ايوا
اي صح

اي انا كنت عرفان بس عم شوف اذا انت بتعرف شو عم تعمل :clap:
على ماما يا بابا :p

كيف الشباب...
هالمرة السؤال عليي

عندي سؤالين مشّو حالكون فيون (لحتى نلاقي شي مسألة بتستاهل)

1- ما العدد الذي يجب ان يتلو في هذه السلسلة العددية : 169 - 121 - 81 - 49 - 25 - __ ؟

2-ما العدد الذي لا ينتمي للسلسلة التالية : 2-3-6-7-8-14-15-30

لنشوف مين رح يحلون بالأول
العدد الناقص هو 9
العدد الدخيل هو 8

خيانة مسالة من ورا ضهري خليتوني لحتى روح وحطيتو مسالة مو مشكلة بردلكن ياها

لاء عم امزح

العدد الناقص هوي 9
لانو كل مرة عم ننقص 8 من الرقم اللي عم ننقصو من الاعداد (فهمتو عليي :p )
وآخر مرة نقصنا 24 يعني لحتى نعرف الرقم اللي لازم ننقصو من 25 منطرح تمانة من ال 24
يعني بيصير 16 والرقم المفقود هوي 25-16 =9

المسالة التانية
كل مرة عم نزيد واحد ونضرب الناتج بتنين بيكون طلع الرقم اللي بعدو

هون التمانة ما مشي حالا يعني ما من ضمن الاعداد فهيي الغلط

يعني بعرف ما عم ضيف شي جديد واني خوتكن بالزايد

بس انو مشان شارك بالمسالة مو اكتر :سوريا:

مررررررررررررررررحبا شباب

انا جديد هون بس حبيت الموقع والموضوع الروعة هيدا شي رائع وقريت كل المسائل ماشا الله خيلة


شكرا جزيلا وصعب اشارك معكون لانو مو متل المستويات اللي عندكون
سلام

طيب حلو هاي يا شاطرين :
تلات اشخاص فاتو على مطعم اكلو وخلصو وطلبو الحساب طلع حسابن 25 ليرة دفع كل واحد منن 10 ليرات وعطوهن للكرسون راح الكرسون لعند صاحب المحل وعطا ال 30 ليرة رجعلو صاحب المحل 5 ليرات وقلو رجعن للشباب قام هاد اخونا اخذ ليرتين لجيبتو ضل معو 3 ليرات رجع لكل واحد منن ليرة صار كل واحد دافع 9 ليرات مزبوط لهون ؟؟؟؟؟ طيب 9*3=27 وليرتين بجيبتو بصيرو 29 وين راحت الليرة هديك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟

وكمان هاي :
في واحد ساكن جديد بحارة فيها ساكنين 2 واحد منن كذاب وما بيحكي صدق بالمرة وال2 صادق وما بيكذب بالمرة بس الغريب ما بيعرف انو واحد منن الصادق وانو الكذاب وهو بدو يروح مشوار عن طريق معين هاد الصريق بيتفرع لاتجاهين واحد من الاتجاهين بينتهي بغابة فيها وحوش واذا فات عالغابة بموت والطريق ال 2 هو الطريق المزبوط بس مشان يعرف الطريق المزبوط لازم يسال واحد منن وين الطريق وهو ما بيعرف انو واحد الكذاب معو مجال يسأل سؤال واحد لشخص منن بس مشان يعرف لوين بدو يروح ؟؟؟ شو هوي السؤال ؟؟؟؟؟؟؟؟؟؟؟؟؟؟

كمان وحدة ؟؟؟؟
معك 10 شجرات بدك تزرعن ب خمس صفوف كل صف في لازم يكون 4 شجرات ؟؟؟؟ كيف ؟

حلولكون صحيحة
بس هاني داغر اكتشف حل السؤال الأول بطريقة جديدة

الطريقة الأسهل:
منطالع الجذور التربيعية للأعداد بيصير عنا سلسلة الأعداد الفردية مرتبة تنازليا
13-11-9-7-5 والرقم التالي 3
منربعو بيطلع معنا الحل 9

:سوريا:

طيب حلو هاي يا شاطرين :
تلات اشخاص فاتو على مطعم اكلو وخلصو وطلبو الحساب طلع حسابن 25 ليرة دفع كل واحد منن 10 ليرات وعطوهن للكرسون راح الكرسون لعند صاحب المحل وعطا ال 30 ليرة رجعلو صاحب المحل 5 ليرات وقلو رجعن للشباب قام هاد اخونا اخذ ليرتين لجيبتو ضل معو 3 ليرات رجع لكل واحد منن ليرة صار كل واحد دافع 9 ليرات مزبوط لهون ؟؟؟؟؟ طيب 9*3=27 وليرتين بجيبتو بصيرو 29 وين راحت الليرة هديك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟
فيا خدعة
بس سهلة
كل واحد دفع 9 ليرات مزبوط يعني المجموع 27
25 لصاحب المحل
و 2 بجيبة الكرسون

طيب بما انو معلمنا او اي
حل اول وحدة انا رح حل التانية

في واحد ساكن جديد بحارة فيها ساكنين 2 واحد منن كذاب وما بيحكي صدق بالمرة وال2 صادق وما بيكذب بالمرة بس الغريب ما بيعرف انو واحد منن الصادق وانو الكذاب وهو بدو يروح مشوار عن طريق معين هاد الصريق بيتفرع لاتجاهين واحد من الاتجاهين بينتهي بغابة فيها وحوش واذا فات عالغابة بموت والطريق ال 2 هو الطريق المزبوط بس مشان يعرف الطريق المزبوط لازم يسال واحد منن وين الطريق وهو ما بيعرف انو واحد الكذاب معو مجال يسأل سؤال واحد لشخص منن بس مشان يعرف لوين بدو يروح ؟؟؟ شو هوي السؤال ؟؟؟؟؟؟؟؟؟؟؟؟؟؟

وحدة متلها تقريبا انسألت قبل بمرة
المهم
بيسال واحد منهون اذا سألت رفيقك من انو طريق لازم روح شو بقلي؟
مين ما سأل منهون رح يقلو
رح يقلك روح من الطريق 1
فهو بروح من الطريق تنين

بما انو الشباب حلو التنتين الاولانيات

التالتة منحطن بشكل نجمة خماسية بكل ضلع من ضلوعا اربع شجرات :سوريا:

حل النجمة مزبوط بس حل ال2 الباقي مو مزبوط وخصوصا الاولى تبع الكرسون لانن دفعو 30 ليرة ؟؟؟؟

طيب حلو هاي يا شاطرين :
تلات اشخاص فاتو على مطعم اكلو وخلصو وطلبو الحساب طلع حسابن 25 ليرة دفع كل واحد منن 10 ليرات وعطوهن للكرسون راح الكرسون لعند صاحب المحل وعطا ال 30 ليرة رجعلو صاحب المحل 5 ليرات وقلو رجعن للشباب قام هاد اخونا اخذ ليرتين لجيبتو ضل معو 3 ليرات رجع لكل واحد منن ليرة صار كل واحد دافع 9 ليرات مزبوط لهون ؟؟؟؟؟ طيب 9*3=27 وليرتين بجيبتو بصيرو 29 وين راحت الليرة هديك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟
حبيبي انت بتحسب الليرتين اللي اخدهم الكارسون مرتين
مره لما الت انو التلاته دفعوا 27 ليره وهما معهم 3 ليرات الباقي ومن 27 ليره اخد صاحب المطعم
25 ليره والكارسون ليرتين يعني مو يحقلك تجمع 27 ليره (اللي فيهم الليرتين تبع الكارسون) مع الليرتين تبع الكارسون تاني.:adal:

حل النجمة مزبوط بس حل ال2 الباقي مو مزبوط وخصوصا الاولى تبع الكرسون لانن دفعو 30 ليرة ؟؟؟؟
حل المسالة التانية مزبوط

بس الاولى ماني مقتنع في كتير اسعتني عم فكر

شو يا شباب وين صرنا

خلص ولو golan hights حط حل هالمسالة خلينا نشتغل بشي تاني

يللا :سوريا:

تلات اشخاص فاتو على مطعم اكلو وخلصو وطلبو الحساب طلع حسابن 25 ليرة دفع كل واحد منن 10 ليرات وعطوهن للكرسون راح الكرسون لعند صاحب المحل وعطا ال 30 ليرة رجعلو صاحب المحل 5 ليرات وقلو رجعن للشباب قام هاد اخونا اخذ ليرتين لجيبتو ضل معو 3 ليرات رجع لكل واحد منن ليرة صار كل واحد دافع 9 ليرات مزبوط لهون ؟؟؟؟؟ طيب 9*3=27 وليرتين بجيبتو بصيرو 29 وين راحت الليرة هديك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟

انا بحلها
هلق انت قلت 9*3 = 27
هالرقم هاد 27 هني دافعينو يعني 25 الحساب +2 اللي شفطهون الغرسون
يعني هلق بعد ما رجعولهون ال 3 ليرات للشباب
العدد 30 انتهى ما عاد الو وجود
والعدد صار 30-3= 27 ليرة
واللي هوي بيطلع معنا من العملية 9*3=27
مافينا نجمع 27 + 2
لان الليرتين من صارو من اصل العدد 27

كيف الشباب...
هالمرة السؤال عليي

عندي سؤالين مشّو حالكون فيون (لحتى نلاقي شي مسألة بتستاهل)

1- ما العدد الذي يجب ان يتلو في هذه السلسلة العددية : 169 - 121 - 81 - 49 - 25 - __ ؟

2-ما العدد الذي لا ينتمي للسلسلة التالية : 2-3-6-7-8-14-15-30

لنشوف مين رح يحلون بالأول
السؤال الاول:
هيدي اسلسلة من مربع العدد المفرد على التوالي يعني
25 مربع العدد 5
49 مربع العدد 7
81 مربع العدد 9
121 مربع العدد 11
169 مرع العدد 13
يعني المفروض العدد اللذي يتلو في هذه السلسلة هو
225 مربع العدد 15
السؤال الثاني:
العدد الدخيل هو 8
لانه نضيف للعدد 1 ثم نضرب ب 2
2+1=3 3*2=6
6+1=7 7*2=14
14+1=15 15*2=30

يا ستي يطعمك الحج والناس راجعة
هدول انحلو

اذا عندك مسالة جديدة علواه لو بتحطيا :سوريا:

انا بحلها
هلق انت قلت 9*3 = 27
هالرقم هاد 27 هني دافعينو يعني 25 الحساب +2 اللي شفطهون الغرسون
يعني هلق بعد ما رجعولهون ال 3 ليرات للشباب
العدد 30 انتهى ما عاد الو وجود
والعدد صار 30-3= 27 ليرة
واللي هوي بيطلع معنا من العملية 9*3=27
مافينا نجمع 27 + 2
لان الليرتين من صارو من اصل العدد 27
سبقتك وحلتها :jakoush: :jakoush: :jakoush: :jakoush: :jakoush:
حبيبي انت بتحسب الليرتين اللي اخدهم الكارسون مرتين
مره لما الت انو التلاته دفعوا 27 ليره وهما معهم 3 ليرات الباقي ومن 27 ليره اخد صاحب المطعم
25 ليره والكارسون ليرتين يعني مو يحقلك تجمع 27 ليره (اللي فيهم الليرتين تبع الكارسون) مع الليرتين تبع الكارسون تاني.:adal:

مسالة جديدة

جمل يريد حمل 3000 تفاحة مسافة 1000 كم .
حيث :
1- ان اكبر حمو له للجمل هي 1000 تفاحه للحمله الواحده.
2- اذا قطع الجمل 1 كم لابد ان يأكل تفاحة . ( بدل بنزين )
ماهو اكبر عدد من التفاح ممكن ان يصل به الجمل وفقاً لهذه الشروط

يللا لنشوف

انفضو غبار النوم وحركو ادمغتكن شوي :p :سوريا:

سبقتك وحلتها

اي اي انا بس حبيت اشرحها اكتر
مشان يفهموها اكتر :p

مسالة جديدة

جمل يريد حمل 3000 تفاحة مسافة 1000 كم .
حيث :
1- ان اكبر حمو له للجمل هي 1000 تفاحه للحمله الواحده.
2- اذا قطع الجمل 1 كم لابد ان يأكل تفاحة . ( بدل بنزين )
ماهو اكبر عدد من التفاح ممكن ان يصل به الجمل وفقاً لهذه الشروط

يللا لنشوف

انفضو غبار النوم وحركو ادمغتكن شوي


يا سيدي طلع معي انو بكل مرة عم ياكل 3 تفاحات
يعني روحة رجعة عم ياكل 6

اول روحة ورجعة اكل 6
تاني روحة ورجعة اكل 6
ورحة اكل 3
يعني 15 تفاحة
3000 - 15 =2985 تفاحة

يا سيدي طلع معي انو بكل مرة عم ياكل 3 تفاحات
يعني روحة رجعة عم ياكل 6

اول روحة ورجعة اكل 6
تاني روحة ورجعة اكل 6
ورحة اكل 3
يعني 15 تفاحة
3000 - 15 =2985 تفاحة
اعتقد ان المساله مو بهالسهوله.لانو بياكل تفاحه كل كيلو والمسافه الف كيلو.

ايوااااااااااا
انا فهمتها غليط لكن
فكرت كل 1000 كيلو بياكل تفاحة

اي معلم بوصل ما معو ولا تفاحة

درجات السلم (189-156+18)(2+5)-433
يلا بلا بياختي مسحنا البقية

ياخي برافو عليك

السؤال الاول:
هيدي اسلسلة من مربع العدد المفرد على التوالي يعني
25 مربع العدد 5
49 مربع العدد 7
81 مربع العدد 9
121 مربع العدد 11
169 مرع العدد 13
يعني المفروض العدد اللذي يتلو في هذه السلسلة هو
225 مربع العدد 15
السؤال الثاني:
العدد الدخيل هو 8
لانه نضيف للعدد 1 ثم نضرب ب 2
2+1=3 3*2=6
6+1=7 7*2=14
14+1=15 15*2=30
صح ..بس السؤالين انحلو

مسالة جديدة

جمل يريد حمل 3000 تفاحة مسافة 1000 كم .
حيث :
1- ان اكبر حمو له للجمل هي 1000 تفاحه للحمله الواحده.
2- اذا قطع الجمل 1 كم لابد ان يأكل تفاحة . ( بدل بنزين )
ماهو اكبر عدد من التفاح ممكن ان يصل به الجمل وفقاً لهذه الشروط

يللا لنشوف

انفضو غبار النوم وحركو ادمغتكن شوي :p :سوريا:
جوابي: 666
اذا مزبوط .. بحط الشرح بعدين

شباب تنويه بسيط
انا ما بعرف شو جواب هالمسالة :oops:
لانو ما لحقت فكر فيا طلعت معي بالبحبشة دغري وحطيتا مشان ما يموت الموضوع
فاللي بيلاقي طريقة لحلا يحط الطريقة دغري وما ينطر ليعرف اذا الجواب صح او لاء :سوريا:

:shock:
طيب انا رح حط طريقة الحل

بياخد اول نقلة 1000 تفاحة ل تلتين المسافة (667 كم) بيبقى معو 333 تفاحة
بيرجع تاني نقلة كمان نفس الشي ................................ بيبقى 333 تفاحة
والتالتة.................................. ........................................ 333 تفاحة

هيك بيكون وصل لمسافة 667 كم ومعو 999 تفاحة
بيحملون المسافة الباقية (333 كم) بياكل منون 333
بيبقى معو 666 تفاحة وهوي اكبر عدد ممكن يوصلو

(وفي طريقة تانية انو يوصل لمسافة 666 كم وبعد 3 نقلات بيبقى 1002 تفاحة
بياخد منون 1000 للمسافة الباقية (334) ونفس الشي بيوصل 666 تفاحة)

واي شي بيصعب عليكون تعو لعندي ... (هادا اللي مادد لسانو)

:سوريا:

شو أبو الهن شلون بتحط مسألة ما بتعرف حلها :p
وشو معلم OA ليش معزب حالك هيك وما وصل معك غير 666 تفاحة :lol:
الحل الأفضل هو :
أنو ياخد أول نقلة 1000 تفاحة بيوصلون لنص المسافة بيبقو 500 تفاحة
وبيرجع بياخد 1000 تفاحة ولما بيصل لنص المسافة بيبقو 500 تفاحة
وهيك بيكون صار بنص المسافة 1000 تفاحة بيحملون مسافة 250 كم يعني تلت رباع المسافة
وبيبقو 750 تفاحة .
هلأبيرجع بيجيب اّخر 1000 تفاحة ولما بيصل لتلت رباع المسافة بيبقو 250 بيحمل معون ال 750
وبيكمل لاّخر المسافة وبهالحالة بيبقو (( 750 )) تفاحة :gem:
ويلي بيوصل لاّخر المسافة بأكتر من 750 يعطينا الحل :clap:
وأي شي بيصعب عليكون روحوا لعند OA ..(مين أصدك يلي مادد لسانو ):blow:

تاريك مو هين..

انا وصلت 666 تفاحة ما بيشكو من شي

المهم انا اوحيتلك بالفكرة :jakoush:

و بعترف انو حلي طلع غلط..

وأي شي بيصعب عليكون روحوا لعند OA
اي تعو لعندي وانا ببعتكون لعند عادل
(بعتقد هيك مشي الحال....كيفني معك..)

قلتلكن انا حطيت المسالة مشان الموضوع ما يموت

انا فكرت بطريقتك عادل بس فكرت انو بطريق الرجعة لازم ياكل تفاح كمان
يعني وصل لنص الطريق وبدو يرجع فلازم هوي وراجع ياكل تفاح كمان

ما بعرف شو رايكن ؟:سوريا:

رايي من رايك مشان كده قلت ان المسأله معقده .
ومحتاجه لشيء اضافي مشان تنحل.

قلتلكن انا حطيت المسالة مشان الموضوع ما يموت

انا فكرت بطريقتك عادل بس فكرت انو بطريق الرجعة لازم ياكل تفاح كمان
يعني وصل لنص الطريق وبدو يرجع فلازم هوي وراجع ياكل تفاح كمان

ما بعرف شو رايكن ؟:سوريا:
شو هالحكي معقول هاني هيك عم تفكر ولا عم تمزح :shock:

تاريك مو هين..

انا وصلت 666 تفاحة ما بيشكو من شي

المهم انا اوحيتلك بالفكرة :jakoush:

و بعترف انو حلي طلع غلط..


