ولك من زمااااااااااااااااااااااا ااااااااااااااااااااااااا اااااااااااااااااان خرمان على شي تحشيشة، مع إنو حياتي كلها حشيش بحشيش، و حشش حشش يا روحي حشش حشيش، و إن حشت روحك يا روحي روحي بتحش، و دقي يا مزييييييييييييييييييييييي ييييييييكا.:7asheesh:

انا ما قصدت غير مزح وتعقيب على كلامك ذي لايت .. وانت جازيتا .. ما فهمتو من كلامي غير هالشي ..
ولايهمك نيرفانا انا ما اقتبست كلامك.وما علقت عليه .وبحييكي على تحشيشاتك:mimo:

يا عيني على هالموضوع:yahoo: :yahoo: :yahoo:
حشيشة ودني يا سلام

من لا يخطئ فليرجمني

هالقول شي عظيم بصراحة يعني هوي مو مبرر لحتى نحنا نعمل السبعة وذمتها وبعدين نبرر لحالنا فيه
لاء
بس فيه شغلات بيضلو يقولولك لاء وأوعى وما بقى هالحركات بتنفع وبعد هالعمر لعمى حسيت انو عمري شي 225 سنة
ولك خيو شو اللي ما بينفع آآ
أضرب انا بدي شي كيلو حشيشة ليظبط مخي شوي

يا جماعة باعتبار الغالي زا لايت سمحلي اني انبحت هون .. والعم هاني كمان ما عندو اي مانع اذا الاجانب كتبو هون . فرح حاول احكي هالقصة المتشعبة قليلا ..

هادا يا اخواتي متل ما سبق وزكر اعلاه ( بصفحات سابقة يعني ) الاخ العظيم زا لايت .. عن شي اسمو الوضع تحت الاشراف .. هو الطالب بيضل ضايع كل عمرو بس وقت بيحط حالو تحت اشراف وزارة التعليم العالي ممثلة بالسفارة السورية بالبلد الي عما يدرس فيا بيصير الاطالب يحس حالو مرتاح لانو الدولة مهتمة فيه وعما تاشرف عليه من فوق كتير لانو طبعا هادا الطالب بيضل طالب سوري وعقولت زا لايت لازم نضل تحت وهني بياشرفو علينا من فوق ..
انو وقت بشوف شي حدي من المغتربين الكبار . يعني وقت كان شب كان تحت الاشراف وهلق خلص دراسة ..بيضل ينق عليه ساعة ونص من ساعة حكي بيناتنا انو لازم حط حالي تحت الاشراف .. وانو يابا بس الواحد يصير تحت الاشراف بيصير تحويل العملة ارخص مشان يساعدو هدول الطلاب الي عما ياشرفو عليون .. بس انو هادا الحكي هلق ما بعرف منين جايبينو .. بيجوز ايام زمان كان هيك .. بس انا بعرف هلق او هاي المعرفة من شي سنة سنة وشوي انو كلشي عملة اجنبية غير سورية بتكون ممنوعة ... وهادا الشي كان ايام زمان يعطيون تصريح مشان يقدرو يصرفو عملة صعبة .. وبسعر رخيص كمان .. بس انو هلق انا اذا رح حط حالي تحت الاشراف لسبب واحد ووحيد .. انو ققدر اجل عسكريتي .. الي هي بدال ما تكون خدمة العلم .. هي اساتا خدمة .. بس للضباط الي بيحطو رجلون فوق راسون .. مشان يعودون على اصعب الظروف وقت لا سمح الله صار في حرب ووقع هالجندي الفقير تحت ايدين اخوات الشلكة الاسرائيلين .. يكون متعود عالتعزيب وعالشعور بالزل الي كان كل يوم يدوقو من معلمو .. مع اني متاكد شي 153 يالمية انو حيالله مجند عنا بيكون اكل قتل وزل اكتر من اكتر معتقل اكل ضرب بالسجون الاسرائيلية .. بس بيضل انو ضرب الحبيب زبيب .. وهني هدول المعلمين بدون بس مصلحتنا .. ووقت بيضربو هوي عما يعودو على ارض المعركة .. ووقت بياخد مصاري مشان يبعتو عالبيت يوم الخميس مع انو ابو وامو للمجند ما عندون مصاري يشترو ربطة خبز .. بس هوي ما قصدو ينصب مصاري من الولد .. هو بس بدو يأرجي انو ليس من الخبز وحده يحيا الانسان ... ويارجي كيف اهلو بس ياكلو الحجر بيقدرو يعيشو ... يا جماعة صدقوني كل الشعب السوري قديسين وملايكة كيف فينون العالم يعيشو بهيك ظروف ما بعرف .. بس انا بعتقد انو في نسبة كبيري من الشعب بعد كام سنة بتصير تجيب ولاد لا بياكلو ولا بيشربو .. يعني بيصير عندون مورثات مدري كيف بتكون بس بحيث انو بيصيرو يتاقلمو عالوضع تبع البلد وبيصيرو مع ياكلو ولا يشربو .. لانو المصاري تبعوت الاكل والشرب حرام تضيع عالاضي ببطن المواطن مشان يخراها باليوم البعدو .. الحل الانسب انو تروح عجيوب المعلمين وهني عندون حسابات بكل محل والمصاري هنيك اكيد ما بتروح ولا يحدي فيني ياخد نكله منا .. مشان هيك نحن بالوقت الحالي لازم نقتنع انو الشي الي عما يساوو الضباط بالجيش ومن خلفون المعلمين .. هادا كلو من مصلحة البشرية لانو هني عما يحاولو يعملو سلالة جديد للبشر ...

اي وبعد طول حديث عن المغزى تبع الوضع تحت الاشراف .. هادا الوالد والوالدي بعد محاولات جادة ولفترة طويلي جدا واقصرار منقطع النظير .. انو هلق خلص معد يمشي الحال لازم توصلون الورقة مصدقة من السفارة باسرع وقت ممكن .. ايه وهاد بيوم من الايام بتصل بالسفارة لانو هي القصة تبعيت الاتصال بالسفارة لحالو مشروع بدو تخطيط شي سني والواحد لازم يكون عندو النهار كامل فضى لحتى يقدر يحكي معون . او هاي كانت فكرتي عنون لقبل اخر مرة اتصلت فيون .. يعني وقتا شيبو شعر راصي .. واخر الشي بطلو يحكو معي حكي ويقولولي بعتلنا رسالة بالشغلات الي بدك اياها وبعات مع ظرف وعليه طابع ونحنا منبعتلك الوراق اللازمة . انو يا اخي يا حباب يا مرتب انو بس قلي اي ورقة وانا هيك شو بيكون وضعي وشو لازم اكتب . بيقلي خلص انتي بعتلي شو بدك وولا يهمك .. انو بعد ما فقدت الامل بعتلون انو بدي جدد جواز السفر , لانو كل مواطن سوري زكر اسا ما عمل خدمة الضباط قصدي خدمة العلم ومانو معفي من القصة ما فينو ياخد جواز سفر غير لمدة سنتين اتنين وانا وقت بعتلون اني بدي جدد الجواز ردولي رقة طلب زيارة القطر .. الله .. انو شو دخل هاي بهديك . انا بدي جدد جوازي السفر ما بدي روح عسوريا .. واذ طلع انو بهديك الفترة مدري شلون طالع قرار انو تجديد جواز السفر ما بيمشي الحال غير بالاراضي السورية .. ولا تسالوني شو هالمنطق لاني لهلق اسا ما فهمت عليون . بس وقتا كان حظي حلو وكان في مشروع نزلة عسوريا ..
اي المهم انو اتصلت بالسفارة السورية .. واذا بيطلعلي واحد شب ومدري ليش كان شكلو حباب .. حكيتلو قصتي وحولني لعند وحدي تاني .. وهاي الموظفة التاني الله وكيلكون ما كنت مصدق اني عما احكي مع السفارة السورية .. شفت اذا كنت مخربط بالرقم . بس كان صح . والله وحدي مرتبة وقعدت تشرحلي بالتفصيل شو لازم اعمل وعطتني الموقع تبع السفارة مع انو كان معي ايا وتشرحلي وتفصلي .. الله وكيلكون وقتا كنت حاسس حالي عما طير .. انو هاي السفارة صارت مرتبة يعني في تقدم . المهم طبعت الورقة وحطيت عليه صورتي ووقعتة من الجامعة وبعتة عالسفارة وبعد تلت تيام كانت عندي ومصدقة من السفارة .. يعني تلت تيام شي ما طبيعي .. يعني وقت قياسي كان . وخاص انو شي الو علاقة بالسفارة بالعادي الواحد بدو يحسبلو شغلة شهر زمان ..
وبعدين بعتنا هالورقة عسوريا وانو خلص خي كلشي صار منيح وهلق بصير تحت الاشراف وبتصر عندي كل الميزات المواطن الي بيكون تحت الاشراف .
واذ في يوم من الايام وفي الساعة التاسة صباحا بيرن التلفون وبدون رقم .. انا كنت وقتا بالنومي الشي 25 وما عرفان وين انا اذا اساتني بالحلم ولا رجعت على مصايب الحياة . برد عالتلفون وبقول الوووووووووو مشان انو حاول استغل هادا الوقت وصحصح شوي واذا بيوصلني صوت وبيقول وين هويتك . هون الواحد اذا كان في امل يقدر يفهم شو عما يصير بيبطل . انو بالرواق كلشي بيصير بعد شوي بفيق من الصدمة وبحس انو هادا الصوت ما غريب عليي واذ بيطلع احساسي بمحلو وبيطلع البابا .. انو اسا شي ربع ساعة لبين ما اعرف شو يعني هوي وشو بدو من وجعة الراس عوش الصبح .. واذا بيطلع انو الهوية لازمة مشان الواحد يعمل لا حكم عليه .. انو انا عما ادرس برا شلون بدي كون بسوريا وطلع ورقة لاحكم عليه . بس فالج لا تعالج . يا اخي من هون لهون ..والله انا هويتي بتضل معي وين ما رحت والله في قتلي مرتبة اذا ضيعتة . شلون بدكون اياني امن واتركة بسوريا وانا هون . بس مافي امل .. دور عل ققرب حيط ودق راسك فيه .
وهلق الورقة هديك مع يمشي الحالة يعني صار لازمني ورقة جديدي ولازم روح عسوريا . مشان قلون اني عما ادرس برا .. يعني اديش سمعان بنظريات منطقية بحياتي .. بس اخرى من هيك منطق اسا بحياتي ما سمعت . وهلق لازم روح عسوريا مشان طلع ورقة لا حكم عليه وقلو اني ماني بسورية .. يا خيي اد ما الواحد حاول يحكي شي كويس عن البلد بيضل فيا اشيا بتاكدلك انك غلطان .. واسا بدنا كتير لحتى نوصل على المرحلة الي عايشين فيا البشر العاديين ..
وبيرجع الواحد بيقول .. هاي بلدي وشو ما طلبت بيرخصله . بس انو يا ترى لايمت هالمنطق رح يضر شغال .

