هذه وصيتي [الأرشيـــــف] - صفحة 2

وائل 76

08/11/2006, 09:26

اول شي مشكور جيمس على تنشيط الموضوع :D

تاني شي برغم كل اختلافاتنا مع الكل هون الا انو باقي شي صغير بيجمعنا هو انتمائنا يمكن كتير منا ما عم يعرف شو هو الانتماء ولشو منتمين ممكن تكون عروبتنا دينا عند البعض توحيدنا لله عند البعض
بس يلي بقصده انو كلنا منتمين لانسانيتنا و للتراب يلي واقفين عليه هلاء و للتراب يلي راح يجمعنا يوم ما يجي الاجل وتنتهي هاي المهزلة

متابعة

toocoolfriend

08/11/2006, 13:38

كريمبو رئيس جمهورية أخوية ورأس الهرم الكبير. شو رأيك تترك البلد وتجي لعنا.
هوي صحيح لا افراط ولا تفريط, بس بضل الافراط بالحريات أريح بكتير من التفريط فيها.

كلامي مش مزح واذا كان البل رح يوصل لدقنك تروك هالبلد ومارس نشاطك من الخارج بكل حرية وديمقراطية. مع فارق السن والعقل بينك وبين عبد الحليم خدام.

Nostalgia

08/11/2006, 14:43

شدو الهمة الهمة قوية يا بحرية هيلا هيلا .. هيلا هيلا ..

بعرف الموضوع صارلو وقت بس الهمة لازم تضل قوية .

ذهب المنبر مع الريح ...

ابو مرسيل

08/11/2006, 15:08

يا جماعة اذا هل حكي جد لحتى انا اتصرف و لا تسالوني شو رح تساوي بس رح اتصرف

وائل 76

11/07/2007, 20:15

قطرة أخرى من بقايا الأمل تسقط

ينهار بعدها ما تبقى لنا من بنيان الكبرياء

تتعثر الخطى .. تضيع الملامح

و ترحل قوافل العمر كلها إلى غير رجعة

حينها يبصح الموت بصمت أعظم الأماني

فقد غرقت الذاكرة و إنتهى عصر الأحلام

و غدونا مجرد بقايا لأرواح مبعثرة

إتخذوا قرار قتلنا بكل بساطة !

ظناً منهم أنهم يمارسون بذلك طقوسهم المقدسة

أضحى الكون كله بلا لون بلا طعم بلا رائحة

ضاعت معالم الأشياء

فقدت كل الألوان ألوانها

و غدا الكون كله موشحاً برداء من السواد

إرحلوا بصمت كما أردوا لكم

و إتركونا لأقدرانا نمضي مجرد غرباء

حتى يحين أجل الرحيل

و لننتظر لقاء آخر هناك ..

*****

عم بدعي الله عز و جل يلي بأمن فيه أنا و كل المؤمنين أن يزيح هالمحنة عنك يا أخي كريم .. عهدنا فيك أن بتقدر تتجاوز كل المستحيلات ..

ما بملك قدملك إلا الدعاء يا كريم .. يا ريت بقدر قدم أكتر من هيك ..

يمان Rooooonaldo

11/07/2007, 20:28

عم بدعي الله عز و جل يلي بأمن فيه أنا و كل المؤمنين أن يزيح هالمحنة عنك يا أخي كريم .. عهدنا فيك أن بتقدر تتجاوز كل المستحيلات ..

:cry: :cry: :cry: :cry: :cry: :cry: :cry: :cry: :cry:

امين يا رب من تمك لبواب السما يا رب

يا كريم ان شاء الله بتطلع يا رب

اية الرحمان

11/07/2007, 21:28

هلا عن جد كريم بالسجن ولا مجرد موضوع .................................................. .خبرونا شباب :?

brave heart2

12/07/2007, 16:14

هلا عن جد كريم بالسجن ولا مجرد موضوع .................................................. .خبرونا شباب :?

بشرفك اسأليهم ليش عم تنحذف المواضيع يلي عم تحكي عن كريم

:jakoush::jakoush::jakoush:

اية الرحمان

12/07/2007, 18:57

بشرفك اسأليهم ليش عم تنحذف المواضيع يلي عم تحكي عن كريم

:jakoush::jakoush::jakoush:

بصراحة ما بعرف كريم لا من قريب ولا من بعيد بس سبقلي وان حكيت معو مرة وحدة وبصراحة انسان كتير محترم واكابر يعني لو كان جد بالسجن الله يعينو ويفك اسرو وعوض انو مواضيعو تنحدف فبظن انو الاحسن تنزلو عريضة رفض ومطالبة باخراجو من السجن واكيد في ناس بالمنتدى بيفهمو بالقانون يمكن يفيدوه يعني بربكم شو فايدة المنتديات ادا ما كان فيها غير لعي وترفيه وضحك على اللحي يعني باوقات الشدة لازم تبرز دورها الفعال عم احكي عالمنتديات الا ادا كانت تهمتو بعيدة عن السياسة وبالنهاية اصحاب المنتدى اعلم بلي صاير يعني اهل مكة ادرى بشعابها
:jakoush::jakoush::jakoush::jakoush::jakoush:شو بالمحكمة نحنا :p

Government

12/07/2007, 22:12

مية وردة لكريم

والله يكون معو :D

was616im

12/07/2007, 22:39

الله يكون معك يا كريم وين ما كنت
انا صحي ما بعرفو نهائيا بس والله من هالردود اللي حاطينها الشباب عم ادعي هالدعوة

مسطول على طول

13/07/2007, 01:45

والله ياشبيبه في خبر أنو في عفو سياسي بعد القاء القسم ... أنا ماعندي مصدر بس ع لسان محامي مدعوم . والعفو لح يشمل بمافيهم السلفيين ؟ بقا الله أعلم ونشالله خير

تصبحو على وطن

ابو عمير السوري

13/07/2007, 02:19

شو عن جد عم تحكوا شباب من شهرين تلاتة بعتلي كريم 10 زعلات
حستوا انو مو طبيعي اصبح سريع الغضب يحكم على المواضيع دون ان يقرأها
مع اني بعرفوا من كتاباته هادىء مثقف
على كل أتمنى له الخير وكل الخير :D

brave heart2

13/07/2007, 04:35

والله ياشبيبه في خبر أنو في عفو سياسي بعد القاء القسم ... أنا ماعندي مصدر بس ع لسان محامي مدعوم . والعفو لح يشمل بمافيهم السلفيين ؟ بقا الله أعلم ونشالله خير

تصبحو على وطن

العفو منك وانشالله يطلع هالعفو ..... بس ما يشمل السلفين والتكفيريين

abosleman

13/07/2007, 18:04

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
والحرية ل كريم

الموضوع اللي فوق مسكر من قبل كريم
وانا متأكد لو كريم هون كان طلب سكر الموضوع

اية الرحمان

13/07/2007, 18:22

ياعيني عالحرية هلا فهمت ليش الاغلبية بمسحو جوخ لانو ببساطة المواقع اغلبها تحت الرقابة والمخابرات :o..............................وقال شو ناس ثوريين لك ميتة بطل ولا عيشة بصل :jakoush:
هلا بس فهمت سبب خوف بعض الاعضاء وسكوتهم الدائم او تراجعهم اما م مواضيع معينة(الخاصة بسوريا وسياستها الداخلية وعلاقاتها مع دول اخرى ) لك مو عيب الخوف بس عيب التعالي واليوم هنن وبكرى ياعالم يعني يا تكونو مع قضية ثابتة يا تشطبو الحرية من مجلداتكم نهائيا
والسجن للرجالة على اولت المصريين
ياريت كريم خلى العارضة توقعت كان يمكن استفاد منها هو التاني الله يفك اسر الجميع

brave heart2

13/07/2007, 20:34

حلو كتير هي صرنا منعرف اسمين

من 4 او 5 اشخاص

نحنا معهم للموت الحرية لهم ولكل من سبقهم

الحريةل كريم (( كريمبووو ))

حسون

حسام ملحم (( عاشق من فلسطين ))

طارق الغوراني
ماهر اسبر
ايهم سقر
علام فخور

نعم الحرية لجميع معتقليه الرأي الحاليين

وللاحقين الله يجيرنا ...... بس وحياه تراب الشام مو خايفين

اية الرحمان

13/07/2007, 20:43

بس وحياه تراب الشام مو خايفين

اي هاه هاد حكي زلام الله حيو

ابو عمير السوري

13/07/2007, 22:34

زعلتونا ياشباب الواحد مو عرفان شو بدو يحكي
قلبنا معك ياكريم :sick:

فوضوي

14/07/2007, 17:26

أول شي حسون مانو معتقل أنا كنت أكتب باسم حسون و استدعوني 4 مرات عفرع أمن الدولي بس حتى ما نمت هونيك بس بتصور ماني مطول لأني بالوقت الحالي موجود بسوريا و عم بنشط سياسيا ضد السلطة و بشكل علني
أما منشان هالموضوع فكتبو كريمبو من زمان بس كان لأنو الأمن استدعوه ما لأنو اعتقلوه بس أنا سمعت و ماني متأكد أنو اعتقل

و عقولة كريم
دمتم للحرية

vanina

16/07/2007, 22:47

:cry:يا لطيف ..
شو هالحكي هاد . .

brave heart2

17/07/2007, 05:38

لا حدا ينسى اسم الموضوع ....هذه وصيتي وكاتبو كريم

والموضوع عن كريم .. مو عن اي شي تاني

BL@CK

19/07/2007, 10:20

حرام عليك وائل ترفع هيك موضوع

عيفو نايم , أحسن ما ينتزع , :frown:

وائل 76

20/07/2007, 10:08

brave heart2

20/07/2007, 10:53

أسف عابد ما قصدت أنو يوصل الموضوع لهون .. تفاجئت كتير بكل المكتوب .. ما كنت بتخيل أنو بعدو في كائنات حية ( بتفكر ) بهاي الطريقة !!
أنا كتبت شغلة طلعت معي وقت عرفت الخبر .. وفاء لإنسان كتير غالي علي برغم كل إختلافي معو .. ما قصدت إطلاقاً أنو يصير الموضوع بهدا الشكل المخزي ..

بجد أسف ..

اخي وائل لا تتأسف ولا شي ..... بالعكس

لا تأسفن على غدر الزمان لطالما ................................ بلا ما نكفيه لبيت الشعر احسن

الله يفك اسر كل مظلوم ....

عاشقةعمرودياب

09/09/2007, 00:04

لا والله بالعكس شكرا كتير انو قدرنا نشوف الموضوع لانو انا ما كنت بعرف شي عنو لكريم بس وقت شفت قديش في عالم بحبو ومواضيعو ومشاركاتو ما فيني قول غير انو الله يرجعوا لاهلو والعالم اللي بحبوه بالسلامة باذن الله

Barleb

09/09/2007, 17:46

قد لا تنأى الحشائش بالحشيش الحشحشش ..
و يمكن هاد الليل رح يطول شوي ..

و و بيجوز ما كتير من هل عالم ببتأسف لـ وقوع نجمة كانت عما تضوي هل ليل شوي ..

بس في شغلة أكيدة ..

رح يبقى في عالم بتقول للأعور أعور بوشو ..

دمتم ودامت سورية حرة لـ أبناءها

ارسلان

05/03/2008, 15:35

الله يفك عنك كربتك وترجعلنا يارب يارب وتكمل مشوارك معنا

امين
امين

ظل جيفارا

05/03/2008, 17:17

*Marwa*

05/03/2008, 17:49

الله يفك أسره وأسر كل المعتقلين!

طفوله

05/03/2008, 23:45

هلأ شباب بس مشان ما نكون غوغائيين لإنو كبرنا شوي ...
برايكن .... لو انو حدا " مسطول فرضا" غلط غلطة عمره ودعا لإعتصام مشان كريم ومشان الاف متل كريم ...
مين رح ينزل بالإعتصام ....
لهيك بتوقع اني قرفت ...
تحياتي الحارة
ظل جيفارا

هلئ

مين طلب من حضرتكـ الاعتصام ...

ومين طلب من حضرتكـ تعبر عن شعوركـ بالارف هون....

ومين طلب من حضرتكـ تكبرنا وتصغرنا ع كيفكـ

ومين طلب من حضرتكـ تسمينا مساطيل ..وخطايا العمر تقررها من عندكـ

لو سمحت الموضوع عنوانو وصية كريم ....مو تأملاتك الشخصيه ...عجبك مية السلامه ..وما عجبك مع السلامه

لسه ما برد ئلبي ...بس رح اسكت لهون

كرامه لعيون كريم

مسطول على طول

06/03/2008, 15:56

مشان هيك ... قررنا مع ادارة اخوية انو نتخذ بعض الاجراءات الاحترازية في حال ضبوني الشباب ببيت خالتي
و اللي ما بيحسب ما بيسلم

خايف ع المنبر وشو ممكن يصير فيه ومالك خايف على حالك , اخوات لشليته مابيتحملو

يعني ازا صار ما صار ... رح يكون في مراقبين جداد ع المنبر
و بتمنى من ياس انو يوافق على استلام المنبر

ياس ستلم والمنبر باقي والوصيه تحققت مو ناقصنا غيرك يامعلم

رجاءا الاعضاء يللي ساكنين جوات موزمبيق لا يعلقوا ع الموضوع

الحذر واجب

حتى مو لازم يستلمو مهمه اشرافيه مادامو مقيمين بموزامبيق شنو لح يتعبو عاجلاً أم اجلاً

yass

06/03/2008, 19:07

راجع كريم غصبا عن روسهم و روس روسهم.... راجع لعنا لهون

الحرية لكريم عربجي

سوري محشش

08/03/2008, 12:28

على فكرة انا سمعت كتير بقصة هل زلمة بس هي اول مرة بنتبه على هل موضوع
الحرية الك ياكريم والله يفك اسرك

ارسلان

08/03/2008, 12:52

على الاقل انت تسكن السجن وهو يسكننا
انت تواجهه كل يوم ونحن نواجه خوفنا منه في كل لحظة

فك الله اسرك والهم اهلك الصبر والسلوان

ابو الوديع

14/08/2008, 00:49

الحــريــة لــك ولــرفـاقــك...

SelavI

09/09/2008, 00:19

الحرية لهم من تخلفهم

الحرية لك حتى ان كانت وهم على المدى البعيد

اسجل تضامني معك

ضد سياسة القمع والظلم

سياسة فاشلة مصيرها الفشل

اذا الشعب يوم اراد الحياة فلا بد ان يستجيب القدر ولا بد لليل أن ينجلي