هذه وصيتي [الأرشيـــــف]

krimbow

31/01/2006, 05:02

مرحبا شبيبة

بيجوز هاليومين يعزموني جماعة صحابي (هنن مو كتير صحابي ... بالحقيقة انا ما بعرفهم و هنن ما بيعرفوني غير من التقارير يللي الله يكسر ايدين يللي عم يكتبها) على سينما بيت خالتي احضر هنيك فيلم "نجوم الضهر" المشهور (بالالوان)

بتعرفوها للسينما ما هيك ؟؟؟
سابع قبو بعد جهنم الحمرا .. فرع فلسطين

لهلأ ما بعرف شو هيي التهمة ... بس بيقولوا انو محضرينلي يا ها من قبل ما اخلق

مشان هيك ... قررنا مع ادارة اخوية انو نتخذ بعض الاجراءات الاحترازية في حال ضبوني الشباب ببيت خالتي
و اللي ما بيحسب ما بيسلم

باعتبار انو انا مراقب المنبر الحر، و مشرف اداري...
قررت الادارة انو ازا صار ما صار ... ينحذف حسابي من منصة المشرفين

يعني ازا صار ما صار ... رح يكون في مراقبين جداد ع المنبر
و بتمنى من ياس انو يوافق على استلام المنبر

هلأ لحتى كون منصف ... في شبين مخضرمين (رفضوا ذكر اسماءهم) واصل البل لدقنهم قبل ما يوصللي
و في شبين قدما كتير كانوا بيناتنا من زمان و تركونا هدول مشي حالهم بلش الفيلم تبعهم يوم الخميس الماضي
بس ما فيي احكي اكتر لأنو لسا مو مبين شي
و انشالله هاليومين بيتوضح كل شي و انشالله خير

هلأ وصيتي الكم (تقرأ في حال تعبّينا)

للملحدين...
يا ملحدين
يا كفرة
يللي ما تعرفوش ربنا
اذكرونا بالخير كل ما تسمعوا فيروز و مارسيل خليفة

للمؤمنين...
ادعولنا شباب و صبايا
ادعولنا الله يشيل عنا و عنكم و عن حبابكم
ادعولنا الله يتوه طريقهم و ما يعرفولنا طريق

لجماعة المعارضة
عباية يا شباب عباية

و خصوصي بنوتة عيونا زرقا ... خراس و سد بوزك هالكام يوم، الشغلة مو عنترة ... لازم حدا يضل برا مشان يتابع الاخبار

لجماعة الموالاة
لك نيالكم ما اهنا بالكم

للمشرفين:
انتوا احلى عيلة ممكن حدا يتعرف عليها
خليكم ايد وحدة متل ما بعرفكم

للحكيم:
لا تواخزنا خيو ... وجعنالك راسك
شكرا جزيلا على مساحة الحرية يللي وفرتها للشباب و الصبايا
و سامحني على اخطائي و ازا خيبت املك

لك دخيل رب سوريا ما احلاها
amarta

و دمتم للحرية :7asheesh:

\\\

31/01/2006, 05:09

مع اني مافهمت شيء من الموضوع وكله ألغاز

بس الله يووفقك وين ماتروح

صح اني اكرهك وانت تكرهني والكره متبادل

فإذا لم اكره لماذا لاتكرهني

وإذا كرهت تكرهني

ههههههههه

امزح بس والله بتصير لك وحشه

والخناقه معك بتصير لها وحشه

يعني صح انك قاعدلي بالمنتدى

بس وناسه المهم والزبده

لاتطول الغيبه ترا فيه خناقه جديده وانت المخصص فيها :>
هههههههههههههههههههههه

بالتوفيق انشاء الله

Willi

31/01/2006, 05:13

:shock: :shock: :shock: :shock:
عم تحكي جد؟؟

لعمى

والله ما بعرف شو بدي احكي
خسارة

فكرت الوضع بالفعل عم يتحسن:pos: :pos:

كريمبو :cry: روح الله يوفقك انشالله بتنقص ايد كل واحد بمدها عليك وبينقطع لسان كل واحد بيحكي معك كلمة مو منيحة

ما بعرف شو بدي احكي
بس بالفعل انزعجت من هالخبرية

الشي والوحيد اللي بدو قولو
تفه على هيك حكومة
وتفيه على هالزمن اللي صار فيه الواحد بيتعاقب لما يقول الحق

\\\

31/01/2006, 05:18

توي افهم الموضوع

وأنا آسف جداً جداً جداً جداً

على أخذي بالموضوع مزح طبعاً ماهو كله بس حبيت اني الطف الجو

وأكرر أسفي مره ثانيه

والله يوفقك

وهذي كلمه حطها حلق بأذانك ( الحق مايضيع )

ودام الحق معك راح تآخذ حقك عن قريب أو عن بعيد

الله يوفقك ويساعدك بمحنتك

بتمنى لك كل خير

وترجع لنا سالم غانم

وأتمنى إذا كنت زعلان مني تسامحني :(:(

دمت بكل ود وإحترام

krimbow

31/01/2006, 05:22

عم تحكي جد؟؟

لعمى

والله ما بعرف شو بدي احكي
خسارة

فكرت الوضع بالفعل عم يتحسن

لا اتطمن الوضع آكل هوا بالمعلقة ... و خصوصي بعد حبة الزلمنة يللي عطاهم ياها احمدي نجاد

كريمبو :cry: روح الله يوفقك انشالله بتنقص ايد كل واحد بمدها عليك وبينقطع لسان كل واحد بيحكي معك كلمة مو منيحة

آمين معلم
والله يا غالي مو هاممني غير شغلتين (طبعا بعد اهلي و الشغل)
يعني مو هاممني الكرسي الاماني و لا الكبل الرباعي و لا الدولاب و لا شي من هدول
مو هاممني غير الخازوق ... كل شي الا الخازوق (انشالله يكونوا بطلوا يستعملوه)
و الشغلة التانية انو التنين يللي ممكن اتعبا معهم غلاااااااظ
لك اغلظ من ابو انمار:p

ما بعرف شو بدي احكي
بس بالفعل انزعجت من هالخبرية

الشي والوحيد اللي بدو قولو
تفه على هيك حكومة
وتفيه على هالزمن اللي صار فيه الواحد بيتعاقب لما يقول الحق

هلأ الشباب عم يزبطوا الوضع مع جماعة حقوق الانسان
و انا بوكرا رح اتصل مع كم واحد من رفقاتي ايام الدراسة (خوش انا دارس بمدرسة خاصة كان فيها كم ابن ضابط منهم واحد تخين كتير ... تاني اتخن واحد عنا)
و بحجة اني عم عايدهم بحكيلهم القصة و منشوف شو بيصير

و شكرا الك

krimbow

31/01/2006, 05:28

الاخ ///
عادي حبيبي ولا يهمك

هوي هيك مواضيع بدها شوية الغاز

و تأكد انو ما في ضغينة بيناتنا

Willi

31/01/2006, 05:29

هلأ الشباب عم يزبطوا الوضع مع جماعة حقوق الانسان
و انا بوكرا رح اتصل مع كم واحد من رفقاتي ايام الدراسة (خوش انا دارس بمدرسة خاصة كان فيها كم ابن ضابط منهم واحد تخين كتير ... تاني اتخن واحد عنا)
و بحجة اني عم عايدهم بحكيلهم القصة و منشوف شو بيصير

يلعن دين عالبلد اللي ما عاد تنسكن

انشالله بتنحل الله يكون معك

اخرتهون عسيرة
يعدمني حسون والله معو حق :(

krimbow

31/01/2006, 05:33

رجاءا الاعضاء يللي ساكنين جوات موزمبيق لا يعلقوا ع الموضوع

الحذر واجب

Syrian__Angel

31/01/2006, 09:30

له له !! والله زعلتني :cry: :cry:

انشالله يااااااااا رب يا كريم ما بيصير معك شي .. انشالله ما بيلاقولك لا تهمة ولا بطيخ ...وانشالله بتنقطع ايديهم ولساناتهم للي كانوا السبب .... وانشالله بترجعلنا سالم باذن الله ( جسديا ونفسيا ) :pos:

امانة الله .. ابقى طمّنا عليك .. لا تخلينا نقلق كتيير :tears: ... والله المنبر بدونك ما حلو :سوريا:

fady juventus

31/01/2006, 10:23

عن جد شي بيقرف..:aah:
و الله شايف عم نرجع لورا :jakoush:
ع كل حال الله يكون معك يا أخ كريم وبتمنى تكون عم تهبطلنا قلبنا و بالأخير ترجع لأنك زينة المنبر الحر:king:
وينك حتى لو رحت لا تزعل لأنك تركت أهلك أو شغلك .. برأيي لازم تفكر بشغلة وحدة بس ..هيي إنك ما تراجعت عن أفكارك و مبادءك، وضميرك مرتاح ، هاد مو خطاب ،أنا لما بخسر كتير وبربح شغلة وحدة بساويها أهم من كل شي بالدنيا
الله يحميك يا بطل:سوريا:

توت توت توت

31/01/2006, 10:27

كريم ..
ما بعرف والله شو قلك ..
انو رح نخسر صديق ولا رفيق ولا أخ
رح نخسر شب من احلى شباب الأخوية و افهم شباب اخوية
كريم اللي علمنا كتير .. و فهمنا كتير شغلات ..
قبل ماتروح بدي تسامحني على كلشي .. و إذا غلطت بحقك شي نهار استوعبني و سامحني ...
ماني مؤمن كتير بس رح ادعيلك من كل قلبي ..
الله يكون معك يا كريم .. ويرد عنك كل بلا ... لأنك ما بتستاهل إلا كل خير ...
و خليك عم تطلطل علينا ..
لأنو انتي اخونا الكبير ..
و دمت لسورية
ودمت للحرية
ودمتلنا احلى كريم وأحلى أخ ...

MR.SAMO

31/01/2006, 10:28

الداخل مفقود والخارج مولود
الله يسترك

صياد الطيور

31/01/2006, 11:49

مرحبا شبيبة

بيجوز هاليومين يعزموني جماعة صحابي (هنن مو كتير صحابي ... بالحقيقة انا ما بعرفهم و هنن ما بيعرفوني غير من التقارير يللي الله يكسر ايدين يللي عم يكتبها) على سينما بيت خالتي احضر هنيك فيلم "نجوم الضهر" المشهور (بالالوان)

لجماعة الموالاة
لك نيالكم ما اهنا بالكم

و دمتم للحرية :7asheesh:

يعني ما فيي قلك تروح وترجع بالسلامة ... لأنو صعبة شوي ...

وقلنالك من زمان خليك بصف الموالاة ... ما قنعت ...

ودمتم للحرية .. أي حرية هي وانت غير الرب ما رح يعرف أراضيك ..

Majood

31/01/2006, 12:14

:frown: :frown: :frown: :frown: :frown: :frown: :frown:
كريــــ :blow:مــبــــوووووووووووو

not me

31/01/2006, 12:16

يا ترى مين احسن الزحفطون ؟؟؟

لما المرمطون ؟؟؟

في موزنبيق كل شيء جائز

ليبقى الزاحفون على بطونهم إلى ما لا نهاية.........

و سيبقى هناك أشخاص يقولون : للأعور اعور بوشو

سموهم ما شئتوا ...........أبطال ...خونة ...عملاء ...صادقون ......

التاريخ لن ينكر احد

المجد للشيطان.. معبود الرياح
من قال (لا) في وجه من قالوا (نعم)
من علم الإنسان تمزيق العدم
من قال (لا).. فلم يمت
وظل روحا أبدية الألم"

WHITESNAKE

31/01/2006, 12:39

يا حبيبي كمان شيطان؟؟

كريمبو بتمنالك الخير ويلي قلتو عن تشوف شباب تخان فأوعة ماتعملو لأنو هاد الشي الوحيد يلي بساعدك وأي خدمة أنا جاهز وانشالله خير

أبو النسيم

31/01/2006, 15:16

تحية لمنبر أخوية الحر

تحية لهذا المكان الجميل الذي قضينا فيه اجمل أوقات

تحية لجميع الزملاء من المعارضة و جزء من الموالة

عاشت أخوية وعاش المنبر الحر ساحة للحوار الديمقراطي الحقيقي

الحرية لشباب أخوية المعتقلين
الحرية لجميع أصحاب الكلمة الحرة
الحرية لجميع المعتقلين السياسين في سوريا

الحرية لسوريا

أذكرونا بالخير

Abo Anmar

31/01/2006, 15:19

[quote=krimbow]

و الشغلة التانية انو التنين يللي ممكن اتعبا معهم غلاااااااظ
لك اغلظ من ابو انمار:p

و الله أنا زي الأطرش في الزفه . وماني فاهم أي شي . بس ردود الزملا حسيت ان الموضوع قلب دراما . و فيه تلميح . لرعب .

عموماً سيد krimbow

نحنا تعملنا مع بعض من ورا الكيبورد . يجوز لو تقبلنا نخد بعض بالحضن .

ماني فاهم بس اذا بتمر بظرف صعب الله يقويك و يجنبك كل شــــــر

me2

31/01/2006, 15:39

... أنا عم ينعصر قلبي كل مابسمع شب متل الفلة عم يحسب حسابات من هالنوع ...

بدل من لعن الظلام .. ياريت نحاول نساعد كريمبو ... أنا رح أبعت "اذا بدك" بشي طريقة اسم شخص داخل الفرع المذكور "كوني من رواده" وهالشخص محترم وانساني ... لا تسألني كيف هيك أنساني وبهيك مكان ؟ لأنو ما عندي جواب . بس مو معقول يكونو كل الناس حيوانات.

هلق اذا قلتلون : "عرصا سيدي " ما بيسامحوك على اللي ما عملتو ؟؟؟

توت توت توت

31/01/2006, 15:53

بحب اهدي هالرابط لأحلى كريم .. ولأحلى ابو النسيم ... :سوريا: :سوريا: :سوريا:
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

layla

31/01/2006, 20:10

انو مابعرف كريم بلكمتني العادة والي شي ساعة ماعم استوعب
ماعم اعرف شو قول بس من قلبي الله يحميك يااغلى اخ ويحمي كل واحد فيكون
ياريت تكون عندي قوتكون وايمانكون
موفق كريم وربي يحميك

sezar

31/01/2006, 20:18

:shurup: :shurup: :shurup: :shurup:

blue eyes

31/01/2006, 20:54

الله لا يضرك يا كريم ولا يضر اي حدى من الشباب الطيبة الي معنا وانا رح صليلك وصلي للشباب مشان الله يبعد عنكن الاذى وولاد الحرام وترجعوا لاهليكن وللاخوية سالمين...يسوع يكون معكن ويحميكن...

SIR RORO

31/01/2006, 20:58

:-) خيو نشاء الله ازمة وبتعدي على خير

ماعلى قلبك شر

هوي بيكونو طالبينك لشي تاني بس انت محملها كتير

WHITESNAKE

31/01/2006, 21:02

قولتك يعني شفة متة او كاسة شاي
يعني متل العادة كريم ولايهمك

krimbow

01/02/2006, 01:14

مرحبا شبيبة ...
اول شي ميرسي الكم كلكم

و انشالله تطلع سؤالين و كفين ع الماشي الشغلة ... لك و لبطتين كمان مو مشكلة

بس الشغلة شكلها اكبر من هيك

me2
صاحبك "الولهان من المخيم" و صاحبك " الحي ابقى من الميت" صاروا عند خالتهم بفرع اس تخ بخ لا هوي بري و لا هوي بحري

و نفس الفرع (نفس الزلمة يللي ع شواربو نسر و 3 نجوم) طالب صاحبك "فاتح الاندلس السبع"

و يا حزرك وين الفلم؟؟

الفلم انو صاحبك "ابو رياح" طالبينو ع بيناية بالمزرعة حد جامع الايمان (يمكن لأنو كافير حكير)

هلأ جماعة المزرعة في خوش بوش بيناتنا و ممكن تمشي امورو لابو رياح

بس باقي الشباب مو عرفانين شو بدنا نعمل معهم
و اهاليهم ما عم يرضوا يتعاطوا معنا بنوب بنوب، ما عم ناخد منهم لا حق و لا باطل

لك اصلا شو دخل هديك القرنة فينا ؟؟؟

krimbow

01/02/2006, 01:16

هلأ بخصوص الاستمارات

طبعا بالنهاية القرار بيرجع الكم

بس ازا بتتزكروا اول ما الواحد يسجل باخوية ... بيوافق على مجموعة من الشغلات ... منها انو ادارة الموقع غير مسؤولة عن الشغلات يلي بيكتبوها الشباب

لك مجود ... فضيلنا شوي صندوق رسايلك

krimbow

01/02/2006, 01:24

بس بتعرفوا شغلة

هالشي كلو (من زاوية ضيقة) انتصار للحرية و انتصار للمنبر

هاد دليل انو في عالم عم تقرا
و في عالم عم تفهم

و في عالم عم ترجف مؤخراتها

و الشي الوحيد يللي بيرجف المؤخرات هوي الحقيقة

مؤخراتنا رجفت من حقيقة الاقبية يللي عنا

بس كمان مؤخراتهم رجفت من حقيقة الكلمة يللي عم نكتبها

و دمتم للحرية :7asheesh:

Willi

01/02/2006, 01:40

صاحبك "الولهان من المخيم" و صاحبك " الحي ابقى من الميت" صاروا عند خالتهم بفرع اس تخ بخ لا هوي بري و لا هوي بحري

و نفس الفرع (نفس الزلمة يللي ع شواربو نسر و 3 نجوم) طالب صاحبك "فاتح الاندلس السبع"

و يا حزرك وين الفلم؟؟

الفلم انو صاحبك "ابو رياح" طالبينو ع بيناية بالمزرعة حد جامع الايمان (يمكن لأنو كافير حكير)

هلأ جماعة المزرعة في خوش بوش بيناتنا و ممكن تمشي امورو لابو رياح

:pos: :pos: :pos:
ما خلو ولا قادمي

يا سيدي متل ما قلت لو ما الحكي صحيح ما بيعملو هالشي

blue eyes

01/02/2006, 02:51

الله يحمي كل شباب وصبايا الاخوية ويبعد الاذى عنهن...

sweetbaby

01/02/2006, 03:00

الله يحميكون يا احلى شباب ويوفقكون ويبعد عنكن الاذى وولاد الحرام يارب

ومابقدر انا غير صليلكون وادعيلكون من كل قلبي

Hus

01/02/2006, 07:20

... وبغد النظر عن افرازات الموقف الحالي وتداعياته .. وبغد النظر لما ستفضي به هال الحادثة و الوضع الراهن .. بحب قول لهال الشباب..

شكرا لأنّكم الحجر الأسود بكعبتنا
شكرا لأنّكم نجمة صبح يسوعَـــنا
شكرا لأنّكم في تاريخنــــــــــــــــا..

:سوريا::سوريا::سوريا:

layla

01/02/2006, 07:49

و سيبقى هناك أشخاص يقولون : للأعور اعور بوشو
للأبد

سموهم ما شئتوا ...........أبطال ...خونة ...عملاء ...صادقون ......
أبطال ومابيكونو غير أبطال

Majood

01/02/2006, 10:49

فضيتو... فضيتو .. سيند :(

WHITESNAKE

01/02/2006, 10:53

Fadi وكلنا مع بعض مهما اختلفنا وقلوبنا عبعضها أصلاً ولولا هيك مابيصير يللي عم يصير المهم انو نكون سوا ونتحاور بلكي منوصل لنقطة التقتءنا يلي هية سورية بلدنا الحبيبة

fady juventus

01/02/2006, 12:32

أكيد.....

sezar

01/02/2006, 14:19

هل يعامل من يحب سوريا بهذه الطريقة يدعون أنهم يعملون من أجل سوريا ( اتحدث عن الـ 999 ) و هم يحاسبون من يعمل لأجلها يحاسبونهم لأنهم أبو أن يعملو مع أجهزتها في ما يدعون انه خير سوريا, ليس هذه بشيء جديد انما هو موجود منذ 35 سنة , دعو من يحب سوريا يعمل لأجلها لأنكم تعملون منذ عقود و لم تفعلة أي خير لأجلها , دعوهم يعملون بما يفضي ضميرهم و لكن كونوا على ثقة أنه ضمير نظيف , وضحت هنا أن الضمير نظيف لأنكم تعودتم ارتباط كلمة ضمير مع الندالة , ..........
هناك الكثير يقال و لكن ......

تحياتي يا مندوب الفرع ..........

krimbow

02/02/2006, 03:44

آخر التطورات

اول شي بحب طمنكم انو صاحبكم "ابو رياح" طلع سالم غانم
شغلتو مرقت على خير ... سؤالين و كفين ع الماشي

اما الشباب يللي معبايين ببيت خالتهم لسا ما في اخبار جديدة عنهم ، بس .....

و الله مو عرفان كيف خبركم شو صار
يالله رح خبركم ياها دج
هلأ بسياق تحرك الشباب لحتى يحتووا الموضوع، اتصلوا باكتر من جهة، لتنظيم حملة اعلامية حقوقية شعواء

هلأ كيف بالزبط صار يللي رح قلكم عليه ما بعرف، بس يللي صار انو .....

انو وصلت القصة لعند خدام، و صار عندو علم فيها، و شكلو ناوي ينخ (من النخوة) و يتحرك

لا حدا يسألني شو دخل هالمحورق بيللي عم يصير
هاد يللي صار

هلأ انا نصحت الشباب انو يقولوا "يستر على عرضك ... نحنا من غير دف عم نرقص"

و من هالمنبر بعلن انو اي استخدام لهالمقوص لقضية الشباب هوي استغلال آلامهم بغاياتو الدنيئة

هذا و سنوافيكم بالتفاصيل فور ورودها

Willi

02/02/2006, 03:48

يا سلام
ما ناقص غير خدام
لك هاد اوسخ من الوسخ

لعمى لك يا كريمبو
تاري ايدكون طايلة
لعمى انا وين فايت هالفوتة

whiterose

02/02/2006, 04:23

الاخ ///
عادي حبيبي ولا يهمك

هوي هيك مواضيع بدها شوية الغاز

و تأكد انو ما في ضغينة بيناتنا
هلىء أتأكدت أنو
المصيبة بتلم:(

whiterose

02/02/2006, 04:40

اخ كريم
ولله قلوبنا معك
ونشالله على خير

أبو النسيم

02/02/2006, 14:01

ابو رياح هل الكم يوم اكل رياح على المزبوط بس مشي حالوا
بس يلعن أخت هل الحال فاتح الأندلس السبع كمان أكل رياح على المزبوط وإذا قويت عليه الرياح يمكن أبو رياح يروح معوا هالمرة لعند أخوكم (ولهان من المخيم) وأخوكم (الحي أبقى من الميت)

ساعتها ابو رياح لح يصير ابو خ**

عباية أحسن شي هلق

sezar

04/02/2006, 00:40

انتو الجوز شو صرلكوون :shock:

Tarek007

05/02/2006, 01:03

انتو الجوز شو صرلكوون :shock:
جوز شو ؟؟؟
:shock:

جوز مين ؟؟

:shock:

Danito

05/02/2006, 07:02

يلعن سما الحالة :aah: :aah:
شو عميصير بالبلد؟؟؟؟؟؟؟
هي مو جديدة .. بس ولا يهمك كريمبو كلنا معك
يعني استشار محامي و لا ترضى بأي أجراء مو قانوني
كل الخوف ما يتحول الموضوع لمحاكمة على قوانين أكل الهوى و البنود الفضفاضة
لا تقبل إهانة من حدا و لا تفقد أعصابك
يلعن رب هالبلد على رب اللي بدو يرجع عليها
لا سيدي راجعين و لا تنبسطوا يا جماعة المخابرات لأنو التغيير جاي جاي
و على طريقة غاندي يعني تغيير سلمي و ما رح يسمحلكوم تتمادوا
انتظرونا فمهما طالت غيبتنا .. عائدون
لا تنبسطوا كتير غيبتنا مو يعني أنو نحنا مو بالبلد بس يعني صوتنا مو طالع
يخرب دياركم يا كلاب الأسرائيليين عم يسرحوا و يمرحوا بشوارع الشام و نسفوا للفلسطيني تحت المحلق يعني على بعد 5 دقايق من الإدارة المركزية تبعكم.. يخرب دياركم شو شراشيح كم زطي نوري هجموا على السفارة ما عرفتوا تحموهم (على أساس مرت علينا الخدعة) يخرب بيوتكم
كريمبو قسم بالدم السوري الذي يجري في قلوبنا لن نسكت على أي إهانة تلحق بك
قسم بسوريتي لو نال آذى من كريمبو لتلاحقن روحي طيفك و لسابع جيل يا شرذمة (إذا كنت مفكرني عم أمزح يا مخابرات الزفت، جرب و أنا بورجيك شو قدراتك في وجه الإنتقام المبرمج، ملاحظة الانتقام المبرمج هي شغلة شخصية ما ألها علاقة بسوريا)

Spector

08/11/2006, 05:32

مرحبا شبيبة

بيجوز هاليومين يعزموني جماعة صحابي (هنن مو كتير صحابي ... بالحقيقة انا ما بعرفهم و هنن ما بيعرفوني غير من التقارير يللي الله يكسر ايدين يللي عم يكتبها) على سينما بيت خالتي احضر هنيك فيلم "نجوم الضهر" المشهور (بالالوان)

بتعرفوها للسينما ما هيك ؟؟؟
سابع قبو بعد جهنم الحمرا .. فرع فلسطين

لهلأ ما بعرف شو هيي التهمة ... بس بيقولوا انو محضرينلي يا ها من قبل ما اخلق

مشان هيك ... قررنا مع ادارة اخوية انو نتخذ بعض الاجراءات الاحترازية في حال ضبوني الشباب ببيت خالتي
و اللي ما بيحسب ما بيسلم

باعتبار انو انا مراقب المنبر الحر، و مشرف اداري...
قررت الادارة انو ازا صار ما صار ... ينحذف حسابي من منصة المشرفين

يعني ازا صار ما صار ... رح يكون في مراقبين جداد ع المنبر
و بتمنى من ياس انو يوافق على استلام المنبر

هلأ لحتى كون منصف ... في شبين مخضرمين (رفضوا ذكر اسماءهم) واصل البل لدقنهم قبل ما يوصللي
و في شبين قدما كتير كانوا بيناتنا من زمان و تركونا هدول مشي حالهم بلش الفيلم تبعهم يوم الخميس الماضي
بس ما فيي احكي اكتر لأنو لسا مو مبين شي
و انشالله هاليومين بيتوضح كل شي و انشالله خير

هلأ وصيتي الكم (تقرأ في حال تعبّينا)

للملحدين...
يا ملحدين
يا كفرة
يللي ما تعرفوش ربنا
اذكرونا بالخير كل ما تسمعوا فيروز و مارسيل خليفة

للمؤمنين...
ادعولنا شباب و صبايا
ادعولنا الله يشيل عنا و عنكم و عن حبابكم
ادعولنا الله يتوه طريقهم و ما يعرفولنا طريق

لجماعة المعارضة
عباية يا شباب عباية

و خصوصي بنوتة عيونا زرقا ... خراس و سد بوزك هالكام يوم، الشغلة مو عنترة ... لازم حدا يضل برا مشان يتابع الاخبار

لجماعة الموالاة
لك نيالكم ما اهنا بالكم

للمشرفين:
انتوا احلى عيلة ممكن حدا يتعرف عليها
خليكم ايد وحدة متل ما بعرفكم

للحكيم:
لا تواخزنا خيو ... وجعنالك راسك
شكرا جزيلا على مساحة الحرية يللي وفرتها للشباب و الصبايا
و سامحني على اخطائي و ازا خيبت املك

لك دخيل رب سوريا ما احلاها
amarta

و دمتم للحرية :7asheesh:

سبب اعادة هاد الموضوع ابدا مو لنبيع وطنيات ولا لحتا نعزب مشرفين , انا بس شفت هاد الموضوع ما قدرت اتحمل .

هاد الموضوع هوي عبرة لمن عتبر انا ما بحب شوف شماتة من باقي الدول وبظن رح شوف كتير ردود شامتة بس يا ريت نحس بمعاناة الطرف يلي هوي كان رح يضحي بحياتو من اجل كتاباتو ومن اجل توعية الغير , المنبر الحر في بلادنا هو منبر مقيد ولكن منبر اخوية هو المنبر الحر
انجاز كبير لأعضاء اخوية

لكي لا ننساكم .. ولن ننساكن

ماما منوشه

08/11/2006, 06:05

حلوة كلماتك جيمس بس ياريت يعمل بيها الاعضاء
بمعني انو نستغل المنبر الحر في الحوار الحر المنزه عن اي تعرض للغير بسب او خلافة لأنو حرية الانسان بتتوقف عندما تمس حرية الغير
شكرا لتنشيط الموضوع والله يعين

Spector

08/11/2006, 06:07

حلوة كلماتك جيمس بس ياريت يعمل بيها الاعضاء
بمعني انو نستغل المنبر الحر في الحوار الحر المنزه عن اي تعرض للغير بسب او خلافة لأنو حرية الانسان بتتوقف عندما تمس حرية الغير
شكرا لتنشيط الموضوع والله يعين

حرية اخوية واقفة على حرية ابناء حريتها
ما رح يهدالي بال قبل ما شوف ردودن بهاد الموضوع :D

ماما منوشه

08/11/2006, 06:10

ان شاء الله بيتنشط بس ننتظر للصبح لأنو كتير اعضاء نايمين هلأ

مسطول على طول

08/11/2006, 07:34

هلاء كلامك جد الجد :cry: والله انا بعرف فرع فلسطين لجماعة المجاهدين ولا بتاع كل الافكار مناوئه لسياسة البعث

والله الي بيفوتوا صعب يطلع واذا طلع بضل متآثر ايجاباً او سلباً

والله انا بشهد ياكريموووو انك انسان ديموقراطي مع الجميع وانك انسان محترم بس معقول لانك مشرف هون ؟؟وبسبب آخويه وهل منبر كانوا حجبوا الموقع كلوا ؟ ولا هدفهم يعرفوا الشباب من اخطاء ومعلومات شخصيه

قصه موقصة كريمو وبس قصه قصة بلد ورآي وحريه ....انا عاجز عن الكتابه وتعبير ... بس الله ع الظالم اخت هل زمن

:tears: :tears: :tears: