مقالة صباحية في المساء [الأرشيـــــف]

عرض كامل الموضوع : مقالة صباحية في المساء

صفحات : [1] 2 3 4 5

me2

13/02/2006, 20:39

يأبى الصباح الا أن يصبح علينا بمختلف أنواع القلق والخوف مما سيكون عليه حالنا لبقية اليوم, يأبى أن يدعنا وشأننا , ويأبنا الا أن يأمرنا بالترحم على وفاة اليوم السابق.

اذا استبقت الكوابيس الصباحية أثناء النوم وانفجرت من الفراش هاربا منها, وشعرت لبضع دقائق بنصر تافه وأنت تحلق ذقنك , يعاجلك الصباح بكوابيس أثناء الصحو وليس النوم , فاما أن تجرح ذقنك بواسطة شفرة مصنعة محلية بمعايير من الكونغو , أو بانقطاع الكهرباء المنغولية , أو بأصوات الجيران التتار في موقعة الفطور الصباحي ,أو بطلبات لا تنتهي من زوجة لاتعرف حرمة زمن الاستيقاظ العالمي.

واذا ساعدتك ولادتك الصباحية على استيعاب كل ماسبق , يأتيك دور الجوارب الضائعة والقميص المجعلك والحذاء الطيني وغيرها من تفاهات الحياة اليومية.

طبعا أنت مسالم وصافي الذهن ولايمكن أن يتلبد صباحك بهكذا تفاهات, أنت أكبر من الجوارب و أشد بأسا من القميص وطبعا أعلى شأننا من الحذاء "أجلكم".

تطلق في وجهك مختلف أنواع الغازات المحرمة دوليا مع هجمة من أبواق الميكروباصات وسيارات التكسي تتصارع أمامك لتنعم عليك بنعمة النقل العام أو الخاص "الرخيص".. لا مشكلة .. هؤلاء أناس غير متعلمون وهم في ماراتون نيويورك وراء صحن فول حائز على ميدالية ذهبية بالجري أربعة × أربعة تتابع بالاشتراك مع وقية لحمة مسوفة وقطعة كاتو بالكريمة وفنجان اكسبريسو مع موسيقا لموزار.

الناس لبعضها ولازم نحس ببعض ونتحمل بعض وللو ما نحن عرب . وما المشكلة اذا كاد سائق الميكرو أن يودي بحياة الركاب تحت عجلات شاحنة تنقل بحص أو أسمنت مهرب؟؟ الكل يركضون في نفس الماراتون الأنف الذكر.

يعني كل الموضوع هو بضع دقائق في الطريق الى مكان العمل , مو محرز هز البدن ولا حبة تحت اللسان.

تستعيد بعض من هندام تركته في الميكرو وأنت تحاول النزول على الطاير, وتمسد ما تركته لك زوجتك والزمن من شعرات تظهر من الصلعة بقدر ما تستر. تنسى الميكرو وجروح الحلاقة وتضغط زر المصعد مقررا أن تنظر في مرآة المصعد الداخلية في محاولة أخيرة لتفقد الخسائر الناجمة عن الانتقال من الفراش الى مكان العمل . تضغط مرة ثانية وثالثة .. لا تندهي مافي حدا ....

نهاية الحلقة الاولى ....

fady juventus

13/02/2006, 21:23

يا زلمة هالموضوع بيأس الواحد
والله مو ناقصنا
بعدين إنت جايينا يأسان من أوروبا يا حبيب؟؟؟؟؟؟

me2

13/02/2006, 21:28

يا زلمة هالموضوع بيأس الواحد
والله مو ناقصنا
بعدين إنت جايينا يأسان من أوروبا يا حبيب؟؟؟؟؟؟

شو بعمل اذا كانت سوريا عصية على النسيان ..؟؟؟

fady juventus

13/02/2006, 21:31

إنت أخوت
لو بتفهم ما بترجع على هالبلاد

me2

13/02/2006, 21:33

إنت أخوت " شغل سوبر ستار " ؟؟؟؟
لو بتفهم ما بترجع على هالبلاد

هيي البلاد اللي عم ترجع مو أنا ...

fady juventus

13/02/2006, 21:47

هيي البلاد اللي عم ترجع مو أنا ...

بتعرفني بطيء بالفهم :shock: ..ليش عم تصعبها عليي:aah:

me2

13/02/2006, 21:51

بتعرفني بطيء بالفهم :shock: ..ليش عم تصعبها عليي:aah:

متل القط بيحب خناقوه ...ما بشوف حالي الا بالشام للمرة الألف ..

fady juventus

13/02/2006, 21:55

متل القط بيحب خناقوه ...ما بشوف حالي الا بالشام للمرة الألف ..
يعني متل ما سبق و قلتلك ... أخوت :shock:

me2

13/02/2006, 22:03

يعني متل ما سبق و قلتلك ... أخوت :shock:

بيجوز ...

fady juventus

13/02/2006, 22:05

بيجوز ...

