الشيخ إمام عيسى | أحمد فؤاد نجم | مجموعة اغاني مختارة [الأرشيـــــف]

Hus

07/07/2006, 20:10

الشيخ إمام كان بمعطيات ستينات القرن المنصرف ، "حدث" حدث متل ما اليوم هيفاء وهبي حدث مستقل .. اي هيك كان عمك الشيخ امام العيسي،

شكل بزمانو ثنائي فريد " الشيخ إمام بصوتو و ألحانو، و أحمد فؤاد نجم بأشعارو و كتابتو .."
تنينهم شبه بعض، طنجرة ولقت غطاها ، تنينهم كانو مشردين ثوّار دمهم حامي ، تنينهم قضو بالحبوس اكتر مما قضو مع زوجاتهم وعوائلهم ..

ما علينا .. هاي كام غناي للشيخ امام ، (هدول بحبهم انا ) ،
* الي مطلع حبة على احداث الستينات و السبعينات (الثورة، حزيران و تشرين ، عبد الناصر، السادات، نليكسون ، الوتر غيت ، كسنجر .. الخ ) بيقدر يفهم الأغاني بطريقة احسن ، كان كل غنية بتنزل كردة فعل على حدث صار، محلي او عالمي.. لهيك من الممتع سماع الأغاني على ضوء الحدث الي نزلت ليه ..

سرسورة

08/07/2006, 14:23

شكرا كتيييير صرلي فترة عم دور علييون بعد ما سمعتون مرة بالصدفة......بس الواحد لازم يعرف شو المناسبة اللي غنو فيها كل غنييية حتى يفهم اكتر....
شكرا مرة تانية على اختيارك:D

chefadi

09/07/2006, 05:35

يسلمو كتير ع الاغاني واذا حدا بدو اي غنية للشيخ يقللي
تحياتي ,,,
:D :D

HashtNasht

14/07/2006, 01:11

استكمالاً لما بدأه الحكيم

رح حاول أني نزل مجموعة من الأغاني ( اللي أنا بحبا ) للشيخ امام

أول أغنية ...هي

( شيد قصورك )

شيد قصورك ع المزارع
من كدنا وعمل إدينا
والخمارات جنب المصانع
والسجن مطرح الجنينه
وافلت كلابك في الشوارع
واقفل زنازينك علينا
وقل نومنا في المضاجع
ادي احنا نمنا ما اشتهينا
واتقل علينا بالمواجع
احنا اتوجعنا واكتفينا
وعرفنا مين سبب جراحنا
وعرفنا روحنا والتقينا
عمال وفلاحين وطلبه
دقت ساعتنا وابتداينا
نسلك طريق ما لهش راجع
والنصر قرب من عنينا
النصر أقرب من إدينا

HashtNasht

14/07/2006, 01:38

بوتيكات

بوتيكات النات كوا النَّات

وشقق مفروشه وعمولات

يا حلاوه الناوه كوا الناوه

يا بلدنا يا آخر فتاكات

بوتيكات النات كوا النات

**

شبيك لبيك فتح مخط

لبيك شبيك غمض عينك

حتقفّل مخك ح نطخك

ونلوشك لو تفتح عينك

ركب قرنين تركب مازدا

وتعيش سلطان في البرواز دا

مش عاجبك فالجبنه الفازده

والعيش والفول والكرَّات

يا حلاوه الناوه كوا الناوه

يا بلدنا يا آخر فتاكات

بوتيكات النات كوا النَّات

مين فيكوا ما يعرفش عليوه

شيّال المنيا الكحيان

في ثواني اتمول واتحول

بقي مسيو عليوه عليَّان

إزاي؟

ما هي بوظه ومفتوحه

على حس ولاد المفضوحه

وأرانب صاحيه ومدبوحه

تتأستك تبيع البنوكات

يا حلاوه الناوه كوا الناوه

يا بلدنا يا آخر فتكات

بوتيكات النات كوا النَّات

حتقول الفقرا ومشاكلهم

دي مسائل عايزه التفانين

وأنا رأيي نحلها رباني

ونموّت كل الجعانين

وبهذا ما حشد

ح يجوع

لو نعلن هذا المشروع

وح نقفل هذا الموضوع

نهائياً

ونعيش في تبات

يا حلاوه الناوه كوا والناوه

يا بلدنا يا آخر فتكات

بوتيكات النات كوا النات

HashtNasht

14/07/2006, 01:58

هما مين و إ حنا مين .. ؟

هما الأمرا و السلاطين ..

هما المال و الحكم معاهم ..

و إحنا الفقرا المحرومين

حزر فزر شغّـل مخك

شوف مين فينا بيحكم مين ؟!!

..............

إحنا مين و هما مين ..

إحنا الفعلا البنايين

إحنا السنة و إحنا الفرض

إحنا الناس بالطول و العرض

من عافيتنا تقوم الارض ..

