كأني عم أكتب هاحلقات بس ألك ... ما عندي مانع أبدا ...:سوريا: :سوريا:

بحكم تجربتي بالمنبر بأكدلك انو كتير ناس عم تقرا

بس انا مثلا من الناس الكتير انتقائيين بردودي

يعني نادرا ما تلاقيني كاتب "حلو كتير ... مشكور"
و دايما بتلاقيني عم رد ع موضوع حابب وضح وجهة نظري فيه

بهالموضوع ما في كتير وجهات نظر تنكتب
بس في كتير من التأمل مع سحبة طويلة من شي سيكارا

بكل الاحوال
و بدون ضرب منية
و بدون ما يكون في رفع عتب او محاولة رد على كلماتك يللي اقتبستها

بحب قللك يعطيك العافية، حلو كتير كتير

بحكم تجربتي بالمنبر بأكدلك انو كتير ناس عم تقرا

بس انا مثلا من الناس الكتير انتقائيين بردودي

يعني نادرا ما تلاقيني كاتب "حلو كتير ... مشكور"
و دايما بتلاقيني عم رد ع موضوع حابب وضح وجهة نظري فيه

هيي فيها وجهة نظر .. أنما كلمة حلوة بتشجع..و بتغني المنبر ..

بهالموضوع ما في كتير وجهات نظر تنكتب
بس في كتير من التأمل مع سحبة طويلة من شي سيكارا

بدها

بكل الاحوال
و بدون ضرب منية
و بدون ما يكون في رفع عتب او محاولة رد على كلماتك يللي اقتبستها

بحب قللك يعطيك العافية، حلو كتير كتير


يا سيدي ضرب منية شو يعني ؟؟ بتمون ...

حلقة سياسية :


فيق يابو زهدي فيق ....

بتسمع الأخبار "متلك متل غيرك" .. لعمى : شوصاير بالدنيا ؟ بتسأل حالك متل الأهبل .. أو اللي مو مصدق.

صدق يا عيني صدق ... و لسى ما شفت شي .. بتروح بتقرا مواقع الأنترنت ..
بتروح على موقع الحقيقة المعارض و الرأي المعارض و الجزيرة و البطيخ ,, شي بيموت رعبة .. بترجع ركض و بتفتح شام بريس .. أي هاه .. هي حكي بينسمع ... أعذب الكلام , أكذبه ... ولا شو ؟؟


بلش يا حبيبي التحقيق ... شو يعني موجة أغاني وطنية ..

شي هزيل و شي تافه و شي انعمل بيومين و ولدين منغوليين ؟؟؟ شو هدا .. بتعصب .مو بأيدك .

ومدري شو صاير بالعراق ,و حماس فازت و كلفو هنية ولا ما كلفو و قطعو المصاري ولا ما قطعو و قصقو شمال غزة .. كم شهيد صارو ؟

هجمو على سوريا ؟ لعمى شو هدا جنبلاط أهبل ؟؟؟ بس شو صاير زلمة .. معقول يعمل أنقلاب بلبنان ؟؟؟

ميشيل عون صار معنا ؟؟؟ شو هالحكي .. من أيمتا ؟؟ والله متل ما عم قلك.

شو عم تحكي يازلمة ؟؟؟ مجنون يحكي وعاقل يسمع ... خدام انشق .. ورياض سيف انفتق . و خايفين على الشهابي ما ينخزق .. و محمد حيدر ما يخوزقنا ... شو صاير بالبلد ؟؟ شغال التنتيف ... وبدك ياني فيق ؟؟؟

أمريكا مابدها الرئيس ؟؟ لكن مين بدها ؟؟ بس اسرائيل بدها ياه ... أي لعمى شو حزيرة ؟؟؟ شو أمريكا من أيمتى غير أسرائيل ؟؟ بعدين شو دخلون ؟؟؟ دخلون ونص .. أسأل الغادري ..

مين هدا الأخ كمان ؟؟ من وين نطلنا ؟؟؟ شو بيلعب أصلا ..؟؟؟ بدو يجيب خمسة مليون و يوزعها على الشباب ؟؟ أي منيح .. يعملهون مليون لكل مواطن .. من دق فيزا و منشمع الخيط .

طيب والله الوضع معقد .. حتى شيراك ؟؟؟ من كم يوم كان نازل مسبات على أمريكا ..ولا عجبتو شغلة العراق ؟؟ ولا نسيو حصتو من الكيكة ؟؟؟ أنو كيكة ؟؟ كيكة ولا كا كا .. ؟؟

غللو البنزين ؟؟ العمى بعيونهم .. صرعونا المواطنين و هنن يزمرو تضامنا مع رستم غزالة .. هيك بيكون الوفا ؟؟ على رأي فيروز .. مسموح نسمع فيروز ؟؟؟ ولا مقاطعة متل اللورباك ..؟؟

شو هي شغلة اللورباك ؟؟ عنجد حرقوها ؟؟ و القنصل الدنماركية الحبابة اللي عمرها ترلييون سنة و عايشة بالشام من ترليون سنة ,و بتموت محبة بالشام و بتلم الوسخ من الشارع و أخدت بيت العقاد و عملتو مركز ثقافي دنماركي .. ولما أولاد مخيم عين الحلوة عمولو معرض صور .. ما استرجا حدا بالشام "من اللي ألهم شوارب" يعرض الصور ألا المركز الثقافي الدنمركي .. هي الحرمة الألهية شو صار فيها ؟؟ يا خجلتك و سواد وجهك منها ...

يعني شو ؟ دفشوهون الشرطة و عطوهون مولوتوف ليحرقو ؟؟ مو معقول .. لعمى شو مخك ضارب .

طيب شو أخرتها ؟؟ ليش وين أولتها ...؟؟ بدها هز كتاف ... بس اللي شغال هز الخصر من ناحية و هز البدن من ناحية أخرى .. ألعنين 2 ..

وين الشباب ؟ أنو شباب ؟؟ يا بيك الشباب مو شغل بهدلة ولانون خاينين ... بس بدون يندكو هون متل ما الله خلقون ... يا عيني خلقون و غلط . ليش لتعملو متلو ؟؟؟ منشان الأئمة الطنعش رجعوهم لأهلهم ... ما بيصير .. بدون يبقو كل شي ببطنون ... يا أخي ليش عم ياكلو شي , ليبقو شي ؟؟ خراس ولا.

