لاء المطلوب هو العكس تماما.
المطلوب انو الشعب يبلش يعتمد على حالو. وما يضل ناطر الله ليعملو كلشي.




هلق ما بدنا نفتح موضوع جديد واتضيع الطاسة بهالموضوع, بانو نفتح فيه 500 نقاش شكل.
بس ببساطة اميركا وجودها بالعراق تلبية لمصالحها. صحيح 100%
لكن اني قلك انو هالشي ما رح يفيد العراق. لاء انا بختلف معك هالشي.
بالقليلة بالقليلة العلمانية, رح تلغي التفكير الطائفي اللي معشش بجذورون.
شوفة عينك تاركين اميركا, وعم يقتلو بعض.


جاد انا متفق معك بكل يلي عم تحكيه وعم ننطلق انا وانتا من ارضية وحدة انو نفسنا هالناس تصير تفهم وتقبل الاختلاف بينا لانو الله خلقنا مختلفين لك الاخوة بالبيت الواحد بيكون انتمائهم الفكري والايديولوجي مختلف ومع ذلك بيقدروا يتعايشوا مع بعض
كل يلي عم تحكيه صح بس في شغلة صغيرة هيا انو اكيد التخلف و الثقافة يلي عم نعيشها بالوطن العربي ورا الطائفية وورا حوادث القتل يلي بالعراق و يلي عندنا كمان لكن ما تنفي دور الامريكان واليهود هون بانهم بيعززوا هالظاهرة ليخدموا مصالحهم يعني متل ما تقول فخار يكسر بعضه بدل ما ينشغلوا بحرب الامريكان عم يشتغلوا بحرب حالهم ومرجع ذلك انو الامريكان هما يلي عم يشعلوا الفتنة بينهم
نرجع لموضوعنا في فكرة صغيرة ما حكيتها وما عارف كيف عبر عتها بس بتمنى تفهم كلامي جاد
انو مبدئ الثواب والعقاب ضروري في اي سلوك وتعامل انساني بعتقد تحيد الدين عن اي دور سياسي سواء داخلي او خارجي راح ياثر بشكل سلبي على هالمبدئ
وشغلة تانية انو كيف انا بدي اقبل فكرة الدين واقتنع بالرسل والله وانا شايف الدين عجز على تلبية مصالحنا واختلافاتنا
يعني من الاخر العلمانية هي تكريس للفكر الاديني الذي يرفض وجود الدين اصلاً
:D

له له؟؟ يعني الملحد ما عندو أخلاق؟؟ هي حلوة... حلوة هي..

له له؟؟ يعني الملحد ما عندو أخلاق؟؟ هي حلوة... حلوة هي..


مين يلي حكى هالحكي كهربجي
الملحدين احسن ناس
هلاء كهربجي عم نحكي انو الاخلاق والضمير والعقل موجود عند المتدين والملحد متل ما قال كريم على ما اعتقد وما حدا رد عليه بفكرته لانها منطقية
لكن يلي بنقصده هون انو بجانب كل هاي الاشياء بيجي دور الدين كموجه حين يحيد الانسان عن السبيل
و يعاقب حيم يخطئ الانسان
واهم نقطة انه يجمع الكثير من اختلافاتنا ليصهرها في صيغة واحدة بعيدة عن الطائفية والتحزب

هذا يلي قصدناه معلم كهربجي
بعدين انتا نزلت هالموضوع وين رحت تاركنا ؟؟؟؟؟؟؟؟؟؟؟؟؟؟؟؟؟؟؟؟؟؟؟:D

يلي عم تحكي عنه هو مفهوم احترام عقائد الاخر وهو مفهوم نصت عليه معظم الشرائع بعتقد انو التعريف يلي اوردتيه لا يعدو كونه تجميلاً لفكرة العلمانية لانو التعريف الحقيقي هو فصل الدين عن الدولة
هلاء احترام عقائد الاخر انا متفق معك فيها مليون المية لكن انو نطلق احكام على الدين اي كان بانو قاصر وعاجز ان يلبي تطلعاتنا بعتقد انو تجني على الدين لانو الدين قانون من عند الله فما بعتقد انو يوصل الانسان لدرجة اسمى من الله عز وجل في ترتيب حياته
بضيف شغلة هون مهمة ومصر عليها يا جماعة ما في دولة وحدة بتطبق الدين بسياستها كل الدول العربية بلا استثناء تطبق العلمانية بمفهومها المطلق كلهم وظفوا بعض من احكام الدين لخدمة اهوائهم ومصالحهم وصوروا النا الدين على انه البعبع يلي راح يخنقنا ويكبت حريتنا
هاي وجهة نظري مع احترامي الشديد لوجهة نظرك :D




بعتقد التعريف الصحيح هو فصل الدين عن الدولة اما ما ذكرته اممراة من ورق ما هو الا تجميل للفكرة ليس الا والسبب اننا اطلقنا احكامنا على عجز الدين لقبول اختلافاتنا لان التطبيق كان سيئاً ففقدنا الثقة بالدين على اعتبار انه قانون يحكم حياتنا من كل جوانبها واعتقدنا ان العلمانية هي الخلاص
فان كان التطبيق سيئاً فلا يجوز لنا ان نطلق احكام العجز على الفكرة اي على الدين
اقبلي مني كل الاحترام :D


هلأ الحكي اللي انا حكيتو مو بس احترام عقائد الآخر هوي كمان قبول الآخر كطرف مساوي النا تماما...... يعني مابيكفي تحترمو وبعدين تقلو مثلا انو آسفين منك نحنا بنحترمك وانت انسان ممتاز وقادر تعمل وتشتغل كتير بس للأسف مابتنفع تصير مثلا رئيس دولة لانك مابتتوافق مع الدين السائد بالمنطقة

وبعدين اللي حكيتو مانو ابدا تجميل لفكرة العلمانية وانما هوي متل ماوضحت بردي الناحية الاجتماعية للعلمانية وبرأيي هاد هوي خلاصة العلمانية واذا قدرنا نوصل الو من الناحية الاجتماعية بيصير فصل الدين عن الدولة تحصيل حاصل

وانت صرت مردد اكتر من مرة انو المشكلة مو بالدين بس المشكلة بتطبيق الدين ولنفرض انو الدين مابيشكي من شي ابدا بس طالما عقولنا مانها قادرة تستوعبو بشكل كافي لتطبيقو عالواقع فنحنا عم نصغير الدين وبرأيي انو بتطبيق العلمانية ولما بنعطي للدين حدودو انو من الناحية الروحية والاخلاقية للشخص والمجتمع وبنحافظ على وظيفتو بهي النواحي بنكون عم نصون الدين........ واما بامور الدولة فاثبت فشل كبير بيجوز لانو عم يتم استغلالو بابشع صورة بقى هالشي حتى عم ينفر الناس من الدين

وعذرا منك بس مو كتير فهمت انت شو تصورك عن تطبيق العلمانية لحتى عم تقول انو كل الدول العربية عم تطبق العلمانية بمفهومها المطلق؟؟؟ انا برأيي انو عم يطبقو الحكم الديني بمايناسب اهوائهم واحيانا بيطبقو اشياء تحت اسم العلمانية كمان بما يناسب اهوائهم:lol: بس هني مااقتربو حتى اقتراب من العلمانية

بكل الاحوال مشكور على الرقي بالردود :D

بعتقد تحيد الدين عن اي دور سياسي سواء داخلي او خارجي راح ياثر بشكل سلبي على هالمبدئ


اتسمح لي وائل أن اقتبس هذه الجملة من كلامك ..

أعيش في دولة علمانية بحتة ..

حتى انها بدءت في الفترة الماضية بتطبيق العلمانية على المستوى العام ..

ان كان في دوائر حكومية او مدارس ,,

لن أتكلم بالمطلق ..

لكني سأتكلم من تجربة العيش في بلد غير علمانية

والانتقال الى بلد علماني ..

عزيزي ,, ما رأيته في سوريا .. هو مجتمع . يأن , مجروح فكريا واجتماعيا .. ومعاق سياسيا ..

ومع ذلك ترى الجميع يتغنى بالدين .. ( اي دين بدون تحديد ) ويتبجح بالمحبة التي يفرضها الله علينا .. والاخوة ,, وما ان يتلفت احدنا الا تنهال عليه طعنات الغدر ..

اما هنا .. ( تعليقا على جملة قرأتها في الاعلى ,, ان العلمانية هي عدم التواصل مع الله )

يعني من مبدء يا منطخو يا أما منكسر مخو ..

الجميع هنا يعبد الله على طريقته ..

فالمسلمون يتمتعون بكــــــل حقوقهم ..
والمسيحيون ايضا ,,
واليهود .. والبوذيين ..

فلا أحد يسطو عليهم بيوتهم .. ليرى ان كانو يصلون او لا .. (( كما كان الحال عندنا ))

ولا يراقبك جارك ان كنت تذهب الى المسجد او لا ..

وها هي البلد .. منظمة . ناجحة اقتصادية .. واجتماعية ,, وسياسا ,, تخيل ,

فان طبقنا الدين كسياسة ..

فلنرى الوضع على ارض الواقع ..

السارق تقطع يده مثلا ..

فلن يقبل المسيحي بذلك لانه سيعتبره عملا بربريا ..

وعد على ذلك ما شئت من الامثال ..

فرأيي هو ,, اعبد الله كيفما شئت ..

لكن علينا الانصياع لقوانين يحكمها العقل .. بالاجماع ..

مع احترامي لكل حرف كتبته :D

ودمتم ..

جاد انا متفق معك بكل يلي عم تحكيه وعم ننطلق انا وانتا من ارضية وحدة انو نفسنا هالناس تصير تفهم وتقبل الاختلاف بينا لانو الله خلقنا مختلفين لك الاخوة بالبيت الواحد بيكون انتمائهم الفكري والايديولوجي مختلف ومع ذلك بيقدروا يتعايشوا مع بعض
كل يلي عم تحكيه صح بس في شغلة صغيرة هيا انو اكيد التخلف و الثقافة يلي عم نعيشها بالوطن العربي ورا الطائفية وورا حوادث القتل يلي بالعراق و يلي عندنا كمان لكن ما تنفي دور الامريكان واليهود هون بانهم بيعززوا هالظاهرة ليخدموا مصالحهم يعني متل ما تقول فخار يكسر بعضه بدل ما ينشغلوا بحرب الامريكان عم يشتغلوا بحرب حالهم ومرجع ذلك انو الامريكان هما يلي عم يشعلوا الفتنة بينهم

لو بدنا نطلع عن الموضوع او بالاصح طلعنا عن الموضوع وخلصنا...... بس فيك تقلي شو هي الظاهرة اللي عم تحكي عنها واللي عم يعززها الامريكان واليهود؟؟؟
عن جد اسفة للخروج عن الموضوع بس مافيي ومارديت على هي النقطة

هلأ الحكي اللي انا حكيتو مو بس احترام عقائد الآخر هوي كمان قبول الآخر كطرف مساوي النا تماما...... يعني مابيكفي تحترمو وبعدين تقلو مثلا انو آسفين منك نحنا بنحترمك وانت انسان ممتاز وقادر تعمل وتشتغل كتير بس للأسف مابتنفع تصير مثلا رئيس دولة لانك مابتتوافق مع الدين السائد بالمنطقة
هلاء انا اول شي ما قصدت الاساءة لفكرتك بالعكس كتير بحترمها وبحترم افكارك وثقافتك بكل المواضيع لكن برد عليكي هون انو الديقراطية يلي عم ننادي فيها بتفترض ان تنصاع الاقلية لراي الاغلبية اي كانت الاقلية والاغلبية متل ما بحترم اختيار الفرنسي لرئيس مسيحي لازم الفرنسي يحترم اختيار دولة اغلبها مسلمين لرئيس مسلم
لكن المهم هون ان يكفل القانون داخل البلد حقوق كل المواطنين اي كان انتمائهم العقائدي وذلك حين يكون القانون مستمداً من الدين الصحيح وليس وفق اهواء البعض
وانت صرت مردد اكتر من مرة انو المشكلة مو بالدين بس المشكلة بتطبيق الدين ولنفرض انو الدين مابيشكي من شي ابدا بس طالما عقولنا مانها قادرة تستوعبو بشكل كافي لتطبيقو عالواقع فنحنا عم نصغير الدين وبرأيي انو بتطبيق العلمانية ولما بنعطي للدين حدودو انو من الناحية الروحية والاخلاقية للشخص والمجتمع وبنحافظ على وظيفتو بهي النواحي بنكون عم نصون الدين........ واما بامور الدولة فاثبت فشل كبير بيجوز لانو عم يتم استغلالو بابشع صورة بقى هالشي حتى عم ينفر الناس من الدين



اذن من خلال جملتك الاخيرة نحنا متفقين انو العجز هو لسوء التطبيق فما الضير من الفكرة هل وصلنا لمرحلة اثبت عجز عقولنا عن تقبل فكرة الدين السياسي ام ان الامر من خلال خطط و برامج الهدف منها تحيد دور الدين لانو لو طبق الدين الصحيح لن نقبل بتلك المظاهر التي نعيش عليها الان
تاريخياً اثبت الدين عمقه وقوته حين حكم بشكله الصحيح سواء في اوروبا او هنا بالمنطقة العربية ولا اريد ان استعرض التاريخ هنا فكلنا يعرف ماذا فعل الدين الصحيح حين حكم ولا اتحدث هنا عن العصور الوسطى وسطوة الكنيسة في اوروبا او سطوة الطوائف الاسلامية وتشرذمها
وعذرا منك بس مو كتير فهمت انت شو تصورك عن تطبيق العلمانية لحتى عم تقول انو كل الدول العربية عم تطبق العلمانية بمفهومها المطلق؟؟؟ انا برأيي انو عم يطبقو الحكم الديني بمايناسب اهوائهم واحيانا بيطبقو اشياء تحت اسم العلمانية كمان بما يناسب اهوائهم بس هني مااقتربو حتى اقتراب من العلمانية



هلاء تطبيق الدين نقيضه ان لا يطبق الدين او ان يستنسخ ليطبق ربشكل خاطئ
اذن اما ان يكون الدين هو الحاكم
او تكون العلمانية هي التي تحكم
هذان هما النقيضان لا اعتقد ان هناك تصور اخر
اضف هنا ان التطبيق السيئ للدين واستنساخه يستتبع ايضا تطبيقا اعوجا ومستنسخا للعلمانية فاذا كان العقل البشري لم يستطيع ان يتوائم مع منهج من عند الله فلا اعتقد انه سيستطيع ان يتوائم مع منهج انساني لانو ببساطة المنهج الرباني اعم واشمل ولا يحتمل الخطا



اشكرك عزيزتي واحترامي لكي ولوجهة نظرك

هلاء انا اول شي ما قصدت الاساءة لفكرتك بالعكس كتير بحترمها وبحترم افكارك وثقافتك بكل المواضيع لكن برد عليكي هون انو الديقراطية يلي عم ننادي فيها بتفترض ان تنصاع الاقلية لراي الاغلبية اي كانت الاقلية والاغلبية متل ما بحترم اختيار الفرنسي لرئيس مسيحي لازم الفرنسي يحترم اختيار دولة اغلبها مسلمين لرئيس مسلم
لكن المهم هون ان يكفل القانون داخل البلد حقوق كل المواطنين اي كان انتمائهم العقائدي وذلك حين يكون القانون مستمداً من الدين الصحيح وليس وفق اهواء البعض


شكرا كتير وائل :D
بس ماتفقنا ابدا..... هلأ لمجرد حرمت مواطن ببلد من حق ترشيح نفسو للرئاسة بسبب دين فانت حتما ماساويتو بنفسك وماعطيتو حقوق المواطنة كاملة...... مع العلم انو هاد كان مجرد مثال صغير عن اشياء كتيرة ممكن تصير بسبب فرض الدين عالدولة خصوصا ببلد متل سوريا مثلا فيها اقليات دينية
وشغلة تانية انو انا مابيهمني ابدا اذا الفرنسي احترمني او لأ اللي بيهمني انو محترمة المواطنة لكل المواطنين جوا بلدي

اذن من خلال جملتك الاخيرة نحنا متفقين انو العجز هو لسوء التطبيق فما الضير من الفكرة هل وصلنا لمرحلة اثبت عجز عقولنا عن تقبل فكرة الدين السياسي ام ان الامر من خلال خطط و برامج الهدف منها تحيد دور الدين لانو لو طبق الدين الصحيح لن نقبل بتلك المظاهر التي نعيش عليها الان
تاريخياً اثبت الدين عمقه وقوته حين حكم بشكله الصحيح سواء في اوروبا او هنا بالمنطقة العربية ولا اريد ان استعرض التاريخ هنا فكلنا يعرف ماذا فعل الدين الصحيح حين حكم ولا اتحدث هنا عن العصور الوسطى وسطوة الكنيسة في اوروبا او سطوة الطوائف الاسلامية وتشرذمها
كمان مو كتير متفقين لانو انا قلت بفرض

هلاء تطبيق الدين نقيضه ان لا يطبق الدين او ان يستنسخ ليطبق ربشكل خاطئ
اذن اما ان يكون الدين هو الحاكم
او تكون العلمانية هي التي تحكم
هذان هما النقيضان لا اعتقد ان هناك تصور اخر
اضف هنا ان التطبيق السيئ للدين واستنساخه يستتبع ايضا تطبيقا اعوجا ومستنسخا للعلمانية فاذا كان العقل البشري لم يستطيع ان يتوائم مع منهج من عند الله فلا اعتقد انه سيستطيع ان يتوائم مع منهج انساني لانو ببساطة المنهج الرباني اعم واشمل ولا يحتمل الخطا
طيب انا بدي اسألك انو اما ان يكون الدين هو الحاكم او لا يكون دين ابدا؟؟؟
انا ماطالبت ولا ممكن طالب بالغاء الدين بس تركو ضمن حدود الحياة الروحية للبشر واللي هيي الهدف الاساسي والسامي من الدين

لو بدنا نطلع عن الموضوع او بالاصح طلعنا عن الموضوع وخلصنا...... بس فيك تقلي شو هي الظاهرة اللي عم تحكي عنها واللي عم يعززها الامريكان واليهود؟؟؟
عن جد اسفة للخروج عن الموضوع بس مافيي ومارديت على هي النقطة


الفرقة والالنقسام والتشرذم
واهم من هيك الاوعي المطبق الذي يحاولون تعميمه من خلال اساليب كثيرة اعتقد انك تدركينها
لانو وعينا وتحضرنا وتمسك كل منا بعقائده الصحيحة سيودي الى انتهاء مصالحهم بالمنطقة
:D

الفرقة والالنقسام والتشرذم
واهم من هيك الاوعي المطبق الذي يحاولون تعميمه من خلال اساليب كثيرة اعتقد انك تدركينها
لانو وعينا وتحضرنا وتمسك كل منا بعقائده الصحيحة سيودي الى انتهاء مصالحهم بالمنطقة
:D

مشكور عالتوضيح
بس انا برأيي اذا بتتطبق العلمانية وبيتساوو الناس كلون بغض النظر عن عقائدهم بالبلد رح تنتفي هالظاهرة اللي حكيت عنها
وبالتالي العلمانية حل لهي الظاهرة

وتحياتي:D

في عندي تعليقين صغار على المعلم وائل.

لكن يلي بنقصده هون انو بجانب كل هاي الاشياء بيجي دور الدين كموجه حين يحيد الانسان عن السبيل
و يعاقب حيم يخطئ الانسان
واهم نقطة انه يجمع الكثير من اختلافاتنا ليصهرها في صيغة واحدة بعيدة عن الطائفية والتحزب

ابدا معلم الدين ما عم يعاقب, الانسان اللي عم يخطأ, اذا ما عذبو ضميرو فالدين ما رح يعملو شي. (طبعا نحن عم نحكي هلق عن حياتنا بالارض, ما دخلنا بالحياة التانية)

يعني شو فرق الشخص المتدين اللي ما عم يقتل ويسرق عن المو متديين اللي عم يقتل ويسرق؟؟
ولا شي.
التنين بلا ضمير.

يعني اللي بقصدو اللي بدو يقتل بوجود الدين بيقتل بوجود العلمانية.
واللي رح يكون زلمة عندو ضمير, لو شلت الدين. رح يضل زلمة عندو ضمير.

بهالحالة الدين ما عمل شي زيادة. بالنسبة لهالموضوع.


نفس الشي, لانو الشغلة راجعة للانسان نفسو.


اضف هنا ان التطبيق السيئ للدين واستنساخه يستتبع ايضا تطبيقا اعوجا ومستنسخا للعلمانية فاذا كان العقل البشري لم يستطيع ان يتوائم مع منهج من عند الله فلا اعتقد انه سيستطيع ان يتوائم مع منهج انساني لانو ببساطة المنهج الرباني اعم واشمل ولا يحتمل الخطا

بالضبط, فكرة العلمانية هية منهج انساني, يعني ما من الصعب على الانسان انو يطبقا.
لاكن الدين هو منهج رباني, فاصعب على الانسان انو يطبقها.

ناهيك عن حرمان الدين لهلشخص من انو يعمل ويعمل ويعمل ويعمل. اللي بخلي هالانسان, يكون بدو (الممنوع مرغوب).
بينما العلمانية, بتقلك انت وضميرك. (طبعا الا في حالات تعدي على شي اخر).

العلمانية قد تكون حلاً في بعض الأحيان ، نعم أوافق ... بالرغم من معارضة الكثيرين لهذاالرأي من المتدينين (بغض النظر عن الديانة)
فنجد ان في بعض الدول ما تزال بطاقة تعريف الشخصية تحمل خانة الديانة و هو في رأيي قمة التخلف
بل و عند إلغائها في بعض الدول قامت مظاهرات لا مثيل لها إعتراضاً على القرار

فصل الدين عن الحياه العامه وجعل الامور الدينيه مقتصره على اماكن العباده

اولا بعتذر منك مايا لاني تاخرت في التواصل معك
عزيزي ,, ما رأيته في سوريا .. هو مجتمع . يأن , مجروح فكريا واجتماعيا .. ومعاق سياسيا ..

ومع ذلك ترى الجميع يتغنى بالدين .. ( اي دين بدون تحديد ) ويتبجح بالمحبة التي يفرضها الله علينا .. والاخوة ,, وما ان يتلفت احدنا الا تنهال عليه طعنات الغدر ..


عزيزتي مايا لا يجوز لنا ان نرفض فكرة الدين السياسي او الاجتماعي او الاقتصادي بسب ان دولة او دولا عجزت عن تلبية ذلك المنهج
ساقيس لكي الفكرة على المنهج الاشتراكي
الان كلنا نعرف ان الاتحاد السوفيتي هو مهد الاشتراكية وهو من احتضن الفكرة من مهدها
و لو تابعنا ما حدث خلال العقدين الاخيرين من انهياء الاتحاد السوفيتي وطبقنا نفس المنطق الذي ينادى من عجز الدين بسب سوء التطبيق سنصل لنتيجة مفادها ان انهيار الاتحاد السوفيتي وئد الاشتراكية معه ايضاً
لكن الواقع والمنطق عكس ذلك تماماً فقد بقي الفكر الاشتراكي حياً حتى الان برغم ما تعرض له امام سطوة وتغلغل الرسمالية في العالم ولم يمنع انهيار مهد الفكرة اقصد الاتحاد السوفيتي دولا اخرى تنهض وتتبنى نفس المنهج مثل امريكا الاتينية ومرجع ذلك الايمان بالفكرة
فالايمان والقناعة بفكرة ما يؤدي بالضرورة الى التضحية حتى يتم تطبيقها بشكلها الصحيح
ربما بعدت قليلا عن الموضوع ولكن احببت ان اوصل فكرتي
فلنرى الوضع على ارض الواقع ..

السارق تقطع يده مثلا ..

فلن يقبل المسيحي بذلك لانه سيعتبره عملا بربريا ..

وعد على ذلك ما شئت من الامثال ..

فرأيي هو ,, اعبد الله كيفما شئت ..

لكن علينا الانصياع لقوانين يحكمها العقل .. بالاجماع

ولكن حكم الاعدام ما زال نافذا في دولا كثيرة ومن بينها الولايات المتحدة
ادرك انكي اردتي ان تعطي مثلا لتوضحي فكرة وانا ايضا اعطيتك مثلا لتوضيح فكرة مفادها
اننا لا نبحث عن المثالية في كل تطبيقاتنا وانما نبحث رعن افضل المستطاع
فما يعتبره احدنا سيئ ربما يكون جيد لانه يصب في مصلحة الجميع لذلك اعتقد انه من المنطق الا نحيد الدين فقط لان البعض يرفض اجزاء منه فهو هنا يستساوى مع القانون الذي نطبقه كثيرا منا يرفض العقوبات اعداماً كانت او سجن ومع ذلك مصلحة الجماعة تقتضي ان تبقى تلك العقوبات موجودة





اشكرك عزيزتي مايا

اوكي جاد بتفق معك بس انا يلي قصدته انو الدين اله دور كبير على تهذيب البشر لانو متل ما قلنا الناس مختلفة بطبعها واختلافنا هذا يستوجب ان يكون منهج التعامل مع البشر مختلف لذلك نجد ان الدين وحده هو من يلبي هذا الاختلاف هناك احكاماً تستوجب العقاب واخرى التهذيب واحكاماً تؤدي الى بناء الانسان السوي
اقصد ان الدين هنا اعم واشمل في التعمل مع اختلافات النفس البشرية
بالضبط, فكرة العلمانية هية منهج انساني, يعني ما من الصعب على الانسان انو يطبقا.
لاكن الدين هو منهج رباني, فاصعب على الانسان انو يطبقها.

ناهيك عن حرمان الدين لهلشخص من انو يعمل ويعمل ويعمل ويعمل. اللي بخلي هالانسان, يكون بدو (الممنوع مرغوب).
بينما العلمانية, بتقلك انت وضميرك. (طبعا الا في حالات تعدي على شي اخر).

--------------------------------------------------------------------------------



شو الصعب بتطبيق الفكرة جاد تم تطبيقها قبل ذلك على مدي قرون وكانت ناجحة واستطاع الناس التعايش برغم اختلافاتهم
اورد لك الان مثال بسيط
حينما عقد رتشارد صلح الرملة مع صلاح الدين ماذا كان الدافع ليتنازل كل منهما ؟؟؟؟؟؟؟ اليس الحرص على الانسان والتعايش السلمي بين الاديان المختلفة
الم يكن رتشارد مثالاً للقائد الذي طبق المفهوم الصحيح لتعاليم المسيح عليه السلام
الم يكن صلاح الدين قائدا طبق المفهوم الصحيح لتعاليم الاسلام الصحيح
وبعد هذا الصلح الم يتعايش المسلمين والمسيحين في كنف دولة واحد متعددة الاديان يحكمها الدين الصحيح ويحترم فيها الانسان و عقائده

يكون القانون مستمداً من الدين الصحيح وليس وفق اهواء البعض

عال، بس ما خبرتني شو هاد الدين الصحيح؟
انا و الحمدلله مشرك، و شايف انو ديني هوي الدين الصحيح
بالوقت يللي انت (كمسلم) بتعتبرني وباء على البشرية و بتحاربني و بتقاتلني باسم دينك (الغلط برأيي)

بقا بس نتفق حبيبي انو هوي الدين الصحيح، منعود منرجع و منزبط القوانين على اساسو، بس حاليا، انت ما خصك انا شو بعبد، و انا ما خصني انت شو بتعبد، بس ازا سرقتك، رح حط قانون (بذكائي يللي يمكن اي و يمكن لأ يكون الله تبعك زرعو براسي) مشان لما اسرقك يرجعلك حقك ... و هي الشغلة نحنا البشر منقدر نعملها (عملناها من الووووووووف السنين) بدون ما يتدخل الله

هل وصلنا لمرحلة اثبت عجز عقولنا عن تقبل فكرة الدين السياسي

لا، بل وصلنا لمرحلة من النضج لكي نستوعب انو فكرة الدين السياسي هيي فكرة هدامة


ام ان الامر من خلال خطط و برامج الهدف منها تحيد دور الدين لانو لو طبق الدين الصحيح لن نقبل بتلك المظاهر التي نعيش عليها الان
ممكن جدا، اكيد ما بدي عيش عيشة متل عيشة طالبان، و رح حارب، و ادعم مين بيحارب اي واحد بيحاول يمشيني على كيفو، لأنو قال شو، قال هوي يللي عم يطبق تعاليم الله، اي مرحبا

بعرف واحد صاحبي (الله يفك اسرو) اشترى الله من سوق الحرامية، و طلع تقليد شغل الصين، شو رأيك؟

تاريخياً اثبت الدين عمقه وقوته حين حكم بشكله الصحيح سواء في اوروبا او هنا بالمنطقة العربية ولا اريد ان استعرض التاريخ هنا فكلنا يعرف ماذا فعل الدين الصحيح حين حكم ولا اتحدث هنا عن العصور الوسطى وسطوة الكنيسة في اوروبا او سطوة الطوائف الاسلامية وتشرذمها
هاد (مع احترامي الشديد) اسمو علاك

و بتمنى لو تقلي شو هيي الحقبات التاريخية يللي اتطبق فيها الدين الصحيح

بعد ما حضرتك استثنيت العصور الوسطى الاوروبية

ضل عصور الاسلام الذهبية، ممكن تخبرني وين اتطبق الدين الصحيح؟

بالمدينة الراشدية يللي اغتيل فيها عمر بن الخطاب و حادثة قميص عثمان، و حرب الجمل و حروب الردة الطويلة العريضة؟

و اللا بدمشق الاموية؟ و اللا بغداد العباسية؟ واللا حلب الحمدانية؟ و اللا الفاطميين و اللا الموحدين و اللا الصفويين، و العثمانيين؟ ؟؟؟؟؟

ايمت تم تطبيق الدين الصحيح؟
ع ايام محمد؟
اي بس خربت بعد موتو ... و لهلأ ما عم تتصلح

بقا يا ريت تخبر الله يشيل الختم عن محمد و يرجع يبعتو بركتن بتزبط شغلة "الدين الصحيح" يللي محشية براسك

يا اما خلينا نجرب شغلة العلمانية، خوش وينك!، اهل برا جربوها و نقشت معهم ترا، و بلبنان عم يحاولوا يشتغلوا فيها، و لما يزبطوها بتزبط معهم

و حتى عنا بسوريا، بفترة قصيرة بعد ما طلع المحتل الفرنسي من بلادنا، جربناها و زبطت اكتر من هلأ، وقتها صاروا يقولوا عن سوريا "يابان الشرق الاوسط"

فاذا كان العقل البشري لم يستطيع ان يتوائم مع منهج من عند الله فلا اعتقد انه سيستطيع ان يتوائم مع منهج انساني لانو ببساطة المنهج الرباني اعم واشمل ولا يحتمل الخطا
يعني بدك ياني ازا قال الله "اللبن اسود" اني الغي عقلي و امشي معو؟

لما العقل البشري ما "يتواءم" (الهمزة على السطر) مع منهج الهي، فبيكون العقل البشري قاصر، و الله ما قدر قصورو و حملو فوق طاقة استيعابو، و بالتالي.. شو هالالله!!! دخيل الله

السارق تقطع يده مثلا ..