اي تعو لعندي وانا ببعتكون لعند عادل
(بعتقد هيك مشي الحال....كيفني معك..)
على راسي أبو الشباب :سوريا:
وشكرا على ردك اللطيف و أحييك على روحك الرياضية :gem:

رايي من رايك مشان كده قلت ان المسأله معقده .
ومحتاجه لشيء اضافي مشان تنحل.
المسألة محتاجة لواحد متلك يحلها :lol:

شو هالحكي معقول هاني هيك عم تفكر ولا عم تمزح :shock:

لاء عنجد لانو نص المسالة بيقلك كل ما مشي 1 كم بدو ياكل تفاحة طيب وهوي عم يمشي بطريق الرجعة

الحل هو 119
لانه لازم يكون من مضاعفات الخمسة+4
ويكون من مضاعفات السبه الي بتنتهي ب9

الحل هو 119
لانه لازم يكون من مضاعفات الخمسة+4
ويكون من مضاعفات السبه الي بتنتهي ب9

عن اي مسالة عم تحكي انتي :?

الحل هو 119
لانه لازم يكون من مضاعفات الخمسة+4
ويكون من مضاعفات السبه الي بتنتهي ب9

لك هي قصدها على اول مسألة .. تبع السلم :lol:

الظاهر شافت الصفحة الاولى وبس !! ... :سوريا:

حلوة هاي
كلكون هيك يا بنات
ما بيطلع معكون شي :p

المسألة محتاجة لواحد متلك يحلها :lol:
اول ما قريت تعليقك .مت على نفسي من الضحك.:lol: :lol: :lol:
عنجد بامانه.
بس انا فعلا معايا الحل.
خمسمائه واثنين وثلاثين تفاحه فقط لا غير.(532 تفاحه)

اول ما قريت تعليقك .مت على نفسي من الضحك.:lol: :lol: :lol:
عنجد بامانه.
بس انا فعلا معايا الحل.
خمسمائه واثنين وثلاثين تفاحه فقط لا غير.(532 تفاحه)
ممكن تشرحلنا الطريقة أبو حميد :سوريا:

طبعا
بس تعتذر الاول:p :p :p

طبعا
بس تعتذر الاول:p :p :p
أنا بانتظارك :p

ايه الاعتذار الغريب ده
يلا مش مهم .استلم مني الحل.

ينقل كل مره 1000 تفاحه لمسافه 1 كيلو ثم يرجع لينقل 1000 تفاحه ثم يرجع لنقل 1000 الاخيره
وبذلك يكون نقل 3000 تفاحه مسافه 1 كيلو.وبذلك يكون فقد 5 تفاحات لانو مشي ذهابا وعوده 5 كيلو.ويكرر نفس الموضوع في نقل الكميه على ثلاث مراحل حتى ياكل الجمل الف تفاحه بالكمال والتمام.وذلك عندماينقل التفاح مسافه 200 كيلو ويكون باقي معه 2000 تفاحه.
من هذه اللحظه يقوم بنقل التفاح على مرتين بدلا من ثلاث مراحل لكل 1 كيلو وياكل خلالها الجمل
3 تفاحات لكل كيلو.بدل من 5 تفاحات لكل كيلو .
ويستمر على ذلك لمسافه 334 كيلو .يكون فقد خلالها 1002 تفاحه.ويتبقي معه 998 تفاحه ينقلهم مره واحده لمسافه 466 كيلو (ناتج من 1000-(200+334)) ياكل الجمل من 998 تفاحه
466 تفاحه (كل كيلو تفاحه) ويصل في النهايه532 تفاحه.

هل من مبارز:gem: :gem: :gem: :gem:

شفلي هالحل اذا صح لاني ما اقتنعت بحلك
اول شي بينقل التفاحات على 3 دفعات مسافة 100 كلم
وهيك بيكون خسر 500 تفاحة لانو مشي الطريق 5 مرات
وبعدين بينقل التفاحات مسافة 300 كلم على3 دفعاتوبيخسر بهالعملية 1500 تفاحة
وبيزيد من الطريق مسافة 600 كلم وبيزيد من التفاح1000 تفاحة
= انو بيمشي 600 كلم وبيخسر 600 تفاحة من ال1000
وبيزيد معه 400 تفاحة