شوفي بضاعة عندكون هالايام اخواتي ؟؟؟
قد سمعتم انه قيل للقدماء انا نار الحشيش تسبب الامراض, اما انا فاقول لكم ان نار الحشيش هو الدواء الشافي لكل الامراض

دقيت عالوطر الحصاص....يا وسيم
انو بما انو الافكار تحشيشية وتحشيشية خدلك ع هالفكرة
انو مين قلك انو راح تقدر تاخد ورقة لا حكم عليه؟؟؟اصلا انت او انا او هو بس يتأخر ع اول سحب جيش...بيخرطوه مذكرة بحث...وبعتقد لما ماااااااا يلبي النداء التاني بيخرطوه حكم....يعني بيصير مو لا حكم عليه (انو يحرق ربهن ما الذهن ع ه التسمية....في ورقة بالعالم بقلب اسمها في حرف نفي وحرف جر وضمير متصل؟؟؟؟؟؟....بيجوز مشبهينها الشباب لورقة To whom it may concern :lol: ...........والله اعلم)
بس انو اذا الواحد كان في حكم عليه....لا أنو ضل سنة برة بدون ما يبعت مصدقة...بس هلق دبر مصدقة لأنو اخيرا لقى جامعة...بيضل الحكم عليه(وهي بتذكرني بتحت الاشراف...دايما نحن يا تحت يا في شي فوقنا)...وما بيقدر يحط حالو تحت الاشراف وما بيتأجل عن الجيش وما عاد بيقدر يفوت ع البلد وماعاد بيجي ع البلاد منشان ما ينعفط وبينط واحد اخو شليتة بيعملك محاضرة طويلة عريضة عن اسباب هجرة العقول السورية بالمركز الثقافي العربي بالمزة برعاية الدكتورة بثينة شعبان وزيرة المغتربين.....:shock:

نداء اخير...نداء اخير...مطلوب دم زمرة الدم O+ ......لانو نشف دمي........////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// partner%253DZSzeb008%255FZNfox000%2526i%253D23%252 F23%255F20%255F46%2526feat%253Dprof/page.html%22%20target=%22_blank%22%3E%3Cimg%20src= %22////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// rder=%220%22%3E%3Cimg%20border=%220%22%20src=%22ht tp://plugin.smileycentral.com/////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// nocache%252Ftr%252Ffw%252Fsmiley%252Fsocial%252Egi f%253Fi%253D23%252F23_20_46/image.gif%22%3E%3C/a%3E

اي يا جماعة اليوم حابب احكيلكون عن فكرة خطرت براسي مرة وهاي القصة من االاول

انا كل يوم بروح عالجامعة عالبسكليتة .. وهي شغلة شي 15 ل 20 دقيقة يعني ما كتير بعيدي وبتعمل شوية رياضة .. وعالطريق في طلعتين ورى بعض . وفي بيناتون سحبة ضغيرة مستقيمة .. وقبل الطلعة الولة في اشارة .. يعني وقت بتكون الاشارة خضرا بمرة بسهولة اكتر لانو بكون داعسلة عالصاجة .. بس وقت بتكون الاشارة حمرة الواحد بيصير لازم ياقلع بالطلعة ةهي بتخض الواحد خض .. ووقت بوصل عالمرحلة المستقيمة بيكون لساني موصل للارض .. اي المهم انو بهاي الفترة وقت الواحد بيكون عما يمشي بالمرحلة العادية وقتا بيصير يفكر .. او بجوز ما كل واحد بس انا ( هون كان لازم قول واعوز بالله من قولة انا , بس انا ما بحبة مشان هيك ما رح قولة ) شخصيا بفكر كتير وقتة .. وفي مرة من المرات كنت عما استرجع الشغلات الي بزاكرتي الباطنية ووصلت لقصة صارت معي من شي سنتين تقريبا .. يعني كنت وقتا جديد هون .

والله يا جماعة الخير هادا انا كنت ماشي عالطريق وما كنت عما فكر , لانو ما كنت عم سوق البسكليتة ولا كان في طلعة . يعني كان دماغة بحالة راحة نسبية .. وماشي بالشارع . وانا عما امشي بقرب على اخرت الطريق وبقرب شوي شوي عمحل ما الواحد بيعبر الشارع مشان يروح عالشارع الي بعدو .. اي وانا ماشي صارت تقرب عليي شغلة ما بعرف شو هي بالظبط بس انو بعتقد شي الو علاقة بفصيلة اسمة السيارات .. بس كانت شي مميز شوي .. مدري ليش حسيت عيونة الي على طرفين بوز السيارة من قدام عما يطلعو بعيوني مباشرة وعما يزوروني . وانا وقتة بطلت ماني عما فكر .. صرت فكر شوي شوي .. انو معقول هيك شي بيمشي عالطريق العادي يا الله واسا كمان رح يمر من قدامي , هوي انا بالعادي بس شوف شي من هالفصيلة بسبب حب الفضول بحاول اسرع شوي مشان لحق شوف هالشي .. بس مدري ليش وقتا حسيت انو هاي الزورة كانت ققوة من انو تخليني ققدر اسرع . بس الغريب بالموضوع انو هاي الشغلة فكرت اني انا كمان عما ازورة . وصارت تبطء شوي شوي .. لحتى وصلت انا على محل مكبوب فيه دهان عالارض . ومدي ليش وقفت هاي الشغلة ورها هادا الدهان . انا قلت انو معقول يكون الدهان جديد وما بدا توسخ رجلية فيه , بس انا من ورة الصدمة ضليتني ماشي شوي ... ووقت خلصت المشي على هادا الدهان . مع العلم انو كان ناشف . مرقت السيارة وبصوت عالي كمان , يعني مدري ليش كانت عما تعيط عياط , انو هادا الشي الي بيحطو عليه مجسم صغير لحصان واقف . شكلون جماعة هاي السيارة ما قدرو على فكرة اانو الاحصنة معا معا رح تتنصق . مشان هيك صارو يحطو على هاي الشغلة الي اسما سيارة .. بس الكنية تبعيتة ما عما تتطلع معي مظبوط .. فاري او فررة او فرفورة ( هوي هاي الكلمة الي معنيين يعني مشان ما حدي يفهمة غلط . الاول هوي الكنية تبعيت هاي السيارة . والمعنى التني مصطلح مستخدم عند الاطفال للصغار للتعبير عن شي معين , لانو هدول الولاد الصغار ما حلو يستخدمو نفس الكلمة تبعيت الولاد الكبار . ) اي وهاي الشغلة كمان بيركب علية هادا الشخص شو كان اسمو , شو "ما اكيل شو منخار " بعرف انو اسمو غريب بس اجنبي شو بيفهمو بالاساماء العريقة ..
اي انو منرجع للفكرة . انو هاي الشغلة الي مدري شو لازم نسمية ليش وقفت قبل هدول الدهانات .. انا بعد نكوشة وبحبشة كتير عرفت انو هادا الدهان المكبوب عالارض اسمو شي الو علاقة بالمواشي او المشاة او هيك شي .. اي اي هلق تزكرت . قال هادا اسمو ممر مشاة .. بس انو هادا ممر المشاة شو يعني بالظبط ما كتير بعرف . انو لازم يكون شي لهدول الشغلات الي اربع رجلين بيدورو ..
بس انا وقت عملت شهادة سواقة لهادا الحيوان ابو اربع رجلين بيدورو .. ما حدي جبلة سيرة هدول الخطوط البيضة الي عالارض .. يعني مع اني عملت مدرسة واضرب واطرح وانجحت بالفحص . بس ما مر عليي حكي عن هادا الدهان . كلشي علموني اياه هوي كام اشارة .. وصرت كل يوم بس ارجع عالبيت ادرس غير المدرسة شي خمس ساعات مشان ما ارسب بالفحص .. وصرت كل الوقت حط هالورقة تبعيت الاشارات . وصير ادرس فية .. وصرت هز كل الوقت حالي كاني عالمرجوحة .. يعني بروح وبجي بروح وبجي .. ما بعرف ليش مع انو الشغلة بتهد الجسم عالاخر .. يعني بتوجع العيون . وبيصير الواحد ضهرو يوجعو ... بس انو الشاطرين هيك بيدرسو بالعادي مشان هيك انا قررت انو ادرس هيك .. اي وبالاخير نجحت بالفحص . بس مع هيك ما حدي حكالي عن شي عن هدول الخطوط البيض ..
ما بعرف انو ليش بيخلو العالم يلونو الطريق . يعني والله يبقو اسود متل ما مسودينة عكل العالم ما بيكون احسن .. بس بيجوز كمان عما ينمو مواهب الحرفين .. بس انو انا تقريبا متاكد انو ما في الا اي هدف .. يعني خطوط بيضة وصفرة عالارض وما الا لا طعمة لا فكاهة .. ولو انو في شي حدي بيعرف شو هدول الشغلات كان قدر يستخدمون .. بس معقول بكل سوريا ما في ولا واحد بيفهم ... يعني معقول يكونو كل الشوفيرية حمير .. اكيد لاء .. بس انو هدول ما الون هدف بس هيك شغلو ديكور ما اكتر ..

بس انو اخر الشي وصلت عالطلعة التاني وصرلت لازم معد فكر كتير .. لانو لو ضليتني عما فكر كنت معد قدرت اطلع الطلعة وكنت كريت .. بس الحمدالله اني معد فكرت كتير . لانو لو كنت مفكر يا كنت بكون جانن هلق انو اديش الاجانب حمير وبيتطلعو ( مع احترام كمان ) لهدول الخطوط البيضة والصفرة الي عالارض .. مع انو الحمير عنا بيعرفو انو ما الا معنى .. بس انو شو بدنا نعمل كان لازم فكر بالطلعة اريحلي ما فكر بهيك شغلات ..
واسا في عالم بتسأل لليوم شو لازم نساوي لهدول الحمير الاجانب لحتى يصيرو بشر متل العرب .. بس اسا بدون فت خبز كتير .. والمصيبة انون كلمان عما يجحشو بزيادة .. ما يطلعو على بني الادمين العرب وياخدو منون العبرة ..

بس مافي امل منون بنوب حمير عالاخر .. شعب تلت ارباعو محششين شو رح يطلع منو؟؟؟
قال حشيشة قال .. الله يبعدنا عن هيك شغلات .. قول امين اخواتي

هلأ بما انو الشباب عوفوني سمايي وفعولي خلاقي وكرهوني شي اسمو الاشراف عافس فوق رقبتك فقعدت فكر انو شو لازم ساوي يعني انو انا سنة الجاي لازم كون بسوريا مشان اعمل عملية لعيوني العملية بتكلفني بامريكا 3500 دولار اي 175000 ليرة سورية بينما اذا نزلت على سوريا بتكلفني 30000 ليرة سورية لهيك نازل على سوريا صيفية الجاي واسمو صايرة وصايرة قلنا منشوف المدام :sosweet: بس في مشكلة هون سالوني شو هيي ها ها سالتوني
هادا يا اخواتي بعد ما اجيت على امريكا بكم نهار بيتصل واحد بامي وبيسال عني بتقلو اي يطعمك الحج والناس راجعة ريتك عندو (كلمة تقال لانو انا ما متمنا يكون عندي الله يبعدو يبعدو يبعدو )
خير شو بدك منو قال والله مطلوب عسكري
مع اني كنت طالب بالجامعة وطالعت مصدقة الدوام عن السنة الماضية اني طالب بس ما رضو ياخدوا مني ليش يا حزركن قال لاني ماني عامل فحص طبي اول اي وين بيعملو قال بدك تروح على حماه والله دقيناها على حماه انا والشباب بدنا نعمل فحص طبي والحلو وين اني انا عم لاحق وراق السفر وعندي فحوصة كمان بالجامعة وكانو فحوصة الجامعة ما بتكفيني اجاني فوقا الفحص الطبي طبعا بحماه مانكن غريبين عن النظام كيف بيصفو العالم واحد واحد وبيفوتون بالدور والعالم هيك ملتزمة وصافة وما في تدفيش وترفيس وتلبيط بنوب المهم اول نهار ما طلعلنا دور وتاني نهار ما طلعلنا دور وضلينا نروح ونجي على حماه هيك لاخر نهار مسموح للفحص رحنا وطلعلنا دور وفتنا عملنا فحص طبي قامو بسبب المشكلة بعيوني عملولي تحويل على المشفى العسكري كنت روح اعمل فحص بالجامعة وارجع على المشفى العسكري ويا عيني تقولو نفس السيستم تبع حماه قولو اول نهار ما طلعلنا دور وتاني نهار ما طلعلنا دور وتالت نهار ما طلعلنا دور انزل قدم فحص وارجع على المشفى العسكري وبعدا روح لاحق وراق السفر
قال ما بيعملولك الفحص الطبي بدون ما يكون الك واسطة قلنالن اوكي دقدقولنا القرايبين للي بيعرفون وصلنا لرئيس اللجنة الطبية بالمشفى العسكري وطلع من ضيعة بتبعد عن ضيعتنا شي ساعتين اخدنا سرفيس ورحنا لعندو على العيادة عرفتو عن حالي وحكينا وقال خلص بكرا بتروح لعندي على المشفى وانا بفوتك وبزبطلك امورك ودفعنا كشفية 500 ليرة وهوي كل شي ساوا حكى هالكلمتين ودفعنا خمسمية ليرة للسرفيس قلنا معلش تفي على الالف ليرة بس يمشي الحال وانا ما بقالي غير تلت تيام لسافر رحنا تاني نهار من صباحية الله كنا تمانة بالمشفى العسكري بحمص وكان موعدي مع الدكتور تمانة ونص هوي بيصحلي صارت تمانة ونص وما صاح تسعة وما صاح صاح الديك وما كان الدكتور يصيح وننلطع لل12 الضهر وما كان الدكتور يصيح سالنا عنو يا شباب الدكتور فلان الفلاني قال اي بسلامتك تغيرت اللجنة الطبية وصار في لجنة جديدة
تصور يعني خلال اقل من اربع وعشرين ساعة تتشكل لجنة جديدة واتخوزق انا واتخورف بالف ليرة

وسافرت وما عملت فحص طبي
ماذا يؤدي بعد كل هاللت والعجن
ما في احالة من المشفى العسكري ما في فحص طبي
ما في فحص طبي ما بيستقبلو شعبة التجنيد مصدقة الدوام
ما في مصدقة دوام ما في تاجيل جيش
ما في تاجيل جيش معناتا في جيش (شي منطقي ومو منطقي بنفس الوقت)
في جيش معناتا اسمي صار بالمطار مشان بس حط رحالي على تراب الوطن الحبيب يعفطونا ويسحبونا على سيارة الجيب اللي واقفة قدام باب القادمون وبوجهن على الثكنة حيث سينكل فيني سيادة المقدم مدري العقيد مدري العميد مدري الفريق (لاء هيك صار كتير مهيك مسحو اخر كلمة ) مدري شو شكل دين ربو لانو تاخرت عن الالتحاق

طيب وبعد كل هالحكي هادا وبعد ما احبطوني الشباب وتراجعت عن عقد العزم عن فكرة الاشراف عافس فوق رقبتك (منرجع للفكرة الرئيسية هلأ )
وبعد الاسئلة والاستفسارات والاتصالات والتحشيشات (هاي اهم الشي لانو بلاها ما صار كل هالشي ) اتضح انو ما رح حط حالي تحت الاشراف انما رح سجل بالغروبات السياحية اللي بتنزل على سوريا وهيك ما حدا بيعفطني بس انزل بالمطار وبصير بمر حد هادا الضابط اللي كان بدو يكون مسؤول عني بالجيش وحندقو (وساوي شغلة تانية عيب تنعمل قدام البنات ) انو انا بسوريا وهوي ما عم يمارس سلطتو عليي

ومنشوف المدام :sosweet: ومنعمل العملية وتوتة توتة خلصت الحتوتة حلوة والله فتفوتة

تعبت صار بدها سيكارة

حياكون :D

يعني يا شباب ما بعرف ليش انا حاسس انو للتحشييش و الشحاحيط علاقة وثيقة ببعض
لانو وين ما صار قعدة تحشيش صار في لو سيرة لو ريحة شحاحيط

بدي حط هالتحشيشة يعني بدي حطها .. :o :?

بقلك انو النظام مو عاجبنا .. ايه النظام ..
أنا في عندي نظرية تانية بتقول ...
يكتر خير هالنظام وما يغيرو .. لانو القادم أسوأ ..

حدا يسألني ليش كمان؟

أنا بدي قلكو ..
أولاً: هاي بقلك بدهم نظام ديمقراطي .. والنظام الديمقراطي من وين .. طبعاً من المصدر أمريكا .. وما في شي ببلاش .. يا بتاخد بترول بالمقابل، يا بتاخد مواقف متواطئة ، يا بتاخد رواحنا .. بدها تاخد شي شو ماكان .. لا ما عاد بدنا لكان ..
مثال: العراق .

ثانياً: ليش ما تصير ديمقراطية من صميم البلد، يا خيي .. يا عمي .. يا ابن الحلال .. نحنا في دولك العربية مليون فئة وملين ملة . .مسلم مسيحي سني شيعي كردي أرمني بطيخي شمامي .. وكلو وكلو حصرا ومجموعا بدو السلطة .. خصوصا اذا بيدخل بالموضوع المتشددين واللي هني أغلبية في مجتمعاتنا .. فبتقلب نزاعات على السلطة وحرب أهلية ومصالح شخصية والبقاء للأقوى.
مثال: كمان العراق .. لبنان .. السودان ..

ثالثاً: العنصرية عمرها ما وقفت بمجتمعاتنا بنسب متفاوتة واللي بدو يقول غير هيك غلطان (ورح اعطي مثال من بلدي : مسلم - مسيحي ، أردني - فلسطيني، أهل الجنوب - أهل الشمال) وهاد مو كل شي ..
مبارح كنت بحفلة خطبة لصحابنا، في ست قاعدة على طاولتنا وحديثها كان كالتالي: انا قلتلها كيف انا روم أرثوذكس بدي اخلي الولد يوزع دعوات للكنيسة الناصرية) !!! :shock:

بصراحة ومن الآخر النظام - اذا بتحبو سمو ديكتاتوري - بناسبنا أكتر شي بهالمرحلة .. وبس نبقى نوعي هالشعب ونثقفه ويصير يقدر يحترم الآخر بنبقى ندور على نظام يناسبنا ..
أما طول ما هالشعب متشدد ومتعصب وعنصري وفئوي وجاهل .. غير هالنظام السائد هلأ ما بضبو وبيضبطو .. :jakoush:

اسمحولي بهالتحشيشة ولو انها بدها تضايق البعض منكم .. بس صدقوني بالنظرة المستقبلية للحال ما بتزبط غير هيك. :pos:

شفتو !!!؟

بصراحة ومن الآخر النظام - اذا بتحبو سمو ديكتاتوري - بناسبنا أكتر شي بهالمرحلة .. وبس نبقى نوعي هالشعب ونثقفه ويصير يقدر يحترم الآخر بنبقى ندور على نظام يناسبنا ..
أما طول ما هالشعب متشدد ومتعصب وعنصري وفئوي وجاهل .. غير هالنظام السائد هلأ ما بضبو وبيضبطو .. :jakoush:



يا ستي هالجمل هدول زكروني بمقطع من مسرحية للكبير همام حوت هيي مسرحية ليلة سقوط بغداد
بالمقطع الاول العيلة العسكرية لما بيعرفو انو امريكا جاي وبيجي سيادة العميد وبيتفقو على تطبيق الديمقراطية
بيقلو همام حوت: لك سيدي شعب عم ياكل قتل ويصفق تعطي حرية ليش
بكون قلو هداك : اللحلحة مطلوبة
بيرجع بقلو همام حوت : لك سيدي شعب عم تحكمو بالنار والحديد وما عم يحكي شي تعطي حرية وديمقراطية ليش
بيكون قلو هداك :اللحلحة مطلوبة

اي انو لحلحة مطلوبة وقت طبقو الديمقراطية علق الخي بخيو وعلقو مع اختن ومع بين وامن
واخر المقطع لقو انو احسن شي النظام الديكتاتوري العسكري يعني اللي بيضل في الواحد معفوس تحت السباط العسكري فرجعولو


