-
دخول

عرض كامل الموضوع : شو منشان: الأسرى في السجون السورية !

صفحات : [1] 2 3
Hus
15/07/2006, 04:59
على أعقاب ازمة "الوعد الصادق و الرد الصاعق" وقضية الأسرى، و تداعيات الموقف بعدها ،.. خطرلي سؤال وحيد فقط .. انو مثلا هلق احنا عنا اسرى بالسجون الإسرائيلية ، فمنروح منخطف كام واحد اسرائيلي و من قايضهم ، وهذا وضع طبيعي مش جديد ، (عملية تبادل الأسرى موجودة مذ وجود الحروب) ، بس السؤال الي راودني وما عرفت شو جوابو

الأسرى بالسجون السوريية (الي بتسميهم الحكومة معتقلين سياسيين ، ومعتقلي رأي ، ومعتقلي ضمير ، ومعتقلي شرف -من حيث مثلا شرفاء و الشرف رجس!-، و اسرى الوطن الحبيب ، الي لدرجة ما بيحبو بلدهم منعتهم الحكومة انو يطلعو منها اساسا ، (منشان هيي بتعرف انو هدول بيحبو بلدون ، فقالت احسن شي نكافئهم و نمنعهم من مغادرة البلد، هيك بيضل الحبيب مع محبوبو متلاصقين الى الأبد ، -او لحتى واحد فيهم يمون، وخوفي يموت التاني_البلد_- ، )

اي منرجع،

هدول مثلا كيف ممكن انحررهم ، مثلا شو لازم نعمل ...
(في واحد اقترح عليي :pos:) قال اذا منخطف "مضر و على و حسين و جعفر و اسماعيل و حسن ؟؟" (هاي الشلة منلعب معون جلال (glal) بالحارة ....، منخطفون ومنخطف رجلنا كام يوم سياحة على شي بلد .. ) اي قلي اذا منخطفهم بيجوز نقدر نقايض فيهم ، ولو بالرفاة مثلا ، او بالتياب الداخلية، مثلا منعطيهم مضر، بيعطونا قميص حسام الداخلي بدالو .. منعطيهم جعفر و مناخد ***** طارق الداخلي مثلا .. وهيك

المهم انا اقتنعت ، بس هلق فاضل نعرف لائحة الأسرى تبعونا (الي بدنا نقايض فيهم ؟؟)
فعلى كل مين بيعرف اسير او عندو شي اسير بالسجون السورية احنا نعلن ابتدائا من يوم غد (بعد ما نخلص مطش الجلال- بين حارتنا وحارة الفوقانية - و نخطف رجلنا و الشباب)، انو رح بنحرر شو الله بيسلهلنا منهم ، ..

انا عندي القائمة التالية (كنت عم جمعهم على ورقة منشان اعملها شختروة والعب فيها بالبانيو :pos:)، اي انا عندي هدول الشلة على ورقتي بين أسير السجن و اسير الوطن و اسير حالو!

شلة اخوية (حسام ملحم، طارق الغوراني، علي علي ..)
فواز تللو
رياض سيف
رزان زيتونة
هيثم المالح
حازم نهار
ياسين الحاج صالح
فارس مراد،
غالب عامر
عمر التلاوي
أنور البني
محمد محفوض
سليمان شمر
صفوان طيفور
محود عيسى
غالب عامر
حبيب صالح
منير شحود

فمين عندو قوائم هاتو لنشوف ، واحنا متل ما وعدتكم (على فكرة رح بنسمي عمليتنا، "أمل ابليس" رح بنحررون كلون بدون اراقة دماء، -لانو رح نستخدم السايانايد مش البارود:lol:- ، ورح بنضف السجون كلها ببوفالو ارضيات، و نلمعها بكلوال ( يجدر الإشارة انو كوالا بتلمع لحالا :lol:) ..

فش
صياد الطيور
15/07/2006, 11:35
أنو الأنتهازية والأستغلالية من أسوأ صفات البشرية

وأنا دائماً بقول أنو الخونة و الي ما بيمتلكوا حس وطني ...بيستغلوا أسوأ الظروف ليتحركوا فيها و يطالبوا بمطالب مو هلق وقتها ..

يعني أنا كنت متوقع حركة مشابهة للأخوان المسلمين ... او لخدام ... وكمان من بعض أنواع المعارضة السورية الي بدها الله والهوى يمشي على كيفها ... لأنو الله بذاتو ما قدر يلبي رغبات الشعب السوري ..... لأنو الشعب السوري ما بيعرف شو هي رغباتو ولا أهدافو ... المعارضة فقط
صياد الطيور
15/07/2006, 11:35
يجدر الإشارة أنو ما حدا مسجون إلا وبيستاهل ولو كان بيي أو خيي

والله لا يردوا ولا يطالعو
Reemi
15/07/2006, 11:43
في واحد اقترح عليي ) قال اذا منخطف "مضر و على و حسين و جعفر و اسماعيل و حسن ؟؟" (هاي الشلة منلعب معون جلال (glal) بالحارة ....، منخطفون ومنخطف رجلنا كام يوم سياحة على شي بلد .. ) اي قلي اذا منخطفهم بيجوز نقدر نقايض فيهم ، ولو بالرفاة مثلا ، او بالتياب الداخلية، مثلا منعطيهم مضر، بيعطونا قميص حسام الداخلي بدالو .. منعطيهم جعفر و مناخد ***** طارق الداخلي مثلا .. وهيك


:nono: :nono: :nono: :nono: :nono: :nono:
للاسف............................................. ......
Anmar
15/07/2006, 12:38
يجدر الإشارة أنو ما حدا مسجون إلا وبيستاهل ولو كان بيي أو خيي

والله لا يردوا ولا يطالعو

لحظة خيّو انت ليش عم تفترض أنو كل اللي بالسجن بيستاهلو ... بعدين ليش بيستاهلو لأنو رأين ما متل رأي السلطة طيب و اذا ...
يعني بما أنو نظرياً الأهم بالدولة هو الشعب خلي هالمعارضة تحكي اللي بدها اياه(طبعاً وهني بالبلد مو وهني برا أو بالحبس وأنا بقصد المعارضة السياسية مو المعارضة الطائفية أو محبي الإنتقام وخلافو) وخليهن يحاولو يقنعو الشعب بأفكارن فإذا اقتنع هالشعب -حتى ولو اللي اقتنعو فيه غلط- اي الله لا يردن ...
يعني بما أنو الحكي ببلاش خلي هالناس تحكي وتعبر عن رأيا وخلي الناس تسمع وكل واحد بيختار اللي بيناسبو ...
هلأ هاد ما بيعني أنو أنا مع هدول المعتقلين وما بيعني أنو أنا ضدن أنا هلأ عم أحكي بحيادية بس متل ما قلتلك أنا ضد أنو هالمعارضة تكون طائفية أو تكون جماعة بدا تنتقم لأنو ما طلعلا حصة ...

وتحياتي
me2
15/07/2006, 12:41
شو هالتوقيت الأسطوري للنكش .... يا سيدي معلم ...
me2
15/07/2006, 12:56
" اذا منخطف "مضر و على و حسين و جعفر و اسماعيل و حسن ؟؟" """""""""""""""


ليش مافي اسماء متل عمر و محمد و جورج و أبو بكر ؟؟؟ شو هالاقتراح المعادي للعلوية ؟؟

هي متل معادي للسامية ...:lol: :lol:
me2
15/07/2006, 13:01
كيف ظبطت المقارنة ؟؟؟ هلق صار النظام متل اسرائيل و لا صرت حضرتك متل حزب الله ؟؟؟

مدري أنو وحدة أصعب .. بس أظن الأصعب أنك تصير متل أي مقاتل من حزب الله .
فلاش باك
15/07/2006, 13:06
هلئ سؤال دكتور

أنو ماكان في بالسجن مضر وعلي وجعفر ؟

مع أنو مابحب احكي بالطائفية بس اسمحولي هالمرة

هي المعارض حبيب عيسى من الطائفة العلوية وعارف دليلة كمان

بعدين اذا كانت المعارضة على شكل مأمون الحمصي يلي الناس صرعتنا فيه ما بدي ياها

يروحو يشوفو تاريخو يوم كان يشتغل بالتهريب و(الحبوب )وكان زلمة رفعت الأسد

صار مأمون الحمصي معارضة اي اتشرفنا من هيك نمرة
me2
15/07/2006, 13:07
بعدين شو منشان اللغة العربية ؟؟؟كيف طلعو معك" الاسرى " ؟؟؟

رح اسلخ "تقرير مشاركة عاطلة الى غريكو" بلكي بيلاقى المشرفين حل لهل المسخرة .
me2
15/07/2006, 13:10
هلئ سؤال دكتور

أنو ماكان في بالسجن مضر وعلي وجعفر ؟

مع أنو مابحب احكي بالطائفية بس اسمحولي هالمرة

هي المعارض حبيب عيسى من الطائفة العلوية وعارف دليلة كمان

بعدين اذا كانت المعارضة على شكل مأمون الحمصي يلي الناس صرعتنا فيه ما بدي ياها

يروحو يشوفو تاريخو يوم كان يشتغل بالتهريب و(الحبوب )وكان زلمة رفعت الأسد

صار مأمون الحمصي معارضة اي اتشرفنا من هيك نمرة


مو أنت اللي حكيت بالطائفية ... اللي حكى هو اللي عيونو مليانة بوسخ الطائفية ...
MR.SAMO
15/07/2006, 13:40
الله محيي الشباب الطيبة
صياد الطيور
15/07/2006, 13:44
الله محيي الشباب الطيبة

اي منن ؟ ...
me2
15/07/2006, 13:46
اي منن ؟ ...


عم بيقلك "الطيبة" ...:D :D
صياد الطيور
15/07/2006, 13:48
عم بيقلك "الطيبة" ...:D :D
يختلف منطلق ( الطيبة ) بحسب المصدر .. وحسب المبادئ
MR.SAMO
15/07/2006, 13:48
اي منن ؟ ...
ياصياد الطيب بيعرف حاله
بس انا بحب ذكر الشباب انه صلاح جديد وشلته والعلويين القوميين من ضيع طرطوس 90 % منهن مات بالسجن وماحدا عرف عنهن شي بقى ياريت يصير في انصاف لشعبنا وللسجناء
تحياتي
Hus
15/07/2006, 17:13
قد لا يتسنى لي متابعة الموضوع والرد مطولا .. لهيك رح رد عن الي تم الإشارة ليه والي حيتم الإشارة ليه (ان اسعفني الوقت الآن)

* بما يخص الرد الأول لصياد الطيور:
أنو الأنتهازية والأستغلالية من أسوأ صفات البشرية ............الخ عفوا؟؟ ليش انت شو فهمت !!
اتبينلي من ردك انك فهمت طرحي الساخر على انو محاولة انقلاب مثلا؟ او كيف يعني ؟؟
للتوضيح ، الموضوع ساخر قلبا وقالبا ، كركتير مكتوب -اذا بدك-..

* وأنا دائماً بقول أنو الخونة و الي ما بيمتلكوا حس وطني ...بيستغلوا أسوأ الظروف ليتحركوا فيها و يطالبوا بمطالب مو هلق وقتها .. وين يا معلم شو هال الحكي ! ليش كنت آخد فكرة عن المنبر انو بطل فيه هيك نمط من بعثرة التخوينات و العمالات و ما اليها ..

* عن اي ظروف عم تحكي ؟؟ مان اذا ما متزكر بس احنا من اربع قرووووووون بحالة حرب مع اسرائيل ، واذا مش واخد بالك ، فإحنا من اربع قرون عم بنعد العدة لإستعادة الجولان، ومن اربع قرون ، و عم بيضحي المواطن بالغالي والنفيس تحت عنوان -المصالح العليـــــــــا - الحرب الكبرى، والجولان الحبيب، ولو فيك اتزكرني (العمر ليه حقو كمان وزاكرتي على قدها) ، بشغلة وحدة عملناها (حكوماً) لنسترجع الجولان، او لواء الإسكندرون (الأخير صار داخل بالقرن السابع) -غير انو احنا "حكوماً" منننا ومن حالنا سلخناه من على الخرائط وبطلنا نطبع خرائطنا الجديدة باللواء؟ شفت الألف ليرة الجديدة معلم ، هاي مش انا طابعها ، هاي الحكومة طابتعتها .. اي بدون اللواء طابعتها مع انو يعني حركة 3الالف كيلو متر ، وبينفع كتير نعمل عليه معرض دولي ، و منأجرو اذا ما لازملكم :lol: ...... آآآخ يا بلد يجدر الإشارة أنو ما حدا مسجون إلا وبيستاهل ولو كان بيي أو خيي
:lol: معك حق بهاي ..

فلان من المسجونين قيل له إسجد لآدم .. فأبى و إستكبر!!
فلان تاني من المعتقلين قال له نوح اركب معنا ... فقال: سآوي إلى جبل يعصمني من الماء !!
فلان غيرو من المحبوسين جرب عيسي بن مريم 3 مرات قبل أن يقول الآخير و إياه وحده تعبد ..!!

لأنو الشعب السوري ما بيعرف شو هي رغباتو ولا أهدافو ... المعارضة فقط :shock: :shock: :shock:
معـــــــــــــارضة !!

1- لحتى كون معارضة ، فلازم يكون في نظام ...-لحتى عارض النظام -، ولمن مافي نظام ، فشو بدك ياني عارض؟ (حالي يعني؟؟) حبيب مافي نظام و لمن مافي نظام مافي معارضة مش عشان شي ، بس لانو بالأساس بالأساس مافي نظام !

2- لو كان في نظام (جدلا) فكمان انا مش رح كون معارضة ، لان انا الي بيهمني .. النظام، ودام في نظام فمش رح بضطر عارض حدى ، لانو في نظام، وانا مع النظام ..

وهيك كيف ما شقلبتني لا يمكن اطلع معك معارضة ، انا ما بنفع كون معارضة للأسباب الي وضحتها سابقا .. ولو ضح نقطة اخيرة النقطتين فوق هني من منظوري (انا) و من رؤياي كمان مرة (انا) ، بمعنى ما بينع اطبقهم بالعموم . هذا رأيي انا اتيت به لوضحلك شلون ما بنفع كون معارضة ،

كيف ظبطت المقارنة ؟؟؟ هلق صار النظام متل اسرائيل و لا صرت حضرتك متل حزب الله ؟؟؟
مدري أنو وحدة أصعب .. بس أظن الأصعب أنك تصير متل أي مقاتل من حزب الله . هالنوع من الإستنتاجات لمن بينطرح بقعدة هيك شوية شباب عم يحكو مع بعض ، دوم بيعقبو تعقيب بصوت آخر من واحد تاني قاعد جمب الأول ، بيقول ... "خود بقا .. " واحد تاني بيردلو بيقلو " شرّف :?" ولو كان بالقعدة واحد تربيتو المنزلية بتسمحلو .. فبيقول "انت إبن مين عمو :lol:" .. و عادة عادة ، بيكفو الشباب حديثهم وكانو المداخلة ما كانت ، وبيحاول بالمرات الآحقة يحرصو على عدم التواجد مع الشخص الي بيطرح هيك استنتاجات ، مش عشان شي ، بس منشان ما يضطرو يقولو "خود بقا.. وشرّف.. و لحق .. هديني .. " ..

هلئ سؤال دكتور
أنو ماكان في بالسجن مضر وعلي وجعفر ؟
معك كل الحق ، ومداخلة بمكانها (للسبب اليي اشرت ليه و هوي هام جدا ، ولسبب آخر ان لم ولا احمل بطياتي اي نوع من انواع الطائفية بمعناها الديني )، بس المراد ما كان هيك بمتن حديثنا فوق، وانما اتت بسياق ابعد (حبة) ..

شكرا مجددا ..

بعدين شو منشان اللغة العربية ؟؟؟كيف طلعو معك" الاسرى " ؟؟؟ شبها الأسرى ؟ شو بتشكي معلم ؟ ألف قاسية و سين و راء و الف مقصورة(أسير، أسرى، جمع تكسير فَعِيل - فَعْلى) والياء قلبناها الف مقصورة فهوي صيغة وزن الجموع فيه هيك ! ، جريح جرحى ، مريض مرضى .. فعلها ثلاثي و بتحمل بطياتها المكروه و الشر وزن الجموع بيها بيكون فَعلى .... ؟؟


--------
أخيرا ، هلق تقتنعت انو صار المنتدى بالفعل ... بدو نفضة :lol:
me2
15/07/2006, 17:26
--------
أخيرا ، هلق تقتنعت انو صار المنتدى بالفعل ... بدو نفضة :lol:

أكيد لازم تقتنع بعد ما تقرا اللي اتحفتنا فيه يا حضرة المدير ...
me2
15/07/2006, 17:32
"قد لا يتسنى لي متابعة الموضوع والرد مطولا .. لهيك رح رد عن الي تم الإشارة ليه والي حيتم الإشارة ليه (ان اسعفني الوقت الآن)""


أي الحمد لله .. الهريبة تلتين المراجل ...
me2
15/07/2006, 17:39
""" فإحنا من اربع قرون عم بنعد العدة لإستعادة الجولان،"""""


بالعربي ... القرن = 100 سنة ... للعلم
صياد الطيور
15/07/2006, 17:43
ما أصعب انو الواحد يكون على غلط ويفكر حالو صح .....

ما اصعب على انسان يفكر حالو فهمان وشاطر بالحكي و هو بواقع الأمر ما عرفان الجنوب من الشمال ولا الشغلة بصف الحكي ( خاصة لما يكون الحكي خليط بين لهجة مصرية سورية )

ماأصعب أنقناع شخص مغطي عيونو .. ومسكر دانو .... وعم يتعلق بقشة الماضي .. وعايش على الأوهام و العبارات القديمة ... المهترية ..

المشكلة انو التعليق والفكر بيشبه كلام المنتدوب الأميركي بالأمم المتحدة الي بتهم سوريا على الطالعة وعلى النازلة ... وبيقول انو الحكومة السورية غير شرعية او ما عم تعمل شي او من هالكلام ... وآخر شي بيطلب وبكل رجاء مساعدة الحكومة السورية لتوقف عمليات حزب الله ... بكرة بشوف كيف بعض الناس بدها تروح تراجع سفارة الحكومة السورية والسفر الي معين من قبل الحكومة السورية لحتى يزبط أمورو ... وبيركض ورا الألف ليرة الي ما عاجبتو حالياً ...

ما بعرف ..صحيح الواحد بياخد من أفكار البلد الي عايش فيها ؟؟؟ أكيد ... من عاشر القوم صارمنهم ... يعني المصريين معروفين بخيانتهم و مواقفهم ... الظاهر هالموضوع بينتقل بالعدوى

طبعا ... حالياً رح يصير في نفضة لأنو النقاش ما عجب المالك صاحب الأمر ... ولا زم يكون الكل تحت راية المريول الأبيض ...

حور ديموقراطي ...
محمد ابراهيم
15/07/2006, 18:10
ما بعرف ..صحيح الواحد بياخد من أفكار البلد الي عايش فيها ؟؟؟ أكيد ... من عاشر القوم صارمنهم ... يعني المصريين معروفين بخيانتهم و مواقفهم ... الظاهر هالموضوع بينتقل بالعدوى


معلم صياد بس ممكن توضح الشعب المصري خان كام مره وكام مره كان الو مواقف مو عاجبك

اقرا منيح (الشعب)

انما لو تقصد رئيس مصر الراحل او الحالي قول ما تقلق ماحد رح يجيب خبر او سيبره
MR.SAMO
15/07/2006, 18:22
الله محييكن شباب
بس ياريت نبتعد عن لغة التخوين ببعض لأنها بتفرق اكتر من انها تجمع بين الاراء
كل واحد يكتب رأيه اللي بدو ياه بس ياريت بموضوعية وبأمانة
تحياتي
MR.SAMO
15/07/2006, 18:23
معلم صياد بس ممكن توضح الشعب المصري خان كام مره وكام مره كان الو مواقف مو عاجبك

اقرا منيح (الشعب)

انما لو تقصد رئيس مصر الراحل او الحالي قول ما تقلق ماحد رح يجيب خبر او سيبره
خيي محمد في فرق كبير بين السياسات العربية والسياسين العرب وبين الشعوب العربية اللي معظمها مغلوبة على امرها
وتحياتي لكل مصري متلك
محمد ابراهيم
15/07/2006, 18:38
خيي محمد في فرق كبير بين السياسات العربية والسياسين العرب وبين الشعوب العربية اللي معظمها مغلوبة على امرها
وتحياتي لكل مصري متلك

بس في ناس للاسف ما بتفهم متلك
عينها مغمضه عن الحقيقه ,

انا مابدي احول النقاش او ازعل ناس ماتستحق مني هيك .
بس اللي بيتو من زجاج ما يحدف الناس بالحجاره
صياد الطيور
15/07/2006, 18:50
انا مابدي احول النقاش او ازعل ناس ماتستحق مني هيك .
بس اللي بيتو من زجاج ما يحدف الناس بالحجاره
محمد ... الموضوع سوري سوري .. يعني انت ما دخلك ...
وطبعا انا لما اتحدث عن الخيانات المصري مش قصدي الشعب .. قصدي الحكم
صياد الطيور
15/07/2006, 18:51
بس اللي بيتو من زجاج ما يحدف الناس بالحجاره
ومشان هالجملة شو رأيك تعمل موضوع تاني حتى نعرف شو الزجاج الي عنا ...
COSTA
15/07/2006, 18:54
[QUOماأصعب أنقناع شخص مغطي عيونو .. ومسكر دانو .... وعم يتعلق بقشة الماضي .. وعايش على الأوهام و العبارات القديمة ... المهترية TE][/QUOTE]

هاد الكلام حلو ...........بس ايمتا بدنا نخلص منو؟؟؟؟؟؟
صياد الطيور
15/07/2006, 18:56
سآل المتعلق فيه ..
محمد ابراهيم
15/07/2006, 18:56
محمد ... الموضوع سوري سوري .. يعني انت ما دخلك ...
انا ما تدخلت في الموضوع ولا بدي لانو فعلا متل ما انت قلت "حكيك مظبوط"

وطبعا انا لما اتحدث عن الخيانات المصري مش قصدي الشعب .. قصدي الحكم
بس انا رديت لانك عممت وما خصيت , وكان من حقي الرد مشان توضح .
صياد الطيور
15/07/2006, 18:58
انا بس انا رديت لانك عممت وما خصيت , وكان من حقي الرد مشان توضح .
مو مشكلة حصل خير
محمد ابراهيم
15/07/2006, 18:59
ومشان هالجملة شو رأيك تعمل موضوع تاني حتى نعرف شو الزجاج الي عنا ...
احكيلك عالمسينجر مو هون ,
الا اذا كنت مصمم
MR.SAMO
15/07/2006, 19:02
:shock: :shock: :shock: كأنه الموضوع تغير
COSTA
15/07/2006, 19:08
يجدر الإشارة أنو ما حدا مسجون إلا وبيستاهل ولو كان بيي أو خيي

والله لا يردوا ولا يطالعو

هي ما حبيتا منك يا صياد

اذا كان في واحد عندو تفكير وحابب البلد واعتقلتوا الحكومة لانو عارض عل الغلط من قول الله لا يردو
لو بيك شيوعي او خيك قومي سوري وتعذب وتغطس بالاسيد(وهي عن جد صارت لاني شفتها بعيني)كنت بتقول الله لا يردو؟؟؟؟؟؟
MR.SAMO
15/07/2006, 19:16
هي ما حبيتا منك يا صياد

اذا كان في واحد عندو تفكير وحابب البلد واعتقلتوا الحكومة لانو عارض عل الغلط من قول الله لا يردو
لو بيك شيوعي او خيك قومي سوري وتعذب وتغطس بالاسيد(وهي عن جد صارت لاني شفتها بعيني)كنت بتقول الله لا يردو؟؟؟؟؟؟
طبعا في كتير راحو ظلم ومن ورا تقارير كاذبة هيدي شغلة معروفة
والموضوع شائك كتير
COSTA
15/07/2006, 19:20
طبعا في كتير راحو ظلم ومن ورا تقارير كاذبة هيدي شغلة معروفة
والموضوع شائك كتير

لا يا معلم مانو شائك

ومتل ما قلت شقفة كلب ما معو شهادة تاسع بيكتب تقرير (مشان 50ليرة)

وبيجوك بالبيجو او بالستيشن كانك انت يلي بعت الجولان

لك يروحو يشوفو (بسام العدل) ولا نسيو

انا بعرفها شغلة الافرع تبع المخابرات لاني خدمت فيها (بعرف الكبيرة والصغيرة)
MR.SAMO
15/07/2006, 19:24
لا يا معلم مانو شائك

ومتل ما قلت شقفة كلب ما معو شهادة تاسع بيكتب تقرير (مشان 50ليرة)

وبيجوك بالبيجو او بالستيشن كانك انت يلي بعت الجولان

لك يروحو يشوفو (بسام العدل) ولا نسيو

انا بعرفها شغلة الافرع تبع المخابرات لاني خدمت فيها (بعرف الكبيرة والصغيرة)
طول بالك ياكوستا
كلنا بنعرف شو بيصير هونيك بالفروع وكيف العالم بتروح ظلم وغدر
بس الموضوع اذا بدك تفتحه بده سنين مابيخلص
تانيا تسمية اسرى مو كتير لائق كلمة معتقلين او سجناء احسن بكتير
تحياتي
COSTA
15/07/2006, 19:28
طول بالك ياكوستا
كلنا بنعرف شو بيصير هونيك بالفروع وكيف العالم بتروح ظلم وغدر
بس الموضوع اذا بدك تفتحه بده سنين مابيخلص
تانيا تسمية اسرى مو كتير لائق كلمة معتقلين او سجناء احسن بكتير
تحياتي

على راسي

بس انا قصدت صياد الطيور(مع احترامي الو)
كانو مو عايش بالبلد؟؟؟؟؟

ومرة تانية عراسي:D
صياد الطيور
15/07/2006, 19:30
لو بيك شيوعي

متل ما قلك حبيبنا MR.SAMO موضوع شائك...
بس ملاحظة على الموضوع بيي شيوعي
MR.SAMO
15/07/2006, 19:35
على راسي

بس انا قصدت صياد الطيور(مع احترامي الو)
كانو مو عايش بالبلد؟؟؟؟؟

ومرة تانية عراسي:D
انت بتمون ياكوستا
تحياتي :king: :king: :king:
COSTA
15/07/2006, 19:35
متل ما قلك حبيبنا MR.SAMO موضوع شائك...
بس ملاحظة على الموضوع بيي شيوعي

على راسي انت وبيك

وانا كمان شيوعي
واخي شيوعي
وامي قومية سورية
صياد الطيور
15/07/2006, 19:38
يا صياد الطيور.....حافظ على الخرطوش :lol:
طيب مالنا بجورج وسوف خلينا بالمفيد


ولك اهلين وينك انت مو باين ؟؟؟؟

عند كم سؤال لفخامتك هني كالتالي
حاسس حالي بتحقيق ..
- شو هو الوقت المناسب لحتى الواحد يطالب بهيك مطالب ؟؟ ( بالربيع مثلا ً ...و لا بالخريف ...قبل الضهر ولا بعد الضهر...بنيسان و تشرين ...ولا باذار و شباط ....)

كان ممكن ينطرح بأي وقت ألا الأوقات الي بيحتاج فيها الوطن لإلتحام الشعب مع بعضوا
2-اذا كان الله بذاتو ما قدر يلبي رغبات السوري ....ليش انت متوقع انو نقدر نلبي رغباتك ( كونك سوري يعني ) ؟؟
ما طلبت شي .... و ( نا ) الجماعة الي عم تستخدمها بلامك لمين تابعة وعلى مين بتعود ؟

- انت كنت متوقع حركة مشابهة من الاخوان ( متل حماس يعني ) أو خدام ( حزب البعث ) أو بعض أنواع المعارضة ( هي ما فهمتا ...في كتير أنواع الظاهر )
طبعا في كذا طرف للمعارضة وواضحة اهداف كل جماعة منهم ومين بيدعمها
طيب ممكن تشرحلنا أنو ليش كنت متوقع هالشي
لأنو الضعيف دائماً بيستغل لحظات الضعف عند غريمو وبيهاجم فيها
ممكن تفهمني ليش 60 % من الشعب السوري عندو استعداد للخيانة ( بنظرك طبعا ) .

هي النسبة انت حطيتها وانا مو مستعد جاوبك على تخميناتك
- كم مرة بتتحمم بالشهر ؟
ما بذكر
5- قديش صرلك ما شلحت جراباتك ؟

من العيد الماضي
6-السؤال الأخير ...و هو الأهم ...بتلحس حلب ولا بتفتح صندوق
لا يا خيي بفتح صندوق


:D
MR.SAMO
15/07/2006, 19:39
على راسي انت وبيك

وانا كمان شيوعي
واخي شيوعي
وامي قومية سورية
الله محيي اصلك
عجبتني هي انكن شيوعيين والسيدة والدتك الله يطول بعمرها قومية
التنوع اساس الحياة برأي
تحياتي لك ولعيلتك ياكوستا
COSTA
15/07/2006, 19:44
الله محيي اصلك
عجبتني هي انكن شيوعيين والسيدة والدتك الله يطول بعمرها قومية
التنوع اساس الحياة برأي
تحياتي لك ولعيلتك ياكوستا
الله يسلمك حبيب
على راسي يا معلم

ويا صياد بتمنى ما تزعل من كلامي اذا كان قاسي :D

بس نحنا عم نتناقش موووو ....مووووو(بالحمصي)
صياد الطيور
15/07/2006, 19:45
تفووووووووووووووووووووووو ووووووووووووووووووووووووو وووووووو :mrgreen:
ولك التفوه عليــ ...

لا ما بدي رد .. رح ضل احسن منك
صياد الطيور
15/07/2006, 19:49
ويا صياد بتمنى ما تزعل من كلامي اذا كان قاسي :D

بس نحنا عم نتناقش موووو ....مووووو(بالحمصي)
ولا يهمك حبيب القلب .. نقاش .. وانت على الراس و العين
MR.SAMO
15/07/2006, 19:50
ولا يهمك حبيب القلب .. نقاش .. وانت على الراس و العين
هاه شفت مااحلاك هيك ياصياد
تحياتي لك ولكوستا
يا عيبو
15/07/2006, 19:52
ولك التفوه عليــ ...

لا ما بدي رد .. رح ضل احسن منك

:lol:

فهمتني غلط

أنا قصدي تفووووووووووووووووووووووو وووووووو

ع المعتقلين

لأنو بيستاهلو

لك تفو ع كل واحد معتقل :yahoo:

لأنو يا خاين ....يا عميل ....يا مهرب حشيش و عامل حالو آدمي :gem:
صياد الطيور
15/07/2006, 19:54
:lol: :lol:

يعني لعبتها بذكا ....

مقبولة منك ;-)
Willi
15/07/2006, 22:07
أنو الأنتهازية والأستغلالية من أسوأ صفات البشرية

وأنا دائماً بقول أنو الخونة و الي ما بيمتلكوا حس وطني ...بيستغلوا أسوأ الظروف ليتحركوا فيها و يطالبوا بمطالب مو هلق وقتها ..

مع الاسف انو من وقت ما استلم ابوه لصاحبنا خلينا نقول " الملك" وليس الحكم
صار كل ما واحد حكا كلمة غير عن اللي هو بدو ياها
صار اسموخائن وعم يحكي بظروف غير ملائمة
حسام قال اربع قرون
بس بظن هو قصدو 40 سنة مو 400
وبالفعل كلامو صحيح
من 40 سنة لهلق الوقت مانو ملائم
يعني هاي عادة الهروب ما رح تبطلوها
ما بعرف ايمت رح يصير ملائم

وعجبتني كمان هاي

يجدر الإشارة أنو ما حدا مسجون إلا وبيستاهل ولو كان بيي أو خيي
والله لا يردوا ولا يطالعو
:o

حليف يا زلمة
قال الا وبيستاهل قال
لك
شو بدو يحكي الواحد