ويعني الله يصلحون ,, شايفين حفرة كبيرة .. شرط ينطو يسبحو فيها ؟ يا أخي المسابح مو متوفرة .. و غالية .. هي مسبح بردى .. صحي صاحبو درويش و على البركة .. بس خمسمية ليرة على سباحة ساعتين ؟؟ والله كتير ؟؟

لك مين قلك أنو الولدين كانو عم يسبحو بنص الشتي ؟ و بتيابهم كمان ؟؟؟ لكن شو ؟؟ هدول هيك الله كاتبلون .. شو مانك مسلم ولا كر ؟؟؟

أيوا الله كاتبلون ؟؟؟ وهو كاتب لكل هل العالم تموت مو مبين ألها جلد ينغسل ولا هيكل عظمي يتكفن ؟؟ أي تكفني على هالمنطق ؟؟

وهدا التاني الفصعون اللي لطتو الكهربا ؟؟ ولا لقصبو بس يطلع من العناية المشددة .. يعني ما شاف أنو خمسة من رفقاتو قبلو التعن أبوهون بنفس محولة الكهربا ؟؟ ومن تحت راسو هلق في ست موظفين بالحبس .. مين بدو يطعمي ولاد هدول المحبيس ؟؟


نام يا بو علي نام

بلش يا حبيبي المانام

يعني الواحد يحكي ضميرو ... والله روعة روعة
صحيح الأفكار كتيرة ومشتتة ... بس هاد واقعنا ... أصلاً نحنا فايتين بالحيط
أنا متأكد إنك كنت قادر تلم الأفكار عبعضها بأسلوبك المميز ، بس إنت تقصدت تشتتها

بس كان لازم تعملها حلقتين تلاتة علأقل ، منو إطالة و تشويق عالطريقة المكسيكية... ومنو عملة $$$ ;-)

يعني الواحد يحكي ضميرو ... والله روعة روعة
صحيح الأفكار كتيرة ومشتتة ... بس هاد واقعنا ... أصلاً نحنا فايتين بالحيط
أنا متأكد إنك كنت قادر تلم الأفكار عبعضها بأسلوبك المميز ، بس إنت تقصدت تشتتها

بس كان لازم تعملها حلقتين تلاتة علأقل ، منو إطالة و تشويق عالطريقة المكسيكية... ومنو عملة $$$ ;-)


مظبوط الأفكار مشتتة .. و مظبوط أحساسك و تبريرك للتشتت .. مو العرب عندهم أصلا شغلة أسمها أدب الشتات :lol: :lol: {هداك غير شي بعرف } ..

الحلقة مو أكتر من نقل للشكل الدخلي لتلافيف مخ مواطن سوري من سنة و لليوم .

العملة هي محبتكون .. و هي اليوم قطع نادر و عملة صعبة ..و كريم بيعرف أكتر واحد .

شكرا يا فادي دادي دادي طالع نازل بالوادي ...

العملة هي محبتكون .. و هي اليوم قطع نادر و عملة صعبة ..و كريم بيعرف أكتر واحد .
محبتنا حصلت عليها

بس لاحظت شغلة؟؟؟
إنو الأخوة الأعضاء المعارضين بكل أشكالن"معارضين ومستعرضين ومعترضين" حسب تصنيف رواد للجدول الدوري للمعارضة"... كأنو مو متابعين المسلسل؟؟
أو عم يحطوا عليه بس ما عم يصيرلن نفس يردوا أو ما حبوه بالمرة؟؟
أو عم يتعارض موعدو مع حماة الديار" حاكم بتعرف بيحبوه كتير لحماة الديار" :lol:

محبتنا حصلت عليها

بس لاحظت شغلة؟؟؟
إنو الأخوة الأعضاء المعارضين بكل أشكالن"معارضين ومستعرضين ومعترضين" حسبتصنيف رواد للجدول الدوري للمعارضة"... كأنو مو متابعين المسلسل؟؟
أو عم يحطوا عليه بس ما عم يصيرلن نفس يردوا أو ما حبوه بالمرة؟؟
أو عم يتعارض موعدو مع حماة الديار" حاكم بتعرف بيحبوه كتير لحماة الديار" :lol:


الوطن يصطفل فيهون لأنو ما عم بيشجعو هالموهبة و النبوغ المبكر ..:lol:

الوطن يصطفل فيهون لأنو ما عم بيشجعو هالموهبة و النبوغ المبكر ..:lol:
لك مطنشينك بالمرة
ولا حتى رأي ناقد:pos: للمسلسل ;-)

لك مطنشينك بالمرة
ولا حتى رأي ناقد:pos: للمسلسل ;-)


لأنو في شغلات بتسد النيع ..:lol:

لأنو في شغلات بتسد النيع ..:lol:
بالعكس كلها حقائق
بس مشكلتنا كلنا ... ما منرضى نمدح خصمنا"مو عدونا" لأنو منكون عم نخسر بالمعركة
بس لفتني موقف كريم... هاد اللي بيعجبك ;-)

[quote=fady juventus]بالعكس كلها حقائق


ما الحقيقة "مو الحئيئة " هي اللي بتسد النيع المفتوح متل الأباوة ..

بس مشكلتنا كلنا ... ما منرضى نمدح خصمنا"مو عدونا" لأنو منكون عم نخسر بالمعركة
بس لفتني موقف كريم... هاد اللي بيعجبك ;-)


على راصي أنت و كريم ..

شو شريك ؟؟؟
وقفولك عرض المسلسل ;-)

شو شريك ؟؟؟
وقفولك عرض المسلسل ;-)

ولا والله يا حبيب . أنا صاير كتير أرنب .. لذلك ما حدا بيوقفلي شي "بلا معنى" .:lol:

بس هالكم يوم مشغول كتير بأمور مادية بحتة :adal: .. و مخي مركلج على الحسابات و عد المصاري "الافتراضية" و في وقت الراحة عم بيضل يون بالتحويل من سوري ألى يورو و بالعكس8) .. و أما في وقت النوم .. عم بيكون شغلة حسام دايما براسي .:(

ولا والله يا حبيب . أنا صاير كتير أرنب .. لذلك ما حدا بيوقفلي شي "بلا معنى" .:lol:

بس هالكم يوم مشغول كتير بأمور مادية بحتة :adal: .. و مخي مركلج على الحسابات و عد المصاري "الافتراضية" و في وقت الراحة عم بيضل يون بالتحويل من سوري ألى يورو و بالعكس8) .. و أما في وقت النوم .. عم بيكون شغلة حسام دايما براسي .:(
يا لطيف...
كل هالقد مانك عم تفضى؟
حتى بالنوم بالك مشغول!!!
بصراحة يا معلم ... أنا مافي غير شغلتين بيشغلوا بالي و لوقت محدد...
الأولى هيي العاطفة ، لما بيكون في زعل أو خلاف مع ال:oops: بيضل في تشوش بتفكيري
والتانية المصاري ، يعني لما بيخف الشغل متل ما صار الشهر لماضي ...
بس الحلو بالموضوع ، إنو لما بتكون الحكومة:oops: رضيانة عني بكون مبسوط حتى لو فات الشغل بستين حيط :p
الله يديم الحكومة فوق راسي ياااااااااااا رب :sosweet:

يا لطيف...
كل هالقد مانك عم تفضى؟
حتى بالنوم بالك مشغول!!!
بصراحة يا معلم ... أنا مافي غير شغلتين بيشغلوا بالي و لوقت محدد...
الأولى هيي العاطفة ، لما بيكون في زعل أو خلاف مع ال:oops: بيضل في تشوش بتفكيري
والتانية المصاري ، يعني لما بيخف الشغل متل ما صار الشهر لماضي ...
بس الحلو بالموضوع ، إنو لما بتكون الحكومة:oops: رضيانة عني بكون مبسوط حتى لو فات الشغل بستين حيط :p
الله يديم الحكومة فوق راسي ياااااااااااا رب :sosweet:


آمين .. الله لا يخيبلك راجا ....

حلقة سورية


سوريا الله حاميها ..

و السوريون من يحميهم ؟؟


"ربوعُ الشّـآمِ بـروجُ العَـلا " أخ يا شام وأخ يا تدمر ..

أما فيهِ منْ كُـلِّ عـينٍ سَـوادْ ومِـن دمِ كـلِّ شَـهيدٍ مِـدادْ؟ أخ يا بيي أخ يا عمي أخ يا خالي


"رفيـفُ الأماني وخَفـقُ الفؤادْ " أخ يا أحلامنا .. أخ يا قلوبنا ..

"نفـوسٌ أبـاةٌ ومـاضٍ مجيـدْ " أخ يا كرامتي .. أخ يا أبو فراس الحمداني ..


غبرة و قلة واجب .. او ما يسمى سيران كلاب .. بدك تروح على عين الفيجة و يوم الجمعة ؟؟ شو مجنون ؟؟ و بدك أكل نظيف ؟؟ شو وين مفكر حالك ؟

لو لولو لولالي الله محيي شوراعك الوسخة . يابلادينا

شو بيصيرلنا لو من دير بالنا انو ما نأذي بعضنا ؟؟ أصلا شو بيصرلنا اذا خطر على بالنا أنو ما نأذي غيرنا ؟

مين اللي سمح بالموتوسيكلات ؟؟ نحن بيلبقلنا حرية و تخفيف قوانين ؟؟ هدا اللي بدنا نوصل الو ؟ أنو مانا خرج حرية , مهما كانت بدائية ؟؟

ليش عم بيهاجر الشباب السوري ؟؟ منشان يشتري سيارة ؟ منشان يشبع اكل ؟ منشان ما يخاف من المستقبل ؟ ليش ماحدا بيفكر فينا ؟؟ مين نحنا ؟


الحياة ليست سيارة داسيا ولا مايبخ .. ولا بيت محترم ولا جيران أكابر .. لكن شو ؟؟ لطم و استشهاد ؟؟

شو اللي مات فينا ؟؟ شو اللي بقي منا ؟؟ لا سوريا العثمانية ولا الفرنسية ولا السورية .. وين رايحين ببلدنا ؟؟ انعدمت خياراتنا الا 3 : موالاة , معارضة , مطانشة .. مافي شي أوبشن مواطنة .

عنجد عنجد كتييييير اشتقت لحلقات المسلسل ... ولكتابتك واسلوبك الحلووو :سوريا:

انعدمت خياراتنا الا 3 : موالاة , معارضة , مطانشة .. مافي شي أوبشن مواطنة .


للاسف ما في ... :cry:


me2 ... شو بدك بالحكي .. عنجد بتجنن :سوريا:

عنجد عنجد كتييييير اشتقت لحلقات المسلسل ... ولكتابتك واسلوبك الحلووو :سوريا:



للاسف ما في ... :cry:


me2 ... شو بدك بالحكي .. عنجد بتجنن :سوريا:

شكرا لرفع المعنويات ... شكرا لحكيك الحلو ... شكرا من قلبي.

شو اللي مات فينا ؟؟ شو اللي بقي منا ؟؟ لا سوريا العثمانية ولا الفرنسية ولا السورية .. وين رايحين ببلدنا ؟؟ انعدمت خياراتنا الا 3 : موالاة , معارضة , مطانشة .. مافي شي أوبشن مواطنة .
رائعة رائعة رائعة


الآخرون هم الجحيم
يومية ذات الوجوه، ذات الاشيا
بتوعا، بتحلق، بتتحمم
بتتحمم من كذب المجتمع المعلق عليك
ضجيج، غبرة، عجقة سيارات
نشرة الأخبار؟
هيي ذاتا
معارضة، موالاة
مهما تصرخ ما حدا بيهتمللك
كل انسان عايش بجحيمو
كل انسا عم يعيش بمأساتو
و انت ؟؟؟؟
حامل هالسلم بالعرض

****
يا صبي قديش بدك تعاند؟
وصلت ع نقطة اللاعودة
يا بتنتحر
يا بتهاجر
يا بتفوت باللعبة

فتش ع خلاصك

(اسامة الرحباني)

رائعة رائعة رائعة


الآخرون هم الجحيم
يومية ذات الوجوه، ذات الاشيا
بتوعا، بتحلق، بتتحمم
بتتحمم من كذب المجتمع المعلق عليك
ضجيج، غبرة، عجقة سيارات
نشرة الأخبار؟
هيي ذاتا
معارضة، موالاة
مهما تصرخ ما حدا بيهتمللك
كل انسان عايش بجحيمو
كل انسا عم يعيش بمأساتو
و انت ؟؟؟؟
حامل هالسلم بالعرض

****
يا صبي قديش بدك تعاند؟
وصلت ع نقطة اللاعودة
يا بتنتحر
يا بتهاجر
يا بتفوت باللعبة

فتش ع خلاصك

(اسامة الرحباني)


شكرا يا كريم ... من قلب مجروح .

الله يعطيك العافية
عن جد شي حلو
لا سوريا العثمانية ولا الفرنسية ولا السورية ..
مدامك فتحت السيرة...
مرة كنت عم ناقش لوووح:shock: عن الإستعمار
وجهة نظري كانت إنو فرنسا فادتنا أكتر ما ضرتنا
إنو عالقليلة فرضت التعليم "ولو كان بلغتها" و فتحت مراكز ثقافية و ما إلى ذلك... بعكس الحيوانات العثمانيين اللي منعوا الناس من التنوُّر وحاربوا العلم إلا بالكتاتيب اللي كانت بؤرة الجهل المظلم...
قام المعلم انتفض و فرتن عليي ، قال شو ... أنا عم احكي هيك لأنن مسيحيين !!!!

إنو بيضل الإستعمار شيء بغيض و مرفوض ...بس أنا قصدت إنو لولا فرنسا ما كانت سوريا قدرت تتحرر من الأربع قرون العصملية بالسرعة اللي صارت وما كانت تقدمت بفترة الستينات وقت كانت شعلة الحضارة بالمنطقة... قبل ما يركبوها المتطرفين الإسلاميين و البعثيين العلمانيين واللي طفشوا كتير من أصحاب الفكر الحضاري و كبّلوا الشعب دينياً "الإخوان" و فكرياً "البعث"
للأسف الناس المتنورين و العقلانيين تاهوا بين أفكار التعصب الديني المقيت و القومية العربية التافهة.

الله يعطيك العافية
عن جد شي حلو


الله يعاااااااااااااااااافيك ...... و يحلي أيامك ..


مدامك فتحت السيرة...
مرة كنت عم ناقش لوووح:shock: عن الإستعمار

"ما ناقشني جاهل" يعني خرجك ...

وجهة نظري كانت إنو فرنسا فادتنا أكتر ما ضرتنا

من مبدأ أنو مستحيل ننظر أكتر مما نحن فيه...

إنو عالقليلة فرضت التعليم "ولو كان بلغتها" و فتحت مراكز ثقافية و ما إلى ذلك... بعكس الحيوانات العثمانيين اللي منعوا الناس من التنوُّر وحاربوا العلم إلا بالكتاتيب اللي كانت بؤرة الجهل المظلم...
قام المعلم انتفض و فرتن عليي ، قال شو ... أنا عم احكي هيك لأنن مسيحيين !!!!

إنو بيضل الإستعمار شيء بغيض و مرفوض ...بس أنا قصدت إنو لولا فرنسا ما كانت سوريا قدرت تتحرر من الأربع قرون العصملية بالسرعة اللي صارت وما كانت تقدمت بفترة الستينات وقت كانت شعلة الحضارة بالمنطقة... قبل ما يركبوها المتطرفين الإسلاميين و البعثيين العلمانيين واللي طفشوا كتير من أصحاب الفكر الحضاري و كبّلوا الشعب دينياً "الإخوان" و فكرياً "البعث"
للأسف الناس المتنورين و العقلانيين تاهوا بين أفكار التعصب الديني المقيت و القومية العربية التافهة.[/quote]



العصملية حكمت باسم الاسلام .."يا سلام سلم" ....أما اللي بيقلك أنو لو مدري شو كان مدري شو .. فهذا أهبل ...

شي حلو كتير

هلق انا قريتو كلو بفرد مرة

بس اللي فكرت فيه
انو انت صورت الزلمة او مرة جوات البيت عايشين كأنهون بجنة
يا ترى هالحكي صحيح؟؟
يعني مو مقضايينها خناقات جوات البيت ؟؟

شي حلو كتير

هلق انا قريتو كلو بفرد مرة

بس اللي فكرت فيه
انو انت صورت الزلمة او مرة جوات البيت عايشين كأنهون بجنة
يا ترى هالحكي صحيح؟؟
يعني مو مقضايينها خناقات جوات البيت ؟؟

أنا عم أحكي اللي شايفو .... و بأمانة ...


الله يحلي أيامك ...

حلقة "الغربة"


دلعن دلعونة بي بي الغربة الوطن جنونا ... أي والله جنونا مو حنونا .. أنا كمان فكرتا خطأ أملائي.

بتضرب راسك بالحيط .. بالباب .. بأي شي قاسي .. حتى الوجع ما ألو طعم .. وطن شو .؟؟؟

بتضرب أخماس بأسداس .. على أمل أي بارقة أمل ... عبث ..

بتقدم طلب الى مركز البطاطا المقلية .. عفوا البطالة المقنعة .... أي و شو ؟؟ أعطوني صحن .. عفوا أعطوني رقم 56778 ..لك يا عيني أنت بدك وظيفة و ليس رقم ؟؟؟؟

شركات خاصة ؟؟ أي مليان .. ليش ما بقدم طلب توظيف ؟؟ قدمت .. أي ؟؟ طلبو أني وقع على أستقالة سلفا و بدون تاريخ ... أي لعمى بعيون صاحبها ..... أشششششش .. بدك تروحنا ؟؟ "تلتينو للخال " .

الشركات الخاصة ما ألها آمان ... بيكون صاحبها منزل من السما و محبوب الدولة و الشعب .. بغمضة عين بيصير خاين و ابن حرام وقائمة من التهم. هو بيتهرب و الموظفين بيتبهدلو.

ليش بتنام كتير ؟؟ قوم أسعى .. قوم ولا .... ما معك مصاري ..؟؟؟ خود هي 500 ليرة .. شو أمرت ؟؟ ما بيعملو شي ؟؟ أي انشالله تعمل تحتك ...

ألا ما يتدبر شغل .. لاء هي ما اسمها ذل .. روح بوس أيدين عمك أبو رياح و خلي يعملك واسطة .... شو أمرت ؟؟ ضد شو حبيبي ؟؟؟ مبادىء ؟؟؟ ولا حيوان من وين جايب هل حكي ؟؟؟ شحاد و شاكل وردة ؟؟ لا حبيبي الشحاد ما لازمتو شمة الورد , بالعكس بتزعجو.. لأنو بيفضل و بيتحسس لريحة المشاوي فقط....تضرب أنت و كتاب القومية الاشتراكية.

شو هو الذل ؟؟؟ أو السؤال هو : أنو واحد ذل أكتر ؟؟ الفقر أم الظلم أم الحاجة للكلب ؟؟

اذا كان لابد من اذلال معين.. رح روح بوس أيدين شي حدا غريب .. يظبطلي فيزا و شمع الخيط .. بس الغربة فيها ذل وظلم أكتر ؟؟ معلش ... "ظلم ذوي القربى".

أنت خرج تستحمل دموع أمك ؟؟ طيب بفرض فيك ... شو بتعمل بدموع أبوك اللي دولتك كلها عجزت تهزو ؟؟ مو فارقة معك ؟؟؟ تفوو على الحليب اللي رضعتو ... روح انقلع يا نذل.... الله ........ يحميك ويرجعك بالسلامة.

"صوت ارتطام دموع بأرض سورية"

صرلي من الساعة 6 الصبح ملقوع متل الكلب الجعاري على باب السفارة .. شو هيي فيزا للجنة ؟؟ استعفر الله .

بتوصل الى المطار تبع الدريم لاند , شو هالريحة ؟؟؟؟؟

يتبع.......

يا رجل من وين اخترعت هالمدبحة تبع "صوت ارتطام دموع بارض سورية" ؟؟؟

ما كنت لاقيلها حل غير علبة المحارم ... و معلومك ما في ببلاش:cry:

يا رجل من وين اخترعت هالمدبحة تبع "صوت ارتطام دموع بارض سورية" ؟؟؟

ما كنت لاقيلها حل غير علبة المحارم ... و معلومك ما في ببلاش:cry:


من وين بدي أخترعها يا كريم ؟؟ كلو محلي ... خاصة الحزن .

يا رجل من وين اخترعت هالمدبحة تبع "صوت ارتطام دموع بارض سورية" ؟؟؟


اي والله دمعت عيوني وقت قريتها ....:cry: :cry:



بانتظار البقية ...

اي والله دمعت عيوني وقت قريتها ....:cry: :cry:



بانتظار البقية ...

يا عيوني أنت ... سلامت عيون كل السوريين من الدمع ..

سلام من أعالي جبال الألب اللي بيضاء متل ديارة طفل رضيع سوري الجنسية.

غريبة ريحة هالبلد ...؟؟؟ أي شو هيي ؟؟؟؟ مابكون متل العسكري الجبان ؟؟ هههههههه

ما بتضحك .. أنا ناقص مزحك ؟؟؟

هللو ... ما بيردو... ليش ؟؟ هدول سويديين مو انكليز ... وللي .. شلون بدي اخد و أعطي معهم ؟؟ والله يا عيني بدك تتعلم سويدي ؟ أيي و لبين ما أتعلم شلون بدي عيش ؟؟

اللي قبلك كتار .. يلا روح فتلك بشي معهد لغة وانسى العربي .

شو هي الأكلة ؟؟ رز ببزيلة مثلا ؟؟ تضرب شو غبي .. هي فيلية خنزبر مشوية .. دوق ما أطيبها .. ما حبيتها ؟؟ أنا ما باكل خنزبر ... أي ولا هو الخنزير طايقك , كول أحسن ما تجوع.

لا مارح تشايش نفسك .. تضرب شو ألفاظك عربية.

شو مكتوب ؟؟ شو بيعرفني ؟؟ هون كل شي سريع .. معك دقيقتين يا أما بيروح عليك القطار يا ترين .. لازم تقرر أنو منصة و أنو خط و وين النزلة ..

شبك ؟؟ شو بعمرك مو شايف شب وبنت عم يتباوسو بالشارع ؟؟ فضحتنا ..حاجة تبحلق متل العديم .. أي بعرف أنك عديم بس مو شرط يعرف الاتحاد الأوربي كلو.

أنو شب اللي عم يتحركش فيك ؟؟ طنشو ... شو قصتك أنت و الصلعان ؟؟؟

المية مع غاز .. اذا مو عاجبك انقلع على الشام و اشراب مية مجاري على أساس أنها بقين .. أطيب ؟؟ يعدمني ياك بيجوز أنت متعلم على مية المجاري ,,


... يتبع ..

حلوة سلسلة الغربة.
الله يعطيك العافية.
بس شو مشاااااااان:
أنو شب اللي عم يتحركش فيك ؟؟ طنشو ... شو قصتك أنت و الصلعان ؟؟؟
:?

فعلا حلوة هالحلقة ...

فيها صور كتير غريبة، عن بلاد كتير غريبة، عاداتهم كتير غريبة، ... و حريتهم كتير غريبة

دخلك عم تشوف شمس بهالسويد ؟؟؟

و اللا كمان هالشغلة عندهم غريبة ؟

فعلا حلوة هالحلقة ...

فيها صور كتير غريبة، عن بلاد كتير غريبة، عاداتهم كتير غريبة، ... و حريتهم كتير غريبة

دخلك عم تشوف شمس بهالسويد ؟؟؟

و اللا كمان هالشغلة عندهم غريبة ؟

أي .. فيك تقول أنو مو ناقصها شي ..

فعلا حلوة هالحلقة ...

فيها صور كتير غريبة، عن بلاد كتير غريبة، عاداتهم كتير غريبة، ... و حريتهم كتير غريبة

دخلك عم تشوف شمس بهالسويد ؟؟؟

و اللا كمان هالشغلة عندهم غريبة ؟


الحلقة مو كتير ظابطة .. بيجوز اقدر دبرلي شي عذر . متل أنو : كتبتها بقطار بين ميلانو و روما و مخي مشغول بالبصبصة على الايطالية الحلوة اللي جنبي....

بس اللي بيهم أنها .. مو ظابطة ... و أنا أعتذر من الأخوية ...

الحلقة مو كتير ظابطة .. بيجوز اقدر دبرلي شي عذر . متل أنو : كتبتها بقطار بين ميلانو و روما و مخي مشغول بالبصبصة على الايطالية الحلوة اللي جنبي....

بس اللي بيهم أنها .. مو ظابطة ... و أنا أعتذر من الأخوية ...

ما بعرف ليش حسيتها كتير زابطة

مدري سرحت بخيالي اكتر من اللازم امت شفتها زابطة

طول عمري بسمع مسرحيات الرحابنة و بعيشها بمجرد اني اغمض عيني، بعيش كل دعسة حمار، بعيش كل خناقة، كل ضربة كف، كل رسالة عشق،...

لما تفرجت على لولو و ميس الريم، و بياع الخواتم و سفربرلك...الخ، لما تفرجت عليهم ع التلفزيون، على الرغم من اعجابي بابداع المخرجين ... بس حسيت انو في مين قيدني، و بالتالي هبطت هالمسرحيات من عالمي المتكامل

لما بشوف صور (فوتوغرافية) من السويد كتير بنبسط، بس بحس حالي عم ادرس جغرافيا و جيو سياسة... بينما لما قريت كلماتك ...
ما بعرف ليش حسيت اني شوي تانية رح البس خوذة الها قرنين و سافر معك على سفينة فايكنغ، على بلاد الحرية عندهم خبز يومي، و ليست كنز مسروق من امير الزمان

:oops: many thanks to your WONDERFUL words it's touching :cry: the right part of the soul

:oops: many thanks to your WONDERFUL words it's touching :cry: the right part of the soul


هيك كانت الغاية ... مع أني بتمنى يكون الجزء الملموس من الروح هو الجزء الأكثر سعادة .. بس من وين ؟؟؟

شكرا لكلمات الحنونة ..

[quote=krimbow]ما بعرف ليش حسيتها كتير زابطة



أنا بعرف .. ظابطة للي عقلو متل عقلك ...فقط.

مدري سرحت بخيالي اكتر من اللازم امت شفتها زابطة

طول عمري بسمع مسرحيات الرحابنة و بعيشها بمجرد اني اغمض عيني، بعيش كل دعسة حمار، بعيش كل خناقة، كل ضربة كف، كل رسالة عشق،...

لما تفرجت على لولو و ميس الريم، و بياع الخواتم و سفربرلك...الخ، لما تفرجت عليهم ع التلفزيون، على الرغم من اعجابي بابداع المخرجين ... بس حسيت انو في مين قيدني، و بالتالي هبطت هالمسرحيات من عالمي المتكامل

لما بشوف صور (فوتوغرافية) من السويد كتير بنبسط، بس بحس حالي عم ادرس جغرافيا و جيو سياسة... بينما لما قريت كلماتك ...
ما بعرف ليش حسيت اني شوي تانية رح البس خوذة الها قرنين و سافر معك على سفينة فايكنغ، على بلاد الحرية عندهم خبز يومي، و ليست كنز مسروق من امير الزمان.


ليش كل ما بحكي شي , بتقوم حضرتك بتتذكر الرحابنة ؟؟ معقول أنا متاخد فيون لهالدرجة ؟؟

كلك ذوق يا كريم ...

أنا حزين على العرب

لست متأكد بأنهم العرب من أحزن عليهم , ولكن لتوصيف أكثر دقة, أقصد الناس الذين يسكنون سوريا, العراق, فلسطين, ولبنان. من يرغب بتسميتهم "عرب" فله ذلك أما أنا فأفضل تسميتهم "أهلي".

أما الحزن , فهو ذاك الشعور الذي ينتابني بعد كل عودة من بلاد الفرنجة. أما السبب فهو أحساسي بأن العرب فقدو أنسانيتهم.

لماذا و كيف ومن المسؤول و غيرها من الأسئلة المنطقية فهي غائبة من أذهان هؤلاء الناس مثل أنسانيتهم. رغم أن بعضهم يتخبط بأجوبة لهذه الأسئلة من وقت لأخر , دون أي تصور لأي حل.

شعب حزين , فقير , محروم , معقد , مبنج , مستجحش , مستغبى , ويتنقل : إما جائع أو متخوم , إما ظالم أو مظلوم , إما قاتل أو مقتول , إما مواطن أو مسؤول , إما معارض أو معروض , وإما هين أو مسهول.

سألني أحدهم , من بلاد الفرنجة , ما بالكم أيها العرب ؟ أتمنى لو سمعت بعربي حاول أو فكر بتسلق الهملايا . طبعا كان بأمكاني و بسهولة أن أقول : العربي عنده قضية أولويات.
لكنني تداركت نفسي و استسخفت هكذا رد. وحضرني الماغوط "رضي الله عنه" اذ قال : "بدك شي ولد يلعبلك بقضيتك" وأضيف عليها و يلعب بأولوياتك ؟

في إحدى ساحات روما , وعند المساء, و بشكل شبه الهي, اجتمع الناس "غيرنا" من كل دين وعرق حول فرقة موسيقية انكليزية تؤدي بعض الأغاني الشعبية بشوق و اتقان و "ببلاش" ولغاية وحيدة هي اسعاد الناس وأنا من بينهم .. بل أحسست أنني المعني بالمهمة السامية وهي إسعاد الناس, و قد كنت أمر بلحظات ضيق وأنا أفكر أنه يومي الأخير في روما, فأحسست بسعادة فائضة استدعت فيضان دمعتين على خدين شرقيين حزينين. حتى السعادة في صدر الشرق تأتي مترافقة مع دموع كان قد قدر لها أن تترافق مع مشاعر أخرى.
تمنيت لو تنشق السماء من جهة الشرق فقط , وتأتي يأحبابي من سوريا و العراق وفلسطين وبعض لبنان "علهم يتقون" , وأن تسعهم هذه الساحة الصغيرة الغائبة في زوايا روما المقدسة.

سيداتي سادتي: هذه دعوة للهجرة "غير الشرعية" , دعونا نموت في قوارب صغيرة على شواطىء أوربا الجنوبية كما يفعل الأفارقة, أخواننا في الانسانية.

دعونا نركب مراكب الصيد التافهة ونتجه الى تللك المعسكرات المعدة لنا خصيصا والتي يختبرون فيها أهليتنا وصلاحيتنا للعيش في أوربا, و النتائج أضمنها لكم.

دعونا نهجر أوطاننا , فهي ليست لنا , على الأقل مؤقتا. وسنعود يوما و بشكل أفضل.
يحضرني هنا حادثة لصديق قديم لوالدي "طيب الله ثراه". فهذا الصديق عجز عن الحصول على الثانوية العامة حتى لقب ب "الحمار" بلأذن من بريجيت باردو , فما كان منه ألا أن هاجر ألى الأرجنتين. عاد بعد خمسين عام ألى الوطن , وفي المطار خرج عن الطابور العشوائي لختم جواز السفر , فما كان من الموظف المؤهل إلا أن بادره "وقف بالصف يا حمار ".

هذه دعوة للهجرة, فإما أن نقف في تلك الساحة نستمتع بتلك الموسيقا دون التفكير باليوم التالي مثل البشر أو لنوت برصاص حرس الشواطىء الأوربية أو لتغيبنا أمواج المتوسط الحنونة.

كلمة أخيرة لكل الخونة "خونة الرحلة" الذين لا يريدون السفر "يا عيب الشوم عليكم".

عفوا ::





أنا حزين على العرب
لست متأكد بأنهم العرب من أحزن عليهم , ولكن لتوصيف أكثر دقة, أقصد الناس الذين يسكنون سوريا, العراق, فلسطين, ولبنان. من يرغب بتسميتهم "عرب" فله ذلك أما أنا فأفضل تسميتهم "أهلي".
أما الحزن , فهو ذاك الشعور الذي ينتابني بعد كل عودة من بلاد الفرنجة. أما السبب فهو أحساسي بأن العرب فقدو أنسانيتهم.
لماذا و كيف ومن المسؤول و غيرها من الأسئلة المنطقية فهي غائبة من أذهان هؤلاء الناس مثل أنسانيتهم. رغم أن بعضهم يتخبط بأجوبة لهذه الأسئلة من وقت لأخر , دون أي تصور لأي حل.
شعب حزين , فقير , محروم , معقد , مبنج , مستجحش , مستغبى , ويتنقل : إما جائع أو متخوم , إما ظالم أو مظلوم , إما قاتل أو مقتول , إما مواطن أو مسؤول , إما معارض أو معروض , وإما هين أو مسهول.
سألني أحدهم , من بلاد الفرنجة , ما بالكم أيها العرب ؟ أتمنى لو سمعت بعربي حاول أو فكر بتسلق الهملايا . طبعا كان بأمكاني و بسهولة أن أقول : العربي عنده قضية أولويات.
لكنني تداركت نفسي و استسخفت هكذا رد. وحضرني الماغوط "رضي الله عنه" اذ قال : "بدك شي ولد يلعبلك بقضيتك" وأضيف عليها و يلعب بأولوياتك ؟
في إحدى ساحات روما , وعند المساء, و بشكل شبه الهي, اجتمع الناس "غيرنا" من كل دين وعرق حول فرقة موسيقية انكليزية تؤدي بعض الأغاني الشعبية بشوق و اتقان و "ببلاش" ولغاية وحيدة هي اسعاد الناس وأنا من بينهم .. بل أحسست أنني المعني بالمهمة السامية وهي إسعاد الناس, و قد كنت أمر بلحظات ضيق وأنا أفكر أنه يومي الأخير في روما, فأحسست بسعادة فائضة استدعت فيضان دمعتين على خدين شرقيين حزينين. حتى السعادة في صدر الشرق تأتي مترافقة مع دموع كان قد قدر لها أن تترافق مع مشاعر أخرى.
تمنيت لو تنشق السماء من جهة الشرق فقط , وتأتي يأحبابي من سوريا و العراق وفلسطين وبعض لبنان "علهم يتقون" , وأن تسعهم هذه الساحة الصغيرة الغائبة في زوايا روما المقدسة.
سيداتي سادتي: هذه دعوة للهجرة "غير الشرعية" , دعونا نموت في قوارب صغيرة على شواطىء أوربا الجنوبية كما يفعل الأفارقة, أخواننا في الانسانية.
دعونا نركب مراكب الصيد التافهة ونتجه الى تللك المعسكرات المعدة لنا خصيصا والتي يختبرون فيها أهليتنا وصلاحيتنا للعيش في أوربا, و النتائج أضمنها لكم.
دعونا نهجر أوطاننا , فهي ليست لنا , على الأقل مؤقتا. وسنعود يوما و بشكل أفضل.
يحضرني هنا حادثة لصديق قديم لوالدي "طيب الله ثراه". فهذا الصديق عجز عن الحصول على الثانوية العامة حتى لقب ب "الحمار" بلأذن من بريجيت باردو , فما كان منه ألا أن هاجر ألى الأرجنتين. عاد بعد خمسين عام ألى الوطن , وفي المطار خرج عن الطابور العشوائي لختم جواز السفر , فما كان من الموظف المؤهل إلا أن بادره "وقف بالصف يا حمار ".
هذه دعوة للهجرة, فإما أن نقف في تلك الساحة نستمتع بتلك الموسيقا دون التفكير باليوم التالي مثل البشر أو لنوت برصاص حرس الشواطىء الأوربية أو لتغيبنا أمواج المتوسط الحنونة.
كلمة أخيرة لكل الخونة "خونة الرحلة" الذين لا يريدون السفر "يا عيب الشوم عليكم".

thank you for being so honest and truthful

دعونا نهجر أوطاننا , فهي ليست لنا , على الأقل مؤقتا..

لايمتى ؟!

عنجد للاسف على وطنّنا الضايع ...

كتير حلوووة الحلقة .. يعطيك العافية مي تو :سوريا:

thank you for being so honest and truthful

thank you 2 for being so sensitive and faithfull, its only me and i cant be anything else.

لايمتى ؟!

عنجد للاسف على وطنّنا الضايع ...

كتير حلوووة الحلقة .. يعطيك العافية مي تو :سوريا:

عيونك اللي حلوة و روحك اللي جميلة ..


أما وطننا فبرأيي "اليوم" ليس ضايع .. بس نحنا اللي ضايعين .

كما قال المفكر السوري محمد الماغوط
الغربة بالوطن جوع والجوع بالوطن غربة

كما قال المفكر السوري محمد الماغوط
الغربة بالوطن جوع والجوع بالوطن غربة


الله يطول عمر الماغوط و عمرك .. و تسلم .

حلقة عسكرية

شاءت أو ساءت ظروفي أن أعيش وأكبر "بالعمر" في مجتمع يقال عنه "أولاد الضباط" كنتيجة شبه طبيعية لأبن ضابط, يسبح في مسابح الضباط ويسكن في مساكنهم ويختلط بأبنائهم.

الضابط هو بالبداية والنهاية ضابط .. يعني سواء كان مسلم أم مسيحي أم درزي أو حتى علوي .. ولو أن البعض يصبغ الضباط بصبغة علوية .. وهذا خطأ يفرض نفسه على الكثير من المنتقدين.

وفي سوريا تحول الكره الطائفي أو السياسي أو أي كره , من كره للطائفة العلوية ألى حقد على الجيش وهو المؤسسة الوطنية التي تستلزم أكثر من مجرد اجماع على الاحترام لدولة أراضيها محتلة وأمنها مهدد.

طبعا لا دخان بلا نار .. فالجيش تدخل "خطأ" في مشاريع سياسية أحيانا وطائفية أحيانا وطبعا دائما بقرار سياسي لاطائفي , ولكنه يجب أن يبقى المؤسسة الوطنية الجديرة بالثقة.

والجيش مزراب للخزينة , وهذا يثير الحفيظة الباطنية للجميع . و الجيش يسير سيارات كبيرة ومؤذية داخل المدن تسبب الكثير من الحوادث.

والجيش يستلزم أداء الخدمة الألزامية والشباب يكرهها ويعتبرها مقبرة.

والجيش يعطي لأبناء الضباط الحق بقيادة سيارات حديثة وبطريقة جنونية أحيانا.

والجيش عجز عن تحرير الأرض وحفظ الكرامة.

والجيش الذي لاتعد مصائبه حارس للنظام ضد المعارضة التي كانت ستفتت النظام لولاه.

طيب: ماذا لو تخيلنا الوطن بلا الجيش ؟؟

لمن لم يقرأ رواية صلصال حتى الأن ,ويحب التبحر في بحار هذه الطبقة من المجتمع , أنصحه بأن يفعل.

كل ماذكر أعلاه هو استطراد , ما أردت قوله هو أنني ألتقيت ببعض الأشخاص الذين ذكروني بأيام زمان وتذكرت مايلي:

أن أحد أولاد الضباط كان يصرف مليون ليرة أسبوعيا.
أن أحد أولاد الضباط قال لي عن أن أحد أولاد الضباط أنه لايمكن لاأحفاده أن ينهو حرق مايملكه, بفرض أنو شخصيا ابتدأ بالحرق.
أن أحد أولاد الضباط كان يتلذذ باستعمال المسدس لاطلاق النار بين أقدام "أصدقاؤه".
أن أحد أولاد الضباط أصبح من كبار تجار الوطن .. أحد ؟؟ أظن أن الكثير منهم.

وأن أحد أولاد الضباط أصبح طبيبا و الآخر مهندس وأنهم يعيشون حياة طبيعية سورية مائة بالمائة.

نصيحة للشباب ألا يستثنو أولاد الضباط من حساباتهم وألا ينبذوهم كالحشرات ... فهم سوريون ويلزمهم القليل من الاختلاط والاندماج مع المجتمع بشكل صحي .

أخيرا أحببت لكم مايلي مما قرأت ل توفيق البكري:

لا تعجبوا الظلم يغشى أمة فتبوء منه بفادح الأثقال
ظلم الرعية كالعقاب لجهلها ألم المريض عقوبة الاهمال

الله يطول عمر الماغوط و عمرك .. و تسلم .
وانت كمان انشالله

الحلقة ذكرتني بقصة عن " اولاد الضباط " ... ولو انّو هالمرة القصة صارت ببلد تانية غير سوريا ..

هاد يا سيدي مرّة كان اتنين من اولاد الضباط اللي لسه ما طبّقوا ال 18 عم يسوقوا بطريقة جنونية ..وطبعا الخط اليسار من الشارع هو للي بيكون مسرع ...
فكان قدامهم في سيارة وصاحبا عم يسوق بالهداوة .. قعدوا يشغلوا الضو ويطفو انو " بعّد خلينا نمر " ... وهو مكمّل عااادي ولا على بالو .. قام اتجاكروا منو كتير ... راحو على الخط النصاني وسبقوه وبعدين كسروا عليه بالعرض .. قام طبعاً وقّف اجباري !! ...
راحو نزلو من السيارة ودقّوه قتلة معتبرة ( مشان يتعلم تاني مرة يبعّد ) .. والزلمة صار بالمستشفى ...
هلأ القصة وين !؟ القصّة انو وقت اجت الشرطة لتكتب التقرير.. على مين طلع الحق ؟!
طلع على الشخص اللي يمكن لهلأ مو فهمان بشو غلط ليصير معو هيك !!..
امّا انو كيف طلع معهم هيك؟ شلون وليش !؟ وهدول الاتنين الـ"قاصر" !؟؟ طيّب مافي مخالفة !؟ غرامة ؟! لك حتّى شدّة ادن لحتى ما تتكرر الشغلة ...!!!
لاء طبعاً... هدول " ملايكة " ومستحيل يكونو غلطانين .. وتيسّر كل واحد لبيتو وكأنو ما صار شي

بئا برأيي ... خلينا بعاد وخليهم بعاد..والله يحفظهن ويحميهن ويديمهن للـ"بابا".. ويبعدهم عنّا :pos:

Not all of them :cry:

:clap: :clap: :clap: :gem: :gem: :gem: me 2:pos: :pos: :pos: :pos: