لنسير معا على طريق التخلف
احتقرو أبو العلاء المعري لأنو قال "اذا كان لا يحظى برزقك عاقل وترزق مجنونا وترزق احمقا
فلا ذنب يا رب السماء على امرئ رأى منك ما لا يشتهى فتزندقا "

و احتقرو الزهاوى لأنو حكى عن عن اختراع فكرة الاله وما نتج عنها من معضلات :
لما جهلت من الطبيعة امرها واقمت نفسك فى مقام معلل
اثبت ربا تبتغى حلا به للمشكلات , فكان أكبر مشكل

و لا تنسو ابن رشد : كمان خفف من الله
الحسن ما حسنه العقل والقبيح ما قبحه العقل...
الله لايمكن ان يعطينا عقولا ويعطينا شرائع مخالفة لها

و كتارررررررررررررررررررررر ررر
بس تذكرو أنو نحن لساتنا عالأرض بس هدوليك طلعو عالقمر
:سوريا::سوريا: :سوريا:

اما ليش الاهتمام بتكفير نزار قباني دون غيرو ؟؟؟
هذا الشي يلي بيجنن أنا كتبت عن كتير فلاسفة و علماء بيقتضي فيون العالم العربي و الأسلامي متل ابن رشد يعني فينا كمان نكفرو شوي تانية .... فيا حسرة عهالفكر الراقي يلي منسويه كفر
لك الكفر أنو نكفر بهيك اشخاص و بطريقتون الأبداعية مو الكفر بالله
يا حسرتي ع شعب حب يفكر شوي قام خرب الدنيا نصيحة مني سكرو مخكون بقفل و كتبو عليه الله و بقو قابلوني إذا أجاكون مكتوب

كاتب النص الأصلي : الله

للضرورة اقدم لكم البيان التالي

انا لم ولن اوكل اي انسان انا خلقته كمحامي للدفاع عني
فأنا استطيع الدفاع عن نفسي , واهتمو انتم بالدفاع عن انفسكم

واستشهد بالعبارة الواردة في بداية الموضوع:
( إنَّ الَّذِينَ يُؤْذُونَ اللهَ وَرَسُولَهُ لَعَنَهُمُ اللهُ في الدُّنْيَا وَالآخِرَةِ وَأَعَـدَّ لَهُمْ عَذَابَاً مُهِيناً )
وهي آية من كتابي الأخير "القرآن"
فأنا من اقرر من هو الكافر وانا من اعد العذاب المهين

ومن قال لكم اني استاء من النقد او الأستهزاء حتى
فأنا اله ديمقراطي واريدكم ان تقتدو بي ايها النور

ومن هذا المنبر الحر انا اطالب بالحفاظ على حرية التعبير واعتبارها حق مقدس للجميع
فأنتم بتصرفاتكم هذه تحاولون قتل الفكر والابداع وتكريس الجمود والتخلف

وشخص عبقري متل نزار قباني انا فخور بأني خلقته :gem:
وأسامحه على اخطائه ..
فهو اعظم من ان تكيلو له تلك الشتائم وتصفوه بتلك الأوصاف
وأصدق من أصدق واحد فيكم يا ذوي العقول المسطحة العقيمة

بقى انضبو واسكتو يا *** (الكلام مو الك يا وايت روز )

اوعى يفكر حدا انو يحذفلي هالرد .. لأنو مصيرو رح يكون بنار جهنم بأذني تعالى

بقلم الله

بشرفي عم تحكي درر ياالله اي هيك من الأول اتحفنا بمشاركاتك الحلوة :سوريا:

ابن رشد
نحن الأسلام منقتضي بأبن رشد
ممكن مثال ؟؟
يعني فينا كمان نكفرو شوي تانية .... فيا حسرة عهالفكر الراقي يلي منسويه كفر
فكر راقي = كفر
حدا يشرحلي شو دخل الله جل جلاله بـــــــ المرأة العاهرة دائماً بنظر نزارووووووووووو
لك الكفر أنو نكفر بهيك اشخاص و بطريقتون الأبداعية مو الكفر بالله
هاد هو الكفر بنظرك:? :shock:

يا حسرتي ع شعب حب يفكر شوي قام خرب الدنيا نصيحة مني سكرو مخكون بقفل و كتبو عليه الله و بقو قابلوني إذا أجاكون مكتوب
انا رح ابعتلك مكتوب يوم القيامة:lol:

نحن الأسلام منقتضي بأبن رشد
ممكن مثال ؟؟
أنا ماقصدت أنو الدين الأسلامي بيقتضي بأبن رشد بس قصدت المجتمع الأسلامي كل ماتفتق كلمة عن العرب بينطو ابن رشد و الرازي و ابن سينا
فكر راقي = كفر
حدا يشرحلي شو دخل الله جل جلاله بـــــــ المرأة العاهرة دائماً بنظر نزارووووووووووو
الفكر الراقي يلي منشوفو بإبداع نزار هو يلي مالازم نكفر فيه و إذا بتحبي توصلي أنو فكرة البعد عن الله بتسوي الفكر الراقي كمان موغلط
هاد هو الكفر بنظرك
أكيد
انا رح ابعتلك مكتوب يوم القيامة
مشان تعزميني عالجنة ؟؟؟ لا معلش ميرسي إذا رح تكون الجنة باحتاج لشروط انتساب فلا معلش أنا متنازل عنها بسجل بالأخوية أشرف

ماقصدت أنو الدين الأسلامي بيقتضي بأبن رشد بس قصدت المجتمع الأسلامي كل ماتفتق كلمة عن العرب بينطو ابن رشد و الرازي و ابن سينا
انت قلتها عن العرب
يعني اسلام ومسيحيية ويهود
هدول رموز اطباء اكتشفوا شي بفيد العالم مو نزار انا يؤسفني انو عم احكي عليه لانو بحب شعرو بس هاد مابيمنعني انو قول رايي فيه بصراحة



مشان تعزميني عالجنة ؟؟؟ لا معلش ميرسي إذا رح تكون الجنة باحتاج لشروط انتساب فلا معلش أنا متنازل عنها بسجل بالأخوية أشرف

هو انا ما بعرف حالي اذا انا بالجنة بس اذا دخلتها بدي اعزمك وشوف اذا بتقبل ولا لاء;-)

انت قلتها عن العرب
يعني اسلام ومسيحيية ويهود
هدول رموز اطباء اكتشفوا شي بفيد العالم مو نزار انا يؤسفني انو عم احكي عليه لانو بحب شعرو بس هاد مابيمنعني انو قول رايي فيه بصراحة
عيني ربك عيني هذا مجدتوه و قلتو طبيب و مفيد ماهو كمان كفر بالله ليش ما استحقرتوه
و نزار مبدع و يلي كاتبو شي فني و أكتر من هيك و إذا بتقولي لا بدي أزعل منك لأنو بتعرفي أنو نزار علم من أعلام الأدب الحديث في العالم العربي فليش بترضو تحتقروه و غيرو لا

حاج حاج لسى طالعلك تحكي لك مجد
انت رايح على جهنم لانو اسمك مفهوم منو انك موجود وين ما كان
وما حدا موجود وين ما كان غير الله
ايها الكافر

حاج حاج لسى طالعلك تحكي لك مجد
انت رايح على جهنم لانو اسمك مفهوم منو انك موجود وين ما كان
وما حدا موجود وين ما كان غير الله
ايها الكافر
لعمى حتى أنا طلعت كافر ؟؟ :shock: :shock: :shock: يوه ملا سمعة أنو نزار فيها و مافيها 8) بس أنا لا :gem:

لعمى
عم يتمسخر
الى الجهاااااااااااااااد

مرحبا محمد


يؤسفني مفهومك عن الحمار.يا كريمبو
احيانا بيكون الحمار مفيد لمن حوله اكتر من الانسان.


معلم وحياتك هاد مو مفهومي
انا طلبت من حشت نشت يزكرني بصاحب هالقول ... و غالبا على ما ازكر هوي جورج برناردشو
بغض النظر ...
ما فهمت ليش متأسف ؟؟؟
ليش ضروري ازا كان الحمار مفيد انو يكون ارقى من الانسان ؟؟؟؟
ما هوي اساسا ازا كان مفيد بدو يكون مفيد للانسان


شغله كافر ومؤمن في رأيي انها علاقه بين الشخص وربه. يعني مو معقول انها تكون شغله البشر.
خصوصا ان لا احد سوف يحاسب بالنيابه عنو.


كلام يخش الدماغ على قولة المصريين
هاد كلام رائع جدا و بشكرك عليه
و يا ريت كاتب الموضوع (الحمار) يفهم هالشغلة

وبافتراض انو كافر .طيب وليش بكون كفرو وسام على صدرو؟
شرحت هالنقطة باستفاضة ...
بس رح ارجع اشرحها من وجهة نظر تانية
بغض النظر عن ازا كان في خالق او ما في
المؤكد انو بهالكون في لوحات رائعة من الجمال و الحكمة، مناظر طبيعية خلابة، كلمة شعرية ساحرة، مقطوعة موسيقية بتدوب القلب .... الخ الخ الخ
و باعتبار انو الفنان هوي انسان فوق العادة فعندو القدرة (الموهبة) على استيعاب هاللوحات الساحرة و تجسيدها عن طريق الشعر او الادب او الموسيقا او الرسم ... الخ
هلأ المشكلة انو في بعض الاشخاص يللي بيآمنوا انو في خالق، و الانكى انو بيعتبروا حالهم قيمين على الخالق و مخلوقاتو، يعني بيعتبروا حالهم اوصياء عليه و على عبيدو
هدول الناس غالبا بيكونوا نصابين أفاكين كسلانين ... بس بنفس الوقت ازكياء
اجمالا هدول الناس ما بيكونوا فنانين ... و بالتالي ما عندهم القدرة تبع الفنانين على استيعاب الجمال الالهي
و لما بيلاقوا فنان عم يجسد هالجمال او هالحكمة الالهيين ... بيغاروا بالمشرمحي ... و بعتبروا انو هالفنان (متل نزار قباني مثلا) عم يتعدا على مصلحتهم
بيقوموا بيهاجموه لهالفنان بالسلاح الفتاك يللي بيملكوه ... التكفير
و بالتالي اي فنان بيطلع معهم انو فنو كافر ... عمليا بيكون فنو قدر يلمس الحدود الالهية (يللي هيي حكرا عليهم حسب نظرهم) ... و بالتالي تكفيرو بيكون وسام على صدرو

لا يوجد حد عنده الكمال بالنسبه للبشر .وانا اتحداك في ان تثبت لي ذلك .

ما فهمت عليك
بس اجمالا انا حكيت عن قصور الانسان الناقص بطبيعتو و محاولتو (حط خط تحت محاولتو) لبلوغ الكمال
على الهامش
لما بدك تتحداني معلم يا ريت تتحداني اني اثبتلك عكس ذلك
حلوة هي
بتقللي اللبن اسود و بتتحداني اثبتلك ..... ذلك
بكل الاحوال .. يا ريت توضحلي شو قصدك
لحتى شوف ازا انا متفق معك بهالنقطة و اللا اقبل التحدي تبعك

ان الادعاء بان الاديان ضد الفنون .ظالم وباطل .لانو من الظلم الخلط بين ميول ورغبات رجال الدين وبين مبادئ وتعاليم الاديان.عند تعارضهم معا .فيقوم رجل الدين باتباع ميولو ورغباتو وترك تعاليم دينو انا اقصد رجال الدين ضعفاء النفوس.
الفن يغزي الروح .وهو شيء عظيم ومفيد .ولا يعترضو تعاليم الاديان.

يمكن
يمكن يكون الادعاء بانو الاديان ضد الفنون باطل
بس المؤكد (يرجى مراجعة الموضوع من الاول) انو رجال الدين ضد الفن و وضحت هالشي اكتر من مرة


واجابتك هي اللي فوق.
بس مو معقول انك تخاطب ناس بتقرى في المنتدى وثقافتها بالانترنت.على انهم بيقرو 6 دقايق في السنه .
ولا تنسى ان للمعرفه والثقافه وسائل اخرى غير القراءه .



خيو ...
انا ما جبت شي من بيت اهلي
تفضل راجع اللينك التالي من فضلك
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

ما في داعي اني جبلك احصائيات انت اكيد بتعرفها
من فترة كانت الجزيرة تحط مانشيت فيو احصائيات عن حجم الامية بالعالم العربي
70 مليون من اصل 250 مليون ... هدول اميين ... يعني لا قراءة و لا كتابة و لا من يحزنون
و الباقي 70% منهم يادوب يفكوا الخط
بقا لا تقللي انترنت و انتر بطيخ مبسمر

على فكرة ... حسب الاحصائية هالـ 6 دقايق يللي بيقروها اغلبها مواضيع دينية و فتاوي و علاك

ازا فكرك انو انا مبسوط على هالوضع بتكون غلطان
انا بنتمي لهالناس هي
و المتل بيقول " ازا جن ربعك عقلك ما بينفعك"

انتو ليش بتكرهو العرب والعروبه مع انكم اختلطو بالاصول العربيه وقبل ما يدخل الاسلام الشام .يعني العرب ليس لهم علاقه بالاسلام .حتى ان اول من هاجم الاسلام ورسول الاسلام .كانو اهلو واقاربو العرب الذي تربى بينهم .(الاسلام لا ينتمي لجنس ولا دوله ولا ارض )
ليس للاسلام ارض


ملحوظه :انا شايف خلط واضح بين الاسلام والعروبه.لازم تفصل لما تكلم عن الاسلام .استخدم كلمه المسلمين .في عرب كتير مش مسلمين .يعني مسيحين ويهود وملحدين.

هيك منكون طلعنا كتير عن الموضوع
بس ازا بدك منتحاور مع بعض عن سبب كرهي (كسوري) للعرب


ونرجع لموضوعنا.
من ادخل في عقلك ان الذكر الحكيم .شعر او نثر او احد الوان الفن الشعري.
فمع اي مقارنه لابد وان يكون الاشياء المقارنه من نفس النوع.(على فرض ان فيه مقارنه)


والله يا معلم يا ريت تخبر هالحكي للترين كاتب الموضوع (وليس ناقله)

من هو في منزله عاليه لا يتشرف بالتفوق على متخلفين .!!!!!!!!!!!!!!!!!!!!!!!!!!!!!!!!!!
ولكن من في الارض هو من يحاول الوصول للسماء.
شكرا لانك سترسم على وجهي بسمه لا اعتقد انها ستنتهي قبل انتهاء يومي :سوريا:
لاني ساجتهد حتى اصل الى مستواك العالي واترك تخلفي.
معك حق .. بعتذر منك نسيت خبرك انو صاحب الاقتباس الاخير (شكرا لأنكم متخلفين) هوي مناحم بيغن

على فكرة ... سعيد جدا بالتحاور معك اخ محمد

يسعد ربك ما أحلاك و أحلى كلامك كريمبو، ألك وحشة يا زلمة.. و المهم أنك بألف صحة و سلامة
أخ محمد ، يعني الصراع بين الإبداع و رجال الدين صراع أزلي.. رجال الدين عادة (الغالبية الساحقة) ناس يتضلعون (يعني ضليعين إذا خربطت بالتهجية) بحفظ نصوص و يكتسبون قوتهم من قوة النصوص ، ليس بالضرورة أن تكون هذه النصوص مقدسة بحد ذاتها (يعني مو نصوص إلهية، لكن مداخلات لرجالات دين سابقين) و بالتالي فهن شديدي التمسك بهذه النصوص و الخروج عنها يحرجهم و يشعرهم بالإفلاس، و التهجم على أناس مثل نزار قباني أو غيره هو نابع أساسا من شعور داخلي بالنقص و هم (المهاجمين) يستمدون شعورهم بأهميتهم من إدانة الآخرين و التحقير بهم ، يعني عندما يتم إثبات أن الشاعر (نزار مثلا) ملحد أو مجذف أو مخالف للنص أو سمه ما شأت بالنسبة لهم من جهة، يثبت ضمنيا مدى علمهم و من جهة أخرى (من وجهة نظرهم أيضا) يلبي حاجة لدى من وظفهم لتكفير الآخر و الحط من إبداعه و تميزه
الإبداع قضية فيك تقول عنها تحشيشية ، و الفن هو محاولات أولى لقول شيء غير مألوف نوع من استشراف المستقبل، حالة استرفاعية (إذا جاز لنا التعبير) يعني محاولة لقراءة الواقع و نقده أو الإضافة إليه تتمخض عن إبداع قد لا يكون إبداع سهل الإدراك بالحواس المباشرة و كلما كان أكثر تعقيدا و ناجم عن تراكم معرفي و موهبة متميزة و مسقولة كان أكثر صعوبة على الفهم بشكل مسطح ، يعني مثل الشعر العمودي أو الفن التكعيبي أو التعبيري أو المسرح حتى أحيانا قد يبدون الفن بسيطا أو رخيصا بكلمة أخرى بسيط (و هذه موهبة أهم في التعبير عن إبداع كبير بلغة بسيطة) مثل مسرح زياد الرحباني الذي يبدو ساخرا تحشيشي ظاهريا و لكنه عميق و يصيب مقتلا من كثير من السلبيات الحياتية.. لنتقل هنا لمثال زياد الرحباني: مثال الملحد الشيوعي المدمن (مدمن حشيش رسمي سابقا) لكن الحقيقة أنه أضاف للأجيال إضافة أهم للأجيال التي استمعت له و حتى أدمنته (انتقد الطائفية الرياء السياسي المتاجرة بالأوطان) محمد الماغوط : أستاذ بالحرية ارعب الطغاة بمسرحياته و شعره و عواميده ، و هو شبه مدمن كحول و غالبا يمكن تصنيفه بحسب الدراسة السابقة في خانة الملحدين، سعدالله ونوس: أيضا بحسب معايير الدراسة و المفكرين سوبر ملحد، لكنه أيضا و بقلمه كان مرعبا أكثر من جيوش أخوان المسلمين في حماه التي دحرتها الدبابات، بينما و دون أن يذرف أي من المبدعين السابقين و آلاف غيرهم قطرة دم واحدة سوى عند دمهم و أجسادهم التي أهلكها السرطان و أتعبها النفي و أرواحهم التي عانت لأجل أخوانهم ، كل ذلك كان أعمق أثرا و أكثر خطرا على السلاطين و الحكام
مثلا ابن الباز أشهر مفتيي الديار المقدسة، لم أسمع عن أي إضافة جوهرية له لهذه الحياة الإنسانية و لأمته المسلمة و العربية عدا عن إطلاق الفتوى الممعنة في تناقضها مع العلم و العقل، أنا لا أقصد أن أقول أن جميع المفكرين الدينيين متخلفين على العكس فهناك أسماء مهمة و لكن تم تغييبها و حتى تكفيرها و الأمثلة كثير أستحضر أهمها :
الصادق النيهوم ، نصر حامد أبو زيد ، فرج فودة ، محمد شحرور
هؤلاء مفكرين اسلاميين معاصرين و بدلا من الإصغاء إلى فكرهم النقدي الممنهج العلمي ترى الملايين تسبهم دون حتى أن تقرأ سطرا واحد من إنتاجهم الذي أقل ما يمكن وصفه بالرائع و كل ذلك لأن أحد رجالات الدين الذي لا يمكن تصنيفه إلا في خانة موظف وزارة أوقاف قد نسفه معلقة في خطبة يوم الجمعة
قد يبدو هجومي مركزا على رجالات الدين الإسلام و لكن أرجو منك أن تقرأ بتمعن ما كتبته ليس بهدف الرد عليي و لكن بهدف الإطلاع على وجهة نظري كما هي ، مجردة و مختلفة و قاسية و ربما نابعة من مرارة الهزيمة التي نجترها جميعنا مسلمين و مسيحيين و ملحدين و لا دينيين
تحية

نسأل الأخوة الكرام الأبتعاد عن المقالات الكبيرة
حتى نقرا
لأنو محسوبتكون وايت روز
أخلاقها ديقة اليوم ما ألها خلاق تقرأ

يحرأ حريشك أنتي! معؤول شو لزيزة
هاه يا دوب الشباب عميتخانأوا أنو بيقروا لا ما بيقروا
طلعتي من جماعة اللي ما بيقروا اليوم

خير الكلام ما قل ودل
متلي يعني
شكراً دانيتو

لا اله الا الله محمد رسول

موضوع جميل والى الامام اخواني

تحياتي

الاردن اولا :king:

لا اله الا الله محمد رسول

موضوع جميل والى الامام اخواني

تحياتي

الاردن اولا :king:

هوي ما بخبي عليك انا كتير كتير مبسوط انو الموضوع عجبك

بس انت ما قلتلنا ... نزار كافر (متل ما انا و صاحب الموضوع و حشت نشت عم نقول) و اللا مش كافر ؟؟
بعدين الكفر هاد وسام على صدرو و اللا مسلة بمطرح تاني غير صدرو ؟؟؟؟

هي اول مشاركاتك اخ اردن
اهلا وسهلا
كترانيين الاعضاء الجدد

نسأل الأخوة الكرام الأبتعاد عن المقالات الكبيرة
حتى نقرا
لأنو محسوبتكون وايت روز
أخلاقها ديقة اليوم ما ألها خلاق تقرأ
ياستي اقري بكره.:سوريا:

خير الكلام ما قل ودل
متلي يعني
لما تكتبي موضوع كبير جدا .;-)
يبقى لازم تشوفي ردود كبيره .حتى تناسب موضوعك.:o

مرحبا محمد
مرحبا فيك


معلم وحياتك هاد مو مفهومي
و غالبا على ما ازكر هوي جورج برناردشو
لانك ما وضحت .انا اعتقدت انو مفهومك.
بس طالما طلع برناردشو .انا ببعتلو ايميل مشان افهم منو .الله يرحمو
ما فهمت ليش متأسف ؟؟؟
ليش ضروري ازا كان الحمار مفيد انو يكون ارقى من الانسان ؟؟؟؟
ما هوي اساسا ازا كان مفيد بدو يكون مفيد للانسان
متاسف من النظره الدونيه للحمار .هي للحيوانات عموما وللحمار بصفه خاصه.
يعني انا بطرح تساؤل .ليش الحمار بالذات؟ولا هي عنصريه وخلاص
اما عن شغله الرقي.بين المخلوقات فهي بالتاكيد ترجع الى العقل (الماديات) اما الفنون فهي خاصه بالجانب الروحي .لذلك يقال ان الفن غذاء الروح.
وهما مكملين لبعض .واذا نقص اي منهما يعاني الانسان لذلك النقص.

هاكمل بعدين.
كيف ما بتقولو .
تسجيل متابعه.

الزلمة ميت هلاء فتنطو تحكو عليه انو كافر

هههههههههههههههه اول مشاركة بس انشاء الله مو الاخيرة

هلا انا بحكي انو مش كافر الزلمة الله يرحمو في القبر

جيبوا سيرت هذول العايشين

ولا بس يموت الواحد بتبلشو تحكو علي

هههههههههههههههههههههههه

تحياتي

إلى كل الأعضاء
معلش يعني
أنا ماكنت علق لحتى شوف كل التعليقات
يعني لو في عضو واحد عندو تفكير بديهي
كان فطن على أنو أنا ما أتهمت نزار بالكفر
وعنوان الموضوع بيشهد
مغالطات نزار
مغالطات من غلط
أنا ما بقيم أنسان وعمري ما قيمت لأنو احتمال هه يكون احسن مني
فكيف بدي قيمو
وقلت ::
أقوال كفرية في شعره
ما قلت نزار يكفر بلسانه
قلت بشعره
هذا للتنويه فقط
يا حيف يا أخوية على ها الأعضاء:cry:

إلى كل الأعضاء
معلش يعني
أنا ماكنت علق لحتى شوف كل التعليقات
يعني لو في عضو واحد عندو تفكير بديهي
كان فطن على أنو أنا ما أتهمت نزار بالكفر
وعنوان الموضوع بيشهد
مغالطات نزار
مغالطات من غلط
أنا ما بقيم أنسان وعمري ما قيمت لأنو احتمال هه يكون احسن مني
فكيف بدي قيمو
وقلت ::
أقوال كفرية في شعره
ما قلت نزار يكفر بلسانه
قلت بشعره
هذا للتنويه فقط
يا حيف يا أخوية على ها الأعضاء:cry:

وايت روز
عفوا منك
اغلب يللي ردوا ع الموضوع اكدوا باكتر من محل انك لست المعنية بالتهجم

اما قولك: "أقوال كفرية في شعره، و نزار لم يكفر بلسانه" فهاد كلام خطير
على هالحالة
الملحد ليس كافر
لأنو افكارو هيي الكافرة
أما لسانو فهو من خلق الله

اغلب يللي ردوا ع الموضوع اكدوا باكتر من محل انك لست المعنية بالتهجم
اي واغلبن نقدوني وانا بعرف عن شو عم اكتب


اما قولك: "أقوال كفرية في شعره، و نزار لم يكفر بلسانه" فهاد كلام خطير

يعني بدي روح على بيت خالتي مثلاً وين الخطورة
أين تكمن يعني؟؟

على هالحالة
الملحد ليس كافر
لأنو افكارو هيي الكافرة
أما لسانو فهو من خلق الله

بسيطة
الملحد غير مؤمن بأنو لسانو من خلق الله
لأنو لو كان مؤمن بطل ملحد الأخ شو هو الألحاد
هو عدم القناعة بوجود الله الخالق لكل شيء

لك دمتم للتخلف و من قلبي هالجملة ياشباب ..

والله العظيم شي بيبكي التفاهة اللي بعض الناس عمتوصل إليها , لك حتى أتفه من التفاهة أوقات وما كنت مقدر إتخيل إنو ممكن يوصل التفكير المنحط لهالدرجة ..


لعمة أقوالي صارت مأثورة:adal: :adal: :adal: :adal: :adal: :adal: :adal: :adal: :adal: :adal:

أخي رجاء حقوق الملكية الفكرية على هاد القول محفوظة لصالح الشيخ الكافر الملحد الزنديق أبو النسيم (الداعي)

اي واغلبن نقدوني وانا بعرف عن شو عم اكتب


يعني بدي روح على بيت خالتي مثلاً وين الخطورة
أين تكمن يعني؟؟

بسيطة
الملحد غير مؤمن بأنو لسانو من خلق الله
لأنو لو كان مؤمن بطل ملحد الأخ شو هو الألحاد
هو عدم القناعة بوجود الله الخالق لكل شيء


لعمة الشغلة فيها كفر وملحدين ما حدى يقرب صبونا

بعدين لح أطرقلكون نظرية ألحادية فخمة
بس طولوا بالكون بدها شي كروز حشيش وكم كاس ويسكي

ألى الحمار كاتب الموضوع ( ولا أعني هنا ناقله إلى المنتدى )


شو الك علاقة اذا نزار كافر ولا لاء؟؟؟


أخي أنا بحبو لأنو كافر

و صرمايتو وهو كافر بتسوى راسك ..و راس الشيوخ اللي علموك تتفلسف


اي العمى ضربكن صحي


بدك بوسة من ..................... أيدك يا شيخي على هل الرد

نشت دمت للعقل :adal: :adal: :adal: :adal:

لعمة الشغلة فيها كفر وملحدين ما حدى يقرب صبونا

بعدين لح أطرقلكون نظرية ألحادية فخمة
بس طولوا بالكون بدها شي كروز حشيش وكم كاس ويسكي
أبو النسم سؤال
بما أنك ملحد
هل تؤمن بأن لسانك من خلق الله؟؟؟؟

إهداء مني ألى كل الأغنام المؤمنة التي تتهكم على نزار
في المنتدى
مقطع من قصيدة من قتل الإمام
هذا المقطع يجعلني أبكي كلما سمعته بصوت نزار


الصلوات الخمس لا أقطعها يا سادتي الكرام

وخطبة الجمعة لا تفوتني يا سادتي الكرام

وغير ثدي زوجتي لا أعرف الحرام

أمارس الركوع والسجود

أمارس القيام والقعود

أمارس التشخيص خلف حضرة الإمام

وهكذا يا سادتي الكرام قضيت عشرين سنة

أعيش في حظيرة الأغنام أُعلَفُ كالأغنام أنام كالأغنام أبولُ كالأغنام


ليرحمك من كانت بيده الرحمة يا نزار

أبو النسم سؤال
بما أنك ملحد
هل تؤمن بأن لسانك من خلق الله؟؟؟؟

هلق قبل ما أشرحلك عن الإلحاد وعن الرب وعن هل القصص المعتة:jakoush: :jakoush: :jakoush:


شوفيلي الإهداء وعطيني رئيك فيه بعدين بنحكي على رواق;-) ;-) ;-) ;-) ;-)

هلق قبل ما أشرحلك عن الإلحاد وعن الرب وعن هل القصص المعتة:jakoush: :jakoush: :jakoush:


شوفيلي الإهداء وعطيني رئيك فيه بعدين بنحكي على رواق;-) ;-) ;-) ;-) ;-)
:cry: :shock:

يعني كاتب هالموضوع تافه لدرجة الجهل ... يمكن من جماعة القاعدة أو طالبان ...
نزار قباني ... مفكر و فليسوف و ثائر ... على مثل هؤلاء ... هؤلاء هم الشيطان .. لأن شغلتهم الأولى هي تكفير البشر... و بذلك يضعون انفسهم في مقام الله ....
فمن يكون الكافر و الزنديق ؟؟؟

يعني كاتب هالموضوع تافه لدرجة الجهل ... يمكن من جماعة القاعدة أو طالبان ...
نزار قباني ... مفكر و فليسوف و ثائر ... على مثل هؤلاء ... هؤلاء هم الشيطان .. لأن شغلتهم الأولى هي تكفير البشر... و بذلك يضعون انفسهم في مقام الله ....
فمن يكون الكافر و الزنديق ؟؟؟
بعرف انو عقلك ما بيتحمل يقرأ 9 صفحات
بس اذا قرأت بتلاقي رد على كلامك اوكي:o

بعرف انو عقلك ما بيتحمل يقرأ 9 صفحات
بس اذا قرأت بتلاقي رد على كلامك اوكي:o
انا ما بحب اسمع الغنم ....... و كل واحد بيحكي عن نزار هو رايح ع مزبلة التاريخ ... و الأبدي هو شعر نزار...

بعرف انو عقلك ما بيتحمل يقرأ 9 صفحات
بس اذا قرأت بتلاقي رد على كلامك اوكي:o
بعدين انت كأنك متبناي رأي الكاتب الأساسي و عم دافعي عنه...

انا ما بحب اسمع الغنم ....... و كل واحد بيحكي عن نزار هو رايح ع مزبلة التاريخ ... و الأبدي هو شعر نزار...
غنم
من غَنم بفتح العين

غَنم تعني غَنيمة

غَنيمة من غنائم
غنائم بالقاموس الشامل
باب الغين فصل الميم
تعني رزق أو ماشابه
رزق من رزق بفتح الزين
أي ربح صافي بدون خسائر
ماهي قيمة الربح الصافي
لابد من فتح ميزانية ختامية
ليتضح لنا الربح الصافي
دون المساس برأس المال
وصلت الفكرة

بعدين انت كأنك متبناي رأي الكاتب الأساسي و عم دافعي عنه...
لاء مو متبنااااااااي رأي الكاتب

غنم
من غَنم بفتح العين

غَنم تعني غَنيمة

غَنيمة من غنائم
غنائم بالقاموس الشامل
باب الغين فصل الميم
تعني رزق أو ماشابه
رزق من رزق بفتح الزين
أي ربح صافي بدون خسائر
ماهي قيمة الربح الصافي
لابد من فتح ميزانية ختامية
ليتضح لنا الربح الصافي
دون المساس برأس المال
وصلت الفكرة
طيب لا تزعلي ... مواشي .. مو غنم
بعدين مين قللك أنو الربح الصافي ما بمس رأس المال
راجعي معلوماتك ....
الربح هو نتيجة ... لحجم رأس المال ...
بعدين الدعاية المضادة تخفيض لراس المال
هيك و لا أنا غلطان؟؟؟؟؟؟؟

طيب لا تزعلي ... مواشي .. مو غنم
بعدين مين قللك أنو الربح الصافي ما بمس رأس المال
راجعي معلوماتك ....
الربح هو نتيجة ... لحجم رأس المال ...
بعدين الدعاية المضادة تخفيض لراس المال
هيك و لا أنا غلطان؟؟؟؟؟؟؟
هلىء الربح الصافي مالو علاقة برأس المال
لأنو رأس المال هو تكلفة المشروع فلنفرض
شو بيفتح مشروع الناجر على حب النبي

في ارباح صافية وفي ارباح غير صافية
الربح الغير صافي هو يلي بينضم لرأس المال ليعوض الصرف منو أو بما يسمى حساب المدين
هاد يلي ألو علاقة
اما الصافي
فأكيد مالو علاقة برأس المال لأنو هاد يلي بروح لعب التاجر
وبحقلو يصرف منو قد مابدو
لأنو هاد ربح صافي لجيبتو بعكس الربح غير الصافي يلي بضل مشكوك بأمرو وغير قابل للتحكم المباشر بالمدير
ولو اخ عصا سحرية:adal:

الربح غير الصافي هو الفرق بين المدخلات و المخرجات ...
بس الربح الصافي هو الفرق السابق بعد تنزيالمصروفات ...
بس الربح ألو علاقة برأس المال هلق مشروع را سماله 1000 متل مشروع را ماله 2000
بعدين الأدارة هي جزء من راس المال ...

هلىء الربح الصافي مالو علاقة برأس المال
لأنو رأس المال هو تكلفة المشروع فلنفرض
شو بيفتح مشروع الناجر على حب النبي

في ارباح صافية وفي ارباح غير صافية
الربح الغير صافي هو يلي بينضم لرأس المال ليعوض الصرف منو أو بما يسمى حساب المدين
هاد يلي ألو علاقة
اما الصافي
فأكيد مالو علاقة برأس المال لأنو هاد يلي بروح لعب التاجر
وبحقلو يصرف منو قد مابدو
لأنو هاد ربح صافي لجيبتو بعكس الربح غير الصافي يلي بضل مشكوك بأمرو وغير قابل للتحكم المباشر بالمدير
ولو اخ عصا سحرية:adal:
ما شاء الله was = ماشاء الله كان
خليكون بالموضوع الأساسي (الشعر) ألا ليت شعري
و افتحوا موضوع عن محاسبة التكاليف والأرباح بأخوية اقتصادية

الربح غير الصافي هو الفرق بين المدخلات و المخرجات ...
بس الربح الصافي هو الفرق السابق بعد تنزيالمصروفات ...
بس الربح ألو علاقة برأس المال هلق مشروع را سماله 1000 متل مشروع را ماله 2000
بعدين الأدارة هي جزء من راس المال ...
:? :shock:
منشان ما حدا يزعل
انت لسه طالب ولا متخرج
من الكلية او المعهد

متخرج من كلية من سنتين

متخرج من كلية من سنتين

:?
:cry:
:(
انامن المعهد
بس من 3 سنين

:?
:cry:
:(
انامن المعهد
بس من 3 سنين
انا معلمك لكن .....:clap: :clap: :clap: :clap:






عم امزح:cry:

شو كأننا صرنا بالبورصة

بالنسبة لنزار, لو كان الي خلء كنت فندت كل هالمقولات وحدي وحدي. بس الوقت ما بيسمح. بيكفي قول انو نزار شاعر الملايين والشاعر الشعبي الأول ما رح تهز قصيدتو ملايين المقولات متل مقالاتك يا اختي مع احترامي لناشر الموضوع.

شو كأننا صرنا بالبورصة

بالنسبة لنزار, لو كان الي خلء كنت فندت كل هالمقولات وحدي وحدي. بس الوقت ما بيسمح. بيكفي قول انو نزار شاعر الملايين والشاعر الشعبي الأول ما رح تهز قصيدتو ملايين المقولات متل مقالاتك يا اختي مع احترامي لناشر الموضوع.
:ok: :ok: :ok:

عنجد يا جماعة ما بعرف أنا ليش دائما بفوت على هالمواضيع الحساسة متأخر، بجوز لأني لسا جديد، المهم أنا ما بعرف مين هالكاتب المتخلف(مو إنتي وايت روز، قصدي الكاتب الأصلي) اللي كتب هيك عن نزار؟؟؟ و الله نزار بحب الله أكتر منو بمليون مرة، بس عنا التخلف مالو حدود، و كل شي نقال عن نزار هو عبارة عن مجرد اتهامات باطلة، أنا بتحدى تحدي و أنا مسؤول عن كلامي، إنو حدا يجبلي بيت شعر لنزار سب(شتم) فيه الله سبحانه و تعالى، و كل شي كتبو نزار هوي تصوير للحالة المعفنة اللي وصلها العرب، تعبير عن مدى سوء العرب، عمبورجي إنو الحكام العرب فكروا حالن آلهة الشعوب العربية فتطاولوا على الله سبحانه، و صاروا يحكموا بأمرو، و لما يقول الله مات أو خاف أو هيك شي، هوي ما بيقصدها حرفيا، هوي بيقصد إنو الشعب اللي مات و الشعب اللي خاف، و كل هالشي باسم الله، بينما الله بري منن، و أنا بنصح اللي بيتهم نزار يقرأ قصيدة أصهار الله، بركي شي يوم بنزلكن ياها، نزار حكا هيك لما شاف العالم عم تطرف بالدين، عمتستخدم الدين متل الأفيون، مع إنو الدين هوي رحمة و تنظيم لحياة الشعوب، عمبورجينا كيف الحكام عم تظلمنا و تعمل دكتاتوريات باسم الدين، و باسم الله، عمبورجينا كيف المشايخ عيغسلوا دماغنا و دماغ أطفالنا باسم الله و الدين، نزار ما كفر، نزار مش كافر، بس البلد كافر و الذل كافر على قولت زياد الرحباني، دافع نزار عن الله و عن الحق البشري لما شاف الذل لبني آدم باسم الله و الدين، حاجتنا تخلف، حاجتنا تكفير، و الله عيب نحكي بهيك مواضيع، الله مو متل ما مفكرينو، الله لو ما بدو يانا هيك ما خلقلنا العقل بالأصل، ما سمحلنا نتطور و نتقدم، ما كان فضلنا على كل مخلوقاتو و خلقنا مشان نعمر الأرض.

ما بدي طول أكتر من هيك، و للمرة الألف يا ريت ما حدا يفهم هالموضوع على إنو تهجم شخصي عليه، بس أنا عمحط وجهة نظري بالموضوع، و أكيد هادا من حقي، و بعدين حسيت إنو واجب علي دافع عن نزار اللي دائما حبيتو و حبيت أشعارو، عن نزار اللي دافع عن المرأة و عطاها حقوقها بالتفكير و العيش، عن نزار اللي صور الحب بأروع أشكالو، نزار اللي عانا من الظلم و الدكتاتورية، من يوم ما نولد و مرورا بالتعذيب على إيدين البعث و النظام السوري-رغم التكريم المزيف اللي عطوه ياه- لوقت ما مات ابنو مرورا بوفاة حبيبة و سيدة قلبو بلقيس، و انتهاءا بموتو بلندن.
الله يرحمك يا نزار، و يحسن إليك، و لا تخاف، نحنا رح نضل ندافع عنك طول مافي بدمنا نقطة دم، و طول ما قلبنا بينبض حرية و إيمان و حب.
الحرية لنزار و سوريا.