شو منشان: الأسرى في السجون السورية ! [الأرشيـــــف] - صفحة 2

Reemi

15/07/2006, 23:47

انو شو مشان شباب؟؟؟؟؟؟؟؟؟؟؟؟
لسا كل حد بدو يجي يعمله حاله فهمان و خايف ع مصلحة الوطن امتر من غيره...فضوها سيرة بقى..صرنا نعرف الردود من الاسم...
خالصين
اي بنحلف ولو الله...بيستاهل بيستاهل بيستااااااااااااااااااااااهل......!
والي اتضح انه ما بيستاهل عم بطلعووه...
حلو عن ربنا بقى

الطرمبجي

15/07/2006, 23:58

وأنا دائماً بقول أنو الخونة و الي ما بيمتلكوا حس وطني ...بيستغلوا أسوأ الظروف ليتحركوا فيها و يطالبوا بمطالب مو هلق وقتها ..

أسؤ الظروف ..

لا يكون قصد على لبنان ؟

ونحنا شو دخلنا بلبنان حتى يكون ظرفنا سئ

يعني سوريا شافت أنو كل العرب صفو جنب أسرائيل بالمشرمحي هاي

بقا نحنا شو دخلنا بلبنان

بس لا تقولي عروبة

البلد يا دوب كان بلش يتحسن شوي

نحنا شو بدنا بلبنان .. ؟

الطرمبجي

16/07/2006, 00:09

دكتور هاس .. هلا أول شي أنت ليش مكتوب تحت أسمك القائم ؟
بازلمة بيني وبينك القائم هاد مو تبع الفتبول ؟
مو هاد حديثنا ..
هلا أنت بحكيك تهجمت على العلوية .. بس كمان لا تنسى
أول المعتقلين اللي زكرتون هني علوية .. حسام و علي ..
على ما بظن
ما بعرف بس هيك سمعت ..
وضيف على القائم تبعك ..

نبيل فياض

أسير التشرد

16/07/2006, 00:14

عم تاخد نفس أركيلة معسل ... أحلى نفس والله ...
:lol:

butterfly

16/07/2006, 00:26

أنو الأنتهازية والأستغلالية من أسوأ صفات البشرية

وأنا دائماً بقول أنو الخونة و الي ما بيمتلكوا حس وطني ...بيستغلوا أسوأ الظروف ليتحركوا فيها و يطالبوا بمطالب مو هلق وقتها ..
رغباتو ولا أهدافو ... المعارضة فقط
:cry: :cry: :cry:
مازن اعذرني ... بس ما بيحقلك تخون حدا ... لمجرد أنو عبر عن رأيو ...
وجهة نظر ... أدب ساخر يمكن ما يعجبنا ... ( أنا ما كتير حبيتو ) بس ما بيحقلنا نلقي تهم كبيرة ... ونمشي ...

butterfly

16/07/2006, 00:29

:shock: يجدر الإشارة أنو ما حدا مسجون إلا وبيستاهل ولو كان بيي أو خيي

والله لا يردوا ولا يطالعو
:shock: :shock:
ما كأنو في مبالغة ؟؟؟
هيك عم نفترض نزاهة القضاء ؟؟ هي أذا افترضنا أنو كل المساجين مرقوا عالقضاء ؟؟؟؟

أي الله يردون ويطالعون ويحميون ... في كتير مثقفين بالسجن ... شو عم ينعمل فيون ؟؟؟
أنو بظن أنو السجن عقاب وإعادة تأهيل ؟؟؟
قولك عم يعيدوا تأهيلون :cry: :cry:

butterfly

16/07/2006, 00:38

ما أصعب انو الواحد يكون على غلط ويفكر حالو صح .....

ما اصعب على انسان يفكر حالو فهمان وشاطر بالحكي و هو بواقع الأمر ما عرفان الجنوب من الشمال ولا الشغلة بصف الحكي ( خاصة لما يكون الحكي خليط بين لهجة مصرية سورية )

ماأصعب أنقناع شخص مغطي عيونو .. ومسكر دانو .... وعم يتعلق بقشة الماضي .. وعايش على الأوهام و العبارات القديمة ... المهترية ..

ما بعرف ..صحيح الواحد بياخد من أفكار البلد الي عايش فيها ؟؟؟ أكيد ... من عاشر القوم صارمنهم ... يعني المصريين معروفين بخيانتهم و مواقفهم ... الظاهر هالموضوع بينتقل بالعدوى

طبعا ... حالياً رح يصير في نفضة لأنو النقاش ما عجب المالك صاحب الأمر ... ولا زم يكون الكل تحت راية المريول الأبيض ...

حور ديموقراطي ...
حوار ؟؟؟ :? :?
هادا المذكور فوق حوار ؟؟
لك عم دور على جملة عم تحاور فيها فكرتو
مازن قدي كنت معصب أنت وعم تكتب الرد ؟.؟؟؟؟ :shock:
عم تحلل شخصيتو وانطباع العيش في مصر على تفكيرو ...
يا جماعة علينا ان نحترم الفكر ... وحتى لو كان مختلف ... وحتى لو تطرف في اختلافو
المالك ... اللي ما بيعرف الشمال من الجنوب ... اللي محسب حالو فهمان ... اللي محسب حالو بيعرف يحكي ... استغلالي ... انتهازي ... خاين ... عايش عالأوهام ...
كل هدول ؟؟؟ انو عن جد..
لو نحترم بعض ... شوي

ملاحظة : مو دفاعا عن الحكيم ... ( مع انو بعزو ) ... بس أنا كمان الموضوع ما حبيتو ... بس دفاعا عن تردي الحوار ...
وبتمنى مازن انك ما تزعل :D

butterfly

16/07/2006, 00:40

:jakoush: :jakoush: :jakoush: :jakoush: :jakoush: :jakoush: :jakoush:

رجاءً ...اذا لم يكن لديك لعب ...فدعنا نلعب :jakoush:

ما كل شوي يجي واحد و يحطلي آراء و فذلكات

هون عم نلعب لعبة الأسرى

و عنى اسير شغل تشرد

و في بالسجن صياد و طمبرجي :lol:

و عم :shisha:
عن جد ...
بحاول أحيانا ... أني أأقدر أحترم كل المختلفين ... وكل أفكارون ...
بس أحيانا ... بيكون كتير صعب :cry:

COSTA

16/07/2006, 01:59

[QUOاي بنحلف ولو الله...بيستاهل بيستاهل بيستااااااااااااااااااااا اهل......! TE][/QUOTE]

يا ريمي اذا كان الواحد بحب بلدو وعندو رأي منزتو بالقنينة

لتكوني مع جماعة طلاع بالستيشن او البيجو؟؟؟؟؟

Hus

16/07/2006, 03:02

النقطة الوحيدة الي رايد عقّب عليها (مع احترامي -بالفعل مع احترام- هاي الكلمة انا مش حافظها اب عن جد، هاي بستخدمها لمن بعنيها وبس و بنوه كمان لمن بقول مع احترامي فهي لا تعني -ضمنا- احترامي لشخص بعينه و شخصه وانما هي موجهة للآخر -أي كان الآخر -)، برجع بقول ، الشي الوحيد الي بيستحق عقب عليه مع احترامي لما تم طرحو جملة و تفصيلا، هوي موضوع العقود و القرون ، حينما قلت 4 قرون كنت اقصد عقود، التبس عليي الأمر لاني كنت اكتب على عجل .. (هيي من سياق الحديث واضحة انها لغط كتابي ، بس عموما وجب التنويه مجددا منشان ما حدى يصرف وقت بتفنيد هال الهفوة كمان وكمان ... )

ولمن قلت النقطة الوحيدة: فهذا ليس تهميش للردود الأخرى وانما لأن أتت على نقاط مفنّدة مسبقا ، فلم يكُ بها جديد للرد،

COSTA

16/07/2006, 03:09

وصلت حكيم;-)

بس عندي سؤال؟؟؟

ما فهمت توقيعك:?

ممكن الشرح

HashtNasht

16/07/2006, 03:22

وصلت حكيم;-)

بس عندي سؤال؟؟؟

ما فهمت توقيعك:?