و عرقنا يخضر بساتين

حزر فزر شغل مخك

شوف مين فينا بيخدم مين ..؟؟!!

................

هما مين و إحنا مين ؟؟

هما الامرا و السلاطين

هما الفيلا و العربية

و النساوين المتنقية

حيوانات استهلاكية

شغلتهم حشو المصارين

حزر فزر شغل مخك

شوف مين فينا بياكل مين ..؟؟!!!

....................
إحنا مين و هما مين

إحنا قرنفل على ياسمين

إحنا الحرب : حطبها و نارها

و إحنا الجيش اللي يحررها

و إحنا الشهدا بكل مدارها

منكسرين أو منتصرين

حزر فزر شغل مخك

شوف مين فينا بيقتل مين ..؟؟!!!

................

هما مين و إحنا مين

هما الامرا و السلاطين

هما مناظر بالمزيكا

و الزفة و شغل البوليتيكا

و دماغهم طبعاً استيكا

بس البركة بالميازين

حزر .. فزر شغل مخك

شوف مين فينا بيخدع مين ..؟؟؟!!!

.....................

هما مين و إحنا مين

هما الامرا و السلاطين

هما بيلبسوا أخر موضة

و إحنا بنسكن سبعة في أوضة

هما بياكلوا حمام و فراخ

و إحنا الفول دوخنا و داخ

هما بيمشوا بطيارات

و إحنا نموت بالاوتوبيسات

هما حياتهم بامب جميلة

هما فصيلة و إحنا فصيلة

حادي يا بادي يا عبد الهادي

يا اللي عليك قصد الغنوادي ( الغنوة دي أو هذه الاغنية )

لما الشعب يقوم و ينادي

يا إحنا يا هما في الدنيا دي

حزر فزر .. شغل مخك

شوف مين فينا حيغلب مين

HashtNasht

14/07/2006, 03:31

جيفارا مات

جيفارا مات

آخر خبر فِ الراديوهات

و فِ الكنايس

و الجوامع

و فِ الحواري

و الشوارع

و عَ القهاوي و َ البارات

جيفارا مات

جيفارا مات

و اتمد حبل الداردشة و التعليقات

مات المناضل المثال

يا ميت خسارة عَ الرجال

مات الجدع فوق مدفعه جوّه الغابات

جسّد نضاله بمصرعه

و من سُكات

لا طبالين يفرقعوا

و لا اعلانات

ما رأيكم دام عزكم

يا انتيكات

يا غرقانين

فِ المأكولات و الملبوسات

يا دفيانين

و مولعين الدفايات

يا محفلطين ( متأنقين )

يا ملمّعين يا جيمسنات

يا بتوع نضال آخر زمن

ف العوامات

ما رأيكم دام عزّكم

جيفارا مات

لا طنطنة

و لا شنشنة

و لا إعلامات و استعلامات

عيني عليه ساعة القضا

من غير رفاقه تودّعه

يطلع أنينه للفضا

يزعق و لا مين يسمعه

يمكن صرخ من الألم

من لسعة النار فِ الحشا

يمكن ضحك

أو ابتسم

أو ارتعش

أو انتشى

يمكن لفظ آخر نفس كلمة وداع

لَجل الجياع ( على شان)

يمكن وصية للي حاضنين القضية

بالصراع

صور كتير ملو الخيال

و ألف مليون إحتمال

لكن أكيد و لا جدال

جيفارا مات موتة رجال

*******

يا شغالين و محرومين

يا مسلسلين ( مربوطين بالسلاسل )

