراة من ورق

انو لو بتتذكروا من مطلع القرن العشرين الكتاب و الجمعيات العلنية و السرية شلون كانت اساليبون بنشر كتاباتهون

وهلق شلون صار الكاتب الحر عم ينشر بتشوفوا انو صار في تساهل كتير من الحكومات الي بنسميها دكتاتورية

ليش لانو هذا مو تساهل بالاساس هذا ضغط كبير من الكتاب الاحرار اذا و بالاخير

انو علاقة الكاتب او المعارض بالحكم الموجود ببلدوا هي بتشبه تماما علاقة الله بالانسان

يعني بس انشد نحنا هني بيرجعوا لورا و بس يشدوا هنة نحنا بنحنتر و نتحيون

لا تسبوني ههههه بعرف انو هذا الموضوع ما الوا علاقة بالعلمانية بس حبيت هيك ذكركون في

The morning

28/10/2006, 00:08

وهي مية وردة لعيونك :D :D :D
وانا ماكنت قاصدة ازعل منك بس تدايقت من انو تنفهم فكرتي غلط وتنقلب قلب
هلأ اول شي منشان انو الوطن العربي ارض الديانات وبعمرو ماحدا اشتكى من عدم راحتو الها....... مابعرف مدى صحة هالحكي بالماضي..... مافيي قول صح ومافيي قول غلط لانو ماعندي معلومات عن الماضي بما يخص هالشي خصوصا انو بالماضي لسه اكتر من هلأ كان في خوف من الاعتراف بالالحاد وبالتالي مافينا نعرف..... بس هلأ وعالاكيد صار لازم نعطي لكل انسان حرية التعبير

وشغلة تانية انو العلمانية مانها مضاربة عالدين وسبق وحكيت رأيي بالعلمانية من الناحية الاجتماعية انو هيي احترام حق كل انسان بالدين يعني كل انسان بدو يكون متدين فيه يكون متدين ولاقصى الدرجات بس بدون تدخل بالاخرين اللي بدون يكونو غير متدينين

وهلأ بنجي للفكرة الاهم بكلامك انو اذا كانت العلمانية بلشت بالغرب لازم نرفضها بس لهاد السبب!!! فهي فكرة برأيي مرفوضة تماما مالازم اي بلد بالكون يعيش حالة انغلاق وبرأيي انو يشوف شو في افكار برا البلد ويختار الشي اللي بيناسبو مو متل انتي قلتي انو غيرنا يفصل ونحنا نلبس وبنفس الوقت اذا فينا نوصل شي حلو من حضارتنا الون بيكون تواصل حضاري كتير حلو........ وبالتالي ماهوي استيراد متل ماحبيتي تسميه

:D

هلق لانسان من وقت خلق و هو عم يدور عن شي يعبدو شي النار و شي الشمس و شي البقره وبعدين الاصنام و السما... يعني قبل ما حدا يجي و يقلو انو في مين بينعبد و هو عم يدورع شي يعبدو... ما حدا قلو عباد اي من
الاشياء السابقه الذكر ولا حدا فرض عليه هالشي بس هو اختار ...
أنا ما قلت لازم نرفضها بس مو نتقمصها و ندافع عنها عالعمياني و نحنا لسا لهلق ما اتفقنا شو بتعني بالعربي
أنا بحترم رأيك....... و:p لو شو ما كان بما انو رأيك و انت عم تدافعي عنو مو اذا كان استيراد :p ...

و مشكوره الوردات كتير حلوين .. و هي الك:D

ابومزيد

28/10/2006, 01:33

الغضب القسامي

28/10/2006, 04:23

العلمانيه في الغرب هي مجرد فكره غير مطبقه

الرئيس الامريكي جورج بوش هو متدين ومتشدد دينياً لدرجه انه يوحا له ولايمكن ان يصل رئيس امريكي للحكم الا بدعم الكنيسه البروتستانتيه المتصهينه :deal:

العللمانيون في الغرب بشكل عام يدافعون عن الكنيسه باستماته لامتناهيه والاهانة والاسائه للكنيسه في بعض الدول الاوربيه او بعض الولايات مثل مشيكن تصل الى 7 سنوات سجن :?

اما في هذا الشرق فلعلمانيين عندنا معظمهم استئصاليين وبشكل خاص للفكر الاسلامي

السجون العربيه فيها عشرات الالوف من الاسلاميين :cry: :cry:

العلمانيون العرب ينتهجون سياسه ممنهجه لأستصال التيار الاسلامي ولافرق بين معتدل او متشدد المهم ان لاينافسنا احد على الحكم

مبداء الحوار مع الاسلاميين مرفوض .. وان استعمل فهوا ليس اكثر من خدعه ... على كل حال نحن ارهابيين :cry:

عندما امن الوجود السوري تحالف بين الحكومه البنانيه وحزب الله استطاع الاسلاميين من رجال حزب الله ان يحرروا جنوب لبنان

لكن في باقي الاقطار كانت سياسة الاستئصال هي الاساس والتخوين حتى حماس هنا خائنه :o وتتبع حجج

واهيه رغم ان من تاريخ الاستعماري الذي تصدى للأحتلال وقاتل من اجل الوطن كان يتصدرهم الاسلاميين :gem:

عندما تغيرون انتم من افكاركم تجاه الفكر الاخر وتتوقفوا عن فكر الاستئصال تعالوا ونازلنوا في صندوق الانتخابات

العلمانين :ss: وهم فقط بفهمون الحياة والسياسه والاقتصاد اما نحن الى مزبلة التاريخ:?

امرأة من ورق

28/10/2006, 06:51

هلق لانسان من وقت خلق و هو عم يدور عن شي يعبدو شي النار و شي الشمس و شي البقره وبعدين الاصنام و السما... يعني قبل ما حدا يجي و يقلو انو في مين بينعبد و هو عم يدورع شي يعبدو... ما حدا قلو عباد اي من
الاشياء السابقه الذكر ولا حدا فرض عليه هالشي بس هو اختار ...
أنا ما قلت لازم نرفضها بس مو نتقمصها و ندافع عنها عالعمياني و نحنا لسا لهلق ما اتفقنا شو بتعني بالعربي
أنا بحترم رأيك....... و:p لو شو ما كان بما انو رأيك و انت عم تدافعي عنو مو اذا كان استيراد :p ...

