حزورة : ما الفرق بين الله والتنين والغول ؟ [الأرشيـــــف]

أنا_بذاتو

10/08/2006, 12:10

أحبائي وحبيباتي،

هذا ليس موضوعاُ للتجريح بالمؤمنين بأي دين كان، لأنو التجريح والتشطيب هم من صفات العونطجية والدندبوريين وهم لا ينفعوا في شيء إلا في إثارة الحزازيات والكره بين الناس وهذا ليس القصد بتاتاً بتاتاً من هدا الطرح المطروح.

بعد هالمقدمة العصماء التي لا بدّ منها، إليكم الموضوع اللي هو حزورة جدّية بتمنّى ممن يرغب، الإجابة عليها بكل عفوية وبساطة ورواق، وبدون تجريح بمعتقدات الأخرين كما قلنا فوقاه ... ماشي حبايبي !

إذاً الحزورة هي : ما الفرق بين الله والتنين والغول ؟
مع العلم أن المقصود بالله هون هو إله أي ديانة كانت بدون تمييز بين هندوسية، إغريقية، يهودية، مسيحية، مسلمة أو (شيوعية :wink: ).

حزورة غريبة مهيك ؟

حبيت حطها بالصالون لأني شفت أنها مناسبة لأحاديث الصالونات.

يلا شدو حيلكين وبالتوفيق :D

Barleb

10/08/2006, 12:24

ما بعرف ..بس صارت وصارت .. رح أشلف حزورة من عندي ..

أيا الأحق بالحكم بلبنان بعد الحرب ..
وليد جنبلاط .. ولا نبيه بري .. ولا نصر الله .. و ليش ؟

أنا_بذاتو

10/08/2006, 12:38

ما تواخذني خيي عاشق إذا ممكن تطرح حزورتك في موضوع أخر منشان ما نشتت الموضوع.

وهي وردة إلك ولمن تعشق :D

صياد الطيور

10/08/2006, 12:41

إذاً الحزورة هي : ما الفرق بين الله والتنين والغول ؟
يا زلمة غير الله ما بيعرف هالحزورة ..
أيا الأحق بالحكم بلبنان بعد الحرب ..
وليد جنبلاط .. ولا نبيه بري .. ولا نصر الله .. و ليش
كمان هي صعبة

عيون جريئه

10/08/2006, 14:54

صعبه ما مرت عليي قبل هيك

بس اكيد في فرق

:adal:

ابومزيد

10/08/2006, 15:31

هو من جهة في فرق في فروقات
بس بظن انو السؤال هو شو الفرق بوجه التشابه
الكل ما حدا شافون لحد الان
بس فينا نقول
الله بيخلق
التنين بيشوي
الغول بياكول

عيون جريئه

10/08/2006, 15:34

حلوه كتير هادي
هههههههههههههههههههه

عيون جريئه

10/08/2006, 15:35

هو من جهة في فرق في فروقات
بس بظن انو السؤال هو شو الفرق بوجه التشابه
الكل ما حدا شافون لحد الان
بس فينا نقول
الله بيخلق
التنين بيشوي
الغول بياكول

حلوه كتير هادي

دير بالك من التنين

ابومزيد

10/08/2006, 15:39

لا تخاف انا من جماعة الغول:eat: :eat: :eat:

ابومزيد

10/08/2006, 15:42

ما بعرف ..بس صارت وصارت .. رح أشلف حزورة من عندي ..

أيا الأحق بالحكم بلبنان بعد الحرب ..
وليد جنبلاط .. ولا نبيه بري .. ولا نصر الله .. و ليش ؟

السؤال غلط لانو شايفلك ما ضل شي بلبنان ينحكم:(

عيون جريئه

10/08/2006, 15:44

لا تخاف انا من جماعة الغول:eat: :eat: :eat:
معناها انا لازم ادير بالي من التنين ومنك
هههههههههههه

fady juventus

10/08/2006, 15:50

حسب ...
الهندوسي: بيزعل لأنك ما حطيت البقرة بالحزورة:bow:
الإغريقي::humm::humm:هاي أول مرة بسمع بهالديانة :?
اليهودي: بيقلك شفلي بالأول قديش كل واحد بيعطيني مصاري$ مشان حدد موقفي
المسيحي: بيقلك الله هو خالق السماوات :angel:
المسلم: بيقلك الله يهديك "وفي ناس ممكن تهدر دمك على هالحزورة:zen: "
الشيوعي: بيقلك كلن خيااااااااااااااااااااال :willi: :krimbow:

lilitty

10/08/2006, 16:02

اممم...

اش هالحزورة؟؟؟

بعدين...ما بعرف شو المغزى من التشبيه ؟؟؟

يييييييي...

ما بعرف..
عم نتستنى الجواب من الأخوة الفلاطح...

Gazita

10/08/2006, 16:12

هو من جهة في فرق في فروقات
بس بظن انو السؤال هو شو الفرق بوجه التشابه
الكل ما حدا شافون لحد الان
بس فينا نقول
الله بيخلق
التنين بيشوي
الغول بياكول
:o :o :o :o

بحرسوريا

12/08/2006, 02:13

كلن خيااال:shock:

Liu Kang

12/08/2006, 02:18

هو من جهة في فرق في فروقات
بس بظن انو السؤال هو شو الفرق بوجه التشابه
الكل ما حدا شافون لحد الان
بس فينا نقول
الله بيخلق
التنين بيشوي
الغول بياكول

:o :lol: :lol: شووو هااد ابو مزيد..:o ماااعرفتك :lol:

Liu Kang

12/08/2006, 02:27

ما بعرف ..بس صارت وصارت .. رح أشلف حزورة من عندي ..

أيا الأحق بالحكم بلبنان بعد الحرب ..
وليد جنبلاط .. ولا نبيه بري .. ولا نصر الله .. و ليش ؟

انا رح جاوبك نص جوااب;-) .................... ...ولا واحد منهن رح يحكم لبنان ؟
ومشان ليش ....!!!! بكرى الايام بتجاوبك عليهاااا.................؟؟؟;-)

butterfly

12/08/2006, 02:37

أوووووف ...
بظن أنو كاتب الموضوع ...بظن ها مو متأكدة ...
أنو بدو يقارن بين انو الله عنا مخلوق سحري متلو متل التنين ... لهيك بتحسونا منتوقع منو أمور سحرية وتدخلات مدري كيف .. يحول فلا ن لقرد .. ويضرب نار لعلان وهيك

وتاني فكرة أنو الله متل الغول شي مخيف .. بيخوفونا من غضبو ..من عقابو ... من نارو ...
بيعملولنا ياه متل البوبوع اللي واقف عم يسجل كل شي ...

أما بالنسبة الي الفرق كبير كبير كبير
شو الله ..
الله أب ... :cry: :cry: وبالنسبة الي بالذات الأبوة هي محبة واحتضان ...

القلب المنادي

12/08/2006, 10:58

لك انا بتوقع انهن كلياتهون بشتركوا بشي واحد

وهو انو مافي حدا بالدنيا شافهون

اما الفرق انا ما بعرف؟؟

mr_fayz

12/08/2006, 11:07

ما بعرف ..بس صارت وصارت .. رح أشلف حزورة من عندي ..

أيا الأحق بالحكم بلبنان بعد الحرب ..
وليد جنبلاط .. ولا نبيه بري .. ولا نصر الله .. و ليش ؟

انا متلك مافهمت شو معناتهن

يلا هي حزورة

شو الفرق بين العضمة الكبيرة والعضمة الصغيرة

toocoolfriend

12/08/2006, 19:00

أنا شفتو الله!!!

بس ما شفت لا تنين ولا غول

toocoolfriend

12/08/2006, 19:02

بالنسبة لحاكم لبنان, ما في متل الأستاذ:adal: رجّال يقبرني شو رجّال

gabo

12/08/2006, 19:11

مشان الحزورة أنو
الله ياخدك
والغول ياكلك والتنين يحرقك

بس موضوعك غير مناسب للمناقشة ومو مستاهل المناقشة لأنو موضوع تافه كتير أنو نحط الله بالمقارنة مع أي من مخلوقاته

وشكرا

TheLight

12/08/2006, 19:11

الأخوة الفلاطح...

الله يسامحك

نحن فلاطح؟؟

جمع فطحل هو فطاحل مو فلاطح

ذكرتيني بسلاحف النينجا

abo al nodom

12/08/2006, 19:20

شو الفرق بين العضمة الكبيرة والعضمة الصغيرة

في وحدة اطول من التانية:o

lilitty

12/08/2006, 19:23

الله يسامحك

نحن فلاطح؟؟

جمع فطحل هو فطاحل مو فلاطح

ذكرتيني بسلاحف النينجا
:o
عم قول في ردّ أنا راددته وانتا ما علّقت عليه وراي..كنت بدي أبعتلك رسالة خاصة اذكرك انو في رد الي مالك متمسخر فيه عليه..
اشبن سلاحف النينجا.....لا تحكيلي عليهون...ها...من يومين اتفرّجت عليهون مع ولاد خالتي عال dvd ...
سوري خطأ مطبعي ...وهي أحلى وردة لعمو ذا لايت المدقّق :D

silent_storm

12/08/2006, 20:31

كعييييييييييييييييييييت ..... بس بظن انوا تلاتتهن بيخوفوا

فيروزة

12/08/2006, 20:39

إذاً الحزورة هي : ما الفرق بين الله والتنين والغول ؟

شو الهدف من هي الحزورة
إذا قصدك أنو الثلاثة بخوفو بتكون غلطان :pos:
التنين والغول مالهم وجود
اما الله سبحانه وتعالى موجود في كل مكان

حوراء

12/08/2006, 20:40

مرحبا

برأيي ان الفرق واضح جدا

ومن لا يرى فرقا .... فا الله يعينه 8)

الله وتعالى الله عن مقارنته بخلقه ... هو من تفضل علينا بالحياة وبالوجود
اما الغول و التنين اسطورتان لا وجود ولا اثر لهما الا في الحكايات الخرافية

وشكرا :oops:

Liu Kang

12/08/2006, 22:16

مرحبا

برأيي ان الفرق واضح جدا

ومن لا يرى فرقا .... فا الله يعينه 8)

الله وتعالى الله عن مقارنته بخلقه ... هو من تفضل علينا بالحياة وبالوجود
اما الغول و التنين اسطورتان لا وجود ولا اثر لهما الا في الحكايات الخرافية

وشكرا :oops:

:? :o :o :o :o :o
كلامك فيو وجهة نظر.............. ;-)

ابو عمير السوري

12/08/2006, 23:13

مشان الحزورة أنو
الله ياخدك
والغول ياكلك والتنين يحرقك

بس موضوعك غير مناسب للمناقشة ومو مستاهل المناقشة لأنو موضوع تافه كتير أنو نحط الله بالمقارنة مع أي من مخلوقاته

وشكرا
أحلى جواب لأسؤ سؤال
كأنه ماصفي مواضيع تنطرح شكرا:jakoush: :jakoush: :jakoush: :jakoush:

hope owner

13/08/2006, 04:16

انا راح اقولك الفرق

الغول والتنين قد يكونوا اسطورة وقد يكونوا مخلوقات

وجدوا في احد الازمان ولكنهم غير موجودين في هذا الزمن

لكن الله بالنسبة لاصحاب الديانات السماوية

هو مجود في كل الازمان

وهو الخالق للغول والتنين في حال لم يكونوا اسطورة

اب حمرا

13/08/2006, 05:55

كلون اساطير

nisrine

13/08/2006, 15:48

انا راح اقولك الفرق

الغول والتنين قد يكونوا اسطورة وقد يكونوا مخلوقات

وجدوا في احد الازمان ولكنهم غير موجودين في هذا الزمن

لكن الله بالنسبة لاصحاب الديانات السماوية

هو مجود في كل الازمان

وهو الخالق للغول والتنين في حال لم يكونوا اسطورة يسلمو ردك كثير حلو بس انا شايفة ان الموضوع مو مستاهل نفكر فيه من شان الله هو اصدق شي في هالكون و اذا دخلنا في هذا التفكير ممكن نكفر فيا اخواني خلو هذا الموضوع كمسلمة و نؤمن بان الله لا يعرف وجها للمقارنة مع اي شي هو الذي خلقه :D :D

حيفاويه

13/08/2006, 18:54

يسلمو ردك كثير حلو بس انا شايفة ان الموضوع مو مستاهل نفكر فيه من شان الله هو اصدق شي في هالكون و اذا دخلنا في هذا التفكير ممكن نكفر فيا اخواني خلو هذا الموضوع كمسلمة و نؤمن بان الله لا يعرف وجها للمقارنة مع اي شي هو الذي خلقه :D :D
بتعرفي يمكن انتي اكتر وحده فهمانه هون :D

handsome

13/08/2006, 19:38

هلق الجواب عهاي الحزيرة بيكون بجواب على حزيرة مشابهة الا:

شو هوي وجه الشبه بين سوبر مان وبات مان وحمصي زكي؟؟؟؟؟؟؟؟؟

يعني الشغلة واضحة متل عين الشمس....

تلاتتون مخلوقات خايلاية

hope owner

13/08/2006, 19:49

يسلمو ردك كثير حلو بس انا شايفة ان الموضوع مو مستاهل نفكر فيه من شان الله هو اصدق شي في هالكون و اذا دخلنا في هذا التفكير ممكن نكفر فيا اخواني خلو هذا الموضوع كمسلمة و نؤمن بان الله لا يعرف وجها للمقارنة مع اي شي هو الذي خلقه :D :D

هو المفروض اني ما رد عليه

لكن هذا اللي صار

أنا_بذاتو

13/08/2006, 22:44

مرحبا يا شباب ويا صبايا... كيفكين.
لا تواخذونا يا جماعة على هالتغيب الطارء لأسباب ويكندية.

أما بعد ... فرح أتناول بعض الردود التي حاولت الرد على الحزورة المعضلة. هو من جهة في فرق في فروقات
بس بظن انو السؤال هو شو الفرق بوجه التشابه
الكل ما حدا شافون لحد الان
بس فينا نقول
الله بيخلق
التنين بيشوي
الغول بياكول ماشي، بس ليش برأيك يا رفيق "بو المزيد" فينا نقول ما قلته أنت فوقاه ؟
يعني طالما وحيثما أنو الكل ما حدا شافون، طيب مو ممكن أنو الغول يكون بيشوي وأنو هو والتنين يكونوا بيخلقوا، ولا شو ؟
يعني باختصار، شو رأيك انت بهالقضية ؟

أنا_بذاتو

13/08/2006, 22:49

حسب ...
الهندوسي: بيزعل لأنك ما حطيت البقرة بالحزورة:bow:
الإغريقي::humm::humm:هاي أول مرة بسمع بهالديانة :?
اليهودي: بيقلك شفلي بالأول قديش كل واحد بيعطيني مصاري$ مشان حدد موقفي
المسيحي: بيقلك الله هو خالق السماوات :angel:
المسلم: بيقلك الله يهديك "وفي ناس ممكن تهدر دمك على هالحزورة:zen: "
الشيوعي: بيقلك كلن خيااااااااااااااااااااال :willi: :krimbow:
بخصوص الهندوسي معك حق خيو فادي ومنشان نراضيه ونراضي كل من لم ترد ديانته في هذ الفزورة، ها أنا ذا أضيف الكلمة السحرية (....الخ) إلى الديانات الآنفة الذكر.

الديانات الإغريقية القديمة أو ما نسميها الآن أساطير إغريقية كانت يا خيو ملا إنت، ديانات فعلية في عصرها في زمن سقراط وأفلاطون وأرسطو وبقية الشلة (العاطلة). ومن آلهتهم كان زيوس وأفروديت وهرمس وأثينا ...الخ.
يعني مثلاُ بهداك الوقت بدل ما يقول الواحد منن :
"أتعلم يا أبو علي، والله إني مُنخَضٌ على خطيبتي"،
كان يقول :
" أتعلم يا أبو ألي، وزيوس إني قلق على خطيبتي".
بالنسبة لبقية ما ذكرت فلا غبرة كثيرة على كلامك.

أنا_بذاتو

13/08/2006, 22:55

كلن خيااال:shock:
كلون اساطير

طيب با رفاق لكن ليش برأيكم الناس عندنا بيقولوا إنو الله هو الموجود وأنو البقية هني المخلوقات الخيالية.
شغلة بتخيل مهيك.
تخياتي.

أنا_بذاتو

13/08/2006, 23:00

أوووووف ...
بظن أنو كاتب الموضوع ...بظن ها مو متأكدة ...
أنو بدو يقارن بين انو الله عنا مخلوق سحري متلو متل التنين ... لهيك بتحسونا منتوقع منو أمور سحرية وتدخلات مدري كيف .. يحول فلا ن لقرد .. ويضرب نار لعلان وهيك

وتاني فكرة أنو الله متل الغول شي مخيف .. بيخوفونا من غضبو ..من عقابو ... من نارو ...
بيعملولنا ياه متل البوبوع اللي واقف عم يسجل كل شي ...

أما بالنسبة الي الفرق كبير كبير كبير
شو الله ..
الله أب ... :cry: :cry: وبالنسبة الي بالذات الأبوة هي محبة واحتضان ... كلامك يا ست فراشة سليم 100 % عن الأبوة.
بس التنين والغول يعني كمان ممكن يكونوا أبوات محبين وحاضنين لعفاريتهم الصغار. ولا شو قوليك.

أنا_بذاتو

13/08/2006, 23:01

لك انا بتوقع انهن كلياتهون بشتركوا بشي واحد

وهو انو مافي حدا بالدنيا شافهون

اما الفرق انا ما بعرف؟؟ طيب يا عزيزتي "القلب المنادي" فيه ناس متل الزميل toocoolfriend بيقولوا إنهم شافو الله بذاتو سواء في الصحو أو في المنام.
ومنهم من يقول مثل الفرنسي "رائيل" أن الله إجا وأخدو برحلة سماوية ليعرفه على بقية "الأنبياء اللي متلو" موسى وعيسى ومحمد وبودا. وبعدين يقول هالمواطن أنو الله رجّعوا عالأرض كنبي ليبشر بالأطباق الطائرة.
شي خَيلي هالرائيل مهيك.

أنا_بذاتو

13/08/2006, 23:04

أنا شفتو الله!!!

بس ما شفت لا تنين ولا غول فيه كتير ناس ما شافو متلك لله ومع ذلك بيؤمنوا فيه بكلّ إخلاص وصدق.
و فيه كتير ناس في شرق آسيا ما شافو التنين بس آمنوا فيه وبقواه الخارقة.
وكمان فيه كتير أطفال ما شافو الغول بس بيضلوا خايفين ومرعوبين منو وكأنو نايم تحت التخت.
نستنتج مما ورد فوقاه أنو عدم الشوف هو سبب غير كاف لنفي ما لم نشفه والعكس صحيح.

SAM 1

13/08/2006, 23:05

بس موضوعك غير مناسب للمناقشة ومو مستاهل المناقشة لأنو موضوع تافه

بالعكس الموضوع حلو كتير.. والجواب سهل كتيير

أنا_بذاتو

13/08/2006, 23:08

مشان الحزورة أنو
الله ياخدك
والغول ياكلك والتنين يحرقك

بس موضوعك غير مناسب للمناقشة ومو مستاهل المناقشة لأنو موضوع تافه كتير أنو نحط الله بالمقارنة مع أي من مخلوقاته
وشكرا مشكور يا عم gabo على دعواتك الصادقة الصدوق.
بس يعني بلا صغرة، أنا اللي بقرر إذا موضوعي مناسب أو غير مناسب للمناقشة وعلى إساس ذلك بجتمع مع نفسي وبقرر طرحه أو جمعه.
وإذا كنت أنت والأستاذ " عمار المالكي" شايفين الموضوع تافه كتير، فهذا حقكم.
ومن حقكم المصون أيضاُ أن تعبروا عن رأيكن في تفاهته وازدرائكم له، تماماً كما أنو من حق غيركم أن لا يشارككم الرأي وأن يعبر أيضاُ عن رأيو.

هذا ما يُسمّى بالعربية "احترام الرأي الآخر". ... عاشت الأسامي.
على فكرة، الرأي الآخر ممكن يكون رأيكم أيضاً !

يالله، الله ياخذنا جميعاً .................... في رحلة سياحية عالجنّة قبل ما نموت.

أنا_بذاتو

13/08/2006, 23:11

كعييييييييييييييييييييت ..... بس بظن انوا تلاتتهن بيخوفوا صحيح أنو ما قيل لنا عنهم بيخوّف ولكن يا خيي silent_storm أنت أعلم بأن الناس ما شغلتها إلا البقبقة والنمنمة وتناقل القيل والقال عن الآخرين بمن فيهم الـ "التنيين والغول".
يعني مو لازم نصدق كل شي بيقولوه الناس عنن.
فالغول ممكن يكون لطيف وأمّور متلو متل "كاليميرو" أو" Brad Pitt" بفرد شكل.

أنا_بذاتو

13/08/2006, 23:20

مرحبا
برأيي ان الفرق واضح جدا
ومن لا يرى فرقا .... فا الله يعينه 8)
الله وتعالى الله عن مقارنته بخلقه ... هو من تفضل علينا بالحياة وبالوجود
اما الغول و التنين اسطورتان لا وجود ولا اثر لهما الا في الحكايات الخرافية

وشكرا :oops:

انا راح اقولك الفرق
الغول والتنين قد يكونوا اسطورة وقد يكونوا مخلوقات
وجدوا في احد الازمان ولكنهم غير موجودين في هذا الزمن
لكن الله بالنسبة لاصحاب الديانات السماوية
هو مجود في كل الازمان
وهو الخالق للغول والتنين في حال لم يكونوا اسطورة يا ست حوراء ويا أخ "hope owner" وجهة نظركم موزونة، بس لو كنتو ولدتو بالهند مثلاً لدى الأغلبية الهندوسية لربما كنتو قلتو أن شيفا والبقرة والقرد هي كائنات مقدسة وأن الله والغول هما من الأساطير.

بناءاً على ذلك، فالإيمان هو من يحدد الحقيقي من الأسطوري.
يعني كلّ من يؤمن بفكرة أو بإله أو بمخلوق آخر بيعتبر أن ما يؤمن به هو الحقيقة وأن ما يؤمن به الآخرون هو خيال وأسطورة.

فهل كلمة "أسطورة" هي كلمة نسبية تعبر عما لا نؤمن به لأننا لم نولد في المكان والزمان حيث يؤمن آخرون بهِ ؟ (الـ"ـهِ" هنا هي ضميرٌ مرتاح يعود على "ما يؤمن به الآخرون").

يالا يا شباب، شدو حيلكين كمان شوي لحل هذا اللغز الغامض الفتّاك :gem:

حوراء

14/08/2006, 07:26

يا ست حوراء ويا أخ "hope owner" وجهة نظركم موزونة، بس لو كنتو ولدتو بالهند مثلاً لدى الأغلبية الهندوسية لربما كنتو قلتو أن شيفا والبقرة والقرد هي كائنات مقدسة وأن الله والغول هما من الأساطير.

بناءاً على ذلك، فالإيمان هو من يحدد الحقيقي من الأسطوري.
يعني كلّ من يؤمن بفكرة أو بإله أو بمخلوق آخر بيعتبر أن ما يؤمن به هو الحقيقة وأن ما يؤمن به الآخرون هو خيال وأسطورة.

فهل كلمة "أسطورة" هي كلمة نسبية تعبر عما لا نؤمن به لأننا لم نولد في المكان والزمان حيث يؤمن آخرون بهِ ؟ (الـ"ـهِ" هنا هي ضميرٌ مرتاح يعود على "ما يؤمن به الآخرون").

يالا يا شباب، شدو حيلكين كمان شوي لحل هذا اللغز الغامض الفتّاك :gem:

مرحبا

الاخ ( انا بذاتو ) ..
منذ متى كنا نعتمد على الــ(لو) في تحليلاتنا ؟!
حسب علم الجميع فإن مايميز الإنسان عن سائر المخلوقات هو العقل ..
فااينما كنت واينما عشت ولديك عقل ( شغال) ستعلم بوجود الله وتؤمن به ..
فكلنا يعلم ان الله موجود وحتى من لا يعترف بوجود الله فإنه يناجيه في سره حين تصيبه مصيبة ..
أتعلم اخي ..
انه من اكبر المصائب ان يشكك المرء بوجود الله ونحن في هذا العصر ..
لنرى مثلا من يعبدون آلهة من دون الله ... لم عبدوها ؟؟
لانهم يحتاجون للعبادة ! والتوجه لمن يناجونه في حين وقوع المصائب ومن يحسون برعايته ..
فلكونهم جهلة ! ولم يستخدمو عقولهم بل استخدمو العواطف توجهوا لغير الله مع علمهم بوجود من هو اقوى من آلهتهم ... ونتيجة لذلك تربت اجيالهم على تلك العبادات وبالإضافة الى التعصب للديانة تجد سكان الهند مثلا كما ذكرت يعبدون الحيوانات وغيرها ...
الا تظنهم يعلمون بوجود الله ؟؟؟ ..بالطبع يعلمون ولكن انفسهم تأبى ان تعترف بوجوده ..

وجود الله يااخي لا يعتمد على الإيمان فحسب ..فالله جل وتعالى لا يحتاج لإيماننا به فهو موجود رغما عنا ..بل إن إيماننا يعتمد على وجوده ...فلولاه لكانت حياتنا كبقية المخلوقات بلا هدف بلا عقل بلا اهمية ..

اما قولنا عن الغول و التنين بأنهما اسطورة نظرا لعدم توافر أدلة حسية او دلائل تاريخية موثوقة نستند عليها في اثبات وجودهما ...
لذا انني استغرب جدا من هذا الموضوع بل واستغرب من طريقة تفكير البعض :shock:

تحياتي

Willi

14/08/2006, 07:31

تعليق صغير لو سمحتو

وحتى من لا يعترف بوجود الله فإنه يناجيه في سره حين تصيبه مصيبة ..

شلون عرفتي هالشي :shock:
اذا عم تقولي انو بناجيه بسرو
شلون عرفتي انو بناجيه!!!!!!!!!!!! :?

الا تظنهم يعلمون بوجود الله ؟؟؟ ..بالطبع يعلمون ولكن انفسهم تأبى ان تعترف بوجوده ..

:? :lol:

حوراء

14/08/2006, 07:43

:)
لمعرفتي بضرورة الاحتياج لمن يلجأ اليه المخلوق وقت الخطر والمصائب
فإن من لا يعترف بوجود الله لو انه تعرض لموقف مُميت فإن نفسه او قلبه بحركة لا إرادية تتعلق بشي ما للنجاة من هذا الموقف ..