رجلين و راس

خلاص خلاص

مالكوش خلاص

غير البنادق و الرصاص

دا منطق العصر سعيد

عصر الزنوج و الامريكان

الكلمة للنار و الحديد

و العدل أخرس أو جبان

صرخة جيفارا يا عبيد

في أي موطن أو مكان

ما فيش بديل

ما فبش مناص

يا تجهّزو جيش الخلاص

يا تقولو عَ العالم

خلاص

HashtNasht

14/07/2006, 03:45

البلى بم بم
والبلى باه
قال لك ايه
قال لك اه
شربه عجيبه
من تركيبه
بلدي
يا بلد البلي بلي باه
قال لك ايه
قال لك اه
شوف يا مواطن
شوف يا امير
واسبق شوفك بالتفكير
ناس بيقولوا السر ف بير
ادى البير
وادى غطاه
والبلى بم بم
والبلى باه
قال لك ايه
قال لك اه
قال لك
اكل الفول بيقوت
قال بيقوت
قال لك
حشو المعده يموت
قال لك
صهين
قال لك فوت
كل دا كدب
الناس كاشفاه
زى ما كشفوا
البلى بلى باه
قال لك ايه
قال لك اه
أي مواطن يا ولداه
زاده الفول
لازم تلقاه
عنده البنكرياس
بطال
والامساك
فوق الاسهال
عنده الرهقة
عنده الدوخة
عنده انيميا
عنده عيال
قال لك
ثم الجهل مصيبه
مولف ويا العيا
تركيبه
تشرب منها
تعطش تانى
تشرب
تعطش
تشرب تاني
تعطش تشرب
خمسه ف سته
ميه نار
لو طالت جته
لازم تلحس
اثمن حته
يعني المخ يا خلق الله
ادي البير
وادي غطاه
والبلي بم بم
والبلي باه
قال لك ايه
قال لك اه
قال لك تصبر ع المكتوب
زي ما صبر النبي ايوب
يعني
تسلم للميكروب
يا خد رزقه
بفضل الله
يفضل ينحل وبرك لما
تتفر فط من وسط اللمه
خايخ نخب السوس في عضاك
خلا قوايمك
ما هي شايلاك
ويعالجوك الناس بالصبر
مع انك عيان بالصبر
قومك صبر
ونومك صبر
لحد القبر ياحول الله
وحياتك من الدار للنار
تتولف عند العطار
يسقيك الحكمه ف اشعار
ويركب م الصبر دواه
وتقربع
والداء عمال
ف عضام الابعد نحال
وتخلف للبؤس عيال
وبهيه صيبه يا ولداه
ادي البير
وادي غطاه
والبلى بم بم
والبلي باه
قال لك ايه
قال لك اه
بعد الكشف بميكرسكوب
شفنا التوب
وما تحت التوب
تشكيله امراض عشناها
واليكم فى الاتي
دواها
وصفه عجيبه من تركيبه
بلدى
يا بلدى البلى بلي باه
قال لك ايه
قال لك اه
وجع الراس ح نعالجه بايه
قال لك تدى الناس القوت
قال لك طب والجهل يا بيه
قال لك سيب الكلمه تفوت
طب والكلمه تفوت ازاي
قال لك لما الضلمه تموت
طب والضلمه تموت ازاي
قال لك لازم بالبنوت
والنبوت حنجيبه منين
قال لك لما نهز التوت
قال لك قدر خفنا نهز
قالك
نشرب صبغة يوت
ح تطهر ايوب من صبره
وتفجر كيد المكبوت
وتفوق يونس من نومته
ويفلفص
من بطن الحوت
ادي البير
وادي غطاة
وادي وجعنا
وادي دواه
والبلي بم بم
والبلي باه
قال لك ايه
قال لك اه

HashtNasht

14/07/2006, 04:21

دلي الشكارة جنب الشكارة

و اقعد يا حفني ولعلك سيجارة

فكّـر شوية .. بالعيشة دية

إيه القضية إيه العبارة

من صغر سني

شقيان لكني

ما لط سني غير البصارة

....

و دخلت حارة من جوة حارة

و فكل حارة عليت عمارة

و سط المعامل بنا و مناول

بس المقاول كلني بشطارة

و لا خلى صرة و لا لقمة حرة

و العيشة مرة .. أخر مرارة

HashtNasht

14/07/2006, 04:24

ناح النواح والنواحه على بقرة حاحا النطاحه
والبقره حلوب حاحا
تحلب قنطارحاحا
لكن مسلوب حاحا
من أهل الدارحاحا
والدار بصحاب حاحا
وحداشر باب حاحا
غير السراديب حاحا
وجحور الديب حاحا
وبيبان الدارحاحا
واقفين زنهارحاحا
وف يوم معلوم حاحا
عملوها الروم حاحا
زقوا الترباس حاحا
هربوا الحراس حاحا
دخلوا الخواجات حاحا
شفطوا اللبنات حاحا
والبقرة تنادي حاحا
وتقول يا ولادي حاحا
وولاد الشوم حاحا
رايحين فى النوم حاحا
البقرة إنقهرت حاحا
فى القهر إنصهرت حاحا
وقعت فى البيرحاحا
سألوا النواطير حاحا
طب وقعت ليه حاحا
وقعت م الخوف حاحا
والخوف ييجي ليه حاحا
من عدم الشوف حاحا
وقعت م الجوع ومن الراحه البقرة السمرا النطاحه
ناحت مواويل النواحه على حاحا وعلى بقرة حاحا

