أفكار تحشيشية [الأرشيـــــف]

hanny dagher

13/09/2006, 02:28

كنا انا ورفقاتي بالضيعة بين الفينة والاخرى بضم الالف الاولى نجتمع ونعمل هيك ما يشبه قعدة تحشيشية يعني كم بورية على الماشي وكم نفس اركيلة على الماشي يعني بحيث انو الواحد معد يقدر يطس اصبعو من الدخنة يعني هاي هيك على الخفيف نعملا وشغل سرعة وعبطة
وكنا نقعد نتناقش ونطق حنك بموضوع من هالمواضيع اللي بتهم مصلحة الامة والوطن يعني من احدى المواضيع انو اي احسن لالنا الشحاحيط النايلو او الشحاحيط الطبية مثلا وكتير احيان يشتد النقاش وتوصل بيناتنا للطلاق يعني والله العظيم لولا الخوف من حكي العالم وانو تطلع سيرتنا بالضيعة كنا منطلق بعضنا ونقوم بعد كل هالعياط وكل المعمعة والصرعة اللي ساويناها ننتصب على حيلنا ننفض تيابنا ونبوس بعضنا ونبلش ضرب الكاس وكاسك خيو وهات بوسة من هالخد ومع انو منعرف انو كل تمسيح جوخ بس كنا ننبسط بهالحكي حالنا حال بقية الشعب اللي ماشيين على مبدأ نفشو وشوف ما اجحشو اي والله كانت ايام ولهلأ بتزكر كم سيرة كنا نفتحن (سيرة ولاك انتي ويا مو شي تاني يلعما النية الطليانية )

اي المهم رح حطلكن انو كم سيرة من هالسير هون بس مو هلأ يعني بدكن تقول بس لتروح الفكرة وتجي السكرة ونضربلنا كم سيكارة

نطرونا

حياكم :D

leoprad

13/09/2006, 07:17

اي الله حيك اذا هيك
بس خيو رقيلنا المواضيع شوي (يعني الشحاطات و ما شحاطات) بركي بتقلنا شي سيرة عن القبقاب بضل اعلى من الشحاظة
تحياتي

Nirvana

13/09/2006, 10:19

هيك تمام .. صار بدها ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

الفارس منذر

13/09/2006, 11:28

أيه أيام حلو ناطرين سير نحشيش بفارغ صبر
ياريت كنت معكم ايامها

yamen_h

13/09/2006, 13:06

ولهلأ بتزكر كم سيرة كنا نفتحن (سيرة ولاك انتي ويا مو شي تاني يلعما النية الطليانية )

هاي احلى شي ...

يا سيدي الله حيك ...
وناطرين هالسير ...اللي بتهم مصلحة الامة والوطن...:shisha:

hanny dagher

13/09/2006, 13:13

(تم تغيير عنوان الموضوع الى افكار تحشيشية لانو رح تختلف الردود فوجب التنويه )

يا اخي قبل ما اجي على هالبلد اللي هلأ انا في يعني اخر ايام قضيتا بسوريا وكان بيتنا طابقين فكان تطبق روحي من قعدة البيت فكنت اسحب سيكارتي واطلع هيك لبرا على هالبرندة مزمز فيها على رواق وعلى اعلى مزاج (بيت طابق تاني يعني اكيد المزاج بدو يكون عالي ) فكنت اطلع على هالشارع هيك وقت الضهيرة لاقي هالطلاب راجعة من المدرسة وكل واحد حامل شنتة على ضهرو يمكن اتقل منو ويا دوب عم يقدر يمشي فترجع ببالي ايام ما كنت ولد صغير وكنت روح على المدرسة انو من وقتا لهلأ كانت في جملة معلقة بزهني وما قدرت انساها واللي هيي انو "بدنا ياك تصير دكتور " يا اخي ما بعرف هالجملة هيك ليش انحفرت بمخي وما قدرت امحيها انو كنت صغير واسا ما بعرف شو معنات دكتور بس على كتر ما قالولي هالجملة صارو كل ما سالوني شو بدك تصير بالمستقبل قلن دكتور والله وكبرت وانا على اساس بدي صير دكتور وانو على اساس انو بس اكبر بدي افهم شو معنات دكتور بس انو لهلأ ما قدرت افهمها
المهم انو لما كنت شوف هالعالم حاملة شناتيها على ضهرها وفكر انو انا بعد كم يوم مسافر
انو ارجع اتزكر اللي درستو وشو كان حلمي وشو صار في
انو ارجع اتزكر التاريخ العربي اللي درستو كلو يعني صرت بعرفلكن جد جدو لهولاكو او للاسكندر المقدوني او للخنساء
ارجع اتزكر جغرافية العالم اللي درستا كلها يعني صرت بعرفلكن بلاد السند والهند وبلاد الهونولولو وين صارت
ارجع اتزكر دروس القومية اللي درستا وقديش كان عنا مبادئ واهداف كنا ندافع عنها ورح نضل ندافع عنها وبحياتنا ما رح نوصللها
كنت اتزكر كتب العلوم والفيزيا والكيميا والرياضيات
واخر الشي بعد كل هدول ترجع على بالي جملة بدنا ياك تصير دكتور
كنت كل نهار احمل شنتي على ضهري وروح على مدرستي مشي يعني هيي مدرستي ما بعيدة شغلة خمس دقايق مشي وكان صايرة حد الكراج تبع السرافيس
وكان هيك على خط الافق قدام عيوني تلمع جملة بدنا ياك تصير دكتور انو خلص ترسخت بزهني انو بدي صير دكتور وما في شي بيردني والله وبعد 12 سنة دراسة وعلى نتائج المفاضلة ( على فكرة لهلأ ما بعرف شو يعني مفاضلة ولا بعرف شو اصل الكلمة ولا شو بيصرفوا ) انكسر الحلم وغاب الافق وما صرت دكتور بس ضلت جملة بدنا ياك تصير دكتور بزهني

وبعد هادا وكلو وبعد ما تعزبت 12 سنة دراسة وقريت كتب ما استفدت منها شي غير اني قدرت جاوب على كم سؤال من اسئلة جورج قرداحي بمن سيربح المليون حملت شنتي على ضهري بس هالمرة مو شنتة المدرسة هالمرة شنتة تيابي ومشيت على طريق المدرسة مرة تانية بس هالمرة مو على المدرسة هالمرة على الكراج اللي حدا المدرسة
انو سالت حالي سؤال انا وعهالطريق انو معقولة صرلي 12 سنة كل نهار كل نهار امشي على نفس الطريق ولا مرة خطرلي انو خيو خلص لهون وبس انا رح روح على الكراج دغري وبدون ما ضيع 12 سنة من عمري اخر شي استفدتو منها هوي ولا شي (لا تفكر الولا شي يعني شغلة قليلة هيي ممكن تكون كبيرة بس العطل منا نحنا اللي ما منقدرا )

انو بالله بالله بالله (تلات مرات مرفقات بكسر الهاء ) انو شو كان صار عليي لو موقف سرفيس وانا بكتب المدرسة وقايلو خدني على المطار وبدفعلك قد ما بدك لانو قد ما ادفعلك بدك تضل موفر عليي تكلفة 12 سنة

مدري هالفكرة هي التحشيشية مدري فكرة انو تدرس 12 سنة واخر الشي ينكسر حلمك وما تستفيد بفرنك او بودية او بين او بيورو مصدي (مع العلم اليورو ما بيصدي ) بس نحنا قادرين بعد 12 سنة دراسة تاريخ نساوي بيصدي ومو بس هيك منقدر نساوي بترول كمان ووممكن بعد 12 سنة دراسة قومية ممكن نساوي هوي اللي يوحد امتنا ووممكن نساوي بعد دراسة 12 جغرافية يصير عملة الهونولولو كمان وشو بدي عد لعد

سحبلك سحبة وانسى كلو رايح :7asheesh:

بسام2

13/09/2006, 13:22

ايام ما كنت ولد صغير وكنت روح على المدرسة انو من وقتا لهلأ كانت في جملة معلقة بزهني وما قدرت انساها واللي هيي انو "بدنا ياك تصير دكتور "

سحبلك سحبة وانسى كلو رايح :7asheesh:

منيح ياللي اهلك كانو متفائلين فيك..
وهاي انته الحمدلله صرت دكتور .. صواريخ :7asheesh:

:7asheesh::7asheesh::7asheesh::7asheesh::7asheesh: وماشاء الله عليكم انته واصحابك
شغالين ومروقييييين وعال العال..
مسسسسسسسسسسسسسسسسسسسسسساء الخييير...:7asheesh::7asheesh:

yamen_h

13/09/2006, 13:23

فخامة...لك فتأتلنا جروحاتنا يا زلمة ..
لسا ماصرلي فترة مخلص من هال 12 سنة دراسة ....:adal:
يا أخي صدق القائل ..
دخن عليها تنجلي ...
وللا قللك ..
اركل عليها تنجلي ...:shisha:
خيو ازبط شي ...
حشش عليها تنجلي ...التمساح للشاموا والمخملي ...:7asheesh:

Nirvana

13/09/2006, 14:09

شو بقلك عن الي درس الـ12 وبعدها الـ 4 ,, بدون ما يحقق حلمو .

لك من شي قليل عم منـ ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

الفارس منذر

13/09/2006, 14:44

شو بقلك عن الي درس الـ12 وبعدها الـ 4 ,, بدون ما يحقق حلمو .

لك من شي قليل عم منـ ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

و الله يا Nirvana موضوعك ما بكفيه بوريه وحده بده :shisha: :shisha: :shisha: :shisha: :shisha: :shisha: :shisha:
مساء.................. الخير ............!!!!!......

Gazita

13/09/2006, 16:30

الله يرحم ايام زمان.////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
من يوم صدور اول نسخةتبع جريدة يوريكا وانا عم اتحشش////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

Nirvana

13/09/2006, 22:39

الله يرحم ايام زمان.////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
من يوم صدور اول نسخةتبع جريدة يوريكا وانا عم اتحشش////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

هيك بدي ياكي .. برافو .. حزيدلك الكمية ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

hanny dagher

14/09/2006, 11:42

هلأ هوي كان في فكرة اليوم بس الموقع كان مسكر وما فتح غير لوقت متاخر عندي
فصارت نسبة الحشيشة عندي كتيرة اليوم وخايف اسطلكن من هالفكرة التحشيشية اللي طلعت معي خايف عليكن انا لكن شو حلو والله بكرا مسطولين ويسالكن مين سطلكن تقلولن هاني ويروح يلاحقوني عاد ويعلقو مسطلتي
احلى الشي هلأ بكلمة مين سطلكن ذكرتوني بالعاب كنا نلعبا بايام الابتدائي
وحدة كان اسما مين ظلمك ما بعرف اذا سمعانين فيها واذا مو سمعانين فيها بيكون اريح
يعني هاي بيكون عم يلعبو خمسة او ستة حسب وبيشقو وراق صغيرة بيكتبو عليها بيي وامي وعمي وجدي وستي وخالي والعيلة يعني وورقة من هالوراق بيكتبو انا مظلوم وبيضبو هالوراق وبيفردوها على الطاولة وكل واحد بينقي ورقة وما بيقولا للتاني ما في غير اللي اخد ورقة انا مظلوم بيقول انا مظلوم بيجي الشعب ورا بيقلو مين ظلمك بيجي بيقلن حكامي :? لاء لاء يا رب
بيقلن جدي او بيي او عمي او شي حدي من العيلة خلينا نقول قال بيي فاللي معو الورقة المكتوب عليها بيي بيصير في عشر دود فين (معروف وين فين ما في داعي وضح )

فتصورو انتو بكرا ساءلينكن مين سطلكن تقلولن هاني ويروح ما يخلو دودة بالعالم ما يحطوها فيني بترضوها انتو

في لعبة تانية كنا نلعبا اسما جلاد حرامي هاي حلوة مشان البنات يا لطيف قديش متمنى العبا مع شي بنت باخوية
هاي اللعبة بيلعبوها اربعة وفي اربع ورقات وحدة مكتوب عليها مفتش ووحدة جلاد ووحدة حرامي ووحدة ملك هلأ كمان بيضبوهن وكل واحد بيسحب وحدة هلأ اللي بيطلعلو ورقة الملك بيقول انا الملك واللي بيطلعلو المفتش بيقول انا المفتش بيكون الملك قلو يا مفتش فتش عالحرامي (هيك شوف العياط بالصف وكل العالم عم تعيط يا مفتش فتش على الحرامي ومنفيق الانسة كنا :lol: )
المهم هادا المفتش شو بدو يساوي بدو ينقي واحد من هالشخصين انو هوي الحرامي اذا نقى الحرامي الصح فالملك بيقلو للجلاد انو ضروب الحرامي (مو بالعكس متل ما بيصير بالحياة العادية الرئيس بيقلو للحرامي (معروف مينو ) ضربو للجلاد(كمان معروف مينو ) ) عدد محدد من المساطر على ايدو بقوي (هون حلاوة البنات باللعبة اذا كانو هني الحرامية ههههه) اي والله وتسمع طرق المساطر على الايدين يرج المدرسة والشاطر اللي يقوي للتاني اكتر
هلا اذا المفتش ما سمى الحرامي الصح هوي اللي بياكل القتلة

اما ايام اي والله بس مع هيك اسعتني مصرّ انو لو طالع على الكراج بدال المدرسة احسنلي (لانو انا كنت الحرامي على طول وانا كنت اكل القتل هههههههه)

اي اي والله ما بزل عليكن بحرف هيك صار وحياتكن على الغوالي عم قلكن ولو شو عم نبيع فجل نحنا هون لك عم قلكن عنجد يللا خلص روح لعاب انتي ويا بعيد من هون

حياكون :D

Gazita

14/09/2006, 19:36

ذكرتيني بلعبة كنا بنلعبها انا واختي واختي وخييي.لعبة الملك والجنود .كان كل شخص فينا عندو صحن فيه شوكولا وبونبونات الخ.. الخ...وكان خيي دايما بياخد دور الملك.مشان يكون دايما معزوم عند جنودو ياكل اكلهم اللي بالصحن ويخبي اكلو:p هوي الملك اللي لازم يعزم الجنود او الجنود اللي يعزمو الملك:? اي دنيا:pos: الله يرحم ايام زمان////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
وتحششنا يا امبارح صرت بعيد ارجع////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
حياك خييي حياك دوز بخير////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

hanny dagher

15/09/2006, 11:57

هلأ في احدى السهرات مع الشباب طبعا كلكن هلأ صرت تعرفو كيف بتكون الاجواء بهيك سهرات يعني ما في داعي ارجع عيد انو الجو الضبابي والغيم اللي بالسقف ومطرة خفيفة وفشت فشت
فبينط واحد من هالشبيحة اللي ما عندن كبير وبيقول يا شباب بدي اسال سؤال مين بيحشش اكتر الشعب او الحكام والمسؤولين (بغض النظر عن المسؤولين والحكام يعني ان كانو حكام عرب او اعاجم او مسؤولين عن شركة طيران او مسؤولين عن الدكانة الصغيرة اللي كان يروح حنا يسكر عندا ويصور بنت الجيران او مسؤولين عن دكانة كبيرة لتوزيع البضاعة على الشعب )؟ وبيبلش كل واحد من الشباب يدلو بدلوو مع شوية حزر يعني بتعرف انتي هادا الحزر كيف بيكون وقت الواحد بيضعف صوتو وما بيكون عم يسترجي يرفع راسو بس عينو عم تفتل هون وهون خايفة من شي اخو شليتة يكون عم يسجل حكي ويروحو يطقلو برغي
فكان من ضمن النقاش اراء يعني طبعا شو بدو يكون في يعني كلمة نقاش لازم تفهم لحالك انو في اراء ومختلفة كمان مو بس اراء
فواحد تنين تلاتة او اكتر شوي قالو الشعب هني اللي بيحششو انو معقولة ولو شفت بحياتك حاكم بيحشش الحاكم عندو اجتماعات عندو طلعات فوتات صبحيات قهوات يعني مو معقولة يقعد يحشش كبيرة كتير بتصير
واربعة خمسة ستة يعني واكتر حبتين تلاتة (حبتين عدس لا يروح فكرك لشي حبة فاصوليا لاء يعني حبتين عدس بيفو بالمطلوب ) قالو انو الحكام هني المحششين اصلا هني ملوك التحشيش قبل ما يكونو ملوك الكراسي او ملوك البلد او ملوك الطوائف او ذكريات الزمن القادم او عصر الجنون

هلأ وفي محسوبكن طلع بفكرة تانية انو التنين محششين اكتر من بعض
يعني الحاكم يحشش مشان ينسى شو عم يعملو بهالشعب اي قليلة شو عم يعمل بهالشعب عم يفتحلو الطرقات ويعمرلو المدارس وعم يعطي مصاري كب يعني تصور لو مانو عم يحشش معقولة كان لهلأ اسعتو عم يقدر ينام او يطلع على التلفزيون ابتسامتو واصلة لصبيان ادني
والشعب كمان عم يحشش مشان ينسى شو عم يعمل الحاكم في يعني كمان معقولة بتلاقيها انتي بعد كل شي عم يعملو الحاكم في يروح هوي على شغلو ضحكتو معباي الدنيا وبيشتغل من تم ساكت واخر الشي بيعمل عرس لما بيقبض راتبو

فهلأ شو طلع معانا ؟
انو الحاكم بيحشش مشان ينسى والشعب بيحشش مشان ينسى

اي وشو يعني اي انا بعرف شو يعني يعني لف هالسيرة انتي ويا لانو اخوية الها ادان
متل ما لفينا نحنا والشباب لانو الحيطان الها ادان
وعلى سيرة الحيطان والادان اليوم سمعت نكتة حلوة

قال ليش الغواصين ما بيحكو مع بعضن تحت المي ؟ لانو الحيتان الها ادان خخخخخخخخ

بايخة بعرف بس مشان نسكر على السيرة الفوقانية قبل ما يسكرو علينا باب التحشيش

وووووو ........................

حياكون :D

Gazita

16/09/2006, 02:13

الله يرحمك هاني الهيئة اخدوك:adal:

بدي حشش بدالك على ما تيجي:cry:

انو قربت جامعتي و مدرستي.يوفقنا ويوفقكم الله. الجامعة وعندي اصدقائي وزملائي فيها .بس المدرسة اللي يعين هي اول سنة .من هلء برسم شكل الاساتذة والزملاء.هل الشباب والصبايا راح يكونو ملتزمين بالدراسة لانهم دافعين من جيوبهم .او راح يكون شغب امتال الجامعة و التانوية وخصوصا التانوية.الله على الايام عدو بينا اوام واحنا مش حاسين:pos: الله يرحمك يا ايهاب توفيق ونفرح بعرسك:cry: ما علينا .انا هلء بسال نفسي اذا راح ادرس مع شلة دمها خفيف او تقيل.لانو اذا دمها تقيل هالشي راح يأتر على دراستي.واذا دمها خفيف بردو راح يأتر على دراستي:? يا سيدي المهم اتعود على الجو بسرعة////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////بس انتو ادعولي وافتكروني على قولة مصطفى قمر:cry:

اشوفكم على خير لسا ما كملت تحشيشي عندي عجقة8)

حشيشك يا نيرفانا نفذ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
دوزو بخير////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

(((الجنرال أبوجعفرالورد)))

16/09/2006, 02:53

معلم الشحاطة البلاستيك أفضل من الطبية ... مشان ما تزحلق على وج المسبح

أهلين حشيش والله ................

Syrian__Angel

17/09/2006, 07:45

لك هاني يا ريتك مخبرني من زمان مشان لعبة الجلاد حرامي ... يا لطييييييييف شو بحب اقتل انا :lol: ... كان دايما يطلعلي الجلاد " بسلخ من قلب ورب " او الملك " بطالب باشد العقوبات " :clap:

يعطيك العافية ابو الهن عالموضوع ... وبركي بس نستمخ شي نهار بنّزللنا تحشيشة صغيرة :p

hanny dagher

17/09/2006, 08:53

لك هاني يا ريتك مخبرني من زمان مشان لعبة الجلاد حرامي ... يا لطييييييييف شو بحب اقتل انا :lol: ... كان دايما يطلعلي الجلاد " بسلخ من قلب ورب " او الملك " بطالب باشد العقوبات " :clap:

يعطيك العافية ابو الهن عالموضوع ... وبركي بس نستمخ شي نهار بنّزللنا تحشيشة صغيرة :p

يللا ناطرينك دمدوم :D

وينك يا نيرفانا :cry:

حشيشتي خلصت معد عم يطلع معي شي :pos:

krakish

17/09/2006, 10:10

هههه

متفاءلين فيو اهلو

ههههههه

hanny dagher

20/09/2006, 03:57

الموضوع يسلم لنيرفانا والسيريان انجل فقط زعيمات التحشيش :D

خلي بالكن من العيال يا بتعات :p

Nirvana

20/09/2006, 09:14

الموضوع يسلم لنيرفانا والسيريان انجل فقط زعيمات التحشيش :D

خلي بالكن من العيال يا بتعات :p

بعد انت وياه .. سمعتو شو حكا .. :jakoush:

تفضل أبو حشيشة .. ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

شكرا هاني وهاي استلمنا الراية .. 8)

تابعونا تجدوا ما يحبط الاساس تبعكم .. بس صبروا علي شوي ها ..

وهاي أبو حشيشة الكم .. سمعت انو الكمية عندكم خلصت .. وهاد الموضوع ما بيمشي بدون (حبيب القلب أبو حشيشة ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

Nirvana

20/09/2006, 16:33

يا هاني رتبتلنا القعدة ورحت .. كنت ضل .. منفش خلقنا لبعض ..
خلاقنا ضيقة هالايام .. ما حدا طايق حالو واذا هو طايق حالو ايه بتكون حالو مو طايقتو .. ههههه ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

شو قصة هالعالم ..
يعني انا بكون صاحية بهداك النهار رايقة وفايقة وعين الحسود فيها عود .. ما بلاقي حالي غير فجأة بوزمت وهديت ويا ويلو اللي قدامي .. ومن غير سبب ..
انا بقول انو الواحد بكون مضغوط وفجاة بتكبس عليه الكشرة .. :frown:

هلأ بدنا نحدد اسباب الضغط لنقدر نعالج هالشي...
اتضحلي انو اهم اسباب الضغط هني الناس اللي حواليك وأهمهم أهلك .. انو شو بصير اذا حلو عنك شوي .. بينقص من قيمتهم شي .. يعني الاهل بربو وبيتعبو وأفضالهم مغرقيتنا .. بس يا عمي خلص .. مو قادرين نتنفس من أفضالكم ..
ما رح نقدر نعيش بطريقتهم بأسلوبهم ... يعني بالوقت اللي كانو هني بعمرنا كانو يلعبو بالحارة بلعب شرايط وجبصين (هاي للبنات) وعربيات سلاك وطابات برضو شرايط (هاي للصبيان).. صرنا نلعب هلأ نتورك جيمز ، وأون لاين جيمز مع ولاد الحارة اللي بالطرف التاني من العالم..
يا خيي ما عم يعرفو يلتقو معنا بنص الطريق .. لك صرنا لافين مرتين حوالي الملعب وما كانو يوصلو ..
حتى الحفرة تبعة الأجيال هاي .. ما عرفو يعبوها ..

قول هالحفرة عمرها ما بتتعبى لا هاي تبعة الأجيال ولا تبعة الحضارة ولا تبعة الثقافة .. كلها حفر ويا نيالو اللي معاه سيارة ..

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////وحششنا يا بو حشيشة حششنا ..

Syrian__Angel

20/09/2006, 16:48

ايييييييييييييييييه والله حطيتي ايدك عالجرح :cry:

لا نحنا عم نفهم عليهم شو بدهم بالضبط !! ولا هنن كانو يفهمو علينااا ....
وعيشي وتكيّفي مع هالحالة اذا فيكي تعيشي !

ذكرتيني بوقت اتخانق مع اهلي وتفقع معي .. بقلهم اي احمدو ربكن انو عايشة معكن :p
ع اساس هنن متمسكين فيني كتير وما بدهم يخلصو مني:lol:

شكرا نيرفانا، تحشيشة ظريفة كتير :D
ووو ابو الهن الغالي ... لك انو صحي ما سمعت آخر خبرية ؟؟؟

قال انا بطلت تحشيش :lol: :lol:

لاء عم امزح ... بس بهالوقت ما عم افضى بالجامعة لحتى افتح اخوية الا " سرقة " ... بئا انشالله شي نهااااااااار لازم لازم طجّلي شغلة ... اي رح يطق قلبي يوووه على قد ما عم اسكت !!:jakoush:

abosleman

20/09/2006, 17:06

على البحر يا كروم :(

TheLight

20/09/2006, 17:27

طيب بما انو السيد هاني نكوش ع الموضوع وحمل حالو وراح وما حددلنا مين خليفتو بهالموضوع التحشيشي فانا سمحت لحالي اكتب شوي لبين ما يجي (بعدي اسمو) من رحلتو مع حبيبتو وشغلو وكتبو
انو انا صحيح ما بحشش بالعادة لانو الحشيشة غالية وانا طالب ع قدي والحالة ضيقة شوي (وصار لازم ورثها لابن عمي الاصغر مني لأنو ما عاد اجت علي).....بس انو بهالكم يم صار لازم حشش لأنو اذا ما حششت بدكون تشوفوني بعد كم يوم سارح بالبراري ونازل حش مع الدواب والبهائم (حشا السامعين)
أنو يا جماعة...سمعانين بشغلة اسمها تحت الاشراف؟؟؟ولاحظو انو كلمة (تحت) لازم تكون مدحوشة وين ما كان منشان نضل نحس حالنا اننا تحت وفي شي فوقنا....
انوهي يا جماعة شغلة (تحت الاشراف) شغلة بسيطة نظريا وفينا نعتبرها من المنجزات الطلابية برعاية الاتحاد الوطني لطلبة سوريا (وسيريتل ونستله)...و بمقتضى هالمنجز بيحق للطالب الملعون جدو ويللي عم يدرس برا انو يبعت مصدقة جامعية من جامعتو تثبت انو طالب وهالمصدقة بتمرق ع السفارة السورية العتيدة بالبلد يللي عم يدرس فيه (طبعا بعد سكاتعش محاولة فاشلة للاتصال بالسفارة لانو الشباب بيكونوا عم يضربوا متة وفستق وعم ينقو بقدونس وكل مرة بيطلع المجيب الالي) وبعد ما تنختم من الفسم الثقافي بالسفارة بتبعت ع وزارة التعليم العالي بالقطر العربي الحبيب سوريا وبعدين بينحط الطالب تحت الاشراف.....
هلق لهون اكيد معظمكون ما فهم ليش بينحط الطالب تحت الاشراف....لانو نحن عنا اختراع اسمو خدمة الزامية او خدمة علة او خدم جيش...وع هالسيرة تذكرت شغلة....
قال هاد يا جماعة وقت الواحد بيصير عمرو مناسب لينشحط الى الجيش ليصير من القوات الباسلة...بيبعتولو ورقة اسمها (مذكرة تبليغ الى السوق) والسوق بفتح السين...وهي مشتقة من الفعل (ساق_يسوق) وحسب مختار الصحاح تبع ضيعتنا وسائر الضيع السورية فان السوق هو المقصود فية سياقة القطيع من المنزل للمرعى والعكس بالعكس....طبعا وفهمكن كفاية.....
هلق منشان ما (ننساق) الى الجيش او منشان ما ننعفط بالمطار بس نرجع ع البلد ومنشان ما ننشحن بسيارة الجيب لفرع المخابرات....ومنشان ما نعذب الشبيحة بصفق الكفوف منشان يخلونا نعترف ليش هربنا من الجيش....ومنشان ما نشغل قلب الماما نتوفة علينا....ومنشان ما نخلي معارف البابا يتصلو بالمعارف تبعوت المعارف تبع مدير فرع فلسطين...ومنشان ما ينخطف لون اختي يللي ع وش جواز....ومنشان ومنشان ومنشان....بنقوم بنحط حالنا تحت الاشراف وبناخد ورقة من وزارة التعليم العالي وبنعتها ع شعبة التجنيد....
هلق كل هالكلام مانو مهم....المهم انو كيف بدك تحط حالك تحت الاشراف يا حباب....
رحنا بعتنا مصدقة من الجامعة موثقة وموقعة من السفارة السورية....وخلينا البابا يللي صار عمرو بالستينات يروح ع الوزارة....منشان يدحشني تحت الاشراف....راح البابا....قالولو بدنا عشرين ورقة...من بيناتهم ورقة لاحكم عليه...هلق ولرقة لاحكم عليه بدها الهوية الشخصية والهوية الشخصية معي هون....بس ما بيقبلو الا الهوية الشخصية الجديدة....وانا ما معي الهوية الجديدة لانو سافرت برات البلد قبل ما تكون الهوية الشخصية الجديدة جاهزة....طيب هلق صارت جاهزة..اي بس ما فيه حدا يستلملي ياها لانو لازم ابصم وسلم الهوية القديمة....اي شو المعنى؟؟؟المعنى انو والله يا حباب بدك تنزل ع سوريا منشان تبصم وتاخد الهوية الجديدة...اي بس يا معلم انا بفرنسا والنزلة صعبة....اي يا زلمة انت عايش بفرنسا والله اعلم قديش عم تقبض باليورو يعني شو بتكلفك النزلة ع سوريا منشان تستلم الهوية الجديدة ومنو بتشوف البابا والماما...بس يا معلم ما فيني انزل قبل ما حط حالي تحت الاشراف منشان ما يعفطوني بالمطار لانو اذا نزلت بيعفطوني.....ااااااااااه اذا هيك والله بدك تدبر راسك.....

وفهمكم كفاية....بدها بورية حشيش ولا لاء؟؟؟

handsome

20/09/2006, 17:35

the light , bs ser balbet b7kelk 2sty , obdon ma 2nb7t

TheLight

20/09/2006, 17:37

ناطرك خيي وسيم
بعدين بهالموضوع يحلو الانبحات
ولا شو رأيك؟

layla

20/09/2006, 18:03

وفهمكم كفاية....بدها بورية حشيش ولا لاء؟؟؟

:cry: :cry: mbla bdha kteeeeer

Nirvana

20/09/2006, 19:23

طيب بما انو السيد هاني نكوش ع الموضوع وحمل حالو وراح وما حددلنا مين خليفتو بهالموضوع التحشيشي

عمو ذي لايت .. اذا انا مو معبية عينك ها .. خبرني .. بس لاعرف مو منشان شي ..

لانو عمو هاني سلم الراية لالي ولسيريان انجل .. كما سبق وورد أعلاه (هاي حلوة ما تقلي ..)

أما من جهة تانية .. فأهلين وسهلين بالرجعة القوية .. يا هيك الخبريات يا بلا .. وهاي تحشيشة من أبو حشيشة ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

Nirvana

20/09/2006, 19:44

ما بخفيكم أنو ساعة السرحة بتسوى عمر ..
أكتر شي بصير معي .. انو انا بحب لت واعجن كتير ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// هلا مو كلو بلا طعمة ..لا كلو بطعم ولذيذ ورايق .
بس شو بصير معي ..
بتكون جايتني السرحة وطلعت بشي فكرة غير شكل .. بس احداثيات السرحة ما بتكون زابطة ..
قولولي ليش؟ ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

أنا بقلكم .. ما بتيجي هالسرحة الا وانا بشتغل أو بالطريق لمحل أو بمكان لا في كمبيوتر ولا قلم وورقة .. ومحسوبتكم الذاكرة عندها 1mb بس :shock: .. يعني رح اضطر شيل فايلات مشان حط محلها .. ويا عمي كلو مهم ..

بحاول عيد وزيد بهالفكرة وعيد وزيد وعيد وزيد .. وبسابق الوقت والسيلات العصبية تبعة مخي وبعمل حصار على الفكرة////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// .. وما بوصل للكمبيوتر أو للورقة بتكون الفكرة فقدت ملامحاها .. ووييييييييييييي طارت .. ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

ومية مليون ابو حشيشة////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// ما كان يرجعها..

Gazita

20/09/2006, 20:30

الموضوع يسلم لنيرفانا والسيريان انجل فقط زعيمات التحشيش :D

خلي بالكن من العيال يا بتعات :p
وانا كمان كان بدي حشش هون:cry:
بلاها بطلت حشيش
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

TheLight

20/09/2006, 20:34

عمو ذي لايت .. اذا انا مو معبية عينك ها .. خبرني .. بس لاعرف مو منشان شي ..

لانو عمو هاني سلم الراية لالي ولسيريان انجل .. كما سبق وورد أعلاه (هاي حلوة ما تقلي ..)

أما من جهة تانية .. فأهلين وسهلين بالرجعة القوية .. يا هيك الخبريات يا بلا .. وهاي تحشيشة من أبو حشيشة ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

منشان الله بدك ما تواخذيني ما بعرف كيف ما انتبهت ع رد السيد هاني وهو عم يسلمكون الخلافة

ومدام هيك الموضوع انا بسحب موضوعي من هون بس للاسف مروا عشر دقايق وما عاد فيني احذف الرد

بس مو مشكلة راح نعتبرو سقط سهوا

وننتظر مواضيعك التحشيشية انتي وسيريان انجيل

Nirvana

20/09/2006, 21:26

وانا كمان كان بدي حشش هون
بلاها بطلت حشيش

منشان الله بدك ما تواخذيني ما بعرف كيف ما انتبهت ع رد السيد هاني وهو عم يسلمكون الخلافة

ومدام هيك الموضوع انا بسحب موضوعي من هون بس للاسف مروا عشر دقايق وما عاد فيني احذف الرد

بس مو مشكلة راح نعتبرو سقط سهوا

وننتظر مواضيعك التحشيشية انتي وسيريان انجيل

شو يا جماعة .. ما بتلقو كلمة .. لا هو موضوعي ولاشي ..

شو هالحساسية هاي.. بعلمي انا حساسة كتير .. بس انتو طبشتو الميزان ..

طولولي بالكم شوي .. واذا اتضايقتو .. اعتذاراتي ..

انا ما قصدت غير مزح وتعقيب على كلامك ذي لايت .. وانت جازيتا .. ما فهمتو من كلامي غير هالشي ..

COSTA

20/09/2006, 21:31

بدي حشيشة

مشان روق على الاخر

وروح فيها شي مؤبد

Nirvana

20/09/2006, 21:34

بدي حشيشة

مشان روق على الاخر

وروح فيها شي مؤبد

شو بدك بالمؤبد ركزلي بالحشيشة شوي ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

COSTA

20/09/2006, 21:41

شو بدك بالمؤبد ركزلي بالحشيشة شوي ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

لك المؤبد يللي بقصدو انو الجواز
وغير هيك ما بتزبط معي

Nirvana

20/09/2006, 21:44

لك المؤبد يللي بقصدو انو الجواز
وغير هيك ما بتزبط معي

اذا هيك .. أوك .. يالا خلينا نفرح فيك .. وروح على طق الحنك بالسقيفة حسن ما ننزع موضوع هاني باللت والعجن .. لانو مو ناقصة خلافات مع العالم ..

hanny dagher

21/09/2006, 09:50

كيف الشباب ما اشتقتولي
لقيت معي فضى شي شوي قلت بخطف رجلي ابو شي خمس دقايق وبعدين بحكي معاكن بطلب فدية عنها

المهم هلأ من قراءتي للتعليقات فقد وجدت انا الموقع ادناه المضروب على قامتو ومو عرفان راسو من اجري انو في بعضكن انمعض (خلو انمعض بقواميسكن بتفيدكن بمواضيع التعبير ) او بمعني تاني انو حس انو انا سلمت الموضوع لنيرفانا وسيريان انجل ومعد بدو يكتب الفكرة انو تتسلم الموضوع لتنين بس (على اعتبار نيرفانا وسيريان انجل اخوات رجال لهيك عم نخاطبن بصيغة المذكر السالم ) مشان العالم ما تشت وتطلع شروي غروي هادا كلمة من هون يرد علي التاني كلمة من هنيك وهات يبا تعى قيمني وينفتح الموضوع للدردشة وطق الحنك فلهيك طلبت هالطلب انما هوي في الحقيقة وحقيقة وفي الواقع وواقعا انو الموضوع مفتوح وكل واحد عندو فكرة تحشيشية يحشحشها هون ومنبقى نحنا منحشا ومنحشحش وراها وبيصير الموضوع كلو حشحشة بحشاحيش ومن حشحش علينا يحشحشنا

وحشحشكن الله وجعلكن من كبار المحشحشين
يتبع مع فكرة محشحشة من جماعة ابو حشيشة المحشحش زعيم شلة الحشاحشين الحشيشية

وحياكون :D

Nirvana

21/09/2006, 10:06

طيرولي الحشيشة كلها ..

hanny dagher

21/09/2006, 10:52

يا اخي احلى الشي بالدنيا الموسيقى ما تقلولي
يعني هلأ انا قاعد عم اسمع على موسيقى بس ما حدا يسالني شو هيي لانو ما بعرف بعرف انو في موسيقى عم تعبي راسي يمكن لهادا اللي اسمو ياني او هيك شي ولا تسالوني من وين جبتا لانو انا رح قلكن لحالي هادا حاطط سيدي عم نزل منو البرنامج فلقيت هالموسيقى في وما الي قلب شيلا شي رائع خلصت للاسف
يعني لما بسمع هيك موسيقى عظيمة لموسيقي عظيم متل ياني برجع بتزكر من كلمة عظيم اللي طلعت ببالي وقت اللي نجحت وحدة من ضيعتنا بالبكالوريا بمجموع 260 (ما حدا يسطل اي جمعت 260 ) واخدوها كرموها بحمص فكنت انا من بين اللي حضرو هالتكريم فبيطلع واحد من الاساتزة بيقول انو انشالله بتكملي دراستك وبتنضمي لمجموعة العظماء القلال اللي مرو على البشرية طبعا انا هالجملة ما بنساها لانو كان عندي اعتراض عليها ويعني فتحناها سيرة مرة انا والشباب والصبايا انو خيو ليش عظماء قلال يعني
او مين قصدو بالعظماء لحتى حددن انن قلال او كتار
يعني قصدو انو اللي اخترع الطيارة عظيم اللي اخترع الهاتف عظيم اللي اخترع المصباح الكهربائي عظيم واللي واللي واللي يعني هادا هوي قصدو بالعظماء