معظم الشعوب العربية عنا بتطالب بالتحرر من النظام وتنادي بنظام حر عادل ديمقراطي
بس ما بتعرف انو لتتحرر من هالنظام (او بمعنى اخر ليصير النظام بمصلحتا )
لازملها شغلتين :
اول شغلة بدها تتحرر من العقلية المتخلفة المتحجرة القمعية المستبدة تبعيتها وتطلع شوي على التطور لتواكب الركب الذي سبقنا وضعنا نحن بين غباره (اسعتني حافظا من صف الاول هالجملة )
خليا تطلع لقدام شوي تطلع حواليا شوي وتنسى تطلع لورا على تاريخا شوي خليها تتعلم النظام واللي هوي اهم شي لتعمل نظام
تاني شغلة بدها كم سيكارة حشيش من هاللي عم نضربن هون مشان تشوف الامور واضحة وبينة وسلسة وشوفو كيف الوضع بيمشي لك مو بس بيمشي الله وكيلك تقول حاططلو بدال البنزين ريد بول اللي بيعطيك جوانح وخود على طيران يا معلم

وحياكون :D

معظم الشعوب العربية عنا بتطالب بالتحرر من النظام وتنادي بنظام حر عادل ديمقراطي
بس ما بتعرف انو لتتحرر من هالنظام (او بمعنى اخر ليصير النظام بمصلحتا )
لازملها شغلتين :
اول شغلة بدها تتحرر من العقلية المتخلفة المتحجرة القمعية المستبدة تبعيتها وتطلع شوي على التطور لتواكب الركب الذي سبقنا وضعنا نحن بين غباره (اسعتني حافظا من صف الاول هالجملة )
خليا تطلع لقدام شوي تطلع حواليا شوي وتنسى تطلع لورا على تاريخا شوي خليها تتعلم النظام واللي هوي اهم شي لتعمل نظام
تاني شغلة بدها كم سيكارة حشيش من هاللي عم نضربن هون مشان تشوف الامور واضحة وبينة وسلسة وشوفو كيف الوضع بيمشي لك مو بس بيمشي الله وكيلك تقول حاططلو بدال البنزين ريد بول اللي بيعطيك جوانح وخود على طيران يا معلم

وحياكون :D

بالنسبة للشق الأول (صايرة هالحشيشة تضرب على فصحى) كلام معلمين .. تمام .

بالنسبة للشق التاني .. ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////ولو نحنا وطن التحشيش ,,////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

الطير الحر اذا انأسر وهو صغير لا بيطولو جناحاتو ولا بيعرف يطير بس يكبر
مساويء الديموقراطية افضل من محاسن الديكتاتورية
كلكون بتقولوا العراق والعراق لك يا جماعة العراق بلد محتل شو ما فينا نعمل ديمقراطية بالاصلاح الفكري
ولبنان لك يسلملي رب لبنان واللبنانيين شو بينحبو
شيلولي هالكم قرد اللي مستلمين السلطة
واطللعو على بلد شعبو حي بكل معنى الكلمة جبار حر بيقول الكلمة ووين ما تودي تودي
ما بيخاف ما بيلوفك
شعب لبنان شعب مثقف والا ما يوصل للديموقراطية لانو باب الديموقراطية انفتح من بيروت عالعالم العربي
ولولا بيروت ومطابعها ما كنا قرأنا شي بالقرن الماضي

الطير الحر اذا انأسر وهو صغير لا بيطولو جناحاتو ولا بيعرف يطير بس يكبر
مساويء الديموقراطية افضل من محاسن الديكتاتورية
كلكون بتقولوا العراق والعراق لك يا جماعة العراق بلد محتل شو ما فينا نعمل ديمقراطية بالاصلاح الفكري
ولبنان لك يسلملي رب لبنان واللبنانيين شو بينحبو
شيلولي هالكم قرد اللي مستلمين السلطة
واطللعو على بلد شعبو حي بكل معنى الكلمة جبار حر بيقول الكلمة ووين ما تودي تودي
ما بيخاف ما بيلوفك
شعب لبنان شعب مثقف والا ما يوصل للديموقراطية لانو باب الديموقراطية انفتح من بيروت عالعالم العربي
ولولا بيروت ومطابعها ما كنا قرأنا شي بالقرن الماضي

في العراق.. الاحتلال والخيانة والفتن .. ما تقلي ما في عنصرية وطائفية وجهل .. والاحتلال عرف يستغل هالشي.
في لبنان .. ثقافة المظاهر غالبة بالرغم من الحرية الفكرية .. الا انو شعب طابعو التصنع وحب الذات .. والديمقراطية اللي فيه تتمثل بعدد الميليشيا وعصابات الشوارع التابعة للسياسين اللي فيو ..

طبعا هالحكي ما بيعني اني ضد العراق او لبنان أو ضد الحرية بل العكس انا مع الحرية بس بعد تجهيز الشعب لحمل هالمسؤولية الكبيرة ..
وطبعا العراق ولبنان ثقافة وحضارة واكيد ما بنكر هالشي ابداً.

الحرية بتتاخد ما بتنعطى وبس الشعب يصير متل عم تقولي رح ياخد حريتو لحالو مارح يستنى حدا

الحرية بتتاخد ما بتنعطى وبس الشعب يصير متل عم تقولي رح ياخد حريتو لحالو مارح يستنى حدا

وهو المطلوب ..

مبارح اخدت نفسين حلوين وصفنتلكون صفنة غير شكل
رديت سحبت نفس وصفنت صفنة عجيبة غريبة
صارت الافكار تشعل شعل
سحبت سحبة اييييييييييييييييييييييييه يا سلام
شعللت الافكار شعللة
بعدين صرت اسحب اسحب اسحب لحتى اتعبت الطاسة تمام
اي والله
الله لا يعطيكون عافية فقت ما لقيت ولا فكرة من هالحشيش الزفت
عودتونا عوايد مالنا فيها
بس شو بدكون بالحكي رواق

آخر تحشيشة مدري آخر موضة .. :shock:

يعني بكون عم أتفتل بهالأخوية .. هيك شمة هوا ..
أو بكون بشي جلسة مع العائلة والناس ..

في شي بلاحظو هوي الازدواجية .. وخصوصا بموضوع الدين ..

بكون هالبني آدم بعلمك ملحد وكل يوم بنزل الله من مكانو شي 70 مرة على الفاضي والمليان ..
أو بكون شيخ الشباب أو ست الصبايا لا ديني وما بصدق ولا قصة من قصص الكتب الدينية .. ما بتخرط مشطو يعني ..
وفجأة .. بتنفتح سيرة الدين وبتشوف العجب .. :shock:
ايه بقدر افهم انو انسان مؤمن وما رح قول متدين .. بس مؤمن يناقش ويدافع عن دينو ..
بس ما بقدر افهم كيف انسان ملحد أو لا ديني بناقش أو بدافع عن شي ما بيآمن فيو أساساً ..:pos:
هادا غير انو الواحد بكون ما بيفهم بالأمور الدينية أساسا وغير مختص وغير مؤهل لهيك دخلة ,,, :?

يمكن الموضة .. أو انو شوي من كل شي .. أو انو مو مثبت حالو على شي الاخ ..
بس هالحالة مو منطقية أبداً .. :o


بجيك بالنسبة للمؤمنين والمتدينين ...
لا خلاف انو الدين هو علاقة الانسان بربه ..
طب شو مشكلتك تدخل بايمان شخص تاني شو ما كان .. ايه حتى لو ملحد أو لاديني .. تركو منو لربو .. :jakoush:
المشكلة منفكر انو سهل تغيير ايمان شخص .. هوي اسمو ايمان .. يعني صخرة ما بتتزحزح .. لا هو شك ولا معرفة أو معلومة لتغيرها هيك ببساطة وبكلمتين .. :shock:

بعدين شو قصة أنو نجرح الانسان بسبب ايمانو .. ليش ما بنقدر نتقبلو متل ما هوي .. ونترفع عن الرد عن اي مهاترة يقصد بها صف الحكي ..
يعني ليش هالفوقية وانا احسن وانت اقل وأنا مدري شو وانتا هيك ..:cry:
ليش ما بنقدر نفوت بنقاش ديني دون خناق وعلقات وهيك شي .. يا اخي مو قد هيك نقاش ما تفوت فيو ..

انا بالنسبة الي هالشي صار مقرف تماما .. وعم بتكرهوني بكل الأديان مع اني عم حاول الايمان وعم حاول خوض بهالشي .. :shock: :jakoush: :x

تركو الله واديانو بحالهم وزبطو نفسياتكم بالأول وهيئوها لله وللدين وبعدين ادعّو الايمان أو عدمه ..


تحملونا .. :pos:

غريبة هالحالة ! ليش بس يصير وقت النوم بيجيني كل الحكي والتساؤلات - من سؤال مو سئالة -.. واذا مافي حدا معي بالاوضة لحتى احكي معو بقوم بصير بسأل وبجاوب حالي على امل اني لاقي جواب مقنع ..لك يا سيدي حتى لو ما كان مقنع .."بنأقنع" حالنا فيها ، وشو هالقصة يعني !

هلأ شو الشغلة اللي كانت مدايقتني امبارح ؟!؟!؟ الانتماء ... اي نعم :pos:

ما بعرف كيف بدي اشرح كل الافكار اللي اجتني بس رح زتهم كلهم بفرد مرة وبدون ترتيب على امل توصل للشعب ...

اول ما فكّرت خطرلي شغلة انو ليش الانسان مهما بعّد عن بلدو بيضل بيحنّلو ؟؟ طيب فهمنا انو اذا كنت عايش حياتك هنيك وبعدين سافرت براّ، رح تحن شي اكيد لانو ال noraml كان انك تكون مع اهلك ورفقاتك بهالجو المعيّن .. بهالمحيط المعيّن .. بهالروتين المعيّن .. ووقت اللي تركت كل هالشي حسّيت بفراغ كبير ما عم تقدر تملّيه حتى لو كان كل وقتك مشغول ومو فاضي تحك راسك ...
اي بس القصة وين ؟؟؟ القصة انو لو كان الوضع العادي انك برّا والمو عادي انك ترجع ولو انشالله لزيارة .. شو اللي بيخلّيك تحن وتتمنى ترجع ؟! ما هوّ بكل الاحوال انت جوّك ومحيطك صار بالدولة التانية !!
يعني هلأ لو جبنا كل اهلك ونقلناهم للبلد التاني ما عاد تسأل ؟ بتبطّل تحنّ ؟!
ولا الشغلة بهالشعور الغريب اكبر من مجرّد اهلك وناسك ليشمل الوطن كـ ارض وشعب؟

شغلة تاتية خطرت ع بالي ... هيي جملة " انا سوري آه يا نيالي " ...
اي اوكي ... نيّـالي بالجنسية ما اختلفنا .. بس شو مشان ميزات الجنسية ؟؟؟
شو عاطيتك هالجنسية ؟؟؟ شو فاتحتلك ابواب ؟؟! كيف بينظرلك العالم بناءً عليها !؟؟
هلأ بعرف رح تقولو الجنسية مو مقياس .. وانا معكم ، بس ايام الواحد من الجنسية بيحدد " الصفة او السمة " الخاصة بهالشعب ... متل وقت يقولو السودانيين = الكسل والتنبلة مثلا .. بس شكلي بهالمثال بعّدت عن النقطة اللي بدي اشرحها ...