ممكن الشرح
بعد أذن الحكيم

خيو ...هاد التوقيع مقتطف من قصيدة محمود درويش (عابرون في كلام عابر )

ايها المارون في الكلمات العابرة
احملوا أسمائكم وانصرفوا
وأسحبوا ساعاتكم من وقتنا ،و أنصرفوا
وخذوا ما شئتم من زرقة البحر و رمل الذاكرة
و خذوا ما شئتم من صور،كي تعرفوا
انكم لن تعرفوا
كيف يبني حجر من ارضنا سقف السماء

و هون فينك تشوف القصيدة ة (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

COSTA

16/07/2006, 03:24

بعد أذن الحكيم

خيو ...هاد التوقيع مقتطف من قصيدة محمود درويش (عابرون في كلام عابر )

ايها المارون في الكلمات العابرة
احملوا أسمائكم وانصرفوا
وأسحبوا ساعاتكم من وقتنا ،و أنصرفوا
وخذوا ما شئتم من زرقة البحر و رمل الذاكرة
و خذوا ما شئتم من صور،كي تعرفوا
انكم لن تعرفوا
كيف يبني حجر من ارضنا سقف السماء

شكرا:D :D

Nirvana

16/07/2006, 09:38

قبل تحرير الأسرى أو المعتقلين أو السجناء (شو ما بدكم تسموهم) خلينا نحرر أنفسنا ، ونأهّلها لهيك مهمة ...!!

Reemi

16/07/2006, 09:41

[QUOاي بنحلف ولو الله...بيستاهل بيستاهل بيستااااااااااااااااااااا اهل......! TE]

يا ريمي اذا كان الواحد بحب بلدو وعندو رأي منزتو بالقنينة

لتكوني مع جماعة طلاع بالستيشن او البيجو؟؟؟؟؟[/QUOTE]
الي ما بيعرفني بيجهلني

كل الشباب بتعرف ..وصرت حاكيتها كتييييييييير
انا اكتر وحده مع النظام و اكتر وحده ضد النظام (عند اللزوم)...
يا عيني انا مع انه نطلع المعارض و خليهن يحكوووووووووووا ويفشوا خلق...وما في جمرك ع الحكي..ويصير عنا احزاب و مدري شو..
ليش؟
لانه...
ليكها الاحزاب بالاردن..اذا اشتدوا و احتزموا بيطلع معهن اعتصام قدام الامم المتحدة..او شي مهرجان خطابي ..وبيرجعوا ع البيت..
فليش ما يصير عنا بسوريا هيك....
واذا طلع بايدهن لا يقصروا يا اخي....

(ع الهامش: لا تجي بالبيجو.:pos: ..)

MR.SAMO

16/07/2006, 10:18

:shock:
:shock: :shock:
ما كأنو في مبالغة ؟؟؟
هيك عم نفترض نزاهة القضاء ؟؟ هي أذا افترضنا أنو كل المساجين مرقوا عالقضاء ؟؟؟؟

أي الله يردون ويطالعون ويحميون ... في كتير مثقفين بالسجن ... شو عم ينعمل فيون ؟؟؟
أنو بظن أنو السجن عقاب وإعادة تأهيل ؟؟؟
قولك عم يعيدوا تأهيلون :cry: :cry:
هلأ خلينا نطلع برا الموضوع
الحمدالله على سلامة رجعتك للاخوية

ابومزيد

16/07/2006, 15:41

النقطة الوحيدة الي رايد عقّب عليها (مع احترامي -بالفعل مع احترام- هاي الكلمة انا مش حافظها اب عن جد، هاي بستخدمها لمن بعنيها وبس و بنوه كمان لمن بقول مع احترامي فهي لا تعني -ضمنا- احترامي لشخص بعينه و شخصه وانما هي موجهة للآخر -أي كان الآخر -)، برجع بقول ، الشي الوحيد الي بيستحق عقب عليه مع احترامي لما تم طرحو جملة و تفصيلا، هوي موضوع العقود و القرون ، حينما قلت 4 قرون كنت اقصد عقود، التبس عليي الأمر لاني كنت اكتب على عجل .. (هيي من سياق الحديث واضحة انها لغط كتابي ، بس عموما وجب التنويه مجددا منشان ما حدى يصرف وقت بتفنيد هال الهفوة كمان وكمان ... )

ولمن قلت النقطة الوحيدة: فهذا ليس تهميش للردود الأخرى وانما لأن أتت على نقاط مفنّدة مسبقا ، فلم يكُ بها جديد للرد،

بالعكس هنن اربع قرون لانو السنة بعشرة صايرة من كتر ما فيها قهر
قهر من الشبيحة وقهر من هالشعب الميت اللي ما عاد الو حقوق حتى ولو بالتعبير
وصاير عم يسكت بعضو
وعجبي

yass

16/07/2006, 19:02

يجدر الإشارة أنو ما حدا مسجون إلا وبيستاهل ولو كان بيي أو خيي

والله لا يردوا ولا يطالعو

صفقة طلائعية .. واحد, اثنين!!! :clap:

sezar

16/07/2006, 20:23

صفقة طلائعية .. واحد, اثنين!!! :clap:
:jakoush:
رجاع عيد انت بلشت قبل
لازم كلنا سوى
بما انو الفكرة عجيبة

صياد الطيور

16/07/2006, 23:27

واحد, اثنين!!! :clap:
برافو عليك شاطر بالعد .. :yahoo:

صفقة طلائعية
برافو عليك بعدك ذاكرها ؟

كهربجي

17/07/2006, 00:09

فاتح جاموس كمان

الطرمبجي

17/07/2006, 02:27

دياب سرية

Majood

17/07/2006, 10:05

ولك كلها يومين ما فتت .. قلبتو المنبر فوقاني تحتاني ..منيح الكل صحي من السبات تبعو ..
ريفرش ظريف للمنبر

صياد الطيور

17/07/2006, 10:52

ولك كلها يومين ما فتت .. قلبتو المنبر فوقاني تحتاني ..منيح الكل صحي من السبات تبعو ..
ريفرش ظريف للمنبر

الكل بينقلب تفكيروا بحسب الأوضاع بالمنطقة :p

me2

17/07/2006, 10:59

ولك كلها يومين ما فتت .. قلبتو المنبر فوقاني تحتاني ..منيح الكل صحي من السبات تبعو ..
ريفرش ظريف للمنبر

أي بس التكتور مو عاجبو الفيلم ....

عاوز ينفض المنبر يا دلعادي ...

Nirvana

17/07/2006, 11:28

ولك كلها يومين ما فتت .. قلبتو المنبر فوقاني تحتاني ..منيح الكل صحي من السبات تبعو ..
ريفرش ظريف للمنبر

يمكن يطلع معنا شي مفيد!!!:pos:

كهربجي

18/07/2006, 13:46

يعني الحقيقة يعطيكن العافية

بحب قول للشباب اللي صرعوا سمانا بقصص التخوين أنّو في ناس اعتقلت لأنها كانت عم تطالب تنفتحلها الجبهة بالتمانينات..

مو كل المعارضة أخوان أو ليبرالية جديدة... لأ بسوريا التنين أقلّية... الإسلاميين مو أقلّية بس الأخوان أقليّة...

في كتير أفراد يساريين وطنيين أكتر من مدير فرع الوطنية بالبعث بكتييييرر

ويا ريمي، هاد المنطق تبع حلّو عن ربنا هو اللي بيكرّه العالم بالنظام

بعدين لكلّ الشباب بحبّ قول أنّو أنا المعارض مستقبل عندي بالبيت عيلة لبنانيّة نازحة.. ولو بيصير في حرب بتطوّع..

فيفضّل ما حدا يجي ينظّر عسما ربّنا... لأنو إذا بالوطنية الحكي مو لمصلحة النظام أنّو ينحكى بالفساد اللي هو نقيض الوطنيّة...

وإذا في خونة و عملاء فهنن اللي سرقوا البلد و دبحوا الشعب...

Nirvana

18/07/2006, 13:51

يعني الحقيقة يعطيكن العافية

بحب قول للشباب اللي صرعوا سمانا بقصص التخوين أنّو في ناس اعتقلت لأنها كانت عم تطالب تنفتحلها الجبهة بالتمانينات..

مو كل المعارضة أخوان أو ليبرالية جديدة... لأ بسوريا التنين أقلّية... الإسلاميين مو أقلّية بس الأخوان أقليّة...

في كتير أفراد يساريين وطنيين أكتر من مدير فرع الوطنية بالبعث بكتييييرر

ويا ريمي، هاد المنطق تبع حلّو عن ربنا هو اللي بيكرّه العالم بالنظام

بعدين لكلّ الشباب بحبّ قول أنّو أنا المعارض مستقبل عندي بالبيت عيلة لبنانيّة نازحة.. ولو بيصير في حرب بتطوّع..

فيفضّل ما حدا يجي ينظّر عسما ربّنا... لأنو إذا بالوطنية الحكي مو لمصلحة النظام أنّو ينحكى بالفساد اللي هو نقيض الوطنيّة...

وإذا في خونة و عملاء فهنن اللي سرقوا البلد و دبحوا الشعب...

تحياتي لموقفك :D شو ما كانت توجهاتك.

Reemi

18/07/2006, 13:54

ويا ريمي، هاد المنطق تبع حلّو عن ربنا هو اللي بيكرّه العالم بالنظام
مزبوط..هوه هالحكي الي بكره الناس بالنظام..
بس يا زلمة...طول عمري بحكي بالمنيح ما عم يجي...زهقتوني والله...!
ونحنا بنعرف انه في عالم معارضة بتحب سوريا اكيدددددد ما في شك.....
بس انتو مفكرين بشار الله ولازم يعمل كل شي...
واذا صار شي بسوريا فما حد بشك انه المعارض المحترم و البعثي الاصلي بينزل بطوع...

ابومزيد

18/07/2006, 13:55

ان لم تكن معنا فأنت ضدنا
هاي الفكرة طلعت مو بس لبوش

chefadi

18/07/2006, 14:44

يعني الحقيقة يعطيكن العافية

بحب قول للشباب اللي صرعوا سمانا بقصص التخوين أنّو في ناس اعتقلت لأنها كانت عم تطالب تنفتحلها الجبهة بالتمانينات..

مو كل المعارضة أخوان أو ليبرالية جديدة... لأ بسوريا التنين أقلّية... الإسلاميين مو أقلّية بس الأخوان أقليّة...

في كتير أفراد يساريين وطنيين أكتر من مدير فرع الوطنية بالبعث بكتييييرر

ويا ريمي، هاد المنطق تبع حلّو عن ربنا هو اللي بيكرّه العالم بالنظام

بعدين لكلّ الشباب بحبّ قول أنّو أنا المعارض مستقبل عندي بالبيت عيلة لبنانيّة نازحة.. ولو بيصير في حرب بتطوّع..

فيفضّل ما حدا يجي ينظّر عسما ربّنا... لأنو إذا بالوطنية الحكي مو لمصلحة النظام أنّو ينحكى بالفساد اللي هو نقيض الوطنيّة...

وإذا في خونة و عملاء فهنن اللي سرقوا البلد و دبحوا الشعب...

حكيك ع الراس و العين ,,,,, :D :D :D

كهربجي

28/07/2006, 14:53

حكيك ع الراس و العين ,,,,, :D :D :D
حبيب قلبي... :D

بس شفت شلون ما عاد حدا ردّ؟؟

مين إلو عييين؟؟؟؟

سعيد_محمد

28/07/2006, 15:13

انا من فلسطين في النا سجين في السجون السوريه من ايام حرب ال 67 وسجن بسب مقاومته للاحتلال الاسرائيلي

Majood

28/07/2006, 15:17

كيف يعني مسجون لأنو قاوم الأسرائيليين.... يا معلوماتك ناقصة .. يا أما قرايبك مسجون لأسباب تانية ...

chefadi

29/07/2006, 02:41

حبيب قلبي... :D

بس شفت شلون ما عاد حدا ردّ؟؟

مين إلو عييين؟؟؟؟

برياحة
ماحدا بيسترجي ,,, بس بيني و بينك يمكن خوفن مبرر لأنو اللي عم نشوفوا من الشباب الطيبة بيخوف ...:cry:
و مع هيك الحرية لكل سجناء الرأي و تحياتي الك كهربجي ,,,:D

Joe

29/07/2006, 05:44

وأنا دائماً بقول أنو الخونة و الي ما بيمتلكوا حس وطني ...بيستغلوا أسوأ الظروف ليتحركوا فيها و يطالبوا بمطالب مو هلق وقتها ..

ما خلصنا بقى من المنطق تبع "التوقيت" ... يحرق ديب هالحجة شو التعن نفسها... بدي افهم مين يلي ابتكر هالحجة السخيفة و الغليظة تبع انو التوقيت ما ظابط؟

دخلك ايمت التوقيت الظابط؟

ما الحمدلله بالشرق الأوسط كل اسبوع و التاني في حدث مهم ... و شو ما عملت... فيني أطلعلك انو التوقيت غلط... حبيبي ببلادنا بعمرو ما رح يكون في توقيت صح و توقيت غلط... خاصة انو حكومتك مو حكومة تخطيط و توقيت... بل حكومة شلف و حظ و زعرنة... مافي شي مدروس و مافي شي محسوب.... عم يمشوا على التياسير

Joe

29/07/2006, 05:46

كيف يعني مسجون لأنو قاوم الأسرائيليين.... يا معلوماتك ناقصة .. يا أما قرايبك مسجون لأسباب تانية ...