و مشكوره الوردات كتير حلوين .. و هي الك:D

للمرة التانية ادهشتيني :shock:
هلأ انت فعلا مقتنعة انو انا او اي حدا من اللي عم يدافعو عن العلمانية عم ندافع عنها عالعمياني؟؟؟ بكل الاحوال ماني حابة نضل نحكي بهالنقطة لانو اكيد مارح فيي اقنعك اننا مقتنعين فيها تماما ومو بس تقليد للغرب (متل مااغلب الناس بتحب تسمي هيك شي)

بكل الاحوال رح احكي معك بموضوع ليش لسه مااتفقنا شو بتعني بالعربي وليش نحنا هون عم نحاول نتناقش فيها لحتى نصير نعرف...... ياعزيزتي هاد في ناس من المتدينين عندون رعب حقيقي من شي اسمو علمانية لانو العلمانية طبيعي انها رح تخفف من سلطتهم الشخصية بالدولة فلحتى يحاولو يمنعها صار المتدينين يعطو للعلمانية تعاريف مغلوطة متل انو العلمانية بتعني القضاء عالدين ومنعو ومن هيك اشياء وينشروها بين الناس ولذلك في ناس عندها افكار خاطئة عن العلمانية وكمان عندها رعب من العلمانية على اساس انها رح تمنعون من ممارسة الدين (وطبعا هي فكرة خاطئة بالمية مية) ولذلك لسه ماوصلنا لاتفاق انو شو معناتها بالعربي

:D

نيرفانا

28/10/2006, 08:29

الانسان كان يعبد جهلو مو اكتر بعدين كان وقتها سائد المجتمع العبودي كتير من الامور اللي عدتها الشرائع امور غيبية اتوصل الانسان بعقلو ليحلهايعني بعد ما كانت الشمس تغرب في عين حمئة صار انو الارض هي كروية وعم تدور حول الشمسبعد ما كان الانسان ما بيعرف شو بدو يجيه ولد او بنت ويعتبرها امر الهي ما حدا بيعرفوا صار يعرف لا وكمان صار يعرف اذا في عندوا مقدرة على الانجاب او لاء

ليش مين ألّك إنو نحنا عايشين هلأ بمجتمع أحسن من المجتمع العبودي كل الدلائل بتشير إنو نحنا بظل العبودية من انعدام حرية التعبير عن الرأي لعند إنعدام وجود لغة حوار مشتركة بين أبناء مجتمع واحد بس مع اختلاف الأديان والطوائف ......... ولّا شو رأيك إنت.

The morning

28/10/2006, 13:32

للمرة التانية ادهشتيني :shock:
هلأ انت فعلا مقتنعة انو انا او اي حدا من اللي عم يدافعو عن العلمانية عم ندافع عنها عالعمياني؟؟؟ بكل الاحوال ماني حابة نضل نحكي بهالنقطة لانو اكيد مارح فيي اقنعك اننا مقتنعين فيها تماما ومو بس تقليد للغرب (متل مااغلب الناس بتحب تسمي هيك شي)

بكل الاحوال رح احكي معك بموضوع ليش لسه مااتفقنا شو بتعني بالعربي وليش نحنا هون عم نحاول نتناقش فيها لحتى نصير نعرف...... ياعزيزتي هاد في ناس من المتدينين عندون رعب حقيقي من شي اسمو علمانية لانو العلمانية طبيعي انها رح تخفف من سلطتهم الشخصية بالدولة فلحتى يحاولو يمنعها صار المتدينين يعطو للعلمانية تعاريف مغلوطة متل انو العلمانية بتعني القضاء عالدين ومنعو ومن هيك اشياء وينشروها بين الناس ولذلك في ناس عندها افكار خاطئة عن العلمانية وكمان عندها رعب من العلمانية على اساس انها رح تمنعون من ممارسة الدين (وطبعا هي فكرة خاطئة بالمية مية) ولذلك لسه ماوصلنا لاتفاق انو شو معناتها بالعربي

:D

و أنا معك و برأي انو الموضوع كلو هيك يعني بكل الموضوع كل واحد حكا رأيو و قال اللي عندو و بلشنا نزعل من بعض و ما عاد نفهم ع بعض منيح لانو صار في حكي كتير .. فأنا برأي نفضها سيره لانو ما حدا رح يقتنع اكتر مما اقتنع و هلق شوي تانيه بتبلش المشاكل " مع ثقتي انو الاخوان هون كلون محترمين و مو صحابين مشاكل" بس هلق بيبلش يصير في سوء تفاهم و بيبلش الزعل ..
ولا انتو شو رأيكن شباب " الى القاء في حوار اخر " او الجزء التاني " ولا باقيون ..............
:D :D لكل الاعضاء و المنسقين و المشرفين و ...................... المخرج
اذا قررتو تفضوها سيره حطولنا " شاره الختام":p

وائل 76

29/10/2006, 06:49

ليش مين ألّك إنو نحنا عايشين هلأ بمجتمع أحسن من المجتمع العبودي كل الدلائل بتشير إنو نحنا بظل العبودية من انعدام حرية التعبير عن الرأي لعند إنعدام وجود لغة حوار مشتركة بين أبناء مجتمع واحد بس مع اختلاف الأديان والطوائف ......... ولّا شو رأيك إنت.

معلش سوال صغنطوططططططططططططط

العبودية هاي و الكبت مين سببهااااااااااااااااااااا ااااااااااااااااااااااااا اااااا

مشكورةةةةةةةةةةةةةةةةةةةة ةةةةةةةةةةةةةةةةةةةةةةةةة ةةةةةةةةةةةة

نيرفانا

29/10/2006, 11:30

معلش سوال صغنطوططططططططططططط

العبودية هاي و الكبت مين سببهااااااااااااااااااااا ااااااااااااااااااااااااا اااااا

مشكورةةةةةةةةةةةةةةةةةةةة ةةةةةةةةةةةةةةةةةةةةةةةةة ةةةةةةةةةةةة

له لك وائل بعرفك فتح..........مين غير المتشددين و المتطرفين دينياً نظرتهن للمرأة و كأنها عبدة للرجل .... تعدد الزوجات يذكرنا ب الجواري ....إجبار الأبناء على الصلاة من سن السابعة وضربهم عليها في سن أكبر بقليل........
إكراه الفتاة على الحجاب...........................الخ شو بدي اتذكر لإتذكر.

مشكوررررررررررررررررررررر رررررررررررررررر

ابومزيد

29/10/2006, 20:53

ليش مين ألّك إنو نحنا عايشين هلأ بمجتمع أحسن من المجتمع العبودي كل الدلائل بتشير إنو نحنا بظل العبودية من انعدام حرية التعبير عن الرأي لعند إنعدام وجود لغة حوار مشتركة بين أبناء مجتمع واحد بس مع اختلاف الأديان والطوائف ......... ولّا شو رأيك إنت.
هللأ الشي اللي ما فيني انكروا انو نحنا هللأ تطورنا عن المجتمع العبودي صحي في ناس عم يحاولوا يستعبدونا فكريا وعم يحاربونا بجهل اقرب الناس النا
بس الا ما يصحى هالشعب شي يوم

جورج الأول

30/10/2006, 00:03

اتأخرت بالمشاركة بس ملحوقة .الاخت سيريا انجيل بعتقد الشباب ما قصرو بتوضيح انو العلمانية لا تنفي الدين أو تمنعه بل تضعه في مركزه الحقيقي.
بقراءة سريعة للمشاركات توضحت الأمور انو أصحاب الدين أو بالأحرى المتدينين يرتعدون من كلمة علمانية و حتى لو كانت في صالحهم.
يعني العلمانية هي يلي سمحت لكل مسلم خارج الدول الاسلامية انو يعمر جامع و يعيش بحرية و لو كانت الباباوات تحكم أوروبا لكنا لن نجد أثر للمسلمين في أوروبا .
و بالمقابل فان الدول الاسلامية الغير علمانية متل السعودية متلا تمنع أي مظاهر دينية أو بناء أي دار العبادة أكان هندوسيا أو بوذيا أو مسيحيا.و لا بل هناك هيئة النهي عن المنكر و الأمر بالمعروف التي مثلا تجبر أي انسان موجود في الشارع الذهاب الى المسجد للصلاة حين وقت الصلاة.
أصبح من الواضح الفرق بين ما هو صحيح و ما هو خاطئ .في المجتمع العلماني يحق للكل أن يعبدو ما يشاؤون
و أن يعيشو كما يشاؤون ضمن قوانين و تشريعات تجعل الكل متساوي أمام الدولة والمجتمع.
و أما المجتمع الديني فالكل مجبر على تنفيذ ما يقوله مجموعة مغرضة تجعل من نفسها القيمة على البشر باسم الدين و لا يستطيع أحد أن يناقشها فهي المولات من عند أكبر سلطة على الكون وهي الله.و المثال نفسه هو السعودية فالفتاوي التي تصدر باسم دار الافتاء كلها أوامر ملكية و لا أحد يعترضها لأنها مستمدة من شرع الله (على ما يحللون ويحرمون ).
تاريخ البشرية طاول الكثير من الأفكار و ما وصلو اليه حتى الأن نستطيع أن نقدره بشكل عام مهما كان جهلنا كبيرا
أو ثقافتنا ضئيلة .فالمجتمعات الغربية بعمومها ناجحة و متطورة و الانسان و الله فيها محترمين أكثر من بلادنا و هذه البلاد مرت بمراحل مشابه لمرحلتنا هذه و انتقلت كل واحدة منها بطريقة و زمن مختلفين و لكنها توصلت الى ما هو عام و مشترك عند الجميع كحرية العبادة والمساواة بين المواطنين وحقوق المرأة و الطفل. و هذا يدل على تجربة ناجحة "و علم الانسان ما لا يعلم" .
فأستغرب اصرار المتدينين أصحاب المصلحة الحقيقية في العلمانية أن يحاربوها دون أن يختبروها.(الانسان عدو كل ما يجهل).
العلمانية ليست مصطلح محددالثوابت 100% و انما هو متناسب مع ثقافة الشعب.
ملاحظة لبعض الأخوة , المجتمع الياباني هو مجتمع متدين و يطبق العلمانية و هو لا يعترف بالله و لا بالأنبياء ؟؟
فكيف بهم يعيشون في هذا الرغد و الازدهار و هم ليسو على علم بالله؟؟
الجواب :انهم يعلمون بالانسان.
سلام.

فلاش باك

30/10/2006, 00:21

و بالمقابل فان الدول الاسلامية الغير علمانية متل السعودية متلا تمنع أي مظاهر دينية أو بناء أي دار العبادة أكان هندوسيا أو بوذيا أو مسيحيا.و لا بل هناك هيئة النهي عن المنكر و الأمر بالمعروف التي مثلا تجبر أي انسان موجود في الشارع الذهاب الى المسجد للصلاة حين وقت الصلاة.
.
بس عفوا منك عزيزي جورج انو انت اخترت السعودية دون عن بقية الدول التانية يلي انت وانا وكلنا منعرف شو الترتيب فيا بعدين يوم بتقلي مسيحية او اسلام او يهودية بقلك على عيني وراسي هدول ديانات سماوية اما يوم بتقول هندوس او بوذيين يعني كبيرة شوي مو ؟ بعدين انت شفت شي جامع بالفاتيكان لأنو ببساطة يمكن مافي ولا مسلم هنيك وحتى بالسعودية يمكن مافي مسيحية هونيك قصدي ابناء السعودية ومع هيك انا مع انو لازم يصير دور عبادة لأي ديانة سماوية فقط سماوية بأي مكان بالعالم
اما مشان اجبار الناس على الذهاب للمسجد فهادا شئ غلط بس للأسف صاحبين العلاقة ماعم يستوعبو هالشغلة انو يوم بدو الواحد يعمل شغلة غصب العنو مارح تزبط فشلون لوكانت صلاة

على فكرة انا بعتذر اني استخدمت كلمات متل اسلام مسيحية لأنو مو من عاداتي انو احكي هيك

وائل 76

30/10/2006, 01:49

له لك وائل بعرفك فتح..........مين غير المتشددين و المتطرفين دينياً نظرتهن للمرأة و كأنها عبدة للرجل .... تعدد الزوجات يذكرنا ب الجواري ....إجبار الأبناء على الصلاة من سن السابعة وضربهم عليها في سن أكبر بقليل........
إكراه الفتاة على الحجاب...........................الخ شو بدي اتذكر لإتذكر.

مشكوررررررررررررررررررررر رررررررررررررررر

المتطرفين والمتشددين...................... يعني الانسان
تعدد الزوجات بيذكرك بالجواري ؟؟؟؟؟؟؟؟؟؟؟؟؟؟؟..............فاك رة ايام زمان لما كان الرجل بينزل على السوق بيبيع الناقة تبعته وبيشتري بتمنها مجموعة نسوان ؟؟؟؟؟؟؟؟؟؟؟؟؟؟؟؟
طربهم على الصلاة ؟؟؟؟؟؟؟؟؟؟............................ك ل القوانين الوضعية فيها عقوبات واحيانا على اشياء تافهة وقد تكون من الحقوق متل عقوبة المراهق رلما يعاكس بنت شو الخطر من معاكسة البنت ؟؟؟؟؟؟؟؟؟؟؟؟؟؟
اكراه الفتاة على الحجاب ؟؟؟؟؟؟؟؟؟؟؟؟؟ بعتقد انو في مجتمعات كتير فقدت معاني العفة والشرف فصارت البنت تجبر على ممارسةالجنس حتى تامن فوت عائلتها واحيانا لتامين جرعةالمخدرات لولدها او زوجها او اخوها

انا يلي شو بدي اتذكر لاتذكر

مشششششششششششششششششششششكور ة :D
وهاي كمان وردة مني لاني احسن منك

ابومزيد

30/10/2006, 02:00

بس عفوا منك عزيزي جورج انو انت اخترت السعودية دون عن بقية الدول التانية يلي انت وانا وكلنا منعرف شو الترتيب فيا بعدين يوم بتقلي مسيحية او اسلام او يهودية بقلك على عيني وراسي هدول ديانات سماوية اما يوم بتقول هندوس او بوذيين يعني كبيرة شوي مو ؟ بعدين انت شفت شي جامع بالفاتيكان لأنو ببساطة يمكن مافي ولا مسلم هنيك وحتى بالسعودية يمكن مافي مسيحية هونيك قصدي ابناء السعودية ومع هيك انا مع انو لازم يصير دور عبادة لأي ديانة سماوية فقط سماوية بأي مكان بالعالم
اما مشان اجبار الناس على الذهاب للمسجد فهادا شئ غلط بس للأسف صاحبين العلاقة ماعم يستوعبو هالشغلة انو يوم بدو الواحد يعمل شغلة غصب العنو مارح تزبط فشلون لوكانت صلاة