المهم ... نرجع لشغلة سوري يا نيّالي ... على شو !؟؟!
نيّالي على حرية التعبير اللي عنا بالبلد !؟ اي نحنا " العرب عامّة والسوريين خاصة " مالنا متل دول العالم المتقدمة .. المعادلة صايرة : بتفتح تمّك بينقص لسانك .. بهالسرعة بتصير الشغلة ..

طيّّب نيّالي مثلا على الخدمات المتوفرة الي بالدولة بصفتي مواطن فيها متلي متل غيري وكلنا سواسية ؟!؟
هون السؤال ... ليش انت متلك متل غيرك ؟! اي ريتك تتشبّه لـ.... جاية عم تقارن حالك مع هالبشر ولاه بطيخ ؟!!

اووووكي ....نيّالي عالحقوق اللي عاطيني ياها مقابل ما انا عم قدّم الها - للدولة يعني -؟!؟
اي ما بنشوف الا عم ياخدو ياخدو ياخدو من هالشعب المعتّر وما في شي عم يقدموه بالمقابل !! لك وين عم يروحو مصاري الشعب .. تعب الشعب .. صحتو و شقااااه ؟؟ :shock: ( وما بدها جواب لانو معروف .. بس ليش مافي مين يحاسب هالجماعة متل ما بيصير بدول تانية ) !؟ لك هنيك لو سرق الرئيس نفسو بيعملولو فضيحة وبيشحطوه ... انا مالي عم اتطلّع لفوق كتير بالسلسلة .. عم فكّر على مستوى ابن اخ معاون وزير رئيس البلدية مثلا !

هلأ ليش رغم كل هالشي ، ومع انّك بتعرف كل هالعيوب اللي صايرة ببلدك ومو مصدق ايمتى تطلع منها - هي اذا ما كنت طالع من زمااان - بس اذا اجى حدا "برّاني" - يعني مو سوري - وحكي عنها كلمة " ولو حتى عن مزح " .. مو بس بتسكتو .. لااااء وكمان بتطالع العيوب الشرعية وغير الشرعية فيه ووببلدو ... لحتى تخلّيه يندم عالساعة اللي فتح فيها تمّو ..
طبعاً وهون بتجي كتير جمل للتسكيت حافظينها عن ظهر قلب واباً عن جد وما بنصدق ايمتى واحد يغلط قدّامنا لحتى ندّجلو ياها دج بخلقتو ، لحتى تاني مرة يفكّر مليون مرة قبل ما يتشاطر و يتفزلك ع سمانا وسما بلدنا بالتعليقات اللي - بلا طعمة - متل ( حبيبي لمّا تقول سوري / سوريا بتحط ايدك ع راسك .. ايواااا ) ... ( لك اصلا لو صحّلك تكون سوري كنت ركضت ركيض بس @#$# ما بتتعاتب ) .. ( اي كون سوري مو احسن ما كون $#%# ؟؟ )

ملاحظة رجاءً لا يقراها غير السوريين مشان ما بدي مشاكل ... مكان هال#$## = اي جنسية تانية وطبعاً عربية ... لانّو ببساطة مافي حدا غربي بيركض لـ "يتعرّب " او " يتسورن " :p

لكككككك بهاللحظة - مو يعني اللحظة اللحظة بس يعني هي شغلة ما كانت خاطرة ع بالي -كانت دايقة خلاقي ، قام قلت لحالي خلّيني اسمعلي شي غنية روّق فيها شوي ... وبما انّو الكمبيوتر عم فضّيه مشان اعملو فورمات قام حاطّة كل ملفات ال mp3 سوا بدون تنظيم ...
هلأ بلا طول سيرة .. اللي بدي قولو انّو لقيت ملف غريب قلت خليني اسمعو لاعرف شو هو ، ولا بتطلعلي ( بالدور يا بقر .. بالدور يا جحيش ... شعارنا الابتسامة يا اوباااااااااااااااش ) :p - هي مقطع من مسرحية سبق ونزل باخوية عن معاملة المضيفين بالطيران السوري للركّاب -

العمى هي بدها صفنة لحالها ... وتحشيشة لحالها :pos:
بس خلص كفاها الله لليوم ، مع انّو لك ايييييييييه والله جاية ع بالي اكتب كمان ... هو صح تعبت بس لسّه ما خلصت حكي !
والله يا حكيم لازملك تضيف voice clip مع هالاختصارات ... لانو اللي بيغر كتير وعندو قصة طويلة متل حكايتنا رح يهلك بالكتابة وما حدا الو مروّة يكتب بكل الاحوال ...
ما علينا .. المهم انّو اجت الحشيشة عالقد :lol: .. مع انّي حاسة حالي نسيانة شي بهالمووضوع او لسّه في شي بدو ينقال بس ما عاد يطلع معي ... خلص سكّرنا :pos:

( بالدور يا بقر .. بالدور يا جحيش ... شعارنا الابتسامة يا اوباااااااااااااااش ) :p - هي مقطع من مسرحية سبق ونزل باخوية عن معاملة المضيفين بالطيران السوري للركّاب -




:o :o
لك هي مسرحية همام حووووووووووووت :lol: الركاب السورية منبطحااا :x

ممكن ساهم بالافكار التحشيشية تبعكن لانها عجبتني :D

خود راحتك ... المجال مفتوح للكل :D

خود راحتك ... المجال مفتوح للكل :D


شكرا كتير

بس ممكن اعرف مدى حقوق التكلم بهالموضوع

شكرا كتير

بس ممكن اعرف مدى حقوق التكلم بهالموضوع

اهلين معلم الموضوع مفتوح للجميع

يعني هون منحكي كل شي بيخطر ببالنا بس ما حدا بيقدر يحكينا شي لانو محششين ومو بوعينا
بس طريقة الكتابة بدها تكون بطريقة تحشيشية يعني المعنى بدو يكون في قلب الشاعر ما يجي دج وصريح

بتمنى تستخدم لون كتابة نفس اللون اللي عم نستخدمو مو احمر وازرق وهيك شي صحي اسمك بلو سكاي بس بالكتابة علواه يكون هاللون او اللون الاسود غير اذا بدك تحدد جملة انو يتركز عليها هون بستخدم اللون الاحمر

وهتلك شي تحشيشاي من عندك خلينا نحشحشا مع بعضنا :D

اهلين معلم الموضوع مفتوح للجميع

يعني هون منحكي كل شي بيخطر ببالنا بس ما حدا بيقدر يحكينا شي لانو محششين ومو بوعينا
بس طريقة الكتابة بدها تكون بطريقة تحشيشية يعني المعنى بدو يكون في قلب الشاعر ما يجي دج وصريح

بتمنى تستخدم لون كتابة نفس اللون اللي عم نستخدمو مو احمر وازرق وهيك شي صحي اسمك بلو سكاي بس بالكتابة علواه يكون هاللون او اللون الاسود غير اذا بدك تحدد جملة انو يتركز عليها هون بستخدم اللون الاحمر

وهتلك شي تحشيشاي من عندك خلينا نحشحشا مع بعضنا :D

شكرا وتكرم عينك وهي كتبنا متل ما عم تطلبووو بس بهادا الموضوع حصراا :D

وعلى سيرة التحشيش :hashish: :hashish:
خيو نحنا مجموعة شباب اصدقاء اجتمعنا على (الدين لله والوطن للجميع ) المهم شو بدكن بهالحكي هادا
كل وين وين بنعمل سهرة وبتشتغل هالاراكيل وخوود سحب بئى وكاسات المتة مزينة الئعدة
لدرجة مرة دخل سيادة الوالد المفدى وغلط وفتح الباب عليناا وقال :لك يئطع عمركن قومو افتحو الشبابيك مو مبينين على كتر الدخنة )
المهم فنحنا بنئعد على سحب اركيلة وفتح مواضيع شي بيخص التعليم وشي بيخص السياسة وكل شي الو علاقة بالحياة وطبعا بس تحتدم الامور والكل بيتحمس وبيشتغل الضرب والعياط وهادا مابيصير هيك وما بيصير هيك ..في نهاية الامر كللو بنفتح لعبة تركس على اربعة وبنبلش لعب وكانو شي ماصار :lol:
بس انا بسال حالي احيانا ..انو ليش نحنا بندفع التمن لكل شي عم يصير ؟؟؟


وهي احلى ابو حشيشة :hashish::hashish::hashish:

هههههههههههه
يا سيدي انا صار معي شغلة عكس اللي انت بتحكيها
كنا نقعد انا ورفقاتي ونتناقش نقاشات جادة عن كتير شغلات حياتية بعدين اجت علينا فترة علقنا بالاراكيل ولعب الشدة
صارت نقاشاتنا تتمحور حول الشدة ومين بدو يخسر التاني
معك معك صرنا ما نجتمع غير عالشدة
وصار مرة بعد زمن انو اجتمعنا ثلاتة يعني ما في ركيب رابع
قلنا بنرجع لايام زمان
بلشنا حكي طلع كل واحد فينا صاير بديرة
الافكار تباعدت بشكل مزري
واتخانقنا واتصايحنا والكل عم يغلل الكل
بس المهم انو انقذ القعدة رابعنا وقت اللي اجى ورجعنل نلعب شدة حباب واصحاب متل الاول واعز
وهاي احلى وردة لابو حشيشة:hashish: :hashish: :hashish: :hashish: :hashish:
بلا كلام مصحصحين بلا يبرق

هادا يا اخواتي بيوم من الايام حبيت جرب الصحصة فمسكت سيكارتي بايدي وهيك وعم اطلع فيها محتار شعلا ولا ما شعلا ما بشفلكن غير تنين نطو على كتافي واحد من اليمين حاطط طاقية صفرة وكتر مانو محشش حاطط جناحات مفكر حالو انو رح يقدر يطير وواحد على اليسار مرتو وولادو مطالعينلو قرون حمرا ويمكن انو بيشتغل بالفلاحة لانو جاي وبايدو هاي الشوكة اللي بيعزقو فيها الارض (بيعزقو للي ما بيعرف يعني مو كل العالم ولاد فلاحين شروانا بالخير بيعزقو هيي العملية التي يقوم فيها الفلاح الملتعن بي بيو بقلب باطن الارض لوجها يعني عملية قلب الارض بدون لف ودوران بس كمان مو قلب الارض متل اللي بيستخدمو الشباب هدول وقت بيقلولك بدنا نطلع مظاهرة وبدنا نقلب الارض ونطربقا فوق راس هالعالم اللي فوق - قصدن جيرانن اللي بالطابق الاخير - لاء قلب الارض يعني متل ما تم تفسيره بالاعلى )

