شوية مسائل عالسريع [الأرشيـــــف] - صفحة 7

adel

28/01/2006, 03:53

الحقيقة الطريقة معقولة :clap:
بس الأرقام بدها شوية تعديل :p
على كل حال أحييك أبو حميد :سوريا:

tweety

28/01/2006, 15:33

انا مو ابو حميد انا تويتي
وبعدين شو يا شباب مافي مسائل جديدة

adel

29/01/2006, 01:35

انا مو ابو حميد انا تويتي
وبعدين شو يا شباب مافي مسائل جديدة
مين قلك عم أحكي معك :p
عم أمزح أهلا وسهلا فيكي :سوريا:

tweety

29/01/2006, 07:40

اهلين فيك
بس شو ما عاد شفنا مسائل؟؟؟

adel

30/01/2006, 01:59

أي تكرمي هي مسألة وسهلة مو صعبة :p
دخل تلت أشخاص لمطعم وبعد ما اتغدوا طلبوا الحساب أميركية يعني كل واحد بيحاسب عن حالو
وراح أول واحد عالصندوق ليحاسب فطلب منو المحاسب أنو يدفع متل المبلغ الموجود بالصندوق وبيرجعلو 10 ليرات
وراح التاني ليحاسب وطلب منو المحاسب نفس الطلب( يدفع نفس المبلغ الموجود وياخود 10 )
وراح التالت وطلب منو نفس الطلب(يدفع متل المبلغ الموجود وياخود 10ليرات )
وبعد ماراحوا فتح المحاسب الفهمان الصندوق ما لقى في شي :o
شو كان في بالصندوق يا ترى :confo:
يعني هي مسألة للتسلية موأكتر ;-)

Willi

30/01/2006, 02:15

طلع معي 8.75

نمر سوريا

30/01/2006, 02:48

طلع معي 8.75
ما بدها 2 يحكو فيها

محمد ابراهيم

30/01/2006, 10:24

طلع معي 8.75
الصندوق كان فاضي.من الاول.

tweety

30/01/2006, 18:18

لا جواب ويلي صح
برافو عليك على طول الاولي

adel

01/02/2006, 00:44

طلع معي 8.75
الجواب صح هاد هو ي :clap:
وشكرا لكل الي شاركوا :سوريا: :سوريا:
هاتولكون شي مسألة ;-)

أبو يزن

07/02/2006, 02:05

لك أنا رح أشبعكن مسائل بس حلو أنتو

روحو على( مسألة بتجنن )أنا مستغرب لسى ما حدا حلها

شو ماعاد تعبرونا

ترى أنا سوري ومغترب بالسعودية يعني هاد أكتر منتدى عجبني

هلق يعني انتو شلة لحالكن

طيب اذا شلة حطونا معكن عالبيعة

hanny dagher

14/02/2006, 04:26

يللا عن جديد اخواتي وهاي مسالتين دفعة وحدة :?

المسالة 19856488756332:

سئل أحد المزارعين عن عدد الحيوانات التي يربيها في مزرعته فقال :
عندي ( الإبل و الخيول و الحمام و الصقور ) وكلها تامة
إذا عددنا الرؤوس كانت 100
وإذا عددنا الأرجل كانت 300
و عدد الخيول و الحمام هو ضعف الإبل
و عدد الحمام هو ضعف الخيول
فما عدد كل منها

المسالة 19856488756333:
جاء رجل إلى أحد المحلات ليشتري سلعة بـ 25 ريال وأعطى البائع مئة ريال ولم يكن مع البائع
تتمة المبلغ فصرفها ( فكها ) من عند جاره وأعطى الشاري السلعة و 75 ريال التتمة وفي
المساء قال الجار للبائع هذه مئة ريال مزورة فأعطاه مئة ريال سليمة بدلا منها و قال :
البائع : لقد خسرت اليوم 200 ريال ( 25 السلعة + 75 التتمة + 100 المزورة )
الجار : لا لقد خسرت 175 ريال ( 75 التتمة + 100 المزورة )
زبون جديد يستمع لهم قال : لا لقد خسرت 100 ريال فقط
أي واحد كلامه صحيح

يللا لنعد الى العمل :سوريا:

adel

15/02/2006, 02:35

على راسي أبو الهن الملك :king:
هدول سهلين :p
حل المسألة رقم 19856488756332 :shock:
عدد الابل 30
عدد الخيول 20
عدد الحمام 40
عدد الصقور 10
:clap:
حل المسألة رقم 19856488756333 :?
خسر البائع 100 ريال فقط (25 السلعة +75 التتمة )
لأنو ال 100 المزورة أخد بدالها 100 فراطة من جارو وبعدين رجعلو ياهون :p

hanny dagher

15/02/2006, 13:25

انا معك بالاولى بس التانية الي راي تاني بكتبو بعدين لانو ما معي وقت

hanny dagher

16/02/2006, 12:26

لاء انا كنت غلطان بالنسبة للتانية حل عادل صح

المسالة المدري قديش

سأل الطفل جدته : كم عمرك يا جدتي ؟!
اجابته : عندما انجبت امك كان عمري 36 .
سأل الطفل امه : كم عمرك يا امي ؟!
اجابته : اذا عكست خانات عمري يصبح مثل عمر جدتك !
وهنا تدخل الوالد وقال: كل الارقام في اعمارهن هي ارقام اولية .
السؤال : قبل كم عام , كان عمر الجدة 18 سنة ؟؟

سهلة ولو ما بدها شي

hanny dagher

18/02/2006, 13:56

له له يا شباب عجزتو عن هالمسالة
وين الزلم و الصبايا

يللا فرجونا شطارتكن المسالة ما مستاهلة

Willi

18/02/2006, 18:30

معلم انا هلق لانتبهت للمسألة
ليك بدك ما تواخذنا
بس انا نسيت شو هني الارقام الاولية
يا ريت اتذكرني شو المقصود بارقام اولية

SAM 1

18/02/2006, 23:46

انا بذكرك ..
هي الأرقام اللي بتقبل القسمة على نفسا وعلى الواحد بس
متل 1 2 3 5 7 ..........

وجوابي قبل 55 سنة.............سهلة

hanny dagher

19/02/2006, 05:42

انا بذكرك ..
هي الأرقام اللي بتقبل القسمة على نفسا وعلى الواحد بس
متل 1 2 3 5 7 ..........

وجوابي قبل 55 سنة.............سهلة

برافو مزبوط

استلقو هالمسالة

تشجيعاً من مراد لأبنائه قال لهم : كل من اصطاد منكم عصفوراً فسأعطيه 10 ريالات وسآخذ منه ثلاثة ريالات عن كل عصفور يصطاده غيره . لقد كلف هذا المشروع مراداً 95 ريالاً لكل واحدٍ من أبنائه , لكن أبناءه أصطادوا مئات العصافير ... فهل لك عزيزي أن تعرف عدد الأبناء وعددالعصافير !

اللي بيحلا بيكون كابتن ماجد وغريندايزر

يللا اشتغلو

adel

20/02/2006, 03:46

مرحبا أبو الهن :سوريا:
هلأ فضيت :p
هاد ياسيدي عدد الأبناء بدو يكون 4
وعددالعصافير الي صادوهون 380
كل واحد صاد 95 عصفور;-)

hanny dagher

20/02/2006, 08:21

مرحبا أبو الهن :سوريا:
هلأ فضيت :p
هاد ياسيدي عدد الأبناء بدو يكون 4
وعددالعصافير الي صادوهون 380
كل واحد صاد 95 عصفور;-)

انو انتي على طول بدك تطلعلي سنجق عرض :jakoush:

من وين بجبلك مسائل انا :cry:

روح هاي وحدة جديدة بس سهلة كمان

ترك طالب منزله صباحا ً ليذهب إلى مدرسته وقبل خروجه مباشرة ,نظر إلى صورة الساعة في المرآة ولأن الساعة ليس عليها أرقام بل خطوط مكان الأرقام فأخطأ في قراءة التوقيت الصحيح .
انطلق الطالب حيث وصل بعد 20 دقيقة فكانت الساعة تزيد بساعتين ونصف عن التوقيت الذي رآه في منزله .
فكم كان التوقيت عندما وصل للمدرسة

يللا اشتغلو لنشوف :سوريا:

SAM 1

22/02/2006, 04:30

.....1......12....11.....
2....../................10
.........../................
3...........@...........9
...........\................
4.....\...................8
.....5......6......7......

hanny dagher

23/02/2006, 12:35

.....1......12....11.....
2....../................10
.........../................
3...........@...........9
...........\................
4.....\...................8
.....5......6......7......

جواب غلط
لانو قبل 20 دقيقة كان بالبيت يعني الساعة 4:45 واذا طلع بالمراي وقتا بيشوف الوقت 7:15
معناتا وصل على المدرسة قبل بساعتين وعشر دقايق مو بعد ساعتين ونص

rocky

23/02/2006, 12:42

ya zalamy khaf rabbak w trook ela2alam bhammha haj msaa2el:cry: :cry:

SAM 1

23/02/2006, 20:24

جواب غلط
لانو قبل 20 دقيقة كان بالبيت يعني الساعة 4:45 واذا طلع بالمراي وقتا بيشوف الوقت 7:15
معناتا وصل على المدرسة قبل بساعتين وعشر دقايق مو بعد ساعتين ونص
لأ
انت اعتبرت انو الساعة 5:05
بس انا بقصد 1:25
رجاع شوف ردي

قبل 20 دقيقة بتكون 1:05
وبالمراية بتبين 10:55
الفرق ساعتين وعشر دقايق منضيف عليه 20دقيقة مسافة الطريق بيصير ساعتين ونص

hanny dagher

26/02/2006, 05:49

اي ما تحكي هيك من اول
هيك صار الحل مزبوط
:سوريا:

rocky

27/02/2006, 01:48

خدو شباب اتسلو:

hanny dagher

28/02/2006, 04:53

المسالة اللي حاططا نازلة بموضوع تاني

لهيك رح حط مسالة جديدة

خرجت سفينة من طرابلس فهبت عليها عاصفة ولو لا شجاعة ثلاثة من بحارتها كانت غرقت فأراد ربان السفينة أن يكافئهم فأعطاهم مبلغاً من الدنانير أكثر من 200 وأقل من 300 . وجعل الدنانير في صندوق ليوزعها عليهم عند وصولهم إلى البر.
وفي الليل قام أحد البحارة وأخذ حصته بعد أن قسم الدنانير إلى ثلاثة أقسام ولكن زاد معه دينار فرماه في البحر.
وقام الثاني فقسم الدنانير التي بقيت في الصندوق وأخذ حصته وزاد دينار فرماه في البحر.
وجاء البحار الثالث وأخذ حصته وزاد دينار فرماه في البحر أيضاً .
وفي اليوم التالي أمر الربان وكيله أن يقسم الدنانير بين البحارة الثلاثة فقسمها وبقي دينار فأخذ الوكيل أجرته .
ورضي البحارة بالقسمة لأنهم لم يعرفوا ما جرى وظنوا أن كلاً منهم قد عزل ما يحق له ...
فكم كانت الدنانير ،،،،،، وكم أخذ كل بحار؟

حلو

hanny dagher

02/03/2006, 07:11

وين صرنا يبا كل هالقد المسالة صعبة او كل هالقد صار الموضوع بيملل

Willi

02/03/2006, 08:13

ما بعرف المسألة فيها شي غلط
لان بقدر طلعلك اكتر من ناتج واحد

hanny dagher

02/03/2006, 12:45

ما بعرف المسألة فيها شي غلط
لان بقدر طلعلك اكتر من ناتج واحد

لاء ما بيطلع اكتر من ناتج

حط شو عم يطلع معك ومنتناقش فين

Willi

02/03/2006, 23:13

لا انا ما حليتها بس هيك توقعت

سؤال تاني
الواحد اللي اخدها اللي وزع المصاري
اخدها قبل ما يوزع ولا بعد؟

hanny dagher

03/03/2006, 04:16

لا انا ما حليتها بس هيك توقعت

سؤال تاني
الواحد اللي اخدها اللي وزع المصاري
اخدها قبل ما يوزع ولا بعد؟

بعد ما وزع

وبيطلع حل واحد

Willi

03/03/2006, 13:37

يعني لازم يكونو الاعداد صحيحة ما هيك؟

طيب وشلون بعد ما قسم
اذا قسم ما رح يقدر ياخد 1

جيب مثللا 5 وقسمها على 3
رح يطلع معك كسور وما رح يضل واحد
ونفس الشي بكل الاعداد

hanny dagher

16/03/2006, 04:30

يعني لازم يكونو الاعداد صحيحة ما هيك؟

طيب وشلون بعد ما قسم
اذا قسم ما رح يقدر ياخد 1

جيب مثللا 5 وقسمها على 3
رح يطلع معك كسور وما رح يضل واحد
ونفس الشي بكل الاعداد

اي هوي عدد الاعداد صحيحة خود عشرة مثلا وقسما على تلاتة بيضل معك واحد

يلعن اخت هالمسالة بتكون العالم نستا وتعى فيقن عليا هلأ

hanny dagher

17/03/2006, 09:56

up.....................................

شو فرط حبنا يا شباب معد حدي الو حيل يفكر

وينك عدولة وين متأخر يا زلمي

adel

18/03/2006, 03:30

up.....................................

شو فرط حبنا يا شباب معد حدي الو حيل يفكر

وينك عدولة وين متأخر يا زلمي
اّسف أبو الهن بس المنتدى عندي كان معطل رح حاول حل المسألة الأخيرة :سوريا:

adel

18/03/2006, 03:43

المسالة اللي حاططا نازلة بموضوع تاني

لهيك رح حط مسالة جديدة

خرجت سفينة من طرابلس فهبت عليها عاصفة ولو لا شجاعة ثلاثة من بحارتها كانت غرقت فأراد ربان السفينة أن يكافئهم فأعطاهم مبلغاً من الدنانير أكثر من 200 وأقل من 300 . وجعل الدنانير في صندوق ليوزعها عليهم عند وصولهم إلى البر.
وفي الليل قام أحد البحارة وأخذ حصته بعد أن قسم الدنانير إلى ثلاثة أقسام ولكن زاد معه دينار فرماه في البحر.
وقام الثاني فقسم الدنانير التي بقيت في الصندوق وأخذ حصته وزاد دينار فرماه في البحر.
وجاء البحار الثالث وأخذ حصته وزاد دينار فرماه في البحر أيضاً .
وفي اليوم التالي أمر الربان وكيله أن يقسم الدنانير بين البحارة الثلاثة فقسمها وبقي دينار فأخذ الوكيل أجرته .
ورضي البحارة بالقسمة لأنهم لم يعرفوا ما جرى وظنوا أن كلاً منهم قد عزل ما يحق له ...
فكم كانت الدنانير ،،،،،، وكم أخذ كل بحار؟

حلو
ياسيدي الدنانير كانت 241 دينار
قام أحد البحارة قسم الى ثلاث أقسام وبقي دينار
241-1 /3=80 اذا 240-80=160
وقام التاني وقسمهم 160-1=159/3=53 اذا 159-53=106
وقام التالت وقسمهم 106-1=105/3=35 اذا 105-35=70
وأخيرا قسمهم وكيل الربان وبقي دينار 70-1=69/3=23
معقول..؟

hanny dagher

18/03/2006, 04:10

لك والله انا عرفت انو ما بيحلا غير انتي
لكن خيو ما بيجيبوها غير رجالا

تحياتي عدولة :سوريا:

adel

18/03/2006, 04:14

لك والله انا عرفت انو ما بيحلا غير انتي
لكن خيو ما بيجيبوها غير رجالا

تحياتي عدولة :سوريا:
على راسي أبو الهن مية فلة :سوريا:

hanny dagher

18/03/2006, 09:44

يللا وحدة جديدة
خلينا نحرك مخنا شوي اي والله العظيم صدّا على تسكيرة اخوية

ثلاثة أشخاص مجموع ما معهم (48 ) ريال قاموا بما يلي على التتالي
أعطى الأول إلى الثاني مبلغا يساوي الذي مع الثاني
ثم أعطى الثاني إلى الثالث مبلغا يساوي الذي مع الثالث
ثم أعطى الثالث إلى الأول مبلغا يساوي الذي مع الأول بالترتيب المذكور
فاصبح الجميع متساوون بالمبالغ التي معهم
فكم كان مع كل واحد منهم ؟؟؟

سهلة لا تقلولي

Syrian__Angel

18/03/2006, 18:24

اي ابو الهن ... كتييير حلوة المسألة :سوريا: .. بس انا على قد ما عم حشّش هالايام .. اخدت معي وقت لانحلّت :p :p

المهم ...
فكم كان مع كل واحد منهم ؟؟؟

الاول كان معو 22 .. عطى للتاني 14 قد اللي معو ( للتاني ) .. صار مع التاني 28 والاول 8

هلأ التاني صار معو 28 ... عطى للتالت 12 كمان قد اللي كان معو ... قام صار مع التالت 24 ومع التاني 16

التالت كان معو 24 ... عطى للاول قد اللي كان معو ( 8 ) ... قام صاروا 16 مع الاول ومع التالت ..

يعني صاروا كلهم متساويين بالمبالغ اللي معهم ( 16 ) ...

ويا عيني على حالي :angel: .... عنجد بدّي جائزة ..:clap: :clap: :clap:

hanny dagher

19/03/2006, 02:42

ديما مو معقولة

والله انا متفاجأ هلأ :shock:

عنجد بدك تلت جوائز :

اول وحدة لانك حليتي المسالة
تاني وحدة لانك اول بنت بتحل مسالة
تالت وحدة لانك سبقتي عادل وجاد والشباب البقية

برافو دمدوم :سوريا:

hanny dagher

19/03/2006, 06:27

وحدة جديدة يللا

عندنا ثلاث زجاجات ، كل منها مملوء إلى نصفها، صببنا نصف ما في الأولى في الزجاجة الثانية
ثم صببنا نصف ما أصبح في الزجاجة الثالثة، ثم صببنا ما أصبح في الزجاجة الأولى، فإذا علمنا
أن بين هذه الزجاجات الثلاث زجاجتين متساويتين في الحجم فما هي الزجاجة الصغيرة

تفضلو

Willi

19/03/2006, 06:39

ثم صببنا ما أصبح في الزجاجة الأولى،

ما اصبح ولا نصف ما اصبح؟؟

hanny dagher

19/03/2006, 06:58

ما اصبح ولا نصف ما اصبح؟؟
:?
ما اصبح

Willi

19/03/2006, 07:01

طيب معناتها التانية هيي اصغر الشي

لان الاولى ساعت اكتر من تلات ارباع التالتة
والتالتة ساعت اكتر من نص التانية

معناتها الاولى والتالتة اكبر من التانية

hanny dagher

20/03/2006, 03:26

طيب معناتها التانية هيي اصغر الشي

لان الاولى ساعت اكتر من تلات ارباع التالتة
والتالتة ساعت اكتر من نص التانية

معناتها الاولى والتالتة اكبر من التانية

صح برافو عليك :clap:

hanny dagher

20/03/2006, 04:31

عن جديد

أعطى رب عمل عامله مبلغاً من المال في اليوم الأول ، وفي اليوم الثاني أعطاه ضعفي ما أعطاه في اليوم الأول ، وفي اليوم الثالث أعطاه أقل مما أعطاه في اليوم الثاني بـ 50 ليرة وفي اليوم الرابع أعطاه ضعفي ما أعطاه في اليوم الثالث، وفي اليوم الخامس أعطاه أقل مما أعطاه في اليوم الرابع بـ 100 ليرة وكانت النتيجة أنه لم يعطه شيئاً فكم قبض في اليوم الأول ؟

Willi

20/03/2006, 08:36

رح نعتبر العملة هيي اليرة
اليوم الخامس 0 ليرة
الرابع 0+100 = 100
التالت 100 /2 = 50
التاني 50 * 2 = 100
الاول 100/2 = 50 وهوي الجواب