HashtNasht

14/07/2006, 04:29

نويت اصلي

نويت اصلي

نويت اصلي صرصور دخل لي

هرش لي مخي

قعدت افلّي

خربوش خرابش

صرصور مهابش

وفضلت اهابش ماحد دللّي

حلّيت رباطي

من تحت باطي

لاقدرت اطاطي

ولاطلت اعلّي

حيران ياحالي

سهران ليالي

وسنين بقي لي

مربوط في ضلّي

وسألت قالي

شيخنا المصلي

اركع تراتا

اسجد ترللّي

********

يارب ياللي

يارب ياللي

زرعت عودي سارح تمللي

وعدلت ضهري

على سرج مهري

وطبعت زهري على خد خلّي

وحياة ماعشقي متعب ومشقي

مهمن جرالي

مهمن حصل لي

لاوهب حياتي

واوصل صلاتي

والاتي اتي

في يوم تجلّي

HashtNasht

14/07/2006, 04:30

ما قدرت أمن الكلمات

اذا حدا عندو كلمات الاغنية يا ريت يحطن هون :D

HashtNasht

14/07/2006, 04:44

عن موضوع الفول واللحمة صرح مصدر قال مسئول

ان الطب اتقدم جدا والدكتور محسن بيقول

ان الشعب المصري خصوصا من مصلحته يقرش فول

حيث الفول المصري عموما يجعل من بني ادم غول

تأكل فخده في ربع زكيبه والدكتور محسن مسئول

يديك طاقة وقوة عجيبة تسمن جدا تبقى مهول

ثم اضاف الدكتور محسن ان اللحمه دي سم أكيد

بتزود أوجاع المعدة وتعود على طولة الايد

وتنيم بني ادم وتفرقع منه المواعيد

واللي بياكلوا اللحمة عموما حيخشوا جهنم تأبيد

يادكتور محسن يامزقلط يامصدر ياغير مسئول

حيث ان انتو عقول العالم والعالم محتاج لعقول

مارأى جنابك وجنابهم فيه واحد مجنون بيقول

احنا سيبونا نموت باللحمة وانتو تعيشوا وتاكلوا الفول

مارأيك ياكابتن محسن مش بالذمة كلام معقول :lol:

HashtNasht

14/07/2006, 04:45

البحر بيضحك ليه

وانا نازله ادلع املا القلل

البحر غضبان ما بيضحكش

أصل الحكاية ما تضحكش

البحر جرحه ما بيدبلش

وجرحنا ولا عمره دبل

مساكين بنضحك من البلوة

زي الديوك و الروح حلوة

سارقاها من السكين حموة

و لسة جوا القلب أمل

قللنا فخارها إناوي

بتقول حكاوي و غناوي

يا قلة الذل أنا ناوي

ما شرب و لو في المية عسل

والبحر بيضحك ليه … ليه

وانا نازلة ادلع املا القلل

ياما ملينا وملينا

لغيرنا وعطشنا ساقينا

صابرين وبحر ما يروينا

شايلين بدال العلة علل

والبحر بيضحك ليه … ليه

وانا نازلة ادلع املا القلل

في بالي ياما وعلى بالي

واللي بيعشق ما يبالي

ما يهمنيش من عزالي

يا حلوة لو مرسالي وصل

والبحر بيضحك ليه ليه

وانا نازلة ادلع املا القلل

بيني وبينك سور ورا سور

وانا لا مارد ولا عصفور

في إيدي عود قوال وجسور

وصبحت انا في العشق مثل

والبحر بيضحك ليه

وانا نازله ادلع املا القلل

* كلمات : نجيب سرور

Hus

23/07/2006, 09:30

اوووووه .. الله حيووو :gem:

غير شكل والله .. :D

Nirvana

11/08/2006, 18:28

HashtNasht

11/08/2006, 23:43

مع الشكر الجزيل على الموضوع والأغاني..

في حدا عندو أغنية (جيفارا مات ) كاملة لانها هون مو كاملة.

طيب هون في تسجيلين كاملين للغنية بس للأسف بجودة متوسطة

Nirvana

11/08/2006, 23:56

طيب هون في تسجيلين كاملين للغنية بس للأسف بجودة متوسطة

شكرا كتير الك.. :D
مو مشكلة مشان الصوت .

toolshed

15/08/2006, 17:16

شكرا عل اغاني ما بصير انازل الاغاني من دون ما اشكرك :p . .

عظيم كثير . .

HashtNasht

26/08/2006, 03:32

فاليري جيسكار ديستان

فاليري جيسكار ديستان

والست بتاعه كمان

حيجيب الديب من ديله

ويشبع كل جعان

ياسلاملم يا جدعان

ع الناس الجنتلمان

داحناحنتمنجه واصل

وحتبقى العيشه جنان

التلفزيون حيلون

والجمعيات تتكون

والعربيات حتمون

بدل البنزين برفان

وحتحصل نهضه عظيمه

وحتبقى علينا القيمه

فى المرسح أو فى السيما

أو فى جنينة الحيوان

وحتبقى الأشيا زلابيه

ولاحوجه لسوريا وليبيا

وحنعمل وحده أرابيا

مع لندن والفاتيكان

والفقرا حيكلوا بطاطا

وحيمشوا بكل ألاطه

وبدال ما يسوا شلاطه

حيسموا عبالهم جان

ودا بفضل صديكي ( صديقي)