المهم وبلا طول سيرة نطو هالشبين هيك على كتافي انو انا تفاجات اوف من وين اجو هدول
تطلعت فيهن هيك :shock: بس بعدين تزكرت اني شايفن ببرامج الاطفال وبلشو هالشباب يحكو يقلي المحشش هادا ابو الطاقية الصفرا والجوانح يقلا شعلا لك شعلا اي وخدلك غبة وانضم لجماعتنا والله لتحس حالك طاير ليكني ها كيف حاطط جناحات وعم طير وطار هيك عملو فتلتين واجا هدا على كتفي يكون هادا الفلاح المعتر قلي لك له ما تشعلا لك يا خيو شو بدك بهالقصة بتدمرك روح دير بالك على شغلك اشتغل بلكي بتلاقيلك بنت حلال بتتجوز وبتعيش انتي وياها
يكون اجا المحشش قلي لك لاء شو بدك لا تسمع لهالحكي اسا بدك تروح تكفي دراسة وتتخرج وهات تتوظف وهات ما تتوظف وبعدين تروح تشنطنط بالشوارع وبالسرافيس مشان تروح على وظيفة راتبا ما باديك اجار بيت (لانو اكيد ما رح تلاقي بيت تشتري ) ولا بياديك اكل ولا شرب ولا حتى اجار طريق على هالوظيفة وتقوم اخر الشي تتجوز وتبلش مرتك على بدي وبدي وانتي يا مسكين بدك تروح تشحد او تتدين او تسرق مشان تامنلا وتبطل تنق عليك بعدين تعى لهون مين قلك انو اللي بدك تلاقي اللي تاخدك على هالمواصفات اللي عليك روح حبيبي روح شعلها ولا تدور
يكون اجا المعتر قلي لك له لا تسمع لهالحكي والله هالحكي ما بيفيدك اتطلع حواليك شوف العالم كيف عايشة ليك هادا شلون عم يشتغل ومكيف هوي وعيلتو وولادو وكيف هداك وظيفتو عم تكسبو دهب حرام تضيع حالك هيك بس مشان تنبسطلك بهالسيغارة ساعتين وبعدين تنهي وتموت

والله حيرونو هالجوز ورح يطيرولي جوز مخي اللي كان بقيان والله فكرت فيها الاول عم يحكي والتاني عم يحكي بس مين اللي عم يحكي صح رجعت اتزكر برامج الاطفال لقيت انو كل الاوقات بيكون المحشش هوي الصح فقررت اني اتبعو وقلت يللا وشعلت السيكارة

وبعد ما شعلتا عرفت كل القصة (اي لكن اشتغلت الحشيشة وصار التفكير اوضح )
مو تاريلكن المحشش هوي ملاك باعتو الله مشان ينصحني والمعتر هوي الشيطان اللي كان بدو يبعدني عن درب سعادتي
سالوني كيف استنتجت هالاستنتاج سالتوني كيف اي منيح سمعو لكن
هلأ الله ما بيحب هالعالم وما بيحبا تتعزب (مو كتير كمان احيانا بيلتعن اللي نفض العالم من تحت راسو ) المهم والله ما بيعرف شو بدو يصير بالمستقبل فقلك طالما هالشخص (اللي هوي انا ) عايش بالوطن العربي وطالما انو بدو يفلح 12 سنة دراسة واخر الشي ما يطلعلو اللي بدو يا وبعدين يفلح على القليلة خمس سنين جامعة بفرع مانو حابو واخر الشي ما يلاقي وظيفة يتوظفا ويقضي عمرو اندبوري مانشح ما في بجيبتو مليم وطالما ما رح يلاقي البنت اللي تتطلع في بما انو ما عندو مصاري وطالما اذا لاقالو شي وحدة وتجوزا وجاب ولاد رح يقضي حياتو مهموم كيف بدو يطعمين وطالما الحكام العرب رح يضلو فوق كراسين وعافسين فوق راس الشعب والشعب لسانو طالع لبرا مو طالع مشان يحكي لاء طالع من قوة العفسة وطالما اسعار المواد بالوطن العربي بطلوع ورواتب الموظفين بنزول وطالما اذا الواحد بدو جرب يفكر تفكير بانشاء تجمع شباب ديمقراطي بيضلو ملاحقينو هوي وعيلتو لحتى يدقو بالحبس ومعد حدا يعرف عنو شي وطالما عايش بوطن ما في امل منو ولو بعد مية سنة انو يتحرر من هالتميز الطائفي وهالمشاحنات الطائفية اللي رح تصير في وطالما عايش بوطن حكامو همن تجميع المصاري و تكبير ارصدتن بسويسرا وبالبنوك العالمية واخر همن يطلعو لهالشعب المعتر اللي تحت اجرين او انو يفكرو مرة وحدة يكون الن موقف موحد من قضية معينة ومو شاطرين غير بالحكي واللقاءات الصحفية وتوزيع الابتسامات
فاكيد اخرتو لهالمواطن العربي انو يشعل سيكارة الحشيش مشان ينسى فلهيك الله بعتلي هالملاك مشان ينسيني قبل ما اتعزب بكل هالحكي (لاء وتصورو حتى الملاك عربي محشش كمان يعني الجناحات لا تاتي الا من الحشيش )
اما هالابن الحرام المعتر طلع بدو يدهورني عالهاوية بس منيح اللي ضل في عنا برامج الاطفال اللي بتانقذنا من كتير قصص تانية ممكن تموتنا ونحنا مو حاسين

ملاحظة هاي اخر تحشيشة الي بهالموضوع بما انو انتقل للسقيفة وصار بمتناول معظم الاعضاء
ممكن ارجع اذا حافظ الموضوع على نمطو واسلوبو وما تغير

حياكون :D

يا هاني.. السقيفة منيحة .. أحسن من باقي الأقسام بطل الي خلق فوتها .. يلا بلا ما نحكي عن الاقسام .. عيب النميمة :pos: ..

أنا صايرة كل مشاويري على السقيفة وزمان على الاقامة (مو زمان كتير من يوم يومين يعني)... مبسوطة يا عمي وما بدي حدا ينكد علي .. ;-)

وبما انها سيرة وانفتحت مع زافين .. قصدي مع هاني ..


بدي احكي هالحكوة .. 8)

المواطن يا جماعة هو صورة مصغرة عن صورة دولتو .. والدولة اذا كانت حرة بكون المواطن حر .. والدولة اذا كانت مو مستقرة اقتصاديا مواطنها كمان ما بكون مستقر اقتصاديا، وهكذا ..
وصار معروف كمان انو دولنا العربية بتمشي دادة دادة مع غير دول .. شي مع اميركا شي مع اسرائيل وشي مع الظروف .. والدولة لازم شعبها يمشي معها، يعني المواطن ،، ومعلوماتكم كافية اذا المواطن ما مشي مع الدولة شو بصير .. اذن دولة عظمى تسيطر على دولنا .. ودولنا تسيطر على المواطن ، ايه وهالمواطن عندو عيلة وهالعيلة مكونة من مرة وولاد .. اي كتير منيح .. وهدول كمان لازم يمشو مع هالمواطن رب العيلة، ايه بيسترجى حدا يفتح تمو .. انا ابوك ولااااااااااا .. بيجي انو انا كفرد ما بصير كون خالف تعرف .. ايه لازم كون متلي متل غيري .. ويعني بصير اثر على كل مين حولي ليكون متلي .. وأنا كون متل غيري .. والا بصير منبوذ :jakoush: .. ومنطلع كلنا شبه بعض ..
والف مبروك ..

اذن التسلسل الهرمي للسيطرة بكون هيك ..

الدول العظمى
.
.
دولنا
.
.
المواطن (رب الأسرة) وهو الشعب
.
.
الأولاد

=

مجتمع مقهور

هلا هالتحليل محشش شوي .. بس صفنة صغيرة بتشوف انها معادلة صحيحة .. قدمها لكم ابو حشيشة بذاتو .. :hashish:

" حشش عليها تنجلي " ...
لك اي والله .. انجلت منيح وصارت عم تلمع لمع كمان !

انّو كيف ما كانت خاطرة ع بالي قبل مااا ... تنجلي :shock:
لك مع انو الموضوع قديم .. بس شو بدنا نعمل هلأ لحتى اجى دورو ، حاكم حضرتنا نظاميين كتير واللي بيجي قبل بيسبق وبيحجز محل ...

- اي شو القصة !؟؟!
- بيني وبينك ... سمعت انو الانترنت صار متراقب ! ..
- اي ومن طول عمرو متراقب .. وين الخبر الجديد بالموضوع ؟؟
- لك لااااء ... قصدي ( متراااااااااقب ) ..
- ايييه ؟ ومين يعني عم يراقبو ؟؟!
- " الشباب الطيبة "
- يا لطيييييييف الطف..:shock: .!! وليش شو بيهمها الشباب الطيبة شو عم نلعي عالنت !؟ الله وكيلك كل علاكنا مصدي و مالو فكاهة ... على كيفك وشو اخبارك ووين كنت ووين رحت ووين جيت وليش تأخرت واذكرلي بالتفصيل شو اكلت بالفطور والغدا والعشا وشو مشاريعك لبكرا .. وبعدين بيت بيت كل واحد بينضب ببيتو .. بئا لشو لاحقينّا لهون ؟!؟
- هههههاي ، لك تضرب الهي .. ليش برأيك هنن عندهم وقت يضيعوه على مراقبة هيك تفاهات ؟!شو مفكّر قلة مشاغل عندهم ولا شو ؟؟ اي بذمتي بذمتي - وذمتي واسعة - انّو مصطلح حمير شغل ما طلع الا من وراهم ..لك روح شوف الفرع عندهم شو معبّى ، اتطلّع اديش مليان شباب - انترنيتية - هنيك .!! ..
- يا حراااام !! ليش شو عملو هدول ؟؟؟ يعني شو الحكي اللي قالوه بالضبط لحتى اكلوها ؟!
- شو مفكرني مجنون لحتى عيد اللي قالوه ! بس اللي بعرفو انّو كان في كم موضوع كاتبينو عن المعلّم وجماعتو .. قام ما عجبهم الحكي !!
- ولييييييي !! يعني حتى هون ما فينا نعبّر عن آراءنا عن الـ...... ؟!؟!
- لاء طبعاً ..
- ولا حتى عالخفيف ... تلميح مثلا ً ؟؟؟
- هئ .. ابداً ..
- وكيف بدنا ننفّس عن حالنا ؟! والله اللي فينا بيكفينا .. يعني لا بالشارع بيحقلنا نحكي، ولا بالشغل بنقدر نحكي، ولا بالبيت بنسترجي نحكي ، يعني ما بقيلنا غير هالفسحة الصغيرة لنتنفس منّا ونشم ريحة ربنا....يعني هلأ تقطعوها عنا ليييييش؟؟ اي والله بعدين بنموت طقييييق !!
- اي يا سييييييدي .. بتموت انت بيجي غيرك ، ويمكن يكون احسن منك كمان.. ليش مفكّر كتير سائلين عنّك ؟!
- هه !! لاء ... اصلاً دخيلك بلالنا هالسئلة .. لك ريتو يسأل عني عزرائيل ولا يقربو صوبي !!
- اي وهاد حكينا ... انا اللي عليي عملتو ، انت بئا شو بدك تحكي من هلأ وطالع بتبقى مسؤوليتك لحالك ..يعني بالعربي تسطفل