يمكن كان توقيتو غلط :lol:

(مع كل أسفي و احترامي لقريبك المسجون ... لا أقصد السخرية منه)

مايسترو

29/07/2006, 05:49

اكيد بيجي يوم وبيطلعوا

بس سؤال

لا تضحكوا عليي

ولا تفهموني غلط

المنتدى هاد سوري ولا لبناني؟

تحياتي
مايسترو

صياد الطيور

29/07/2006, 11:46

ما خاصة انو حكومتك مو حكومة تخطيط و توقيت... بل حكومة شلف و حظ و زعرنة... مافي شي مدروس و مافي شي محسوب.... عم يمشوا على التياسير
رأيك وأنت حر فيه ...

بس لو ما كنت حكومة تخطيط و كل شي مدروس فيها ما كانت نجحت بتجاوز كل المحن الي مرقت فيها و حققت نتائج كبيرة كتير و على كافة الأصعدة ..

بس الظاهر كل واحد بيشوف الي بدو ياه بس

LEONARDO

29/07/2006, 12:10

رأيك وأنت حر فيه ...

بس لو ما كنت حكومة تخطيط و كل شي مدروس فيها ما كانت نجحت بتجاوز كل المحن الي مرقت فيها و حققت نتائج كبيرة كتير و على كافة الأصعدة ..

بس الظاهر كل واحد بيشوف الي بدو ياه بس
معذرة منك صياد .... بس ممكن تشرحلي شو هنني المحن و شو هنيالنتائج الكبيرة و على أية أصعدة عم تحكي؟
بيوم من الأيام رحنا أنا و الشباب على مدرسة بالليل (11 المسا) متل العادة لنلعب كرة قدم لأنو ما في ببلادنا ملاعب وأو حدائق ليلعبوا فيها العالم.
و بلا طول شيرة بلشنا اللعبة و بعد ساعة و نص (ساعة ونص ) ما منشوف غير فتح باب المدرسة من جهة المبنى و هجموا شي عشر عناصر من شرطة النجدة , أنا كنت فاتل ظهري فما شفت غير واحد كلبشني بايديه , أنا أخدتها بكل روح رياضية و صرت قول لرفقاتي انو لك يا حبايبي ليش عم تهربوا كلوا تمام نحنا ما عاملين شي.
فوتونا على المبنى و قال الكريم خود من وين الكفوف واللبطاط تجينا ما بعرف بس يللي بتذكرو انو أنا أكتر واحد أكلت أتل و السبب و يللي شرحتو (لمجود ) من قبل و انو أنا عندي ردّات فعل خزعبلية و لأنو أنا الوحيد يللي كنت عم قاتل و عيط و العي.
المهم طلعت القصة انو كان في انتخابات =بلدية يومها و كانت المدرسة مركز انتخاب .
من ضمن المسبات يللي أكلناها (يا اخوات ......... الهيك و هيك رح ابليكن بزجاج المدرسة كلو , يا ولاد ........... الهيك و هيك والله رح ابليكن بأنو كسرتوا صندوق الانتخاب و حاولتوا التزوير , و من المسبات الطريفة و يللي عجبتني عالصاجة انو كان عم بوجه الحديث لابن عمتي يللي ساكن بالشام و كان صرلو نصف ساعة واصل على حمص ( يا أخو الد........ انتا كام مرّة قلتلك روح و لاتلعب هون)
و هلأ هون وجب التنويه انو لازم تنتبهوا انو كان عم يقول رح ) ابليكن ) يعني رح الزقها فيكن .
و بلشت رحلتنا بهالشوارع و نحنا راكبين السيارة العظيمة لشرطة النجدة يللي قعدنا 9 أشخاص بمقعد واحد و بلشوا فينا الحرب النفسية( يلا خودوهن على الجنوبي أو قلك دغري عالمركزي ) و أخر شي سحبوا اتنين مننا على بناء كبير و هوي قسم الاسلكي والللي لا يمد للقسم الجنوبي أو شرطة النجدة بأي شي و طلعوهم لفوق و بلشوا فيهم قتل و طرق و كل القصة مشان شو : مشان ياخدوا ألف ليرة سوري 1000 ل .س نزلوا الشباب و قعدنا بالسيارة مرة تانية و أخدونا عالحارة و نزل رفيقي من السيارة و على أساس بدهن الهوية و انا مكو عرفان شو كان الحديث صاير , بعد شوي اجا رفيقي و قللي (نادر اعطيني جزدانك شوي ) عطيتو اياه و أخد منو خمسمية لية يللي كانت وحيدة بهالجيبة المعترة و عطاهم اياها لحتى تركونا.
هلأ لا تسألوني ليش كل هالعلاك لأنو رح جاوب بدون ما تسألوا: كل هالعلاك لحتي عززلو كلامو لعمو صياد بالنتائج و الأصعدة و المحن و كيف نحنا قدها و قدود .
و بالمناسبة في قصتين تانيات عن تجربة خاصة مع الماسكين بلدنا العظيم و ببقى بحكيهم اذا شفنا الموضوع ماشي.
شكرا

صياد الطيور

29/07/2006, 12:46

هلأ بربك كل هالحكاية شو ألها بموضوعنا ... بعيدة 364 كيلو عن الموضوع

المهم ... في كتير محن مرقت فيها سوريا وكل الأقتصاديين و الحكومات والتجار وغيرو وغيرو قالو أنو هي ضربة قاضية لسوريا
وأكبر مثال على هالشي حداثة أغتيال الحريري .. لما وصل سعر الدولار لــ 61.50 ليرة
يعني سعر خرافي و بلشوا الناس والتجار وغيرو يخربوا البلد بالفوضى .. وآخر شي ... أنا صرفت الدولار من فترة بـ 49.58 ليرة

الضغوط الأميريكية والحصار الأقتصادي شو شفت ألو تأثير وشو شفت نتائج ألو

العزلة الدولية كيف شايف وضعها
سياستنا الخارجية الي قالت بعض الأصوات انو انهارت وأنو ما ضل ألنا شي فيها
أثبتت انو قادرين نتحكم بالوضع متل ما بدنا

انسحاب جيشنا من لبنان و النتائج الي قالو رح تنبلى سوريا فيها بعد الأنسحاب والأنهيار و مدري شو ..شو طلع منو ..

يا أخي بعز دين المشاكل كانت الأمور الداخلية عم تنحل ..يعني النظرة التشاؤمية ما ألها داعي أبدا ..

وانت على عيني :D

LEONARDO

29/07/2006, 12:59

يا أخي بعز دين المشاكل كانت الأمور الداخلية عم تنحل ..
أول شي انتا يللي على عيني و انتا بتعرف شو نظرتي فيك من مواضيع مرّت.
هلأ انتا قلتلي أنا بعيد عن الموضوع مدري كام سنة ضوئية و رجعت بنفس الرد رجعت لموضوعي و يللي هوي انو بعز المشاكل الأمور الداخلية عم تنحل,:
هل بتعتقد بالقصة يللي حكيتها هادا هوي الحل يللي عم تحكي عنو ؟
ولا تقلي انو الموضوع بعيد لأنو هادا هوي حديث و مطلب الملايين بسوريا :
(الأسرا بالسجون,الرشاوي , الفساد , المؤامرت و هون بنوه انو كل المتأمرين من مراكز عالية , السرقة , النهب ) هلأ فيك تقللي كيف دولة مشاكلها الداخلية عم تنحل و عندها كل هالثغرات و أكتر من هيك بكتير و اذا بدي بلش عد الحديث يطول و هادا طبعا عدة مرات من حياتنا اليومية.
( عملت فحص دم ؟ لا والله يا سيدي
معناها منحطك شوفير بالعسكرية!! طول بالك يا سيدي ما بيمشي غير هيك ؟
حسب شو معك ؟ يعني أي شي تاني غير شوفير و انا جاهز.
لعيونك ,, بهاللحظة فتح الجرار, هات لنشوف !! بقرب أنا و برشقلو 200 ليرة .
بسكر الجرار و بقللي ايه و هاي حطيناك خدمات ثابتة.
هادا بتعتبروا حل للمشاكل الداخلية؟
لك اذا الدولة عم تسرك المواطن و تذلوا و تدعس على كرامتوا هادا معناه حل للمشاكل الداخلية؟
و شكرا

صياد الطيور

29/07/2006, 13:09

يا اخي على عيني وراسي كلامك
بس هالشي الي عم تحكي عنو موجود بمعظم بلدان العالم وحتى الي عايش انت فيها هلق والي بتعتبر حالها الأفضل بالعالم

السياسات الي عم احكي عنها اعمق بكتير من هالأمور

Nirvana

29/07/2006, 13:12

بس هالشي الي عم تحكي عنو موجود بمعظم بلدان العالم

وانا من جهتي بأكد عالهالشي.. وموجود عالأقل ببلدي بنسب متفاوتة..