على فكرة انا بعتذر اني استخدمت كلمات متل اسلام مسيحية لأنو مو من عاداتي انو احكي هيك
جامع بالفاتيكااااااااااان:shock: :shock: :shock:
كلها شارعين الفاتيكان وين بدون يحطولك جامع
:D

شغلة تانية شكرا جورج على هالكلام انا معك فية بنسبة98%

ابومزيد

30/10/2006, 02:16

المتطرفين والمتشددين...................... يعني الانسان
تعدد الزوجات بيذكرك بالجواري ؟؟؟؟؟؟؟؟؟؟؟؟؟؟؟..............فاك رة ايام زمان لما كان الرجل بينزل على السوق بيبيع الناقة تبعته وبيشتري بتمنها مجموعة نسوان ؟؟؟؟؟؟؟؟؟؟؟؟؟؟؟؟
هاد الحكي استمر بعد الاسلام من العصر الاموي
طربهم على الصلاة ؟؟؟؟؟؟؟؟؟؟............................ك ل القوانين الوضعية فيها عقوبات واحيانا على اشياء تافهة وقد تكون من الحقوق متل عقوبة المراهق رلما يعاكس بنت شو الخطر من معاكسة البنت ؟؟؟؟؟؟؟؟؟؟؟؟؟؟
ما شاء الله شو تافهة
اكراه الفتاة على الحجاب ؟؟؟؟؟؟؟؟؟؟؟؟؟ بعتقد انو في مجتمعات كتير فقدت معاني العفة والشرف فصارت البنت تجبر على ممارسةالجنس حتى تامن فوت عائلتها واحيانا لتامين جرعةالمخدرات لولدها او زوجها او اخوها
كانك عم تقول انو مجتمعون راضي او ما فيه قوانين بتعاقبون
على الاقل في عندون قانون بيحمي القاصر

انا يلي شو بدي اتذكر لاتذكر

مشششششششششششششششششششششكور ة :D
وهاي كمان وردة مني لاني احسن منك

ما حدا احسن من حدا بعدين من وين عم تجبلنا هالامثلة يا رجل
شي من العصر الحجري وشي من حثالة المجتمعات اللي ممكن يكونو باي مجتمع

وائل 76

30/10/2006, 03:53

ما حدا احسن من حدا بعدين من وين عم تجبلنا هالامثلة يا رجل
شي من العصر الحجري وشي من حثالة المجتمعات اللي ممكن يكونو باي مجتمع

شو ضمانك لانو ما راح نوصل للانحطاط والحثالة يلي عايشينها هلاء معلم ؟؟؟؟؟؟؟؟؟؟؟؟؟؟؟؟؟؟؟؟؟

بعدين انا ما جايبلك امثلة من العصر الحجري حبيب وما بدي ناقش هون كتير بالامثلة اطلع منيح على الانسان لوين وصل من القوانين يلي شرعت للمراة تبيع حالها مقابل المال واكيد انتا بتعرف هالقوانين لك حتى بامريكا قرات انهم باحدى الولايات اممو الدعارة وصارت الولاية هيا يلي عم تشرف على مهنة الدعارة لانها من اهم عناصر الاقتصاد بهاي الولاية

تحياتي ابو مزيد :D

ابومزيد

30/10/2006, 04:07

The morning

30/10/2006, 07:41

The morning

30/10/2006, 08:00

يعني ما بيقدر البني آدم العاقل ياخد من كل بستان وردة
و

:D هي ورده من الالحاد
:D و هي وحده من الاسلام
:D و هي وحده من المسيحيه
:D و هي من باقي الاديان " لاني ما بقدر عد كل الاديان بس اللي معنا اليوم بكفي "
اما هي:mimo: فهي للاختراع اللي سمو شو ما بدكون بس اجمعون و رتبون و عملو منون باقه بحب و تفاهم و ما رح قول ايمان مشان ما حدا بزعل:p
الالحاد :shock: ................. اي و الالحاد كمان:shock:
لانو كل ملحد معنا خلق ع دين معين " و عقوله شخص بحترمو كتير;-) "
الالحاد هو مرحله" سماها اسم تاني بس انا بحب استخدم مرحله اكتر" .... و حتى لو قلتولي لا و بقوه .. فما مشكله ..
اذا اليوم ما تفاهمنا فلازم يجي يوم و نتفاهم ...............
:D مع احترامي للجميع

Syrian__Angel

30/10/2006, 11:20

الاخت سيريا انجيل بعتقد الشباب ما قصرو بتوضيح انو العلمانية لا تنفي الدين أو تمنعه بل تضعه في مركزه الحقيقي.هلا ... :D
مشان الجزء الاول ... فبعتقد اني رجعت وضّحت شو بقصد بمفهوم العلمانية ..
هلأ الشغلة اللي لفتت انتباهي هيي جملة " تضعه في مركزه الحقيقي ".... يعني الدين مركزه الحقيقي عالرف ؟!
ما بظن ... لانه الدين - شئنا ام أبينا - موجود بهالكون وما بيأثر عالانسان بشكل سلبي ... بس بئا نسبة التديّن " او نسبة التمسّك بالدين وتطبيق ما جاء فيه بحذافيره لدرجة قد تصل بالبعض للتشدد " هيي اللي بتختلف من شخص لآخر .. ومن مجتمع لآخر .. وتصرفاتهم هيي السبب بالفكرة المغلوطة هي ...
وشغلة تانية .. الدين ما بيهمّش العقل - شيل المتشددين ع جنب .. هدول حالة خاصة - ، وما بعرف من وين طلعتو بهالجملة اصلا واقنعتو حالكم فيها !!
في كتير عالم متدينة وبنفس الوقت بتطبّق العلمانية بأفكارها الى حد ما ... مو شرط تمسكها حنبلية بالدين او بالعلمانية .. يعني مو اذا كنت متديّن تتطلع عالعلمانيين انو يييه ليك هدول كيف .. الله يعينهم ع هالعقلية ... ويجي العلماني يتطلع عالمتديّن انو يخرب بيتو لهلأ بهالعقل المصدّي وما راضي يشغلو ....
الفكرة اللي بدّي وصلها ، انو برأيي الانسان بينخلق وعندو الشغلتين ( بقصد الدين والعقل ) .. ودرجة ابتعاده عن وحدة منهم واقترابه من التانية هيي اللي بتحدد " ماهيّـة " الشخص .. ولذلك خطأ كبير انّـو توصف كل متدين بالرجعية وكل علماني بالتقدّمية ..