ووو توتة توتة ... العوض بسلامتكن

هلأ العبرة من الحكاية .. انّو المواضيع التالية بدّك تكنسلها ( تعمللها cancel ) من قائمة المواضيع المطروحة للنقاش ( حتى بينك وبين حالك ) ..
كل شي امور سياسية ، اقتصادية ، اجتماعية ، فلسفية - تخص نظرتك الخاصة للوضع الراهن عالساحة المحلّية تحديداً -، ووووو علميّة كمان.. لانو لو قالولك اللبن اسود بتسترجي تجادل ؟؟.. التمساح بيطير ؟؟ اي ولو يا زلمة ما بدها 2 يحكو فيها ...

وهكذا ... هاد بئا اللي صار ... :pos:


P.S : الاصح تكون صاير بما انو الفعل مازال موجود .. بس تحسبّا وحفظا لحضرتنا مما لا يحمد عقباه .. ارتأينا انّو نخلّي الفعل بالماضي :lol:


صحي .. عالهامش
ملاحظة هاي اخر تحشيشة الي بهالموضوع بما انو انتقل للسقيفة وصار بمتناول معظم الاعضاء


بلا آخر بلا بطيخ ... مفكّر "الاقلاع عن التحشيش " بيصير بالساهل يا بابا !! 8)

يا حلاوة الدنيا يا حلاوة .. يا حلاولو يا حلاوة .. 8)

كنت ماشية هداك اليوم أنا وأبو حشيشة .. طبعا ابو حشيشة .. لانو انا واصلة وعندي واسطة ..;-)

أنا: شو اللي خلاك تحشش هالقد لحتى سموك أبو حشيشة؟
أبو حشيشة: الدنيا ..
أنا: شو اللي في الدنيا اللي بخليك توصل لهالمرحلة يعني؟
أبو حشيشة: تحديدا الناس..
أنا: ليش الناس .. شو بيعملو الناس؟
أبو حشيشة: أنا بقلك ..
أنا: قول ..
أبو حشيشة: الناس ان حكيت ما بيسمعوك .. وان فضفضت ما بيفهموك .. وان ضحكت بستسخفوك وان حزنت بيلوموك .. وان ضعفت بياكلوك .. وان قويت بذموك .. وأن فهمت بجننوك .. وان حبيت تعيش بيقتلوك ..
أنا: :shock:


قلت بحالي: قديه فهمان هالأبو حشيشة .. طلع معتر متلنا .. :cry:

تحشيش ...تحشيش ...تحشيش

مبارح بعد مارجعت من الشغل الساعة 11 تعبااان وكرهان الدنيا كلها
وهالافكار عم تنطح بعضها جواات راسي وشي بفكر بالجامعة وشي بفكر بالشغل وشي بالجيش
حسيت راسي صار اد الطبل (دم دم دم دم) جيت لحتى نام ما ئدرت لك من وين بدي انئبر نام اذا هالمخ شغال ما عم يرتاح ولا ثانية
فزيت وئلت بلا نوم بلا بطيخ مع انو عندي شغل تاني يوم من الساعة 8 الصبح
حطيت بريق المتة على هالغاز وعمرت نفس هالاركيلة (تفاحتين نخلة .....مهرب لانو الغوتا بيهوي)
جبت شوية مكسرات وجهزت الئعدة برى على هالباب
سخن بريق المي ونقعت هالمتة وحطت هالفحة على راس الاركيلة واشتغل السحب
هيك حتى اشتعل الراس عالاخير وبلشت هالدخنة تطلع
ومع كل سحبة نفس ونفخة حس على كتر الدخنة اللي عم تطلع بيروح هم من همومي
شغل كييييييييييييف روووءت عالاخير ..وانا اسحب وهالاركيلة تعطي على ئد مافي براسي افكار وعلى ئد مافي بئلبي هموم تطلع دخنة ..:shisha:

وروحي اركيلة دخيل الله شو شعوور تاني ..الواحد بيصير بعالم بعييد وبيرتاح مخو من قطار الافكار اللي رايح جاي عم يزمر براسي
وسحبت معي للساعة 3 ونص (بص وبص بص على ئولة نانسي )
واحلى شي انو بهالشارع مافي غيري انا و البسس (يعني قطط) رايحة جاي وعم تتطلع وتنوي

خطر ببالي لو صير ئطة مثلا مو احسن ...ما الا باكل وبشرب وبنام وبتجوز كمان:pos: وماحدى بيئللي ليش ..ولك حشيشة :hashish:

ايييييييييييه على نفس اركيله متل هاد يلي حكيت عنو


برجع وبقول

تحشيش ...تحشيش....تحشيش


ولله الحمد

هلا من محاسن التحشيش .. التفكير .. ايه التفكير .. وخدو هالفكرة المعصلجة شوي ..;-)

ليش عنا نزعة للحقد والكره اكتر ما عنا للمحبة ...:shock:

بالظاهر انو مشاعر الغيرة والرغبة بالتفوق تغلبت على مشاعر المساواة والتواضع في مجتمعاتنا ..
وكأنو الواحد فينا بدو يكون هوي الراس8) أو المعلم:shisha: أو الزعيم :blow: (يعني على راسو ريشة) والباقي يا بكونو متل ما بدو أو بكونو منبوذين(يعني على راسهم ما في ريشة) .
حتى نحنا بحياتنا العادية مع أصدقاءنا وزملاءنا بنتصرف بهالطريقة .. يعني يا بتكون متلي يا ما برافقك ..:willi:

الخلاف حلو والخناق تغيير جيد .. بس الرفض لاي شي مختلف هاد مرض..

والواضح انو مرض متفشي بمجتمعاتنا (قلة مناعة .. قصدي قلة ثقافة) .. وعند الانسان العايش بمنطقتنا .. يعني كلنا بنكره بعض وما منطيق واحد بيختلف عنا سواء بدينو بجنسيتو بافكارو بلبسو لك حتى بشكلو .. :pos:

هالرفض مو عارفة هوي مشكلة نقص أو كره اعمى أو عنصرية طاغية عند الرافض .. خوف من انو هالشخص المختلف ممكن احسن .. أذكى .. الخ .. وممكن يكون نقص حاد في فيتامين الوعي وبروتين الادراك (بناء على تشخيص د. أبو حشيشة) ..

شو هالحالة .. كيف الانسان بيقدر يعيش بين ناس متل هيك .. لانو يا بتكون كاره يا مكروه .. وبالشكلين غلط .. كتير غلط ..

أما المحبة فهالحالة غير واضح تفسيرها وتعريفها عنا تماما .. وعادة بتعتمد على المصلحة.. :shock:

:hashish: لك شو رأيك د. ابو حشيشة انت بتحب ولا بتكره ؟؟؟ غالبا انت حباب ..

تسمحولي شارك:
لك ما كان يجي
أذان المغرب
مشان نضرب كم بورية
أخ على كم سيجارة WINSTON أحمر
وكم حشيشة

لك روح حاجتك مسخرا

في فكرتين بس لارجع من الجامعة نطرونا

وينك يا نيرفانا :cry:

والله هادا اليوم بالشغل الساعة شي تمانة ونص الصبح وانا فارط يعني عيني مفتحة عين مغمضة اي شو متوقعين يعني فالح كل النهار ونايم الساعة تنتين ونص وفايق سبعة ونص ورايح على الشغل اكيد بدي كون نعسان المهم من بين جفوني النص مطبقة شفت واحد فات على الستور
والله قرب مني قال عطيني باكيت مارلبورو حمرا عطيتو باكية مدري هيك كيف انتبهت مكتوب على كنزتو " لن نصمت " بالعربي انو سالتو هيك بصوت نص نايم من وين انتي قال من لندن قلتلو لكن شو هاي الجملة اللي على صدرك قال قدرت تقراها قلتلو اي انا بقرا عربي قال اي نحنا مجموعة كبيرة عاملين حملة ضد الحرب على الدول العربية وطلع هون انا صحصحت يعني كيف واحد نص نايم وكبيت علي سطل مية باردة بتلاقي صحصح بس اجتو الجمدة ومخو بيحملش لشي عشر دقايق ربع ساعة

انو وسرحت يا لطييييييييييييييييييف من لندن وعم يعترض على الحرب ضد الدول العربية ونحنا عنا بالدول العربية ما عم يحكو شي عن الحرب على الدول العربية

الشعب الغربي صار يشفق علينا ويدافع عنا ونحنا ما كنا نعرف نوعى لحالنا وندافع عن حالنا

انو يا لطيف كيف صرنا كيف صرنا منقادين ورا حكامنا اللي ما همن غير يجمعو مصاري ويكبرو حساباتن كيف صرنا منشوف المناظر بهالاخبار كانو عم نحضر مسلسل ومننطر الحلقة التانية منو تاني نهار ومنكون قاعدين عم نقصقص بزر ونشرب كاسة شاي ومو فارق معانا
والشعب الغربي اللي منضل نهاجمو ومنضل نحكي علي سادة نفسو من ورا هالمناظر اللي شايفها بدولنا العربية وعم يوقف مع العالم اللي عم تنضرب

سمحولي اقتبس قول همام حوت باحدى المسرحيات وعلى لسان احد الممثلين : نحنا امة اي الله لا يرحم هيك امة


وبعد ما صحصحت من هول المفاجأة والصدمة من حكي هالزلمي سحبتلكن سيكارة حشيشة وقعدت حشش ولا كانو شي صاير (اي ما هيك متعودين من نحنا وهنيك )

بس انا وعم اكتب هالتحشيشة خطرتلي شغلة تانية انو انا كان اسمي بالمطار انو ممنوع فوت على سوريا لاني متخلف عن خدمة العلم هلأ عم حس انو اسمي صار بالمطار انو ممنوع فوت على سوريا مشان شي تاني

مو مشكلة
خدلك سيكارة لك بالله خدلك سيكارة يعني سيكارة وحدة ما رح تكسرني خلص خود وشعل واسحب وانسى ما كلو رايح :hashish:

وينك يا نيرفانا وينك يا ابو حشيشة :cry:

:? :pos:لك اييييييييييييييه

يلعن عمر الافكار التحشيشيه ما ازكاها

مشكور على الموضوع :D

يا ترى الحشاشين اللي ذكرهم التاريخ الاسلامي كانو ابطال وللا مغفلين
كانوا عرفانين شو عم يعملوا بالزبط وللا ماشيين ورا سراب

شو هاني خلصت الحشيشة ؟؟ .. ما عد شي ينقرا بأخوية ..

شو هاني خلصت الحشيشة ؟؟ .. ما عد شي ينقرا بأخوية ..

يا اخواتي اليوم شفت الي فوق التلت مواضيع قدامى منكوشين

كتير حلو الحكي

بالنسبة للحشيشة ما خلصت يعني هلأ اسا جاي من سهرة اركيلة غير شكل
بس المشكلة معد في وحي لاكتب شي تحشيشي

يعني منشوف اذا هاليومين بيطلع معنا شي

اهلين خيتو :D

سؤال بس عالسريع هلأ انتي قريتي الموضوع :?

اهلين خيتو :D

سؤال بس عالسريع هلأ انتي قريتي الموضوع :?

قريتو قبل، بس انا شايفة ما عد شي ينقرا بأخوية من فترة .. قلت لنكوش بمواضيعي المفضلة .

قريتو قبل، بس انا شايفة ما عد شي ينقرا بأخوية من فترة .. قلت لنكوش بمواضيعي المفضلة .


حلو والله اسعتو هادا الموضوع من المواضيع المفضلة عند بعض العالم

مية وردة :D

حلو والله اسعتو هادا الموضوع من المواضيع المفضلة عند بعض العالم

مية وردة :D

والك ألف :D

لك روح حاجتك مسخرا

أبو الهن هاد أبو شريك كنت عم رد على موضوع أم بالغلط حطيت الرد هون مو قصدي

هادا يا سادة يا كرام .. ومن سوء حظكم يا هالانام ... انو اليوم دايق خلقي وجاية ع بالي اتفزلك شوي بمواضيع بلا طعمة ...

اي ... هاد اليوم كنت عم فكّــــر وهالشي ما بيحدث غالباً ... بالذات بهالفترة وقت اللي بتكون معجوء و100 فكرة براسك ومانك عرفان كيف هالنهار عم يمضى .. ويخرب بيتو معقول هدول 24 ساعة اللي عم يمرقو ؟!؟ اي العمى ما نلحق نعمل شي ... لك حتى النوم صرنا نقلل ساعاتو للنص .. اي والله اشتقت لنام كل يوم 8 - 9 ساعات .. اي لاء مو كتير ... بعرف انو مفكرين كتير ... بس هئ ... هاد المعدّل الطبيعي للي باعمارنا .... وكل ما تكبر بتقل .. يعني لا تتشاطر انو بتنام 5 ساعات وبتفز متل الحصان .. كاشفين عمرك انت وياه وياها ;-)

اي ما علينا ...

المهم ... بما انـــو حاسة بحالة ملل قاتل وما عندي شي اعملو ... بشو بدي اتسلى بشو بدي اتسلى بشو بدي اتسلى !؟؟
كان جاري التفكير ... وإذ بينط قدامي البوم الصور ....
ويحرق اختو من بين الصور !! لك شو هاااااااد !! :shock: شو هالاشكال هي ؟! كيف كانو يخلّونا نطلع عالشارع بهالمناظر !! :cry:
لاء والاحلى متى ما قالولنا ابتسمو للصورة بتصير ضحكتنا من هون لهووووووون ... ع قولة واحد بعرفو ..بيصير كل وشنا تم :lol: ...
لاء وشو اكتشفت كمان ... انــو ما عندي ولا صورة راكزة ... لازم لازم خربها بحركة سئالة .. يا ملاوقة يا نطوطة يا حط ايدي بــــ وش اللي قدامي لحتى خرّب عليه ...
وبيقلولك احلى ايام وقت اللي كنتو صغار ....
اي بلا ايام طفولة بلا بطيخ .... منيح اللي الصور ما بتنطق كانت كفرت بالعبري !! ... يعني بعد ما شفت الصور صرت افهم الجملة من منظور تاني ... انو اس الله ايام ما كنتو صغار وما تجادلونا بلبسكون وبرأيكون وووو ... عنادكون
كانو يقلولنا اللبن اسود ... اي معلوم اسود ، ولو ليش في حدا قال غير هيك !!؟؟
هلأ : اللبن اسود .... - بالله شو ؟؟؟؟ مين قال هالحكي ؟؟؟ وعللي وفسري ووضحي ؟؟ وليش ما بدكون يانا نعبّر عن رأينا ؟؟ وكل ما حكينا كلمة صار لا تجادلنا نحنا بنفهم بمصلحتك اكتر منك ؟؟ هالحكي ما بيمشي معي .. ع فكرة انتو هيك عم تقمعولنا افكارنا وهي اسمها ديكتاتورية ...واذا انتو ما استحملتونا مين بدّو يقدر ؟؟ وبلابلابلابلا ...
لك اااااخ ... والله مافي اصعب من الجدال العقيم .. بتطق وبتطقق غيرك ..
شيلونا من هالسيرة ما حبيتا ...

اي صحي .. ع سيرة الابتسامة والضحكة ...
من زمان كانت تطلع دعاية معجون اسنان، السيناريو تبعها بيقول ( خليني خبرك خبرية صغيرة ... سر الجمال ما بيتوقف بس ع تسريحة شعرك.. حمرتك .. او اي لون مكياج ... سر الجمال .. الابتسامة الحلوة ) ...
ما بتذكر بالضبط ايمتى طلعت هالدعاية .. بس اللي متأكدة منــو انــو ادماني ع فرشاية الاسنان بدّو يكون بلّش بعدها ... اي عنجد شي مو طبيعي .. كل العالم بتفرشي 3 مرات باليوم - بعد كل وجبة :p - ... الا بعض جماعة شي 6 - 7 مرات .. وفي فرشاية اسنان بكل مكان .. بتفتح الخزانة في وحدة .. بالحمام وحدة .. بشنتة الجامعة وحدة .. وفي وحدة "روزيرف " بالسيارة مشان اذا رحنا مشوار واضطرّينا ننام برّا البيت ....

انّو هالدعايات بتحسها للضحك عالواحد وحدة بوحدة ....
يعني مثلاً الشباب بينضحك عليهم بالدخّان وامسك جرّب وشوف كيف هيي دليل الرجولة واتطلع حواليك بهالافلام والدعايات لتعرف عن شو عم نحكي وبتصير كبير وبتصير شغلة عظيمة وما حدا قدّك و و و .... و نفس الشي بالنسبة للصبايا بينضحك عليهون .. بس بأمور اخرى ( بالضمة ولاه :jakoush: )

برأيي كل شي كوم .. ووقت يضحكو عالناس بمباركة شهابذة العالم اللي انت بتنظرلون ع اساس انــو هنن اسمى من انو يخدعو الشعب بهيك امور كوم تاني ...
يعني مثلاً - وبعدنا بمعجون الاسنان - ... بتجيك دعاية الدكتور الفلاني ( مع زوم على شهاداتو اللي مملية الحيط من الزاوية للزاوية ) و اللي بينصح بالمعجون الفلاني وبيثق فيه من اكتر من 20 سنة ..
اي يخرب بيتك شو كذاب ..ع اساس كان هالمنتج موجود من 20 سنة لحتى تنصح فيه حضرتك :jakoush: ..
هيك اشخاص بحسهم ضمن ( نظرية المؤامرة ) طبعاً بعد التعديل البسيط.. لانو شو جاب لجاب .. بس انّـــو يعني.. شي انّـو ... ;-)


ايييييه خلص حاجتي بدي روح عالبيت لاعمل شغلة مفيدة بالحياة ... متمثلةً بالنوم :yahoo: ..
عنجد الحكي بيسلّي ...!! انو غريبة كيف الواحد بيتسلى مع حالو ايام .. مع انو غيرو يمكن يفكرو ........ لا سمح الله !:pos:

سي يو ....

:D

لما بقلك لعّاية ما بتصدقيني الحمدالله اللي كنت وقتها نايم :lol:

ليش انا دايما بحكي بهالمعدّل ولاه :jakoush:
هي بس هيك ... شوية تسلاية بيني وبين حالي لانو كان دايق خلقي :lol: ... قول انشالله ما يديق مرة تانية لانو والله مشكلة .. العمى انا بس شفت حالي شو حكيت غط ع قلبي .. يخرب بيتي شو بلعي :cry:

أوف شوف من متى تاركين الموضوع ..
شو خلصت الحشيشة .. ببعتلكم أبو حشيشة :hashish:يحشش معكم ..
لنحاول نعمل UP للموضوع ..

هاد يا جماعة من يومين .. كان أبو حشيشة :hashish:رايق عالأخر وقاعد في مخدعه، قام بيجي بطب عليه أبو إبرة ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// قال شو أبو حشيشة قاطع رزقو لأبو إبرة .. ليش ... لأنو رخيص وكويس وابن ناس .. وعنخوزة وتشحيط ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// قامو علقو ببعض .. وكونو محسوبتكم ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// فاعلة خير وطرف محايد من جماعة أبو حشيشة .. بدي افصل بيناتهم .. وبتعرفو اللي بعلق بين أبو حشيشة وأبو إبرة إلا ما تطولو طرطوشة .. قام طالني كتيييير منها ويا هيك الخناق يا بلا روقت وآخر مزاج ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// يعني ابرة من هون .. حشحوشة من هون .. وطلعنا تمام التمام .. ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////



يا سلام يا ريت كل الخناق بأخوية بكون هيك .. ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////