ليش خيي بس هدول العظماء يعني مثلا مثلا هاللي صنع الصوفاي اللي عم نقعد عليها مو عظيم
يعني مثلا مثلا اللي صنع المحارم مو عظيم اللي عم يعزف موسيقى متل موسيقى ياني مو انسان عظيم اللي عم يرسم لوحة متل دافنشي مو انسان عظيم

انا برايي انو هدول من العظماء كمان مو بس هدول كل اللي قدم شي غير حياة الانسان من اول ما خلق لهلأ ولو بمقدار وقية او نص وقية هوي انسان عظيم
وبضفلن كمان كل طالب عم يدرس بشكل عام وبسوريا بشكل خاص هادا كمان انسان عظيم(أي شو خيو قليل انتي على مدار 12 سنة ما خليت كتاب ما صار براسك تعى فتاح راسك هلأ بتلاقي خالد بن الوليد عم يتقاتل هوي وعمر بن ابي ربيعة بمعركة الصواري وهالعالم عم يحشو قات باليمن او بن بالبرازيل )

فهيك شو اللي خلاني اكتب ما بعرف وشو الو علاقة بالتحشيش ما بعرف صحي كلامو مدوزن وهيك بس انو شغلة تزكرتا وخطرت على بالي وحبيت حطها عجبتكن كان به ما عجبتكن كمان كان به

وحياكون :D

Nirvana

21/09/2006, 11:01

بدي قلكم قصة واحد سمولنا ياه بابا .. هو مو الوالد تبعي بس فيكم تقولو هو البابا تبع جماعتي كلهم ..

ايه بابانا هاد يا زملائي بالتحشيش معو توكيل مباشر من الله :shock: ايه متل ما عم قلكم .. هيك وشيك على بياض كمان بس مو من الله الشيك هاد .. من جيرانو لـ الله أو اللي معتبرين حالهم محل الله..
طبعا كل 20 سنة تقريباً (لحتى يموت الواحد فيهم .. طبعا لو صحلو يخلد ما بقصر) بينتقل هالتوكيل من بابا لبابا .. يعني مو حصرا لواحد بس يشتغل باللي خلقنا .. لا هاي أمور مرحلية ..
وهالبابا وكل بابا .. كل مرة بيطلعو بتحشيشة غير شكل ...

أحد التحشيشات المحفورة في ضمير هالكنيسة ورأسها البابا السابق .. قال شو برأ اليهود من دم المسيح .. بحب خبركن انو اذا كذبت أو سرقت كأنسان عادي بدك شي مليون واسطة من الكنيسة لـ الله مشان يغفر لك بس تقتل ابن الله (عأساس) نفسو هاي شيء يمكن ينغفر ببساطة .:shock:

وحدة من التحشيشات الأخيرة .. في وقت لا يحتمل ولا تحشيشة بغير مكانها بقوم أخونا .. آسفة قصدي بابانا .. بيفقعنا محاضرة عن الاسلام .. يمكن كمان ماخد توكيل عن المسلمين .. ايه وبيرمي هيك كم كلمة نكش محششات على الآخر .. بقوم كل العالم بتسمعا .. وطبعا كشخص ماخد توكيل من عند الله .. العالم كلها بدها تصدقو .. ايه وحتى المسلمين نفسهم .. أخدو كلامو محمل الجد وعملولو حساب .. وصار بدها اعتذارات ورد اعتبار .. :?

ايه شو هالبابا هاد .. محشش ومكتر كمان .. ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

ايه منجي لرأيي المحشش أكتر من حشيشة البابا ..
ايه البابا عميل لأميركا واسرائيل تحديداً والكنيسة تبعو كلها هي عبارة عن بنك مركزي ..
قال شخصية معنوية قال .. ما بيطلعلو نص شخصية .. ومن ارضو ما بشيلو ..

طبعا هاد رأيي واللي بدو يتضايق منو ما يقرأو .. ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

Nirvana

21/09/2006, 11:04

ليش خيي بس هدول العظماء يعني مثلا مثلا هاللي صنع الصوفاي اللي عم نقعد عليها مو عظيم
يعني مثلا مثلا اللي صنع المحارم مو عظيم اللي عم يعزف موسيقى متل موسيقى ياني مو انسان عظيم اللي عم يرسم لوحة متل دافنشي مو انسان عظيم

خطر عبالي قلك ..وهاي كلمة بقولها دايماً .. اللي اخترع الارجيلة عظيم وحشاش كمان ..

hanny dagher

21/09/2006, 11:14

بدي قلكم قصة واحد سمولنا ياه بابا .. هو مو الوالد تبعي بس فيكم تقولو هو البابا تبع جماعتي كلهم ..

ايه بابانا هاد يا زملائي بالتحشيش معو توكيل مباشر من الله :shock: ايه متل ما عم قلكم .. هيك وشيك على بياض كمان بس مو من الله الشيك هاد .. من جيرانو لـ الله أو اللي معتبرين حالهم محل الله..
طبعا كل 20 سنة تقريباً (لحتى يموت الواحد فيهم .. طبعا لو صحلو يخلد ما بقصر) بينتقل هالتوكيل من بابا لبابا .. يعني مو حصرا لواحد بس يشتغل باللي خلقنا .. لا هاي أمور مرحلية ..
وهالبابا وكل بابا .. كل مرة بيطلعو بتحشيشة غير شكل ...

أحد التحشيشات المحفورة في ضمير هالكنيسة ورأسها البابا السابق .. قال شو برأ اليهود من دم المسيح .. بحب خبركن انو اذا كذبت أو سرقت كأنسان عادي بدك شي مليون واسطة من الكنيسة لـ الله مشان يغفر لك بس تقتل ابن الله (عأساس) نفسو هاي شيء يمكن ينغفر ببساطة .:shock:

وحدة من التحشيشات الأخيرة .. في وقت لا يحتمل ولا تحشيشة بغير مكانها بقوم أخونا .. آسفة قصدي بابانا .. بيفقعنا محاضرة عن الاسلام .. يمكن كمان ماخد توكيل عن المسلمين .. ايه وبيرمي هيك كم كلمة نكش محششات على الآخر .. بقوم كل العالم بتسمعا .. وطبعا كشخص ماخد توكيل من عند الله .. العالم كلها بدها تصدقو .. ايه وحتى المسلمين نفسهم .. أخدو كلامو محمل الجد وعملولو حساب .. وصار بدها اعتذارات ورد اعتبار .. :?

ايه شو هالبابا هاد .. محشش ومكتر كمان .. ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

ايه منجي لرأيي المحشش أكتر من حشيشة البابا ..
ايه البابا عميل لأميركا واسرائيل تحديداً والكنيسة تبعو كلها هي عبارة عن بنك مركزي ..
قال شخصية معنوية قال .. ما بيطلعلو نص شخصية .. ومن ارضو ما بشيلو ..

طبعا هاد رأيي واللي بدو يتضايق منو ما يقرأو .. ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

:? :? :? :? :shock: :shock: :shock: :shock: :jakoush: :jakoush: :jakoush: :jakoush: :jakoush: :pos: :pos: :pos: :pos:

اعتمادا على الجملة الاخيرة ولاني بحترم حرية الراي الاخر
فلا تعليق على الموضوع بس انشالله ما بيصير اللي ببالي

مية وردة نيرفانا :D

hanny dagher

21/09/2006, 11:18

خطر عبالي قلك ..وهاي كلمة بقولها دايماً .. اللي اخترع الارجيلة عظيم وحشاش كمان ..

اي هوي اعظم عظيم بالدنيا حزري ليش

لانو لولا ما هوي اخترع الارجيلة ما كانت هالعالم العظماء حششت وطالعتلنا ابداعاتا العظيمة

ليش شفتي بحياتك مبدع ما بيكون هيك مكتوب على خلقتو محشش ومسطل

طلعي بخلقتو بتلاقي متل هادا :? وبس تجي شي فكرة تحشيشية لاختراع جديد بيكون صار وجهو متل هادا :shock:

Nirvana

21/09/2006, 11:45

طلعي بخلقتو بتلاقي متل هادا :? وبس تجي شي فكرة تحشيشية لاختراع جديد بيكون صار وجهو متل هادا :shock:

ايه هاي تحشيشة عظيمة منك ..

Nirvana

21/09/2006, 11:48

بدي قلكم قصة واحد سمولنا ياه بابا .. هو مو الوالد تبعي بس فيكم تقولو هو البابا تبع جماعتي كلهم ..

ايه بابانا هاد يا زملائي بالتحشيش معو توكيل مباشر من الله :shock: ايه متل ما عم قلكم .. هيك وشيك على بياض كمان بس مو من الله الشيك هاد .. من جيرانو لـ الله أو اللي معتبرين حالهم محل الله..
طبعا كل 20 سنة تقريباً (لحتى يموت الواحد فيهم .. طبعا لو صحلو يخلد ما بقصر) بينتقل هالتوكيل من بابا لبابا .. يعني مو حصرا لواحد بس يشتغل باللي خلقنا .. لا هاي أمور مرحلية ..
وهالبابا وكل بابا .. كل مرة بيطلعو بتحشيشة غير شكل ...

أحد التحشيشات المحفورة في ضمير هالكنيسة ورأسها البابا السابق .. قال شو برأ اليهود من دم المسيح .. بحب خبركن انو اذا كذبت أو سرقت كأنسان عادي بدك شي مليون واسطة من الكنيسة لـ الله مشان يغفر لك بس تقتل ابن الله (عأساس) نفسو هاي شيء يمكن ينغفر ببساطة .:shock:

وحدة من التحشيشات الأخيرة .. في وقت لا يحتمل ولا تحشيشة بغير مكانها بقوم أخونا .. آسفة قصدي بابانا .. بيفقعنا محاضرة عن الاسلام .. يمكن كمان ماخد توكيل عن المسلمين .. ايه وبيرمي هيك كم كلمة نكش محششات على الآخر .. بقوم كل العالم بتسمعا .. وطبعا كشخص ماخد توكيل من عند الله .. العالم كلها بدها تصدقو .. ايه وحتى المسلمين نفسهم .. أخدو كلامو محمل الجد وعملولو حساب .. وصار بدها اعتذارات ورد اعتبار .. :?

ايه شو هالبابا هاد .. محشش ومكتر كمان .. ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

ايه منجي لرأيي المحشش أكتر من حشيشة البابا ..
ايه البابا عميل لأميركا واسرائيل تحديداً والكنيسة تبعو كلها هي عبارة عن بنك مركزي ..
قال شخصية معنوية قال .. ما بيطلعلو نص شخصية .. ومن ارضو ما بشيلو ..

طبعا هاد رأيي واللي بدو يتضايق منو ما يقرأو .. ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

ونسيت قول كيف انو نحنا باعتبار انو بمثلنا بنقعد تصفقلو على تصريحاتو المثيرة للجدل شو ما حكا وكيف ما حكا وشو ما كان سبب اللي حكيي ,, وخصوصا رجال الدين ..

ايه هيك بكون فشيت خلقي من الموضوع .. افتتتتتتت ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

Nirvana

21/09/2006, 11:54

هلا اذا طلعت فتاوي فيها .. وفتح باب ما بيتسكر .. بتكون التحشيشة ادت دورها ..
بس بعتذر منك يا هاني مسبقاً على جدلية الموضوع والرأي تبعي..

hanny dagher

21/09/2006, 11:56

هلا اذا طلعت فتاوي فيها .. وفتح باب ما بيتسكر .. بتكون التحشيشة ادت دورها ..
بس بعتذر منك يا هاني مسبقاً على جدلية الموضوع والرأي تبعي..

ولا يهمك :D مع اني ما كنت حابب ينفتح نقاش هون بس يللا مو مشكلة

Nirvana

21/09/2006, 11:59

ولا يهمك :D مع اني ما كنت حابب ينفتح نقاش هون بس يللا مو مشكلة

تسلم ما بتقصر :D

وعكل حال اللي بدو يناقش الموضوع أعلاه يفتح موضوع بالسقيفة برد عليه هناك لانو هون ما رح رد ..