بعرف حالي حكيت كتير :p .. بس لسه بقي شغلة ...
انا بتّفق مع فلاش باك انـو ذكرك مثال السعودية كدليل ع أثر الدين وسببه بتخلّف هالعالم .. غلط ، لسبب بسيط انّو يا اخي غير الله ما بيفهم عليهم كيف عم يطبقو الدين !!
يعني لو كانو عنجد فهمانين بدينهم وحابّــين يطبقوه صح .. كانو عرفو انو مافي شي اجباري وبيصير بالقوة ( لا اكراه في الدين ) .. هلأ كمثال جماعة الامر بالمعروف والنهي عن المنكر اللي بتشحط الواحد شحط وقت الصلاة .. طبعا هدول غلطانين كتير .. ولو كانو فهمانين كانو عرفو انو ضررهم اكتر من نفعهم ... لانو اللي حابب يصلّي ما رح يستنى حدا ليذكرو .. واللي مو حابب ما بحاجة لتجبرو ... وبالاخير كل واحد حر بحالو ...
آخر شغلة بدي قولها ... انو يا جماعة لا تخلّوا الدين شمّاعة بتعلقو عليها كل اخطاء البشرية ... العيب مو بالدين .. العيب باللي عم ما عم يفهمو مزبوط ...

ليندا

30/10/2006, 12:25

يعني ما بيقدر البني آدم العاقل ياخد من كل بستان وردة
وللا خلص اذا اخدنا شغلة من الغرب لازم ناخد كل شي من عندون

عم تتطلع على الدعارة

قال نحنا بالبلاد العربية ما فيها دعارة ولا قوادة بعدين في كتير زواج ما بيفرق عن الدعارة بشي
وبلا ما نطلع عن الموضوع
اولا بحب هلي فيك اخي ......:D

اسمحلي قلك يابو مزيد انا نحن العرب مابنقدر ناخد من كل بستان وردة ......
لان وقت تفوت على هيك بستان كل وردة عم بتقول انا ..........:D وبتغريك بقطفا خاصة هيك بساتين....
واحب ان اقول ان العرب ليس لهم ثقة بانفسهم لذلك نراهم دوما ينظرون الى ماعند الغرب ....مع ان الله كرمهم وانزل لهم نظام سماوي لو حكموا به لصلح امرهم ولكن .......
واذكر للجميع الان مقوله عن مؤرخ بريطاني....يقولما عرف التاريخ فاتحًا أرحم ولا أعدل من العرب..
لماذا؟؟ لانهم يحتكمون الى شريعة كامله لا ينقصها شئ...ولكن العرب اليوم في غفلة من امرهم ..
واليك هذه المقولة من الشيخ الطنطاوي رحمه الله((يقول.......................
كثيراً ما كنت أناقش أناساً من المجددين فأذكر لهم كلمة خالدة لأحد عظماء الشرق فيقلبون شفاههم ويجعدون جباههم ويعرضون عنها ازدراءً لها "فأذكر لهم الكلمة" مثلها وفي معناها العام "الإفرنجي" فيسمعون ويخضعون ويهزون رؤوسهم إكباراً لها وإعجاباً بها ! وأنقل القاعدة الشرعية عن فقيه من فقهائنا فيأبونها، فإن نقلت هذه القاعدة عن فقيه إفرنجي قبلوها، ويحقرون العادة من عاداتنا، فإن علموا أن شعباً من شعوب أوروبا الراقية أو أمريكا قد اعتادها " عظّموها " كان الخير لا يكون خيراً لذاته إلا "بالماركة الإفرنجية"، والشر لا يكون شراً لذاته بل بالطابع الشرقي عليه).

خلاصة الكلام انه نحن كعرب سنكون احسن حالا من الغرب طالما اننا لم نحكم بمثل مايحكمون
وطالما انكم تكلمتم عن الدعارة .........فان وجدت في العالم العربي فهي لم تصل الى المستوى الصريح كما هي عند الغرب ................

احترامي للجميع

كهربجي

30/10/2006, 15:01

انا مع انو لازم يصير دور عبادة لأي ديانة سماوية فقط سماوية بأي مكان بالعالم

و ليش بقى بس سماويّة حبيب؟؟

xena

30/10/2006, 16:45

هلا ... :D
مشان الجزء الاول ... فبعتقد اني رجعت وضّحت شو بقصد بمفهوم العلمانية ..
هلأ الشغلة اللي لفتت انتباهي هيي جملة " تضعه في مركزه الحقيقي ".... يعني الدين مركزه الحقيقي عالرف ؟!
ما بظن ... لانه الدين - شئنا ام أبينا - موجود بهالكون وما بيأثر عالانسان بشكل سلبي ... بس بئا نسبة التديّن " او نسبة التمسّك بالدين وتطبيق ما جاء فيه بحذافيره لدرجة قد تصل بالبعض للتشدد " هيي اللي بتختلف من شخص لآخر .. ومن مجتمع لآخر .. وتصرفاتهم هيي السبب بالفكرة المغلوطة هي ...
وشغلة تانية .. الدين ما بيهمّش العقل - شيل المتشددين ع جنب .. هدول حالة خاصة - ، وما بعرف من وين طلعتو بهالجملة اصلا واقنعتو حالكم فيها !!
في كتير عالم متدينة وبنفس الوقت بتطبّق العلمانية بأفكارها الى حد ما ... مو شرط تمسكها حنبلية بالدين او بالعلمانية .. يعني مو اذا كنت متديّن تتطلع عالعلمانيين انو يييه ليك هدول كيف .. الله يعينهم ع هالعقلية ... ويجي العلماني يتطلع عالمتديّن انو يخرب بيتو لهلأ بهالعقل المصدّي وما راضي يشغلو ....
الفكرة اللي بدّي وصلها ، انو برأيي الانسان بينخلق وعندو الشغلتين ( بقصد الدين والعقل ) .. ودرجة ابتعاده عن وحدة منهم واقترابه من التانية هيي اللي بتحدد " ماهيّـة " الشخص .. ولذلك خطأ كبير انّـو توصف كل متدين بالرجعية وكل علماني بالتقدّمية ..

بعرف حالي حكيت كتير :p .. بس لسه بقي شغلة ...
انا بتّفق مع فلاش باك انـو ذكرك مثال السعودية كدليل ع أثر الدين وسببه بتخلّف هالعالم .. غلط ، لسبب بسيط انّو يا اخي غير الله ما بيفهم عليهم كيف عم يطبقو الدين !!
يعني لو كانو عنجد فهمانين بدينهم وحابّــين يطبقوه صح .. كانو عرفو انو مافي شي اجباري وبيصير بالقوة ( لا اكراه في الدين ) .. هلأ كمثال جماعة الامر بالمعروف والنهي عن المنكر اللي بتشحط الواحد شحط وقت الصلاة .. طبعا هدول غلطانين كتير .. ولو كانو فهمانين كانو عرفو انو ضررهم اكتر من نفعهم ... لانو اللي حابب يصلّي ما رح يستنى حدا ليذكرو .. واللي مو حابب ما بحاجة لتجبرو ... وبالاخير كل واحد حر بحالو ...
آخر شغلة بدي قولها ... انو يا جماعة لا تخلّوا الدين شمّاعة بتعلقو عليها كل اخطاء البشرية ... العيب مو بالدين .. العيب باللي عم ما عم يفهمو مزبوط ...
بصراحة ردك عجبني كتير و أنا بأيدو
بس بهالفترة يللي نحنا عايشينا هلأ ما رح ينفع غير النظام العلماني , يعني خدي مثلا العراق , فيا كردي و سني و مسيحي و شيعي و كل القوميات و الطوائف... هدول ما ممكن يتعايشوا غير بالنظام العلماني !
بعدين نحنا هلأ بفترة عم نفتقر فيا للأنظمة الدينية المعتدلة , بما أنو قلت دينية فرح قول الإسلامية لأنو المسلمين بيشكلوا الغالبية العظمى بأغلب الدول العربية , فلو صار في نظام اسلامي حاكم متل الأخوان المسلمين كان صار في مذابح ( مع أحترامي لهالحزب و أفكارو) يعني معظم الأنظمة الاسلامية اللي صايرة هلأ هيي أنظمة تكفيرية متعصبة بتفتقر للإعتدال
فمشان هيك للفترة الحالية بعتقد أنو النظام العلماني هوي الأنسب , و الأنظمة العلمانية بالأخير ما بتحارب الأديان...
بس بالأخير أنا شخصيا بتمنى أنو يحكمنا نظام إسلامي معتدل بس بهالفترة هي بظن أنو هالشي يعتبر من المثاليات يللي مستحيل تتحقق و تنجح بالوضع الراهن...
بحييكي :grin:

جورج الأول

31/10/2006, 21:32

هلأ الشغلة اللي لفتت انتباهي هيي جملة " تضعه في مركزه الحقيقي ".... يعني الدين مركزه الحقيقي عالرف ؟!

ما بعرف كتير عربي بس يلي بعرفو انو مركزه الحقيقي لا تعني الرف يمكن بمعجمك هيك بتعني.وانت أعلم .أما بالنسبة للمعنى العام و المعروف فمركز الدين هو مكان ممارسة هذا الدين (جامع - كنيسة- معبد..قلب..عقل..روح..).
بس الدين يدخل بالأكل و الشرب و اللبس و التصرفات ؟؟ يعني مثلا قرأت من عدة أيام خبر بموقع maktob.com أنه فتوى تمنع دخول النساء على الأنترنت الا مع محرم. و فتوى أخرى نوقشت في موقع الأخوية و عملت مشاكل
بتمنع الزوج والزوجة من خلع الملابس كاملة عند المعاشرة؟؟.اذا هدا هو محلو للدين فأنت محقة والك:D
الفكرة اللي بدّي وصلها ، انو برأيي الانسان بينخلق وعندو الشغلتين ( بقصد الدين والعقل ) .. ودرجة ابتعاده عن وحدة منهم واقترابه من التانية هيي اللي بتحدد " ماهيّـة " الشخص
من وين جايبه هالحكي ؟؟؟يعني يلي بقرب كتير عالعقل بكون بلا دين و يلي بقرب عالدين بكون بلا عقل .عجبتني و ملعوبة.:clap:
شيل المتشددين ع جنب .. هدول حالة خاصة
شلون بدنا نشيلهم ع جنب .مو هنن االظاهرين مو هنن يلي عم يساوو ارهاب و بقية العالم عم تتأثر بأفعالهم و بأرائهم.يعني ابن لادن لمل فجر بنائي الtwins بأميركا .بفلسطين صارو يوزعو شوكولا من الفرحة.
لولا التشدد الديني يلي صاير شي طبيعي أو محبذ بمجتمعاتنا لما تكلمنا عن العلمانية أو فكرنا بها.فالغرب عانا كثيرا من التشدد الديني و سيطرة الدين على الدولة ولمئات السنين , و كنتيجة لهذا الوضع ظهرت العلمانية لتحرر
الشعب من سيطرة الدين و رجال الدين و ليس من عبادة الله كما أسهب الأخوة في الشرح .
لاولى انو المتدينين هنن بس مسلمين او انت بتقصد انو لما بينحكا عن دين لازم يعني ما يكون غير الاسلام طيب و المسيحيه وين راحت
الفكر المسيحي هو الذي أتى بالعلمانية و الفكر الاسلامي (و ليس في كل الدول الاسلامية) هو الذي يحاربها.
وهذا لا يعني أنه ليس من متشددين مسيحيين و ولكنهم قلائل و ليس لديهم دور و أعمال على الساحة الدولية .
و أما عن التحرر الجنسي و ليس الدعارة كما ذكروا الأخوة لأن هناك فرق كبير . فالتحرر الجنسي هو سمة لمجتمع
معين و هذه السمة تختلف من مجتمع علماني الى مجتمع علماني أخر كما تختلف طريقة اللباس في المجتمات
المحافظة من بلد الى أخر.
و من المسيئ الأخذ بالتحرر الجنسي ذريعة لمحاربة العلمانية و ترك كل الفوائد الأخرى .
فيشغلة ما حدا حكى فيها و هي القومية. شو هو ترتيبها بالمجتمع العلماني.
مع احترامي لكل الأخوة و الأخوات.
سلام.

ابومزيد

01/11/2006, 01:26

krimbow

01/11/2006, 01:34

علماني

01/11/2006, 02:51

مرحبا لجميع المشاركين في هذا الموضوع أكان رأيهم يوافقني ام لا
أعزائي لكي ندخل في نقاش جدّي وبّناء علينا أن نوافق على بعض الأمور الضرورية وبتجرد وهذه الأمور هي
1 ان التاريخ كتب وسجل دائمآ لمصلحة الطرف الذي كتبه أو سجله ......
2 أي انسان منا جميعآ لم يختر دينه أكان يهوديآ أم مسيحيآ أم مسلمآ اذ ورثه عن أهله..........
3 كل ديانة من الديانات الموجدة في العالم أجمع وجدت لمرحلة تاريخية معينة.............
4 جميع المشاركين لديهم عقول ليفكروا بها يستطيعون التمييز بين الصواب وبين الخطأ ويعرفون البديهيات........
5 جميع الأشخاص ( الأنبياء) لايعرفون القراءة أو الكتابة.............
6 الكتب الدينية جميعها كتبت بواسطة بشر فهذا يعني أنها قابلة للخطأ ومردودة على كاتبها...........
7 جميع الأشخاص (الأنبياء) أذكياء جدآ ودرجة الذكاء عندهم مرتفعة جدآ عن بقية أفراد مجتمعهم في ذلك العصر ........
8 علينا الايمان بوجود قدرة غير طبيعية حتى هذه اللحظة مسؤلة عن خلق هذا الكون كل شعب في العالم يطلق
عليها اسمآ معينآ كل حسب لغته وكل شعب أو ديانة تعبد هذه القدرة كل حسب طريقته..........
أعزائي عندما نوافق على هذه النقاط نستطيع أن ندخل في نقاش بنّاء جدآ بعيدآ عن التعصب والحساسية

ودمتم

جورج الأول

01/11/2006, 15:20

يعني حكيت درر بس ليش نزعتها بالاخير
هللأ الفكر المسيحي طالع العلمانية
لك العلمانية طلعت باوروبا بعد العصر الاسود الي اللي عاشتو على ايام الكنيسة البابوية
انو ارهاب انو مجازر انو ابادات انو حروب صارت باسم الكنيسة هللأ صارت الكنيسة بريئة بعد ما كسرتها العلمانية وقلعت شوكتها

هلا بالأخ أبو مزيد
يمكن ما دققت بالحكي مظبوط بس العلمانية نتاج أفكار أشخاص مسيحيين عايشين باوروبا مو نتاج أفكار
الحكم البابوي أو الكنسي.لأنو اذا ما كانو مسيحيين فيعني هنن ملحدين حسب تعبيرك المبطن .
و لو كانو فعلا ملحدين لكانت أوروبا و أمريكا ملحدتين بعد تطبيق الفكر العلماني المزعوم الحاديا لمدة 400 سنة.
العلماني برأي انسان له دين مؤمن به و يؤمن بحرية أخوه الانسان مهما كان اعتقاده و توجهه.
الملحدين ليس بالضرورة علمانيين.هي الفكرة يلي بخاف منها الفكر الاسلامي و الحق معهم؟؟
يعني اذا كنت علماني يجب ألا يكون لك دين ؟؟و هذا خطأ.و الا فالعلمانية دين و يمنع أصحابه أن يكون لهم انتماءات متعددة .؟؟ وهذا عكس الفكر العلماني.
سلام.

krimbow

01/11/2006, 18:07

علماني:

انا كشخص علماني ارفض الشرطين التاليين:
كل ديانة من الديانات الموجدة في العالم أجمع وجدت لمرحلة تاريخية معينة.............

علينا الايمان بوجود قدرة غير طبيعية حتى هذه اللحظة مسؤلة عن خلق هذا الكون كل شعب في العالم يطلق
عليها اسمآ معينآ كل حسب لغته وكل شعب أو ديانة تعبد هذه القدرة كل حسب طريقته..........
فالعلمانية تفرض عدم التدخل بالايمان مهما كانت درجته

انجلينا

01/11/2006, 22:44

انا بحترم كل اللي علقوا على الموضوع بس العلمانية مش هيك معناها مش معناها انو الانسان ينفصل عن ربو بالعكس يصوم ويصلي ويقرأ قرآن ويقدم زكاة امواله وفطرة العيد يعني بالمختصر العبادات مقتصرة على الفرد وعلاقتو مع ربو اما جانب الدولة بيعتمد على القوانين الوضعية يعني اللي وضعوها البشر متل القانون المدني والدستور اللي اصلاً مستمد من الشريعة
يعني بالنتيجة العلمانية مش شي عاطل بالعكس فصل الدين عن المؤامرات والمزايدات اللي بتصر على ايدين السياسيين والاجزاب السياسية اللي بتنشأ باسم الدين بتجيّر الدين لصالح اهدافها الشخصية يعني في اساءة للدين بحد ذاته وبالتالي من الافضل انو يكون الدين بعيد عن هيك مزايدات والعالم العربي مليء بالامثلة اللي اساءت للاسلام والمسلمين

اعذروني ما في حزب سياسي قائم على اساس الدين الاّ وكان دمار على الدين لانو بدو يرفض الآخر ويعتبرو كافر او خارج عن الافكار اللي بيعبرها هي الصحيحة واللي لازم تكون ( بعبارة اخرى بدو يحاول ينشر افكاره على الناس احيانا بالقوة متل جماعة اخوان مسلمين في كل مكان في العالم العربي )
وبعدين العلمانية في البلد بتمنع الانسان يتعامل مع غيره على اساس الدين متل ما هو حاصل بالعالم العربي كل الموجودين بالدولة مواطنين فيها وبيتمتعوا بنفس الحقوق والواجبات

Syrian__Angel

01/11/2006, 23:33

ما بعرف كتير عربي بس يلي بعرفو انو مركزه الحقيقي لا تعني الرف يمكن بمعجمك هيك بتعني.وانت أعلم .أما بالنسبة للمعنى العام و المعروف فمركز الدين هو مكان ممارسة هذا الدين (جامع - كنيسة- معبد..قلب..عقل..روح..).

هئ ...
بمعجمي لا تعني الرف .. ووقت اللي قلت هالكلمة كانت بناءً على جملتك اللي ما عرفت توضّــحها صح اول مرة .. وهلأ - عُــرف السبب - .. بئا بسيطة ما صار شي .. :D
هي مشان اولاً
تانياً ..
بس الدين يدخل بالأكل و الشرب و اللبس و التصرفات ؟؟
انت شو برأيك !؟ بيدخل ولا ما بيدخل ؟!
اخي شيل الاكل والشرب ... ويا سيدي كمان اللبس ... بس شو مشان التصرفات !؟؟ يعني الدين مالو اي اثر ع تصرفات الانسان ؟؟
هلأ يمكن تقللي في ناس اخلاقها وتصرفاتها اسوأ ما يكون وهي هيي " متدينة " .. يعني مرحبا دين!! ..
معك حق .. بس بقلك انو هالشي بيصير مع مين / وين ما كان .. وفيك تتطلع ع اوروبا واميركا كـمثال .. على فرض انو هنيك الكل - دون استثناء - علمانيين ... ليش في عالم منيحة وعالم لاء ؟؟ عالم متفتحة و وعيانة وعالم لاء ؟ ليش في خروقات للقانون بتصير من جانب بعض الاشخاص بهي الدول ؟؟ مو الكل عندو عقل ؟؟ ما عم يفكرو صح؟؟ مو اعتمادهم الاول والاخير ع الاخلاق والضمير والعقل ؟؟ هل الغلط صار بالعلمانية ؟؟؟ اكيد لاء ... طيب بالدين ؟ كمان لاء ... فإذن ... وين مكمن الغلط ؟!

يعني مثلا قرأت من عدة أيام خبر بموقع maktob.com أنه فتوى تمنع دخول النساء على الأنترنت الا مع محرم. و فتوى أخرى نوقشت في موقع الأخوية و عملت مشاكل
بتمنع الزوج والزوجة من خلع الملابس كاملة عند المعاشرة؟؟.اذا هدا هو محلو للدين فأنت محقة والك

ظريف هالخبر هه :lol:
هيك فتاوي ما بتطلع الاّ من السعودية ..وبشك اذا حدا بيسمعها .. طبعاً الاّ اللي عجبتو الشغلة بقوم ما بيصدق اللي لقاها ..;-)
وللمرة التانية برجع بقلّك.. لا تاخد السعودية كمـــثال .. وسبق وشرحت ليش ..