LEONARDO

29/07/2006, 13:13

هلأ صياد بدك تقنعني انو باميركا في رشاوي و في نهب و سرقة و عاملين المواطن ملطشة؟
هلأ أنا ما بخفيك بشغلة ويللي هيي انو سوريا عندها قدرة على محاربة أي ظاهرة من مظاهر التمرد بس ليش ؟
أنو هادا هوي هدفها الوحيد ويللي هوي كبح اللمواطن و قتل أي محاولة لفتح التم و انهاء أي شخص بعبر عن رأبيو بأي طريقة كانت.
و بدي قلك شغلي و صدقني بدون ما أحلف انو حاسس فيها :يا سيدنا أنا بعد هالحكي هاكل هم شلون بدي انزل على سوريا و خايف ما يدقوا فيي من المطار.!!!!
يعني أنا برات سوريا و اسمها عاملي رعب فشو عم تحكي انتا ؟

صياد الطيور

29/07/2006, 13:22

اي وبرأيك القوة والمخابراتية ضعف ولا قوة
يا اخي شفت كم شبكة تجسس اسرائيلية انكشفت بلبنان ؟. ولسا في كتير
ليش ؟ بسبب الضعف المخابراتي عندهم ..

يعني القوة المخابراتيه مو عيب

LEONARDO

29/07/2006, 13:25

لك عم نقلك بسوريا على كل واحد في اتنين مخابرات فهادا مو قوة مخابراتية هادا اسمو كبح !!!!

صياد الطيور

29/07/2006, 13:28

لك عم نقلك بسوريا على كل واحد في اتنين مخابرات فهادا مو قوة مخابراتية هادا اسمو كبح !!!!
بس بالنهاية لمصلحة الوطن والمواطن

كهربجي

29/07/2006, 13:34

برياحة
ماحدا بيسترجي ,,, بس بيني و بينك يمكن خوفن مبرر لأنو اللي عم نشوفوا من الشباب الطيبة بيخوف ...:cry:
و مع هيك الحرية لكل سجناء الرأي و تحياتي الك كهربجي ,,,:D
:D :D :D :D :D

كهربجي

29/07/2006, 13:36

هلأ بربك كل هالحكاية شو ألها بموضوعنا ... بعيدة 364 كيلو عن الموضوع

المهم ... في كتير محن مرقت فيها سوريا وكل الأقتصاديين و الحكومات والتجار وغيرو وغيرو قالو أنو هي ضربة قاضية لسوريا
وأكبر مثال على هالشي حداثة أغتيال الحريري .. لما وصل سعر الدولار لــ 61.50 ليرة
يعني سعر خرافي و بلشوا الناس والتجار وغيرو يخربوا البلد بالفوضى .. وآخر شي ... أنا صرفت الدولار من فترة بـ 49.58 ليرة

الضغوط الأميريكية والحصار الأقتصادي شو شفت ألو تأثير وشو شفت نتائج ألو

العزلة الدولية كيف شايف وضعها
سياستنا الخارجية الي قالت بعض الأصوات انو انهارت وأنو ما ضل ألنا شي فيها
أثبتت انو قادرين نتحكم بالوضع متل ما بدنا

انسحاب جيشنا من لبنان و النتائج الي قالو رح تنبلى سوريا فيها بعد الأنسحاب والأنهيار و مدري شو ..شو طلع منو ..

يا أخي بعز دين المشاكل كانت الأمور الداخلية عم تنحل ..يعني النظرة التشاؤمية ما ألها داعي أبدا ..

وانت على عيني :D
يا عيوني مو الليرة اللي طلعت الدولار هو اللي نزل...

وشوف اليورو لتتأكّد من كلامي..

أصلاً سياسة الحكومة الاقتصادية هي أسوأ شي مرّ علينا من أيّام الأخوان.