ديستان الرومنتيكى

ولاحدش فيكو شريكى

فى المسكن والسكان

القاهرة197

solofan

26/08/2006, 07:13

يا ام المطاهر

solofan

26/08/2006, 07:18

المسحراتي

solofan

26/08/2006, 07:47

ما قدرت أمن الكلمات

اذا حدا عندو كلمات الاغنية يا ريت يحطن هون :D كلمات الأغنية

علشان خاطرك وخاطر الناس الجميله اللي معانا

مرمر زماني
مرمر زماني يا زماني مرمر
مرمرتني لا بد ما تتمرمر
مرمر وترجع تاني يا اللي بعيد
والشوق في قلبي يزيد ولا يتغير
مرمر زماني يا زماني مرمر

مرمر زماني يا زمن مندار
يا حــَـر قلبي ع اللي راحوا صغار
تشهد عليك المدرسه والدار
ونجمه طالعه من بعيد بتنور
مرمر زماني يا زماني مرمر

صبح الصباح قلبي اللي حب وعانا
خلالي شمس الصبح تبقى معانا
متغربين بس الهموم جمعانا
على حلم واحد واللقا متقدر
مرمر زماني يا زماني مرمر

HashtNasht

28/08/2006, 02:59

مشكور :D

verocchio

29/06/2007, 17:05

الشيخ امام - قاوم بالصدر العاري

eiadrtr

21/11/2007, 19:09

wow very cool stuff
:D:D:D:D:D

omar1980

24/11/2007, 09:50

الشيخ امام
لما نحالف
نوبل
عزيزه
بوتيكات
احنا مين

ول يا ول

24/11/2007, 14:46

فين الحاجات الحلوة دي من زمان

ملك قلبى

24/01/2008, 23:23

تسلم ايدك اخى الطيب hashtnasht على مجهودك القدير هذا

بجد رائع جدا ربنا يحفظك ومايحرمناش منك أبدا وفى انتظار

مزيدك ولك خالص ودى وتحياتى القلبيه لك:clap::clap:

ظل جيفارا

25/01/2008, 19:25

شكرا كتير على الاغاني
اشهر من نار على علم
تحياتي الحارة
ظل جيفارا

maged-syrian

25/01/2008, 21:39

ياريت لو تحطولنا اغنية الفول واللحمة

شكرا عالموضوع:D

AKA911

31/01/2008, 04:17

شكراً جزيلاً

yaserica75

31/01/2008, 13:59

يسلمو كتير ع الاغاني واذا حدا بدو اي غنية للشيخ يقللي
تحياتي ,,,
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

AKA911

31/01/2008, 14:52

للأسف حاولت تحميل الأغاني لكن تظهر لي هذي العبارة

AKA911 و الله يا معلم ماعندك صلاحية لتوصل لهي الصفحة. مدري ليش :

يمكن ماعندك تصريح أنو تفوت على هي الصفحة ، رأو الظاهر أنك عم تحاول تعدل لشي حدا أو عم تجرب توصل لخصائص أدارية. على كل حال تأكد أنو أنت مصرحلك أنو تدخل عهالقسم من صفحة نظام القسم.
إذا كنت عم تحاول المشاركة، يمكن تكون الأدارة موقفة حسابك، أو يمكن حسابك لسى ماتنشط يا حبيب .
لو تصويت-استفتاء، وانت مش مصوّت فيه او مشارك فيه. فما حتقدر اتشوف نتيجتو لبعد ما اتصوت.

loaihasseb

17/02/2008, 02:37

:xالرابط

ملك قلبى

18/02/2008, 02:41

السلام عليكم ورحته الله وبركته
*********************
اخوتى فى الله ارجو المساعده فى معرفتى عللا كيفت التحميل من الموقع الاننى ابحث عن اغانى الفنان الجميل احمد فؤاد نجم لانها اغانى جميله جدااااااااااااااا وشكرررررررررررررر

defano

18/02/2008, 09:44

شكرا ليييك اوى ياباشا ويارب الروابط تكون شغاله

zamorano200

24/02/2008, 01:38

pashaaaaaaaaaaaaaaaaaaaaaaaaaaaaaaaaaa

verocchio

24/02/2008, 14:08

عيون الكلام

إذا الشمس غرقت
في بحر الغمام
ومدت على الدنيا موجة ظلام
ومات البصر
في العيون والبصاير
وغاب الطريق
في الخطوط والدواير
يا ساير يا داير
يا ابو المفهومية
مفيش لك دليل
غير عيون الكلام