من وين جايبه هالحكي ؟؟؟يعني يلي بقرب كتير عالعقل بكون بلا دين و يلي بقرب عالدين بكون بلا عقل .عجبتني و ملعوبة.

من عقلي :angel:
بس الهيئة كمان ما وصل المعنى المقصود الك ... :pos: ..
انا قلت انّــو بتحدد " ماهيّة الشخص " .. يعني هالشخص ( كيف هو ؟؟ بمعنى هل هو - كمنهج بالتفكير - بيعتمد اكتر على عقلو ولا على المسلّمات متل ما اجت بالدين ولا بياخد من هون شوي ومن هون شوي ؟؟ ) ..
هاد المقصود من الحكي ... ومو متل ما تفضّلت وقلت ...

شلون بدنا نشيلهم ع جنب .مو هنن االظاهرين مو هنن يلي عم يساوو ارهاب و بقية العالم عم تتأثر بأفعالهم و بأرائهم

اي معلوم هنن الظاهرين... ليش الاعلام صار يشوف شي بالدنيا غيرهم ؟! صار عندو مهمة غير نكش مواضيعون ؟
ما بدّي افتح مووضوع جديد واطلع عن الاساسي .. بس شغلة صغيرة بدي قولها ..
وقت اللي بيصير شي عمل " تطرّفي " .. وكل العيون تصير على هالشخص او الجماعة .. ليش وقت اللي بيجوا بالاخير بدهم يتّــهموه .. بيقومو بيعممو التهمة على كل شخص من ملتو ( ديانتو ) ؟!؟
سبق وصار تفجيرات بالtwins ..باول التسعينات - على ما اذكر - .. وكان مرتكبها اميركي.. ليش ما وجّهولو التهمة بالارهاب هو وكل اميركا بصفتها " بلد مصدّر للارهاب " بما انو ظهر شخص من عندها توجّهاتو الفكرية هيك ؟!؟

ملاحظة : قلت تطرّفي .. لحتى اكّــد انّو سلوك شخص ومواقفه تجاه جهة معيّنة .. غلط تتعمم على بقية جماعتو من ملتو ...

صحي ... حقكم علينا طلعنا عن الموضوع :D .. بس كان طلوع اضطراري اقتضاه الموقف :p

سلام ...

Willi

02/11/2006, 04:36

انت شو برأيك !؟ بيدخل ولا ما بيدخل ؟!
اخي شيل الاكل والشرب ... ويا سيدي كمان اللبس ... بس شو مشان التصرفات !؟؟ يعني الدين مالو اي اثر ع تصرفات الانسان ؟؟
هلأ يمكن تقللي في ناس اخلاقها وتصرفاتها اسوأ ما يكون وهي هيي " متدينة " .. يعني مرحبا دين!! ..
معك حق .. بس بقلك انو هالشي بيصير مع مين / وين ما كان .. وفيك تتطلع ع اوروبا واميركا كـمثال .. على فرض انو هنيك الكل - دون استثناء - علمانيين ... ليش في عالم منيحة وعالم لاء ؟؟ عالم متفتحة و وعيانة وعالم لاء ؟ ليش في خروقات للقانون بتصير من جانب بعض الاشخاص بهي الدول ؟؟ مو الكل عندو عقل ؟؟ ما عم يفكرو صح؟؟ مو اعتمادهم الاول والاخير ع الاخلاق والضمير والعقل ؟؟ هل الغلط صار بالعلمانية ؟؟؟ اكيد لاء ... طيب بالدين ؟ كمان لاء ... فإذن ... وين مكمن الغلط ؟!

ديما هاد دليل واضح انو دين الشخص, ما الو علاقة بأخلاقو.

ابومزيد

02/11/2006, 05:29

هلا بالأخ أبو مزيد
يمكن ما دققت بالحكي مظبوط بس العلمانية نتاج أفكار أشخاص مسيحيين عايشين باوروبا مو نتاج أفكار
الحكم البابوي أو الكنسي.لأنو اذا ما كانو مسيحيين فيعني هنن ملحدين حسب تعبيرك المبطن .
و لو كانو فعلا ملحدين لكانت أوروبا و أمريكا ملحدتين بعد تطبيق الفكر العلماني المزعوم الحاديا لمدة 400 سنة.
العلماني برأي انسان له دين مؤمن به و يؤمن بحرية أخوه الانسان مهما كان اعتقاده و توجهه.
الملحدين ليس بالضرورة علمانيين.هي الفكرة يلي بخاف منها الفكر الاسلامي و الحق معهم؟؟
يعني اذا كنت علماني يجب ألا يكون لك دين ؟؟و هذا خطأ.و الا فالعلمانية دين و يمنع أصحابه أن يكون لهم انتماءات متعددة .؟؟ وهذا عكس الفكر العلماني.
سلام.
لا دققت ومظبوط
لو كانو مسيحيين ما قامو ضد الكنيسة
الملحدين ليس بالضرورة علمانيين؟
طيب شو رأيك انو العلمانيين اكيد مو متدينين بالمفهوم الكنسي او المفهوم الاسلامي الشائع
بعدين ليش بتظللو تجيبوا طاري الالحاد ممكن كتير انو الواحد بيؤمن بالله وهو مو ولا على دين
طيب انا مو ملحد بس كمان ولا دين فات بمخي
هللأ شيلنا من الدين
انا رح قللك شغلةعن اختلاف الاديان
انو كل دين لاغي الدين الاخر بالنسبة للاعتقاد
يعني المسيحي ما بيؤمن بالمسلم والمسلم بيؤمن بالمسيحية بس بيعتبرها محرفة
كيف هدول بدهون يعيشو تحت سقف واحد؟
العلمانية هي الحل
بس انو تقللي انو الدين المسيحي نتج عنو العلمانية والدين الاسلامي ما رح ينتج عنو غير الارهاب هيك رح ازعل منك لانو اللي عم يقوموا بالارهاب هنن قلة قليلة ورح يجي يوم يصحى فيه المسلمين ويستأصلو الارهاب منهون
الاسلام فيه كتير شغلات حلوة وفي كتير افكار حلوة انا بس معترض على لهجة الدعاة والمشايخ وتدخلاتون بالمجتمع والدولة
بعدين الدين المسيحي اقدم ب 650 سنة يعني بعد معون المسلمين 250 سنة:lol:

Willi

02/11/2006, 05:33

لو كانو مسيحيين ما قامو ضد الكنيسة
عندي اعتراض على هالجملة معلم.

ليشى لو كانو مسيحيين ما قامو ضد الكنيسة؟؟
اخطاء الكنيسة كانت فادحة بهداك الوقت. وكان من الافضل للمسيحية, انو يقومو ضدها.

متل اخطاء الاسلام بهالوقت الحالي. ان قامو ضد اللي عم يصير مو معناتها انهون عم يقومو ضد الاسلام, لاكن بكونو عم يقومو ضد الاخطاء اللي عم تصير باسمو