فلن يقبل المسيحي بذلك لانه سيعتبره عملا بربريا ..

وعد على ذلك ما شئت من الامثال ..

فرأيي هو ,, اعبد الله كيفما شئت ..


ودمتم ..

مايا ارائعه :D

بس بدي الفت انتباهك بموضوع قطع يد السارق .... هذا القانون لايطبق الا ان طبق معه 13 قانون وتشريع اسلامي

من اهمها ان كان الص السارق لحاجه (فقير) لاتقطع يده ابداً ...

وان يكون هناك بيت مال للمسلمين يعطي كل انسان حاجته .. فقير . يتيم . الخ...

وهذا القانون عطل زمن عمر بن الخطاب وفتره طويله بالحكم الاموي واطول بالحكم العباسي

والاسلام والاجتهاد الاسلامي اقر للمسيحي واهل الكتاب ان يكون لهم تشريعاتهم وقوانينهم الوضعيه

يعني عنا بسوريا بهل دخل المتواضع للموظف لايمكنك ان تطبقي هذا القانون ابداً

ولحنا بنقول عل مسؤلين بالعاميه بدوا قطع رقبه يخرب بيتوا ماشبع

شو شباب بلاقي لهلق ما اتفقنا على تعريف واحد للعلمانية

بقى كيف بدنا نعرف انو هوي الدين صحيح

بالمختصر

هاد البيت بلكي بيفيد بشي

ما دمت محترما حقي فانت اخي ....آمنت بالله ام آمنت بالحجر

:deal:

ما دمت محترما حقي فانت اخي ....آمنت بالله ام آمنت بالحجر

هي اسمها علمانية

هي اسمها علمانية
شي اكيد

لهيك انا معها ...........

عال، بس ما خبرتني شو هاد الدين الصحيح؟
انا و الحمدلله مشرك، و شايف انو ديني هوي الدين الصحيح
بالوقت يللي انت (كمسلم) بتعتبرني وباء على البشرية و بتحاربني و بتقاتلني باسم دينك (الغلط برأيي)


مازلت تعمم حكمك على تصرفات فردية او جماعية للبعض ممن وظف الدين لخدمة اهوائه ومصالحه
بقا بس نتفق حبيبي انو هوي الدين الصحيح، منعود منرجع و منزبط القوانين على اساسو، بس حاليا، انت ما خصك انا شو بعبد، و انا ما خصني انت شو بتعبد،
الدين الصحيح انا اعرفه وانت تعرفه جيداً الدين الصحيح موجود في التوراة والانجيل والقران هو المحبة التسامح العدل واكتب ما شئت من المفاهيم التي تناقض الشر و الهمجية البشرية
اما ما تعبده انت و ما اعبده انا فلا علاقة لي به ولا علاقة لك به وانما يجب علينا ان تعايش في كنف دولة تقيم العدل والمساواة مثلما فعل عمر اثناء خلافته بعتقد انك بتعرف شو حال الناس كان ايام عمر وبتعرف كيف تعايش المسلمين والمسيحيين في ارض فلسطين
لا، بل وصلنا لمرحلة من النضج لكي نستوعب انو فكرة الدين السياسي هيي فكرة هدامة
اذن فلنجعل البشر الهة ولنعبد البشر طالما وصلنا لقناعة مفادها ان الله عجز في تحديد قانون لحياة البشر في الوقت الذي ارتقى العقل البشري لاعلى درجاته واستطاع ان يستنبط القانون الذي يهيئ سبل السعادة للبشر
طالما استطاع البشر ذلك فلنعبد البشر
(الله يفك اسرو)
امين بس ما قلتلي يلي بتدعيه انو واحد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
هاد (مع احترامي الشديد) اسمو علاك

و بتمنى لو تقلي شو هيي الحقبات التاريخية يللي اتطبق فيها الدين الصحيح

بعد ما حضرتك استثنيت العصور الوسطى الاوروبية

ضل عصور الاسلام الذهبية، ممكن تخبرني وين اتطبق الدين الصحيح؟


بعتقد انك ما قرات عبارتي صح لانو انا استثنيت حقبة سطوة الكنيسة ايام القانون الكنسي واستثنيت ما بعد سقوط الاندلس وتشرذم المسلمين
لانو خلال هالفترتين يلي كان يحكم هو الدين المشوه الذي وظفوه لخدمة اغراضهم الدنيئة ابتداءً التناحر بين المسلمين و تفرقهم وانكفائهم امام الاطماع التي نهشت ارضهم
وانتهاءً بحقبة الاستعمار حينما كانت تمزق الدول و تنهش خيراتها وتسبى نسائها ورجالها باسم الدين والدين بريئ من كل هذا
اما ما اتحدث عنه من فترات حكم الدين فيها بشكله الصحيح فاعتقد انها كثيرة تحدثت عن بعضها ولم تقتصر على عهد رسول الاسلام وانما تمتد لتشمل مراحل اخرى سواء في اوروبا او هنا وقد اوردت مثال في ردي على جاد حينما تحدثت عن رتشارد وصلاح الدين
وساورد مثالاً هنا عن عهد عمر بن الخطاب الذي تتحدث عنه ففي عهده حكم الدين الصحيح وبما انك مضطلع اعتقد انك تعرف مقصد كلامي
بقا يا ريت تخبر الله يشيل الختم عن محمد و يرجع يبعتو بركتن بتزبط شغلة "الدين الصحيح" يللي محشية براسك


بعتقد كريم اني عم حاور بشكل هادي حتى وان كانت فكرتي خاطئة انتظر منكم الحجة والبرهان لكي راقتنع منكم بوجهة نظركم
يا اما خلينا نجرب شغلة العلمانية، خوش وينك!، اهل برا جربوها و نقشت معهم ترا،
بتمنى تعطيني مثال لواحد من اهل برا يلي نقشت معهم
يعني بدك ياني ازا قال الله "اللبن اسود" اني الغي عقلي و امشي معو؟


لا تلغي عقلك بس بعتقد انو هو قادر يحول اللبن ليصبح لونه اسود ولا انتا شو رئيك ؟؟؟؟؟؟؟؟؟؟؟؟
لما العقل البشري ما "يتواءم" (الهمزة على السطر)
بشكرك على مساعدتك الي لكي اتقن اللغة العربية وهذا ما يسعدني بالحوار معكم انني اتعلم منكم الكثير

شو شباب بلاقي لهلق ما اتفقنا على تعريف واحد للعلمانية

بقى كيف بدنا نعرف انو هوي الدين صحيح

بالمختصر

هاد البيت بلكي بيفيد بشي

ما دمت محترما حقي فانت اخي ....آمنت بالله ام آمنت بالحجر

:deal:


تمام لاوديسا بس ممكن اعرف مين يلي راح يحدد الحقوق والواجبات
الانسان؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟

العلمانية ... سؤال عن التعريف:
الشيخ محمد عبده سألوه شو العلمانية يا مولانا ؟ قال لا سياسة في الدين ولا دين في السياسة...
العلمانية برأيي مو بس فصل الدين عن الدولة متل ما عم يتردد ع كتير من ألسنة الناس للي عم يشوفو العلمانية من منظور تاريخي... متل ما حدث في اوروبا من انهاء تحكم وسيطرة الكنيسة ع الدولة ... متناسين انو هالفصل اللي تم كان بداية للانطلاق نحو الحداثة... طبعاً هالشي ما اجى وفق قرار من الاعلى او حتى خلينا نقول ثورة شعبية مباغتة لكنو اجى عبر مسيرة قيام وافاقة هالانسان الاوروبي من سبات ونوم القرون الوسطى ... وما فينا نقول انو تلك الفترة كانت فترة سبات وظلام بل فترة حمل وولادة لما بعدها... وتم اكتمال كل مقوماتو في هالفترة...
بهالفترة تم تغير نظرة الانسان لذاتو وبانو هو سيد مصيرو وانو قادر ع صنع مستقبلو بايدو من دون الاعتماد ع قوى خارجية متسامية لكن بالاعتماد ع قدرة عقله من دون حاجة إلى اي نصوص مقدسة تهديه إلى سواء السبيل... والعلم اللي كان بالغ بهديك الفترة مرحلة الفتوة وكان قادر وكفيل باداء مهمتو... فكان ان انحصر دور الدين في حياة الانسان في معالجة شؤون السماء وليبقى الارض ساحة للعلم تحت السيادة الكاملة للإنسان...
طبعاً فصل الدين عن الدولة ما اجى من فراغ ... بس هو انعكاس للقاعدة ... الجماهير بدأت تنظر للمسألة وتفهم بشكل علمي تجريبي... ومن دون هالانعكاس برأيي لفصل الدين عن الدولة ما كان الو اي تأثير يذكر ...

هلأ في بعض الشباب عم يقولوا انو الدين سامي ولازم ما نعمم افعال البعض ع الكل ... لكن من بداية ظهور الاديان ولهلأ عم نشوف عدم التناغم والتوافقية بالمجتمع ... طبعاً العلة مو بالدين ... العلة باختلاف الاديان والشرائع ... تحت اي دولة دينية رح يكون هناك اضطهاد للاقليات الدينية ... وما فينا ننكر هالشي ابداً عبر التاريخ ...
الحل ... العلمانية فصل الدين عن الدولة عن السياسة ... وبرأيي انو الدين شي مقدس جداً وعند دخول الدين بالدولة والسياسة رح يتم توسيخ الدين ... لانو بالسياسة ما في شي ثابت متل مالدين ثابت ...
وتحياتي ... :D
ورح اكمل حديثي بوقت لاحق لاني هلأ جوعان كتيررررر

الدين الصحيح انا اعرفه وانت تعرفه جيداً الدين الصحيح موجود في التوراة والانجيل والقران هو المحبة التسامح العدل واكتب ما شئت من المفاهيم التي تناقض الشر و الهمجية البشرية

و الزرداشتية ايضا تناقض الشر و الهمجية، و كذلك البوذية و الهندوسية و الدرزية و العلوية و الاسماعيلية و ...الخ

و لكن البوذية لا تعتمد على التورات و الانجيل و القرآن
و انا بحبشت فيهم و ما لقيت الدين الصحيح، و كتير ناس متلي (لكان ليش برأيك في كتير ديانات؟)

انت عم تقول الدين الصحيح بالكتب السماوية، بس انا ما لقيت فيها دين صحيح، و مع ذلك انا بشر متلي متلك، الي حقوق و عليي واجبات متلي متلك...
مو من حقك تقلي شو البس، و كيف نام مع مرتي، و مين اعبد و ايمت صوم و ايمت صلي
من حقك تصوم و تصلي و تعبد ربك، بس مو من حقك انو تجبرني اني اعبدو و صوم و صلي متلك

مشان هيك، لما الله نزل قوانينو ... و لما انتوا فسرتوها على كيفكم، و لما ما ركبت لا القوانين و لا كيفية تفسيرها بقعلي، و لما كان من الضروري انو ننظم حياتنا لحتى نتعايش بدون ما ندبح بعضنا (متل ما عم يصير بالعراق)، لهيك، حطلي ربك و قوانينو ع الرف شوي، و طبقهم على حالك، و تعال تحت قبة برلمان مثلا، او تحت قنديل شي عرزال .. وين و كيف ما بدك، نتفق كيف لازم نتعايش، و نحط القوانين يللي بتناسبني و بتناسبك سوا

و هالشي لما نعملو، بيكون اسمو علمانية

اما ما تعبده انت و ما اعبده انا فلا علاقة لي به ولا علاقة لك به وانما يجب علينا ان تعايش في كنف دولة تقيم العدل والمساواة مثلما فعل عمر اثناء خلافته بعتقد انك بتعرف شو حال الناس كان ايام عمر وبتعرف كيف تعايش المسلمين والمسيحيين في ارض فلسطين

يللي بعرفو انو بعهد عمر توزعت الضيع و الاطيان ع "الصحابة" و قيادات الجيش الاسلامي ..
عموما مشان ما تقللي اني عم اتعدى ع الدين، قديش فترة خلافة عمر؟ عشر سنين؟ فرجيني ايمت تكررت

خيو ابقى بس يجي عمر بن الخطاب بخليه يحكم على راسي

يعني عفوا منك بتاريخ الخلفاء الاسلاميين (حوالي الالف سنة) بأوائل الاسلام، اجا كم واحد بعدهم شربانين الدين من النبي محمد دغري (و مع ذلك كانت فترات حكمهم منيحة للمسلمين فقط، مش لكل الناس، بالنهاية ما يسمى بالفتوحات، هوي ذاتو يللي بيسمى احتلال)... بس بعدها ما عدنا شفنا هيك شي

بشكل عام يللي بيهمني بالحاكم انو يكون عندو كاريزما قيادية، يكون متقن فنون الادارة، و ما بيهمني بالمرة ازا كان بيصوم و بيصلي او ازا كان حافظ القرآن او الانجيل... عرفت عليي كيف؟

القيادة الها صفات، بيتخللها الفضائل، كالحكمة و العدالة و العفة و الشجاعة..الخ، و هي الفضائل ممكن تكون عند الهندوسي و ممكن تكون عند المسلم

برأيك مين افضل قياديا، هوغو شافيز الغير مسلم، و اللا الملك عبدلله "الهاشمي" المسلم؟؟؟


اذن فلنجعل البشر الهة ولنعبد البشر طالما وصلنا لقناعة مفادها ان الله عجز في تحديد قانون لحياة البشر في الوقت الذي ارتقى العقل البشري لاعلى درجاته واستطاع ان يستنبط القانون الذي يهيئ سبل السعادة للبشر
طالما استطاع البشر ذلك فلنعبد البشر

ممكن كتير، بس انو ممكن اكتر انو ما نعبد حدا، شو ضروري نكون عبيد ؟؟؟


امين بس ما قلتلي يلي بتدعيه انو واحد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
صديق من اصدقائي، اسمو بالمنتدى Tarek007 ، و معتقل حاليا من قبل اجهزة الامن السورية، يعني سجين رأي
و شكرا على دعاءك

بتمنى تعطيني مثال لواحد من اهل برا يلي نقشت معهم
بدك حطلك قائمة دول العالم الاول؟ و التاني؟

عن جد ما بتعرف مع مين نقشت العلمانية؟
يعني شو رأيك باليابان، طيب الصين الشيوعية، طيب فرنسا اميركا انكلترا استراليا سويسرا الدانمرك......

بدي اسألك ازا شي انكليزي مسيحي اشهر اسلامو، شو بتعمل معو الدولة الانكليزية؟؟ ولا شي
طيب ازا مسلم سعودي تمسح (صار مسيحي يعني و اشهر هالشي) شو بيصير؟؟؟
رح يعلنوا عليه حد الردة و يهدروا دمو، ليش ؟؟؟ لأنو هيك الله امر
الزلمة لا قتل و لا اذى حدا، الزلمة غير معتقداتو بس حسب القوانين الالهية لازم يموت

لا تلغي عقلك بس بعتقد انو هو قادر يحول اللبن ليصبح لونه اسود ولا انتا شو رئيك ؟؟؟؟؟؟؟؟؟؟؟؟

ما بعتقد .. يعني ما تسجل قبل بمرة انو صار اللبن اسود، إلا مرة وحدة، في واحد من شي 2000 سنة حول المي لخمر قاموا الناس الهوه

شو معلم كريمبو بنفس الوقت نزلنا ردنا سوا ... وكلنا سوا ...:lol:
تحياتي لك :D

شو معلم كريمبو بنفس الوقت نزلنا ردنا سوا ... وكلنا سوا ...:lol:
تحياتي لك :D
و الك

و بانتظار تتابع حوارك

مو من حقك تقلي شو البس، و كيف نام مع مرتي، و مين اعبد و ايمت صوم و ايمت صلي
من حقك تصوم و تصلي و تعبد ربك، بس مو من حقك انو تجبرني اني اعبدو و صوم و صلي متلك



ما حدا عم يقلك و يقلي شو نلبس وشو ناكل وشو نشرب عم يحدد النا واجبات وحقوق لو كل واحد فينا التنزم بواجباته واخد حقوقه فقط بعتقد ما راح يكون في اي خلاف و بعتقد انو هون ما راح يحكم الطبيعة البشرية المحبة لذاتها اي قانون وضعي اوكي بتفق انو في ضمير وفي عقل وفي كتير اشيا لكن باوقات معينة الضمير والعقل بيفقد دورهم
لذلك كان لا بد من ثواب وعقاب محدد بالدين وربنا حدده بالاخرة هون لو كان الدين ثقافة و منهج بيحكم المجتمع و الدولة ملتزمة فيه اكيد مبدئ الثواب والعقاب راح يتغذى شعور الافراد باشيا عجز القانون الوضعي لهلاء انو يمنعها
فكرة احترام الاخر وحقوقه يلي مفتقدينها لهلاء
و لما انتوا فسرتوها على كيفكم،
لذلك انا عم ببحث عن التفسير المنطقي والحقيقي للدين بدون ما يكون توجيه الدين لخدمة مصالح معينة
بس ما مستوعب شو بتقصد بكلمة على كيفكم
(متل ما عم يصير بالعراق)،
يلي عم يصير بالعراق صعب لكن يلي عم يصير بدول من دول العالم الاول اصعب بعتقد اني كتبت عن بعض مشاكلها بمشاركة سايقة وهيا من الدول التي تتغنى بانها علمانية
نتفق كيف لازم نتعايش، و نحط القوانين يللي بتناسبني و بتناسبك سوا

عاشوا قبلنا كتير هون ببيت المقدس باعوا واشتروا وتزوجوا وعاشوا حياة كريمة في ظل دولة عادلة
يللي بعرفو انو بعهد عمر توزعت الضيع و الاطيان ع "الصحابة" و قيادات الجيش الاسلامي ..
عموما مشان ما تقللي اني عم اتعدى ع الدين، قديش فترة خلافة عمر؟ عشر سنين؟ فرجيني ايمت تكررت


عمر لما راح يستلم مفاتيح بيت المقدس كان يلبس ثوب مهترئ وقد تحدثت بعض الكتب عن ذلك الموقف وكيف اشار الصحابة عليه بان يلبس لباساً حسن ولكنه رفض الامر الذي اثار دهشة البطريرك الذي سلمه المفاتيح
فاذا كان خليفة المسلمين ثوبه مهترئ من اين ستاتي الاموال التي تتحدث عنها ؟؟؟؟؟؟؟؟؟؟؟؟؟؟؟؟
ذلك كانت فترات حكمهم منيحة للمسلمين فقط، مش لكل الناس،
مين الناس يلي عم تقصدهم انظلموا
كريم ما بدنا نفوت بحوار تاريخي هلاء ونطلع عنه الموضوع خلينا بالقصة وبنعمل شي موضوع تاني عن الخلافة
بشكل عام يللي بيهمني بالحاكم انو يكون عندو كاريزما قيادية، يكون متقن فنون الادارة، و ما بيهمني بالمرة ازا كان بيصوم و بيصلي او ازا كان حافظ القرآن او الانجيل... عرفت عليي كيف؟

القيادة الها صفات، بيتخللها الفضائل، كالحكمة و العدالة و العفة و الشجاعة..الخ، و هي الفضائل ممكن تكون عند الهندوسي و ممكن تكون عند المسلم

اي تمام هيك كتير وهذا ما ادى لظهور اول اولاد العلمانية .......... العولمة
لانو حين يسود الادين تنتفي كثيراً من المبادئ والقيم فتصبح المصلحة هي الحاكم الامر الذي ادى لخلق ما يسمى بالعولمة حتى يتم السيطرة على دول لمصلحة دولاً اخرى
اذن هنا طبقوا العلمانية ومع ذلك لم تستطع العلمانية التي توصلنا للمساواة واحترام الاخر الذي نتحدث عنه
بل اوصلتنا لمزيد من الحقد والكراهية لان المصلحة فقط هي التي تحكم
برأيك مين افضل قياديا، هوغو شافيز الغير مسلم، و اللا الملك عبدلله "الهاشمي" المسلم؟؟؟

لا تصح المقارنة بين تشافيز وعبد الله لان عبد الله لا يمثل القائد الذي يطبق الدين الصحيح
ان اردت المقارنة قارن بين قائد علماني حقيقي وقائد ممن يطبق الدين الصحيح وللاسف لن تجد احداً الان منهم ولا حتى منذ قرون
على فكرة تشافيز متدين جدا جدا جدا
وانا اكن له كل الاحترام والتبجيل
ممكن كتير، بس انو ممكن اكتر انو ما نعبد حدا، شو ضروري نكون عبيد ؟؟؟


المشكلة انو ابن العلمانية يلي هو العولمة راح يخلينا كلنا عبيد للسيد الغربي
صديق من اصدقائي، اسمو بالمنتدى Tarek007 ، و معتقل حاليا من قبل اجهزة الامن السورية، يعني سجين رأي
ما قصدت صديقك بسؤالي انتا كنت تحكي عن الهين وفي اخر القصة دعيت الله يفك اسره سالتك اي واحد منهم عم تدعي بما انك تحدثت عن اثنين ؟؟؟؟؟؟؟؟؟؟؟؟؟؟؟؟؟؟؟
عن جد ما بتعرف مع مين نقشت العلمانية؟
بالعكس ادرك جيدا اناقش من
يعني شو رأيك باليابان، طيب الصين الشيوعية، طيب فرنسا اميركا انكلترا استراليا سويسرا الدانمرك......


كثيرا ممن ذكرتهم دولاً تطبق الدين وليست علمانية الا بالمظهر
و يكفيني هنا مثالاً ان بوش عندما يريد ان يقوم باحدى غزواته فان خطابه للامة لا يخلو من كلمة الرب امرني
مرجع ذلك انه يدرك ان الدين فقط هو من يجعل الناس تقتنع وتاتمر لما يريد

بدي اسألك ازا شي انكليزي مسيحي اشهر اسلامو، شو بتعمل معو الدولة الانكليزية؟؟ ولا شي
طيب ازا مسلم سعودي تمسح (صار مسيحي يعني و اشهر هالشي) شو بيصير؟؟؟
رح يعلنوا عليه حد الردة و يهدروا دمو، ليش ؟؟؟ لأنو هيك الله امر
الزلمة لا قتل و لا اذى حدا، الزلمة غير معتقداتو بس حسب القوانين الالهية لازم يموت

بعتقد انو يلي عم تحكي عنه ممكن يصير سواء في ظل دولة علمانية او دولة دينية فاذا كانت الدولة العلمانية لن تطبق عليه الحد فان الارهاب كفيل ان يطبق عليه العقوبة والحمد لله الارهاب هاليومين منتشر بشكل كبير
ما بعتقد .. يعني ما تسجل قبل بمرة انو صار اللبن اسود، إلا مرة وحدة، في واحد من شي 2000 سنة حول المي لخمر قاموا الناس الهوه

--------------------------------------------------------------------------------



انا بعكسك تماماً اعتقد ذلك
لك وجهة نظرك ولي وجهة نظري واحترم وجهة نظرك وقناعاتك

طيب ازا مسلم سعودي تمسح (صار مسيحي يعني و اشهر هالشي) شو بيصير؟؟؟



نسيت هاي معلش
بعتقد كامة اذا بحرف ذ وليس ز
لتوضيح فقط

اول شي مشكور أخ وائل و لاخوان جميع بس وائل بما انو كان المناقش الرئيسي فمعلش اسمحولنا بشكر خاص الو ...

الدين هو علاقه بين اثنين فقط العبد و ربه ... لكن لها تأثيرها على كل ما يدور حولنا من اشياء لان المعتقدات هي
دافع و اساس التعامل .. و التعامل بين البشر هو ما يحدد طبيعه حياه البشر فاذا انت تؤمن انو المجرم لازم ينال جزائه بدون الأخذ بالأسباب فانت ما عندك شي يردعك من انك تقوم تقتلو؟؟ و هون بيجي دور الدين .. يعني قيام دوله علمانيه مع شعب يعرف طريقه الى الايمان الصحيح بعقائد مبنيه على اسس صحيحه ليس مشكله انما المشكله هي عندما نبتدع اراء و افكار و اسماء لتبرر لنا افعالنا التي لا يقبلها الدين الذي هو منطق و اساس حياتي مهم..
أنا لست ضد العلمانيه عندما تصل الى اسمى حالاتها..
شكرا جميع:D

العلمانية ما بتعارض الدين بس بتحد من تجاوزات المتدينين (على اساس)وممارساتون التدخلية بشؤون الاخرين يعني شغلة حلوة انو ما اسمع كل مولد بيصير بالجامع غصبا عني وانا قاعد ببيتي لك حتى لو كنت متدين وبحب الموالد ما فيني افهم شو عم يقولوا لانو الميكروفون مو كل هالقد بس المشكلة انو اذا حكى الواحد بيصير رزيل وكافر وان سكت بياكل ***
لللللللللللك عشت

طيب سؤال لو سمحتو.

مين الاحق بأنو يحكم بلادنا مثلا؟؟
يعني من انو دين لازم يكون, لتكون الو الاحقية بأنو يحكم هالبلاد؟

طيب سؤال لو سمحتو.

مين الاحق بأنو يحكم بلادنا مثلا؟؟
يعني من انو دين لازم يكون, لتكون الو الاحقية بأنو يحكم هالبلاد؟



:confo: يعني انت موافق ع المبدأ و ما بقي عندك مشكله غير طبيعه الدين .. ؟؟:confo:

على انو مبدأ عم تحكي؟؟

بالنسبة لسؤالي انا بدي وصل بنتيجة من وراه

على انو مبدأ عم تحكي؟؟

بالنسبة لسؤالي انا بدي وصل بنتيجة من وراه
الدين ليس موضوعنا .. هذا ما عنيته لانو هاد الشي يأتي لاحقا .. و هو شي فرعي .. يعني وقت العالم بتوصل
لتقبل فكره الدين بنتناقش اي دين .. لانو اي دين سماوي يحكم بالحق و هو دين حق .. فما هي المشكله

الدين ليس موضوعنا .. هذا ما عنيته لانو هاد الشي يأتي لاحقا .. و هو شي فرعي .. يعني وقت العالم بتوصل
لتقبل فكره الدين بنتناقش اي دين .. لانو اي دين سماوي يحكم بالحق و هو دين حق .. فما هي المشكله

ليس كل دين يحكم بالحق

وليست كل الاديان سماوية :D

الدين ليس موضوعنا .. هذا ما عنيته لانو هاد الشي يأتي لاحقا .. و هو شي فرعي .. يعني وقت العالم بتوصل
لتقبل فكره الدين بنتناقش اي دين .. لانو اي دين سماوي يحكم بالحق و هو دين حق .. فما هي المشكله

شلون الدين ليش موضوعنا :shock:
ليش شو النا عم نحكي من الصبح!!

طيب مو مشكلة اللي كان بدي وصلو من كلامي. انو اي انسان من ابناء الوطن شو ماكان دينو (حتى لو ما كان عندو دين, او حتى لو كان ما بأمن بالله كلو من اصلو). هو الو الحق بأنو يحكم هالبلد.
وهون مشكلة من مشاكل الدين بالدولة.
لانو طيب انو دين من الاديان بدنا نطبق للدولة؟؟

طيب سؤال لو سمحتو.

مين الاحق بأنو يحكم بلادنا مثلا؟؟
يعني من انو دين لازم يكون, لتكون الو الاحقية بأنو يحكم هالبلاد؟

الدين الجديد اللي بيكون الضمير المنبثق من العقل السليم هو الحكم

عيني ربك عيني.

لكن باوقات معينة الضمير والعقل بيفقد دورهم

لما بتفقد البشرية الضمير و العقل، ساعتها بتكون الحرب، و على مدى غياب الضمير و العقل بتزيد و بتنقص ضحايا و خسائر الحرب، و ساعتها لا رسول يشفع و لا نبي ينفع
يا حضرة
لما بيغيب العقل و الضمير، الدين بيفقد دورو، هي الاسرائيليين متدينين، و احد وصاياهم "لا تقتل"، و مع ذلك فاقدين الضمير و عم نشوف شو عم يعملوا...

لذلك كان لا بد من ثواب وعقاب محدد بالدين وربنا حدده بالاخرة هون لو كان الدين ثقافة و منهج بيحكم المجتمع و الدولة ملتزمة فيه اكيد مبدئ الثواب والعقاب راح يتغذى شعور الافراد باشيا عجز القانون الوضعي لهلاء انو يمنعها

اي شغلة الثواب و العقاب، هي موجودة من قبل ما يبلش الله يبعت انبياؤو ازا بدك (اذا باللهجة الشامية تقيلة، لذلك بكتبها ازا، متل مو ملاحظ اغلب كلامي بالعامي، بس بالعامية و الفصحى، يتواءم الهمزة ع السطر، اجمالا قواعد كتابة الهمزة غير معروفة و بحب نوه عليها كل ما سنحتلي فرصة، يعني بعكسك ... انا منطلق من النية الطيبة) من ايام حمورابي (على فكرة، حمورابي مش اول مين وضع الشرائع، بل هوي اول مين دونها، بس الشرائع كانت بتتواتر من قبل حمورابي بآلاف السنين) و الاشيا يللي عجز القانون الوضعي عن منعها اقل بكتيييييييييير من الاشيا يللي عجزت قوانين الله عن منعها

لذلك انا عم ببحث عن التفسير المنطقي والحقيقي للدين بدون ما يكون توجيه الدين لخدمة مصالح معينة
بس ما مستوعب شو بتقصد بكلمة على كيفكم

عم اقصد ...
شوف معلم، المقدمات الخاطئة تنتج بالضرورة اجابات خاطئة، و بالتالي التحدث عن امور ميتافيزيقية (غير مثبتة علميا) سيوصل بالتأكيد إلى عدة تفسيرات، و جميعها ستبدو منطقية لبعضنا
انت عم "تبحث" عن تفسير منطقي و حقيقي، لأنك لسا ما وجدتو، كيف عم تدافع عن شي ما عثرت على حقيقتو؟؟؟؟ او على الاقل على تفسير منطقي لحقيقتو؟؟؟؟

خيو، خليك عم "تبحث" ... لأ جد عم بحكي، بس بعقل منفتح على كل الاحتمالات، و خلي ببالك دايما انو العقل هوي الشرع الاعلى للانسان، و هالشي ما بيخالف ايمانك، لأنو حسب ايمانك الله هوي خالق العقل... انا كنت متلك، باحث عن الحقيقة.. و اسوأ شي ممكن يحصل معك انو تلاقي الحقيقة لأنو ساعتها رح ينتهي بحثك، لذلك، ادعي دايما لربك انك ما تلاقيها، صدقني معلم... ما في امتع من رحلة البحث عن الحقيقة، اوعى انك تنهيها

يلي عم يصير بالعراق صعب لكن يلي عم يصير بدول من دول العالم الاول اصعب بعتقد اني كتبت عن بعض مشاكلها بمشاركة سايقة وهيا من الدول التي تتغنى بانها علمانية

لا خيو
ما في اصعب من الاخ يقتل اخوه، ما في اصعب من الوضع بالعراق و فلسطين
صليلهم معلم، صليلهم بركي الله بيسمع منك

يرحم ترابك يا أمير "عبد القادر الجزائري"، لولا حكمتك كانت سوريا اليوم غرقانة بحمامات دم متل اللي عم تحصل بالعراق و فلسطين و متل ما حصل بلبنان

و الله يديم عقلاء هالبلد، ويبعت لاخواننا متلهم

عاشوا قبلنا كتير هون ببيت المقدس باعوا واشتروا وتزوجوا وعاشوا حياة كريمة في ظل دولة عادلة

عمر لما راح يستلم مفاتيح بيت المقدس كان يلبس ثوب مهترئ وقد تحدثت بعض الكتب عن ذلك الموقف وكيف اشار الصحابة عليه بان يلبس لباساً حسن ولكنه رفض الامر الذي اثار دهشة البطريرك الذي سلمه المفاتيح
فاذا كان خليفة المسلمين ثوبه مهترئ من اين ستاتي الاموال التي تتحدث عنها ؟؟؟؟؟؟؟؟؟؟؟؟؟؟؟؟

مين الناس يلي عم تقصدهم انظلموا
كريم ما بدنا نفوت بحوار تاريخي هلاء ونطلع عنه الموضوع خلينا بالقصة وبنعمل شي موضوع تاني عن الخلافة
يا باشا
يا باشا

لما ما بدك تفوت بحوار تاريخي.... ليش عم تستشهد بشواهد تاريخية مش متفقين على صحتها ؟؟؟

و اصلا انا برفض اني ناقشك بحوار تاريخي قبل ما تكون على الاقل قاري "تاريخ الطبري"

عموما بعيدا عن الحوار التاريخي، يا ريت (للمرة التانية عم اطلب هالطلب) انك تذكرلي العهد الذهبي يللي حكيت عنو اديش استمر؟؟؟ هاد تبع الدين الصحيح

اي تمام هيك كتير وهذا ما ادى لظهور اول اولاد العلمانية .......... العولمة

طولي بالك ... طولي بالك كتييير

شو رأيك بفكرة انو يسود الاسلام بالعالم كلو؟؟؟ فكرة منيحة مش هيك؟؟ بس هي اسمها يا كابتن عولمة

عموما معك خبر انو نحنا السوريين ... اسياد العولمة؟؟؟
العالم كلو بيمشي على الارقام يللي اخترعناها (اسمها الارقام العربية، بينما من كتر تخلفنا منسعتير ارقام من عند جيراننا الهنود و منكتب فيها.. )
اغلبو للعالم بيكتب بابجدية نحنا اخترعناها
و عند الفرح او الحزن بيتبع طقوس نحنا وضعناها
و بيحاكم نفسو بقوانين نحنا سنيناها
و بياكل و بيشرب من مأكولات و مشروبات نحنا تفننا فيها (النبيد و البيرة على سبيل المثال)
اكتر من مليون و ميتين الف اختراع .. ما زلنا منستعملهم لليوم، متل الدولاب و العربات، ...الخ، اخترعهم اجدادك

لك حتى الاديان، طلعت من بلادنا

حاج لهون لأنو العولمة مش موضوعنا و يا ريت ما تغير المحاور

وللاسف لن تجد احداً الان منهم ولا حتى منذ قرون
شو ؟؟؟؟
يا رجل، يا رجل، طالما مش رح لاقي واحد حتى لو رجعت لورا كزا قرن (كذا هيك بتنكتب بعرف، بس لذات السبب السابق كتبتها هيك) ع شو عم تناقشني؟

بدك ياني اتبع نظام بيعتمد على كاريزما لشخصية ... ما اجت منذ قرون خلت ؟؟؟؟

طيب على فرض انو وجدنا اليوم هالملهم ... شو بيضمنلي انو بس يموت يجي واحد تاني، و اللا بدك ياني استنى كمان قرون ليجي واحد تاني، و بهالوقت بيتمقطعوا هدول تبع المصلحة الشخصية يللي مو طايقهم حضرتك فينا ؟؟؟؟

والله يا معلم كيف ما عم ابرمها معك .. ما عم لاقي حل احسن من العلمانية، يعني صدقني انا حابب لاقي حل تاني، بس ما عم لاقي

على فكرة تشافيز متدين جدا جدا جدا
وانا اكن له كل الاحترام والتبجيل
اي صحي بس هوي بنفس الوقت ... علماني جدا جدا جدا، يعني ما بتصور انو عم يظلم المسلمين تبع فنزويللا

عموما احترامك و تبجيلك الو ناتجة عن صحوة ضميرك، بالدرجة الاولى
رغبتك بتحرير عقلك من قيودو بالدرجة التانية
و ناتجة عن عدالة و حكمة و شجاعة و عفة شافيز بالدرجة التالتة، و هي هيي الفضائل نفسها يللي قلت عنها انها بتودي للعولمة و ما عجبتك

المشكلة انو ابن العلمانية يلي هو العولمة راح يخلينا كلنا عبيد للسيد الغربي

ابدا، العلمانية تعتمد على العقلانية بقوة، و بالتالي بتعتمد على العلم، ليكو الدين ما حمانا من الاحتلال العثماني، و لا الانكلو فرنسي، و لا الاسرائيلي

و كما قال الشاعر:
العلم يبني بيوتا لا عماد لها = و الجهل يهدم بيوت العز و الكرم

ما قصدت صديقك بسؤالي انتا كنت تحكي عن الهين وفي اخر القصة دعيت الله يفك اسره سالتك اي واحد منهم عم تدعي بما انك تحدثت عن اثنين ؟؟؟؟؟؟؟؟؟؟؟؟؟؟؟؟؟؟؟
اتنين؟؟؟؟، قوي قلبك يا رجل، قول سبعة و سبعين و لا تخاف
عموما قصدت الاله القادر على فك اسرو هوي و رفقاتو، ببقى بعرفك عليه شي يوم... هوي التاني صاحبي

كثيرا ممن ذكرتهم دولاً تطبق الدين وليست علمانية الا بالمظهر
عفوا .. بس العلمانية مش متل الدين، ما الها مظهر و باطن، يا بتطبق يا ما بتطبق، مش انو منضحك ع بعضنا و منقول "طبقنا العلمانية"

اصلا العلمانية هيي مجموعة من الظواهر، كيف بدك يكون الها جوهر؟؟؟

العلمانية يا حبيبي هيي انو تتخذ القرارات و تنسن القوانين و التشريعات بناءا على حاجة المجتمع بغض النظر عن النصوص المقدسة ...
يعني لما اختاروا اللون الاحمر لحتى توقف عليه السيارات باشارات المرور .. ما اهتموا ازا هالشي "حلال او حرام"
و طالما انو هالقوانين ما الها قوة غير قوة التطبيق يللي بتقوم فيها الحكومة، و بالتالي ممكن تغييرها ازا (نفس الملاحظة) بيوم بطلت تخدم مصلحة المجتمع...
يعني بوكرا رح تصير السيارات تطير، اشارات المرور الحمرا ما عاد ممكن تنظم حركة السير، و بالتالي رح يحطوا انظمة جديدة بتتناسب مع الموقف، بغض النظر ازا الله و اوصياؤو علينا باركوا هالخطوة و اللا لعنوها.. عرفت عليي كيف؟

يكفيني هنا مثالاً ان بوش عندما يريد ان يقوم باحدى غزواته فان خطابه للامة لا يخلو من كلمة الرب امرني
مرجع ذلك انه يدرك ان الدين فقط هو من يجعل الناس تقتنع وتاتمر لما يريد
مشان هيك لازم نحارب هالظاهرة .. و نفهم العالم (حتى الاميركان) انو ما حدا ع راسو ريشة و آخر نبي عمل خير و ختملنا هالطاقة يللي بتجي منها الريح

بعتقد انو يلي عم تحكي عنه ممكن يصير سواء في ظل دولة علمانية او دولة دينية فاذا كانت الدولة العلمانية لن تطبق عليه الحد فان الارهاب كفيل ان يطبق عليه العقوبة والحمد لله الارهاب هاليومين منتشر بشكل كبير
الارهاب؟؟؟

يا سلام

اي لا عاد تقول انو الاسلام ما عم ينتشر بحد السيف لكان

بعدين الله تبع المسلمين هوي يللي بيهدي من يشاء .. مش اخوات الـذين تبع الارهاب

الدين هو علاقه بين اثنين فقط العبد و ربه ... لكن لها تأثيرها على كل ما يدور حولنا من اشياء لان المعتقدات هي
دافع و اساس التعامل .. و التعامل بين البشر هو ما يحدد طبيعه حياه البشر فاذا انت تؤمن انو المجرم لازم ينال جزائه بدون الأخذ بالأسباب فانت ما عندك شي يردعك من انك تقوم تقتلو؟؟ و هون بيجي دور الدين .. يعني قيام دوله علمانيه مع شعب يعرف طريقه الى الايمان الصحيح بعقائد مبنيه على اسس صحيحه ليس مشكله انما المشكله هي عندما نبتدع اراء و افكار و اسماء لتبرر لنا افعالنا التي لا يقبلها الدين الذي هو منطق و اساس حياتي مهم..
أنا لست ضد العلمانيه عندما تصل الى اسمى حالاتها..
شكرا جميع:D

كيف يعني هون بيجي دور الدين؟؟؟ انا بشوف انو هون بيجي دور القانون الموجود واللي بيحكم بالدولة العلمانية
مابعرف ليش عم صرت شايفة باكتر من رد هون الغاء وجود اي سلطة بالدولة العلمانية وانو الامور رح تكون سايبة:?
اكيد حياتي بالدولة العلمانية في وجود لقانون رح يحكم وينظم امور العالم ورح يكون قانون يناسب كل افراد الشعب ومايفرق بين مسلم ومسيحي وغيرو من اديان

كيف يعني هون بيجي دور الدين؟؟؟ انا بشوف انو هون بيجي دور القانون الموجود واللي بيحكم بالدولة العلمانية
مابعرف ليش عم صرت شايفة باكتر من رد هون الغاء وجود اي سلطة بالدولة العلمانية وانو الامور رح تكون سايبة:?
اكيد حياتي بالدولة العلمانية في وجود لقانون رح يحكم وينظم امور العالم ورح يكون قانون يناسب كل افراد الشعب ومايفرق بين مسلم ومسيحي وغيرو من اديان
أنا معك بس منين بدو يجي هاد القانون.. لازم يجي من اسس فكر اكبر من الانسان حددها " الله " مثلا
و بعدين انا متل ما قلتلك ماني ضد العلمانيه بل انا معها .. بس مو العلمانيه اللي عم ينحكا عنها هون .. علمانيا منظمه اكتر شوي من ما هو متعارف عليه ... اسسها سابقه الذكر
شكرا:D

شلون الدين ليش موضوعنا
ليش شو النا عم نحكي من الصبح!!

طيب مو مشكلة اللي كان بدي وصلو من كلامي. انو اي انسان من ابناء الوطن شو ماكان دينو (حتى لو ما كان عندو دين, او حتى لو كان ما بأمن بالله كلو من اصلو). هو الو الحق بأنو يحكم هالبلد.
وهون مشكلة من مشاكل الدين بالدولة.
لانو طيب انو دين من الاديان بدنا نطبق للدولة؟؟

موضوعنا هو العلمانيه و ليس الدين الحاكم ....
اذا الكل بدو يحكم مين بدو ينحكم:shock: .. انا ما بيهمني ديانه الحاكم بيهمني مبدأ الحاكم.. المبني على مبدأ ديني اي كان هو ...
ما بالضروره الدوله تطبق دين كامل .. اي يعني بما ان الله واحد فما مهم تحت اي اسم اجا الدين او من تحت اي دين اتاخدت الاحكام المهم ان تكون احكام دينيه مقبوله
مشكور

ليس كل دين يحكم بالحق

وليست كل الاديان سماوية :D

ان لله لم ينزل دين الا على الحق ...
و اما الاديان الغير سماويه فهي مبنيه على اسس معينه بغض النظر عن ايمانها فيها او لا ولكن هون بنرجع للنقطه انو يعني هي مو علمانيه لانو رح تحكم عن طريق مبادئ دينيه معينه ..
شكرا:D

أنا معك بس منين بدو يجي هاد القانون.. لازم يجي من اسس فكر اكبر من الانسان حددها " الله " مثلا
و بعدين انا متل ما قلتلك ماني ضد العلمانيه بل انا معها .. بس مو العلمانيه اللي عم ينحكا عنها هون .. علمانيا منظمه اكتر شوي من ما هو متعارف عليه ... اسسها سابقه الذكر
شكرا:D

سبق وانذكر بالموضوع انو القانون البشري اقدم حتى من كل الديانات السماوية...... وانذكرت قوانين حمورابي مثلا والقصد هون انو القانون موضروري يكون قانون سماوي

والعلمانية مافيها تكون غير منظمة لانها بتاخد العقل قاعدة الها ومافيك تاخدي الوضع بالبلدان العربية مثل لانو العلمانية ماتبطقت مظبوط باي بلد منها ولهي عم تشوفي التخبط بالعلمانية

:D

سبق وانذكر بالموضوع انو القانون البشري اقدم حتى من كل الديانات السماوية...... وانذكرت قوانين حمورابي مثلا والقصد هون انو القانون موضروري يكون قانون سماوي

والعلمانية مافيها تكون غير منظمة لانها بتاخد العقل قاعدة الها ومافيك تاخدي الوضع بالبلدان العربية مثل لانو العلمانية ماتبطقت مظبوط باي بلد منها ولهي عم تشوفي التخبط بالعلمانية

:D

انا معك القانون البشري اقدم ... و لكن من منا اليوم مازال يستخدم الحمام الزاجل ... القدم ليس الافضليه
و الحياه كانت ماشيه بس اساسا الدين ليش اجا غير لينظم حياه البشر ؟؟
بما انو نحنا عم نتحاور هون فمعناتها عقل الانسان ليس قادر وحده ان يحكم لان ما قد اراه صحيح قد يراه غيري خطأ
سعيده جدا بالحوار معك:D شكرا

انا معك القانون البشري اقدم ... و لكن من منا اليوم مازال يستخدم الحمام الزاجل ... القدم ليس الافضليه
و الحياه كانت ماشيه بس اساسا الدين ليش اجا غير لينظم حياه البشر ؟؟
بما انو نحنا عم نتحاور هون فمعناتها عقل الانسان ليس قادر وحده ان يحكم لان ما قد اراه صحيح قد يراه غيري خطأ
سعيده جدا بالحوار معك:D شكرا

:lol: معك حق القدم ماالو افضلية ابدا
ونحنا ماعم نقول نرجع نطبق نفس قوانين حمورابي او القوانين القديمة بس المعنى انو فينا نطلع بقوانين حديثة بشرية وتكون انسب من اي شي قديم حتى من القوانين الدينية اللي احدث واحد فيون عمرو 1400 سنة

وانا كتير سعيدة بالحوار معك :D

:lol: معك حق القدم ماالو افضلية ابدا
ونحنا ماعم نقول نرجع نطبق نفس قوانين حمورابي او القوانين القديمة بس المعنى انو فينا نطلع بقوانين حديثة بشرية وتكون انسب من اي شي قديم حتى من القوانين الدينية اللي احدث واحد فيون عمرو 1400 سنة

وانا كتير سعيدة بالحوار معك :D

رجعنا لنفس النقطه مين بدو يطلع فيها..
ناس اليو اللي م يا دوبك عم تعرف تربي ولادها ؟؟
لهيك اليوم و بالوضع اللي نحنا في لازم القوانين الدينيه الاقدم و الاحدث و المنطقيه هي الي تسير امورنا
شكرا:D

انا معك القانون البشري اقدم ... و لكن من منا اليوم مازال يستخدم الحمام الزاجل ... القدم ليس الافضليه
و الحياه كانت ماشيه بس اساسا الدين ليش اجا غير لينظم حياه البشر ؟؟
بما انو نحنا عم نتحاور هون فمعناتها عقل الانسان ليس قادر وحده ان يحكم لان ما قد اراه صحيح قد يراه غيري خطأ
سعيده جدا بالحوار معك:D شكرا

كملو كملو عاجبني الموضوع والانترنت ببلاش كملووووووووووو انا ازا ممكن شارك ممكن شكرا الدين نزل من مدري كم الف سنة ما عاد يشتغل معنة هلأ يا اما بتعملو شي دين جديد يشتغل ازا العالم بدا دين يحكممظبوط عم احكي ولا لأ

اول شي مليون اهلا بالطالة الغالية هاي ومتل ما عودتنا الطالة لازم تكون قوية كتير
هاني انا تقريبا ما فهمت مقصد كلامك بحب انك توضح كلامك خلينا نتحاور بشكل منطقي و الحلو بالقصة انو لحد هلاء ما فات على الموضوع واحد من الشباب تبعون المشكل والهبل كلهم لحد هلاء شباب واعي ومثقف
تاكد هاني لو ما وصلنا لقواسم مشتركة نتفق رعليها راح كل واحد فينا يحتفظ بوجهة نظره والحب و الاحترام يلي بينا كفيل انو كلنا نقبل اختلافاتنا بدون تهجم او شتم
تحياتي يا غالي :D



خيو هلا فيك والله خجلتني بهالحكي
والله انتي بردك اثبتلي اليوم شغلتين اثبتلي انو الحكي اللي سمعتو اليوم غلط (ما حدا يسالني شو الحكي لانو ما رح قولو مع انو في عالم بتعرفو )
واثبتلي انو اسا الدنيا بخير

خيو انا ما وضحت وجهة نظري بشكل كامل لانو ما بدي اطلع عن الموضوع الرئيسي اللي هوي العلمانية
ما بدي انتقل لمناقشة موضوع وجودية الله ومن اين نبعت الاديان والخ الخ الخ اللي كل موضوع رح يوصلك للتاني
لهيك حبيت علق تعليق صغير فيك تقول نقطة للانطلاق بنقاش جديد بس يخلص النقاش بهالموضوع طبعا ومنبقى منفردلو موضوع تاني بعيد عن مهاترات الاعضاء اللي ما بيستاهلو

تحية للكل :D

لا تلغي عقلك بس بعتقد انو هو قادر يحول اللبن ليصبح لونه اسود ولا انتا شو رئيك ؟؟؟؟؟؟؟؟؟؟؟؟


انا رايي انو لاء ما بيقدر

اولا خلينا نتفق على وجودو وبعدين منشوف اذا بيقدر او لاء
معلش خيو خلينا نحكيها بصراحة انا واحد عندي شك بالله ما كتير بيخرط مشطي خيو بحس يا اما واحد معقد يا اما واحد معو انفصام شخصية مع هيك بحترم الجميع وماشي حسب ضميري ما بأذي حدا و بحب الكل بحكم عقلي بكتير امور وبعتمد علي اكتر من اعتمادي على خوفي من الدين ومن العقاب والثواب والالخ الخ الخ

فهل يطلق عليي لقب علماني ام لاء ؟ :D