أحمد فؤاد نجم
سجن القناطر 1970

للاستماع والتحميل اضغط على الرابط
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

verocchio

24/02/2008, 14:08

بهيـة

يسبق كلامنا سلامنا يطوف ع السامعين معنا
عصفور محندق يزقزق كلام موزون و له معنى
عن الارض سمرا و قمرا
و ضفه و نهر و مراكب
و رفاق مسيرة عسيرة
و صورة حشد
و مواكب
ف عيون صبية بهية
عليها الكلمة و المعنى
***
مصر يا امّة يا بهية
يام طرحة و جلابية
الزمن شاب و انتي شابة
هو رايح و انتي جاية
جايه فوق الصعب ماشية
فات عليكي ليل و مية
و احتمالك هو هو
و ابتسامتك هي هي
تضحكي للصبح يصبح
بعد ليلة و مغربية
تطلع الشمس تلاقيكي
معجبانية و صبية
يا بهية
***
الليل جزاير جزاير
يمد البحر يفنيها
و الفجر شعلة ح تعلا و عمر الموج ما يطويها
و الشط باين مداين
عليها الشمس طوافة
ايدك في ايدنا
ساعدنا
دي مهما الموجة تتعافى
بالعزم ساعة جماعة
و بالأنصاف نخطيها
***
مصر يا امّة يا سفينة
مهما كان البحر عاتي
فلاحينيك ملاحينيك
يزعقوا للريح يواتي
اللي ع الدفة صنايعي
و اللي ع المجداف زناتي
و اللي فوق الصاري كاتب
كل ماضي و كل آتي
عقدتين و التالته تابتة
تركبي الموجة العفية
توصلي بر السلامة
معجبانية و صبية.. يا بهية
***
و يعود كلامنا في سلامنا يطوف ع الصحبة حلواني
عصفور محني يغني
على الأفراح ومن تاني
يرمي الغناوي تقاوي
تبوس الأرض
تتحنى
تفرح
و تطرح
و تسرح
و ترجع تاني تتغنى
اللي بنى مصر كان في الأصل حلواني

أحمد فؤاد نجم
1969م

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

verocchio

24/02/2008, 14:08

انا رحت القلعة

انا رحت القلعة و شفت ياسين
حواليه العسكر و الزنازين
و الشوم و البوم
و كلاب الروم
يا خسارة يا أزهار البساتين
عيطي يا بهية على القوانين

انا شفت شباب الجامعة الزين
احمد و بهاء
و الكردي و زين
حارمينهم حتى الشوف بالعين
و ف عز الضهر مغميين
عيطي يا بهية على القوانين

و قابلت سهام
في كلام إنسان
منقوش و مأثر في الجدران
عن مصر و عن عمال حلوان
مظاليم العهد المعتقلين
عيطي يا بهية على القوانين

و قابلت هناك
منذر و زياد
و قابلت كمان عزت و جواد
أربع أبطال
شنقوا الجلاد
"التل" يهوذا الفدائيين
زغرطي يا بلدنا لدول مساجين

و اسمعي يا بلدنا خلاصة القول
و بقولك أهه و أنا قد القول
مش ممكن كده حيحول الحول
على كده و الناس يفضلوا ساكتين
خليكوا فاكرين
خليكوا شاهدين
انا رحت القلعة و شفت ياسين

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

verocchio

24/02/2008, 14:09

سايجون

سايجون

أبجد هوز
حطي كلمن
إفتح صفحه
إمسك قلمن
إكتب زي
الناس ما بتنطق
سقطت سايجون
رفعوا العلمن

طلعت شمس اليوم دا
أغاني
كل ما نسمع
نعشق تاني
طلعت شمس اليوم دا
حريقه
تشفي الجرح
وتبري الألمن

سايجون عادت للثوار
فوق الدم
وتحت النار
جدوا فوجدوا
زرعوا
فحصدوا
وإحنا إدينا للسمسار
وإللي قالوه السمسارجيه
وإللي حكاه السمساردار
لما قروه القروانجيه
بالمستعدل والمندار
هتش ونتش
بعزم الصوت
عن أمريكا وهوا أمريكا
زعموا الفانتوم
شايل موت
سقط الموت بعلم أمريكا
جاتكو فضيحه
يا طبقه سطحيه
وعامله فصيحه
وجايبه العار
قراونجيه
وكتبنجيه
وسمسارجيه
وسمساردار

سايجون دره يا ثوار
عادت حره
للأحرار
داحنا حنشبع بكره أغاني
إسمع وحفظ يا كتباني
واثبت عندك فى الأوراق
مصر بتنضح بالأشواق
مصر عروسه
وبكره عريس
والعشاق إحنا العشاق
فينا وبينا ولينا الثوره
إحنا الثوره
وهي الناس
فينا الماضي
وبينا الحاضر
والمستقبل
هو الناس

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

verocchio

24/02/2008, 14:09

حلقه ذكر

الله حي
الله حي
وسع سكه يمر الضي
شيخنا العاشق
جي وراشق
سهمه وماشي حدي بدي
يا سيد يا بدوي
يا سيدنا الحسين
مدد يا أم هاشم
يا كحل العينين
مولانا الرفاعي
يا طب الأفاعي
يا سيدي ابراهيم الدسوقي
إنت فين
با نادي عليكو
يا أهل الطريقه
وجوايا شوق
للغزل والحقيقه
وبرايا عالم
مشعلل حريقه
فزعني ولسعني
وكوى قلبي كي
الله حي الله حي
**
أنا عشقت سلمى
وغانم غواها
وانا لما باعشق
ما برجعش اتوب
تاخدنى المعاصى
آدم جدي عاصى
وأنا راضع معاصى
وشبعان ذنوب
ولو قالوا
عشق المحاسن خطيه
ألم الخطايا
وأفوز بالعطية
وأسافر بحلمى
سعيد المطيه
عزيز الخطاوي ما يلويني شي
وغانم يا سلمى
يحب السلامه
ولجل المغانم
يبيع العمامه
ويبعد ويقرب
ويعشق لمأرب
وفى الجد يهرب
ليوم القيامه
وأنا اللي فى هواكي
سبقت المعاد
يا سلمى
يا عشق البنات والولاد
وطلعت صورتك
فى كل البلاد
وكبرت فيها الأمل
فى اللي جي
الله حي
ياسيدنا الأمام
يا حسين يا شهيد
وهلبت عالم
ورأيك سديد
لمين ود سلمى
فى شرع الطريق
ومين القريب ومين البعيد
ومين اللى باقي
ومين اللى زايل
ومين اللي شايل
ومين اللي طايل
ومين إللي يثبت
فى وقت الهوايل
ومين فينا ميت
ومين فينا حي
الله حي
غانم رايح عاشق جي
شيخنا الشايب
ماشي وسايب
كلمة بسيطه لأهل الحي
كل ماتمشى قدم ع السكه
كل السكه ما تشبع ضي
الله حي الله حي
فوت فى السكه
تشوف الضي

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

verocchio

24/02/2008, 14:09

القواد الفصيح

سلمي يا عزيزة على الأستاذ
فنان اليوم
والمستقبل
محمود محمود محمود الباز
بنتي السنيورة القمورة
على فكره
بترقص ممتاز
ارقصي يا عزيزة متنكسفيش
محمود بقي منا خلاص ولا فيش
يا عزيزه النيزه كوا نيزه
كان ممكن
تطلعي مركيزة
تكي تم تكي تم تكي تم
تم تم
الرقص النقص يزيح الهم
تكي تم تكي تم تكي تم
تم تم
ويمشّى الحال
ويجري الدم
تكي تم تكي تم تكي تم
تم تم
على فكره يا كابتن محمود
وبرغم الكبت الموجود
أنا راجل ثوري متحرر
وعزيزه بتلعب على العود
إلعبي يا عزيزه متنكسفيش
ويخلي القعده شهيه
يا عم
ترالم ترالم ترالم
لم لم
أنا رأيي يا سيد محمود
وبرغم الصمت المقصود
إنك فنان المستقبل
ونشيد العصر المنشود
قربي يا عزيزة من الأستاذ
محمود ما بقاش محمود الباز
محمود بقي منا خلاص
ولا فيش
يا عزيزه النيزه كوا النيزه
كان لازم تطلعى مركيزه
ترالم ترالم ترالم
لم لم
العود النود
بيزيح الهم
ترالم ترالم ترالم
لم لم
محمود بقي منا خلاص ولا فيش
قربى يا عزيزة ما تتاخريش
يا عزيزة النيزه كوا النيزه
أنا رأيي إنك مركيزه
هلالم هلالم هلالم لم لم لم
محمود النود بقي نازل هم
هلالم
هلالم
هلالم لم لم
وعزيزه النيزه
تحب الهم
هلالم
هلام
هلالم لم لم

سجن الاستناف / 1973

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

verocchio

24/02/2008, 14:10

باحبك با حبك
با حبك با حبك
با حبك با حبك با حبك
يا مصر
مسايا وصباحي
أسبح بحبك
وحبك شفايا
وجراحى يا مصر
واسافر بحبك
واميل زي ميلك
وتحلا الخطاوي
فى حبك يا مصر
واحب اغترانى
فى صبحك وليلك
واحب الونس بالرفاقه
يا مصر
تنام الدموع فى العيون الهواجع
وتسهر دموعي
فى حبك يا مصر
تهون السجون
والشجون
والمواجع
ويغلا مع القهر حبك
يا مصر
ولو يحبسونى
ولو يشنقوني
ولوا فكروا بالعذاب
يبعدونى
ح اقرب واقرب
مش ممكن اهرب
وتنزل دموعي على خدودي
تشرب
تلاقى الرموش والخدود والمباسم
مراسم
وصورتك عليهم يا مصر
باحبك با حبك
با حبك يا مصر

القاهرة / 1979

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

verocchio

24/02/2008, 14:10

باستنظرك
استنظرك
باستنظرك
رغم القساوة في منظرك
لحظة هروبك يارباب
م الحب لما استنصرك
باستنظرك
باستنظرك
رغم الشتا والبر والرعد المخيف
باستنظرك
ف الشارع المشغول بأوحال الرصيف
أنا حاسب موعدك
وعارف اللي بيبعدك
وانا اللي خابر تبقى مين
وانا اللي صابر من سنين
وباعدلك
بالثانية عمري
واعد لك مطرح ف بستان الأمل
وبامدلك
وف كل خطوة أمد لك
أيدي اللي شققها العمل
مدى الخطاوى ياحبيبتى وقدمي
وان كنتِ خايفة م الطريق اتبسمى
يا شمس اللي ضحكتك
قمر ينور سكتك
انا اللي عشقك عزنى
وانتِ عشقي يستتك
باستنظرك
باستنظرك
يا جرحى يا حلمي العنيد
باستنظرك
باستنظرك
يا مصر يا حبي الوحيد
وحتيجى يوم وتصدقي
عشقي الأصيل وتحققي
حلمي الجميل وتزوقي
عمر اللي ضاع مستنظرك
باستنظرك
باستنظرك

القاهرة 1979

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

verocchio

24/02/2008, 14:11

نيكسون بابا

شرفت يا نيكسون بابا
يا بتاع الووتر جيت
عملولك قيمه سيما
سلاطين الفول والزيت
فرشولك أوسع سكه
من راس التين على مكه
وهناك تنفد على عكا
ويقولوا عليك حجيت
ما هو مولد ساير داير
شيلاه يا صحاب البيت
****
جواسيسك يوم تشريفك
عملولك زفه وزار
تتقصع فيه المومس
والقارح والمندار
والشيخ شمهورش راكب
ع الكوديا وهات يا مواكب
وبواقي الزفه عناكب
ساحبين من تحت الحيط
واهو مولد ساير داير
شيلاه يا اصحاب البيت
****
عزموك فقالوا تعالى
تاكل بامبون وهريسه
قمت انت لأنك مهيف
صدقت ان احنا فريسه
طبيت لحقوك بالزفه
يا عريس الغفله يا خفه
هات وشك خد لك تفه
شوبش من صاحب البيت
واهو مولد ساير داير
شيلاه يا اصحاب البيت
****
خد مني كلام يبقى لك
ولو انك
مش حتعيش
لا حقول اهلا ولا جهلا
ولا تيجي ولا متجيش
بيقولوا اللحم المصري
مطرح ما بيسري بيهري
ودا من تأثير الكشري
والفول
والسوس أبو زيت
واهو مولد
ساير داير
شيلاه يا اصحاب البيت

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

verocchio

24/02/2008, 14:11

شيد قصورك

شيد قصورك ع المزارع
من كدنا وعمل إدينا
الخمارات جنب المصانع
والسجن مطرح الجنينه
واطلق كلابك
فى الشوارع
وإقفل زنازينك
علينا
وقلّ نومنا فى المضاجع
أدى إحنا
نمنا ما اشتهينا
واتقل علينا بالمواجع
إحنا اتوجعنا
واكتفينا
وعرفنا
مين سبب جراحنا
وعرفنا روحنا
والتقينا
عمال وفلاحين
وطلبه
دقت ساعتنا
وإبتدينا
نسلك طريق
مالهش راجع
والنصر قرب من عنينا
النصر أقرب
من إدينا

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

verocchio

24/02/2008, 14:11

دعاء الكروان

دار الفلك
فى المغزلك
طول السنين
ما أمهلك
ياناسج الروح
ف الحياة
الحب لك
والخلد لك
انت الازل
وانت الابد
والهالك
اللى يجهلك
يا شعب
يا نبض الوجود
الحكم لك
والملك لك . الملك لك . الملك لك
الليل حلك
والبوم
سلك
والبحر
عطشان منهلك
والسهم طاش
اسقي العطاشى
انت الكريم
وبنسالك
يهوذا خان ؟
اكم يهوذا
وباع مسيح
لا يهوذا دام
ولا جرح
بيلازم جريح
مليون يهوذا
خان امانك
وانهلك
وفضلت باقي
ع السواقي ومنحلك
يفرش حصير القمح
فوق دم المسيح
وانت الجريح
تيجى الاطبا وتسألك !!
ما اعجبك
ما انحبك
ما احملك
يا شعب
يا روح الخلود
ما انبلك
الحكم لك
الملك لك الملك لك
الملك لك

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

verocchio

24/02/2008, 14:11

الجدع جدع

الجدع جدع
و الجبان جبان
بينا يا جدع
ننزل الميدان

و الميدان بعيد
عن جوف المدينة
يا تار الشهيد
دير ياسين و سينا

بحري و الصعيد
إحنا أهه ادينا
اصلب م الحديد
في الشدة تلاقينا
بالنار و السلاح
نعلن الكفاح
فوق كل العواصف
و هبوب الرياح
يسبق الليالي
و يجيب الصباح
و يهزم الهزيمة
و يداوي الجراح

عاوزين اللي راح
قدامكو الميدان
و الجدع جدع
و الجبان جبان

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)