أكيد...:lol:

صياد الطيور

13/02/2006, 22:11

الله عليك يا سوريا...

لأ يا فادي ... مو أخوت ...

بس كل واحد ألو ظروفو ... وأنت أعلم بهالأمور ;-)

me2

13/02/2006, 22:13

الله عليك يا سوريا...

لأ يا فادي ... مو أخوت ...

بس كل واحد ألو ظروفو ... وأنت أعلم بهالأمور ;-)

لأ سيدي أخوت ونص ... :lol: :lol: :lol:

قليل مروة

13/02/2006, 22:36

شكرا لنبل احاسيسك
مسا الورد:arrowl:

صياد الطيور

13/02/2006, 22:40

لأ سيدي أخوت ونص ... :lol: :lol: :lol:

اذا هيك على راحتك......

me2

13/02/2006, 22:46

شكرا لنبل احاسيسك
مسا الورد:arrowl:

شكرا لرقة ردك ...

كيف هيك صاير معك ؟؟

قليل مروة (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) vbmenu_register("postmenu_239189", true);
Junior Member
-- اخ حرٍك --

كيف قليل مروة و بنفس الوقت حرك ؟؟؟؟:lol: :lol:

قليل مروة

13/02/2006, 22:50

لانو بها الفترة مقطوع من الدوا
بعدين هيك بيصير معي:سوريا: :wink1: :sleeping:

me2

13/02/2006, 22:54

لانو بها الفترة مقطوع من الدوا
بعدين هيك بيصير معي:سوريا: :wink1: :sleeping:

بسيطة ... كلنا بالهوى سوا ...

toocoolfriend

14/02/2006, 02:15

العمى والله حلوة.. شغل وين هيدي وطني شي؟؟
ناطرين الحلقات الجايي
المهم ما يموت البطل بالنهاية

WHITESNAKE

14/02/2006, 11:35

ولي علينا هلأ بتقللي الدرج وشوية رياضة بدل الأسنسور المعطل (بكسر الطاء) وبتتفركش بشي درجة مكسورة وبقعة قهوة وشاي سقاية من المستخدم للدرج وهو طالع عالطابق الفوقاني عم يكفر ويسب ويلعن كل موظف والحالة وانو مابدو يرد عحدا.......................
ناطرين الحلقة التانية من مسلسل مأساة ممسحة (مواطن)
شكراً me2 عمواضيعك من القلب

me2

14/02/2006, 13:51

العمى والله حلوة.. شغل وين هيدي وطني شي؟؟
ناطرين الحلقات الجايي
المهم ما يموت البطل بالنهاية

فشر يموت البطل ... بس طولولي بالكم على الحلقة التانية كم يوم .. بس ليهدى مخي و يفضى بالي ..

شكرا جزيلا ..

me2

14/02/2006, 13:52

fady juventus

14/02/2006, 14:23

ناطرين الحلقة التانية من مسلسل مأساة ممسحة (مواطن)

قوييييييييييييييييييييييي ييييية :lol: :lol: :lol: :lol:

Syrian__Angel

14/02/2006, 14:26

ايواااا ... هي قصة البؤساء .. بس بالنسخة العربي ... :lol:

صحي ...
شو شايفو بالأردن الظاهر ؟؟؟؟

شو قصتك عليهم هون وهنيك ؟؟؟؟ :?

على كل ..

ناطرين الحلقة التانية من مأساتنا ... :سوريا:

me2

14/02/2006, 14:32

ايواااا ... هي قصة البؤساء .. بس بالنسخة العربي ... :lol:

صحي ...

شو قصتك عليهم هون وهنيك ؟؟؟؟ :?

على كل ..

ناطرين الحلقة التانية من مأساتنا ... :سوريا:

لا تستعجلو .. بلكي كنت مروق وسلخت نهاية سعيدة ؟؟؟;-)

fady juventus

14/02/2006, 14:34

عالطريقة المصرية إيام الأبيض والأسود

me2

14/02/2006, 14:40

عالطريقة المصرية إيام الأبيض والأسود

الجوازة دي مش لازم تتم ...... بحبو يابابا ..

fady juventus

14/02/2006, 14:47

الجوازة دي مش لازم تتم ...... بحبو يابابا ..
أنا لا يمكن أتاساهال بالموضوع ده إطلاكاً

toocoolfriend

14/02/2006, 16:17

فشر يموت البطل ... بس طولولي بالكم على الحلقة التانية كم يوم .. بس ليهدى مخي و يفضى بالي ..

شكرا جزيلا ..
طمنتنا الله يطمنك

WHITESNAKE

14/02/2006, 17:26

ناطرين الحلقة التانية من مأساتنا
مسلسل مأساة ممسحة (مواطن)
.................................................. ................
:cry:

me2

14/02/2006, 23:58

.................................................. ................
:cry:

المواطن ليس ممسحة .. بل يمكن ان بأتي بالف لبوس ولبوس , يعني :

اذا مواطن طويل فيكون قشاطة

اذا قصير وسمين "متلي" بيكون سطل مسح

اذا مربوع بيكون مكنسة

اذا محترم ومثقف واخلاقي بيكون ممسحة سبابيط على باب وزارة

fady juventus

15/02/2006, 00:03

المواطن ليس ممسحة .. بل يمكن ان بأتي بالف لبوس ولبوس , يعني :

اذا مواطن طويل فيكون قشاطة

اذا قصير وسمين "متلي" بيكون سطل مسح

اذا مربوع بيكون مكنسة

اذا محترم ومثقف واخلاقي بيكون ممسحة سبابيط على باب وزارة
زودتها مموش;-)

me2

15/02/2006, 00:05

زودتها مموش;-)

فدوش جوفينتوش .. على راسي .. منمسحها ...

fady juventus

15/02/2006, 00:23

فدوش جوفينتوش .. على راسي .. منمسحها ...
إنو ما عجبتك مموش لا يكون ;-)

me2

15/02/2006, 00:26

إنو ما عجبتك مموش لا يكون ;-)

كل شي منك بيعجبني ...

ليكون ما عجبتك فدوش جوفينتوش ؟؟؟:clap:

me2

15/02/2006, 11:53

الحلقة الثانية ..

ياسيدي لازم نعمل رياضة شو هالحكي .. صار ألنا كرش من القعود واستخدام وسائل الرفاهية مثل الميكروباص و غيره .

تطقها طلعة على الدرج , تواجهك مشكلة الظلام بسبب سرقة لمبات الدرج .. شايف شو منافع التدخين ؟ لو كنت رجل محترم وتدخن , كنت أشعلت قداحة أنارت لك درب الصعود بدل التزحلق على الدرج القذر.

تصل أخيرا الى المكتب .. وتبدأ بفرد أوراق العمل .. قبل أن يبدأ المراجعون بالنق فوق رأسك , صاحب الحاجة أرعن , بسيطة ...

لابد من قهوة الصباح .. أقل منها .. ولكن السخانة الكهربائية "المحرم استعمالها دوليا" مقطعة الأوصال وهي بحاجة لعملية جراحية اسعافية, تبدأ العملية وباستعمال ماتوفر من أدوات الجراحة في مكاتب القطاع العام من أقلام بيك وملاعق قهوة وغيرها.

اللللهههه .. مافي أحلا من أول رشفة قهوة .. بس هالبن "الحموي أو حسيب" مخلوط بشوية قضامة .. بسيطة كتير .. يعني نسبة الخلط لاتتجاوز التسعين بالمية .. مقبولة.

يبدأ الموظفون الأقل انضباطا بالتوافد تباعا .. يلعنون الدرج والميكروباصات والقطاع العام والرواتي وغيرها .. وأنت مستغرب أشد الاستغراب .. ياأخي هي نعمة و نحن نعيش في دولة مواجهة .. وللو شو بدنا نصير متل غيرنا ؟ خونة ؟؟ فشروا .. على الأقل ما حطينا أيدينا بأيدين الأسرائيليين .. وهذا موضوع مكلف و ثمنه يدفع بالدولار .. الله يعزك يا شام .

شخص مثلك . شعره ممشط بدقة ومفروق الى الجنب اليميني و مبلل بالماء و زيت الخس , وبنظارته الأثرية ذات الاطار الأسود .. وجلده الملتصق بعظمه "السنكوح" , ومنزله المستأجر في مخالفات "دف الشوك" ووالده الشهيد المجهول وأمه العجوز المبلية بكافة أمراض الشيخوخة منذ صباها , يحكي هيك حكي ؟؟

نهاية الحلقة الثانية

fady juventus

15/02/2006, 12:00

يا سيدي روعة
هي أحلى من الأولى بكتير استاز هاني السعدي:gem: :gem:

WHITESNAKE

15/02/2006, 12:00

بس هالبن "الحموي أو حسيب" مخلوط بشوية قضامة .. بسيطة كتير .. يعني نسبة الخلط لاتتجاوز التسعين بالمية
انا يلي مفكرو انو قضامة ومخلوطة ببن بنسبة 10% من البن:shock: :?

fady juventus

15/02/2006, 12:02

انا يلي مفكرو انو قضامة ومخلوطة ببن بنسبة 10% من البن:shock: :?
شبك باسل:shock: :shock:
لساك متأثر بالفالنتاين:sosweet:
و لا محشش :o

ما هوي هيك قصدو :?

me2

15/02/2006, 12:05

انا يلي مفكرو انو قضامة ومخلوطة ببن بنسبة 10% من البن:shock: :?

حلوة ... هههههه

WHITESNAKE

15/02/2006, 12:05

لك حاجة يازلمة عأساس القطاع الخاص احسن ؟؟ ماكلو أضرب من بعض بس بالخاص منحطلو شوية زينة وبهار وكريمة للتحلاية بس القالب هرا بهرا

PS:هـ = خـ

me2

15/02/2006, 12:06

يا سيدي روعة
هي أحلى من الأولى بكتير استاز هاني السعدي:gem: :gem:

أنا مو هاني السعدي .. أنا حزين المحزون ..:cry:

fady juventus

15/02/2006, 12:12

أنا مو هاني السعدي .. أنا حزين المحزون ..:cry:
تشرفناالله

Syrian__Angel

16/02/2006, 21:39

عنجد حلوووة ....

والله يا سيدي انت بس تمخمخ ..بيطلع معك شغلات عجبة .. :سوريا:

بس دير بالك على حالك هه .. العيون بكرا بتصير عليك ;-)

Reemi

16/02/2006, 21:47

لك me2 انت هووون؟ كيفك؟

me2

17/02/2006, 11:18

عنجد حلوووة ....

والله يا سيدي انت بس تمخمخ ..بيطلع معك شغلات عجبة .. :سوريا:

بس دير بالك على حالك هه .. العيون بكرا بتصير عليك ;-)

والله ما حكيت شي برا الطريق .. أنا أكتر من جبان .. و بعدين أنا معي مرض قلب و داء النأرزان .. وكوليرا و طاعون ومعدي ... :lol:

me2

17/02/2006, 11:22

لك me2 انت هووون؟ كيفك؟

أنا منيح .. مشتاق وعندي لمعة ... ما شفتي موضوع اسمو "عدنا " ؟؟؟ بسيطة المهم انو عدنا ..

fady juventus

17/02/2006, 14:27

أنا منيح .. مشتاق وعندي لمعة ... ما شفتي موضوع اسمو "عدنا " ؟؟؟ بسيطة المهم انو عدنا ..
لك شبك صرعتنا بعودتك
تقول العائد صلاح الدين الطنبوري:lol:

me2

17/02/2006, 15:44

لك شبك صرعتنا بعودتك
تقول العائد صلاح الدين الطنبوري:lol:

تلحس طنبوري .. المخلوقة هي اللي سألت .. بعدين انشالله مفكرني كتير مبسوط بالعودة ؟؟ عودة بمنطقتك الوسطى انشالله ..:lol:

Reemi

17/02/2006, 21:40

لا ما شفتو هلق بشوووفوا ولوووووووووو

me2

17/02/2006, 22:00

تتناثر الأوراق و المراجعين .. يا أخي أعمل اللي عليك والباقي على ربك .. ما بيقطع حدا ..

شو المشكلة اذا أحد المراجعين .. المواطنين .. المحترمين .. عصب شوي و صرخ ؟؟ مافيها شي .. بسيطة ..

بينحرق اليوم .. كيف ماكان .. المهم بيموت النهار .. وما زلت على قيد الحياة ..

بيطلع الليل و بيخفي كتير مصايب .. يا محلى الليل .. بتفوت على بيتك و بتشوف الأشياء اللي بتحبها فقط .. امارة خاصة ..

المهم ما تفتح التلفزيون ... لأنو اذا غلطت .. بتنسى النهار كلو ... و بتفوت بدوامة تبدأ من عزة الشرع و بيجوز ما بتنتهي الا بحضن جنبلاط .. السياسة بدمنا .. ما فينا يا عمي بلا أخبار.

واذا كان بيتك بدف الشوك ... كل المحلات خير وبركة .. الوطن بيوسعنا كلنا ... بعدين الأحياء الشعبية أكتر حميمية و بتناسب طبعنا الشرقي ..

يعني ب تستعار خبز , ب تدين زيت .. ب تعير طنجرة .. أو قشاطة .. شي طبيعي و بيدعم العلاقات الاجتماعية ..

اذا ماعجبتك العيشة والحالات الاجتماعية المشتركة .. فيك تنتقل الى منطقة المالكي , هونيك ما حدا بيقول لحدى مرحبا .. الا اذا بدو يخوزقو بشي صفقة تجارية ..

بس انتبه . السكنة بالمالكي بدها هز أكتاف ... بدك معاها سيارة من نوع خاص و لبس من نوع خاص .. وبدها عملية تجمبل أنف من نوع خاص .

خليك بالمخالفات .. مدري الوليد بن طلال مدري غيرو .. بدو يشتري مناطق المخالفات .. و بتنقش معك ..

نهاية الحلقة التالتة